ཁྲི་རལ་པ་ཅན།

གླེང་བརྗོད་ཀྱི་གཞི་རྩ།

དེང་སང་ཡོངས་གྲགས་འཛམ་གླིང་གང་སར་དར་ཁྱབ་གང་འཚམས་ཡོད་པ་བོད་སྨན་གསོ་རིག་གི་གཞུང་ལུགས་ནི། གཙོ་ཆེར་རྒྱ་གར་ནག་གཉིས་ཀྱི་ནང་རྟེན་གཞི་བཙུགས་ཏེ་འཛིན་སྐྱོང་སྤེལ་གསུམ་གནང་བཞིན་ཡོད་ཅིང་། རྒྱ་ནག་ནང་དུ་ནི་བོད་སྨན་འདི་ཚན་རིག་གི་སྡེ་ཚན་ལ་ངོས་འཛིན་གྱིས་རིག་གསར་སྐབས་སུའང་མཐའ་གཅིག་ཏུ་གཏོར་བཤིག་ཐེབས་མྱོང་མེད་པས། རིམ་པས་བོད་མི་སྨན་པ་སྤྱི་སེམས་ཅན་ཚོས་བདག་གཅེས་འབད་བརྩོན་ལ་བརྟེན། རྒྱ་ནག་གཞུང་འབྲེལ་གྱིས་བོད་ནང་རྫོང་རིམ་པ་ཕལ་ཆེར་ནང་བོད་སྨན་ཁང་དང་སྨན་རྩིས་ཁང་བཙུགས་ཡོད་པ་མ་ཟད།

དེ་ལས་མང་བ་། “བོད་སྨན་བོད་ཀྱི་ཡིན་མིན་གླེང་མོལ།” »

མི་ཉག་སྟོབས་ལྡན།

 
ང་ཚོ་བོད་ཀྱི་ལོ་རྒྱུས་ཡིག་ཚང་རྣམས་སུ་མི་ཉག་གི་ལོ་རྒྱུས་དེབ་གཟུགས་སུ་བཀོད་པ་དང་། ཡང་ན་མི་ཉག་སྐོར་གྱི་དཔྱད་རྩོམ་དང་ཆེད་རྩོམ་སོགས་ནི་མཛུབ་རྩེའི་གྲངས་ཀ་ཙམ་ལས་ཧ་ཅང་མཐོང་དུ་དཀོན་པ་དང་། ལྷག་པར་དུ་རང་རེ་བོད་ཀྱི་དེ་བྱུང་རིག་པ་ལ་མཁས་པ་རློམ་པའི་སྨྱུག་ཐོག་པ་མང་པོས་ཨ་འོ་ལྡོང་མི་ཉག་གི་སྐོར་ལ་གོ་རྟོགས་ཞན་པ་དང་ཕྱོགས་རིས་ཀྱི་བསམ་བློ་ཆེ་བ། དེ་མིན་ཅུང་རྒྱུས་མངའ་དང་གོ་རྒྱ་ཆེ་བ་དག་གིས་ཀྱང་རང་གི་ཞེན་འདོད་གཙོར་བཟུང་ལས་ལོ་རྒྱུས་དངོས་ལ་རྟོགས་ཞིབ་ནན་པོ་མི་བྱེད་པར། དུས་རབས་བཅུ་བཞི་རབ་བྱུང་དྲུག་པའི་ནང་ཚལ་པ་ཀུན་དགའ་རྡོ་རྗེས་བརྩམས་པའི་

དེ་ལས་མང་བ་། “<>” »

དགའ་ཉག་འཁྱམ་པོ།

ཉིས་སྟོང་བཅུ་བཞི་ཡི་ལྷ་རམས་པ་ཨང་དང་པོ་ཤར་རྩེ་བྱམས་པ་ཤེས་རབ་ལ་འཚམས་འདྲི་ཞུ།

དེ་རིང་ནི་རླབས་ཆེན་གྱི་སྐྱེས་བུ་ཞིག་གིས་གསེར་གྱི་གཟེངས་རྟགས་བཞེས་པའི་སྐལ་བཟང་དུས་བཟང་གི་དགའ་སྟོན་ཡིན་ལ། དགེ་ལུགས་རྒྱུགས་སྤྲོད་ཆེན་མོའི་གྲུབ་འབྲས་གསལ་བསྒྲགས་ཀྱི་ཉིན་མོ་ཡང་རེད། ད་དུང་ལུང་དང་རིགས་པ་སྨྲ་བའི་ངེས་དོན་གྱི་གྲྭ་ཕྱག་དཔེ་བ་ཞིག་གིས་ལྷ་རམས་ཨང་དང་པོའི་མཚན་གྱི་ཅོད་པཎ་འཆང་བའི་དུས་ཚོད་ཀྱང་རེད་འདུག །
སྤྱིར་ན་དགའ་ཤར་ཕུ་ཁང་བྱམས་པ་ཤེས་རབ་ནི་གཞུང་ཆེན་བཀའ་པོད་ལྔ་ལ་ངེས་ཆ་ཆེ་ཞིང་གོ་དོན་གཏིང་ཟབ། ལྷག་པར་ཚད་མའི་རིགས་ལམ་གྱི་སོ་ཁ་ཤིན་ཏུ་རྣོ་བས།

དེ་ལས་མང་བ་། “༢༠༡༤ ལོའི་ལྷ་རམས་པ་ཨང་དང་པོར་འཚམས་འདྲི་ཞུ།” »

འཇམ་གཅེས།

དེང་དུས་སྤྱི་ཚོགས་ཀྱི་བོད་རིགས་དང་། ལྷག་པར་དུ་ཤེས་རྨོངས་པ་ཚོས་བྱ་སྤྱོད་ཀྱི་རྗེས་སུ་ཤེས་ཡོན་པ་དང། གཟུར་གནས་ཅན། ཉམས་མྱོང་ཅན། རྣམ་དཔྱོད་ཅན་དུ་ཁས་ཆེ་བའི་མི་བུ་འགའ་རེ་རྒྱུགས་བཞིན་པ་འདི་ནི་ཅི་འདྲའི་ཡ་མཚན་མ་རེད་དམ།
དཔེར་ན་ཉེ་བའི་ཆར་རིག་དགའ་ལ་བྱུང་བའི་དོན་རྐྱེན་ལས་འཕྲོས་པའི་རྩོམ་ཡིག་དང་། གཏམ་བཤད་སོགས་ནི་བོད་བསྟན་སྲིད་མི་རིགས་སྤྱི་པའི་རྩ་དོན་ལས་ཀྱང་གལ་ཆེ་བ་དང་། ཛ་དྲག་ཆེ་བ། གནད་དོན་ཟབ་པ་ལྟ་བུའི་སྒོ་ནས་བསྟོད་སྨད་སྣ་ཚོགས་པ་དང་། དགའ་སྡུག་ཅི་རིགས་པའི་སྒོ་ནས་སྤེལ་སོང་།

དེ་ལས་མང་བ་། “སྒོ་གསུམ་ལ་བག་ཡོད་བྱོས།” »

འོས་སྦྱོར་བ། དཔལ་དོན།

 
ཕྱི་ལོ་ཉིས་སྟོང་དྲུག་བདུན་གང་ཡིན་གསལ་བོ་མ་དྲན་ཡང་། རེབ་གོང་དུ་སྙན་ངག་པ་ཞིག་མི་མང་གིས་སྐོར་བྲོ་འཁྲབ་སར་གཅེར་བུར་བུད་དེ་སྙན་ངག་གྱེར་པའི་གཏམ་རྒྱུད་རླུང་ལྟར་གྲགས། རླུང་སྒྲ་ཤུགས་ཆེ་རུ་ཕྱིན་ཞིང་སྤྱི་ཚོགས་སྟེང་བཤད་སྲོལ་སྣ་མང་སླེབས། ལོ་དེ་ལ་རྒྱ་ནག་ནས་ཀྱང་བུད་མེད་སྙན་ངག་པ་ཅིག་གར་སྟེགས་སྟེང་ནས་གཅེར་བུར་བུད་དེ་སྙན་ངག་གྱེར་འདོན་བྱས་པས་

དེ་ལས་མང་བ་། “དུར་ཐང་གི་སྙན་ངག་དང་དུར་ཐང་།” »

བཙན། (རྒྱང་མིག་གིས་འོས་སྦྱོར་བྱས།)

 
འཇིག་རྟེན་གྱི་རིག་གནས་མ་ལག་ཐམས་ཅད་ཐོག་མ་ནས་མི་ཡི་དགོས་མཁོ་གང་ཞིག་དང་བསྟུན་ནས་བྱུང་བ་ཤ་སྟག་ཡིན་པས་ན། མིའི་རིགས་ཀྱི་ཀླད་ཤུགས་ངལ་རྩོལ་བརྒྱུད་ནས་འཇིག་རྟེན་གྱི་འཚོ་བ་དང་རིག་གནས་མ་ལག་ཐམས་ཅད་ལ་དུས་ཀྱི་འཕོ་འགྱུར་དང་བསྟུན་ནས་འགྱུར་བ་གཏོང་ཆོག་པ་རེད། གཏོང་དགོས་པ་རེད། དེ་ནི་རང་བྱུང་ཁམས་ཀྱི་དགོས་དབང་རེད། མིའི་བསམ་གཞིག་དང་གསར་བཏོད་ཀྱི་ཕན་ནུས་འདོན་ས་ཡང་འདི་རེད།
མཐར་དེད་ན་འཇིག་རྟེན་འདིར་རིག་གནས་གནས་དོན་ཡང་འཇིག་རྟེན་ཡང་དག་པ་ཞིག་བསྐྲུན་ཆེད་དུ། མི་དང་དེའི་འཚོ་སྡོད་ཀྱི་གནས་བབ་ལེགས་འགྲུབ་ཡོངས་ཆེད་དུ།

དེ་ལས་མང་བ་། “བྲན་གཤིས་ལས་ཐར་བའི་མི་ནི་སྒལ་ཚིགས་ཅན་ནོ།” »

ལྷ་རྩེའི་ཁུ་བྱུག

དོ་ནུབ་བྱང་རླུང་འུར་ཞིང་། སྤྲིན་རུབ་པ་ལ་བལྟས་ན་ཆར་པ་འབབ་བཟོ་འདུག སྤྱིལ་པོའི་ནང་དུ་གུས་པས་ཐར་མདོ་ཀློག་གིན་འོ་ཇ་འཐུང་བ་ཡིན། ནམ་རྒྱུན་ཐར་མདོ་ལག་བྲིས་མ་འདི་མཐོང་ཐེངས་རེར་སྨྲ་བསམ་བརྗོད་མེད་ཀྱི་ཚོར་བ་རློན་པ་ཞིག་གིས་ལུས་སེམས་མང་པོ་བརླན་མྱོང་ལ། དེ་དང་ལྷན་དུ་ང་རང་གི་ཕ་འདས་པོའི་ཞལ་རས་དང་། གུས་པ་ཆུང་དུས་ཀྱི་འཚོ་བ་རྣམས་རས་ཡོལ་ངོས་སུ་གློག་བརྙན་བཞིན་ཤར་ཡོང་བ་འདུག

ང་རང་ལོ་ཆུང་དུས་དགོང་མོ་ཞིག་ཏུ་ཕ་དྲིན་ཆེན་གྱིས་ཐར་མདོ་བྲིས་རྙིང་པོད་ཅིག་ཁུར་ནས་ཁྱིམ་ལ་བསླེབས་སོང་།

དེ་ལས་མང་བ་། “ཕ་འདས་པོའི་ཤུལ་བཞག་ཐར་མདོ། (བོད་འབྱོར)” »