ཕྱི་ལོ་༢༠༡༡ལོའི་ཟླ་བ་༥ཚེས་༢ཉིན་མོར་རྒྱ་གར་བྱང་ཕྱོགས་དེ་ཧ་ར་དུན་མངའ་ཁུལ་དུ་ རྟེན་གཞིས་བྱས་པའི་ར་པུར་ས་སྐྱ་ཆོས་སྒར་དུ་དཔལ་ས་སྐྱ་༸གོང་མ་བདག་ཁྲི་རིན་པོ་ ཆེའི་བཀའ་དགོངས་འོག་བོད་མདོ་སྨད་རྔ་པ་ཁུལ་དུ་ཛ་དྲག་གི་གནས་ཚུལ་བྱུང་བཞིན་ པའི་བརྟེན་རྔ་པའི་མི་མང་རྣམས་ལ་གདུང་སེམས་མཉམ་སྐྱིད་དང་ལྔ་ལམ་གཤེགས་པའི་ དཔའ་བོ་ཕོ་མོ་རྣམས་ཀྱི་ཆེད་འདི་གར་དགེ་འདུན་པ་གཉིས་བརྒྱ་ཙམ་ཞིག་གིས་སྨོན་ལམ་དང་མཆོད་འབུལ་རྒྱས་པ་ཞིག་གནང་སོང་། ས་གནས་ནས་ཐུབ་རྒྱལ་གྱིས།
ཀུན་ཕན་ཐེབས་རྩ་ཚོགས་པའི་ལ་རྩེ་དཔེ་མཛོད་ཁང་གི་གསལ་བསྒྲགས།
ད་རེས་གཟའ་སྤེན་པ་སྟེ། སྤྱི་ཟླ་ ༥ བའི་ཚེས་ ༧ ཉིན་གྱི་ལྗང་བུའི་སྙན་དེབ་དབྱིན་འགྱུར་མ་འགྲེམས་སྤེལ་སྒོ་འབྱེད་དང་། དབྱར་རྩྭ་ཟེར་བའི་གློག་བརྙན་གཟིགས་འབུལ་བྱེད་རྒྱུ་དེ་གཉིས་ལྗང་བུ་ལགས་ལ་ཐོངས་མཆན་དུས་ལྟར་མ་ཐོབ་པར་བརྟེན། སྤྱི་ཟླ་ ༦ ཚེས་ ༡༡ ཉིན་ལ་ཕར་འགྱངས་བྱས་པ་དགོངས་འཇགས་ཞུ།
མདོ་སྨད་དབུས་སྤྱི་ཁྱབ་རྒྱུན་ལས་ཁང་ལ་སྤྲིངས་པའི་ཞུ་ཚིག
འབྲོག་རུ་བ་ཆོས་དར་གྱིས་ནག་ཕྱོགས་སྟོང་བ་གསུམ་པར་བྲིས།
དབུས་སྤྱི་ཁྱབ་རྒྱུན་ལས་ཁང་འདིའི་འགོ་འཛུགས་ས་དང་མཇུག་བསྡུ་ས་ཡོད་ཚད་ཀ་ཀོར་མེད་པར་ཕ་མདོ་སྨད་ཚང་གི་འདས་མ་ད་གསུམ་གྱི་སྐྱིད་སྡུག་བཤད་ས་དང་གླེང་ས་ཞིག་ལ་ངོས་འཛིན་བྱས་དང་བྱེད་མུས་སུ་ཡོད་པ་ལགས་ན། ཁོ་བོས་ཀྱང་རང་གི་བྲང་གཞུང་ལེབ་མོའི་ཁ་ཕྱེ་ནས་གློ་སྙིང་མཆིན་གསུམ་དམར་ལྷེང་ངེར་མངོན་པ་ལྟ་བུའི་བདེན་ལུགས་ཀྱི་ངོས་དང་སོ་མཚམས་བརྒྱུད་ནས་མི་བརྗོད་ཐབས་མེད་ཀྱི་ཚིག་འགའ་ཞུ་འདོད་བྱུང་།
དེ་ལས་མང་བ་། “མདོ་སྨད་དབུས་སྤྱི་ཁྱབ་རྒྱུན་ལས་ཁང་ལ་སྤྲིངས་པའི་ཞུ་ཚིག” »
བརྗེད་མི་སྲིད་པའི་ཉིན་མོར་ཕྱིར་དྲན་བྱེད་པ།
འབྲོང་ངུར་ཕོ་ཉ།
རང་གི་མི་ཚེ་ལ་མཚོན་ན་མངར་སྐྱུར་གྱི་འཚོ་བ་དུ་མ་བརྒྱུད་དེ་ཡོང་བ་ཞིག་ཡིན་པས། དགའ་སྡུག་གི་བང་རིམ་བགྲང་དཀའ་བ་ཞིག་ཡོད་པ་སྨོས་མེད་ཅིག་རེད། དེར་བརྟེན་ངའི་འཚོ་བའི་སྣེ་མོ་རེ་ནས་ཁྱོད་ཅག་ལ་སེམས་ཚོར་ཟབ་མོ་ཞིག་འཇོག་ཐུབ་རྒྱུའི་རེ་བ་གཙང་མ་ཡོད། དེ་རིང་གི་ཉིན་མོར་ ༼ཕྱི་ལོ་ ༢༠༡༠ ཟླ ༦ ཚེས ༥ རེས་གཟའ་སྤེན་པ་༽ མཚོན་ན་བརྗོད་དཀའ་བའི་ཚོར་བ་ཟབ་མོ་ཞིག་གིས་བདག་གི་ལུས་སེམས་ཡོངས་རྫོགས་བདེ་ཆེམ་མེར་ཁྱབ། དེ་ནི་སྟབས་ལེགས་ཀྱིས་བྱུང་བ་མིན་པར་ཁོ་བོར་རིང་ནས་འདྲིས་ཤིང་བརྩེ་བའི་སྙིང་མཚུངས་སྤུན་ཟླ་གང་གི་བྱམས་སེམས་འོད་ཟེར་དྲོད་ཁྱིམ་ལས་ཐོབ་པར་སྨྲ་མི་དགོས་པ་ཞིག་རེད། དེའི་ཕྱིར་ང་ནི་སྤུན་གྲོགས་ཁྱོད་རང་ལ་ཧ་ཅང་གི་དགའ་ཞིང་ཁྱོད་ཀྱི་འགྲན་ཟླ་བྲལ་བའི་མི་གཤིས་དང་ཡ་རབས་དྲང་བདེན་གྱི་སྤྱོད་པ་ལ།
མཇེ་ཤུན་གཏུབ་ན་ད་གཟོད་ང་ཚོའི་མི་རིགས་ཆགས་པ་རེད།
བོད། ལྷ་ཀླུ་གཉན་གསུམ།
གལ་ཏེ་ཀློག་མཁན་ཁྱེད་རང་། སྐད་ཆ་འདི་ལྟར་གོ་དུས། མཇེ་གཏུབ་ཀྱི་སྐོར་འདི་ལ་རྒྱུས་མངའ་མེད་མཁན་དང་། ཡང་ན། རྗོ་ཤུ་{འཇིའུ། ཡང་ན། ཡ་ཧུ་ད་ཞེས་ཀྱང་ཟེར་བ་ཡིན། དེང་དུས་ཡོངས་གྲགས་སུ་ཁོང་ཚོས་སྐད་དང་། དབྱིན་སྐད་སོགས་ལ་རྗོ་ཤུ་མི་རིགས་ཟེར་གྱི་ཡོད་པ་རེད།}མི་རིགས་ཞེས་པའི་སྐོར་ལ་གསལ་ཆ་མེད་མཁན་ཞིག་ཡིན་ཚེ། ད་གཟོད་ཁྱེད་རང་གོང་གི་ཁ་བྱང་འདི་མཐོང་མ་ཐག དངོས་ནས་ཡ་མཚར་སྐྱེ་སྲིད་ཀྱང་། དོན་དངོས་སུ། དེང་དུས་སུ་ཡང་ལོ་ངོ་སྟོང་ཕྲག་ཁ་ཤས་ཤིག་རྒྱུད་དེ་འོང་བའི་གོམ་གཤིས་འདི་ཉིད་སྲ་ཞིང་མཁྲེགས་པོར་གནས་ཡོད་པ་ཡང་ཤེས་ངེས་ཡིན།
དེ་ལས་མང་བ་། “མཇེ་ཤུན་གཏུབ་ན་ད་གཟོད་ང་ཚོའི་མི་རིགས་ཆགས་པ་རེད།” »
སེམས་པ་ཐང་མར་བརྡལ་བ།༼ སེམས་འཕྲིན་ཁག་གཉིས་པ། ༽
(རང་ཉིད་དང་སྨྲ་བ་ཨམ་ཚུགས་ཀྱིས་བསྡམས་ཤིང་ངོ་གདོང་དང་ཟུར་མིག་སྐྲ་ལོ་ཡི་བཀབ་ནས་ངས་དོན་ངོ་མར་ཅི་ཞིག་བསམ་བཞིན་ཡོད་དམ།)
ཁ་བྱང་གི་རོལ་ཆ་དཀྲོལ་བ།
ཐོར་རྒོད་པ་སྤྱན་ཆབ།
ལོ་ངོ་གཉིས་ཀྱི་ཡར་སྔོན་ཞིག་ང་ལའང་ང་རང་ཉིད་ཀྱི་ང་རྒྱལ་དང་ཕོ་ལོ་ཉི་ཤུའི་སྣང་པ་དེ་ཡོད།ཡིན་ན་ཡང་།ཆུ་ཚོད་ཀྱི་བཞུར་སྒྲས་བསམ་གཞིག་ག་ལེར་སྒུལ་ཞིང་ལག་པ་བྲང་ཁར་བཞག་ན།ངས་ནི་ང་རང་ཉིད་ལ་མགོ་སྐོར་གཏོང་བཞིན་པ་དང་ཀུན་ནས་འདྲ་ལ་ཁྱོད་ཉིད་ལ་སྐྱག་རྫུན་བཤད་བཞིན་པ་དང་ཡེ་ནས་མཚུངས་པས།ཡང་བསྐྱར་རང་ཉིད་ཀྱི་སེམས་པ་འདི་ཐང་མར་བརྡལ་བ་ཡིན།པ་ཀོ
ཤུགས་རིང་གྲངས་མེད་ཅིག་གིས་རང་ཉིད་ཀྱི་སྨྲ་ལྕེ་གཏུབས་ཀྱང་མ་གཏུབ་ཀྱང་ཕྱག་རྒྱ་སྣ་ཚོགས་ཞིག་གིས་རང་སེམས་འདི་མནན་ཡང་མ་མནན་ཡང་།ང་རང་དུང་བའི་སྐྲ་ལོ་ཁྱོད་སར་གཡོ་བ་བདེན་པ་བདེན་རྐྱང་དུ་ཟད་འདུག་ལ་ཁྱོད་རང་སྐྱོ་བའི་མཆི་མས་མི་སེམས་བརླན་པ་དྲང་བོ་དྲང་བཞག་ཏུ་གྲུབ་འདུག པ་ཀོ
དེ་ལས་མང་བ་། “སེམས་པ་ཐང་མར་བརྡལ་བ།༼ སེམས་འཕྲིན་ཁག་གཉིས་པ། ༽” »
སྐྱེས་བུ་རླབས་པོ་ཆེ།
རྫ་ཚེ་རིང་བཀྲ་ཤིས།
༡༽ཆུ་བོ་སྐད་ཅིག་ཀྱང་མི་སྡོད་པར་མདུན་དུ་རྒྱུག་ཅིང་། ང་ཚོ་ཡང་དེའི་ངོགས་ན་འཚོ་བ་ཡིན། བྱེ་ཟེགས་དང་འདམ་གྱིས་རྙོག་ཀྱང་རུང་། མེ་ཏོག་གི་ཁ་ཆུས་བརླན་ཡང་རུང་། མཐར་ནི་སླར་ཡང་རྒྱ་མཚོར་འབབ་པར་འགྱུར།
༢༽མཐའ་ཡས་པའི་ཚེ་སྲོག་དག་གི་སླད་དུ་མཐའ་ཡས་པའི་གོ་ཆ་བགོས་པའི་དཔའ་བོ་འགའ་ཞིག་གམ་ཏུ་མཆིས་ཏེ། ཡང་ཡང་མདོངས་གསོལ་དུ་ཕུལ་བའི་སྨྲེ་ངག་དེ་དག་ཐུགས་ལ་བཞག་སྟེ། བདག་གི་སླད་དུ་གཡོ་བར་གྱུར། དེ་དུས་འཇིག་རྟེན་འདིའི་ཚེ་སྲོག་མཐའ་ཡས་པས་རང་གི་བདེ་བ་དག་ཐོབ་པ་ནི།
གངས་ཅན་གྱི་གདོན།
རྨིག་སྒྲ།
སྲིད་ཞི་ཕན་བདེ་འདོད་རྒུ་ཞེས་པའི་བདེན་དོན་རྟོགས་པའི་རྣམ་དཔྱོད་བྲལ།
ཐུབ་བསྟན་བསམ་འཕེལ་ནོར་བུ་ཞེས་པའི་བདེན་ཚིག་དོན་ལ་གདེང་སྤོབས་བྲལ།།
བསྟན་འགྲོ་ནོར་འཛིན་རྒྱ་ཆེ་ཞེས་པའི་གསུང་རབ་ཟབ་མོར་ངེས་ཤེས་བྲལ།།
འཕྲིན་ལས་རོལ་ཚོ་རྡོ་ཁམས་ཞེས་པའི་དཔྱད་གསུམ་དག་པའི་དོན་ལ་རྨོངས།།
ཀུན་ཕན་ཐེབས་རྩ་ཚོགས་པའི་ལ་རྩེ་དཔེ་མཛོད་ཁང་གིས་གསལ་བསྒྲགས
ཀུན་ཕན་ཐེབས་རྩ་ཚོགས་པའི་ལ་རྩེ་དཔེ་མཛོད་ཁང་གིས་གསལ་བསྒྲགས་སྤེལ་བ་ལྟར་ན། ཟླ་༥ བའི་ཚེས་ ༧ ཉིན་གྱི་ཕྱི་དྲོ་ཀུན་ཕན་ཐེབས་རྩ་ཚོགས་པའི་ལ་རྩེ་དཔེ་མཛོད་ཁང་དུ་སྙན་ངག་པ་ལྗང་བུའི་སྙན་ངག་གི་དཔེ་དེབ་གཟི་མིག་དགུ་བ་ཞེས་པ་དེའི་དབྱིན་འགྱུར་མ་འགྲེམས་སྤེལ་སྒོ་འབྱེད་དང་། ཁོང་གིས་བཟོ་སྒྲིག་བྱེད་བཞིན་པའི་གློག་བརྙན་དབྱར་རྩྭ་ཟེར་བ་དེའི་དུམ་བུ་ཁ་ཤས་སྔོན་གཟིགས་སུ་འབུལ་རྒྱུ་རེད། གཟི་མིག་དགུ་བ་ཞེས་པ་སྙན་དེབ་དེ་དབྱིན་སྒྱུར་གནང་མཁན་ནི་ཧྥ་རན་སི་ཤར་ཕྱོགས་པའི་སྐད་ཡིག་དང་རིག་གཞུང་སློབ་གླིང་ཟེར་( National Institute of Oriental Languages and Cultures, Paris) བ་དེའི་དགེ་རྒན་ཆེན་མོ་བོད་མིང་ལ་བདེ་སྦྱིན་བཟང་མོ་(Dr. Heather Stoddard)ཟེར་བ་དེ་ཡིན་ཞིང་། ད་རེས་ལ་རྩེ་ལ་སྙན་དེབ་དེའི་རྩོམ་པ་པོ་དང་སྒྱུར་བ་པོ་གཉིས་ཀ་ཕེབས་ནས་ལྗང་བུའི་སྙན་ངག་གི་ལྟ་བ་དང་། རྩོམ་གཤིས། རྩོམ་སྟངས་བཅས་ལ་གླེང་མོལ་གནང་རྒྱུ་རེད།
དེ་ལས་མང་བ་། “ཀུན་ཕན་ཐེབས་རྩ་ཚོགས་པའི་ལ་རྩེ་དཔེ་མཛོད་ཁང་གིས་གསལ་བསྒྲགས” »
ཨོ་ས་མ་ བྷིན་ལཱ་ཌིན་བསད་སྟངས།
འདས་པའི་ལོ་ཤས་གོང་། ཨོ་ས་མ་ བྷིན་ལཱ་ཌིན་གྱི་ཕོ་ཉ་རེད་ཟེར་བའི་མིང་ཞིག་ ཨ་རིའི་གསང་བའི་ལས་ཁུངས་ལ་ཐོབ་ཡོད་པ་དང་། རིམ་གྱིས་མི་དེའི་མིང་ངོ་མ་རྙེད་པ་མ་ཟད། རྗེས་འདེད་བྱེད་སྐབས་ མཐའ་མ་དེར་ པ་ཀི་སི་ཐན་གྱི་ ཨི་སི་ལ་མ་བྷ་ཊ་ཞེས་པའི་གྲོང་ཁྱེར་གྱི་ཐག་ཉེ་སའི་ དམག་གྲོང་ཞིག་ཏུ་ ཨ་སྒོར་ས་ཡའི་རིན་ཐང་ཡོད་པའི་ཁང་པ་རྫིག་པོ་ཞིག་ཏུ་གནས་བཅས་ཡོད་པ་ཤེས་རྟོགས་ཐུབ་ཡོད་པ་རེད།
༸གོང་ས་མཆོག་གིས་“སྲིད་དབང་གསོལ་བསྩལ་”གྱི་དགོངས་དོན་གླེང་བ། དང་པོ།
འཇིགས་མེད་ཚེ་རིང་།
བོད་གཞུང་བཙན་བྱོལ་དུ་མ་འོང་པའི་སྔ་རོལ་དུ་བོད་ཀྱི་ཆོས་སྲིད་གཉིས་ཀྱི་བླ་ན་མེད་པའི་དབུ་ཁྲིད་༸སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བོད་གཞུང་དགའ་ལྡན་ཕོ་བྲང་གི་སྲིད་ལུགས་ལེགས་བཅོས་ཀྱི་དགོངས་བཞེད་གནང་ཡོད་པ་དང་། སྲིད་ལུགས་ལེགས་བཅོས་ཀྱི་ངོ་བོ་ནི་རྒྱ་དམར་གཞུང་གིས་བཤད་བཞིན་པའི་“དམངས་གཙོ་སྦུག་སྦུག་”དེ་ལྟ་བུ་མ་ཡིན་པར་འཛམ་པོའི་གླིང་སྤྱི་ཡོངས་ཀྱིས་མང་གཙོར་ངོས་འཛིན་བྱེད་ཐུབ་པའི་གཞི་རྩ་ཡོད་པ་དེ་འདྲ་རེད།
དེ་ལས་མང་བ་། “༸གོང་ས་མཆོག་གིས་“སྲིད་དབང་གསོལ་བསྩལ་”གྱི་དགོངས་དོན་གླེང་བ། དང་པོ།” »
ནང་བསྟན་མྱུར་སྐྱོབས་འབོད་སྒྲ།
འདི་ག་གངས་ལྗོངས་རང་བདེན་རྩོད་ལེན་མཐུན་ཚོགས་ཀྱིས་གོ་སྒྲིག་འོག མདོ་སྨད་དབུས་རྒྱུན་དང་ཀིརྟི་བྱེས་བ་གྲྭ་ཚང་སོགས་ཀྱི་གོ་སྒྲིག་བྱས་བའི་བཞུགས་སྒར་ནས་ལྡི་ལི་བར་གྱི་སེར་སྦྲེངས་སྙན་སྐུལ་སྨོན་ལམ་གོམ་བགྲོད་ཀྱི་ལས་འགུལ་རྒྱ་ས་ལྡི་ལི་ནས་མཇུག་སྡོམས་ཀྱི་སྐབས་དང་བསྟུན་རྒྱ་གར་རྒྱལ་ཡོངས་ཀྱི་བོད་བརྒྱུད་ནང་བསྟན་ཀྱི་དགོན་པ་ཡོངས་རྫོགས་ཀྱིས་དུས་གཅིག་ཏུ་ནང་བསྟན་མྱུར་སྐྱོབས་འབོད་སྒྲའི་ཞི་བའི་ལས་འགུལ་ཞེས་པ་ཞིག་སླེལ་ཡོད་པ་དང། བྷེལ་ཀོབ་ཀྱི་ལས་འགུལ་གྱི་ཚོགས་མགོན་དུ་སྐྱབས་རྗེ་བྱང་རྩེ་ཆོས་རྗེ་བློ་བཟང་བསྟན་འཛིན་མཆོག་གི་གཙོས་སེ་ར་བྱེས་སྨད་གཉིས་ཀྱི་མཁན་པོ་དང་། རྣམ་གྲོལ་གླིང་གི་སྐུ་ཚབ། བཀྲ་ཤིས་ལྷུན་པོ་མཁན་ཚབ་མཆོག་དང་། བཀའ་བརྒྱུད་དང་ས་སྐྱའི་སྐུ་ཚབ་ཀྱང་སྐུ་མགྲོན་དུ་ཕེབས་ཡོད་པ་དང་།
ང་འབྲུག་ལ་སོང་བ།
སྐྱོ་བྲག་དགའ་དབང་།
ལྷོ་མོན་སྨན་ལྗོངས་ཆོས་ལྡན་ཞིང་ཁམས་སུ། །
མཐུན་རྐྱེན་འཛོམས་པའི་སྤྲོ་འཆམ་སོང་བ་ན། །
གནས་དང་ཡུལ་གྱི་བཀོད་པ་ཇི་འདྲ་ཞིག །
རང་བློར་ཤར་བའི་གཟུགས་བརྙན་འདི་ན་གསལ། །
སྤྱིར་ང་རང་ས་གནས་གཅིག་ལ་གཏན་སྡོད་མི་ཐུབ་པར་གང་སར་འཁྱམས་པའི་འཁྱམས་པོ་ཞིག་ཡིན་ཐོག །འབྲུག་ནི་ས་ཆའི་ཡུལ་བཀོད་མཛེས་ཤིང་མཁའ་དབུགས་དང་དྲོ་གྲང་སྙོམས་པ། ཡུལ་མི་རྣམས་ཡ་རབས་ཤིང་ནང་ཆོས་ལ་དད་འདུན་ཆེ་བ། མཁས་གྲུབ་གོང་མ་རྣམས་ཀྱི་མཛད་རྗེས་མང་བ། རྒྱལ་པོས་དབང་སྒྱུར་བྱས་པའི་ཡུལ་ཁམས་ཡིན་པ། མཉམ་འབྲེལ་རྒྱལ་ཚོགས་སུ་ཡོད་པའི་བཀའ་བརྒྱུད་པའི་རྒྱལ་ཁབ་གཅིག་པུ་དེ་ཡིན་པ།
ཨོ་ས་མ་ བྷིན་ལ་ཌིན་ བསད་པ་རེད་ཟེར།
ད་སོ་མ་ གསར་ལམ་ཁག་ན་གནས་ཚུལ་སྤེལ་བཞིན་པ་ལ་བརྟགས་ན། ཨོ་ས་མ་ བྷིན་ལ་ཌིན་ བསད་པ་ཟེར་བཞིན་འདུག དེ་ཡང་པ་ཀི་སི་ཐན་གྱི་རྒྱལ་ས་ ཨ་སི་ལ་མ་བྷ་ད་ ཞེས་པའི་ཕྱི་རོལ་གྱི་ཁང་པ་ཞིག་ཏུ་བསད་ཡོད་འདུག
ང་ཡི་ལོ་ཟླ་དང་ཨ་མདོ་རྔ་བ།
སྐལ་བཟང་ཉི་མ། ཤེས་རབ་དགའ་ཚལ་གླིང་།
གཅིག
ཆུང་ཆུང་བྱིས་པའི་དུས་སུ། ཁྱིམ་གྱི་ཀོ་ཐུམ་ཅན་གྱི་རླུང་འཕྲིན་ཚི་སྟུག་མ་དེ་ལས། རྔ་བ་ན་ཚོང་བ་མང་གི་ཞེས་འོར་དང་ཡང་གིས་གྲགས་ཡོང་བ་དེ་ནི། ངའི་རྣ་ལམ་དུ་རྔ་བ་ཟེར་བ་ཞིག་འཁྱེར་ནས་ཡོང་མཁན་གྱི་དབྱར་ཐོག་མའི་འབྲུག་སྒྲ་ཡིན་ཞིང་། ངའི་སེམས་སུ་རྔ་བ་ཟེར་བ་ཞིག་འཇགས་སུ་འཇུག་མཁན་གྱི་སྒྲ་དབྱངས་ཆེས་ཐོག་མའང་དེ་ཡིན་མོད། དེ་ནི་ཨ་ཁུ་སྨན་བླའི་ཁ་ཤགས་ཀྱི་དགོད་བྲོ་བའི་ཚིག་གི་རོལ་རྩེད་དང་ངག་གི་འགྱུར་ཁུག་ལས་ཐོས་པ་ཡིན་པས། སྐབས་དེར་ངའི་རྣ་ལམ་དུ་རྔ་བ་ཟེར་བ་ནི་དགོད་སྤྱད་ཅིག་ལས་ཅི་ཡང་མིན་ལ། ངའི་སེམས་ནའང་རྔ་བ་ཟེར་བ་དེར་གོ་བ་ཅི་ཡང་མེད།
རྩོམ་པ་པོ་སྒོ་ཤེས་རབ་རྒྱ་མཚོ་བཙོན་འཇུག་བྱས་འདུག
རྔ་བ་ཚེ་སྐྱིད་ཀྱིས་མཚམས་སྤྱོར་བྱས།
སྒོ་ཤེས་རབ་རྒྱ་མཚོ་ལགས་ནི། བོད་ཨ་མདོ་རྔ་བའི་ཡུལ་ནས་འཁྲུངསཤིང་། ཁོང་རྔ་བ་ཀིརྟིའི་དགོན་ཆེན་ནས་ནང་བའི་གཞུང་ཆེན་ཁག་ལ་སློབ་སྦྱོང་གཏིང་ཟབ་དང་མཐུལ་ཕྱིན་པ་མཛད་འདུག་ལ། ད་དུང་ཁོང་གིས་བོད་མི་རིགས་དང་རིག་གཞུང་གི་ཆེད་དུ། ཕྱག་ལས་ཀྱང་གང་མང་ཞིག་མིག་མཐོང་ལག་འཛིན་གྱི་གནང་འདུག དེ་རྗེས། རྒྱ་གར་དང་བལ་ཡུལ། རྒྱ་ནག་སོགས་ཀྱིས་མཚོན་པའི་ཨེ་ཤ་ཡའི་རྒྱལ་ཁབ་མང་པོར་འགྲུལ་བཞུད་དང་འབྲེལ་ནས་ཉམས་ཞིབ་དོན་འབྲས་སྨིན་པ་མཛད། ལྷག་པར་དུ། ༡༩༩༨ ལོར་རྔ་བ་ཀིརྟི་དགོན་ཆེན་གྱིས་གཙོས་རྔ་བའི་དགོན་ཁག་བཞི་བཅུ་ལྷག་ཅིག་ལ།
དེ་ལས་མང་བ་། “རྩོམ་པ་པོ་སྒོ་ཤེས་རབ་རྒྱ་མཚོ་བཙོན་འཇུག་བྱས་འདུག” »
རང་ཉིད་མེ་ལ་སྒྲོན་མཁན་ཁྱོད།
(ཕ་ཡུལ་དུ་ཁ་པར་ཐེངས་ཤིག་བཏང་རྗེས་བྲིས།)
སྦྲ་ཪིགས་ཐོགས་མེད།
སུ་ལའང་ཡོད་ཆོག་པའི་མཛེས་སྡུག་གི་རྨི་ལམ་དེའི་ཕྱིར་དུ།
ཡང་ན། སུ་ལའང་ཡོད་དགོས་པའི་རང་དབང་གི་འབོད་སྒྲ་དེའི་ཆེད་དུ།
སྨག་ནག་པའི་ཕ་ཡུལ་གྱི་རི་སུལ་དེ་ནས།
ཁྱོད་ཀྱིས་རང་ཉིད་མར་མེ་རྐོང་བུ་ཞིག་གི་ཚུལ་དུ་བསྒྲོན།
ཁྱོད་ཀྱིེས་རང་ཉིད་ཚག་སྒྲ་རྐང་ཞིག་གི་ཟོལ་དུ་སྤར།
དགྲ་བཅོམ་པ་གང་པོས་བྲིས་པའི་སངས་རྒྱས་ཀྱི་འདྲ་རིས་དང་མཇལ་བ།
རྫ་ཚེ་རིང་བཀྲ་ཤིས།
༡༽གོང་གི་དཔར་འདི་ནི་ད་ལྟ་དབྱིན་ཇིའི་སྐད་གྲགས་ཆེ་ཤོས་ཀྱི་དངོས་མང་བཤམས་སྟོན་ཁང་ཞིག་ཏུ་བཞུགས་ཤིང་། སངས་རྒྱས་དགུང་ལོ་བཞི་བཅུ་ཞེ་གཅིག་གི་སྐབས་ཁོང་གི་སློབ་མ་དགྲ་བཅོམ་པ་གང་པོས་བྲིས་པར་གྲགས་པ་ཞིག་རེད། ༢༽འོག་བསྟོད་པ་འདི་ནི་ངས་འཇིག་རྟེན་བཞུགས་པའི་སྐད་གྲགས་ཅན་གྱི་སངས་རྒྱས་ཀྱི་འདྲ་བྲིས་གྱི་སྐུ་པར་འདི་འཇལ་བའི་སེམས་ཚོར་དངོས་ཡིན། དེ་ཡང་གུས་པ་བོད་གྱི་རྫ་ཨ་རིག་བཤད་གྲྭ་ན་ཡོད་དུས་འདྲ་པར་འདི་འདྲ་ཞིག་ལག་ཏུ་བསླེབས་ཤིང་དེ་དུས་བསྟོད་པ་འདི་ཡང་བྲིས་པ་དང་། འདྲ་པར་འདི་ངའི་གྲྭ་ཁང་གི་གདུང་མའི་སྒང་ལ་དཔར་སྒྲོམ་ཆུང་ཆུང་ཞིག་བཟོས་ནས་བཀལ་ཡོད་པས་ཆོས་གྲོགས་ཚོས་ཚེ་བཀྲའི་སྟོན་པ་རལ་པ་ཅན་ཟེར་ནས་སྐུ་རྩེད་གནང་གིན་ཡོད། དེ་ནས་ངའི་ཐོག་ཏུ་རླུང་འཚུབ་གཡུག་པའི་དུས་རིམ་གཞན་པ་ཞིག་གི་ནང་སྐུ་པར་དེ་དང་ཡང་ང་ཁ་བྲལ་བ་རེད།
དེ་ལས་མང་བ་། “དགྲ་བཅོམ་པ་གང་པོས་བྲིས་པའི་སངས་རྒྱས་ཀྱི་འདྲ་རིས་དང་མཇལ་བ།” »
རྒྱལ་གཅེས་དཔའ་བོ་ཕུན་ཚོགས་ལགས།
རྔ་བ་ཚེ་སྐྱིད།
བཀའ་དྲིན་ཆེ། རྒྱལ་གཅེས་དཔའ་བོ་ཕུན་ཚོགས་ལགས།
ཁྱེད་ཀྱིས། མི་རིགས་ཤིག་གི་དཀའ་སྡུག་སེལ་རྒྱུའི་ཆེད་དུ།
ཁྱེད་ཀྱིས། རིག་གཞུང་གི་བླ་སྲོག་སྐྱོབ་རྒྱུའི་ཆེད་དུ།
ཁྱེད་ཀྱིས། ཁོར་ཡུག་ཅིག་གི་མདངས་ཉམས་གསོ་རྒྱུའི་ཆེད་དུ།
ཁྱེད་ཀྱིས། ལྷན་སྐྱེས་སུ་ཡོད་པའི་ཐོབ་ཐང་ཞིག་གི་ཆེད་དུ།
ཁྱེད་ཀྱིས། སྤྱི་ཁྱབ་འདྲ་མཉམ་ཞིག་ཡོང་བའི་ཆེད་དུ།
འདི་ལྟར། རྩ་ཆེ་ཞིང་། གཅེས་པའི་སྲོག་དེ། དམར་བོ་མེ་དཔུང་ལ་བསྒྱུར་བ་རེད།