གཡུ་དྲུག་དཀར། རྡ་ས།
དུས་རྒྱུན་ལྟར་གཉིད་ལས་སད་པ་ཡིན་མོད། གཉིད་སྐྱོ་ད་དུང་དྭངས་མི་འདུག རྨི་ལམ་ལྟ་བུའི་དྲན་པ་རབ་རིབ་དེའི་ྐློང་ན། རླུང་གཡུག་པའི་ཤུར་སྒྲ་དང་འབྲུག་གྲགས་པའི་ལྡིར་སྒྲ། ཆར་བབས་པའི་ཤག་སྒྲ་བཅས་གཟན་སྒྲ་སྣ་ཚོགས་ཤིག་གི་སུན་སྣང་ལོང་ལོང་བྱེད་པས། མདང་དགུང་ཆར་བབས་ཏེ་གཉིད་ལ་བར་ཆད་བཏང་པ་རྟོགས་ཀྱང་། ཉིན་མཚན་དབྱེར་མེད་དུ་ཞེ་ལྷོད་ནས་འདུག་ཐབས་མེད་པའི་ས་མཐའི་སྡུག་སྣང་གིས་ཡི་ག་ལོག་བཞིན། མགོ་བོ་ཡར་དགྱེས་ཤིང་གཏད་སོ་མེད་པའི་གོམ་ཁ་ཕྱི་རོལ་ལ་བསྒྱུར་དགོས་སོང་།
ཕྱི་རོལ་གྱི་འགྱུར་བག་རྒོད་པའི་ཁོར་ཡུག་ལའང་མདང་ནུབ་ཀྱི་ཆར་རླུང་གིས་ཕོག་ཐུག་བཟོས་བདོ་བ་འདྲ་ཡང་། མདང་དགུང་གི་གནམ་གཤིས་ཀྱིས་བསྐྱེད་པའི་རྫ་སྟོད་ཀྱི་ལྷུན་ཆགས་པའི་ཁ་བ་དེ་མཐོང་དུས། གློ་རྡེག་ཏུ་བདག་སེམས་སུ་བརྩེ་ཞེན་གྱི་རྦ་རླབས་དགུང་དུ་འཕྱོ་ལ། ཡིད་ཀྱི་སྣང་བ་གངས་དཀར་གྱི་གཞི་འཛིན་དུ་གྱུར་ཅིང་། གངས་དཀར་གྱི་སྣང་བ་དེ་ཡིས་མདང་དགོང་ཆགས་པའི་ཁ་བའི་དཀར་ཞིང་འཇམ་ལ། བརྗིད་ཅིང་འོད་འཚེར་བའི་ངང་གཤིས་ཡིད་དུ་འཐད་པ་དང་།
ངས་སྙན་ངག་ཚིག་གསུམ་འབྲི་ན་འདོད།
གསར་བུ་ནས།
༡
མི་ཞིག་མདུན་སྒོ་ནས་སོང་མ་ཐག མི་ཞིག་ལྟག་སྒོ་ནས་སླེབས་སོང༌། མི་ཞིག་གི་དྲོད་མདངས་ཁོ་མོའི་སྐྲ་གསེང་ནས་མ་ཡལ་གོང༌། མི་ཞིག་གི་དྲོད་ཤ་ཁོ་མོའི་འོ་འཛིན་ལ་བརླན་སོང༌། མི་ཞིག་སོང་བའི་མདུན་སྒོ་དང༌། མི་ཞིག་སླེབས་པའི་ལྟག་སྒོ་གཉིས་ལས་ཁོ་མོ་ནི་ངས་ཁང་པ་ཞིག་དང་ཨ་ན་མ་ན་མ་ཞིག་རེད་བསམ་བྱུང༌།
བརྗེད་དཀའ་བའི་རྡ་རམ་ས་ལ།
འབའ་སྲས།
རྡ་རམ་ས་ནས་ལམ་ལ་ཆས་ཏེ།།
ནུབ་ཕྱོགས་པ་ཡི་ཡུལ་ལ་འབྱོར་ཐལ།།
ནུབ་ཕྱོགས་གྲོང་ནས་ལོ་བཞི་འགོར་ཡང་།།
རྡ་རམ་ས་ལ་བརྗེད་ཐབས་མི་འདུག །
གསོན
དེ་ཉིད་བསོད་རྒྱལ།
འོད་ཀྱིས་ཁེངས་བའི་བར་སྣང་།
སྔོ་སང་སང་།
ཅི་ཡང་མི་མཐོང་།
དེ་ཁྱོད་ཀྱི་བསམ་བློ་ཡིན་ན་།
སྨུག་གིས་གཡོགས་པའི་ནམ་མཁའ་།
ནག་་འཐིབ་བེ་།
སྐར་ཚོགས་ཀྱིས་མཛེས་།
དེ་ཁྱོད་ཀྱི་ཅི་ཞིག་ཡིན་ནམ་།
ཀུན་ཕན་ཐེབས་རྩ་ཚོགས་པའི་ལ་རྩེ་དཔེ་མཛོད་ཁང་གི་བགྲོ་གླེང་ཚོགས་འདུའི་གསལ་བསྒྲགས།
ཚོགས་འདུའི་མིང་། “ད་ལྟའི་ལྷ་སའི་རི་མོའི་སྒྱུ་རྩལ་གྱི་གནས་བབ།” དུས་ཚོད། ༢༠༡༡ཟླ་བ་དང་པོའི་ཚེས་༡༤ དགོང་དྲོ་ཆུ་ཚོད་༦ནས་༨བར། ཚོགས་ཁང་། ཀུན་ཕན་ཐེབས་རྩ་ཚོགས་པའི་ལ་རྩེ་དཔེ་མཛོད་ཁང། Trace Foundation Latse Library 132 Perry Street, Suite 2b New York NY…
དེ་ལས་མང་བ་། “ཀུན་ཕན་ཐེབས་རྩ་ཚོགས་པའི་ལ་རྩེ་དཔེ་མཛོད་ཁང་གི་བགྲོ་གླེང་ཚོགས་འདུའི་གསལ་བསྒྲགས།” »
དེབ་འདི་དགེ་ཆོས་ཀྱི་མ་རེད།
ལྗང་བུ།
དེབ་འདི་འདི་དགེ་ཆོས་ཀྱི་མིན་པའི་སྐོར་ལ། ན་ནིང༼༢༠༡༠ལོ༽སྤྱི་ཟླ༡༡པའི་ཚེས་༡༦ཉིན་གུས་པས་དབྱིན་ཡུལཨོཀ་ཁེ་སེ་ཧྥོརདྷེ་Oxfordསློབ་ཆེན་དུ་བཤད་པ་ཞིག་ཕུལ་དུས། ད་བར་སྤྱི་གསལ་་བྱུང་མེད་པའི་དགེ་ཆོས་ཀྱི་ཕྱག་བྲིས་བསྟར་མ་དང་འདྲ་པར་མང་པོ་དང་བཅས་ཏེ་བཤད་པ་ཞིག་ཕུལ་བ་ཡིན་མོད། དེ་དུས་དུས་ཚོད་དབང་གིས་ཁ་གསལ་པོ་ཞུ་ཐུབ་མ་སོང་། དེབ་དེ་དགེ་ཆོས་སྐུ་གྲོངས་པའི་རྠེས་ལ་ཐོན་པ་ཡང་མངོན་གསལ་དང་ཀ་སྦུག་ནས་སྐབས་འཚོལ་པ་ཞིག་གིས་པར་ཏུ་བཏབ་པ་ཡང་མངོན་གསལ་རེད། དེ་དང་པོ་རྡོ་རྗེ་རྒྱལ་ལགས་ལ་རེག་དོན་ནི་ཧོར་ཁང་ཚང་བརྒྱུད་ནས་མདོ་སྨད་ལ་སླེབས་པ་ཞིག་རེད། དེབ་དེའི་སྒང་ལ་ཧོར་ཁང་སྲས་བྱམས་པ་བསྟན་དར་གྱིས་མཚན་བཀོད་ས་ཡིག་བསྐྱོན་གནང་གི་ཟླ་ཚེས་ནི་སྤྱི་ལོ༢༠༠༠ལོ་་རེད། རྡོ་རྗེ་རྒྱལ་ལགས་ཀྱིས་གཞི་འཛིན་གནང་སའི་་དེབ་དེ་ག་རང་གི་པར་ཁ་ཤས། པར་པ་ནི་མཐར་ཕྱིན་བྷ་བྷུ་ཡིན་པ་འཁོད་འདུག ལོ་ཟླ་འཁོད་འདུག དྷརྨའི་མིང་ཅན་ནས་ཞེས་པ་དེ་རྫུན་བཟོ་རེད། མ་ཡིག་ལ་ཁྱོན་ནས་མཇལ་རྒྱུ་མི་འདུག
རྩོམ་པ་པོ་གསུམ་ལ་ཁྲིམས་བཅད།
དུས་དེབ་ “ཤར་དུང་རི་” ཡི་ཐོག་ལ་རྩོམ་ཡིག་འབྲི་མཁན་གྱིས་བོད་ནང་གི་རྩོམ་པ་བོ་གསུམ་སྟེ་ བུད་དྷ་དང་དོན་ཁོ། སྐལ་བཟང་སྦྱིན་པ་གསུམ་ལ་རྔ་བ་ཁུལ་འབྲིང་རིམ་དམངས་མི་ཁྲིམས་ཁང་གིས་༢༠༡༠ལོའི་ཟླ་༡༢ཚེས་༣༠ཉིན་གྱི་སྔ་དྲོ་དུས་ཚོད་༩:༣༠ནས་༡༠:༣༠བར་ལ། བུད་དྷ་དང་དོན་ཁོ་གཉིས་ལ་མི་རེར་ལོ་བཞི་ཡི་ཁྲིམས་ཐག་བཅད་ཡོད་ལ། སྐལ་བཟང་སྦྱིན་པ་ལ་ལོ་གསུམ་གྱི་ཁྲིམས་ཐག་བཅད་ཡོད་འདུག ཁྲིམས་དཔོན་གྱིས། རྒྱུ་མཚན་ནི་”ཤར་དུང་རི་”ལ་ནུབ་ཕྱོགས་རྒྱལ་ཁབ་ཀྱིས་མཐོང་ཧ་ཅང་ཆེན་པོ་གནང་བཞིན་ཡོད་པ་མ་ཟད་དེ་ལ་ལྷ་སའི་འཁྲུག་ཆེན་གཉིས་པ་ཡང་འབོད་བཞིན་ཡོད་པས་ཁྱེད་གསུམ་གྱིས་དུས་དེབ་དེའི་ཐོག་ལ་རྩོམ་བྲིས་ཡོད་པས་རྒྱལ་ཁབ་ཁ་བྲལ་གྱི་ངན་སྐུལ་ནག་ཉེས་ཁྱེད་རང་གསུམ་ལ་འཛོམས་ཕྱིར་ཀྲུང་གོའི་བཅའ་ཁྲིམས་ཀྱི་ཨང་༡༠༣་དང་༥༥, ༥༦དང་༥༧གྱི་དོན་ཚན་དང་པོ་གཞིར་བཟུང་ནས་ཁྲིམས་ཐག་འདི་བཅོད་པ་ཡིན་ཞེས་འགྲེལ་བཤད་བྱས་འདུག
སྤྱི་འཐུས་རྒྱུན་ལས་ཀྱི་མཚན་འཁོད་སྙན་ཞུ།
(།སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་ཕྱེད་བགྲེས་ཡོལ་ལམ་བགྲེས་ཡོལ་དུ་ཕེབས་བཞེད་ནམ་ཡང་མི་མཛད་པའི་གསོལ་བ་རྩེ་གཅིག་ཏུ་འདེབས་པའི་སྤྱི་འཐུས་རྒྱུན་ལས་ཀྱིས་གཞིས་བྱེས་བོད་མི་ཡོངས་ཀྱི་ཚབ་ཞུས་ཏེ་གཤམ་གསལ་མཚན་འཁོད་༸སྙན་ཞུ་འབུལ་ལམ་ཞུས་པའི་གསལ་བསྒྲགས་སུ།)
༄༅། །ལྷར་བཅས་སྲིད་ཞིའི་གཙུག་རྒྱན། འཛམ་གླིང་ཞི་བདེའི་དེད་དཔོན་ཆེན་པོ། བོད་གངས་ཅན་ལྗོངས་ཀྱི་ཆོས་སྲིད་གཉིས་ཀྱི་བླ་ན་མེད་པའི་དབུ་ཁྲིད། སྤྱི་ནོར་༸གོང་ས་༸སྐྱབས་མགོན་༸རྒྱལ་བའི་དབང་པོ་ཐམས་ཅད་མཁྱེན་ཅིང་གཟིགས་པ་ཆེན་པོ་མཆོག་གི་༸ཞབས་པད་གསེར་ཁྲི་མངོན་པར་མཐོ་བའི་དྲུང་དུ།
མིག་ཆུ་ནག་པོ་ཞེས་པའི་ཆེད་དེབ་ཀྱི་རྩོམ་སྒྲིག་པ་འབྲོང་དར་རྒྱས་ལགས་སུ་བཅར་འདྲི།
བཅར་འདྲི་བྱེད་མཁན། ཉི་མ་འཚོ། (ནོར་གླིང་།)
དྲི་བ། མིག་ཆུ་ནག་པོ་ཞེས་པའི་ཆེད་དེབ་འདི་ངོ་སྤྲོད་མདོར་བསྡུས་ཤིག་གནང་རོགས།
ལན། མིག་ཆུ་ནག་པོ་ཞེས་པའི་མྱ་ངན་གྱི་ཆེད་དེབ་འདི་ཕྱི་ལོ་ ༢༠༡༠ ཟླ་ ༨ ཚེས་ ༨ ཉིན་ལ། མདོ་སྨད་ཐེ་བོ་འབྲུག་ཆུ་ས་ཁུལ་དུ་རི་ཉིལ་ཆུ་ལོག་གི་གནོད་སེམས་འོག་གི་འདས་པོ་ཚོར་བསྔོ་སྨོན་མཆོད་འབུལ་དང། ཤུལ་ལུས་ཡུལ་མི་སྤུན་ཟླ་ཚོར་སེམས་གསོ་དང་གདུང་སེམས་མཉམ་བསྐྱེད་མཚོན་བྱེད་དུ་དཔར་བསྐྲུན་འགྲེམས་སྤེལ་བྱས་པ་ཞིག་ཡིན། དེ་བཞིན་མྱ་ངན་ཆེད་དེབ་འདིའི་ནང་ལ་ྋགོང་ས་ྋསྐྱབས་མགོན་ཆེན་པོ་མཆོག་དང༌། སྐྱབས་རྗེ་ཀིརྟི་རིན་པོ་ཆེ། བོད་མི་མང་སྤྱི་འཐུས། བོད་གཞུང་བཀའ་ཤག་བཅས་ནས་གནོད་ཐེབས་མང་ཚོགས་ལ་ཐུགས་གསོའི་འཚམས་འཕྲིན་གནང་བ་ཁག་སྐོར་ཚན་གཅིག་དང༌། ལོ་རྒྱུས་ཀྱི་ངོས་ནས་ཐེ་བོ་གླེང་བ་ཞེས་པར་ཐེ་བོ་སྤྱི་དང་བྱེ་བྲག་ཐེ་སྨད་འབྲུག་ཆུ་ངོ་སྤྲོད་དང་དེ་འབྲེལ་གྱི་དཔྱད་རྩོམ་སྐོར་ཚན་གཅིག དེ་ནས་གནོད་ཐེབས་ལ་ཕུལ་བའི་རྩོམ་ལུས་འདྲ་མིན་གྱི་རྩོམ་ཡིག་དང་མྱ་ངན་གླུ་ཚིག་གི་སྐོར་ཚན་གཅིག མཇུག་ནས་ཆུ་ལོག་གནོད་ཐེབས་སྐབས་བྱེས་ནས་མྱ་ངན་མཆོད་འབུལ་ཅི་བྱས་ངོ་སྤྲོད་དང༌། ཆུ་ལོག་གི་འབྱུང་རྐྱེན་ལ་མཁས་པ་ཚོས་བརྒྱུད་ལམ་འདྲ་མིན་གྱི་ལམ་ནས་བཏོན་པའི་དཔྱད་འབྲས་ཕྱོགས་བསྡུས་དང༌། མཇུག་གཏམ་ཐུང་ཐུང་བཅས་ཀྱིས་གྲུབ་པའི་མྱ་ངན་ཆེད་དེབ་ཅིག་ཡིན།
དེ་ལས་མང་བ་། “མིག་ཆུ་ནག་པོ་ཞེས་པའི་ཆེད་དེབ་ཀྱི་རྩོམ་སྒྲིག་པ་འབྲོང་དར་རྒྱས་ལགས་སུ་བཅར་འདྲི།” »
བོད་རང་གི་བདེན་པའི་ཨུ་ཚུགས།
བསྟན་འཛིན་རྡོ་རྗེ། ཨ་རི།
བསོད་ནམ་སྟོབས་རྒྱལ་གྱིས་བོད་བསྒྱུར་བྱས།
གལ་སྲིད་བདག་ཉིད་ཆེན་པོ་གྷན་དྷི་ཡི་བདེན་པའི་ཨུ་ཚུགས་ཀྱི་ཐབས་ལམ་དེ་བོད་དུ་ལག་བསྟར་བྱུང་ན་ཇི་ལྟར་འགྱུར་རམ་ཞེས་ང་ལ་ལོ་ངོ་དུ་མའི་རིང་དྲི་བ་འདྲི་མཁན་འདུག དེར་བརྟེན་འདི་ལ་ལྷག་དཀར་ཟེར་ཞེས་ལན་འདེབས་བྱས་པ་ཡིན། རྒྱ་ནག་གིས་བོད་ཡོངས་སུ་དབང་བསྒྱུར་བྱས་ནའང་བོད་མི་ཚོས་འཚེ་བ་མེད་པའི་ཐབས་ལམ་གྱི་ནུས་ཤུགས་ལ་བརྟེན་ནས་ལས་འགུལ་སྤེལ་གྱི་ཡོད། འཕོ་འགྱུར་ཆེན་པོའི་གཞི་རྩ་འདི་ལ་ལྷག་དཀར་ཞེས་གྲགས་ལ་དེ་ནི་རེས་གཟའ་ལྷག་པ་དཀར་པོའམ་ཡང་དག་པའི་རེས་གཟའ་ལྷག་པ་ཞེས་པའི་དོན་ཡིན། ཉིན་དེ་ནི་༧གོང་ས་མཆོག་གི་སྐུའི་བླ་གཟའ་ཡིན་པས་རེས་གཟའ་ལྷག་པ་ལ་དེ་ལྟར་ཆེ་བསྟོད་བྱས་པ་ནི་འོས་འཚམས་རེད།
༧གོང་ས་མཆོག་གིས་རྒྱ་རིགས་ཀྱི་དྲི་བར་དྲ་ལམ་བརྒྱུད་བཀའ་ལན།
འདིའི་ཚེས་༤ ཉིན་གྱི་ཕྱི་དྲོ་༧གོང་ས་མཆོག་གིས་དྲ་ལམ་བརྙན་འཕྲིན་བརྒྱུད་ནས་རྒྱ་རིགས་ཁྲིམས་རྩོད་པ་གཉིས་དང་། རྩོམ་པ་པོ་ཝང་ལི་ཞུང་བཅས་ཀྱི་དྲི་བར་ལན་འདེབས་གནང་ཡོད་པ་རེད། འོན་ཀྱང་སྐུ་སྒེར་ཡིག་ཚང་གི་ངོས་ནས་ད་ལྟ་བཀའ་ལན་གྱི་ནང་དོན་གསལ་བསྒྲགས་གནང་མེད་ནའང་། རིམ་པས་ཕྱིར་བསྒྲགས་གནང་འཆར་ཡོད་འདུག ༢༠༡༠ ལོར་རྩོམ་པ་པོ་ཝང་ལི་ཞུང་གི་གཙོ་སྐྱོང་འོག་རྒྱ་ནག་སྐམ་ས་ཆེན་མོར་གནས་སྡོད་རྒྱ་རིགས་ཚོའི་དྲི་བ་དྲུག་དང་། རྒྱ་ནག་ཧྲིན་ཀྲིན་དུ་གནས་སྡོད་རྒྱ་རིགས་ཁྲིམས་རྩོད་པ་ཁྲིན་པོབ་དང་། པེ་ཅིང་གི་ཁྲིམས་རྩོད་པ་ཅཱང་ཐན་ཡོང་གཉིས་ཀྱིས་ཐད་ཀར་ཞུས་པའི་དྲི་བ་གཉིས་ལ་ལན་འདེབས་གནང་ཡོད་པ་རེད།
དེ་ལས་མང་བ་། “༧གོང་ས་མཆོག་གིས་རྒྱ་རིགས་ཀྱི་དྲི་བར་དྲ་ལམ་བརྒྱུད་བཀའ་ལན།” »
མཆོངས
དེ་ཉིད་བསོད་རྒྱལ།
ལམ་ལ་ཆས། ཐག་ཉེ་ན་ཅི་ཞིག་ཡོད་།
ལོ་མ་སེར་ཤགས་སེ་ས་ལ་ཐོར། མིག་ཆུ་ཡི་ལམ་རྒྱགས་དེ་ཞེ་རེ་མུག།
ལམ་ལ་ཆས། ཐག་རིང་ན་ཅི་ཞིག་ཡོད་།
ཆུ་བོའི་བཞུར་ལ་ལྟོས་ན། འབབ་ས་དེ་ཇི་འདྲ་མཛེས་ཨང་།
ནེའུ་ཡོག་གི་ཉིན་ཐོ་ཞིག
རིག་འབྱུང་དོན་གྲུབ་བཀྲ་ཤིས།
ནེའུ་ཡོག་ཏུ་དགུན་གནང་གི་བདུན་གཉིས་ཙམ་རྫོགས། དེའི་རིང་ལ། བོད་རིགས་འཛོམས་ས་ཁ་ཤས་ལ་ཕྱིན་པ་ཡིན། གནས་ཚུལ་རེ་བསྒྲིག་ནས་ཅིག་འབྲི་དགོས་བསམ་མོད། དུས་ཚོད་ཀྱིས་ཡོང་གི་མི་འདུག ད་དུང་བདུན་གཅིག་སྡོད་ཁོམ་འདུག ཁ་སང་གཟའ་ཉི་མའི་ཉིན། ནེའུ་ཡོག་གི་ས་འོག་ལྕགས་ལམ་བརྒྱུད་ཀོ་ལིམ་སྤི་ཡ་གཙུག་ལག་སློབ་ཁང་གི་ཕྱོགས་སུ་ཕྱིན་པ་ཡིན། གཙུག་ལག་སློབ་ཁང་དེའི་འགྲམ་གྱི་ལྷ་ཁང་ཞིག་ཏུ། བཀའ་ཁྲིའི་འོས་དམིགས་ཀྱི་བགྲོ་གླེང་དེ་འཚོགས་སོང་། བཀོད་སྒྲིག་བྱེད་མཁན་ནེའུ་ཡོག་དང་ནེའུ་འཇར་སིའི་བོད་རིགས་སྤྱི་མཐུན་ཚོགས་པ་རེད། གཙོ་སྐྱོང་བ་ཨེ་ཤེ་ཡ་རང་དབང་རླུང་འཕྲིན་ཁང་གི་ཀརྨ་རྒྱ་མཚོ་རེད། བགྲོ་གླེང་གནང་མཁན། བཀའ་ཟུར་བཀྲ་ཤིས་དབང་འདུད་དང་བཀའ་ཟུར་བཀྲས་མཐོང་བསྟན་འཛིན་རྣམ་རྒྱལ། བློ་བཟང་སེང་གེ་བཅས་རེད། བགྲོ་གླེང་ལ་བཅར་མཁན། བོད་མི་ཆིག་སྟོང་བརྒལ་བ་འདུག རྐུབ་སྟེགས་མ་རག་པར་རྒྱབ་ཏུ་ལངས་མཁན་བོད་རིགས་གང་འཚམ་འདུག བགྲོ་གླེང་དེ་ཁྱོམ་བསྡོམས་དུས་ཚོད་གསུམ་ལྷག་བྱས་སོང་། མི་མང་གི་ཁྲོད་ནས་དྲི་བ་གཏོང་མཁན་བདུན་ལ་གོ་སྐབས་སྤྲད་སོང་། གཙོ་སྐྱོང་བས་དྲི་བ་བཅུ་གཅིག་བཏང་སོང་། དྲི་བ་དང་པོ་དང་གཉིས་པ་གཉིས་འདྲ་སེ་འདུག དམིགས་བསལ་ཁྱད་པར་མི་འདུག
ཤེས་ཡོན་གྱི་བཅིངས་གྲོལ།
ཨོའོ་ཞོ་ཡིས་བརྩམམས། ཁྲི་ཆུ་བཟང་རྒྱ་མཚོས་ཨིན་ཡིག་ལས་བསྒྱུར།
ཤེས་ཡོན་ནི་བཅིངས་གྲོལ་གྱི་ཐབས་ལམ་ཞིག་ཡིན་མོད། འོན་ཀྱང་། དེ་ནི་འཇིག་རྟེན་ཧྲིལ་བོར་དངོས་སུ་ལག་བསྟར་བྱས་མྱོང་མེད། བཅིངས་གྲོལ་ཟེར་བ་ནི་བསམ་བློ་བཅིངས་གྲོལ་གཏོང་བ་ལ་གོ་དགོས། དེ་ནི་འདས་ཟིན་པའི་ཆབ་སྲིད་ཀྱི་ལྟ་བ་དང་། ཆོས་ལུགས་ཀྱི་རྣམ་གཞག་ལས་བསམ་བློ་དེ་གྲོལ་བར་འཁུམས། འདི་འདྲའི་བསམ་བློ་བཅིངས་གྲོལ་གཏོང་བའི་ཤེས་ཡོན་གྱི་ལམ་ཁའི་ཁྲོད་ནས་སློབ་བུ་ཞིག་བསྐྱེད་བསྲིང་བྱེད་སྐབས། སློབ་བུ་དེ་ནི་ཕྱོགས་ལྷུང་བྲལ་ཞིང་ཡང་དག་པའི་འཚོལ་ཞིབ་པ་ཞིག་ཏུ་འགྱུར་ངེས།
མདོ་སྨད་ས་རྒྱུན་དང་ཀླུ་མཁར་བྱམས་བཅས་ལ་བཟློ་བ།
མདོ་སྨད་པ་བློ་བཟང་ཆོས་འབྱོར།
དོན་འདིར་ལག་པ་འཆང་ན་མཁྱེན་ལྡན་རྣམས་ཡིད་ཐང་ཆད་འགྲོ་བ་ཞིག་ཡིན་ངེས་པ་ནི་ངའི་ཐོག་མའི་རྣམ་རྟོག་ཡིན། དེའི་དབང་གིས་ད་བར་འདིའི་ཐད་ཚིག་གཅིག་བྲིས་མེད། ཡིན་ནའང་ཁ་སང་དེ་རིང་བུ་ངར་བ་ཁ་ཤས་ཞི་ལོང་འབུར་འབུར་སླེབས་སོང་བས་ཚིག་ཁ་ཤས་བཤད་འདོད་བྱུང།
སྐད་ཆ་མ་བཤད་གོང་ཡི་གེ་འདི་འབྲི་དགོས་པའི་རྒྱུ་མཚན་བཤད་དགོས་པ་འདྲ་སྟེ། དེ་ནི་གུས་བར་བདག་པ་ཐམས་ཅད་ཤར་ཤར་གཡུག་དགོས་བྱུང་ཀྱང། རྒྱལ་བ་རིན་པོ་ཆེ་འདི་སེམས་དང་སེམས་ཀྱི་ནང་ནས་གཡུག་ཐབས་མེད་པ་ཞིག་དང། ཀླུ་མཁར་བྱམས་ལྟ་བུ་ཕུགས་རྒྱང་རིང་པོ་མཐོང་ཚུལ་བཞེས་མཁན་རྣམས་དང་གུས་བ་བོད་མི་རིགས་ལ་བརྩེ་ཞེན་གཅིག་པ་ཡིན་པར་བསམ་ནའང། ཡིན་ལུགས་ཐད་ནས་ཞུས་ན། གུས་བས་རང་རིགས་ལ་བསླབ་པ་དང་སྲི་ཞུར་ཞུགས་པའི་མྱོང་བ་གཉིས་ཀས་ཀྱང། གང་ཡོད་པ་ཐམས་ཅད་ཀྱི་གཙོ་བོ་རྒྱལ་བ་རིན་པོ་ཆེ་ཡིན་པར་རྟོགས་ཤིང། ཁོང་གཏན་དུ་མེད་ན་ང་ལ་མི་རིགས་ཤིག་མེད་པ་ཚོར་སོང་བས་སོར་མོའི་འདུ་འགོད་ཀྱི་ལས་འདི་བརྩམས་པ་ཡིན། ཡིན་ནའང་རྒྱལ་བ་རིན་པོ་ཆེ་ཡོད་སྟངས་ཐད་སྐབས་དོན་མ་ཡིན་པས་རེ་ཞིག་སྐུམས་པར་བྱའོ།
དེ་ལས་མང་བ་། “མདོ་སྨད་ས་རྒྱུན་དང་ཀླུ་མཁར་བྱམས་བཅས་ལ་བཟློ་བ།” »
“ང་རྒྱ་ནག་གི་ཨོ་བྷ་མ་བྱེད་འདོད་ཡོད།”ཅེས་པའི་བློ་བཟང་སེང་གེ་ལགས་ཀྱི་གཏམ་བཤད་ལ་དཔྱད་པ།
བོད་ཀྱི་ཆབ་སྲིད་གནད་དོན་ཉམས་ཞིབ་རྩོམ་སྒྲིག་ཚོགས་ཆུང་གིས་ཕྱི་ལོ་༢༠༡༠ ཟླ་ ༡༠ ཚེས་ ༢༡ རེས་ གཟའ་ཕུར་བུ། ས་གནས་དེ་གའི་ཕྱི་དྲོ་ཆུ་ཚོད་༦ དང་སྐར་མ་ ༤༥ ཐོག་སྤེལ།
༡ བློ་བཟང་སེང་གེ་ལགས་དང་འཇམ་དབྱངས་ནོར་བུ་ལགས་རྣམ་པ་གཉིས་ལ་ཐུགས་རྗེ་ཆེ་ཞུ། བཀའ་བློན་ཁྲི་པའི་འགྲན་རྩོད་འདི་ཨ་རིའི་སྲིད་འཛིན་ཨོ་བྷ་མ་འོས་ལངས་སྐབས་ཀྱི་སྲིད་འཛིན་གཞོན་པའི་འོས་མ◌ིའི་ཁ་གཏད་ལྕམ་སྐུ་ས་ར་པ་ལིན་གྱི་དོན་རྐྱེན་དང་གཅིག་མཚུངས་ཀྱི་ཐོག་མའི་དུས་རིམ་ལ་སླེབས། ཕྱི་ལོ་༢༠༠༨ ལོའི་ཨ་རིའི་སྲིད་འཛིན་གཞོན་པའི་འོས་མིའི་ཁ་གཏད་ལྕམ་སྐུ་ས་ར་པ་ལིན་གྱིས་ཕྱི་སྲིད་ཀྱི་ཐོག་ཁོ་མོར་ཉམས་མྱོང་ཕུན་སུམ་ཚོགས་པོ་ཡོད། གང་ཡིན་ཟེར་ན། ཨ་ལ་ སི་ཀར་ཡོད་པའི་ཁོ་མོའི་ཁང་པ་ནས་ཨུ་རུ་སུ་མཐོང་ཐུབ་ཀྱི་ཡོད། ཅེས་སྤོབས་པ་ཆེན་པོའི་ངང་བཤད་པའི་རྐྱེན་གྱིས་འགྲན་རྩོད་ནང་ཁོ་མོར་ཕམ་ཉེས་བྱུང་བ་ཞུ་ཅི་ལ་དགོས། ཤོད་འཛོལ་ཤོར་བའི་ཁོ་མོའི་སྐད་ཆ་དེས་མངའ་སྡེའི་སྲིད་སྐྱོང་དུས་ཡུན་ཕྱེད་ཀྱི ་ནང་ལས་དོན་སྒྲུབ་པར་ཉམས་མྱོང་དམན་པ་དང་། གནད་དོན་ཐོག་འཛིན་པའི་ཁོ་མོའི་ལྟ་ཚུལ་ལ་ཞན་ཆ་ཆེན་པོ་ཡོད་པ་སོགས་ཀྱི་སྐྱོན་བརྗོད་དྲག་པོ་ཕོག་པའི་རྐྱེན་གང་ལ་གང་མཚམས་བྱས་ཡོད།
དུས་ཚོད།
བསྟན་འཛིན་ཤེས་རབ།
དངངས་འཚབ་ཀྱི་ཚོར་བ་ཞིག་གློ་བུར་དུ་འོང་ཞིང་གློ་བུར་དུ་འདས་སོང།
བཞུད་འགྲོ་བའི་རྟ་ཕོ་ཁྲི་སྟོང་རྨིག་སྒྲ་ལྷང་ལྷང་།
ཡུད་ཙམ་ཡུད་ཙམ་ངང་མཐོང་ལམ་ནས་ཡལ་སོང་།
རི་བོའི་རྩེ་མོ་རུ་འཛེག་གིན་པའི་མི་ཕོ་དེ་དག་དང་།
ཆུ་བོའི་ཕ་རོལ་ཏུ་རྐྱལ་བཞིན་པའི་བྱིས་པ་དེ་དག་ཀྱང་།
འདྲིལ་ཞོར་འཛེག་ཞོར་དང་སྣུབ་ཞོར་རྐྱལ་ཞོར་དུ།
ཨུ་ཚུགས་ཀྱིས་མདུན་ནས་མདུན་ནས་སྐྱོད་བཞིན་འདུག
མིག་ཆུའི་དར་དཀར།
མེ་ཏོག་མ།
བདེ་སྟོང་འོ་མའི་མཚོ་ན།
སྙིང་རྗེ་སྐུ་ཁྲུས་གསོལ་བའི།
ཡབ་གཅིག་པད་དཀར་འཛིན་པ།
འདི་རུ་ཅུང་ཙམ་གསོན་དང་།
ལང་ཚོའི་འཁྲི་ཤིང་རྩེ་ལ།
བྱམས་བརྩེའི་ལྗང་ལོ་བཞད་པའི།
གྲོང་གི་ཁྱིམ་མཚེས་མ་མ།
བཀྲ་ཤིས་བདེ་ལེགས་ཀྱི་རྟེན་འབྲེལ་དར་དཀར་རིང་མོ། །
ཨེ་མ་ཧོ། །
མཆོག་གསུམ་རྒྱལ་བ་སྲས་བཅས་བྱིན་རླབས་དང་། །
རྟེན་འབྲེལ་བསླུ་བ་མེད་པའི་བདེན་སྟོབས་ཀྱིས། །
དད་སྙིང་དྲང་བདེན་མཛད་པའི་སྐྱེ་བོ་ཀུན། །
བཀྲ་ཤིས་དབུ་གདུགས་དཀར་པོ་ཡར་ལ་ལྕོག །
དེ་ལས་མང་བ་། “བཀྲ་ཤིས་བདེ་ལེགས་ཀྱི་རྟེན་འབྲེལ་དར་དཀར་རིང་མོ། །” »
བཀྲས་མཐོང་བསྟན་འཛིན་རྣམ་རྒྱལ་གྱི་སྐད་ཆ་ལ་བསྐྱར་ཞིབ་ཐེངས་ཤིག
གོ་ཕྲུག་རྭ་བུ། འོག་གི་འབྲེལ་ཐག་ལ་བསྣུན་ནས་ཀློགས། tethong