སྙན་བཟང་གཡུང་དྲུང་ཚེ་རིང་།
ས་སྲོད་ཀྱི་སྐར་ཚོགས་དང་ལྷན་དུ་འདར་བའི།
ངའི་སྐར་མ། མི་ལོ་མང་པོ་འགོར་བའི་དོ་ནུབ་ཀྱང་།
དབུགས་དབྱུང་ཁྲི་ཕྲག་གིས་རྨ་ཁ་དང་ན་ཟུག་གྱོན་ནས།
བསམ་གཞིགས་རྨས་མ་ཞིག་སེམས་ལ་སྦར་ནས་འགྲེང་ཡོད་དམ།
ཁྱོད་མོག་མོག་གི་འཇིག་རྟེན་ཞིག་གི་ཆེད་དུ་འཚོ་ཡང་།
ངའི་སྒེའུ་ཁུང་གི་རྒྱབ་ཏུ། ངའི་མཐོང་སྣང་གི་འཇིག་རྟེན་དུ།
སྙན་བཟང་གཡུང་དྲུང་ཚེ་རིང་།
དང་པོ། «དཔལ་ལེགས་ལྡན་ནག་པའི་གླུ »ཡི་ཚིགས་བཅད་ཅིག་བཙལ་བའི་གོ་རིམ་གླེང་བ།
ད་ཅི་ལས་ཀ་གྲོལ་རྗེས། བདག་ཁྱིམ་དུ་ཕྱིར་ལྡོག་སྐབས་ཀྱི་ལམ་བར་ནས་སྐད་འཕྲིན་གྱི་བར་སྟོང་ཉུལ་སྐབས། སྙན་ངག་པ་ཨ་ཁུ་རོང་པོ་གངས་དཀར་གྱི་སྐད་འཕྲིན་གྱི་བར་སྟོང་དུ‘‘བཙན་པོ་དྲ་བ’’རུ་དཔལ་ལེགས་ལྡན་ནག་པོའི་གླུའི་སྐོར་གྱི་དཔྱད་ཐོ་གསར་པ་ཞིག་སྤེལ་ཡོད་པའི་ཚིག་ཕྲེང་གཅིག་བྲིས་པ་མཐོང་། ཁ་སང་རྒན་ཚངས་དབང་བསྟན་པས་བྲིས་པའི‘‘«དཔལ་ལེགས་ལྡན་ནག་པོའི་གླུ»བོད་འགྱུར་མའི་སྐོར་གླེང་བ’’བཀླགས་ཚར་ཙམ་ཡིན་སྟབས།
དེ་ལས་མང་བ་། “«དཔལ་ལེགས་ལྡན་ནག་པོའི་གླུ»ཡི་སྐོར་གྱི་རྩོམ་ཡིག་གཉིས།” »
སྙན་བཟང་གཡུང་དྲུང་ཚེ་རིང་།
སྟོན་གྱི་རླུང་བུ་གྲང་མོས་རྡེག་པའི་ལོ་མའི་ཤག་སྒྲ་རེ་ཞིག་རྒྱང་དུ་ཡལ་བར་གྱུར། །
དགུན་གྱི་ཁ་བ་ལེབ་མོ་སྨྲ་བ་མེད་པར་ཁོར་ར་ཁོར་ཡུག་གདོང་ལ་ངང་གིས་འབབ། །
གློ་བུར་ཅི་ཞིག་མཐོང་འདོད་དྲག་པོས་སྒེའུ་ཁུང་ཕྱི་ལ་ལྟ་བཞིན་སེམས་པ་གདུང་བས་གཟིར། །
ཀྱེ་མ་ཕ་རྒན་འདས་ནས་མི་ངོ་དགུ་ལྷག་ཕྱིན་ཀྱང་སྔར་སོང་འདས་དོན་བརྗེད་ཐབས་བྲལ། །
ཞིབ་ཏུ་བསམས་ན་ཚེ་ནི་ཐུང་ཞིང་ནམ་འཆི་ངེས་པ་མེད་པ་སུ་ཡིས་བཟློག་ཐབས་མེད། །
སྙན་བཟང་གཡུང་དྲུང་ཚེ་རིང་།
དེ་རིང་བདག་ལ་གློ་བུར་ཉིད་དུ་སྐྱོ་གདུང་དྲག་པོས་རབ་ཏུ་མནར་བ་ཡིད་ཀྱིས་མ་བཟོད་གླིང་ག་ཞིག་ཏུ་དབུགས་རིང་འབྱིན་པར་ཕྱིན་པའི་ཚེ། །
སྟོན་གྱི་རླུང་བུས་ཆེར་སྐྱེས་ལྗོན་པའི་ཡལ་གར་མཛེས་པའི་དམར་སེར་མདངས་ལྡན་ལོ་མའི་ཕུང་པོ་དལ་བུར་སྤྲུགས་པས་ཉིལ་ཉིལ་ས་ལ་ཟགས་པར་རྩོམ། །
ཆུ་ཡི་ངོགས་སུ་དལ་བུར་གཤེགས་པའི་ངང་མོའི་རྗེས་སུ་གཤོག་རྩལ་གཉོམ་པའི་ངང་ཕྲུག་དག་ནི་ཕྲེང་བར་བསྒྲིག་ནས་རྩོལ་བ་ཆེན་པོས་དལ་གྱིས་བགྲོད། །
ལྡེམ་མྱུར་ཆེ་བའི་ཐང་ལི་འགའ་ཡིས་ས་ལ་ལྷུང་བའི་ཤིང་འབྲས་འཁུར་བཞིན་སྐྲག་པའི་ཉམས་ཀྱི་འཇིགས་པ་དང་བཅས་མིག་གཉིས་ཧྲིག་ཧྲིག་གཡོ་བ་མཐོང་། །
སྙན་བཟང་གཡུང་དྲུང་ཚེ་རིང་།
བོད་བཙན་པོའི་རྒྱལ་རབས་ཀྱི་རྒྱལ་པོ་མཐའ་མ་ཞེ་གཅིག་པ་ལྷ་སྲས་དར་མ་ནི་བོད་ཀྱི་ལོ་རྒྱུས་ཁྲོད་དུ་གྲགས་སྐད་ཆེ་བའི་རྒྱུ་མཚན་གཙོ་བོ་གཅིག་ནི་ཁོང་གིས་སངས་རྒྱས་ཀྱི་བསྟན་པ་བསྣུབས་པར་གྲགས་པ་དེའི་དབང་གིས་ཡིན་ངེས་ཀྱང་། དེང་སང་ང་ཚོར་ཐོབ་པའི་ཏུན་ཧོང་ཡིག་ཆ་ལྟར་ན་ཁོང་ནི་བོད་ཀྱི་ཆོས་འབྱུང་ཁག་ཏུ་གསལ་བ་ཇི་བཞིན་ཐུགས་སུ་གདོན་གསོལ་བའི་སྐྱེ་བོ་བླུན་པོ་ཞིག་མིན་པར་སྙམ། རྒྱལ་པོ་ལྷ་སྲས་དར་མས་བསྟན་པ་བསྣུབས་ཚུལ་གྱི་ཡིག་ཆ་འཁོད་སྔ་ཤོས་ཀྱི་གྲས་ནི“སྦ་བཞེད”སླད་ཅན་དུ་གྲགས་པའི«ཆོས་འབྱུང་གི་ཡི་གེ་ཞིབ་མོ།»དང་། «སྦ་བཞེད་ཞབས་བཏགས་མ»[1] «ཡེར་པའི་དཀར་ཆག»སོགས་ཡིན་ལ། ལོ་རྒྱུས་འདི་དག་ལ་བརྟེན་ནས་བསྟན་པ་ཕྱི་དར་གྱི་རྗེས་སུ་བྱུང་བའི་ཆོས་འབྱུང་ཕལ་མོ་ཆེར་རྒྱལ་པོ་ཁོང་ནི་སྐྱེ་བོ་སྡིག་ཅན་ཞིག་ཡིན་ཚུལ་བྲིས་པ་རེད།
དེ་ལས་མང་བ་། “ལྷ་ལུང་དཔལ་གྱི་རྡོ་རྗེ་ནི་བསམ་ཡས་ཀྱི་མཁན་རབས་ཤིག་ཡིན་མིན་ལ་དཔྱད་པ།” »
སྙན་བཟང་གཡུང་དྲུང་ཚེ་རིང་།
གླེང་གཞི།
གུ་གེ་ཞེས་པ་ནི་ཞང་ཚིག་ཅིག་སྟེ་དེའི་དོན་ནི་ཡི་གེ་ཡིན་པར་གྲགས་ཤིང་། ཐ་སྙད་དེ་ཐོག་མར་ཏུན་ཧོང་གཏེར་ཡིག་ལས‘‘བཙན་པོ་རིམ་བྱུང་གི་ལོ་རྒྱུས’’སུ་འབྱུང་ནའང་། དོན་དངོས་སུ་གུ་གེ་ནི་ཞང་ཞུང་གི་ཆ་ཤས་ཤིག་ཡིན་པའམ་ཡང་ན་ཞང་ཞུང་ནི་གུ་གེའི་མངའ་ཁོངས་ཀྱི་ཡུལ་ལུང་ཞིག་ཡིན་མིན་ཐད་ལ་བོད་ཀྱི་མཁས་པ་སྔ་མ་རྣམས་ཀྱི་བཞེད་དགོངས་མི་མཐུན་[1]མོད། ཞང་ཞུང་ལ་སྒོ་ཕུགས་བར་གསུམ་ཞེས་པའི་ཡུལ་ལུང་དེ་དག་ལ་ས་ཁྱོན་གཞི་རྒྱ་ཆེ་ལ་མཐའ་ཡས་པ་ཞིག་ཡོད་ཚུལ་གསུངས་པར་བརྟགས་ན། ཞང་ཞུང་ནི་གུ་གེའི་མངའ་ཁོངས་ཆ་ཤས་ཤིག་ཡིན་མི་སྲིད། ལར་ནས་ཞང་ཞུང་གི་སྒོ་པ་ལའང་སྒོ་ཕུགས་བར་གསུམ་དུ་དབྱེ་སྟེ།
དེ་ལས་མང་བ་། “གུ་གེ་རྒྱལ་རབས་འཇིག་རྐྱེན་གྱི་ལོ་རྒྱུས་གླེང་བ།” »
སྙན་བཟང་གཡུང་དྲུང་ཚེ་རིང་།
ཨ་ཇོ་དྲན་གླུ།
རི་བོ་ཧི་མ་ལ་ཡའི་གངས་ཁྲོད་ནས་ཆས་དུས།
གཞིས་ཁྱིམ་དེ་ཐུགས་ལ་བརྣགས་ནས་ཕེབས་ཡོད།
དཀའ་ཁེག་དང་སྡུག་བསྔལ་ཅི་འདྲ་ཞིག་ཆེ་རུང་།
སེམས་པ་འདི་མི་འགྱུར་བྲག་རི་བཞིན་དུ་བརྟན་ནས་ཡོད།
ལོ་དང་ཟླ་བ་གཙང་པོ་བཞིན་བཞུར་སོང་།
དབྱར་དགུན་སྟོན་དཔྱིད་ཐེངས་མང་ཞིག་བརྗེས་སོང་།
དྲན་དྲན་པའི་རྒྱང་རིང་གི་ཨ་ཇོ་ལགས།
ཁྱེད་རང་ད་དུང་ཡང་རང་ཡུལ་དུ་མི་ཕེབས་དོན་ཅི་ཡིན།
རེ་སྒུག་ཁྲི་སྟོང་གིས་དུས་ཚོད་དང་སྐར་མ་བརྩི་བཞིན།
ནང་སེམས་ཀྱི་དད་པ་གཡོ་བ་མེད་པར་ཁྱོད་ལ་སྒུག་ཡོད།
ཨ་་་ ་་་། ང་ཡི་ཨ་ཇོ། རྒྱང་རིང་གི་ཨ་ཇོ་ལགས།
དེ་ལས་མང་བ་། “ཨ་ཇོ་དྲན་གླུ། མི་རབས་གསར་པ། (གཞས་ཚིག་གཉིས། )” »
སྙན་བཟང་གཡུང་དྲུང་ཚེ་རིང་།
དེ་རིང་ནི་ཉིས་སྟོང་བཅོ་ལྔ་ལོའི་ཕྱི་ཟླ་དགུ་པའི་ཚེས་བཅུ་དགུའི་དགོང་མོ་དང་། དུས་ཚོད་བཅུ་དང་སྐར་མ་ཞེ་ལྔ་རེད། ནམ་རྒྱུན་བཞིན་དེ་དགོང་གི་ནུབ་ཟས་ཀྱང་དུས་ཚོད་བདུན་དང་སྐར་མ་སུམ་བཅུའི་སྟེང་ཟོས་གྲུབ། ངས་ཕོར་བ་དང་ཤེལ་ཕོར་འགའ་ཕོར་བ་བཀྲུ་བྱེད་ཀྱི་འཕྲུལ་ཆས་ནང་དུ་བཞག་རྗེས། དཔེ་སྒྲོམ་གྱི་ཟུར་དུ་ཡོད་པའི་ཅོག་ཙེའི་སྟེང་གི་ཐ་མག་སྒམ་ཆུང་ལས་ཐ་མག་རྐང་གཅིག་བླངས་ཏེ་རབ་གསལ་གྱི་སྟེགས་བུའི་སྟེང་བསྡད། ཐ་མག་འཐེན་བཞིན་ནམ་མཁར་བལྟས། སྐར་མ་འགའ་མངོན་ཆུང་གི་ཚུལ་གྱིས་འཚེར་ཞིང་། ཟླ་བ་ནི་ཟོར་དབྱིབས་ཤིག་དང་གཉིས་སུ་མ་མཆིས།
༄༅།།འཕགས་པའི་ཡུལ་ནས་སངས་རྒྱས་ཀྱི་བཀའ་ལུང་། ༧རྒྱལ་དབང་འཇིག་རྟེན་གསུམ་མགོན་དུས་ཀུན་ས་སྟེང་། ༧རྒྱལ་བསྟན་ཡོངས་རྫོགས་ཀྱི་བདག་པོ་ཐམས་ཅད་མཁྱེན་པ་རྡོ་རྗེ་འཆང་རྒྱ་མཚོའི་བླ་མར་འབོད་པའི་གཏམ།བསིལ་ལྡན་རྭ་བ་དཀར་པོས་ཁོར་ཡུག་ཏུ་བསྐོར་བའི་སྨན་ལྗོངས་ཆེན་མོ་འདིའི་ཁོངས་སུ་གཏོགས་པའི་སྐྱེ་བོ་སེར་སྐྱ་དྲག་ཞན་བར་པ་བཅས་དང་། བྱ་བ་ཞི་དྲག་གི་སྣེ་མོར་མངགས་སླེབས་མཐའ་དག་ལ་ཟློས་བ།
དེ་ལས་མང་བ་། “༧རྒྱལ་དབང་བཅུ་གསུམ་པ་ཆེན་པོ་མཆོག་གིས་བསྒྲགས་པའི་ཆུ་གླང་རྩ་ཚིག” »
སྙན་བཟང་གཡུང་དྲུང་ཚེ་རིང་།
ལྷོ་ཕྱོགས་རླུང་གིས་མཐའ་ཡས་རྒྱ་མཚོ་ལྟེབས་པའི་ཤུགས་ཀྱིས་རླབས་ཀྱི་ཕྲེང་བ་གནམ་ལ་འཕྱོ་བཞིན་མཚོ་ཡི་ངོགས་སུ་བྲེལ་ཏེ་འོང་། །
གཡོ་ཞིང་འཁྱོམས་པའི་གྲུ་ཆུང་དག་ནི་མཚོ་ཡི་གཉེར་མའི་ངོས་སུ་ཞུགས་ཏེ་དམིགས་པ་མེད་པར་རྒྱང་རིང་ཞིག་ལ་སྙེག་པར་བྱེད། །
ཉ་པ་རྒད་པོས་མཚོ་ནས་དྲངས་པའི་འཁྱུག་ལྡན་ཉ་མོ་རྡོ་གཅལ་སྟེང་ན་འཕག་ཚག་རྒྱག་བཞིན་མིག་གཉིས་འབྱེད་ཅིང་ཟུམ་པར་འགྱུར། །
མཚོ་བྱ་ཁྱུ་ཞིག་མཐོ་སར་འཕུར་ཡང་གློ་བུར་ཉིད་དུ་ཅི་ཞིག་མཐོང་བས་གཤོག་པ་ལེབ་མོ་རབ་ཏུ་བསྐུམས་ནས་མཚོ་ཡི་གཏིང་སར་འཛུལ་བར་བྲེལ། །
སྙན་བཟང་གཡུང་དྲུང་ཚེ་རིང་།
སྟོང་གསུམ་འཇིག་རྟེན་ཁམས་ཀྱི་རྒྱལ་བ་རྒྱ་མཚོའི་ཐུགས་བསྐྱེད་ལེགས་པར་བསྲུབས་པའི་རོལ་བ་འབུམ་ལས་སྤྱན་རས་གཟིགས་དབང་ཕྱག་སྟོང་སྤྱན་སྟོང་མདོ་སྨད་ཙོང་ཁའི་ཞིང་དུ་འཁྲུངས་པས་གངས་རིའི་ལྗོངས་སུ་དགེ་ལེགས་ཟེགས་མ་ཕྱོགས་སུ་འཐོར་བའི་སྣང་བ་དཀར་པོ་གདོང་དམར་སྐྱོང་བའི་གཉེན་དུ་བབས། །
སྙན་བཟང་གཡུང་དྲུང་ཚེ་རིང་།
ཕྱི་རོལ་ས་རྡོས་བསྐྲུན་པའི་ས་མཁྲེགས་ཀྱི་གྱང་གོག །ནང་རོལ་ཤིང་གིས་གྲུབ་པའི་བན་ཤན་དང་རྒྱ་ཕིབས། །ལྷུ་ལག་ཉིང་ལག་ཚོན་གྱི་རི་མོ་ཡིས་མཛེས་པའི། །ཀ་བ་གདུང་ལྕམ་བཀྲ་བའི་ཁང་བཟང་གི་དབུས་སུ། །འཇམ་པོ་བལ་གྱིས་བཟོས་པའི་འབོལ་གདན་གྱི་ཟུར་ན། །སུག་ཐུང་གྲུ་བཞི་ཅན་གྱི་སྟག་ཤིང་གི་མདུན་ཅོག །དཀར་ཟས་དམར་ཟས་སྡེར་ཁ་རི་རབ་བཞིན་མཐོ་བའི། །ཁ་མངར་ཟས་དགུའི་ཁྱིམ་གྱི་མགྲོན་ཁ་ལ་བོས་ཚེ། །མི་ཕྱེད་དད་པ་གཡོ་བའི་ཡོན་བདག་གི་རྒྱུ་ནོར། །མཐོང་བས་འགོག་མེད་སྨྱོ་ཧམ་འབར་ལ་ཁད་བྱས་ཀྱང་། །ཕྱི་ཚུལ་སྒམ་པོའི་བརྟུལ་ཞུགས་གཡོ་ཟོལ་གྱིས་བཅོས་ཏེ། །
དེ་ལས་མང་བ་། “མཁས་དབང་དགེ་འདུན་ཆོས་འཕེལ་གྱི་ཀ་རྩོམ་གྱི་མཆན་འགྲེལ་ཨ་མཆོད་དགྱེས་མགུར།” »
སྙན་བཟང་གཡུང་དྲུང་ཚེ་རིང་།
ཉིན་ཤས་སྔོན་བདག་གིས་རྒྱ་རིགས་མཁས་པ་སྐུ་ཞབས་ཚའོ་ཁྲང་ཆིན་ལགས་ཀྱིས་བྲིས་པའི་རྩོམ་ཡིག་ཅིག་སྟེ་“བོད་མིའི་རྨི་ལམ་ནི་རང་བཙན་ཡིན་”ཞེས་པ་ཞིག་སྐར་ཁུང་དྲ་བ་ལས་བཀོག་སྟེ་ཁ་བརྡ་དྲ་བར་བཀོད་པ་ཡིན། རྩོམ་ཡིག་དེ་ནི་རྒྱ་རིགས་མཁས་པ་ཞིག་གིས་རང་བཙན་རྩོད་དགོས་ཞེས་གསུངས་འདུག་པས། ང་ཚོས་ཀྱང་ངེས་པར་དུ་བོད་རང་བཙན་རྩོད་དགོས་ལྟ་བུའི་ཀུན་སློང་བཅངས་ནས་དྲ་ཐོག་ཏུ་བཞག་པ་མིན། རྩོམ་ཡིག་དེའི་ནང་དུ་དྲང་བདེན་དང་གནས་ལུགས་ཀྱི་ཆ་མང་པོ་ཡོད་པས་ང་ཚོས་དེ་ལ་དོ་སྣང་བྱས་ཏེ་བསམ་བློ་གཏོང་དགོས་པ་ཞིག་ཏན་ཏན་འདུག་དྲན་པ་རེད།
དེ་ལས་མང་བ་། “ཚའོ་ཁྲང་ཆིན་གྱི་རྩོམ་ཡིག་ཅིག་ལས་འཕྲོས་པའི་བསམ་ཚུལ།” »
རྩོམ་པ་པོ་ཚོའོ་ཁྲང་ཆིན། སྐར་ཁུང་རྩོམ་སྒྱུར་ཚོགས་ཆུང་གིས་བསྒྱུར།
སྙན་བཟང་གཡུང་དྲུང་ཚེ་རིང་གིས་འོས་སྦྱོར་བྱས།
ལོ་བཅོ་ལྔའི་ཡར་སྔོན་(༡༩༩༤)ལོརདུ། ངས་<པེ་ཅིན་གྱི་དཔྱིད་ཀ་>ཟེར་བའི་དུས་དེབ་དེའི་སྟེང་དུ་<རང་བཙན། བོད་མིའི་ཁེ་དབང་རེད>་ཟེར་བའི་ཆེད་བརྗོད་རིང་མོ་ཞིག་སྤེལ་ཤིང་། དེའི་ནང་དུ་ལོ་རྒྱུས་ལ་བརྩི་འཇོག་དང་། དོན་དངོས་ལ་ཁ་གཏད་པ། རང་དབང་དང་རང་སྐྱོང་རྩོད་པའི་མིའི་ཁེ་དབང་སོགས་གཞིར་བཟུང་ནས་བོད་མི་རིགས་ཀྱིས་རང་བཙན་རྩོད་པ་ནི་ཁྲིམས་མཐུན་ལུགས་མཐུན་ཡིན་ཚུལ་ཞིབ་མོར་བརྗོད་ཡོད། ལོ་བཅོ་ལྔའི་ནང་ཚུན་དུ། བོད་ལ་དོ་སྣང་བྱེད་མཁན་གྱི་རྒྱ་ནག་གི་ཤེས་ཡོན་པ་ཇེ་མང་ནས་ཇེ་མང་དུ་སོང་ཏེ།
སྙན་བཟང་གཡུང་དྲུང་ཚེ་རིང་།
དྲི་བཞོན་བུ་མོ་ལྷ་ལས་བབས་པས་དཔྱིད་ཀྱི་རྒྱལ་མོའི་རྨི་ལམ་དཀྲོགས།།
འཇམ་གཉེན་རྩི་ཤིང་གཉིད་ལས་བསླངས་ཏེ་གཅེར་གཟུགས་སྒྲིབ་པའི་གོས་སུ་བསྟེན།།
སྐྱེ་དངོས་འབུམ་ཕྲག་ལང་ཚོ་ལྡེམ་པའི་དུས་བཞིའི་ཐོག་མ་བདག་གིར་བཞེས།།
མི་ཡི་ཡུལ་ལ་ལྷ་ཡི་སྐྱེད་ཚལ་མངོན་སུམ་བྱས་འདི་ཨེ་མ་སྐྱིད།།
དཔྱིད་ཀྱི་དཔལ་མོའི་ལང་ཚོའི་དྲོད་ཀྱིས་འཁྱག་གིས་བསྡམས་པའི་ཆུ་ཀླུང་འབུམ།།
བཞུས་པའི་ཞུན་མས་གཡུ་འབྲུག་ཟོལ་གྱིས་ས་ཡི་མུ་འཁྱུད་གཅིག་ཏུ་སྦྲེལ།།
ལྷ་སྡེ་གནམ་ལོ་ཡག
གསུམ་བཅུའི་དུས་དྲན་ཐེངས་༥༦སླེབས་ལ་ཉེ་བས། ལོ་ནས་ལོར་མཐུད་ཀྱིན་པའི་དུས་དྲན་འདིར་ནམ་རྒྱུན་ལྟར་སྙན་ངག་ཅིག་བྲིས་ནས་རྗེས་དྲན་བྱེད་འོས་མིན་ཐད་བསམ་བློ་བཏང་བ་ཡིན། བསམ་བློ་བཏང་གིན་བཏང་གིན་ཕྱི་ལོ་༢༠༡༠ལོའི་ཟླ་༨ནང་༼བོད་ཀྱི་དུས་བབ༽སྟེང་མཐུད་འགོད་བྱེད་མྱོང་བའི་རྩོམ་འཁྱོག་རེ་འགའ་ཡོད་པ་ཡིད་ལ་འཁོར་བྱུང་། དེ་ནས་རྩོམ་འཁྱོག་དེ་དག་ཚུར་བཤུས་ནས་ཀློག་སྐབས། ད་དུང་བརྗོད་དོན་རྙིང་བ་ཆགས་མེད་པ་འདྲ་བས། ཐུགས་ཕན་གསོ་ཐུབ་མིན་གང་ལྟར་ཡང་བཟོ་བཅོས་ཉུང་ཙམ་བརྒྱབ་རྗེས་སླར་ཡང་ཚང་མའི་སྤྱན་སྔར་ཕུལ་བ་ཡིན་པས། ཅིས་ཀྱང་དབྱེ་ཞིབ་དང་དག་ཐེར་གནང་བར་འབོད་སྐུལ་ཡོད།
སྙན་བཟང་གཡུང་དྲུང་ཚེ་རིང་གིས་བསྒྱུར།
དུས་རྒྱུན་གྲུ་ཡི་ལས་མི་དག་གིས་རང་ཉིད་དགའ་སྤྲོ་འབྱུང་བའི་སླད། །
ཤིན་ཏུ་ཆེ་བའི་རྒྱ་མཚོའི་བྱ་ཆེན་མཚོ་བྱ་གཤོག་རིང་ལེན་པར་བྱེད། །
གང་དེ་འགྲུལ་པའི་ཟླ་བོར་བྱེད་བཞིན་ནུས་མེད་དང་བཅས་རྗེས་སུ་སྙེགས། །
གྲུ་གཟིངས་ཉིད་ནི་བ་ཚྭ་མཚོ་ཡི་ཁུགས་པའི་ངོས་སུ་ཤུད་ཅིང་འདྲུད། །
ཁོང་ཚོས་མཚོ་བྱ་གཤོག་རིང་དག་ནི་པང་གཅལ་སྟེང་དུ་བཞག་ཙམ་ཉིད། །
དེའི་ཚེ་སྤྱང་གྲུང་འཁྱུག་རྩལ་མེད་པ་གནམ་གྱི་རྒྱལ་པོ་འདི་དག་གི །
ཁོང་གིས་ཇ་ཕོར་ནང་དུ
འཚིག་ཇ་བླུགས
ཁོང་གིས་འཚིག་ཇའི་ཇ་ཕོར་ནང་དུ
འོ་མ་བླུགས
ཁོང་གིས་འོ་མའི་འཚིག་ཇའི་ནང་དུ
ཀ་ར་བླུགས
ཁོང་གིས་ཁྱེམ་བུ་ཆུང་ཆུང་དང་མཉམ་དུ
དཀྲུག་དཀྲུག་བཏང
རྔ་བ་ཤེས་རབ།
ཚན་རིག་ཅེས་པ་གང་འདྲ་ཞིག་ལ་ཟེར། འདི་དྲི་བ་སྟབས་བདེ་བོ་ཞིག་ཡིན་རུང་ལན་འདེབས་རྒྱུ་ལས་སླ་བོ་ཞིག་མིན། འགའ་ཞིག་གིས་ཚན་རིག་ནི་རང་བྱུང་གི་འཇིག་རྟེན་རྟོགས་པར་བྱེད་པའི་ཐབས་ལམ་ཞིག་རེད་ཅེས་ཟེར། འོན་ཀྱང་ལན་དེས་སྤྱི་བམ་ཙམ་ལས་ཚན་རིག་གི་སྡེ་ཚན་ཚང་མ་ལ་ཁྱབ་ཐུབ་ཅིང་ཚན་རིག་ལ་ཚང་དགོས་པའི་ཁྱད་པར་གང་ཡང་སྟོན་ཐུབ་མེད་ལ་ཁྱབ་ཆེ་བའི་སྐྱོན་ཡོད་པ་རེད།
ཚན་རིག་ཅེས་པ་གང་འདྲ་ཞིག་ལ་གོ་དགོས་པ་ཤེས་པ་ལ་ན་ཚན་རིག་གི་ཁྱད་ཆོས་དམིགས་བསལ་པ་གང་དང་ཅི་ཡོད་ཚང་མ་ངེས་དགོས། དེ་ངེས་ན་གང་ཞིག་ཚན་རིག་ཡིན་དང་གང་ཞིག་ཚན་རིག་མ་ཡིན་པའི་ས་མཚམས་དབྱེ་ཐུབ་ངེས་ཡིན།
སྙན་བཟང་གཡུང་དྲུང་ཚེ་རིང་།
ཕྲན་གྱིས“ལྷ་ལུང་དཔལ་གྱི་རྡོ་རྗེའི་སྐུ་ཚེའི་ལོ་རྒྱུས་འཚོལ་ཞིབ་”ཅེས་པའི་རྩོམ་ཡིག་འདི་ནི་ཕྱི་ལོ་༢༠༠༠ལོའི་ལོ་མཇུག་ཏུ་བྲིས་པ་རེད་ལ། སྐབས་དེར་བྲིས་པའི་རྩོམ་ཡིག་འདིར་དཔྱད་གཞི་ཡིག་ཆ་ཕུན་སུམ་ཚོགས་པ་ཞིག་མ་འཛོམས་སྟབས། ལྷ་ལུང་དཔལ་གྱི་རྡོ་རྗེའི་སྐུ་ཚེའི་རི་མོ་གསལ་ལ་མ་གསལ་ཞིག་ཀྱང་འབྲི་ཐུབ་བྱུང་མི་འདུག ཕྱིས་སུ་བོད་ཀྱི་རྒྱལ་རབས་ལོ་རྒྱུས་སོགས་ཀྱིས་མཚོན་པའི་བསྟན་བཅོས་ཁག་ལ་མཇལ་ཐེངས་རེར་བརྗོད་གཞི་འདིའི་སྐོར་ལ་དོ་སྣང་བྱས་ཤིང་།
དེ་ལས་མང་བ་། “ལྷ་ལུང་དཔལ་གྱི་རྡོ་རྗེའི་སྐུ་ཚེའི་ལོ་རྒྱུས་འཚོལ་ཞིབ།*” »