ཆབ་ཚང་འཇམ་དཔལ།

སྔ་མའི་འཕྲོས། ལེ་ཚན་གཉིས་པ།

དང་པོ། འཛིན་གྲྭ་དབྱེ་བགོས་བྱེད་སྟངས།

            དེ་ཡང་ཕྱྭ་བ་ཆོས་ཀྱི་སེངྒེས་གསང་ཕུ་སྣེ་ཐོག་ཏུ་གཞུང་བཀའ་པོད་ལྔ་གར་སློབ་གཉེར་བྱེད་པའི་ལམ་སྲོལ་གསར་དུ་བཏོད་པ་དང༌། ལྷག་དོན་གཞུང་བཀའ་པོད་ལྔ་གར་སློབ་གཉེར་དཔྱིས་ཕྱིན་པ་ཡོང་ཆེད་འཛིན་གྲྭ་བགོ་བའི་ལམ་ལུགས་གསར་བཏོད་བྱས་ཏེ། འཛིན་གྲྭ་སོ་སོར་གཞུང་བཀའ་པོད་ལྔ་ག་ཆ་བགོས་དང༌། འཛིན་གྲྭ་སོ་སོའི་སློབ་ཡུན་གྱི་ལོ་ཚད་གཏན་འབེབས་སོགས་བྱས་པ་ནས་བཟུང་ལུགས་སྲོལ་འདི་བོད་ཀྱི་མདོ་དབུས་ཁམས་གསུམ་དུ་གནས་པའི་རྩོད་གྲྭའི་གདན་ས་ཕལ་མོ་ཆེར་དར་སྲོལ་ཆེན་པོ་བྱུང་ཡོད།
བློ་གླིང་གྲྭ་ཚང་འདིར་མཚོན་ན་

དེ་ལས་མང་བ་། “བྱེས་འཁོད་འབྲས་བློ་གླིང་གྲྭ་ཚང་གི་བོད་བརྒྱུད་ནང་བསྟན་གྱི་སྲོལ་རྒྱུན་བསླབ་གཞི་སྒྲིག་སྟངས་སྐོར་མཐོང་ཐོས་རགས་ཟིན།” »

ཨཱ་ཙཱརྱ་ཨག་ལོད་ཀྱིས།
 
ཡིད་སྐྱོ་བའི་གནས་ཚུལ་ཞིག་ལ། ཝཱཎ་དབུས་བོད་ཀྱི་ཆེས་མཐོའི་གཙུག་ལག་སློབ་གཉེར་ཁང་གི་སྒྲ་འགྱུར་སྡེ་ཚན་གྱི་འགན་འཛིན་ལོ་ཙཱ་བ་བློ་བཟང་ནོར་བུ་ཤཱསྟྲི་མཆོག་༢༠༡༨།༩།༢༡།ཞོགས་པའི་ཆུ་ཚོད་༧ཐོག་འདས་གྲོངས་སུ་ཕྱིན་འདུག

དེ་ཡང་ལོ་ཙཱ་བ་ཁོང་ནི་བོད་འདམ་གཞུང་དུ་སྐུ་འཁྲུངས་པ་དང་། 

དེ་ལས་མང་བ་། “ ཝཱཎ་སློབ་ཆེན་གྱི་ཀ་ཆེན་ཞིག་འགྱེལ་སོང་། ” »

ཆབ་ཚང་འཇམ་དཔལ།
 

ལེ་ཚན་དང་པོ།

དང་པོ། བོད་བརྒྱུད་ནང་བསྟན་གྱི་བསླབ་གཞི་སྤྱི་བཤད།

༄༅།། ཐོག་མར་བོད་བརྒྱུད་ནང་བསྟན་གྱི་བསླབ་གཞི་དང་ཐད་འབྲེལ་གྱི་བོད་བརྒྱུད་ནང་བསྟན་ནང་བཞུགས་པའི་རྒྱ་བོད་མཁས་པའི་གསུང་འབུམ་སྐོར་རགས་བསྡུས་ཤིག་ངོ་སྤྲོད་བྱས་ན། རྣམ་འདྲེན་བཞི་པའི་བཀའ་སྡེ་སྣོད་གསུམ་དང་རྒྱུད་སྡེ་བཞིའི་ནང་ཚན་ནས་བོད་དུ་འགྱུར་རོ་ཅོག་ཕྱོགས་གཅིག་ཏུ་བསྒྲིགས་པར་ (འདི་ལ་གླེགས་བམ་བརྒྱ་དང་གསུམ་ལྷག་ཡོད།) བཀའ་འགྱུར་དང༌། དེ་དག་གི་དགོངས་པ་འགྲེལ་པའི་བསྟན་བཅོས་བོད་དུ་འགྱུར་རོ་ཅོག་ཕྱོགས་གཅིག་ཏུ་བསྒྲིགས་པར་ (འདི་ལ་གླེགས་བམ་ཉིས་བརྒྱ་བཅུ་གསུམ་ཡོད།) བསྟན་འགྱུར་དུ་གྲགས། དེ་དག་ལས་སྐྱེས་རབས་དང༌། སྦྲངས་ཡིག སྒྲ་མདོ།

དེ་ལས་མང་བ་། “བྱེས་འཁོད་འབྲས་བློ་གླིང་གྲྭ་ཚང་གི་བོད་བརྒྱུད་ནང་བསྟན་གྱི་སྲོལ་རྒྱུན་བསླབ་གཞི་སྒྲིག་སྟངས་སྐོར་མཐོང་ཐོས་རགས་ཟིན།” »

རྔ་བ་རྒྱལ་ཁམས་པ།

རྡོ་གྲུབ་ཆེན་ཞེས་པའི་མཚན་གྱི་དོན་ནི། རྡོ་ཞེས་པ་རྡོ་གྲུབ་སྐུ་ཕྲེང་དང་བོ་འཇིགས་མེད་འཕྲིན་ལས་འོད་ཟེར་གྱི་འཁྲུངས་ས་མགོ་ལོག་རྡོ་ཡུལ་ཡིན་པས་རྡོ་དང་། གྲུབ་ཆེན་ཞེས་པ་ནི་བླ་མ་འདིས་སྟོད་ཧོར་གྱི་དམག་བཟློག་པས། དགའ་ལྡན་ཕོ་བྲང་བས་ཆེ་བསྟོད་དུ་སྩལ་བའི་མཚན་ཞིག་ཡིན་འདུག་པས། དོན་དངོས་ཐོག་རྡོ་གྲུབ་ཆེན་ཞེས་པའི་མཚན་དེ་བླ་མའི་འཁྲུངས་ཡུལ་དང་། རྒྱལ་བོའི་ཆེ་བསྟོད་གཉིས་ལས་གྲུབ་པའི་ལོ་རྒྱུས་ཀྱི་མཚན་གནས་དམིགས་བསལ་བ་ཞིག་རེད།

དེ་ལས་མང་བ་། “༅༅།། རྡོ་གྲུབ་ཆེན་རིན་པོ་ཆེ། ཚེ་དང་སྒྲུབ་པ་མཉམ་པའི་ལོ་རྒྱུས་ཀྱི་བླ་ཆེན་ཞིག།” »

རྩོམ་པ་པོ། མི་གསལ།
 
རྒྱའི་རྒྱལ་པོ་ཞིག་ཕྱིས་སུ་བོད་ཀྱི་ལོ་ཆེན་དུ་གྱུར་བ་ཁྱེད་ཀྱིས་ཤེས་སམ། བོད་ཀྱི་ཆོས་བསྒྱུར་ལོ་རྒྱུས་སྟེང་ང་ཚོས་ཁོང་ལ་ལྷ་བཙུན་ཆོས་ཀྱི་རིན་ཆེན་ཞེས་འབོད་དེ། རྒྱའི་རྒྱལ་རབས་སུང་ལྷོ་མ་ཡི་ཆེས་མཐའ་མཇུག་གི་རྒྱལ་པོ་དེ་ཡིན། ཁོང་ནི་སྤྱི་ལོ་1271 ལོར་ཡབ་ཏའོ་ཙུང་（度宗）དང་རྒྱལ་ཡུམ་རུས་ཆོན （全）་ཅན་གཉིས་ཀྱི་སྲས་འབྲིང་བར་འཁྲུངས་ཤིང་སྤྱི་ལོ་ 1274ལོར་རྒྱལ་བོའི་ཁྲིར་བཀོད་པས་མཚན་ལ་ཡང་སུང་གུང་ཏི་（宋恭帝）ཞེས་འབོད།

དེ་ལས་མང་བ་། “༄༅།།བོད་ཀྱི་ལོ་ཙྭ་བ་ཆེན་པོར་གྱུར་བའི་རྒྱ་ནག་གི་རྒྱལ་པོ་སུང་གུང་ཏི།” »

རྔ་བ་རྒྱལ་ཁམས་པ།
“ཀརྨ་ཐེག་གསུམ་ཆོས་ཀྱི་འཁོར་ལོའམ”། “ཀརྨ་ཐེག་གསུམ་ཆོས་གླིང”ཞེས་པའི་མཚན་འདི༧རྒྱལ་དབང་ཀརྨ་པ་སྐུ་གོང་མ་རིག་པའི་རྡོ་རྗེ་མཆོག་གིས་ཁོང་གིས་བཏབ་གནང་བའི་ཆོས་ཚོགས་ཁག་ལ་སྤྱི་ཐོག་ནས་སྩལ་གནང་བའི་མཚན་དོན་ཤིན་ཏུ་ལྗིག་ཁོག་ཆེ་བ་ཞིག་རེད། མཚན་གནས་འདིར༧རྒྱལ་དབང་ཀརྨ་པའི་དུས་གསུམ་གྱི་ཐུགས་བསྐྱེད་དང་སྨོན་ལམ།

དེ་ལས་མང་བ་། “༅༅།། ཀརྨ་ཐེག་གསུམ་ཆོས་གླིང་།” »

ཐེ་བོ་སངས་རྒྱས།
 
བོད་ཀྱི་བླ་མ་དག་གིས་ཡེ་ཤུ་བའི་བླ་ཆེན་པོབ་ཀྱི་གོས་བེར་ཀོ་ལཱོ་འདྲ་དང་། རྒྱ་ནག་དང་མན་ཇུའི་རྒྱལ་མོའི་ཞྭ་མོ་འདྲ་བ། གྷི་རི་སེའི་དམག་དཔོན་གྱི་ཞྭ་མོ་འདྲ་བ་དག་གྱོན། དེ་དག་ལ་ཐོབ་དང་གོ་སའི་མཚོན་དོན་གལ་བོ་ཆེ་རེ་ཡོད་པས་ཡིན་ནམ། ཞྭ་མོ་རེ་ལ་རྩོད་གཞི་ཛ་དྲག་ཅན་ལྷགས་པའང་གདའ། བླ་མ་རྣམ་པའི་ཆོས་ཀྱི་དབྱངས་རྟ་ལ་སེམས་ཆུང་

དེ་ལས་མང་བ་། “ཐང་ཧྲུའུ་རྩོམ་པ་པོའི་པོད་ཁུག་ལས།” »

སློང་མོ་བས་བྲིས།
 

བརྩམས་ཆོས་དང་རྩོམ་པ་པོའི་ལོ་རྒྱུས་སྙིང་བསྡུས།

དེ་ཡང་རྒྱ་ནག་གི་རྩོམ་པ་པོའི་ཁྲོད་དུ་བརྩམས་སྒྲུང་འདིའི་རྩོམ་པ་པོ་སུ་ཡིན་མིན་གྱི་སྐོར་ལ་བཤད་སྲོལ་མི་མཐུན་པ་དུ་མ་ཞིག་འདུག ལྷག་པར་དུ་མང་པོ་ཞིག་གིས་བརྩམས་སྒྲུང་འདི་ལ་རྩོམ་པ་པོ་གཉིས་ཡོད་རབས་བཤད། གང་ལྟར་བརྩམས་སྒྲུང་འདི་ནི་ཆིང་རྒྱལ་རབས་སྐབས་སུ་ཚའོ་ཤེང་ཆིན་（曹雪芹）གྱིས་ཐོག་མར་ལག་འབྲི་བགྱིས་ནས་ལེའུ་བརྒྱད་བཅུ་བརྩམས་ཤིང་ཕྱིས་སུ་གཱིང་ཨུར་（高鹗) དང་ཁྲིན་ཝེ་ཡོན་

དེ་ལས་མང་བ་། “ཐོག་ཁོང་དམར་པོའི་རྨི་ལམ།” »

ཁ་བ་ནག་པོ་ནས།

སིམ་འཛུལ།  ཨོ་སི་ཊི་ལི་ཡའི་རྒྱལ་ཁབ་ནང་རྒྱ་ནག་གི་ཤུགས་རྐྱེན།

ཉེ་ཆར་ཨོ་སི་ཊི་ལི་ཡའི་རྒྱལ་ཁབ་ནང་རྒྱ་ནག་གི་ཤུགས་རྐྱེན་ཆེན་པོ་སླེབས་ཡོད་པའི་སྐོར་གྱི་དཔེ་དེབ་སྐད་གྲགས་ཅན་ཞིག་པར་སྐྲུན་བྱུང་བ་རེད། དཔེ་དེབ་དེ་སྐད་གྲགས་ཆགས་དགོས་པའི་རྒྱུ་མཚན་གཙོ་བོ་ནི་དཔེ་དེབ་དེ་ཨོ་སི་ཊི་ལི་ཡའི་རྒྱལ་ཁབ་ནང་རྒྱ་ནག་གི་ཤུགས་རྐྱེན་སྐོར་བྲིས་པ་ཙམ་མ་ཡིན་པར། དཔེ་དེབ་པར་སྐྲུན་སྔ་རྗེས་ཀྱི་གནས་ཚུལ་མང་པོ་ཞིག་

དེ་ལས་མང་བ་། “དཔེ་དེབ་ངོ་སྤྲོད།” »

རེ་མདོ་སེངྒེས་འོས་སྦྱོར་བྱས།

༄༅།། ཕྱི་ལོ་ ༢༠༡༨ ལོའི་ཟླ་ ༣ ཚེས་ ༣༠ ཉིན་གྱི་ཞོགས་པ་སྔ་བོར་དགེ་བའི་བཤེས་གཉེན་ཆེན་པོ་ཨ་ཁུ་ཚུལ་ཁྲིམས་འོད་ཟེར་མཆོག་དགོངས་པ་རྫོགས་པའི་གནས་ཚུལ་ཐོས། ཁོང་ད་ལོ་དགུང་ལོ་བརྒྱད་ཅུ་གྱ་བརྒྱད་ལ་ཕེབས་པས་སྐུ་ཚེ་བཟང་མཐར་ཕྱིན་པ་ཞིག་ཡིན་ཡང། ཁོང་གི་ཡིད་དུ་འོང་བའི་མཛད་སྤྱོད་དང་གཏིང་མཐའ་བྲལ་བའི་མཁྱེན་ཡོན་སེམས་ལ་དྲན་པའི་སྐབས། བསམ་བློའི་ནང་ཕངས་སེམས་ཆེན་པོ་ཞིག་རང་བཞིན་གྱིས་ཡོང་གི་འདུག འོན་ཀྱང་འདི་ལྟར་མི་ཐོག་བརྗེས་ནས་འགྲོ་དགོས་པ་ནི་ཟློག་ཐབས་མེད་པའི་ཆོས་ཉིད་ཅིག་ཡིན་པས།

དེ་ལས་མང་བ་། “གདན་ས་སྟག་ཚང་ལྷ་མོའི་གསོ་རིག་འགྲོ་ཕན་གླིང་གི་མཁན་ཟུར་མདོ་སྔགས་རབ་འབྱམས་སྨྲ་བ་དགེ་བའི་བཤེས་གཉེན་ཆེན་པོ་ཚུལ་ཁྲིམས་འོད་ཟེར་མཆོག་གི་རྣམ་ཐར་ངོ་སྤྲོད།” »

ཆོས་འཁོར་ཚང་དགེ་བཤེས་གཡུང་དྲུང་རྒྱ་མཚོས།
 

བགྲེས་པོའི་སྔོན་གླེང་གྱེར་གཤེན་སྨྲང་རབས།

 
དུས་ཀྱི་འགྱུར་འགྲོས་སྣ་ཚོགས་དང་། གདུལ་བྱའི་བསོད་ནམས་ཀྱི་འཕེལ་འགྲིབ། བསྟན་འཛིན་གྱི་འཕྲིན་ལས་རྒྱས་བསྡུས་སོགས་ཀྱི་དབང་གིས་སྲིད་པ་གཡུང་དྲུང་བོན་བསྟན་རིན་པོ་ཆེ་འདི་ཉིད་ལ་བསྟན་བདག་གཤེན་པོ་ཆེ་དེ་ཉིད་ནས་བཟུང་ད་ལྟའི་བར་བསྟན་པ་བརྒྱུད་ཚུལ་གོང་འཕེལ་དང་

དེ་ལས་མང་བ་། “བགྲེས་པོའི་འབེལ་གཏམ་འདོན་ཐེངས་༡༨པ་གསར་ཐོན་བྱུང་བ།” »

གྱི་ན་བ་བློ་བཟང་རྡོ་རྗེ།

རྒྱབ་ལྗོངས།

བོད་ཀྱི་ཐེབས་རྩ་ཁང་འདི་ནི་རིན་ཆེན་དར་ལོ་ཨ་རི་སྐུ་ཚབ་དོན་གཅོད་འཁྱུར་སྐབས། དེ་དུས་ཀྱི་དམིགས་བསལ་སྐུ་ཚབ་རྒྱ་རི་བློ་གྲོས་རྒྱལ་མཚན་དང་དྲིལ་བསྒྲགས་བཀའ་བློན་བཀྲ་ཤིས་དབང་འདུད་གཉིས་ཀྱིས་བཀའ་ཤག་ལ་ཞུས་ནས། དོན་གཅོད་གསར་པ་ཟླ་བ་ཚེ་རིང་ལ་རྩིས་སྤྲོད་མི་དགོས་པར་ཨ་རི་དོན་ཁང་གི་ཟུར་སྐྱོང་སྡེ་ཚན་གྱི་ངོ་བོར་བསྒྱུར་བ་ཞིག་ཡིན་པ་ཡོངས་གྲགས་རེད།

དེ་ལས་མང་བ་། “ཨ་སྒོར་ས་ཡ་གཅིག་དང་ཕྱེད་ཀ་དང་། བློ་སེང་། སྐལ་རྡོར། སྤེན་ཚེ་གསུམ།” »

དོན་གྲུབ།
 
སྤྱིར་མཚོ་སྔོན་བོད་སྐད་དྲ་ལམ་རྒྱང་སྒྲོག་བརྙན་འཕྲིན་ཁང་གི་གློག་བརྙན་རིགས་བལྟ་བདེ་བོ་ཡིན་མོད། Chrome ནང་flash ཟེར་བའི་བརྙན་སྟོན་ཆས་ཀྱི་སྒྲིག་འགོད་ཏག་ཏག་མ་བསྒྲིག་ན་མཚོ་སྔོན་བོད་སྐད་དྲ་ལམ་རྒྱང་སྒྲོག་བརྙན་འཕྲིན་ཁང་གི་གློག་བརྙན་རིགས་ལ་བལྟ་མི་ཐུབ་པ་ཡིན། སྤྱིར་ང་རང་ཁོམ་སྐབས་ཨམ་སྐད་གློག་བརྙན་རིགས་ལ་ལྟ་བར་ཧ་ཅང་དགའ་མོད། བར་ལམ་ཞིག་ནས་Chrome ནང་Flash ཟེར་བའི་བརྙན་སྟོན་ཆས་དེ་བསྒྲིག་མ་ཤེས་སྟབས། དུས་ཡུན་གང་མཚམས་ལྷག དེའི་ཕྱིར་མི་གཞན་ལའང་དཀའ་ངལ་འདིའི་རིགས་ཕྲད་ཡོད་སྲིད་ན། འདི་ནས་Chrome

དེ་ལས་མང་བ་། “Chrome དྲ་སྟེགས་ནང་མཚོ་སྔོན་བོད་སྐད་དྲ་ལམ་རྒྱང་སྒྲོག་བརྙན་འཕྲིན་ཁང་གི་གློག་བརྙན་ལ་བལྟ་ཐབས།” »

མི་ལོ་སུམ་ཅུའི་གོང་དུ་ང་རྒྱ་གར་དུ་འབྱོར་ཅིང་། ངས་རྒྱ་གར་གྱི་སྲང་ལམ་ཉུལ་ནས་རྒྱ་གར་གྱི་ཇ་འཐུངས། བོད་པ་རྣམས་ཀྱིས་རྒྱ་གར་གྱི་ཇ་འདི་ལ་ཇ་མངར་མོ་ཞེས་འབོད། ལས་ཁུངས་ཆེ་ཁག་ལ་བཅར་སྐབས་ཀྱང་ཇ་འདྲེན་ལ། སྲང་ལམ་ཁུག་ཀྱོག་ལ་བསྐྱོད་ནའང་ཇ་ཚོང་ཁང་ཡོད། མེ་འཁོར་ནང་དུ་ཞུགས་སྐབས་ “ཇའེ། ཇའེ། ཇའེ”ཞེས་བོད་ཀྱི་དབུ་མཛད་རྣམས་ཀྱི་སྐད་གདངས་ལ་འགྲན་འཛུགས་པའི་ཇ་ཚོང་པའི་སྐད་དེ་ཐོས་ཡོང་།

དེ་ལས་མང་བ་། “ཇའི་གཏམ་རྒྱུད་ཐོར་བུ།” »

ང་ ༡༩༩༥ ལོའི་སྤྱི་ཟླ་ ༦ ཚེས་ ༣ ཉིན་ ལི་སི་པོན་[Lisbon] ལ་སྐྱེས་པ་རེད། ལི་སི་པོན་གྲོང་ཁྱེར་ཆེན་མོ་མ་རེད། ལི་སི་པོན་གྲོང་གསེབ་ཆུང་ཆུང་རེད། ལི་སི་པོན་གྱི་མི་འབོར་ཆུང་ཆུང་རེད། གྲོང་གསེབ་དེ་ལ་མི་གསུམ་སྟོང་ཙམ་ཡོད་རེད།

ལི་སི་པོན་འཁྲུག་པོ་མ་རེད། ལི་སི་པོན་ལ་གློག་བརྙན་ཁང་དང་། གཅན་གཟན་ཁང་། འགྲེམས་སྟོན་ཁང་། ཨེ་ནས། མཐའ་ན་སྨན་ཁང་ཡང་ཡོད་མ་རེད། ཡིན་ན་ཡང་། ནག་ཉེས་དཀོན་པོ་ཡིན་ཙང་ཉེན་རྟོག་པ་ཉུང་ཉུང་ཡོད་རེད།

དེ་ལས་མང་བ་། “ལི་སི་པོན་གྲོང་གསེབ་ཆུང་ཆུང་རེད།” »

དགེ་འདུན་རབ་གསལ་གྱིས།

(པར་དང་བཅས་པའི་རྩོམ་ཡིག་འདིའི་མ་ཡིག་ PDF ཐོག་གཟིགས་ན་འདིར་ཡོད། Gould’s report in tibetan final)

ཁ་བྱང་། ལྷར་བཅས་སྲིད་ཞིའི་གཙུག་རྒྱན་༧གོང་ས་རྒྱལ་དབང་སྐུ་ཕྲེང་བཅུ་བཞི་པ་ཆེན་པོ་ངོས་འཛིན་ཞུ་ཚུལ་དང་།  གསེར་ཁྲིར་མངའ་གསོལ་སོགས་མདོ་ཙམ་བཀོད་པ་བཞུགས་སོ།།  ལོ་ཙ་བ།  ར་ཎི་ཆོས་ཉིད་རྡོ་རྗེ་དང་། ལྕང་ལོ་ཅན་བསོད་ནམས་རྒྱལ་པོ།  པར་མ།  ལྷ་སའི་ཤིང་སྤར།  ཤོག་གྲངས་ ༢༩། ༼བོད་ཀྱི་ནང་བསྟན་དཔེ་ཚོགས་ལྟེ་གནས་ཀྱི་དྲ་ཐག་  https://www.tbrc.org/#!rid=W1KG12176༽

མ་ཡིག་གི་ཁ་བྱང་། Report on the Discovery, Recognition and Installation of the Fourteenth Dalai Lama རྩོམ་པ་པོ། དབྱིན་གཞུང་འབྲས་སྤྱི་བློན་ཆེན་སར་ འབི་སིལ་ འགུ་ལོ་ཊ། པར་མ་དང་པར་ལོ། རྒྱ་གར་གཞུང་གིས་ ༡༩༤༡ ལོར་པར་སྐྲུན་བྱས་པ། ཤོག་གྲངས་ ༢༥།

དེ་ལས་མང་བ་། “བོད་ཀྱི་ཤིང་སྤར་དུ་བརྐོས་པའི་ཨིན་ཇིའི་སྙན་ཐོ།” »

ཉེ་ཆར་རྡ་རམ་ས་ལ་བོད་ཀྱི་དཔེ་མཛོད་ཁང་གིས་པར་སྐྲུན་བྱས་པའི་“རིག་པའི་ཁྱེའུ། དུས་རབས་བཅུ་གསུམ་པར་ཐ་སྙད་རིག་གནས་བོད་ལ་ཇི་ལྟར་སླེབས་པ་ལས་འཕྲོས་པའི་དཔྱད་རྩོམ་དང་གཞན།”ཞེས་པའི་དེབ་འདི་རྒྱ་གར་ནས་གུས་པར་བསྐུར་བ་འབྱོར་ཅིང་། དེབ་འདིའི་པར་རིས་འགའ་རེ་སྔ་ཕྱིར་དྲ་ངོས་སུ་བཀྲམས་པ་ཡིན་ལ། ད་ཆ་དེབ་འདི་ལ་འདྲི་བརྩད་བྱེད་མཁན་འགའ་རེ་འདུག་སྟབས་དེ་རིང་དུས་བསྟུན་གྱིས་དེབ་ཀྱི་ངོ་སྤྲོད་རགས་བསྡུས་ཤིག་འགོད་པ་བྱ།

དེ་ལས་མང་བ་། “རིག་པའི་ཁྱེའུ་ཡི་མཚམས་སྦྱོར།” »