ཀླུ་སྨྱོན།
དུས་ཚོད་ནམ་ཞིག་ནས་བཟུང་།
གྲོང་ཁྱེར་དང་ཞིང་གྲོང་གི་དབྱེ་བ་མེད་པར།
གློག་སྐུད་སྦོམ་ཕྲ་མང་པོ་ཞིག་ཉི་ཟེར་གྱི་སྐུད་པ་བཞིན་གནས་གང་སར་བརྒྱུས་སོང་།
དེ་ནི་རླུང་བུ་དང་འདྲ་བར་མི་ཚེ་ཧྲིལ་བོ་ཞིག་ཡོམ་ཡོམ་དུ་བསྒུལ་བའི་ནུས་པ་དང་ལྡན་པ་ཞིག་རེད།
གློག་གི་རྦ་རླབས་བརྒྱུད་ནས་འོངས་པའི་གསར་འགྱུར་དང་གློག་བརྙན།
ད་དུང་གློག་བརྙན་གྱི་བར་བཅུག་གླུ་གཞས་རེ་རེ།
གློག་སྐུད་སྟེང་གི་ཕུག་རོན་དེ་ཚོ་ཡང་།
མི་སེམས་འཕྲོག་པའི་གཏམ་རྒྱུད་གསོན་པོ་རེ་རེ་ཅི་ལ་མིན།

དེ་ལས་མང་བ་། “གློག་སྐུད་ཆད་པ།” »

ཀླུ་སྨྱོན་ཧེ་རུ་ཀ
མུན་ནག་ནང་དུ་རྩིགས་པར་བསྙེས་ཏེ་མིག་ཟུང་བཙུམས་པའི་སྐད་ཅིག་མར།།

ངལ་བས་དུབ་པའི་མགོ་བོ་ལྕི་མོ་གཞོག་གཅིག་ལྷུང་བའི་འཇིགས་སྐྲག་གིས།།

གློག་ཀླད་གྲུ་བཞིའི་མཐེབ་གཞུང་འཇམ་པོར་སོར་རྩེས་བསྣུན་པའི་བདེ་སྣང་གིས།།

ནམ་མཁའི་གློག་ཞགས་སྙིང་མགོར་འཁྱུག་པའི་ཚོར་བ་དྲག་པོའི་རྦ་རླབས་འཕྱུར།།

སྒེའུ་ཁུང་ངོས་སུ་ཆར་བས་བརྡུངས་ཚེ་དབྱངས་ཅན་པི་ཝང་རྒྱུད་སྐུད་ཆད།།
མཛེས་མའི་ནུ་འབུར་ཕྱེད་ཙམ་མཐོང་དུས་དགེ་སྦྱོང་རྒྱབ་ཀྱི་ཆོས་གོས་ལྷུང་།།
རྨི་ལམ་ནང་དུ་དམྱལ་བར་ཕྱིན་པས་སད་དུས་འཇིག་རྟེན་ཞེན་པ་ལོག།
སྦྲང་ནག་ཁྱུ་གཅིག་ཕོར་བར་འབྱར་བས་འོ་ཇ་མངར་མོ་མིད་པར་འཐོག།

དེ་ལས་མང་བ་། “ནམ་གུང་གི་རང་ཉིད།” »

ཀླུ་སྨྱོན།།

རི་སྐེད་དུ་རྒྱུ་བའི་སྤྲིན་པ་བཞིན།
མཐོ་དམན་གྱི་ངེས་པ་ཡེ་ནས་བྲལ།
ཉི་འོད་ཀྱི་མཛེས་པ་ལས་རང་ཉིད་ཀྱི་སྒེག་ཉམས་དེ་སྟོན་ཞིང་།
བསིལ་རླུང་གི་རམ་འདེགས་ལས་རང་ཉིད་ཀྱི་འགྲུལ་བཞུད་རྩོམ།
ཆུང་གྲོགས་ཚོའི་འོ་འཛིན་དྲག་ཏུ་རྒྱས་པའི་ལོ་ཟླ་དེ་དག་བསམས་མི་ཕོད་ཅིང་།
དགོན་ཆེན་ཚོའི་ཅོང་སྒྲ་འཕུར་བའི་ས་སྲོད་དེ་ཚོ་ཡང་དྲན་མི་སྤོབས།

དེ་ལས་མང་བ་། “མི་ཚེ།” »

ཀླུ་སྨྱོན་ཧེ་རུ་ཀ

ཐོ་རངས་ཆུང་མའི་རུམ་ནས་ཡར་ལངས་ཏེ།།
ཆུ་འཁྱག་ཅིག་གིས་ངོ་གདོང་རོབ་ཙམ་བཀྲུས།།
ལྕགས་རྟ་རྙིང་གོག་གྲང་བའི་རེག་བྱ་ཅན།།
ཞོན་ནས་སྐར་འོད་འོག་ཏུ་ལས་ཀར་ཆས།།
ཆུ་ཚོད་ཕྱེད་ཀར་ལྕགས་རྟ་བསྐོར་བ་ཡིས།།
ངལ་ཞིང་དུབ་པས་རྔུལ་ནག་སྒལ་གཞུང་བརླན།།
འཁྲིས་ནས་ཤུར་སེ་འགྲོ་བའི་རླངས་འཁོར་ཚོར།།
ལྟ་བཞིན་སྨོན་པའི་དབུགས་རིང་བརྩེགས་མར་འཕེན།།

དེ་ལས་མང་བ་། “ངའི་གྲོགས་པོ་ཞིག་གི་ལོ་རྒྱུས།” »

ཀླུ་སྨྱོན་ཧེ་རུ་ཀ
ཆུ་བོ་བཞུར་བའི་གནས་དེ་རུ། །
མེ་ཏོག་སྐྱེས་པའི་གནས་དེ་རུ། །
ཁྱེད་ཀྱི་རྐང་རྗེས་ཡོད་དམ་ཅི། །
ཁྱེད་ཀྱི་དྲི་ཞིམ་ཡོད་དམ་ཅི། །
ལོ་མ་ལྗང་ཁུས་སྦྱར་སྡོང་བཀབ། །
ཉི་འོད་གསེག་སྟེ་ནགས་ཀློང་འབབ། །
ཁྱེད་ཀྱི་མྱོས་བུམ་འདི་ན་སྣང་། །
ཁྱེད་ཀྱི་བྷ་ག་འདི་ན་གདངས། །
ཆུ་མོ་དྭངས་ཤིང་དྭངས་ཤིང་བཞུར། །
རླུང་བུ་བསིལ་ཞིང་བསིལ་ཞིང་ལྡང་། །
ངང་བ་ཁྱོ་ཤུག་འདི་གཉིས་ཀྱིས། །
རླབས་ཀྱི་སྙན་ངག་འདོད་དགུར་འབྲི། །

དེ་ལས་མང་བ་། “སོ་སྐྱེས་སྙན་ངག་བརྒྱ་བ། གཉིས་པ།” »

ཀླུ་སྨྱོན་ཧེ་རུ་ཀ
སྐྱེ་བ་སྐྱེ་བར་གསེར་མདོག་གི །
ཞིང་གྲོང་ཉུལ་བའི་རླུང་བུར་ཤོག །
རླུང་བུ་དེ་ཡིས་བསྐལ་པའི་བར། །
གང་སར་འཁྱེར་བའི་དྲི་ཞིམ་ཤོག །
སྒེའུ་ཁུང་ནང་གི་ཡུལ་ལྗོངས་ནི། །
ཁྱེད་ལ་བྲིས་པའི་སྙན་ངག་སྟེ། །
ནམ་མཁའ་སྔོན་པོའི་ཟུར་ཞིག་ན། །
ཟླ་བའི་མཆི་མ་རྒྱུ་སྐར་བཞིན། །
ཁྱེད་ཀྱི་མཆུ་འདབ་དམར་ན་ཡང་། །
འོ་ཡི་སྦྲང་རྩི་ཞིམ་ན་ཡང་། །
སྒེའུ་ཁུང་བརྒྱུད་པའི་རླུང་བུ་འདིས། །
བདག་ནི་བསྲེགས་ཏེ་ཐལ་བར་བྱས། །

དེ་ལས་མང་བ་། “སོ་སྐྱེས་སྙན་ངག་བརྒྱ་བ། དང་པོ།” »

ཀླུ་སྨྱོན།
ལོ་མ་ལྗོན་རྩེ་ནས་འདར་དུས།

དབང་མེད་འགྲུལ་བཞུད་ཅིག་བྱེད་འདོད།།

ཆར་བས་ལྷམ་ཡུ་གཉིས་བརླན་དུས།།།

སྐར་མས་ལམ་སྒྲོན་ཞིག་བྱས་སོང་།།

སྨུག་པ་དུམ་བུ་དང་དུམ་བུས།།

ཕ་གིའི་རི་རྩེ་དེ་དཀྲིས་དུས།།

སྙིང་ཤ་ཚོམ་བུ་དང་ཚོམ་བུ།།

ཕྱོགས་ཕྱོགས་མེ་སྟག་བཞིན་མཆེད་སོང་།།

སེམས་ནས་འཆར་ཡན་ཞིག་འཕྱུར་ཏེ།།

ལག་ནས་སྙན་ངག་ཅིག་བྲིས་པ།།

ཤོག་བྱ་སྐུད་ཆད་ཅིག་འདྲ་བར།།

ནམ་མཁའ་སྟོང་པ་ལ་ཐིམ་སོང་།།

དེ་ལས་མང་བ་། “སྙན་ངག་གི་གས་ཆག” »

ཀླུ་སྨྱོན།

སེམས་འདི་དང་པོ་གང་ནས་བྱུང་། །
སེམས་འདི་ཆོས་ཀྱི་དབྱིངས་ལས་བྱུང་། །
ཆོས་དབྱིངས་འདུས་མ་བྱས་ལས་བྱུང་། །
ནམ་མཁའི་ཁམས་ཀྱི་མཐའ་དབུས་ནས། །
ལས་ཀྱི་རླུང་བུ་འཇམ་པོ་ལྡང་། །
དེ་ལ་འོད་ཀྱི་ཐིག་ལེ་འཚེར། །
ཁ་དོག་སྣ་ལྔའི་ཕྲ་ཚོམ་བརྒྱན། །
ཆོས་ཉིད་སྐུད་པར་ལན་གཅིག་བརྒྱུས། །

དེ་ལས་མང་བ་། “འཇིགས་པ་མེད་པའི་སེམས།” »