ཧི་མ་ལ་ཡའི་འཕྲུལ་སྨྱུག

སངས་རྒྱས་༼པའི་༽ཆོས་གཞུང་ནས་བཤད་པའི་འཇིག་རྟེན་སྣོད་བཅུད་གཉིས་ཀྱི་རྣམ་གཞག་ལ། མངོན་པ་གོང་འོག་གི་ལུགས། ས་སྡེ་ལྔའི་ལུགས། འཇིག་རྟེན་གདགས་པའི་ལུགས། སངས་རྒྱས་རྨད་བཅད་ཀྱི་ལུགས། མཁའ་འགྲོ་རྒྱ་མཚོའི་ལུགས། དུས་ཀྱི་འཁོར་ལོའི་ལུགས་སོགས་རྣམ་གཞག་ཕྲན་ཚེགས་མི་འདྲ་བ་མང་པོ་ཞིག་ཡོད་པར་གྲགས་ཀྱང༌། སྤྱིའི་ཆ་ནས་བཤད་ན་མངོན་པའི་ལུགས་དེས་མ་ཁྱབ་པ་དང་མ་འཐུས་པ་གང་ཡང་མེད། ༼ཅེས་པ་དེ་ཡང་མ་ངེས་པའི་གཏན་ཚིག་ཅིག་ཡིན་ཏེ། ཟ་མ་ཏོག་བཀོད་པའི་མདོ་ལས། སྣོད་བཅུད་ཐམས་ཅད་སྤྱན་རས་གཟིགས་ལས་བྱུང་བར་གསུང་བ་ལ་སོགས་པས་སོ།།

དེ་ལས་མང་བ་། “སྤྱིའི་ཆ་ནས་མངོན་པའི་ལུགས་དེས་མ་འཐུས་པ་གང་ཡང་མེད་པའི་སྐོར།” »

དྲང་པོའི་གཏམ་གྱི་གཉའ་ནས་མི་གནོན་ཞིང༌།།
ལོག་པར་སྨྲ་བ་ཡལ་བར་མི་འདོར་བ།།
མདའ་སྨྱུག་རང་གི་དམ་ཚིག་དང་པོ་སྟེ།།
སྲོག་ལ་བབ་ཀྱང་འབད་པས་སྲུང་བར་ངེས།།

དེ་ལས་མང་བ་། “ཚ་སྨྱུག་པའི་རྩོམ་པར་དམ་བཅའ་དང་འབྲེལ་བའི་དོན་གནད་ཀྱི་སྐོར། ཧི་མ་ལ་ཡའི་འཕྲུལ་སྨྱུག” »

འདས་པའི་ཉིན་འགའ་ཞིག་གི་སྔོན་དུ་བོད་མིའི་སྒྲིག་འཛུགས་ཀྱི་བཀུར་འོས་སྤྱི་འཐུས་རྣམས་ཚོགས་ཆུང་ཁག་བགོས་ཀྱིས་རྒྱ་གར་གྱི་མངའ་སྡེ་མང་པོའི་ནང་རྒྱ་གར་གཞུང་མང་གཉིས་ལ་བོད་དོན་རྒྱབ་སྐྱོར་ཡོང་ཐབས་ཞུ་སྐུལ་འདྲ་མིན་གནང་ཡོད་པ་དང༌། ཕྱོགས་གཞན་ཞིག་ནི་རྒྱ་དམར་གྱིས་བོད་བཙན་བཟུང་བྱས་ནས་བོད་ཙམ་མ་ཡིན་པར་རྒྱ་གར་ལའང་ཉེན་ཁ་ཇི་འདྲ་ཐེབས་བཞིན་ཡོད་མེད་དྲན་སྐུལ་ཡང་གནང་ཡོད་པ་རེད།

དེ་ལས་མང་བ་། “བཀའ་སྤྱི་གཉིས་ཀྱིས་རྒྱ་གར་ལ་ཅིའི་ཕྱིར་བོད་དོན་རྒྱབ་སྐྱོར་འཚོལ་བཞིན་ཡོད། འབའ་པ་ཡེ་ཤེས། དྷ་ས།” »

བསྟན་འཛིན་ཉིན་བྱེད་ཀྱིས་བརྩམས། འཇམ་དབྱངས་གྲགས་པས་བསྒྱུར།
—-དགེ་འདུན་ཆོས་འཕེལ་དང་དོན་གྲུབ་རྒྱལ་གཉིས་ལ་ཅུང་ཙམ་དཔྱད་པ།

མི་རིགས་ཤིག་གི་ཚེ་སྲོག་དེ་མི་རིགས་དེའི་ལོ་རྒྱུས་དང་། རིག་གནས། རྩོམ་རིག ཆོས་ལུགས། སྒྱུ་རྩལ་བཅས་ཀྱི་ཐོག་གནས་ཡོད། འདི་ཚོ་རྒྱ་གར་ནང་གི་བོད་ཀྱི་སློབ་གྲྭ་ཁག་ཏུ་སློབ་ཀྱིན་ཡོད་མོད། བོད་པའི་སློབ་མ་དེ་དག་གི་དོ་སྣང་བྱེད་སྟངས་ལ་བལྟས་ཏེ་བཤད་ན་ཡར་སྐྱེད་ཆེན་པོ་ཕྱིན་མེད།

དེ་ལས་མང་བ་། “སྨོན་འོས་པའི་བླ་སྲོག” »

རྡོ་རྗེ་རྒྱལ་མཚན།

ཐོག་མར་གླེང་གཞི་དང་འབྲེལ་བའི་གཏམ།
དེ་ཡང་འཇམ་དཔལ་རྩ་རྒྱུད་ལས། ང་ནི་མྱ་ངན་འདས་འོག་ཏུ། །ལོ་ནི་བཞི་བརྒྱ་ལོན་པ་ན། །བསྟན་པ་འདི་ལ་ཕན་སེམས་པ། །དགེ་སློང་ཀླུ་ཞེས་བྱ་བ་འབྱུང་། །རྨ་བྱ་ཞེས་བྱའི་རིགས་པ་སྒྲུབ། །ཁམས་དོན་བསྟན་བཅོས་དུ་མ་དང་། །དངོས་མེད་དོན་གྱི་དེ་ཉིད་རིག། །ལོ་ནི་དྲུག་བརྒྱ་འཚོ་བར་འགྱུར། །ལུས་འདི་བོར་བར་འགྱུར་ནས་ནི། །བདེ་བ་ཅན་དུ་འགྲོ་བར་འགྱུར། །དེ་ཡི་རྗེས་ཐོག་ཉིད་དུ་ནི། །སངས་རྒྱས་ཉིད་དུ་ངེས་པར་གྲོལ། །ཞེས་དང་། འཕགས་པ་སྤྲིན་ཆེན་པོའི་མདོ་དང་རྔ་བོ་ཆེའི་མདོ་ལ་སོགས་པ་རྣམས་ནས་ཀྱང་ལུང་གིས་ཟིན་པའི་དཔལ་མགོན་འཕགས་པ་ཀླུ་སྒྲུབ་ནི།

དེ་ལས་མང་བ་། “དབུ་མ་རིག་པའི་ཚོགས་ཀྱི་གྲངས་ངེས་ལ་དཔྱད་པ།” »

གཉན་གཡག་ཕྲུག་གིས་བསྡུ་བསྒྲིགས་བྱས།

བོད་མིས་ཉ་ཟས་སྤྱོད་མིན་སྐོར་གྱི་གནད་དོན་ཐད་བཞེད་པ་མི་མཐུན་པ་ཕྱོགས་ཆེ་བ་གཉིས་འདུག་སྟེ། གཅིག་ནི་མདོ་དབུས་མཐོ་སྒང་ནི་བསིལ་བའི་ལྗོངས་ཡིན་པས་ཉ་རིགས་སོགས་འཚོ་རྐྱེན་མེད་ཅིང་དེར་འཚོ་སྡོད་བྱེད་པའི་མི་རྣམས་ལ་ཉ་ཟས་སྤྱོད་པའི་གོམས་སྲོལ་ཡང་མེད་པར་འདོད་པ་དང་། གཉིས་ནི་བོད་གདོད་མའི་ཞང་ཞུང་མི་རྣམས་ཀྱིས་ཉ་ཟས་སྤྱོད་པ་ཡིན་མོད། ཕྱིས་སུ་ནང་བའི་ཆོས་ལུགས་བོད་དུ་དར་བ་ནས་བཟུང་རིམ་བཞིན་ཉ་ཟས་སྤྱོད་པའི་གོམས་སྲོལ་ཡང་ཉམས་སོང་བར་འདོད་པ་དེ་རེད།

དེ་ལས་མང་བ་། “བོད་མིས་ཉ་ཟས་སྤྱོད་མིན་གྱི་དཔྱད་བརྗོད།” »

སྤོབས་པ་མཐའ་ཡས།

• ལོ་གསར་གྱི་གལ་ཆེའི་རང་བཞིན་གླེང་བ།
• ལོ་གསར་ནི་ང་ཚོའི་གཅིག་གྱུར་མཚོན་རྟགས་ཤིག་ཡིན།
• ལོ་གསར་མི་གཏོང་བ་ནི་རིག་གཞུང་རང་སྲེག་ཡིན།
• ཆོས་སྲིད་བྱེད་སྒོ་རྐྱང་པས་ལོ་གསར་གྱི་ཚབ་བྱེད་མི་རུང་།
• ལོ་གསར་མེད་པ་ནི་རྒྱལ་གཅེས་དཔའ་བོའི་དགོངས་བཞེད་མིན།
• ལོ་གསར་གོ་མ་མྱོང་བའི་བོད་ཀྱི་མི་རབས་གསར་པ།
• ལོ་གསར་ནི་ནོར་བུ་ཞིག་ཡིན།

དེ་ལས་མང་བ་། “ལོ་གསར་མི་གཏོང་བ་ནི་རིག་གཞུང་རང་སྲེག་ཡིན།” »

སྤྱི་ལོ་ ༢༠༡༣ ལོའི་ཟླ་ ༡ ཚེས་ ༡༣ ཉིན་ངའི་པར་དང་རྒྱལ་གཅེས་དཔའ་བོ་ཞིག་གི་སྐུ་པར་ལྷན་སྦྱར་གྱིས། ངས་མེར་བསྲེགས་བཏང་སྐོར་གྱི་དཀྲོག་གཏམ་ཞིག་ངོ་དེབ་དང་སྐད་འཕྲིན་ནང་ཁྱབ་བརྡལ་ཕྱིན་ཡོད། སྤྱིར་བཏང་མི་ངོ་མི་སྟོན་པའི་དྲ་འབུ་དག་གི་སྦྱོར་བ་སྣ་ཚོགས་ལ་ཡ་ལན་དང་གསལ་བཤད་བྱས་ནས་གླགས་འཁེལ་སྟངས་ཤིག་ཡོད་པ་མ་རེད་ལ། ད་ལྟའི་བར་དེའི་སྐོར་ལ་བརྩོན་པའང་བསྐྱེད་མྱོང་མེད། ལྷག་པར་མི་ཞིག་ཡིན་ཕྱིན་ལེགས་ཉེས་ཀྱི་ཆ་ཟུང་ལྡན་ཡིན་པ་དང་། དེ་ལུགས་ཀྱི་སྐད་ཆའང་སྣ་ཚོགས་གོ་དགོས་པ་ལོས་ཡིན་སྙམ་ནས་ཡ་ལན་བྱེད་ཀྱིན་མེད་པ་མ་གཏོགས་ཚོར་བ་མེད་པའི་རྡོ་ལྟ་བུ་ཞིག་ག་ལ་ཡིན།

དེ་ལས་མང་བ་། “ངའི་སྐོར་ལ་གསལ་བཤད་དང་བསྒྲགས་གཏམ། བོན་རྒྱ་བསྟན་འཛིན་རབ་རྒྱས།” »

ཤར་ཕྱོགས་ཁུག་རྟ།

༄༅།། ཤེས་རིག་ལས་ཁུངས་ནས་གོ་སྒྲིག་ཞུས་པའི་འཚོགས་མ་ཐག་པའི་བོད་རིགས་དགེ་རྒན་གྱི་ཚོགས་ཆེན་ཐེངས་དང་པོའི་ཚོགས་ཆུང་རེ་རེའི་སྙན་ཐོ་སོགས་མིག་སོན་མ་བྱུང་ཡང་། དུས་བབ་གསར་འགོད་པས་གནད་འགག་ལ་དོ་འཁུར་ཆེན་པོས་ཚོགས་ཆེན་དང་པོའི་གནས་ཚུལ་སྐོར་གསར་འགྱུར་འཐུས་ཚང་གསུམ་བཟོས་པ་དེར་ལྟ་སྐབས། བཙན་བྱོལ་བོད་མིའི་ཤེས་རིག་གི་གཞུང་ལམ་ཉིད་ནི་གཏན་འབེབས་གྲུབ་པའི་ཤེས་ཡོན་སྲིད་བྱུས་གསར་པར་ཕལ་ཆེར་སྤྱི་མོས་ཡོད་པ་འདྲ་བའི་ཚོར་སྣང་བྱུང་།

དེ་ལས་མང་བ་། “སྐར་ལྔའི་དར་དམར་འོག་གི་འོད་སྣང་།” »

ལེགས་བཤད།

ཁྱད་པར་དུ་ཕར་ཕྱིན་ཐ་མ་གཉིས་ལ་བསླབ་ཚུལ་སྐབས། ཞི་གནས་སྐོར་གཙོ་བོར་འཕགས་པ་ཐོགས་མེད་ཀྱི་ལུགས་དང་ལྷག་མཐོང་སྐོར་གཙོ་བོར་འཕགས་པ་ཀླུ་སྒྲུབ་ཀྱི་ལུགས་གཙོ་བོར་འཛིན་དགོས་པ་ཡིན། སྤྱིར་སེམས་མི་རྟོག་པར་སྐྱོང་བའི་ཞི་གནས་ཙམ་ཞིག་ཕྱི་རོལ་བ་ལ་ཡོད་ཀྱང་བདག་མེད་པའི་ལྟ་བ་དང་འབྲེལ་བའི་ཞི་ལྷག་ཟུང་འབྲེལ་བསྒྲུབ་ཚུལ་སྐབས་འདིའི་བརྗོད་བྱ་གཙོ་བོ་ཡིན། ཞི་གནས་སྒོམ་པའི་རྟེན་ནི། ངན་སོང་གསུམ་དང་སྒྲ་མི་ཉན་པ། འདུ་ཤེས་མེད་པ་བ། ཆོས་སྤོང་དང་མཚམས་མེད་ཀྱི་ལས་སྟོབས་ལྡན། ལྷ་མ་ཡིན། ཟ་མ་མ་ནིང་དང་མཚན་གཉིས་པ་སོགས་ཀྱི་ལུས་རྟེན་ལ་དངོས་གཞི་དང་ཉེར་བསྡོགས་གང་ཡང་མི་སྐྱེ།

དེ་ལས་མང་བ་། “ལམ་རིམ་གསུང་ཆོས་སྐབས་ཀྱི་ཞི་ལྷག་སྐོར་ཟིན་བྲིས།” »

ལོ་ཐོ་ནི་བོད་ཀྱི་ས་ཁུལ་ཡོངས་ལ་ཐུན་མོང་དུ་སྤྱོད་སྲོལ་ཡོད་ཅིང་ཞིང་འབྲོག་སོ་ནམ་གྱི་བྱ་གཞག་ཐམས་ཅད་དེ་ལ་བརྟེན་ནས་ལག་ལེན་བྱེད་ཀྱི་ཡོད། དེང་དུས་ཆེས་དར་སྲོལ་ཆེ་བའི་བསྒྱུར་བགོས་འཕྲི་སྣོན་གྱི་ཨང་རྩིས་རིག་པས་གཏན་ལ་ཕབ་པའི་ལྔ་བསྡུས་དང་། གཟའ་ལྔའི་རི་མོ་ལ་བརྟེན་ནས་དུས་བཞིའི་འགྱུར་བ་དང་། ཐན་ཞོད་ཡོད་མིན། དཀར་ལོ་ལེགས་ཉེས། འབྲུ་བཅུད་འཕེལ་མིན། ཟོག་དུས་བཟང་ངན། རྨོ་བརྐོ་སོ་ནམ་གྱི་དུས་ཚིགས་བརྟག་པ། ཉི་ཟླ་གཟའ་འཛིན་ལ་སོགས་པ་གཙོ་བོའི་བརྟག་གཞིར་གྱུར་བའི་ལོ་ཐོ་འདི་ནི་རབ་བྱུང་དང་པོའི་མེ་ཡོས་སྤྱི་ལོ་༡༠༢༧ལོར་དཔལ་དུས་ཀྱི་འཁོར་ལོའི་གཞུང་བོད་ཡིག་ཏུ་བསྒྱུར་བའི་རྗེས་སུ་བྱུང་ཞིང་།

དེ་ལས་མང་བ་། “བོད་དུ་ལོ་ཐོ་ཐོག་མར་བྱུང་ཚུལ། གཉན་གཡག་ཕྲུག” »

དེང་གི་དུས་ཚོད་འདིར་མཚོན་ན། ཕྱིར་སྡོད་བོད་མི་བསམ་བློ་བ་དང་། འགོ་གཙོ་ཚང་མས་བཙན་བྱོལ་བོད་མིའི་སེམས་ཁམས་དང་། དམིགས་ཡུལ། རྒྱ་གར་གཞུང་གི་གནས་སྟངས་སོགས་ལ་བསམ་གཞིག་མ་བྱས་རང་བྱེད་རེད། རྒྱ་གཞུང་གིས་བོད་ཀྱི་སྲོལ་རྒྱུན་དང་། དེང་རབས་ཀྱི་འཕེལ་རྒྱས་སྐོར་གྱི་ཚགས་པར་དང་། གློག་བརྙན། ལོ་རྒྱུས་འདྲ་མིན་ཤར་ནུབ་ཀུན་ཏུ་ཁྱབ་བསྒྲགས་བྱེད་བཞིན་པ་དང་། ད་དུང་བོད་ནས་ཆེད་ལས་པ། རིག་གཞུང་། སྐད་ཡིག ནང་བསྟན། ཚན་རིག་པ་སོགས་གདན་འདྲེན་གྱིས་རྒྱལ་སྤྱིའི་འཁོར་ཡུག་ཡོངས་སུ་ཁྱབ་པའི་ལས་འགུལ་དང་། བོད་བརྒྱུད་དང་། རྒྱ་ནག་གི་ནང་ཆོས་དར་སྤེལ་བྱ་བའི་ཐབས་ལམ་འདིང་ངེས་རེད།

དེ་ལས་མང་བ་། “བོད་ཀྱི་འབྱུང་འགྱུར་ལ་རྒྱང་ལྟ་དྲུག་པ། ཨོ་རྒྱན་ཉི་མ།” »

འབྱུང་ཁམས་ཆུ།    ལོ་རྟགས་སྦྲུལ།   ཟླ་བ་འབྲུག    ཞག་པོ་སྤྲེལ་གྱིས་ཚེས་ལ་ཉེ་བའི་སྤྱི་ལོ་ཉིས་སྟོང་བཅུ་གསུམ་གྱི་གནམ་ལོ་འདི་ནི་རང་མི་རིགས་འདིའི་ཆབ་སྲིད་དར་རྒུད་ཀྱི་ལོ་རྒྱུས་ཁྲོད་ནས་ལྟོས་ན་ཆེས་གནད་འགག་རང་བཞིན་ཅན་གྱིི་ལོ་ཟླ་ཞིག་ལ་ཁེལ་ཡོད་པ་ཁྱེད་ཅག་གིས་དམིགས་འདུན་རྒོད་པོ་རྒྱང་ལ་བསྲིང་ཏེ་བློ་རིག་སྒྲེན་པོ་ནང་ལ་སྐོར་བཞིན་བསམ་གཞིགས་རྣལ་བའི་དོ་སྣང་རེ་བྱས་ཨེ་མྱོང་ཞེས་དྲི་གཞི་ཞིག་གིས་མགོ་བསླངས་ཏེ་སྐབས་སུ་བབས་པའི་བརྗོད་འདོད་པ་ནི།

དེ་ལས་མང་བ་། “མེ་ལྕེའི་སྟོབས་ཤུགས། ཆུ་སྦྲུལ་གྱི་གནམ་ལོ། སྐྲན་འབིགས།” »

མི་མང་པོ་ཞིག་གིས་རང་གི་རྣམ་རྟོག་གི་རྒྱུ་བར་ཚོད་འཛིན་ཐུབ་ཀྱི་མེད། རྣམ་རྟོག་ཚོད་འཛིན་མ་ཐུབ་པ་དེས་རང་ཉིད་ལ་སྡུག་བསྔལ་དང་། མ་བདེ་བ། སྐྱོ་སྣང་སོགས་སྤྲོད་བཞིན་ཡོད། དོན་དམ་པར་མི་རེ་རེར་ཚོར་ཤེས་ཀྱི་ནུས་པ་མ་འདྲ་བ་རེ་དང་། ནུས་པ་མ་འདྲ་བ་རེ་རེར་མྱོང་སྣང་མ་འདྲ་བ་རེ། དེས་བསྐྱེད་པའི་བདེ་སྡུག་མ་འདྲ་རེ་ཡོང་གི་ཡོད། རྣམ་རྟོག་གམ། ཚོར་ཤེས། ཤེས་པ། བློ་རིག ཀླད་རྩ། ཀླད་པའི་འགུལ་སྤྱོད་སོགས་མིང་གང་ཞིག་གིས་བསྙད་ཀྱང་རུང་མི་རེ་རེར་དབང་སྒྱུར་བྱེད་པའི་འདུ་ཤེས་རེ་རེ་ཡོད་པ་མངོན་གསལ་རེད། འདུ་ཤེས་དེ་དོན་དངོས་ཐོག་དེ་འདྲའི་དབང་ཤུགས་ཆེན་པོ་ཞིག་མིན།

དེ་ལས་མང་བ་། “འཚོ་བའི་རྣམ་རྟོག སེར་ཤུལ་རིན་ཆེན་དོན་གྲུབ།” »

རྒྱལ་བ་རིན་པོ་ཆེས་མཛད་པའི་རྡུལ་ཕྲན་གཅིག་ཁོ་ནའི་སྟེང་དུ་འཇིག་རྟེན་གྱི་སྔོན་གླེང་དུ་‘‘རྒྱ་གར་ལ་བཙན་བྱོལ་དུ་སླེབས་ནས་ལོ་མང་ཕྱིན་པའི་རྗེས་སུ། དགེ་འདུན་ཆོས་འཕེལ་ ་གྱིས་༡༩༤༠ནང་ལ་བོད་ཀྱི་ནང་པའི་མཁས་པ་ཚོར་སྤྲིངས་པའི་འཕྲིན་ཡིག་ཁ་གསལ་ཞིག་ངའི་ལག་ཏུ་འབྱོར་བྱུང་། ཁོང་གི་སྐབས་དེར་བོད་ཀྱི་མཁས་པའི་ཁྲོད་ལེགས་སྦྱར་གྱི་སྐད་ཙམ་མ་ཡིན་པར་ཨིན་ཡིག་ཀྱང་ཤེས་པའི་མཁས་དབང་ཁྱད་པར་བ་ཞིག་རེད་’’1ཅེས་གསུངས་ཡོད། སྤྱིར་བཏང་བཤད་ན་ང་ཚོས་དགེ་འདུན་ཆོས་འཕེལ་(1903–1951)ལགས་ཀྱིས་ཨིན་ཡིག་མཁྱེན་པར་ངོ་མཚར་གནང་དགོས་དོན་མེད་ནའང་། སྐབས་དེའི་སྤྱི་ཚོགས་དང་དུས་ཚོད་ལ་བསམས་ན་དམ་པ་ཁོང་ལ་བསྔགས་བརྗོད་གནང་འོས་པ་ཞིག་ཆགས་ཡོད།

དེ་ལས་མང་བ་། “དགེ་འདུན་ཆོས་འཕེལ་གྱི་རབ་བྱེད་གསར་པ།-སྙན་བཟང་གཡུང་དྲུང་ཚེ་རིང་།” »

ཁ་སང་དེ་རིང་བོད་སྤྱི་ཚོགས་ཁྲོད་ཀྱི་བུད་མེད་སྨྱུག་ཐོགས་པ་ཚོ་གླེང་གཞི་ཞིག་ལ་ཤི་འཐམ་རོ་འཐམ་ཀྱིས་བརྗོད་ཀྱིན་པ་དེ་ནི་བུད་མེད་ཀྱི་ཐོབ་ཐང་དང་བུད་མེད་ཀྱི་རིན་ཐང་སྐོར་རེད།  གླེང་གཞི་འདི་ནི་ནུབ་ཕྱོགས་སྤྱི་ཚོགས་སུ་དུས་རབས་བཅུ་དགུ་དང་ཉི་ཤུ་བའི་སྐབས་ནས་རྫོགས་ཚིག་བཀོད་ཟིན་པའི་སྤྱི་ཚོགས་ཀྱི་འོས་ལངས་ཆེན་པོ་ཞིག་རེད་ཅིང་། དུས་རབས་ཉེར་གཅིག་པའི་ནང་ལ་བོད་ཀྱི་བུད་མེད་ཀྱི་འཚོ་བ་དང་ཐོབ་ཐང་གི་སྐོར་ལ་སེམས་འཁུར་དང་གླེང་སློང་བྱེད་པའང་ས་འོག་ནས་ཆུ་མིག་བརྡོལ་བ་བཞིན་སྤྱི་ཚོགས་ཀྱི་གྲུ་ཟུར་རེ་རེ་ནས་ཇེ་མང་ནས་ཇེ་མང་དུ་གྱུར་སོང་།

དེ་ལས་མང་བ་། “སྐྱེས་མའི་གནས་སྟངས་ཐད་བཏོན་པའི་བསམ་ཚུལ། ཀླུ་དཀར་མོ།” »

སྤྱིར་ བཏང་དེང་གི་དུས་སུ་རྒྱ་བླ་ཞེས་བོད་རིགས་སྤུན་ཟླ་ཚོས་གཤེ་གཤེ་འདྲ་ཞིག་གཏོང་ གིན་འདུག འོན་ཀྱང་རྒྱ་བླ་ཞེས་པ་ག་འདྲ་ཞིག་དང་རྒྱ་བླའི་ལེགས་ཉེས་སོགས་ནི་གླེང་མཁན་ཧ་ ཅང་དཀོན་པས་དེ་རིང་བདག་གིས་རྒྱ་བླའི་སྐོར་རགས་ཙམ་གླེང་འདོད་བྱུང་།

དེ་ལས་མང་བ་། “རྒྱང་རིང་ནས་རྒྱ་བླ་གླེང་བ། ཨ་རིག་དགེ་མཐོང་།” »