ཀླུ་སྨྱོན་ཧེ་རུ་ཀ
དཀྱིལ་འཁོར་ཆེན་པོའི་ལྟེ་བ་རུ། །ཁྱབ་བདག་གདོད་མའི་མགོན་པོ་སྟེ། །ཀུན་བཟང་རྡོར་སེམས་ཡབ་ཡུམ་ནི། །བདེ་ཆེན་ཀློང་ན་མྱོས་ཤིང་འདར། །ཡུམ་ཆེན་ཀུན་ཏུ་བཟང་མོ་ཡི། །ཆོས་དབྱིངས་ཁྱབ་བརྡལ་བྷ་གའི་ཀློང་། །ལྷ་སྐུ་ཡབ་ཡུམ་མཉམ་སྦྱོར་ནི། །ཏིལ་གྱི་གང་བུ་ཁ་ཕྱེ་བཞིན། །ལྷ་སྐུ་རེ་རེའི་སྦྱོར་མཚམས་སུ། །རིག་འཛིན་ཞིང་ཁམས་འབྱམས་ཀླས་ཤིང་། །ཞིང་ཁམས་རེ་རེའི་རྒྱ་ཁྱོན་ཡང་། །སྟོང་གསུམ་འཇིག་རྟེན་མཉམ་པར་བརྡལ། །དེ་བཞིན་བདེ་ཆེན་ཡབ་ཡུམ་གྱི། །བ་སྤུའི་ཁུང་བུ་རེ་རེར་ཡང་། །སྤྲུལ་པའི་ཞིང་ཁམས་མཐའ་ཀླས་པར། །རྡོར་སེམས་སྤྲུལ་བའི་རོལ་མོ་འཁྲོལ། །བུ་སྤུའི་འོད་ཟེར་རེ་རེས་ཀྱང་། །སྟོང་གསུམ་འཇིག་རྟེན་གསལ་བའི་གཞིར། །བྱེ་བ་ཕྲག་བརྒྱའི་འཇིག་རྟེན་གྱི། །སེམས་ཅན་དག་ལ་སྤྲུལ་པ་འགྱེད། །དགའ་བའི་རོལ་མོ་སྙན་བརྗིད་ཅན། །ཆགས་པའི་སྙན་ངག་ལུད་པའི་རྩེར། །དགའ་བ་བཞི་དང་བཅུ་དྲུག་གི །མེ་ལྕེ་དམར་པོའི་འོད་ཕྲེང་འགྱེད། །རྣལ་འབྱོར་དཔའ་བོ་དཔའ་མོ་རྣམས། །གསང་ཆེན་སྤྱོད་པ་ཡ་མ་ཟུང་། །མིག་འཕྲུལ་བཞིན་དུ་རོལ་བའི་དཔྱིད། །ངོ་མཚར་ཆེ་ཞིང་གཟི་བརྗིད་འབར། །མཁའ་སྤྱོད་མ་དང་སྒྲོལ་མ་སོགས། །གནས་གསུམ་དཔའ་བོའི་སྙིང་སྡུག་ཚོགས། །གཅེར་བུའི་གར་ལ་རབ་དགྱེས། །དཔའ་བོའི་པང་ན་མྱོས་ཤིང་བརྒྱལ། །འཛམ་གླིང་སྟག་ཤར་དཔའ་བོའི་རྒྱན། །གུ་རུ་ཨོ་རྒྱན་ཆེན་པོ་ཡང་། །མཁའ་འགྲོའི་བྷ་གའི་དྲོད་རླངས་ཀྱིས། །བཟི་ཞིང་བརྡ་ཡིག་ཆར་དུ་འབེབ། །ཡེ་ཤེས་མཚོ་རྒྱལ་ནི་གུ་མ།
འབོད་སྒྲའི་གས་གཏོར་ཆེན་མོ།
བསྟན་འཛིན་ཡེ་ཤེས།
གངས་ལྗོངས་ཀྱི་ལ་རྒྱའི་སྤྲིན་སྔོན་ཡང་ལྷོ་ནས་ལྡིང་ངེས་ཡིན།
དོན་གྲུབ་རྒྱལ་གྱི་སྤྲིན་དཀར་གྱི་འདབ་མའི་ཚིག་ཅིག
སྟོང་ཁམས་ཆེན་པོ་འདིའི་ནང་དུ་རྒྱུ་སྐར་དང་བརྟན་སྐར་ས་ཡ་དུ་མ་ཞིག་སྦང་སྒྲ་ཆེན་མོའམ་སྟོང་ཁམས་གས་གཏོར་ཆེན་མོའི་རྗེས་སུ་བྱུང་བ་དང་། གས་གཏོར་དེའི་ཀླུང་དུ་ང་ཚོ་འཚོ་སྡོད་བྱེད་འོས་པའི་རྒྱུ་སྐར་ཡང་གྲངས་ལས་འདས་པ་ཞིག་བྱུང་ཞིང་ང་ཚོའི་དེ་རིང་གི་སའི་གོ་ལ་འདི་ཡང་དེ་ལས་མ་འདས། ཕྱི་དངོས་པོའི་གས་གཏོར་རེ་རེ་ཡིས་ནང་བཅུད་ཀྱི་སེམས་ཅན་དག་གི་བློ་སྒོ་ཡང་རིམ་པར་ཕྱེས་དང་ཕྱེ་བཞིན་པ་སྟེ། བྱ་དངོས་གང་ཞིག་གིས་མི་སྒེར་དང་སྤྱི་ཚོགས་ཤིག་གི་འདོད་པ་མ་ཁེངས་ཚེ་རྐང་པ་འགུལ་ནས་གོམ་བགྲོད་བྱེད་པ་དང་ལག་པ་འགུལ་ནས་འཕྲེད་དར་འཕྱར་བ། ཁ་ལྕེ་འགུལ་ནས་འབོད་ཚིག་སྒྲོག་པ་སོགས་བརྒྱུད་ནས་རང་གི་མགོ་ཐོག་ནས་དུས་རྟག་པར་ལྗིད་ཏིག་གེར་དང་འཇིགས་ཡེར་རེར་ཡོད་པའི་དབང་འཛིན་པ་དང་གཉའ་གནོན་མཁན་ལ་གསལ་ཞིང་རྣོ་བའི་བརྡ་ལན་ཞིག་དང་ཕྲ་ཞིང་ཞིབ་པའི་འདྲི་ཚིག་ཅིག་འདོན་བཞིན་ཡོད།
མཁའ་འགྲོའི་ཞིང་ཁམས་ཉུལ་བའི་ལྟད་མོ། དང་པོ།
ཀླུ་སྨྱོན།
སྙིང་གི་རྩ་མདུད་གྲོལ་བའི་ཆེད། །
རྩ་གསུམ་ལྷ་ལ་གསོལ་བཏབ་པས། །
རང་སྣང་ཌྰ་ཀིའི་གཟི་བྱིན་འབུམ། །
འཇའ་འོད་ཀློང་ནས་ས་ལ་བབས། །
རྡུལ་བྲལ་འཇིག་རྟེན་དཀར་པོའི་ཞིང་། །
ངོ་མཚར་ཌྰ་ཀིའི་ཞིང་ཁམས་སུ། །
གཅིག་དང་དུ་མར་འཕྲུལ་བའི་གར། །
རྡོ་རྗེའི་རོལ་བ་འབྱམས་སུ་ཀླས། །
འདོད་པའི་མྱོས་བུམ་མཁྲངས་ཟླུམ་ཞིང་། །
ཚན་རིག་པ་ཞིག་གི་ཤི་བའི་ཉམས་མྱོང་།
ཀླུ་སྨྱོན།
ཁེ་ཉིན་དགོང་མོའི་ཆུ་ཚོད་བཅུ་གཅིག་དང་ཕྱེད་ཀའི་སྟེང་དུ་ངས་ད་དུང་བརྙན་འཕྲིན་ལ་ལྟ་བཞིན་ཡོད། ནམ་རྒྱུན་ཡེ་ཤུའི་ཆོས་ལུགས་ཀྱི་བརྙན་འཕྲིན་ལས་རིམ་ཞིག་ཡོད་པར་མཚམས་རེར་ལྟ་རྒྱུ་དེ་ངའི་གོམས་གཤིས་ཤིག་ཏུ་གྱུར་ཡོད་ཅིང་། དགོང་མོ་དེར་ཡང་ལས་རིམ་དེར་ལྟ་ཙམ་བྱས་པ་ཡིན་ལ་དེས་སྐབས་ཤིག་གི་རིང་ངའི་ཡིད་དབང་རྦད་དེ་འཕྲོགས་སོང་།
ལས་རིམ་དེའི་ནང་དུ་ཡེ་ཤུ་བ་མི་རྒན་ལོ་ན་བདུན་ཅུའི་ཡར་སྟོད་དུ་སོན་པ་ཞིག་གིས་མི་སྐོར་ཞིག་གི་ཤི་བའི་ཉམས་མྱོང་དང་དེའི་གནས་སྐབས་སུ་ཇི་ལྟར་དཀོན་མཆོག་གི་བྱིན་རླབས་ཐོབ་ཚུལ་ངོ་སྤྲོད་རགས་བསྡུས་རེ་བྱས་རྗེས་མི་དེ་དག་གིས་རང་རང་གི་ཉམས་མྱོང་དག་ཕྲ་ཞིང་ཞིབ་པའི་སྒོ་ནས་ངོ་སྤྲོད་བྱེད་བཞིན་འདུག
འབྲུག་པ་ཀུན་ལེགས་དང་འབྲུག་མོ་ཚོ།
(1455-1529)
ཀླུ་སྨྱོན་ཧེ་རུ་ཀ
འབྲུག་ཡུལ་གྱི་ཡུ་མོ་ཚོའི་ཕྱི་ལུས་པོར་ཤ་ཤེད་དང་གཟི་འོད་རྒྱས་ཤིང་།
ནང་སེམས་ལ་ཆགས་པའི་རྦ་རླབས་འཕྱུར་བའི་དབྱར་གཞུང་ཞིག་ལ།
ཁ་བ་རི་བའི་རྔོན་པ་ཁེར་འཁྱར་ཞིག་སྟེ།
འབྲུག་སྨྱོན་ཀུན་དགའ་ལེགས་པ་ཁོང་གིས།
འཕངས་ན་ཕོག་པས་ཁྱབ་པ་དང་།
ཕོག་ན་འཆི་བས་ཁྱབ་པ།
ཤི་ན་མཐོ་རིས་སུ་འགྲོ་བས་ཁྱབ་པ་སྟེ།
ཁྱབ་པ་གསུམ་ལྡན་གྱི་ལིང་གའི་ལྕགས་མདའ་ཞིག་ཁུར་ནས་སྦས་ཡུལ་འདིར་བསླེབས་སོང་།
ཁུ་ཁྲག་མེ་རུ་འབར་བའི་རྨི་ལམ།
ཀླུ་སྨྱོན།
མགོ་རྔ་མེད་ཅིང་སྔོན་བརྡ་ཡང་མེད་པའི་རྨི་ལམ་དེ་ཨང་།
མ་གཞི་ཡིན་ན་ངས་རྨི་ལམ་དེ་ལྟ་བུ་ཞིག་རྨིས་མེད་པར་བརྩིས་ཏེ།
འཁྲལ་འཁྲུལ་གྱི་རྨི་ལམ་དེའི་སྐོར་ལ་གང་ཡང་མ་བྲིས་ན་ཆོག་ལ།
རྨི་ལམ་དེར་ཁ་གཡར་ནས་རང་དང་ཀློག་མཁན་ཚོའི་ཆུ་ཚོད་འཕྲོ་བརླག་ཏུ་མ་བཏང་ན་ཆོག་མོད།
ངའི་སྙིང་དཀྱིལ་གྱི་རྩ་ཕྲན་ཞིག་ལ་མདུད་པ་བརྒྱབ་པ་ཇི་བཞིན།
ང་ལ་རྨི་ལམ་དེའི་སྐོར་ཁྱབ་བསྒྲགས་མ་བྱས་ན་མི་ཆོག་ཅིང་།
རྨི་ལམ་དེའི་སྐོར་ཟིན་བྲིས་སུ་མ་ཕབ་ན་མི་འགྲིག་པའི་ཚོར་བ་ཞིག་སྐྱེ་བཞིན་འདུག་པས།
ད་ནི་ངལ་བ་དང་དུ་བླངས་ནས་རྨི་ལམ་དེའི་སྐོར་འཆད་པར་བྱ།
ཁ་བཙུམས་རོགས་གནང་། ཁ་གདངས་རོགས་གནང་།
ཀླུ་སྨྱོན
སྐད་ཆ་བཤད་དུས་ཁ་གདངས་བཙུམ་བྱེད་དགོས་པ་ནི་འགྲོ་བ་མིའི་རིགས་ཀྱིས་གཙོས་པའི་སྐད་ཆ་བཤད་ཤེས་པའི་སྲོག་ལྡན་དག་གི་ལྷན་སྐྱེས་ཀྱི་ངང་ཚུལ་ཞིག་རེད། ཡིན་ན་ཡང་སྐད་ཆའི་རྗེས་སུ་ཡི་གེ་ཟེར་བའི་མགོ་རྙོག་ཚ་བོ་འདི་བྱུང་བ་ནས་བཟུང་སྟེ། ཡི་གེ་རེ་རེར་སྐྱེ་གནས་ཟེར་བའི་རྙོག་དྲ་ཚ་བོ་ཞིག་ངོས་བཟུང་སྟེ་ཡི་གེའམ་སྐད་ཀྱི་གདངས་འབྱིན་དུས་སྐྱེ་གནས་གཏན་ཁེལ་བ་དེ་རང་ནས་སྒྲ་དེ་འབྱིན་དགོས་པའི་གཏན་འབེབ་བྱས་ཡོད། དཔེར་ན་བོད་ཡིག་གི་ཀ་ཁ་སུམ་ཅུ་བོ་རེ་རེ་བཞིན་སྐྱེ་གནས་ཀྱི་སྒྲིག་ཁྲིམས་འོག་ཏུ་གནས་དགོས་པའི་ཁྲིམས་སྲོལ་ལམ་བརྡ་སྤྲོད་པའི་རིག་པའི་གཞུང་ལུགས་ཤིག་བརྩམས་ཡོད།
མཁའ་འགྲོའི་རྣམ་བཤད་ཌྰ་ཀིའི་ཞིང་ཁམས་ཉུལ་བའི་ལམ་ཡིག
ཀླུ་སྨྱོན།
འདི་ནི་དཔྱད་རྩོམ་དེ་འདྲ་གང་ཡང་མིན་པར་འཕྲལ་སེལ་མཁའ་འགྲོའི་སྐོར་གྱི་གཏམ་བཤད་ཅིག་གི་ཆེད་དུ་བྲིས་པའི་བརྗེད་བྱང་ཙམ་ཞིག་ཡིན།
༄༅། །ལྷན་སྐྱེས་མཁའ་འགྲོའི་རིག་པ་དབྱིངས་སུ་སད། །
ཞིང་སྐྱེས་མཁའ་འགྲོའི་འདུ་བ་སྤྲིན་བཞིན་འཐིབས། །
སྔགས་སྐྱེས་མཁའ་འགྲོའི་སྡོང་གྲོགས་ཆར་ལྟར་འབབ། །
བླ་མ་མཁའ་འགྲོའི་ཚོགས་རྗེ་ལ་བཏུད་ནས། །
གནས་ཡུལ་ཉེར་བཞི་དུར་ཁྲོད་བཞི་ཟུང་སོགས། །
ས་སྤྱོད་གནས་སུ་སྐལ་ལྡན་འགྲོ་བའི་ཕྱིར། །
ཅིར་ཡང་རྫུ་བའི་འཕྲུལ་གྱི་ཟློས་གར་མཁན། །
མཁའ་འགྲོའི་རྣམ་བཤད་དེང་འདིར་བརྗོད་པར་བྱ། །
སྟོན་པ་མཉམ་མེད་ཤྰཀྱའི་རྒྱལ་པོའི་བསྟན་པ་འདི་ལ་མདོ་དང་སྔགས་ཀྱི་བབ་སོ་ཆེན་པོ་གཉིས་སུ་ཡོད་ཅིང་། མདོ་སྔགས་གང་གི་ལུགས་སུ་ཡང་མཁའ་འགྲོའི་ཆེ་བ་དང་ཆོས་ལུགས་སོགས་ཀྱི་འཇུག་སྒོ་མ་བཀག་པར་ཡོད་པ་དང་། དེ་ཡང་མཁའ་འགྲོའི་སྐད་དོད་ཌྰ་ཀི་ནི་ཞེས་པ་ནི་ནམ་མཁའ་ལ་འགྲོ་བའི་དོན་ལ་འཇུག་ཀྱང་། མཁའ་འགྲོ་མ་ལ་རིགས་མང་པོ་ཞིག་ཡོད་ཅིང་། རིགས་ཀྱི་སྒོ་ནས་དབྱེ་ན་རྡོ་རྗེ་མཁའ་འགྲོ རིན་ཆེན་མཁའ་འགྲོ་དང་ལས་ཀྱི་མཁའ་འགྲོ པད་མ་མཁའ་འགྲོ་དང་སངས་རྒྱས་མཁའ་འགྲོ་བཅས་མཁའ་འགྲོ་སྡེ་ལྔ་དང་། འཕྲིན་ལས་ཀྱི་སྒོ་ནས་དབྱེ་ན་ཡེ་ཤེས་ཀྱི་མཁའ་འགྲོ འཇིག་རྟེན་གྱི་མཁའ་འགྲོ་སོགས་གདུལ་བྱ་སོ་སོའི་སྣང་ངོར་སྤྲུལ་པའི་རོལ་གར་སྣ་ཚོགས་ཤིག་མཛད་པ་ཡིན། དེ་ཡང་མཐའ་གཅིག་ཏུ་མཁའ་འགྲོ་ཡིན་ན་ནམ་མཁའི་དབྱིངས་སུ་བཞུགས་པའི་ངེས་པ་མེད་པར་བདེ་མཆོག་སོགས་ནས་གསུངས་པའི་ཡུལ་ཉི་ཤུ་རྩ་བཞི་དང་། རི་དང་རྒྱ་མཚོ། ལྗོན་ཤིང་དང་གྲོང་ཁྱེར། དུར་ཁྲོད་ཆེན་པོ་སོགས་ཕྱོགས་ངེས་མེད་དུ་མཁའ་འགྲོ་མ་རྣམས་ཡོད་པ་ཡིན་ཞིང་། སྔོན་ཆད་རྒྱ་གར་འཕགས་པའི་ཡུལ་དུ་མི་མེད་པའི་དུར་ཁྲོད་དང་མི་མང་བའི་ཚོང་འདུས་གཉིས་ནི་མཁའ་འགྲོ་མ་རྣམས་འདུ་བའི་གནས་གལ་ཆེན་པོ་གཉིས་སུ་ངོས་འཛིན་པ་ཡིན། དེ་ཡང་མཁའ་འགྲོ་མ་ཉིན་མོར་ཚོང་འདུས་སུ་ཡོང་ནས་སྐལ་ལྡན་གྱི་མི་ལ་རྒྱུད་ཚོད་དང་མཐུན་པའི་ཆོས་སྟོན་པ་དང་། མཚན་མོར་དུར་ཁྲོད་དུ་འདུས་ནས་ཚོགས་ཀྱི་འཁོར་ལོ་བསྐོར་བ་ཡིན།
དེ་ལས་མང་བ་། “མཁའ་འགྲོའི་རྣམ་བཤད་ཌྰ་ཀིའི་ཞིང་ཁམས་ཉུལ་བའི་ལམ་ཡིག” »
སྤོབས་པ་མཐའ་ཡས་དང་དོགས་པ་མཐའ་ཡས།
ཀླུ་སྨྱོན།
བོད་ལ་དྲ་བའི་རིག་གནས་འདི་དར་ནས་ཅུང་ཟད་མ་གཏོགས་འགོར་མེད་ལ། ཕྱི་སྡོད་བོད་མིའི་ཁྲོད་དུ་དྲ་བའི་རིག་གནས་འདི་བེད་སྤྱད་དེ་རང་རང་གི་བསམ་ཚུལ་འབྲི་མཁན་དང་སྤྱི་སྒེར་ལ་སྐྱོན་བརྗོད་བྱེད་མཁན། བསམ་བཞིན་དུ་མི་སེམས་ལ་མནར་གཅོད་གཏོང་མཁན་དང་མི་ལུས་ལ་ཁབ་གཙག་བྱེད་མཁན་སྐོར་ཞིག་བྱུང་། དེ་དག་གི་ཁྲོད་དུ་རང་མིང་དངོས་སུ་འབྲི་མཁན་སྐོར་ཞིག་དང་སྨྱུག་མིང་གི་འོག་ཏུ་ཡིབ་མཁན་སྐོར་ཞིག་ཡོད། རང་མིང་དངོས་སུ་འབྲི་མཁན་ནི་ཁང་གསར་རྡོ་རྗེ་དང་རབ་གསལ་ལྟ་བུ་རེད་ལ། སྨྱུག་མིང་གི་འོག་ཏུ་ཡིབ་མཁན་ནི་མི་རྐང་གླིང་བུ་དང་སྤོབས་པ་མཐའ་ཡས་ལྟ་བུ་རེད། སྨྱུག་མིང་གི་འོག་ཏུ་ཡིབ་ནས་རྩོམ་ཡིག་འབྲི་མཁན་སྤྱིར་ན་ཧ་ཅང་མང་མོད་ཀྱང་། བརྗོད་བྱ་རྗོད་བྱེད་གང་ཐད་ནས་ཁོ་བོའི་བློ་ལ་འགྲོ་ཤོས་ཀྱི་དཔྱད་བརྗོད་སྤེལ་མཁན་ཞིག་ནི་སྤོབས་པ་མཐའ་ཡས་ཟེར་བའི་མི་འདི་ཡིན།
བོད་ཀྱི་གཞས་མ་རིན་ཆེན་ཕྱི་རྒྱལ་གྱི་གར་སྟེགས་སུ་མངོན་པ།
ཐེངས་འདིའི་རོལ་དབྱངས་དུས་ཆེན་དུ་གླུ་བ་གདན་འདྲེན་ཞུ་བའི་ཚད་གཞི་ངེས་ཅན་གཞིར་བཟུང་ནས། ཀྲུང་གོའི་ནང་ཁུལ་དང་ཞང་ཀང་། ཐའེ་ཝན། སིང་ཀ་ཕོར་སོགས་རྒྱལ་ཁབ་དང་ས་ཁུལ་གྱི་གླུ་བ་སྐད་གྲགས་ཅན་མང་པོ་གདན་འདྲེན་ཞུས། རྒྱུས་ལོན་བྱས་པ་ལྟར་ན། ཀྲུང་གོའི་བོད་ཀྱི་གླུ་མ་རིན་ཆེན་གྱིས་མཐོ་སྒང་བུ་མོའི་ལྷན་སྐྱེས་ཀྱི་སྐད་ངག་གིས་རྩ་འཛུགས་ཨུ་ཡོན་ལྷན་ཁང་གི་ཡིད་སེམས་འཕྲོག་པ་རེད། ཀྲུང་གོ་ནང་ཁུལ་ནས་ཐོག་དང་པོར་མ་ལེ་ཞི་ཡའི་རོལ་དབྱངས་དུས་ཆེན་དུ་གདན་འདྲེན་ཞུས་པའི་བོད་ཀྱི་གླུ་མ་ཡིན་པའི་ཆ་ནས། ཁོ་མོས་འགོ་ཚུགས་མཛད་སྒོའི་སྟེང་དུ་བོད་ཀྱི་གླུ་དབྱངས་《སྐལ་བཟང་མེ་ཏོག་རྣམ་པར་བཞད》དང་《ཡར་ཀླུང་གཙང་པོ》གཉིས་བརྩེ་བ་ལྡན་པའི་ངང་ནས་བླངས་པ་རེད། གླུ་དབྱངས་དེ་གཉིས་ལ་ཡུལ་ཕྱོགས་དང་ས་ཁུལ་གྱི་ཁྱད་ཆོས་ལྡན་པ་དང་། ཨེ་ཤ་ཡ་ཤར་ལྷོ་ཡི་ཉམ་ཞན་པའི་དབྱངས་འགྲོས་དང་མི་འདྲ་བས་ལྟད་མོ་བ་རྣམས་ཀྱིས་དགའ་བསུ་ཆེན་པོ་ཐོབ། འཁྲབ་སྟོན་ཚར་རྗེས་གསར་འགོད་པས་བཅར་འདྲི་བྱེད་སྐབས་ཁོ་མོས་བཤད་རྒྱུར། རིག་གནས་མི་འདྲ་བ་དང་། རོལ་དབྱངས་ལ་བརྟེན་ནས་རིག་གནས་མི་འདྲ་བ་དང་མི་རིགས་མི་འདྲ་བའི་ལྟད་མོ་བ་རྣམས་ལ་བོད་མི་རིགས་དང་བོད་ཀྱི་རིག་གནས་རྒྱུས་ལོན་བྱེད་དུ་འཇུག་པའི་རེ་བ་ཡོད་ཟེར། རོལ་དབྱངས་དུས་ཆེན་གཙོ་སྒྲུབ་མཁན་CFS SHOWBIZདང་མ་ལེ་ཞི་ཡ་ཡི་KPI…
དེ་ལས་མང་བ་། “བོད་ཀྱི་གཞས་མ་རིན་ཆེན་ཕྱི་རྒྱལ་གྱི་གར་སྟེགས་སུ་མངོན་པ།” »
ཁ་ཆེམས་འཇོག་སྟངས།
ཀླུ་སྨྱོན། ང་ཚོས་ཡུན་རིང་ཞིག་ལ་འདང་མ་བརྒྱབ་པའི་གནད་དོན་ཞིག་སྟེ། གལ་སྲིད་ཁྱེད་རང་ད་ལྟ་ཁ་སྣ་སྐམ་ཞིང་དབུགས་ཐུང་ལེན་བྱེད་བཞིན འཇིག་རྟེན་ཕྱི་མའི་ལྟད་མོར་ཆས་ལ་ཉེ་བ་དང་། ཁྱེད་ཀྱི་གྲོགས་པོ་དང་གཉེན་ཉེ་དག་གིས་ཁྱེད་ཀྱི་མལ་ཁྲིའི་མཐའ་བསྐོར་ནས། སེམས་སྐྱོ་བས་གཟིར་ཞིང་མིག་མཆི་མས་ཁེངས་བཞིན། ཁྱེད་ཀྱི་ཆེས་མཐའ་མཇུག་གི་སྐད་ཆ་ཚིག་གསུམ་སྟེ། ཁྱེད་ཀྱི་འཆི་ཁའི་ཁ་ཆེམས་དྲོན་མོ་དེར་ཉན་འདོད་ཡོད་ཚེ། ཁྱེད་ཀྱིས་ཁྱེད་ཀྱི་མི་ཚེའི་ལོ་རྒྱུས་ཀྱི་མཇུག་བྱང་སྟེ། བརྗོད་འདོད་པའི་ཁ་ཆེམས་ཚིག་གསུམ་དེ་ཅི་ཞིག་ཡིན་ནམ། རང་ཉིད་ཀྱི་ཆེད་དམ། གཉེན་ཉེའི་ཆེད་དམ། མི་རིགས་ཀྱི་ཆེད་དམ། རྒྱལ་ཁབ་ཀྱི་ཆེད་དུ། ཁྱེད་ཀྱི་ཁ་ཆེམས་ངོ་མ་དེ་ཅི་ཞིག་ཡིན་ནམ།
ཟངས་དཀར་དུ་བུད་མེད་ལ་འགྱུར་བ་ཞེས་པའི་གློག་བརྙན་འདིར་ལྟ་ཨེ་མྱོང་།
ཁྱབ་བསྒྲགས་ཐུང་ངུ་ཞིག་འདིར་འདུག
བརྩེ་བ་སྡུག་ཅག —–མ་བལྟས་ཚད་མེད་ཀྱི་གློག་བརྙན།
གཤམ་གྱི་བརྩེ་བ་སྡུག་ཅག་ཅེས་པའི་མིང་དེའི་སྟེང་དུ་རྡེག་གནོན་བྱོས་དང་། ཁྱེད་ཀྱི་སྙིང་དམར་པོའི་གསང་བ་ཕྱི་རུ་འདྲེན་ཞིང་མིག་ཁྲ་ཆུང་མཆི་མ་ཐུར་དུ་འགྲིལ་བའི་གློག་བརྙན་”བརྩེ་བ་སྡུག་ཅག་”ཅེས་པ་འཁྲབ་ཚན་ཉི་ཤུ་ཅན་ཞིག་མངོན་ཡོང་། གློག་བརྙན་འདིའི་ནང་དུ་ཁྱེད་ཀྱིས་བརྩེ་བ་དང་འགལ་ཟླ། ཕྲག་དོག་དང་སེམས་སྡུག་སོགས་འཇིག་རྟེན་མི་ཡི་འཚོ་བའི་གྲུབ་ཆ་ཆེན་པོ་དག་རེ་རེ་བཞིན་མཐོང་ཐོས་མྱོང་རོལ་བྱེད་ཐུབ་ཅིང་། རང་རེ་བོད་པ་ཚང་ལ་ཡང་འདི་འདྲའི་གློག་བརྙན་ལེགས་པོ་རེ་ཡོད་ན་ཅི་མ་རུང་སྙམ་པའི་བསམ་བློ་ཡང་འཁོར་སྲིད། བརྩེ་བ་སྡུག་ཅག རྡེག་གནོན་བྱས་ཚེ་མི་འཆར་ན་གཤམ་གྱི་དྲ་ཐག་དེ་བེད་སྤྱོད་ཐོངས། http://www.hulu.com/watch/159861/bad-love-episode-1
ཁྲག་དང་བརྩེ་དུང་གི་བར་གྱི་མི་འདི་དག
ཀླུ་སྨྱོན།
ཁེ་ཉིན་དགོང་མོར་འདི་གའི་NBCབརྙན་འཕྲིན་གྱི་ལས་རིམ་ལྟད་ མོ་ཞིག་ལ་བལྟས་པ་ཡིན། ལྟད་མོ་དེ་ནི་སྤྱི་ལོ་ཉིས་སྟོང་བདུན་ལོར་དངོས་སུ་བྱུང་བའི་གནས་ཚུལ་ཞིག་རེད་ ལ། གནས་ཚུལ་དེ་འབྱུང་ས་ནི་ཨ་རིའི་སྲིད་འཛིན་རྙིང་པ་རྗོར་རྗེ་སྦུ་ཞི་ཡི་ཕ་ཡུལ་ ཁྲེག་སི་སི་ཞེས་པའི་ཞིང་ཆེན་དེའི་ས་གནས་ཤིག་ཏུ་རེད། ཁྱིམ་ཚང་ཞིག་ལ་ཕ་མ་གཉིས་དང་ལོ་ན་བཅུ་དགུར་སོན་པའི་བུ་མོ་ཞིག ད་དུང་ལོ་བཅུ་གཉིས་དང་བཅུ་ལ་སོན་པའི་བུ་གཉིས་འདུག ཁོ་ཚོ་སྡོད་ས་དེ་ཞིང་གྲོང་ཞིག་ཡིན་ཞིང་ནམ་རྒྱུན་དོན་དག་ཕྲན་ཚེགས་རེ་བྱུང་ དང་འབྱུང་བཞིན་ཡོད།
མི་ལུས་གྲུབ་ཚུལ།
http://fcmx.net/vec/get.swf?i=003702 ཡི་གེ་འདི་ཚོ་ཁྱེར་ནས་དྲ་ཀླད་དུ་སོང་ཚེ་ལྟ་ཐུབ།
ས་རྡུལ་སྐྱ་བོ།
ཀླུ་སྨྱོན།
སྔོན་ཆད་དྭངས་ཤིང་ལྷིང་འཇགས་ཡིན་ལ་དལ་བུར་ལྡང་པའི་སྟོན་རླུང་གིས། །
དེ་རིང་ཐག་རིང་རྒྱུས་མེད་ཡུལ་གྱི་མི་སྡུག་ས་རྡུལ་སྐྱ་བོ་ཞིག །
གནམ་ས་བར་སྣང་མ་ཁྱབ་མེད་པར་ཐོལ་གྱིས་ཁུར་ནས་བསླེབས་བྱུང་བས། །
ད་ནི་ང་ཚོས་སྒོ་དང་སྒེའུ་ཁུང་སྐར་ཁུང་ཡོད་ཚད་གཏན་པར་གྱིས། །
ནད་ཡམས་དམག་འཁྲུག་མུ་གེ་མི་ཁ་སྐུར་འདེབས་སྒྲོ་འདོགས་ལ་སོགས་པའི། །
ཉམ་ཆུང་རང་གཞན་ལུས་སྲོག་གཉིས་ལ་དྲག་ཏུ་རྒོལ་བར་བྱེད་པ་ཡི། །
དུས་ངན་སྙིགས་མའི་དུག་གི་མཚོན་ཆ་ཁྲི་མ་འབུམ་ཞིག་བར་མེད་དུ། །
ས་རྡུལ་སྐྱ་བོས་ངལ་མེད་ས་གཞིའི་སྐྱི་གཉེར་ངོས་སུ་དྲུད་དེ་འོངས། །
ཚོད་ཚོད་ལ་སྙན་ངག་ཅིག་འབྲི་ན་འདོད།
ཀླུ་སྨྱོན།
དེ་རིང་གནམ་གཤིས་དེ་འདྲ་ཡག་རྒྱུ་མི་འདུག་པས།
ནང་ལ་འཛུལ་ནས་ཇ་རེ་འཐུང་བཞིན་སྙན་ངག་ཅིག་འབྲི་ན་འདོད།
དེ་ཡང་འཆར་གཞི་དང་བཀོད་སྒྲིག་སོགས་གང་ཡང་མེད་པར་ཚོད་ཚོད་ལ་འབྲི་ན་འདོད།
འོ་ན་ཅི་ཞིག་གི་སྐོར་ལ་འབྲི་དགོས་སམ།
ཁ་སང་ཉི་ནུབ་ངའི་མགོ་ཐོག་ནས་རྒྱང་རིང་དུ་འཕུར་སོང་བའི་བྱ་ཁྱུ་དེར་དམིགས་ནས་ཅིག་འབྲི་དགོས་སམ།
ཡང་ན་མདང་དགོང་བརྙན་འཕྲིན་ནང་མཐོང་བའི་ལེ་དབར་ཁྲི་ཕྲག་བརྒལ་ནས་འཚོ་གནས་སྙེག་པའི་བྱ་ཁྱུ་*དེའི་ལས་དབང་གི་སྐོར་ལ་ཅིག་འབྲི་དགོས།
ཡང་མིན་ན་རང་ཉིད་ཀྱང་རྒྱ་མཚོའི་ཕ་རོལ་ནས་འདབ་ཆགས་ཁེར་འཕུར་ཞིག་གི་ཚུལ་གྱིས་གནས་འདིར་བསླེབས་པའི་སྐོར་ལ་ཅིག་འབྲི་དགོས།
ཨོ་རྒྱན་པདྨས་མཛད་པའི་བོན་ཆོས་རྣམ་དབྱེ་བཞུགས་སོ།
རྗེ་བཙུན་ཆེན་པོ་པདྨ་ཐོད་འཕྲེང་ལ། བཙན་པོ་ཁྲི་སྲོང་སྡེའུ་བཙན་གྱིས་གསེར་གྱི་མཎྡལ་ལ་གཡུ་ཡི་ཚོམ་བུ་བཀོད་ནས་ ཞུས་པ། མ་སྒྲིབ་ས་ལེ་མཁྱེན་པའི་གྷུ་རུ་རྗེ། །བོན་ཆོས་གཉིས་ཀྱི་ལོ་རྒྱུས་འབྱུང་ཁུང་དང་། །དར་ནུབ་རྒྱུ་རྐྱེན་ཐ་དད་ཡོད་མེད་རྣམས། །བདག་ཉིད་ཆེན་པོས་མ་ལུས་གསུངས་པར་ཞུ། །ཞེས་ཞུས་པས། གྷུ་རུའི་ཞལ་ནས་བོན་གྱི་འབྱུང་ཁུང་ཆོས་ཀྱི་རྣམ་དབྱེ་ནི། ཟུར་ཙམ་བཤད་ཀྱིས་རྒྱལ་བོའི་ཡིད་ལ་ཞོག བསྐལ་པ་འདི་ཡི་གོང་རོལ་ཡང་གོང་དུ། བསྐལ་བ་མངོན་དགའ་བྱ་བ་བརྒྱད་ཁྲི་བཞི་སྟོང་བྱུང་། དེ་ཡི་གོང་དུ་སྒྲོན་མའི་བསྐལ་པ་བྱུང་། ཐོག་མ་ནས་བཟུང་ད་ལྟའི་བསྐལ་པ་ལ་འདྲེན་པའི་བསྐལ་པ་བཞི་བྱུང་སྟེ། དང་བོ་ཆགས་པའི་བསྐལ་བ་འབྱུང་རྫོགས་དུས། །སྔོན་ལ་ཡོངས་རྫོགས་ཁྲི་བཞི་ནམ་ཏིང་བྱུང་། །དེ་ནས་རླུང་གི་བསྐལ་བ་ཆགས་པའི་ཚེ། །རླུང་ལས་གྲུབ་པའི་བ་རབ་གླིང་རྩོལ་བྱུང་། །དེ་ནས་མེ་ཡི་བསྐལ་བ་ཆགས་པའི་ཚེ། །དེ་ནས་མེ་ལས་གྲུབ་པའི་ཁྲི་རྨང་རྒྱལ་བ་བྱུང་། །དེ་ནས་ཆུ་ཡི་བསྐལ་པ་ཆགས་པའི་ཚེ། །ཆུ་ལས་གྲུབ་པའི་ལྡེ་བོ་གསུང་ཆེན་བྱུང་། །
དེ་ལས་མང་བ་། “ཨོ་རྒྱན་པདྨས་མཛད་པའི་བོན་ཆོས་རྣམ་དབྱེ་བཞུགས་སོ། ” »
དགེ་ལྡན་བཅའ་ཡིག་ཆེན་མོའི་ཁ་སྣོན་དུ་བསྐུར་པའི་བཅའ་ཡིག་དུས་མཐུན་འཁྱེར་བདེ་མ།
༡ རིགས་གཅིག་རྐང་འཛིན་ཟེར་བ་འདི་ནི་ལྷ་རམས་ཐོན་རྗེས་སྦྱོང་དགོས་པ་ཞིག་མ་རེད། ལྷ་རམས་ཐོན་རྗེས་ལོ་ཚད་ཆུང་ཆུང་ཞིག་མ་རེད། དེ་བས་རིགས་གཅིག་རྐང་འཛིན་པ་སུ་ཡིན་ལ་ཚོགས་ཆོས་གྲྭར་དམིགས་བསལ་བྱིན་ཏེ་ཁོ་ཚོ་ཁོ་ཚོས་བདམས་པའི་ལམ་ཁ་དེར་འགྲོ་རུ་འཇུག་དགོས།
༢ ལེགས་སྦྱར་སྦྱངས་ནས་ག་རེ་བྱེད་ཀྱི་ཡིན་ནམ། བཀའ་འགྱུར་བསྟན་འགྱུར་ནང་མེད་པའི་ཆོས་ཚན་གང་ཞིག་ལེགས་སྦྱར་ནང་ལྷགས་འདུག དེ་བས་དབྱིན་ཇི་སྦྱངས་ཏེ་འཛམ་གླིང་གི་ཤེས་བྱ་རིག་པའི་གནས་སྣ་ཚོགས་ལ་སློབ་སྦྱོང་བྱེད་དགོས། དགེ་ལུགས་ཚང་གི་བླ་མ་བཟོད་པ་མ་གཏོགས་ནུབ་ཕྱོགས་སྤྱི་ཚོགས་ནང་དུ་བོད་པའི་ཆོས་རིག་གི་སྟེང་ནས་རང་རྐང་ཚུགས་ཡོད་པ་ཞིག་ཕལ་ཆེར་སྟོན་རྒྱུ་མི་འདུག་པས། བསྡུས་གྲྭ་ནས་བརྩམས་ཏེ་དབྱིན་ཡིག་སྦྱོང་དུ་འཇུག་དགོས།
༣ གྲྭ་པའི་ལག་གི་གློག་ཀླད་དང་ལག་ཐོག་ཁ་པར་གཏན་འགོག་སོགས་དེང་རབས་འཛམ་གླིང་དང་ཁ་འབྲལ་བའི་ཁ་བྲལ་རིང་ལུགས་ཀྱི་བྱེད་སྟངས་ངོ་མ་དེ་ཕྱིར་བསྡུ་བྱེད་དགོས།
དེ་ལས་མང་བ་། “དགེ་ལྡན་བཅའ་ཡིག་ཆེན་མོའི་ཁ་སྣོན་དུ་བསྐུར་པའི་བཅའ་ཡིག་དུས་མཐུན་འཁྱེར་བདེ་མ།” »
རྨི་ལམ་ནང་གི་རྟ་རྒན།
ཀླུ་སྨྱོན།
མདང་དགོང་ངས་རྨི་ལམ་ཞིག་རྨིས་བྱུང་ལ།
དེ་ཡང་རྨི་ལམ་རྒྱུན་ལྡན་ཞིག་མ་རེད།
ངེད་ཚང་ལ་རྟ་རྒན་ཞིག་འདུག་ཅིང་།
རྟ་རྒན་དེའི་རྒྱབ་ཡོངས་རྫོགས་རྨ་རེད་འདུག
རྨ་ཁ་དེ་ཡོངས་སུ་རུལ་ནས་དྲི་ངན་ཁ་གི་འདུག
སྐྱག་སྦྲང་སྟོང་ཕྲག་མང་པོས་རྟ་རྒན་གྱི་རྒྱབ་རྨའི་ནང་དུ་ཚང་བཅོས་འདུག
ཁོ་ཚོ་གཅིག་པོ་ཡིན་ན་འགྲིག་སྟེ།
ཁོ་ཚོས་ཚིམ་པ་མེད་པའི་ངང་རང་རང་གི་བུ་རབས་ཚ་རྒྱུད་དག་ཀྱང་གསོ་སྤེལ་བྱེད་བཞིན་འདུག