ཀླུ་སྨྱོན་ཧེ་རུ་ཀ
—ཁེ་ན་སྒྲ་ནས་བོད་ཀྱི་འབྲོག་ཁྱི་ཞིག་མཐོང་རྗེས།
ཚུར་ལ་ཉོན་དང་འབྲོག་པ་བླུན་རྒན་ཚོ།
ཁྱོད་ཚོར་སྒོར་མོ་དགོས་པ་ང་ཡིས་ཤེས།
ཁྱོད་ཚོར་སྒོར་སྨྱོ་བྱུང་བ་ང་ཡིས་རྟོགས།
ཁྱོད་ཚོས་རང་གཤིས་བརླགས་པ་ཁོ་བོར་གསལ།
ཁྱོད་ཚོའི་ཧམ་སེམས་འབར་བ་བདག་གིས་མཐོང་།
ང་ནི་ཁྱོད་ཚོའི་ཕ་མེས་ཡང་མེས་ནས།
མེད་ཐབས་མེད་པའི་སྒོ་ཟོག་ཉག་གཅིག་སྟེ།
ཀླུ་སྨྱོན།
གདོན་འདྲེའི་མིག
ནམ་གུང་གདོན་འདྲེས་ཁྲོ་མིག་གདངས་བཞིན་ངའི་སྒོ་བརྡུངས་སོང་།
རྒྱུ་མཚན་ནི་དོ་དགོང་ངས་ཁོའི་སྒོ་རྡུང་རྒྱུ་བརྗེད་པས་རེད།
ཆགས་པའི་མིག
ཉི་འོད་དང་རྒྱ་མཚོས་བུ་མོ་དག་གཅེར་བུར་ཕུད།
དེ་ལ་དཀོན་མཆོག་གིས་ཀྱང་ཆགས་པའི་མིག་གིས་ཅེར།
རྐུན་མའི་མིག
ཨ་རིའི་དཔལ་འབྱོར་ཉམས་རྒུད་འདི་ངོ་མ་བཟོད་དཀའ་བའི་གོ་རིམ་ཞིག་ཡིན་པས།
ཉི་མ་ཁ་དཀར་ངོ་དཀར་ལ་ཕྱུག་པོ་ཚོས་ཀྱང་རྐུ་བྱེད་བཞིན་འདུག
ཀླུ་སྨྱོན་ཧེ་རུ་ཀ
གཞོན་པའི་དུས་སུ་ཕ་མའི་དབང་དུ་གྱུར།
དར་བའི་དུས་སུ་ཆུང་མའི་དབང་དུ་གྱུར།
རྒས་པའི་དུས་སུ་བུ་ཚའི་དབང་དུ་གྱུར།
བླུན་པོར་རང་དབང་རྟག་ཏུ་ཡོད་མ་ཡིན།
—སྟོན་པས་གསུངས་པའི་ཉེན་བརྡ།
དགུ་བཅུ་གོ་གྲངས་དུས་རབས་དེར།
ལྟོས་ས་ལྟོས་འཇོག་གིས་བརྗོད་ན།
གྲྭ་པའི་དུས་རབས་འབོད་ཆོག་ཆོག
ཀླུ་སྨྱོན།
ཨེ་མ་ཧོ།
ཡང་ཅིག་གསོན་དང་བོད་ཀྱི་རྩོམ་པ་པོ། །
དེ་ལས་མང་བ་། “རིག་པ་ཀློང་ཡངས་ཆེན་པོ་ལས། ཉལ་ས་བསྟན་པའི་ལེའུ་བཞུགས།” »
ཀླུ་སྨྱོན་ཧེ་རུ་ག
—སྐུ་ཞབས་སེང་རྡོར་གྱིས་མཚོ་སྔོན་བོད་སྐད་རླུང་འཕྲིན་ཁང་དང་དེ་མིན་སློབ་གྲྭ་ཞིག་ཏུ་གཏམ་བཤད་བྱས་པ་ཞིག་ལ་ཉན་རྗེས།
ངས་ སྐུ་ཞབས་སེང་རྡོར་གྱི་དེབ་ཉག་གའི་ལྗང་སེར་གློ་དམར་ཞེས་པ་དེ་བཀླགས་མ་མྱོང་ མོད། དེབ་དེའི་སྐོར་མི་གཞན་གྱིས་ཐེངས་མང་གླེང་བརྗོད་སྤེལ་བ་དང་། རྩོམ་པ་པོ་ཁོང་གིས་ཉེ་ཆར་ཐེངས་གཉིས་ལ་རླུང་འཕྲིན་ཁང་དང་སློབ་ཆེན་ཞིག་ཏུ་ དེའི་སྐོར་གཏམ་བཤད་སྤེལ་སོང་ལ། གཏམ་བཤད་དེ་གཉིས་ཀའི་སྐབས་སུ་ཁོ་བོའི་སེམས་ནང་གྲ་སྒྲིག་ཅིག་བྱས་ཏེ་བསྡད་པ་ ནི་སེང་རྡོར་གྱི་རྩོམ་སྤྱི་ཁྱབ་ནས་མ་ཡིན་པར་ཁོང་གི་དེབ་དེའི་མིང་བྱང་ཉག་ གའི་ལྗང་སེར་གློ་དམར་ཞེས་པའི་ཐ་སྙད་དེའི་བསྟན་དོན་ཡིན། སེང་རྡོར་ལགས་ཀྱིས་ཐེངས་རེ་རེ་བཞིན་ཉག་གའི་ལྗང་སེར་གློ་དམར་ཞེས་པའི་ཐ་སྙད་ དེའི་གོ་དོན་འགྲེལ་དུས་ཉག་ག་དེ་ནས་ཕར་འགྲོ་ཚུར་ཡོང་གི་མི་དེ་ཚོའི་སྐེ་རགས་ སོགས་ཀྱི་ཁ་དོག་ལ་འགྲེལ་བརྗོད་བྱས་སོང་ལ། འགྲེལ་བརྗོད་དེ་དག་རེ་རེ་བཞིན་ཉག་གའི་ལྗང་སེར་གློ་དམར་ཞེས་པའི་ཐ་སྙད་དེ་དང་འཚམ་པོ་བྱུང་། ཡིན་ཡང་ཁོ་བོའི་སེམས་ནང་ད་དུང་ཁོང་གིས་ཉག་ གའི་ལྗང་སེར་གློ་དམར་ལ་དེ་ལས་ཀྱང་ཡིད་དབང་འཕྲོག་པའི་འགྲེལ་བཤད་ཅིག་ཅི་ལ་མི་ རྒྱག་པ་ཡིན་ནམ་སྙམ་པའི་ཀུན་སློང་ངམ་འཆར་སྣང་ཞིག་ངང་གིས་སྐྱེས་སོང་།
བྱིས་སྒྲུང་གསར་རྩོམ།
ཀླུ་སྨྱོན་ཧེ་རུ་ཀ
བྱིས་པ་ཆུང་ཆུང་ཚོ། དེ་རིང་ངས་ཁྱོད་ཚོར་སྒྲུང་གསར་པ་ཞིག་བཤད་ཀི་ཡིན་ལ། སྒྲུང་འདིའི་མིང་ལ་ཤིང་གི་མི་ལྷ་སར་གནས་སྐོར་དུ་ཕྱིན་པ་ཟེར་གི་ཡོད།
སྔོན་མ་སྔོན་མ་ཞིག་ལ་ས་ཆ་ཞིག་ཏུ་གྲོང་གསེབ་ཅིག་ཡོད་པ་རེད། གྲོང་གསེབ་དེའི་མི་ཚོས་མི་ཚེའི་གཅིག་གི་རིང་ལྷ་སར་གནས་སྐོར་དུ་ཐེངས་གཅིག་འགྲོ་ཐུབ་ན་དེ་ནི་བསོད་ནམས་ཆེན་པོ་ཞིག་ཡིན་པས། ཚེ་འདི་དང་སྐྱེ་བ་རྗེས་མ་གཉིས་ཀར་ཕན་ཐོགས་ཆེན་པོ་ཞིག་ཡིན་པའི་ངོས་འཛིན་བྱེད་ཀི་ཡོད་པ་རེད། གྲོང་གསེབ་དེའི་ནང་དུ་བཟའ་ཚང་གཉིས་དང་བྱིས་པ་ཞིག ད་དུང་ཤིང་གི་མི་ཞིག་བཅས་ཁྱོན་བསྡོམས་ནང་མི་བཞི་ཡོད་པ་རེད།
དེ་ལས་མང་བ་། “ཤིང་གི་མི་ལྷ་སར་གནས་སྐོར་དུ་ཕྱིན་པའི་སྒྲུང་།” »
ཀླུ་སྨྱོན།
ཀ་ར་ལྟ་བུའི་བྱམས་བརྩེ་མངར་མ། །
ཁ་ཚིག་དར་དཀར་ལས་ནི་འཇམ་མ། །
ག་དུས་ཡིན་ཡང་བུ་ལ་བརྩེ་མ། །
ང་ཡིས་དེ་རིང་ཨ་མ་དྲན་མ། །
ཅ་རིལ་ལྟ་བུའི་སྙིང་གི་དབུས་ནས། །
ཆ་ཤས་ཙམ་མིན་ཡོངས་སུ་བརྩེ་མ། །
ཇ་ཆང་འཛོམ་པའི་ཨ་རིའི་ཡུལ་ནས། །
ཉ་གང་ཟླ་བཞིན་ཡིད་མཁར་ཤར་མ། །
དྲ་ཐག་སྤྱད་དེ་གློག་བརྙན་ལ་གཟིགས། http://www.tudou.com/programs/view/Oqy0kjYFR1M/ བདག་གི་ཕུ་བོ་དགེ་བཤེས་ཡེ་ཤེས་བཟང་པོའམ་བོད་ཀྱི་ན་གཞོན་རྩོམ་པ་བོ་ལྡོང་ཕྲུག་གིས་འཁྲབ་ཁྲིད་བྱས་ཤིང་ན་གཞོན་སྒྱུ་རྩལ་བ་རིག་འཛིན་ཐར་སོགས་ཀྱིས་འཁྲབ་སྟོན་བྱས་པའི་བོད་ཀྱི་རིག་གནས་ཉམས་རྒུད་མཚོན་པའི་གློག་བརྙན་”བོར་ཟིན་པའི་སྦྲ་ནག”ཅེས་པ་མཚོ་སྔོན་ཨ་མའི་བུ་མི་རིགས་རིག་གནས་དར་སྤེལ་ཚད་ཡོད་སྤྱི་གཉེར་ཁང་གིས་སྒྲིག་སྦྱོར་བྱས་ཤིང་། ཟི་ལིང་སམ་བྷོ་ཊ་རིག་གནས་དར་སྤེལ་ལྟེ་གནས་ཀྱིས་དཔར་སྐྲུན་བྱས་ཏེ་ལུགས་རྙིང་ལོ་གསར་སྔོན་དུ་རྒྱ་ཆེ་བའི་གཟིགས་མཁན་གྱི་སྤྱན་སྔར་འགྲེམ་སྤེལ་བྱས། གློག་བརྙན་འདི་ལས་ད་དུང་བོད་ཀྱི་མི་རབས་གསར་རྙིང་གཉིས་ཀྱི་འཇིག་རྟེན་ལྟ་ཚུལ་དང་རིན་ཐང་ལྟ་ཚུལ་བར་གྱི་འགལ་བ་དང་དེའི་འབྱུང་རྐྱེན། འཕེལ་རིམ། མཐར་དེ་གཉིས་གཞི་གཅིག་ཏུ་མཐུན་སྲིད་པའི་བསམ་བློ་མངོན་པར་མཚོན་ཡོད། ཀླུ་སྨྱོན་ནས།
དྲ་ཐག་སྤྱད་དེ་གློག་བརྙན་ལ་གཟིགས། http://www.tudou.com/programs/view/Oqy0kjYFR1M/ བདག་གི་ཕུ་བོ་དགེ་བཤེས་ཡེ་ཤེས་བཟང་པོའམ་བོད་ཀྱི་ན་གཞོན་རྩོམ་པ་བོ་ལྡོང་ཕྲུག་གིས་འཁྲབ་ཁྲིད་བྱས་ཤིང་ན་གཞོན་སྒྱུ་རྩལ་བ་རིག་འཛིན་ཐར་སོགས་ཀྱིས་འཁྲབ་སྟོན་བྱས་པའི་བོད་ཀྱི་རིག་གནས་ཉམས་རྒུད་མཚོན་པའི་གློག་བརྙན་”བོར་ཟིན་པའི་སྦྲ་ནག”ཅེས་པ་མཚོ་སྔོན་ཨ་མའི་བུ་མི་རིགས་རིག་གནས་དར་སྤེལ་ཚད་ཡོད་སྤྱི་གཉེར་ཁང་གིས་སྒྲིག་སྦྱོར་བྱས་ཤིང་། ཟི་ལིང་སམ་བྷོ་ཊ་རིག་གནས་དར་སྤེལ་ལྟེ་གནས་ཀྱིས་དཔར་སྐྲུན་བྱས་ཏེ་ལུགས་རྙིང་ལོ་གསར་སྔོན་དུ་རྒྱ་ཆེ་བའི་གཟིགས་མཁན་གྱི་སྤྱན་སྔར་འགྲེམ་སྤེལ་བྱས། གློག་བརྙན་འདི་ལས་ད་དུང་བོད་ཀྱི་མི་རབས་གསར་རྙིང་གཉིས་ཀྱི་འཇིག་རྟེན་ལྟ་ཚུལ་དང་རིན་ཐང་ལྟ་ཚུལ་བར་གྱི་འགལ་བ་དང་དེའི་འབྱུང་རྐྱེན། འཕེལ་རིམ། མཐར་དེ་གཉིས་གཞི་གཅིག་ཏུ་མཐུན་སྲིད་པའི་བསམ་བློ་མངོན་པར་མཚོན་ཡོད། ཀླུ་སྨྱོན་ནས།
ཀླུ་སྨྱོན།
—གྲོགས་པོ་མི་རྐྱང་ཞིག་གི་ཚབ་བྱས་ཏེ་བྲིས།
ཚེ་འདིར་ཡོང་བའི་དོན་ཆེན་ཏེ། །
ཚེ་གཅིག་སྐྱ་ཡ་འཚོལ་བའི་ཕྱིར། །
ཚེ་གང་བཀླགས་ཀྱང་མི་སུན་པའི། །
ཚེ་གྲོགས་འགུག་པའི་བརྡ་ཁྱབ་འབྲི། །
སྐྱེས་ས་བོད་ནས་ཡིན་པ་ཞིག །
ཕ་ཡུལ་གཅིག་པ་ཡིན་པ་ཞིག །
ཨམ་སྐད་དག་མ་བཤད་པ་ཞིག །
མེ་ཏོག་མ་ཞིག་ཡིན་པ་ཞིག །
ཀླུ་སྨྱོན།
ཆར་བ་ཤག་ཤག་མུན་པ་ནག་ནག་ཁྲོད། །
ཆར་གདུགས་སྒྲེང་བཞིན་འཆམ་འཆམ་ཕྱིན་པའི་དུས། །
ཆར་བ་གནམ་ནས་འབབ་པ་མ་ཡིན་པར། །
ཆར་བ་སེམས་ནས་འབབ་པའི་ཚོར་བ་སྐྱེས། །
ངེས་འབྱུང་མེད་པར་སྡོམ་པ་སྐྱེ་བ་དང་། །
སློབ་སྦྱོང་མེད་པར་སྙན་ངག་རྩོམ་པ་དང་། །
རྒྱུ་མཚན་མེད་པར་གཞན་ལ་གཤེ་བ་སོགས། །
དམ་པ་མིན་པའི་རང་རྟགས་ཡིན་པར་བཤད། །
ཀླུ་སྨྱོན།
དེང་སྐབས་ང་ལ་ལོ་ངོ་བཅུ་བདུན་རིང་ལྷགས་པའི་དྲི་བ་གཅིག་གིས་གཙེས་བཞིན་འདུག དེ་ནི་ལོ་ངོ་བཅུ་བདུན་སྔོན་སྐུ་གྲོངས་པའི་ངའི་སློབ་དཔོན་ཞིག་དུས་རྒྱུན་ངའི་རྨི་ལམ་ནང་ཕེབས་འོངས་པ་དེ་རེད། ཁོང་སྐུ་ན་གཞོན་དུས་རབ་ཏུ་བྱུང་སྟེ་ནང་ཆོས་སློབ་གཉེར་གནང་། རྗེས་སུ་བླ་བྲང་བཀྲ་ཤིས་འཁྱིལ་དུ་ཕེབས་ནས་སློབ་གཉེར་ཕར་ཕྱིན་མ་རྫོགས་བར་དུ་གནང་། རིག་གསར་སྐབས་ང་ཚོའི་གྲོང་པའི་ནང་དུ་བཞུགས། ངའི་ཕ་རྒན་གྱིས་བརྗོད་པ་བཞིན་ཁོང་སྐུ་ཚེ་གང་བོར་ཞལ་རས་འཛུམ་གྱིས་ཁེངས་པ་ཞིག་ལས་ནམ་ཡང་མི་ལ་ངོ་ནག་པོ་དེ་འདྲ་སྟོན་སྲོལ་མེད། གལ་སྲིད་ཁོང་གིས་དེ་རིང་མི་གསར་བ་གཅིག་ལ་ཐུག་པ་ཡིན་ན་ལོ་བཅུའི་རྗེས་སུ་ཡང་མི་དེའི་མིང་དང་སྐད་ཆ་ཅི་བཤད་སོགས་དྲན་ཐུབ་པ་ཞིག་ཀྱང་འདུག ཁོང་གི་སྤུན་མཆེད་ལ་གསོས་ཕྲུག་བུ་བུ་མོ་གཉིས་ཡོད། བུ་མོ་དེ་ང་ལོ་བཅུ་གསུམ་ཡིན་དུས་ངས་ཆེས་ཐོག་མར་མཐོང་། དེ་དུས་མོ་རང་ལོ་བཅུ་གཅིག་ཙམ་ཞིག་རེད།
ཀླུ་སྨྱོན།
སྟོན་པ། ངའི་གཟན་སྣེ་མེ་རུ་འབར་སོང་།
ཁྱོད་འཇིག་རྟེན་དུ་བཞུགས་དུས།
གྲྭ་པ་རེ་རེའི་གཟན་སྣེ་རུ་ཞི་བདེའི་རླུང་བུ་རེ་རེ་ལྡང་བཞིན་ཡོད་ལ།
བླ་མ་རེ་རེའི་སྤྱན་ལམ་ན་གྲྭ་ཤག་རེ་རེར་ཆོས་དབྱངས་འཕུར།
ཁྱོད་འཇིག་རྟེན་ན་བཞུགས་དུས།
གྲྭ་པ་ལ་གྲྭ་པའི་ཚོད་ཀྱི་སྡོམ་པ་ཡོད་ཅིང་།
གྲྭ་པ་ལ་སྤྱི་ཚོགས་སྟེང་ན་གུས་ཞབས་ཡོད།
སྤེལ་དུས། 2012-02-15 17:23:37 རྡེབ་ཚད། 336 ཡོང་ཁུངས། མཚོ་སྔོན་བོད་སྐད་རླུང་འཕྲིན་དྲ་བ།
བོད་མི་རིགས་ཀྱི་ཕུལ་དུ་བྱུང་བའི་གཟུགས་འདས་རིག་གནས་སམ་ངག་བརྒྱུད་རིག་གནས་ཉམས་པ་སོར་ཆུད་དང་མ་ཉམས་གོང་འཕེལ་གཏང་བ་དང་།བོད་ཀྱི་རྡུང་ལེན་སྒྱུ་རྩལ་དར་ཁྱབ་དང་དེའི་རྒྱུད་འཛིན་པ་གསོ་སྐྱོང་བྱེད་ཆེད། རྨ་ལྷོ་བོད་རིགས་རང་སྐྱོང་ཁུལ་ཧི་ནན་རྫོང་རིག་གནས་ལུས་རྩལ་རྒྱང་སྒྲོག་བརྙན་འཕྲིན་ལྗོངས་རྒྱུ་ལྟ་སྐོར་ཅུའུ་དང་ཧི་ནན་རྫོང་རྩྭ་ཐང་དགེ་སྒྲུབ་ཚོགས་པ་གཉིས་ཀྱིས་མཉམ་དུ་སྒྲུབ་པའི་ཨ་མདོའི་རྡུང་ལེན་འགྲན་ཚོགས་ཆེན་མོ་དེ་ད་ལོའི་ལུགས་གསར་གྱི་ཟླ་གསུམ་པའི་ཚེས་གསུམ་ཉིན་ནམ་ལུགས་རྙིང་གི་ཟླ་གཉིས་པའི་ཚེས་བཅུ་གཅིག་ཉིན་ཧི་ནན་རྫོང་ཐོག་ནས་བསྡུ་རྒྱུ་ཡིན་པས། ས་གནས་སོ་སོའི་རྡུང་ལེན་ལ་དགའ་མོས་ཆེ་བའི་རྡུང་ལེན་པ་རྣམས་དུས་ལྟར་ཞུགས་པར་དགའ་བསུ་ཞུ།
གཅིག འགྲན་ཞུགས་ཆ་རྐྱེན་ནི་ཚིག་དང་དབྱངས་ལ་ཡར་སྐུལ་གྱི་ནང་དོན་ལྡན་ཞིང་།སྒྱུ་རྩལ་དང་བསམ་བློའི་རང་བཞིན་མངོན་པར་དོད་ཅིང་མདོ་སྨད་ཡུལ་གྱི་ཁྱད་ཆོས་གཙོ་བྱས་པའི་བོད་ཀྱི་རྡུང་ལེན་ཡིན་དགོས་ལ། འགྲན་སྡུར་ལ་ཞུགས་མཁན་གྱི་རྡུང་ལེན་པས་ངེས་པར་དུ་རང་ཉིད་ཀྱིས་དཀྲོལ་ལེན་བྱེད་ཤེས་དགོས་པ་དང་། འགྲན་ཞུགས་བརྩམས་ཆོས་ཀྱི་ཚིག་དང་དབྱངས་གསར་བ་ཡིན་པ་དང་མངའ་རིས་སྒྲ་སྙན་བཀོལ་མཁན་ལ་དམིགས་བསལ་གྱི་སྐར་གྲངས་ཁ་སྣོན་བྱ་རྒྱུ་ཡིན།
དེ་ལས་མང་བ་། “ཨ་མདོའི་རྡུང་ལེན་འགྲན་ཚོགས་ཆེན་མོ་བསྡུ་བའི་གསལ་བརྡ།” »
ཀླུ་སྨྱོན། 1. རྐང་པ་གཉིས་མ་བསྣོལ་ན་རླིག་པ་མཐོང་འགྲོ་གི་རེད། 2. ལག་གཉིས་མཉམ་བཞག་མ་བྱས་ན་རྐུབ་ལ་འཕྲུག་ཤོར་འགྲོ་ནི་རེད། 3. རྒྱལ་ཚིགས་མདའ་ལྟར་མ་བསྲིངས་ན་རྟུག་དྲི་ཤོར་འགྲོ་གི་རེད། 4. དཔུང་པ་མ་བརྒྱངས་ན་མཆན་བར་དུ་རྔུལ་ནག་བབས་ནས་གཉིད་འབབ་ཀི་རེད། 5. མགྲིན་པ་མ་གུག་ན་ཐད་ཀར་མཛེས་མ་དག་གི་བྲང་ལ་ལྟ་ཤོར་གི་རེད། 6. ལྕེ་ཡ་རྐན་ལ་མ་སྦྱར་ན་ང་ཁྱེད་ལ་དགའ་གི་ཞེས་ལབ་ཤོར་འགྲོ་གི་རེད། 7. མིག་སྣ་རྩེར་མ་ཕབ་ན་མིག་གིས་མཛེས་མའི་འདོམ་བར་ལ་ལྟ་ཤོར་འགྲོ་གི་རེད།…
ཀླུ་སྨྱོན། ངའི་གསེར་མདོག་གི་རྨི་ལམ་འཐོར་ས། ངའི་དུང་མདོག་གི་འཛུམ་མདངས་འབོར་ས། ཨ་མས་ང་ཡང་*འཛོང་ཁུག་འདི་ལྟ་བུ་ཞིག་གི་ནང་ནས་ཆེན་པོ་ཆགས་པ་ཡིན་ཟེར། ཐེངས་ག་ཚོད་ཅིག་ལ་ཨ་མས་གོ་ཐལ་ཚ་བོ་མཛུབ་བར་ནས་ཞིབ་ཞིབ་བཟོས་ཤིང་། དེའི་ནང་དུ་རྡོ་ཆུང་ཆུང་སོགས་གཅེས་ཕྲུག་ངའི་ཨོང་ཤ་སྲེག་བྱེད་རེ་ཡོད་མེད་བལྟས་རྗེས། ཕྱག་ཟུང་གིས་ང་བཀྱགས་ནས་འཛོང་ཁུག་འདི་འདྲ་ཞིག་གི་ནང་དུ་བཞག་ཅིང་། སྐབས་རེར་རྒྱབ་ལ་ཁུར་ཅིང་ལན་རེར་མདུན་དུ་དཔྱངས་ནས། རི་གསུམ་གྱི་རྩེ་དང་ལུང་གསུམ་གྱི་མདོ་རུ་ཟོག་ལུག་འཚོས་རབས་བཤད། *ངའི་ཕ་ཡུལ་དུ་འདི་ལ་འཛོང་ཁུག་ཟེར།
ཀླུ་སྨྱོན། དེ་རིང་མར་ངོའི་ཉེར་ལྔ་མཁའ་འགྲོ་འདུ་བའི་དུས་ཆེན་ཡིན་པས། ངེད་བླ་སློབ་ཚོ་ལྷན་འཛོམས་ཀྱིས་ནྰ་རོ་མཁའ་སྤྱོད་མའི་སྒོམ་བཟླས་དང་འབྲེལ་དཔའ་བོ་མཁའ་འགྲོ་མཉེས་པིའ་ཚོགས་འཁོར་བསྐོར་པ་ཡིན། མཁའ་སྤྱོད་མའི་ཆོས་སྐོར་འདི་ལ་ནྰ་རོ་མཁའ་སྤྱོད་དང་ཨིནྡྲ་མཁའ་སྤྱོད། མཻ་ཏྲི་མཁའ་སྤྱོད་གསུམ་ཡོད་པ་ལས་ནྰ་རོ་མཁའ་སྤྱོད་མའི་སྒོ་ནས་གྲུབ་པ་ཐོབ་སྟེ་རིག་འཛིན་གྱི་ས་ལ་གཤེགས་པའི་བོད་ཀྱི་སྒོམ་ཆེན་པ་ཧ་ཅང་མང་ཞིང་། སྤྱི་ལོ་༡༩བཞི་ཅུའི་ནང་དུ་ཁམས་སྒ་ཡུལ་དུ་ནྰ་ལུང་སངས་རྒྱས་བཟང་པོ་ཟེར་བའི་གྲྭ་རྐྱང་ཞིག་གིས་ཀྱང་མི་ལོ་ཧྲིལ་བོ་བཅུ་བདུན་ལ་ནྰ་རོ་མཁའ་སྤྱོད་འདི་བསྒྲབས་པས་མཐར་གྲུབ་པ་ཐོབ་སྟེ་ཐུན་མོང་ཡོངས་གྲགས་སུ་མངོན་ཤེས་རྫུ་འཕྲུལ་སྣ་ཚོགས་བསྟན་ཏེ་སྐལ་ལྡན་དུ་མ་ཐར་བའི་ལམ་ལ་བཀོད་པ་དང་། ཁོང་གི་དྲུང་དུ་གང་ནས་ཡོང་བ་མི་ཤེས་པའི་ཁྱི་མོ་དམར་མོ་བརྒྱ་ཉིས་བརྒྱ་རེ་གློ་བུར་དུ་འཚོགས་རྗེས་ཉིན་ཤས་ནང་གར་སོང་མེད་པ་ཆགས་འགྲོ་བ་དང་། ནམ་རྒྱུན་སྐུ་མདུན་དུ་ཁྱི་མོ་དམར་པོ་གཉིས་གསུམ་ཞིག་རྒྱུན་སྡོད་བྱས་ཡོད་པར་ཁོང་གིས་སྐད་ཆ་ཅི་གསུང་མི་དང་མི་ལབ་པ་བཞིན་ཉན་ཤེས་པ་ཞིག་ཀྱང་ཡོད་འདུག ཁོང་གི་རྣམ་ཐར་ཁོང་དང་མཇལ་མྱོང་བའི་མི་སྣ་སུམ་ཅུ་ཙམ་ལ་བཅར་འདྲི་བྱས་པ་ཞིག་ཁོ་བོའི་ལག་ཏུ་ཡོད་པས། རྗེས་སུ་མ་ཤི་ཚེ་རིང་བྱུང་ན་དེ་དེབ་ཅིག་ཏུ་བསྒྲིགས་ཨེ་ཐུབ་ཀྱི་འདུན་པ་ཡང་ཡོད། ནམ་ཞིག་དུས་ན་དགའ་མ་བྱུ་རུའི་མདོག ། ལི་ཁྲིའི་སྐྲ་གྲོལ་དམར་སེར་མིག་གཡོ་མས། ། འཁྱུད་དང་ཙུམ་པའི་རོལ་བ་རྨད་བྱུང་བས།…
ཀླུ་སྨྱོན། —མཚན་མོ་ཞིག་ལ་ཁེར་རྐྱང་དུ་འཆམ་འཆམ་ལ་ཕྱིན་དུས་བླངས་པའི་འདྲ་པར། མུན་ཁྲོད་ལམ་འགྲམ་གློག་སྒྲོན་དག ། བར་དོའི་ཁམས་ཀྱི་མཆོད་མེ་བཞིན། ། ཁེར་རྐྱང་རྒྱུ་བའི་རྣམ་ཤེས་ཚོར། ། སེམས་གསོ་ཙམ་ཞིག་ཅིས་ཀྱང་ཡིན། །
ཀླུ་སྨྱོན།
—མཛའ་བོའི་དུས་ཆེན་ལ་ཕུལ་བའི་ཤིས་ཚིག
སྟག་ཤར་གཞོན་པའི་བྲང་གི་ཤ་རྒོད་དང་། །
སྨན་ཆུང་བུ་མོའི་བྲང་གི་མྱོས་བུམ་གཉིས། །
འཇིག་རྟེན་སྣང་བས་གཅིག་ཏུ་འདྲེས་པ་ཡི། །
མཛའ་བོའི་དུས་ཆེན་བསྐལ་པའི་མཐར་ཡང་དྲན། །
གསེར་གྱི་རྣ་རྒྱན་ཐག་པ་མི་འཆད་ཅིང་། །
དངུལ་དཀར་མཛུབ་དཀྲིས་ས་རུ་མི་ལྷུང་བར། །
འདོད་ལྡན་ཕོ་མོའི་འདོམ་གྱི་སྦྲང་རྩི་ཡི། །
རོ་མངར་སྐྱེ་བོ་ཀུན་གྱིས་མྱོང་བར་ཤོག །
གློག་སྒྲོན་དམར་པོའི་འོད་སྣང་ཟ་ཟིའི་ངོགས། །
ཀླུ་སྨྱོན།
—-རང་ཉིད་ཀྱི་རྩོམ་རིག་གི་མི་ཚེར་ཕྱི་མིག་ལྟ་བ།
མི་སུ་ཞིག་ཡིན་ཡང་རང་ཉིད་ཀྱི་མི་ཚེ་དེ་དོན་སྙིང་ལྡན་ཞིང་ སྤྲོ་སྣང་འཁོལ་བ་ཞིག་ཡིན་ན་ལོས་འདོད། ཐ་ན་བྱིས་པའི་རྩེད་ར་ཆུང་ཆུང་དེ་ཚོ་ཡང་ཁོ་ཚོའི་སེམས་ཀྱི་མཛེས་སྡུག་ཏག་ཏག་ གིས་བཞེངས་ཤིང་གྲུབ་པར་བྱས་ཡོད་ཅིང་། ཁོང་ཅག་གི་རྩེད་ར་དེ་མཚོ་འགྲམ་གྱི་བྱེ་མའི་ཕུང་པོ་ཞིག་ལས་གྲུབ་ཡོད་ན་ཡང་། ཁོང་ཅག་གིས་དེའི་མ་འོངས་པའི་ཆག་འཇིག་ལ་བསམ་བློ་མི་གཏོང་བར་ཉི་མ་དེ་རིང་དང་ དུས་ཚོད་འདི་རང་ཙམ་གྱི་དུས་ཡུན་ནང་རང་ཉིད་ཀྱིས་བཞེངས་པའི་བྱེ་མའི་ཁང་པ་དང་ རི་བོ་ཆུང་ཆུང་དེ་དག་ཇི་ལྟར་མཛེས་སྡུག་གཟི་འོད་འབར་བ་ཞིག་ཏུ་བཞེང་ཅི་ཐུབ་ བྱེད་པ་རེད།
འོ་ན་ང་ཚོ་སྟེ་རྒན་རབས་པའི་ གྲས་སུ་ཚུད་ཚར་བའི་སྨྱུག་ཐོགས་པ་འདི་དག་གིས་དེ་རིང་བར་དུ་རང་ཉིད་ཀྱིས་བཞག་ པའི་རང་གི་རྐང་རྗེས་ཀྱི་གྲངས་ཀ་དང་དེ་དག་གི་ཟབ་ཚད་ལ་བསམ་བློ་རེ་གཏོང་མྱོང་ ངམ། གལ་སྲིད་ཁྱེད་ཀྱིས་ང་ལ་ལྡོན་པའི་ལན་དེ་ནི་ངས་ཚོད་དཔག་བྱས་པ་དེ་ནོར་མེད་ན་མ་ མྱོང་ཞེས་པ་དེ་རེད། དེ་ནི་ཡིན་སྲིད་པ་ཞིག་སྟེ། འདས་པའི་རྗེས་མི་གཅོད། མ་འོངས་པའི་སྔོན་མི་བསུ། ད་ལྟའི་ཤེས་པ་སོ་མ་འདི་ཀ་རང་གི་རྒྱུན་སྐྱོང་དགོས་ཞེས་སྔོན་བྱོན་དམ་པ་ཉམས་ མྱོང་ཅན་མང་པོ་ཞིག་གིས་རང་གི་སློབ་བུ་ཡང་སློབ་དག་ལ་གདམས་ཡོད་པས་སོ།།
ང་རང་ལ་མཚོན་ན་ཀ་རྩོམ་ཐན་ཐུན་རེ་འབྲི་དུས་སུ་རྩོམ་པ་པོ་ ཉི་ཚེ་བ་ཞིག་ཡིན་ལ། སྙན་ངག་མེ་ལོང་མར་དཔེར་བརྗོད་འབྲི་དུས་སུ་ཡང་གསར་སློབ་པ་ཉི་ཚེ་བ་ཞིག་དང་། དུས་དེབ་དང་ཚགས་པར་སྟེང་རྩོམ་ཡིག་འདྲ་མིན་སྤེལ་དུས་ད་དུང་རྩོམ་པ་པོ་ཉི་ཚེ་ བ་ཞིག ད་ལྟ་དྲ་ངོས་སུ་གང་འདོད་ཅི་འདོད་དུ་རྩོམ་ཡིག་སྣ་ཚོགས་བྱོ་དུས་སུ་ཡང་སྔར་ བཞིན་ཟིན་བྲིས་པ་ཉི་ཚེ་བ་ཞིག་ལས་ཅི་ཡང་མིན་པར་བསམས་ན། མི་ཞིག་གིས་ལྟ་དུས་གྲོག་མ་ཞིག་ཉིན་གང་བོར་ཡར་རྒྱུགས་མར་རྒྱུགས་བྱས་པ་དེ་ལ་ རིན་ཐང་རྩི་རིན་ཅང་མཐོང་གིན་མེད་པ་དང་འདྲ་བ་འམ། ཡང་ན་མི་རྒན་ཞིག་གིས་བྱིས་པའི་རྩེད་མོ་དག་ལ་སྣང་ཆུང་ངམ་དོ་སྣང་ཅང་མི་བྱེད་ པར་སྡོད་པ་དང་ཧ་ཅང་འདྲ་བར་སྣང་བ་འདི་ནི་ངོ་མ་འཇིགས་སུ་རུང་བ་ཞིག་རེད་ཨང་།