གཡག་རྒོད་རྩོམ་སྒྲིག་ཚོགས་ཆུང་།

 
ངའི་མིང་ལ་དབྱངས་ཅན་མཚོ་ཟེར། ངའི་ཕ་ཡུལ་ཁམས་བྲག་མགོ་རེད། ང་ད་ལྟ་དབྱིན་ཇིའི་རྒྱལ་ས་ལོན་ཏྲོན་ལ་བསྡད་ཡོད། ངའི་བཟའ་ཟླ་ཨ་མདོ་ནས་རེད། ངེད་གཉིས་ལ་བུ་མོ་ལོ་བཞི་ལོན་པ་ཞིག་དང་བུ་ལོ་གཅིག་ལོན་པ་ཞིག་ཡོད། ཕྱི་བཞུགས་བོད་པའི་ཕ་མ་མང་པོས་ནང་ཁུལ་ལ་ཁ་བརྡ་བྱེད་སྐབས་ཧིན་སྐད་དང་བོད་སྐད་སྦྲགས། དབྱིན་སྐད་དང་བོད་སྐད་སྦྲགས་ནས་བོད་སྐད་གཙང་མ་བཤད་མཁན་ཉུང་ཉུང་ཡིན་པའི་སྣང་ཚུལ་འདི་སྔོན་མ་ཞིག་ནས་ཡོད། དེར་བརྟེན་ངའི་སེམས་ལ་རང་གི་མ་འོངས་པའི་ཁྱོ་ག་དང་བྱིས་པ་ལ་བོད་སྐད་གཙང་མ་བཤད་དགོས་པར་དྲན་མྱོང་།

དེ་ལས་མང་བ་། “བྱིས་པ་ལད་ཟློས་ལ་དགའ། ལད་ཟློས་བྱེད་ཡུལ་གཙོ་བོ་དེ་ཕ་མ་གཉིས་རེད།” »

ཀླུ་སྨྱོན།

ཉིན་ཤས་སྔོན་གུས་པས་བྲིས་པའི་ “ཡང་གཅིག་བསྲེགས་སོང་། ང་ཚོ་ལྟད་མོ་བ་ཡིན་ནམ་”ཞེས་པའི་རྩོམ་ཡིག་དེར་མི་མང་པོས་ཚ་ཚ་འུར་འུར་གྱིས་བགྲོ་གླེང་བྱས་སོང་། དེ་དག་ལས་ལ་ལས་དྲང་ཕྱོགས་ནས་དང་ལེན་དང་ལ་ལས་ལྡོག་ཕྱོགས་ཀྱིས་སྡིག་དམོད་གནང་སོང་ལ། ཁྱད་པར་དུ་ཨུ་རུ་སུར་བཞུགས་པའི་བདག་གི་སྐད་འཕྲིན་གྲོགས་པོ་འོད་ལགས་ཀྱིས་དགག་ཡིག་ཅིག་བྲིས་འདུག་པར། ཐོག་མར་གྲོགས་པོ་འོད་ལགས་ཀྱིས་བདག་ལ་གཤམ་གྱི་རྩོམ་ཡིག་འདི་འདྲེན་པའི་ཁོང་གི་རྩོམ་ཡིག་དེ་བྲིས་གནང་བར་ཐུགས་རྗེ་ཆེ་ཞུ་གི་ཡིན།
འོད་ལགས་

དེ་ལས་མང་བ་། “ཀླུ་སྨྱོན་གྱི་གསལ་བཤད་ཚིག་གསུམ།” »

བཀྲ་ཤིས་རྡོ་རྗེ།
 

“བསོད་ནམས་ཅན་གྱི་རྒྱན་ཤོག”གོ་སྒྲིག་ཚོགས་པའི་ངོས་ནས་དགོངས་སེལ་དང་སྦྲགས་གསལ་བྱེད་ཞུ་རྒྱུར།

ད་ལོ་སྤྱི་ཟླ་༡༡ པའི་ཚེས་འགོ་ཙམ་ནས་ངེད་སློབ་མ་ཁག་ཅིག་གི་སློབ་ཡོན་དང་འཚོ་བའི་མཐུན་འགྱུར་གྱི་ཆེད་དུ་བཙན་བྱོལ་སྤྱི་ཚོགས་ཡོངས་ལ་བཀྲམ་ཐུབ་པའི་རྒྱན་ཤོག་ཅིག་གོ་སྒྲིག་བྱས་ཏེ། ཞི་བདེ་གཟེངས་རྟགས་ཉིན་འགྲེམས་སྤེལ་བྱ་འཆར་བྱས་ནས་ལས་གཞི་ཞིག་སྤེལ་འགོ་ཚུགས་ནའང། སྟབས་མ་ལེགས་པ་ཞིག་ལ།

དེ་ལས་མང་བ་། “དགོངས་སེལ་ཞུ་ཡིག” »

ཡིག་སྒྱུར་བ། རྩི་ལྗང་ལོ།

 
“དེ་རིང་ངས་ཨ་རིའི་མི་མང་ཚོར། ངའི་ཨ་ཕ་ཁྱེད་རང་ཚོའི་རྒྱབ་ཏུ་ལངས་པ་ནས་བཟུང་། ཁྱེད་རང་ཚོས་ནམ་ཡང་སེམས་ཁྲལ་དང་དངངས་སྐྲག་དགོས་ཀྱི་མ་རེད་ཟེར་རྒྱུ་ཡིན། ཁོང་གིས་ག་དུས་ཡིན་རུང་། ཕྱོགས་ཡོངས་ནས་ཁྱེད་རང་ཚོའི་ཆེད་དུ་འཐབ་རྩོད་བྱེད་ཀྱི་རེད”ཅེས། ཨ་རིའི་སྲིད་འཛིན་གསར་པ་(Donald Trump) གྱི་བུ་མོ་(Ivanka) ཡིས་གཏམ་བཤད་བྱས་ཡོད་པ་རེད།
ཐུགས་རྗེ་ཆེ། ལོ་གཅིག་གི་སྔོན་དུ་ངའི་ཨ་ཕ་འོས་མིར་ལངས་རྒྱུའི་གསལ་བསྒྲགས་བྱས་པ་དང་། སྐབས་དེར་ངས་ང་རང་གི་ཨ་ཕ་ངོ་སྤྲོད་ཅིག་བྱས་པ་ཡིན།

དེ་ལས་མང་བ་། “ཨ་རིའི་སྲིད་འཛིན་གསར་པའི་བུ་མོའི་གཏམ་བཤད།” »

རྩོམ་པ་བོ། ཟླ་བ་འོད་ཟེར། (འོས་སྦྱོར།)
 

༄༅། །དགེ་རྒན་ཐུབ་བསྟན་ཕུན་ཚོགས་ལ་སྤྲིངས་པའི་པ་བའི་བསྟན་བཅོས་གནས་ལུགས་ཚིགས་དྲུག་མདའ་མོ་སྤྲད་པའི་མཆོག་དཀར་ཞེས་བྱ་བ།

 
ལུང་ཚིག་གཅིག་ཙམ་དྲངས་ནས་འཇིགས་འཇིགས་ཀྱི།།
རྣམ་འགྱུར་འཛིན་པའི་ངན་གོམས་རུལ་བ་དེ།།
ཐོས་མང་དཔྱོད་ལྡན་མདུན་དུ་འོས་མིན་པས།།
གཞུང་ལུགས་བརྒྱ་ཕྲག་མང་བོ་བསྡུར་བར་མཛོད།།

དེ་ལས་མང་བ་། “པ་བའི་བསྟན་བཅོས་གནས་ལུགས་ཚིགས་དྲུག་མདའ་མོ།” »

བེ་རི་རིག་རྡོར།

དང་པོ། གླེང་གཞི།

གཞིས་བྱེས་ཇོ་ནང་པ་ཡོངས་ཀྱིས་མི་ལོ་ཉི་ཤུའི་རིང་དྲང་བདེན་དང་། རང་དབང་། ཁྲིམས་ལུགས་གཞི་རྩར་བཟུང་ནས་བཙན་བྱོལ་བོད་གཞུང་ལ་རེ་འབོད་ཞུས་ཏེ། ཇོ་ནང་པར་ཆོས་བརྒྱུད་སྤྱི་མཚུངས་ཀྱི་ཐོབ་ཐང་གནང་རོགས་ཞེས་གསོལ་འདེབས་ལན་གྲངས་སྟོང་ཕྲག་ཙམ་ཕུལ་ཡང་། བཀའ་སྤྱི་གཉིས་ནས་དེ་ལྟར་ཞལ་བཞེས་གནང་རྒྱུའི་ཚབ་ལ་ཉེས་འཛུགས་དྲག་པོ་བྱས་ཏེ། ཇོ་ནང་པར་མཐོང་ཆུང་དང་ཁྱད་གསོད་བྱས་པ་ཉུང་ཉུང་མིན་ལ། ལྷག་པར་དུ་ད་ལོའི་ཕྱི་ཟླ་༩ ཚེས་༡༩ ཉིན་གྱི་ཇོ་ནང་སྐུ་ཚབ་ལྷན་ཚོགས་ཀྱི་གྲོས་ཆོད་སྙན་ཞུ་སྤྱི་འཐུས་ཚོགས་གཙོ་སྐུ་ཞབས་བསོད་ནམས་བསྟན་འཕེལ་དང་། སྲིད་སྐྱོང་སློབ་བཟང་སངས་རྒྱས། གྲོས་ཚོགས་འཐུས་མི་རེ་རེར་

དེ་ལས་མང་བ་། “ཁྲིམས་གཏུག་གི་གདོང་གཏད་ས་དྲང་བདེན་ཡིན།” »

གླིང་གཅེར་བུ།

 
ཉེ་སྔོན་ངེད་ཏཱ་ལའི་བླ་མ་མཐོ་རིམ་སློབ་གཉེར་ཁང་ནས་སློབ་གཉེར་བ་སྐོར་ཞིག་གིས་བོད་སྐད་ཡིག་གི་བླ་འབོད་ཐེངས་ཤིག་བྱས་པ་རེད། གནད་དོན་དེ་སྤྱི་ཚོགས་དྲ་རྒྱ་ཁག་ཏུ་ཟུར་ཙམ་མངོན་ཡོད་པ་རེད། ངོ་དེབ་དང་ཁ་བརྡ་དྲ་བ་སོགས་ནས་དོན་དེའི་སྐོར་ལ་གླེང་སློང་ཅུང་ཙམ་ཞིག་བྱས་སོང་ན་ཡང་། སློབ་གྲོགས་མང་པོ་ཞིག་གི་རེ་འདུན་ལྟར་གནད་དོན་དེར་ལྟོས་ས་ལྟོས་འཇོག་གིས་གྲུབ་འབྲས་ཆེན་པོ་བྱུང་ཐུབ་མེད་པ་རེད། སློབ་གྲོགས་མང་པོ་ཞིག་ལ་མཚོན་ན་བོད་སྐད་བོད་ཡིག་གི་རེ་ཐག་གཏན་ནས་ཆད་བཞིན་པའི་ཁོར་ཡུག་འདི་ལྟ་བུ་ཞིག་ནས། རང་ཉིད་ལ་སྤྱི་ཚོགས་གང་དེའི་དམའ་འབེབ་དང་མཐོང་ཆུང་སོགས་ཡོད་ཚད་རྒྱབ་ཏུ་གཡུག་ནས་སེམས་བསམ་པའི་རྩོམ་ཡིག་རེ་འབྲི་དགོས་དོན།

དེ་ལས་མང་བ་། “ཟླ་བརྒྱད་པའི་ཉིན་ཐོ་དམར་ནག་མ།—-མི་བཤད་ཐུ་མེད་ཀྱི་གནད་དོན་ཞིག” »

དུར་བྱང་།

 
བར་སྐབས་ཤིག་ཏུ། གྲོགས་པོ་འགའ་ལ་ང་ཅག་གིས་དབུགས་ཚ་བོ་དང་འགྲོགས་ནས་མིད་པ་ལྷུག་ལྷུག་འགུལ་བ་ལས་རེ་ཞིག་མི་སྨྲ་བའི་བརྟུལ་ཞུགས་བཟུང་ནས་བསྡད་ན་ག་འདྲ་ཡིན་ནམ་ཞེས་ནང་གཏམ་གྱི་ཚུལ་དུ་གྲོས་བཏབ་པ་ཡིན། ལག་མཐིལ་ལྟ་བུའི་སྤྱི་ཚོགས་འདིའི་ནང་ནས་སྙིང་འཕར་བ་དང་མིག་ཚ་བ་བསྟུད་མར་ཡོང་གྱིན་པ་སྨྲ་ཅི་དགོས་ཏེ། གང་ཙམ་ཞིག་ལ་ཁ་དང་ལག་པ་མ་འགུལ་བར་ངེས་ངེས་བསྡད་པ་ཡིན། དངོས་གནས་ལྐུགས་པའི་ངང་ཚུལ་བཟུང་ནས་གནས་པ་ཡིན་ཏེ། བསྡད་ཀྱིན་བསྡད་ཀྱིན་གདོང་ལ་མཆོང་ནས་སྙིང་ལ་སྤར་འབྲད་བྱེད་བཞིན་འདུག

དེ་ལས་མང་བ་། “རྐུབ་སྟེགས་རྩིས་སྤྲོད་བྱོས།” »

སད་མི།

 
ང་ནི་ཁམས་སྟོད་ནགས་ཤོད་འབྲི་རུ་བ་ཞིག་ཡིན། 2006 འཆར་ཁ་ཞིག་ཏུ་རྒྱ་གར་ལ་སྐྱབས་བཅོལ་དུ་བྲོས་ཡོང་། དེ་ནས་བཟུང་ཏེ 2013 ལོའི་ཟླ་བ 7 པ་བར་ང་དང་ཁྱིམ་མིའི་འབྲེལ་བ་རྒྱུན་གཏན་ཅན་རེད་ལ། དུས་ཁོམ་རེ་བྱུང་དུས་ནང་མིར་ཁ་པར་འདྲ་བཏང་ནས་སྐད་ཆ་བཤད་རྒྱུ་ཡོད་དུས་སེམས་པ་ཧ་ཅང་སྐྱིད།

2013 ལོའི་ཟླ་བ 3 རྒྱ་རྒན་ཞིས་ཅིང་ཕིན་མགོ་པ་ཆགས་པ་རེད། ལོ་དེ་གའི་ཟླ་བ 9 པའི་ཚེས 27 ཡས་མས་ནས 10.1 ཏང་གི་འཁྲུངས་སྐར་ཟེར་བ་བསུ་མ་དམིགས་བསལ་བྱ་དགོས་ཟེར།

དེ་ལས་མང་བ་། “ཁྱིམ་མི་དང་འབྲེལ་ཐག་ཆད་པ།” »

འབྲིང་བ་འཇིགས་མེད།

 
༄༅།། ཉེ་ལམ་ཨ་རིའི་གཟའ་མཇུག་སློབ་དེབ་སོགས་ལས་འཕྲོས་ཏེ་བརྡ་སྤྲོད་དང་སྐད་ཡིག་སྐོར་མང་པོ་གླེང་བཞིན་པ་ལྟར། སློབ་དེབ་ཀྱིས་མཚོན་པའི་ཡིག་ཆ་གང་ཡིན་ཡང་བརྡ་སྤྲོད་ཀྱི་གཞུང་ལུགས་དང་མཐུན་པར་འབྲི་དགོས་པ་ནི་སྐད་ཡིག་གི་འཆི་གསོན་ལ་ཐུག་པའི་གནད་དོན་གལ་ཆེན་ཞིག་ཡིན། ཡུལ་ལུང་སོ་སོའི་ཁ་སྐད་ལྟར་བྲིས་ཚེ་མི་རིགས་རིག་གཞུང་དང་བཅས་པ་བརླག་པའི་རྒྱུར་འགྱུར་བ་ནི་མཁས་དབང་དགེ་འདུན་ཆོས་འཕེལ་གྱིས་དེབ་དཀར་དུ། “རང་རེ་རྣམས་ཇི་སྲིད་བསྟན་བཅོས་ཀྱི་ཐ་སྙད་དང་ཆོས་སྐད་ལ་ཆ་འཇོག་བྱེད་པ་དེ་སྲིད་དུ་བོད་ཡུལ་ཡོངས་རྫོགས་ཀྱི་སྐད་རིགས་ཀྱང་གཅིག་ཏུ་གནས་པ་ཡིན་ཞིང་།

དེ་ལས་མང་བ་། “ཡིག་ནོར་འགའ་ཞིག་ལ་དག་བཅོས།” »

ལྷ་རྒོད།

 
དུས་ཀུན་ཏུ་གཡམ་རྒྱུགས་ལ་དགའ་བའི་བོད་རིགས་མགོ་རུལ་ཅན་དག་གིས་ངེས་པར་ལྟོས། བོད་ཡིག་རྒྱལ་སྤྱིའི་སྡིངས་་ཆའི་སྟེང་དུ་སྤེལ་མཁན་ནི་བོད་པ་མིན་ལ་དེ་ལས་ཀྱང་འབྲུག་པ་མིན། དོན་ངོ་མའི་གནས་ཚུལ་ཤེས་འདོད་ན་གཤམ་གསལ་དྲྭ་ལམ་ནས་ཧ་གོ་བར་གྱིས། ད་དུང་སྡུག་སེམས་མ་བདེ་ན་ཉི་ཧོང་ལ་གྱོད་རྒྱོབས།

1 ཨོ་ལིམ་ཕིག་གི་མཇུག་བསྡོམས་མཛད་སྒོའི་སྐབས་སུ། ཉི་ཧོང་གི་ངོས་ནས། ཉི་ཧོང་གི་ས་ཡོམ་སྐབས་གོ་ལ་ཧྲིལ་པོས་རྒྱབ་སྐྱོར་གནང་བར་དྲིན་གཟོའི་མཚོན་དོན་དུ།

དེ་ལས་མང་བ་། “ཁ་ལ་རྒྱ་གྲམ་དམར་པོ་བཀོད་འདུག” »

ཨེ་མ་ཧོ།

 
ན་མོ་མ་ཧྰ་གུ་རུ་སཾ་བྷོ་ཊ་ཡེ།
ཞལ་གསལ་ལ་རང་མདངས་གང་བ་བཟང་།།
གདམས་ངག་ཟབ་ལམ་མ་ཆད་ཐ་དད་རངས།།
ལས་ངན་བག་ཆགས་མཐའ་དག་བསལ་མཛད་པ།།
འཕགས་པ་མ་ཕམ་ཡང་དག་དམ་པ་ལགས།།
ཞེས་སློབ་དཔོན་བཀའ་དྲིན་ཅན་ཐོན་མི་ལ་རྗེས་སུ་དྲན་ནས་

དེ་ལས་མང་བ་། “བོད་ཡིག་འཛམ་གླིང་རྒྱལ་སྤྱིའི་རྩེད་ཐང་དུ་བཤམས་པར་བཀའ་དྲིན་ཆེ།” »

–ས་སྒང་འཇམ་དབྱངས་མཁྱེན་རབ།
 
གཤིས་རྒྱུད་མདའ་ལྟར་དྲང་ཞིང་བསམ་པ་དུང་བཞིན་དཀར་བའི་སློབ་མ་ཤེལ་དཀར་ལྷ་མོ་ལགས། ཁྱོད་ཀྱིས་ལོ་བརྒྱད་ཀྱི་ཡར་སྔོན་ཞིག་ལ་དྭ་ཕྲུག་གི་དཔང་ཡིག་མང་བོ་ཞིག་ཁྱེར་ནས། ཉམས་ཆུང་ཆུང་དང་སེམས་གཉོམ་གཉོམ་བྱས་ཏེ་རེ་བ་དང་ཡིད་ཆེས་ཀྱིས་ཁེངས་ནས་སློབ་གླིང་འདིར་འབྱོར་དུས།

དེ་ལས་མང་བ་། “སློབ་མ་ཤེལ་དཀར་ལྷ་མོ་གླེང་བ།” »

སྐྱོ་བྲག་དགའ་དབང་།

 
བོད་སྤྱི་པའི་ཐ་སྙད་རང་ངོས་ནས་བསྟན་དོན་མི་འདྲ་བ་ཡིན་ནའང་། དིང་སང་གང་ཟག་འགའ་རེས་བེད་སྤྱོད་བྱེད་པ་ན་གཅིག་ཏུ་འཁྲུལ་བ་ཅན་ཆེས་མང་བར་སྣང་སྟེ། དཔེར་ན། ལོ་རྒྱུས་དང་འབྲེལ་ཆེ་བའི་ཐ་སྙད་དེ། སྤྱིར་བོད་པ་རང་གི་ཐ་སྙད་ལྟར་ན། དངོས་སུ་བྱུང་མྱོང་བའི་འདས་དོན་བརྗོད་པ་ལ་ལོ་རྒྱུས་དང། དངོས་སུ་བྱུང་བའི་འདས་དོན་མིན་ན་ཡང་ཡིན་པ་ལྟར་བཅོས་པ་ལ་སྒྲུང་ཟེར།
དེ་ལ་ཡང་དངོས་བྱུང་གི་ལོ་རྒྱུས་ཡིན་པ་གང་ཞིག་ལ། རང་ཉིད་འཁོར་བ་ལས་གཏན་དུ་ཐར་པའི་བྱུང་བ་བརྗོད་པ་ལ་རྣམ་ཐར།

དེ་ལས་མང་བ་། “ཐ་སྙད་བེད་སྤྱོད་ནོར་བ།” »

དཔྱད་བརྗོད་པ། སེར་སྨད་བློ་དགའ།

 
ལི་ཐང་གི་ཕུལ་བྱུང་དཔའ་བོ་རུང་རྒྱས་ཨ་གྲགས་ལགས་ཀྱིས། ཕྱི་ལོ་༢༠༠༧/༨/༡ ཉིན། བོད་དོན་ཆེད་རྒྱ་ནག་གཞུང་ལ་ངོ་རྒོལ་གྱིས་སྐད་འབོད་ཤུགས་ཆེར་བྱས་པས་ཁོང་འཕྲལ་དུ་འཛིན་བཟུང་བྱས་པ་དང་། དེ་ནས་བཟུང་ད་བར་མི་ལོ་ཧྲིལ་པོ་བརྒྱད་ཀྱི་རིང་ས་གནས་དེར་བརྒྱད་གཅིག་དམག་གི་དུས་ཆེན་སྲུང་བརྩིའི་རྟ་རྒྱུག་འདུ་འཛོམས་དེ་ཚོགས་ཐུབ་མེད་པ་རེད། དེ་སྔ་དུས་ཆེན་དེ་ལི་ཐང་གྲོང་འདབ་ཀྱི་མདོ་སྡེ་ཐང་ཞེས་པའི་སྤང་ཐང་དེར་འདུ་འཛོམས་བྱེད་ཀྱི་ཡོད་ཀྱང་། ད་ལོ་དུས་ཆེན་དེ་བསྐྱར་གསོའི་ཆེད་ལི་ཐང་འཐིལ་ནས་ལེ་དབར་ ༥༠ ལྷག་སར་ཡོད་པའི་འབུམ་ཡག་ཐང་།

དེ་ལས་མང་བ་། “ལི་ཐང་དུ་བརྒྱད་གཅིག་དམག་གི་དུས་ཆེན་བསྐྱར་གསོ་ཐུབ་བམ།” »

རྫ་ཚེ་རིང་བཀྲ་ཤིས།

——གལ་ཏེ་མི་རིགས་གཞན་པ་ཞིག་གིས་དྲ་ཐོག་ནས་དེ་ལྟར་དོན་མེད་དུ་ཁ་རྡུང་བཏང་ན་ངའི་འཚོ་བ་ལ་དོ་ཕོག་གཏོང་སྲིད་ཀྱང་། སེམས་པ་ལ་དོ་ཕོག་ཆེན་པོ་གཏོང་གི་མ་རེད།

 
ངས་ཉེ་ཆར་ནས་ངོ་དེབ་ཐད་གཏོང་འཕྲིན་ལམ་ནས་བདུན་ཕྲག་རེའི་གཟའ་ལྷག་པ་འཆར་ཅན་ལ་སློབ་ཚན་ཐེངས་རེ་བཤད་བཞིན་པའི་ཁུལ་ཡིན། མ་གཞི་དེ་ནི་ལོ་འགའི་ཡར་སྔོན་ནས་མགོ་བཙུགས་པའི་དྲ་ཐོག་སློབ་ཚན་ཞིག་རྒྱུན་འཐུད་བཞིན་པ་ཙམ་ཡིན། ཉེ་ཆར་ནས་ངོ་དེབ་ཐོག་ཐད་གཏོང་གི་མ་ལག་ཡོད་པས་རྒྱ་རིགས་སློབ་མ་ཚོའི་རེ་བ་བཞིན་ངོ་དེབ་ཐོག་སྤོས་པ་ཡིན།

དེ་ལས་མང་བ་། “སྤུན་ཟླའི་ཁ་རྡུང་དང་དྲ་ཐོག་སློབ་ཁྲིད།” »

ཡོང་ཁུངས། ཤེས་རིག་ལས་ཁུངས་ཀྱི་དྲ་རྒྱ།

༄༅། ། ཉེ་སྔོན་བོད་མིའི་སྒྲིག་འཛུགས་ཤེས་རིག་ལས་ཁུངས་ནས་གཏན་འབེབས་དང་། དཔར་འགྲེམས་ཞུས་པའི་བྱང་ཨ་རིའི་གཟའ་མཇུག་སློབ་གྲྭའི་བོད་ཡིག་སློབ་དེབ་ཐོག སྤྱི་ཚོགས་དྲ་རྒྱ་ཁག་ཏུ་བསམ་ཚུལ་གང་མང་འདོན་སྤེལ་བྱེད་བཞིན་འདུག་པར། བོད་ཀྱི་སྐད་ཡིག་དང་རིག་གཞུང་ཐོག་དོ་འཁུར་གྱིས་བགྲོ་གླེང་གནང་བར་དགའ་བསུ་དང་སྦྲགས། འདི་ལས་ནས་དེ་འབྲེལ་གྱི་དངོས་ཡོད་གནས་ཚུལ་གསལ་བཤད་ཞུ་རྒྱུར།

དེ་ལས་མང་བ་། “བྱང་ཨ་རིའི་གཟའ་མཇུག་སློབ་གྲྭའི་བོད་ཡིག་སློབ་དེབ་དང་འབྲེལ་བའི་གསལ་བཤད།” »

རྩོམ་པ་པོ། ལྡོང་ཡོན་ཏན་རྒྱ་མཚོ།

 
ངས་གཡུང་དྲུང་བོན་གྱི་ལྟ་སྒོམ་སྤྱོད་གསུམ་གྱི་རྣམ་བཞག་རྒྱས་པར་བསྟན་པའི་བོན་གྱི་གཞུང་ཆེན་མོ་དག་ལ་ཆེད་དུ་སློབ་སྦྱོང་དང་ཞིབ་འཇུག་བྱས་མ་མྱོང་ཡང་། གངས་ཅན་བོད་པའི་དར་རྒུད་ལ་བསམ་གཞིག་ཅུང་ཟད་རེ་བཏང་མྱོང་མཁན་ཞིག་དང་། གནའ་བོའི་ལོ་རྒྱུས་ཀྱི་དཔེ་ཆ་མང་ཙམ་བཀླགས་མྱོང་མཁན་ཞིག་ཡིན་པའི་ཆ་ནས། བོན་པོའི་སྐོར་མང་བོ་མང་བོ་ཞིག་མཐོང་མྱོང་ལ། ཁ་ཁུ་སིམ་མེར་བསྡད་དེ་འདིའི་ཕྱོགས་ལ་གཟབ་ནན་རང་བཞིན་གྱིས་བསམ་གཞིག་རེ་འགའ་འང་བཏང་མྱོང་ཞེས་བཤད་ཆོག

དེ་ལས་མང་བ་། “ལོ་རྒྱུས་ཀྱི་གུད་དུ་སྦས་པའི་མུ་ཏིག་རྡོག་གཅིག” »

ཁྲོ་གཏུམ་གྱིས་སྐད་འཕྲིན་ལས་ཡིག་ཕབ་བྱས།

བོད་ཀྱི་སྙན་ངག་པའི་མཚན་མོའི་དབྱངས་ཀྱི་ཚོགས་པས། ང་རང་ལ་གདེང་འཇོག་བྱས་ཏེ་འདི་འདྲའི་མཚན་སྙན་དང་སྨྱུ་གུ་ཞིག་སྩལ་བ་ནི་ངས་མི་ཚེ་གང་བོར་བརྗེད་མི་སྲིད་པའི་ཉི་མ་ཞིག་ཡིན་ལ། སྙིང་ཐག་པ་ནས་བཀའ་དྲིན་ཆེ་ཞུ།

དེ་ལས་མང་བ་། “སྐྱབས་ཆེན་བདེ་གྲོལ་གྱི་གཏམ་བཤད།” »

བརྒྱུད་གཏོང་བ། གྲགས་པ་དར་རྒྱས།

 
བོད་ཀྱི་ཆབ་སྲིད་བཙོན་ཟུར་མགོ་ལོག་འཇིགས་མེད་ལགས་ཀྱིས་འདི་གར་གནས་ཚུལ་མཁོ་སྤྲོད་གནང་བ་ལྟར་ན། ཉེ་སྔོན་དཀར་མཛེས་ཁུལ་དཀར་མཛེས་རྫོང་ཟླ་ཐར་མ་ཆུས་ཀྱི་ཁོངས་གཏོགས་ཚ་ལུང་ཤང་དང་། འཁྱག་ལུང་ཤང་། ཟླ་སྟོད་ཤང་། ར་སྐོར་ཤང་བཅས་ཀྱི་མང་ཚོགས་ ༧༠༠ ལྷག་གིས། རྒྱ་གཞུང་གི་བཙན་གནོན་འོག་བོད་མིའི་བཟོད་བྲལ་དཀའ་སྡུག་མྱངས་དང་མྱོང་བཞིན་ཡོད་པ་ངོ་སྤྲོད་ཀྱི་ཡིག་ཆ་ཞིག་ཕྱི་ཕྱོགས་སུ་བསྐུར་འདུག

ཕྱི་ཕྱོགས་སུ་བསྐུར་བའི་ཡིག་ཆ་དེའི་ནང་དུ།

དེ་ལས་མང་བ་། “མགོ་ལོག་འཇིགས་མེད་ལགས་ཀྱིས་མཁོ་སྤྲོད་གནང་བའི་གནས་ཚུལ།” »