རྨ་མགུར་སངས་རྒྱམ།

མདོ་སྨད་གཅན་ཚ་རྫོང་གི་མར་ཁུ་ཐང་གྲོང་རྡལ་དང་སྣང་ར་ཡུལ་ཚོ་གཉིས་ཀྱི་ནང་དུ་བོད་ཀྱི་མདོ་དབུས་ཁམས་གསུམ་གྱི་ལོ་གསར་གཅིག་གྱུར་དུ་གཏོང་བའི་སྐབས་སུ་ས་གནས་ཡུལ་མི་དང་སྤྱི་བདེ་ཉེན་རྟོག་མི་སྣའི་བར་དུ་འཁྲུག་རྩོད་ཤོར་ཡོད་པ་དང་ལྷག་པར་དུ་རྫོང་གི་ལྟེ་གནས་སུ་གྱུར་བ་མར་ཁུ་ཐང་སྡེ་བ་རུ་ཕྱི་ཟླ་གསུམ་པའི་ཚེས་བཞིའི་དགོང་དྲོར་ཉེན་རྟོག་མི་སྣ་ཁ་ཤས་བོད་ཀྱི་ལོ་གསར་གཏོང་བར་བཀག་འགོག་གི་བྱེད་པའི་ཆེད་དུ་གྲོང་སྡེ་དེའི་མ་ནི་ལྷ་ཁང་དུ་ཡོང་ནས་ལོ་གསར་གཏོང་བར་གྲ་སྒྲིག་བྱས་ཡོད་པའི་ཤ་དང་ཞལ་ཟས་ལ་སོགས་འཕྲོག་བཅོམ་བྱེད་པའི་སྐབས་སུ་སྡེ་བའི་ཡུལ་མི་དང་ཉེན་རྟོག་པ་རྣམས་ཀྱི་བར་ལ་འཁྲུག་རྩོད་ཤོར་ཏེ་མི་གཉིས་འཛིན་བཟུང་བྱས་ཡོད་པ་དང་

དེ་ལས་མང་བ་། “ལོ་གསར་བཀག་འགོག་གི་ཆེད་དུ་མི་གཉིས་འཛིན་བཟུང་བྱས་པ།” »

གནས་ཚུལ་མཁོ་གཏོང་བ་རྫ་ཚེ་རིང་བཀྲ་ཤིས།

༼རང་བྱུང་གི་འགུལ་སྐྱོད་སྣང་ཚུལ་འདི་ལ་འདི་ལ་རྒྱ་བོད་དབྱིན་གསུམ་མིང་མཛོད་དུ་མཚོ་འཁྱོམ་དང་མཚོ་འཕྱུར་གང་རུང་ཆོག་པར་གསུངས་ཤིང་། འགྲེལ་བཤད་དུ་རྒྱ་མཚོའི་འོག་ཏུ་ས་ཡོམ་བྱུང་བ་དང་མེ་རི་འཕྱུར་བ་དང་རྒྱ་མཚོ་རླུང་གིས་སྐྱོམ་པ་སོགས་ཀྱི་རྐྱེན་གྱིས་མཚོ་རླབས་ཆེན་པོ་དྲག་ཏུ་འཕྱུར་བའི་འཇིགས་པ་ཞིག་གོ ཞེས་གསལ།༽ དེ་རིང་ས་གནས་ཆུ་ཚོད་གཉིས་དང་སྐར་མ་བཞི་བཅུ་ཞེ་གྲངས་ཐོག་རིམ་པ་བརྒྱད་དང་ཚེགས་དགུའི་མཚོ་ཡོམ་ཆེན་པོ་ཞིག་འཇར་པན་དུ་བྱུང་ཡོད། ད་ལྟ་ཤི་གྲངས་མི་དྲུག་ཅུ་ལྷག་དང་། རྨས་གྲངས་ཉེས་བརྒྱ་བརྒལ་འདུག ད་ལྟ་རང་ང་ལ་རྒྱ་དགེ་བསྙེན་ཞིག་གི་ཕྲིན་ཐུང་འབྱོར་བར་百年未見ལོ་བརྒྱར་མཐོང་དཀོན་པ་ཞེས་བྲིས་འདུག ཐའེ་ཝན་གྱི་གསར་འགྱུར་ཁག་ཏུ་རི་པན་གྱི་ལོ་རྒྱུས་ཟིན་ཐོར་འཁོད་པའི་མཚོ་འཁྱོམ་ས་ཡོམ་ཨང་དང་པོ་དང་འཛམ་གླིང་གི་ཨང་ལྔ་བ་ཡིན་ཟེར་གྱི་འདུག ངོ་མ་ཆུ་རླབས་ཀྱིས་དེད་པའི་འཁོར་རིགས་དག་ནི་རིལ་མ་ཆུས་དེད་པ་དང་གཅིག་པ་རེད།

དེ་ལས་མང་བ་། “འཇར་པན་མཚོ་འཁྱོམ་ས་ཡོམ་གྱི་གནས་ཚུལ་གསར་ཤོས།” »

བློ་བཟང་།
མཚོ་སྔོན་ཞིང་ཆེན་མཚོ་ནུབ་སོག་རིགས་བོད་རིགས་རང་སྐྱོང་ཁུལ་འབྲིང་རིམ་མི་དམངས་ཁྲིམས་ཁང་གི་ཉེས་དོན་བཅད་ཁྲ།
(ཚན་བཤུས།) (༡༩༩༤)ནུབ་འབྲིང་གྱོད་དོན་ཡི་གེ་ཨང ༡༩།
གཏུགས་བཤེར་ལས་ཁུངས་མཚོ་ནུབ་རང་སྐྱོང་ཁུལ་མི་དམངས་ཞིབ་བཤེར་ཁང་།

གྱོད་ཡ་ཀླུ་མཁར་བྱམས། མིང་གཞན་ཀླུ་བྷེ། ཕོ། བོད་རིགས། མཚོ་སྔོན་ཞིང་ཆེན་མཚོ་ལྷོ་བོད་རིགས་རང་སྐྱོང་ཁུལ་ཧང་ངེ(རྩྭི་གོར་ཐང)རྫོང་གི་མི་ཡིན་ཞིང་། ཕྱི་ལོ ༡༩༩༡ལོའི་ཟླ ༡༠བར་རྒྱ་གར་ནང་བྲོས་བྱོལ་བྱས་འདུག་པ་དང་། རྒྱ་གར་སྦེ་རི་སློབ་གྲྭའི་སློབ་མ་རེད། ཕྱི་ལོ ༡༩༩༢ལོའི་ཟླ ༡༡ནང་ཁྲིམས་འགལ་གྱིས་རང་ཁོངས་སུ་འཛུལ་ཞིང་། ཕྱི་ལོ ༡༩༩༣ལོའི་ཟླ ༣ནང་ཁྲིམས་འགལ་གྱིས་རྒྱལ་མཚམས་བརྒལ་སྐབས། བོད་ལྫོངས་དིང་རི་རྫོང་མཐའ་མཚམས་ཞིབ་བཤེར་ས་ཚིགས་ཀྱི་བསྐོར་སྲུང་བས་འཛིན་བཟུང་བྱས།

དེ་ལས་མང་བ་། “ཤ་ཟད་རུས་སྐམ་གྱི་སྲིད་དོན་བཙོན་པ་ཞིག” »

དེ་ལས་མང་བ་། “ནེའུ་ཡོག་གི་ཆར་བའི་ཁྲོད་ཀྱི། གསུམ་བཅུའི་སྐད་འབོད་།” »

ཕྱི་ལོ་ ༡༩༥༩ ལོར་བོད་ཀྱི་རྒྱལ་ས་ལྷ་སར་རྒྱ་དམར་གྱི་བཙན་གནོན་ལ་བོད་མི་མང་གིས་ཞི་རྒོལ་བྱས་ནས་ལོ་ལྔ་བཅུ་ང་གཉིས་འཁོར་བ་དང༌། ཕྱི་ལོ་ ༢༠༠༨ ལོར་བོད་ཀྱི་ས་ཁུལ་ཡོངས་སུ་འཚེ་མེད་ཞི་བའི་གྱེན་ལངས་བྱས་ནས་ལོ་གསུམ་འཁོར་བ་བཅས་ཀྱི་དུས་ཚིགས་ཁྱད་པར་ཅན་འདིར་བོད་མི་རིགས་དང་རྒྱལ་བསྟན་ཆབ་སྲིད་ཀྱི་དོན་དུ་ལུས་སྲོག་དོར་བའི་དཔའ་བོ་དཔའ་མོ་རྣམས་ལ་རྗེས་དྲན་བསྔོ་སྨོན་དང༌། ད་ལྟའང་བཙན་འོག་ཏུ་སྡུག་སྦྱོང་མནར་གཅོད་མྱོང་བཞིན་པ་རྣམས་ལ་གདུང་སེམས་མཉམ་བསྐྱེད་ཀྱི་འཚམས་འདྲི་སེམས་གསོ་ཡོད། དེ་བཞིན་བོད་རིགས་འདས་གསོན་རྣམས་ཀྱིས་མཚོན་སྐྱེ་འགྲོ་ཡོངས་ལ་འཕྲལ་ཡུན་ཀུན་ཏུ་དགེ་བའི་སྨོན་འདུན་ཤུགས་དྲག་བྱེད་རྒྱུ་ཡིན།

དེ་ལས་མང་བ་། “སྤྱི་ནོར་ྋགོང་ས་ྋསྐྱབས་མགོན་ཆེན་པོ་མཆོག་ནས་གསུམ་བཅུའི་དུས་དྲན་ཐེངས་ ༥༢ པའི་ཐོག་ཡོངས་ཁྱབ་ཏུ་སྩལ་བའི་གསུང་འཕྲིན།” »

(ལྡི་ལིའི་བོད་རིགས་མཐོ་རིམ་སློབ་མ་ལྔ་བཅུ་ལྷག་གིས་རྒྱ་ནག་གཞུང་ཚབ་ཁང་གི་མདུན་ནས་ངོ་རྒོལ་གྱི་ལས་འགུལ་སྤེལ་བ།)

སྦྲ་རིགས་ཐོགས་མེད་ཀྱིས་གནས་ཚུལ་བསྡུ་སྒྲིག་བྱས།

ངོ་རྒོལ་གྱི་ཟླ་དུས་ཚེས་གྲངས།
ཕྱི་ལོ་ ༢༠༡༡ ཟླ ༠༣ ཚེས ༠༩
ངོ་རྒོལ་གྱི་ས་གནས།
ལྡི་ལིའི་རྒྱ་ནག་གཞུང་ཚབ་ཁང་གི་མདུན་ཐང་།
ངོ་རྒོལ་གྱི་དམིགས་ཡུལ།
ཕྱི་ལོ ༡༩༥༩ ཟླ ༠༣ ཚེས ༡༠ ཉིན་རྒྱ་དམར་དྲག་པོའི་དཔུང་གིས་བོད་མི་ཁྲི་སྟོང་མང་བོ་དམར་གསོད་དང་ བོད་ས་ཡོངས་རྫོགས་ལ་བཙན་དབང་བསྒྱུར་ནས་ལོ་ངོ་ཧྲིལ་བོ་ལྔ་བཅུ་ང་གཉིས་འཁོར་བའི་མྱ་ངན་རྗེས་དྲན།

དེ་ལས་མང་བ་། “རྒྱ་ནག་གཞུང་ཚབ་ཁང་གི་མདུན་ནས་ངོ་རྒོལ་གྱི་ལས་འགུལ་སྤེལ་བ།” »

དགེ་བཤེས་སྨོན་ལམ་མཐར་ཕྱིན་པས།

༄༅། །དེ་རིང་ ༢༠༡༡ ཟླ་ ༣ ཚེས་ ༩ གཤེན་གྱི་འབྱུང་ལྡན་ ༣༠༡ ལྕགས་མོ་ཡོས་ལོའི་བོད་ཟླ་དང་པོའི་ཚེས་ལྔ་། གཡུང་དྲུང་བོན་གྱི་བསྟན་པའི་སྲོལ་འབྱེད་རྣམ་འདྲེན་རྒྱལ་བ་གཉིས་པ་མཉམ་མེད་ཤེས་རབ་རྒྱལ་མཚན་མཆོག་སྐུ་འཁྲུངས་ནས་མི་ལོ་ ༦༥༥ འཁོར་བའི་དུས་ཚིགས་ཁྱད་
པར་ཅན་ཉིན་གྱི་སྔ་དྲོ་ཞྭ་དཀར་གཡུང་དྲུང་བོན་གྱི་བསྟན་པའི་གཙུག་རྒྱན་༧སྐྱབས་རྗེ་རྒྱལ་བ་སྨན་རི་བའི་ཁྲི་འཛིན་སོ་གསུམ་པ་མཆོག་གིས་གཡུང་དྲུང་བོན་གྱི་གདན་ས་ཆེན་མོ་༸དཔལ་གཤེན་བསྟན་སྨན་རིའི་གླིང་དུ། དབུས་གཡུང་དྲུང་བོན་འཛིན་སྐྱོང་ལྷན་ཚོགས་ཀྱིས་སྟངས་འཛིན་འོག་ཆེད་དུ་གསར་སྒྲུབ་གནང་བའི་༼གཡུང་དྲུང་བོན་༽ ཞེས་པའི་བོད་ཡིག་གི་དྲ་ཚིགས་ཤིག་དབུ་འབྱེད་གནང་ཡོད་པ་རེད།

དེ་ལས་མང་བ་། “གཡུང་དྲུང་བོན་གྱི་དྲ་རྒྱ་སྒོ་འབྱེད།” »