ཨ་རིག་དགེ་མཐོང་།
ཉེ་ཆར་ཁོ་བོ་རྒྱ་གར་གྱི་རྒྱལ་ས་ལྡི་ལི་དང་ཧི་མ་ཅལ་མངའ་སྡེའི་བྱང་ཕྱོགས་ངྷ་རམ་ས་སོགས་ལ་ལས་དོན་ཞིག་གི་ཆེད་དུ་སོང་ཡིན། སྐབས་དེར་རྩོམ་གྲོགས་དང་དྲ་གྲོགས། བློས་ཐུབ་གྲོགས་པོ་དང་ཤ་ཉེ། ས་ཕྱོགས་གཅིག་པའི་ཡུལ་མི་གང་མང་ཞིག་ལ་ཐུག་འཕྲད་བྱུང་བ་དང་། ཕན་ཚུན་ལ་བདེ་སྡུག་བརྗོད་ནས་སྐྱིད་པོ་ལྟ་བུ་བྱུང་། ཕྲན་གྱི་ས་མཐའི་སྤུན་གྲོགས་ཤིག་གི་ནང་དུ་རྨ་ཆུའི་བསམ་གཏན་གྱི་དཔྱད་རྩོམ་དེབ་༼ བོད་ལ་ལྟ་བ༽་ཞེས་པ་དེ་འདུག ངས་ཁོ་ལ་འདི་ང་ལ་སྤྲད་ན་ཆོག་གམ་ཞེས་ལབ་ཡིན། ཁོས་འགྲིག་གི་རེད་ཟེར། ང་ལ་མཚོན་ན་དེབ་དེ་ཀློག་འདོད་ཀྱི་འདུན་པ་དྲག་ཏུ་འཕྱུར་ན་ཡང་། གནས་སྐབས་རྒྱབ་ཁུག་ནང་དུ་བཅུགས་ནས་བལྟས་མེད།
