འགར་ཚེ་རྒྱལ།
བསམ་ཕྱོགས་དེའི་ཤེད་ཀྱིས་ང་རང་གནས་ཤིག་ལ་བཙན་གྱིས་བརྫངས།
རི་བོའི་ཕར་རྒྱབ་ཀྱི་ཟླ་འོད་དེ་སྔར་བཞིན་དབྱར་ཟླ་དང་མཚུངས་ནའང༌།
མཚོ་མོ་དེ་ངའི་རྐང་འོག་ན་འཁྱག་ལ་འབྱར།
ལམ་ལ་ཆས་པའི་སྤྲིན་པ་དེ་ཚོས།
མཁའ་མཐའ་ནས་ང་ལ་ལག་བརྡ་གཏོང་བ་བཞིན་བཞུད་འགྲོ་དུས།
ང་ལ་ཞེ་སྨྲེང་ཞིག་དང་ལྷན་དུ་མཚོ་མོ་འདིའི་དར་ཁ་ཧ་ཅང་གྲང་།
བོད། ལྷ་ཀླུ་གཉན་གསུམ།
ཞེ་ལྔ།
ཉིན་བཀང་བོར་ནང་གི་ཕྱི་ལོག་དུ་མ་སོང་བར་ནང་ནས་ཟས་ཐོའི་གསར་བའི་སྐོར་ཞིག་གློག་ཀླད་ཀྱི་སྟེང་ནས་ཁོ་མོ་དང་མཉམ་དུ་ལས་ཀ་བྱེད་ཁུལ་བྱས། ཞོར་དུ་རྒྱ་གར་དུ་ཡོད་པའི་གྲོགས་པོ་ཁ་ཤས་ཤིག་ལ་གློག་འཕྲིན་བཏང་ནས་རང་ཉིད་བདེ་མོ་ཡིན་སྐོར་བྲིས། མི་ཞིག་ཉིན་བཀང་བོར་བསམ་རྒྱུ་དྲན་རྒྱུ་མང་བོ་མེད་པར། ཁུ་སིམ་མེར་འདུག་མཁན་གྱི་མི་ནི་དེ་རིང་གི་ང་རང་ཡིན།
(རྒྱལ་དབང་ལྔ་བ་༼༡༦༡༧-༡༦༨༢༽མཆོག་གིས་གངས་ཅན་ལྗོངས་ཀྱི་བོན་གྱི་ལྷ་སྡེ་ལ་གཟིགས་ཕྱོགས་གནང་བའི་མཚམས་སྦྱོར།)
མཁར་རྨེའུ་བསམ་གཏན།
——————–
ལྡོང་གསེར་མིག་གིས་ཧི་བོན་དྲ་བ་ལས་དྲངས།
དེ་ཡང་རྒྱལ་དབང་ལྔ་བའི་རང་རྣམ་༼འདི་སྣང་འཁྲུལ་བའི་རོལ་རྩེད་རྟོགས་བརྗོད་ཀྱི་ཚུལ་དུ་བཀོད་པ་དུ་ཀུ་ལའི་གོས་བཟང་༽ཞེས་པར་གཡུང་དྲུང་བོན་གྱི་ལྷ་སྡེ་དང་ དེའི་མི་སྣ་ཆེ་ཁག་འགའ་ཤས་དང་ཐུགས་ཉེ་བའི་སྐོར་གྱི་ལོ་རྒྱུས་མི་ཉུང་བ་ཞིག་བཀོད་ཡོད་པ་འདིར་བརྗོད་འདོད་བྱུང་། དེ་སྔ་བོན་གྱི་ལོ་རྒྱུས་ཡིག་ཆ་རྣམས་སུ་འདིའི་སྐོར་གང་ཡང་བྲིས་མེད་པས་ན་རྒྱུ་མཚན་དེ་བས་ཀྱང་གལ་ཆེ་བར་མཐོང་། རང་རྣམ་དུ་ཞང་སྟོན་སྒར་པ་སྐུ་མདུན་ལྷུན་གྲུབ་ཞེས་པ་བོན་གྱི་བླ་མ་དེ་ཉིད་རྒྱལ་དབང་ལྔ་བའི་སྐུ་མདུན་དུ་བཅར་བའི་བླ་མ་ཆེ་ཁག་གི་གྲས་ནས་ཤིན་དུ་གཙིགས་ཆེ་བར་གནང་བ་མ་ཟད་རྒྱལ་དབང་མཆོག་གི་བསྟན་སྲིད་དང་བོད་ཀྱི་བདེ་དོན་ལ་དམིགས་ནས་སྐུ་རིམ་ལན་མང་དུ་བསྒྲུབས། ཁོང་སྟོད་ལུང་དུ་ཡོད་པའི་ཞང་སྟོན་ཞེས་པའི་ཡུལ་ནས་ཕེབས་པས་ཞང་སྟོན་སྐུ་མདུན་ལྷུན་གྲུབ་ཞེས་ཞུས། དེ་བཞིན་འདིར་ཡང་ཞང་སྟོན་ཞེས་ཞུ་གི་ཡིན།
དེ་ལས་མང་བ་། “༸རྒྱལ་དབང་ལྔ་པ་དང། གཡུང་དྲུང་བོན་གྱི་ལྷ་སྡེ་མི་སྡེ།” »
སེར་ཤུལ་རིན་ཆེན་དོན་གྲུབ།
ཨ་རིའི་རྒྱལ་ས་ཝ་ཊོན་དུ་དཔལ་དུས་ཀྱི་འཁོར་ལོའི་དབང་ཆེན་སྐབས་བོད་ཀྱི་གཞོན་ནུ་ལྷན་ཚོགས་ཀྱིས་བཙན་བྱོལ་བོད་གཞུང་ཞེས་པའི་ཡི་གེ་འཁོད་པའི་སྟོད་གོས་འགྲེམས་ཚོང་བྱས་པ་དེ་དུས་དབང་གོ་སྒྲིག་ཚོགས་ཆུང་གི་ཚོགས་གཙོས་བཀག་འགོགས་བྱས་པའི་ཐད་གླེང་གཞི་སྣ་ཚོགས་ཤིག་བྱུང་འདུག་ལ་དེ་ཡང་ཚོགས་ཁང་བར་ཁྱམས་སུ་བཙོང་མི་ཆོག་པར་བྱས་ཡོད་འདུག གནས་ཚུལ་དེ་བྱུང་མ་ཐག་དབུས་གཞོན་ལྷན་གྱི་ཚོགས་གཞོན་དོན་གྲུབ་ལྷ་དར་གྱིས་གསར་འགོད་གསལ་བསྒྲགས་ཤིག་སྤེལ་ཏེ“ཁོ་པས་ཚོགས་མི་སུམ་ཁྲི་ལྔ་སྟོང་ལྷག་གི་ཚོགས་གཙོ་དང༌། བོད་རང་བཙན་གྱི་ངོ་བོ་ལྡན་པའི་བཙན་བྱོལ་བོད་གཞུང་གི་མཚན་བྱང་འཁོད་པའི་སྟོད་གོས་ཁྲོམ་ར་ནས་ཕྱིར་འབུད་བྱེད་པའི་ཐ་ཤལ་གྱི་བྱེད་སྟངས་དེ་ནི།
བོད། ལྷ་ཀླུ་གཉན་གསུམ།
ཞེ་བཞི།
འཆི་བ་ལ་སྒུག་པའི་རྒན་མོ་ལོ་ལོན་གཉིས་དང་ཐུག་འཕྲད་བྱེད་དུ་བཅར། གཉིས་ཀ་མཛའ་མོའི་ཉེ་འབྲེལ་ཡིན། ངས་འདི་ནས་འཆི་བ་ལ་སྒུག་པའི་མི་ཟེར་དོན་ནི། འཇིག་རྟེན་ཡོངས་གྲགས་ནས་བཤད་ན། ལོ་ལོན་ནས་ལོ་བརྒྱད་བཅུ་ཟིན་དུས་སུ། ལ་ཁའི་ཉི་མ་ཞེས་འབོད་སྲོལ་ཡོད་པ་དེ་ཡི་སྟབས་ཀྱི་བཏགས་པ་ལས། ང་ཚོ་ལ་འཆི་བ་མེད་ཟེར་བའི་དོན་མིན། ང་ཚོ་ཡང་སྐྱེ་ནས་བཟུང་འཆི་བ་འགོ་བཙུགས་པ་ནི་སུས་ཀྱང་ཤེས་པ་ཞིག་ཡིན་མོད། ལོ་ནམ་ཚོད་ཀྱི་བཤད་ན་གཞོན་དུས་སུ་འཆི་བ་ནི་ཉུང་དུ་གྲགས་པས་ཡིན། འོན་ཀྱང་། འཆི་བ་ལ་གཏན་འཁེལ་ཞིག་ག་ལ་ཡོད། ཆུང་དང་ཆེ། གཞོན་དང་རྒན། དར་དང་རྒས་ཀྱི་ས་མཚམས་ཤིག་གང་ན་ཡོད།
དུས་བབ་ནས་བླངས།
ཝ་ཞིན་ཊོན་གྱི་དུས་འཁོར་དབང་ཆེན་སྟེང་གཞོན་ནུ་ལྷན་ཚོགས་ཀྱིས་སྟེང་ལ་བོད་གཞུང་ཞེས་བཀོད་ཡོད་པའི་སྟོད་གོས་ཤིག་འཚོང་བཞིན་ཡོད་སྐབས། དུས་དབང་གོ་སྒྲིག་ཚོགས་ཆུང་གི་ཚོགས་གཙོ་སྐལ་ལྡན་བློ་གྲོས་ཀྱིས་བཀག་སྡོམ་བྱས་ཡོད་འདུག
དེ་རིང་ཉིན་རྒྱབ་ཆུ་ཚོད་ ༢ སྟེང་དབུས་བོད་ཀྱི་གཞོན་ནུ་ལྷན་ཚོགས་ཀྱིས་གསར་འགོད་གསལ་བསྒྲགས་ཤིག་བསྐྱངས་དོན་ལྟར་ན། ཉིན་འདི་འགར་ཨ་རིའི་རྒྱལ་ས་ཝ་ཞིན་ཊོན་དུ་༧གོང་ས་མཆོག་གིས་དུས་འཁོར་དབང་ཆེན་གསུང་གི་ཡོད་པ་དང་བསྟུན་ཏེ། ཁ་སང་ཕྱི་ཚེས་ ༡༣ ཉིན་དབུས་བོད་ཀྱི་གཞོན་ནུའི་ཚོགས་གཙོ་ཚེ་དབང་རིག་འཛིན་ལགས་ཀྱིས་རྩ་དོན་ལས་འགུལ་ལ་དཔལ་འབྱོར་འདུ་འགོད་ཆེད། སྟེང་དུ་༼ བཙན་བྱོལ་བོད་བོད་གཞུང་ ༽ ཞེས་བཀོད་ཡོད་པའི་སྟོད་གོས་ཚོང་འགྲེམས་བྱེད་བཞིན་ཡོད་པར། དུས་དབང་གོ་སྒྲིག་ཚོགས་ཆུང་གི་ཚོགས་གཙོ་སྐལ་ལྡན་བློ་གྲོས་ལགས་ཀྱིས། དེ་ལ་ཆབ་སྲིད་ཀྱི་ཤུགས་རྐྱེན་ཆེན་པོ་ཡོད་སྐོར་བརྗོད་དེ་ཚོང་རྭ་ནས་ཕྱིར་བསྡུ་བྱ་དགོས་བྱུང་ཡོད་འདུག
དེ་ལས་མང་བ་། ““བོད་གཞུང” བཀོད་ཡོད་པའི་སྟོད་གོས་བཙོང་མི་ཆོག་ཟེར།” »
སོག་ནག་ཚང་།
དུས་རབས་བདུན་པའི་ནང་སློབ་དཔོན་ཐོན་མས་བོད་ཡིག་གསར་བཏོད་མཛད་པ་ནས་བོད་མི་རིགས་ཀྱི་ཆབ་དཔལ་རིག་གསུམ་སོགས་ལ་ཤུགས་རྐྱེན་ཟབ་མོ་ཐེབས་ཏེ་ངག་རྒྱུན་ནས་ཡིག་ཐོག་གི་ལོ་རྒྱུས་དང་རྩོམ་རིགས་འབུས་འགོ་ཚུགས་ཤིང་སྐད་ཡིག་གཅིག་འགྱུར་དང་བོད་མི་རིགས་ཀྱི་བླ་སྲོག་ལ་གསོན་ཤུགས་གསར་བ་རྒྱས།
ཨན་སང་སུ་ཀྱི (Aun Sung Su Kyi )
ཕབ་བསྒྱུར་བ། ལྡན་མ་བྱམས་པ་ཆོས་དབང་།
འགྲོ་བ་མི་རྣམས་སྐྱོན་ཅན་དུ་བསྒྱུར་བར་བྱེད་མཁན་ནི། དབང་ཤུགས་ཀྱིས་བྱེད་པ་མ་ཡིན་པར་འཇིགས་སྣང་དབང་གིས་ཡིན། དབང་ཆ་ལོངས་སུ་སྤྱོད་མཁན་རྣམས་ནི་རང་གི་དབང་ཤུགས་བརླག་པར་དོགས་པའི་འཇིགས་པས་རང་རྒྱུད་མ་རུངས་པར་བྱེད་པ་དང་། དབང་འོག་ཏུ་ཚུད་པ་རྣམས་ནི་གོང་མའི་བཀའ་ཆད་ཅི་ཕོག་གི་འཇིགས་སྣང་གིས་རང་རྒྱུད་བསླད་པར་བྱེད། འབར་མ་མི་རིགས་མང་ཆེ་བ་ནི་མ་རུངས་པ་རིགས་བཞི་༼ཉོན་མོངས་བཞི།༽ Four a-gati སྐོར་ལ་གོམས་འདྲིས་ཆེན་པོ་ཡོད། འདོད་ཆགས་ཀྱིས་མ་རུངས་པ་བཟོ་བའི་ཆ་ Chanda-gati དེས་རང་ཉིད་ཡང་དག་པའི་ལམ་ལས་ལྡོག་ཅིང་ལྐོག་རྔན་གྱི་དངུལ་ལ་བརྟེན་ནས་རང་ལ་ཉེ་བའི་འབྲེལ་ཐོགས་ཀྱི་འདོད་དོན་ལ་གཙོ་བོར་འཇུག་པར་བྱེད། Dosa-gati ཞེས་པ་དེས་ལོག་པའི་ལམ་ལ་བརྟེན་ནས་རང་ཉིད་ཞེ་འཁོན་ཡུལ་ཕ་རོལ་པོ་ལ་ཁ་གཏད་གཅོག་ཏུ་འཇུག Moga-gati ཞེས་པ་ནི་གཏི་མུག་མ་རིག་པ་ལ་བརྟེན་ནས་ལམ་ལ་འཇུག་ལྡོག་འཆེལ་བར་བྱེད།
(བོད་པ་དང་བོད་དོན་རྒྱབ་སྐྱོར་བ་ཚོས་རྒྱ་ནག་གཞུང་གིས་བོད་ཀྱི་སྐོར་ལ་དྲང་བདེན་མ་ཡིན་པའི་ཆབ་སྲིད་ཀྱི་དྲིལ་བསྒྲགས་དང་། ལྷག་པར་བོད་ཨ་མདོ་རྔ་བ་དང་ཁམས་དཀར་མཛེས་ནང་གི་དྲག་གནོན་ལ་ངོ་རྒོལ།)
གནས་ཚུལ་མཁོ་གཏོང་བ། གཅན་སྣང་བ་ཚེ་རིང་བཀྲ་ཤིས། (ལྡི་ལི་མཐོ་སློབ།)
ངྷ་རམ་ས་ལ། ༢༠༡༡ ལོའི་ཟླ་༧ པའི་ཚེས༡༣ ཉིན།
ཉེ་ལམ་རྒྱ་ནག་གཞུང་གིས་བོད་ནང་དུ་སྤེལ་བཞིན་པའི་ཆབ་སྲིད་ཀྱི་དྲིལ་བསྒྲགས་ཁག་གཉིས་ཏེ། རྒྱ་ནག་དམར་ཤོག་གཞུང་བཙུགས་ནས་མི་ལོ་༩༠འཁོར་བའི་དུས་དྲན་དང་། བོད་ཞི་བས་བཅིངས་འགྲོལ་བཏང་ནས་མི་ལོ་༦༠ འཁོར་བའི་དུས་དྲན་སྲུང་བརྩི་བྱས་པ་ལ་མཐའ་གཅིག་ཏུ་ངོ་རྒོལ་མཚོན་ཆེད། བོད་པ་དང་བོད་དོན་རྒྱབ་སྐྱོར་བ་ཚོས་ཐེག་ཆེན་ཆོས་གླིང་གཙུག་ལག་ཁང་ནས་ངྷ་ས་ཉིན་མོའི་སློབ་གྲྭའི་བར་ཞི་བའི་ཁྲོམ་སྐོར་གྱི་ལས་འགུལ་ཞིག་སྤེལ་ཡོད་ལ། ལོ་ངོ་དྲུག་ཅུའི་རིང་ལ་རྒྱ་ནག་གཞུང་གི་མནར་གཅོད་འོག་འདས་གྲོངས་སུ་ཕྱིན་པའི་བོད་མི་རྣམས་ལ་མྱ་ངན་གུས་འདུད་མཚོན་ཆེད་ལས་འགུལ་ཁྲོད་ཀྱི་འཛུལ་ཞུགས་པ་ཡོངས་ནས་༼བོད་རང་བཙན་༽ཞེས་འཁོད་པའི་གཅིག་གྱུར་གྱི་སྟོད་ཐུང་ནག་པོ་གྱོན་པ་དང་ལག་ལ་དར་ཆ་ནག་པོ་རྐྱང་རྐྱང་བསྣམས་ནས་ཁྲོམ་སྐོར་དེ་དབུ་འཛུགས་ཞུས་སོང་།
དེ་ལས་མང་བ་། “བོད་པ་དང་བོད་དོན་རྒྱབ་སྐྱོར་བ་ཚོས་རྒྱ་ནག་གཞུང་གི་དྲག་གནོན་ལ་ངོ་རྒོལ།” »
བོད། ལྷ་ཀླུ་གཉན་གསུམ།
ཞེ་གསུམ།
སྔ་བོ་ནས་ཡར་བླངས་དེ་གངས་དཀར་ལྷ་མཚོའི་ཨ་མ་ཡིས་ང་ཚོ་གསུམ་རླངས་འཁོར་ས་ཚིགས་དུ་མོ་རང་གི་སྒེར་འཁོར་ནང་དུ་བསྐྱལ། ཝན་དང་ང་ཚོ་གསུམ་རྗོ་སུ་ལམ་རླངས་འཁོར་ས་ཚིགས་ནས་ཀྲེ་ལས་བས་གྲོང་ཁྱེར་གྱི་རླངས་འཁོར་ས་ཚིགས་དུ་འབྱོར་མ་ཐག ངེད་གཉིས་ཀྱིས་གླ་བྱེད་རླངས་འཁོར་ཞིག་ཁྲིད་ནས་རྒྱ་གར་གཞུང་ཚབ་ཁང་དུ་ང་རང་གི་ཐོངས་ཆེན་ལག་ཁྱེར་ཕྱིར་འགྱངས་བྱེད་ཆེད་དུ་བཅར།
ལྡོང་གསེར་མིག་གིས་ཧི་བོན་དྲ་བ་ལས་དྲངས།
སྔོན་འགྲོའི་གླེང་མོལ།
རྒན་མཁར་རྨེའུ་བསམ་གཏན་ལགས་ཀྱིས་ཀྲུང་དབྱང་མི་རིགས་སློབ་གྲྭ་ཆེན་མོ་ནས་ཟླ་གཅིག་རིང་སློབ་ཁྲིད་གནང་ཚར་རྗེས་འདི་ག་རྩོམ་སྒྲིག་ཁང་གི་འཐུས་མི་ཁོང་གི་སྐུ་མདུན་དུ་བཅར་འདྲིར་ཕྱིན་པ་ཡིན། ང་ཚོས་ཁང་པའི་སྒོ་དལ་མོར་ཐེངས་གསུམ་བརྡུངས་པ་ན་སྒམ་བརླིང་དང་བྱམས་བརྩེས་ཕྱུག་པའི་ཞལ་རས་ཤིག་གིས་ང་ཚོའི་སྔུན་བསུས་བྱུང་། དེ་ནི་དེང་དུས་འཛམ་གླིང་གི་བོད་རིག་པའི་ཞིབ་འཇུག་ཁྱབ་ཁོངས་སུ་སྙན་གྲགས་རྒྱས་པའི་ཧྥ་སྡོད་བོད་ཀྱི་མཁས་དབང་དམ་པ་རྒན་མཁར་རྨེའུ་བསམ་གཏན་ལགས་རེད། སྐབས་འཕྲལ་གྱི་སྡོད་ཁང་འདིར་ཅ་ལག་ཉུང་ཤས་ལས་མེད་ཀྱང་བཀོད་སྒྲིག་བྱས་པ་བབ་ཆགས་ཤིང་ཁམས་དྭངས་པའི་ཚོར་བ་ཞིག་དབང་མེད་དུ་སྦྱིན། ང་ཚོས་ཁོང་ཉིད་དང་ལྷན་དུ་ཡར་མར་གྱི་ཁ་བརྡ་ཅུང་ཟད་བྱས་རྗེས་མྱུར་མོར་བཅར་འདྲིའི་དངོས་གཞིར་ཞུགས་པ་ཡིན།
༡ ༼ང་རོ༽ ཁྱེད་ནས་རང་རེའི་རིག་གཞུང་ཐད་ཞིབ་འཇུག་དང་ཉམས་ལེན་ལོ་ངོ་མང་པོར་མཛད་རིང་། ཞིབ་འཇུག་ལམ་བུའི་སྟེང་གི་དཀའ་ངལ་དང་ཐབས་ལམ། དགེ་འབྲས་ཕྱོགས་ནས་ཁྱེད་ཀྱི་ཉམས་མྱོང་དང་སྦྲགས་ཏེ་གསུང་རོགས།
དེ་ལས་མང་བ་། “མཁར་རྨེའུ་བསམ་གཏན་ལ་༼ང་རོ་༽རྩོམ་སྒྲིག་ཁང་གིས་བཅར་འདྲི།” »
བོད། ལྷ་ཀླུ་གཉན་གསུམ།
ཞེ་གཉིས།
ལྡི་ལུ་ནས་བརྩིས་པའི་ཆུ་ཚོད་དྲུག་གི་རྗེས་ཏག་ཏག་ལ་ང་རང་རྗོར་རྡན་གནམ་ཐང་དུ་སླེབས། རྗོར་རྡན་ནི་ཨེས་སུ་རལ་གྱི་ཁྱིམ་མཚེས་རྒྱལ་ཁབ་ཡིན་ལ། ཁ་ཆེ་རྒྱལ་ཁབ་ཞིག་ཡིན། གནམ་ཐང་དེ་ཡི་མིང་ལ་ཨ་ནམ་ཟེར་གྱི་འདུག ང་རང་དང་ལྷན་དུ་ཡོང་བའི་རྒྱ་གར་ཁ་ཆེ་བ་དེ་དག་རྒྱལ་ཁབ་དེ་ནས་བསྡད་སོང་། གནམ་ཐང་གི་གཙང་གྲྭ་ནི་ཡག་པོ་འདུག འཚིག་ཇ་འཐུང་ས་དང་ཟ་ཁང་། ཅ་དངོས་སྙིང་རྗེ་བོ་དེ་འདྲའི་ཆེས་མང་བོ་ཞིག་ཁྲལ་མེད་པའི་སྒང་ནས་བཙོང་གི་འདུག་ན་ཡང་། ང་རང་གི་ལག་དུ་ཧིན་སྒོར་ལྔ་བརྒྱ་མ་གཏོགས་མེད་ལ། དེ་བརྗེ་སྒྱུར་བྱེད་མིན་སྐད་ཆ་དྲིས་ཀྱང་། སྒོར་མོ་བརྗེ་མཁན་མི་དེ་ཡིས་ང་རང་ལ་བལྟ་ཞོར་དགོད་ཙམ་བྱས་ནས། ཧིན་སྒོར་བརྗེ་ཡི་མེད་ཟེར། ངས་ང་རང་ལ་མི་ཞིག་གིས་སྐད་བཏང་ནས་མགྲོན་ཁང་དུ་བསུ་བར་སྙམ་ནས་ཡུན་རིང་སྒུག་ན་ཡང་། ང་ལ་ཡ་བྱེད་མཁན་གྱི་མི་ནི་གཅིག་ཀྱང་མི་འདུག གནམ་ཐང་དེ་ནས་དུས་ཚོད་གཉིས་ཙམ་འགྲོ་སོང་།
ཤར་ཕྱོགས་ཁུག་རྟ།
ལོ་རབས་ ༨༠ པའི་ནང་བོད་ལ་གཟིགས་སྐོར་ཐོག་མ་ཕེབས་ལ་ཉེ་བའི་ཉིན་ཁ་ཤས་ཀྱི་སྔོན་ལ། ” བོད་རང་སྐྱོང་ལྗོངས་” ཟེར་བའི་འགོ་ཁྲིད་ཚོས་མཚོན་པའི་བོད་ཀྱི་ས་ཆར་མངགས་པའི་གུང་བྲན་ཏང་གི་འགོ་ཁྲིད་ཚོས་བོད་མི་རྣམས་ལ་གཟབ་མནན་གྱིས་འདི་འདྲ་ཞིག་གསུངས་ཡོད། “ཏཱ་ལའི་རུ་ཚོགས་ཀྱི་མི་སྣ་ཁ་ཤས་རྒྱལ་ནང་དུ་ལྟ་སྐོར་ལ་ཡོང་གི་ཡོད་པས། ཁོང་ཚོར་ངོ་རྒོལ་དང་ཞེ་འཁོན་མ་སྟོན་རོགས་”ཞེས་མངགས་ཡོད། སྐད་ཆ་འདི་ནི་རྒྱ་ནག་གཞུང་ལ་མཚོན་ན་ཡུན་རིང་བོད་ལ་རྒྱུས་མངའ་བྱས་པའི་མཐའ་སྡོམ་ཡིན་ལ། སྐབས་དེའི་གཙོ་འཛིན་ཏིང་ཞའོ་ཕེན་ལ་མཚོན་ནའང་བོད་ཀྱི་དཀའ་ངལ་སེལ་རྒྱུ་ནི་ཉོག་འཛིང་ཧ་ཅང་ཆེ་བ་ཞིག་ཡིན་པར་དགོངས་བཞེས་གནང་མེད། ཡིན་ནའང་རྒྱ་ནག་གཞུང་རང་གི་རང་དོན་ཡིད་ཆེས་ལས་ཕམ་པར་གྱུར་བ་ཞིག་ནི་སྐུ་ཚབ་རྣམས་ལ་ཕེབས་བསུ་བྱས་པའི་གཞིས་ལུས་མི་མང་གི་ཁ་ཞེ་གཉིས་མེད་ཀྱི་རྣམ་པ་དེ་ཡིན་ཞིང་།
དེ་ལས་མང་བ་། “བོད་དོན་རང་ཤིར་གཏོང་འདོད་པ་ནི་རྨི་ལམ་རང་རེད།” »
(ནོར་གླིང་མཐོ་སློབ་ཀྱི་སྙན་ངག་མ་ཞིག་ལ་བསྟབས།)
རྟ་ནག་སྐལ་བཟང་ལུང་རིགས།
ཞལ་རས་འཛུམ་ཙམ་འཛུམ་ཙམ་བྱས་པ།།
སྙིང་སྡུག་བློ་ལ་འཐད་པས་ཡིན་ནམ།།
མགོ་བོ་གཡོན་ཙམ་གཡོན་ཙམ་བྱས་པ།།
སྙིང་སྡུག་རྒྱབ་གཟུགས་འཚོལ་བ་ཨེ་ཡིན།།
ནུ་ཟུང་དྲོན་མོའི་རྒྱབ་ཀྱི་གངས་རི།།
ཁྱེད་ཀྱི་སྙན་ངག་ཁུད་ན་བདོག་གམ།།
བྲང་གཞུང་ཚ་བོའི་ངོས་ཀྱི་བརྩེ་བ།།
སུ་དང་གང་གི་ལག་ལ་འཇོག་གམ།།
ཤར་ཕྱོགས་ཁུག་རྟ།
ང་ལོ་བདུན་ལ་སླེབས་དུས། ངས་གཞི་ནས་རང་གི་ཨ་མར་ངའི་ཨ་ཕ་སུ་རེད་གང་ལ་ཕྱིན་སོང་ཞེས་དྲི་བ་འདོན་མྱོང་། ཨ་མས་ཨ་ཕ་ཐག་རིང་ཐག་རིང་ཞིག་ལ་ཕྱིན་སོང་མགྱོགས་པོ་ཡོང་གི་རེད་ཟེར། ང་རང་སྡེ་འདབས་ཀྱི་བྱིས་པ་ཚོའི་གྲས་ལ་ཉིན་རྒྱུན་རྩེད་མོར་འགྲོ་དུས། ཚེ་རིང་ནི་ང་ཚོས་ཅུང་བརྩི་བཀུར་བྱེད་ས་དེ་ཡིན་ལ། ཁོང་གི་ལག་ནས་ཀ་ར་དཀར་པོ་༼ བྱེ་མ་ཀ་ར་༽དང་ཀོ་རེ་དམར་པོ་༼ བག་ལེབ་མངར་མོ ༽ཉུང་ཙམ་ཐོབ་ཀྱི་ཡོད།
བོད། ལྷ་ཀླུ་གཉན་གསུམ།
ཞེ་གཅིག
ཞོགས་པ་སྔ་བོ་ལྡི་ལུར་བསྐྱར་དུ་འབྱོར་ནས་མགྲོན་ཁང་དུ་ཐོ་འགོད་བྱས་མ་ཐག ཞོགས་ཟས་ཤིག་མགྱོགས་པོ་ཟས་རྗེས་འགྲིམ་འགྲུལ་ལས་ཁུངས་དུ་སོང་དེ་མེ་འཁོར་འཛིན་བྱང་ཕྱིར་ལོག་བྱས་པ་ཡིན། ཚེ་བདུན་ལ་འགྲོ་བའི་མེ་འཁོར་བཟང་ཤོས་དང་མགྱོགས་ཤོས་བསྐོར་གྱི་གནས་ཚུལ་ཞིག་བླངས། ངེད་གཉིས་མོ་རང་གི་རྒྱལ་ཁབ་ཨེས་སུ་རལ་གྱི་གཞུང་ཚབ་ཁང་དུ་སོང་ནས་ཕྱི་བསྐྱོད་ཐོངས་ཆེན་རེག་ཡོད་པ་དེ་ལེན་དུ་སོང་ནས་ཡུན་རིང་སྒུག་དགོས་བྱུང་།
བོད། ལྷ་ཀླུ་གཉན་གསུམ།
སོ་དགུ
ཁོ་མོས་རེ་འདོད་ལྟར་ངེད་གཉིས་བཀྲིས་འཁྱིལ་མགྲོན་ཁང་ནས་ལམ་ལ་འབུད་དེ་རྡེ་ར་སྒྲོང་དུ་སོང་། ཐོག་མར་མེ་འཁོར་ས་ཚིགས་སུ་སོང་དེ་སང་ཉིན་ཉིན་གོང་ལྡི་ལུར་འགྲོ་བའི་མེ་འཁོར་འཛིན་བྱང་ཉོས། ཕྱི་ལོག་དུ་འབུད་དེ་གང་དུ་འགྲོ་མིན་ཐད་ཀྱི་ང་རང་ལ་སྐད་ཆ་འདྲི་བཞིན་འདུག ངས་ཁོ་མོ་ལ་ཁྱེད་རང་གི་བསམ་པ་བཞིན་ཐག་བཅད་ན་འགྲིག་ཞེས་བཤད་པ་ཡིན།
སེར་ཤུལ་རིན་ཆེན་དོན་གྲུབ།
བོད་མི་རྣམས་ཕྱི་ཡུལ་དུ་གྱར་བའི་མི་ལོ་ལྔ་བཅུའི་རིང་རང་གི་འཇོན་ནུས་ལ་དཔག་པའི་ལས་དོན་ཞིག་གི་ཆེད་དུ་ཁ་ཕྱོགས་ནས་སོང་ཞིང་རང་གི་འཚོ་བའི་གནས་བབ་ལེགས་སུ་བཏང་བ་ནས་བོད་རྒྱལ་ཁབ་སླར་གསོའི་ལས་དོན་མཐོ་རུ་འདེགས་པའི་བྱ་བར་བརྩོན་ཡོད་ཅེས་བཤད་ཆོག འོན་ཀྱང་ཕྱོགས་དང་ངོས་གཞན་ཞིག་ནས་བལྟས་ན་བོད་གངས་ཅན་པར་རིན་ཐང་དུ་བརྩི་བའི་བླ་མེད་སྟོབས་ཤུགས་ཀྱི་འབྱུང་ཁུངས་བྱམས་བརྩེའི་བཟང་སྤྱོད་དང་། སྤྱི་ཚོགས་ཀྱི་ཀུན་སྤྱོད་དག་ལ་སྣང་མེད་དམ་ཡུལ་དུས་ལྟོས་གྲུབ་ཀྱི་སླུ་བྲིད་འོག་ཉམ་ཉེས་སུ་ཤོར་བཞིན་པའི་གནས་སྟངས་མངོན་བཞིན་འདུག
(ངས་ཁོང་གི་ལོ་རྒྱུས་འདི་རང་ཉིད་ཀྱི་སེམས་ཁོང་སྐྱོ་བས་བརླན་བཞིན་བྲིས།)
པདྨ་རྡོ་རྗེ།
ང་ནི་ཕྱི་ལོ་ 1989 ལོ་ཟླ་ 7 ཚེས་ 22 ཉིན་མདོ་སྨད་ཐེ་བོ་བྲག་སྒམ་གདོང་བ་སྡེ་བའི་ནང་གི་ཕ་སྐལ་བཟང་བཀྲ་ཤིས་དང་མ་མགོན་པོ་མཚོ་གཉིས་ཀྱི་བུ་རུ་སྐྱེས། ངའི་ཕ་མ་གཉིས་ལ་བུ་བུ་མོ་མིང་སྲིང་བཞི་ཡོད་པའི་ནང་གི་ཆུང་ཤོས་དེ་ང་རང་ཡིན། ངའི་ཆོས་མིང་ལ་དཀོན་མཆོག་སེངྒེ་དང་སྐྱ་མིང་ལ་པདྨ་རྡོ་རྗེ་ཟེར། （ཁྱིམ་མཚེས་གཡས་གཡོན་གྱི་མི་ལ་ལས་པད་རྒན་དང་ལ་ལས་པདྨ་མ་སྐྱེས་ཞེས་འབོད།） ལོ་ལྔའི་ཐོག་བྲག་སྒམ་པའི་སློབ་ཆུང་དུ་སོང་ཞིང་སློབ་ཆུང་ནས་སློབ་མཐར་ཕྱིན་རྗེས། རང་ལོ་ 15 སྟེང་བྲག་སྒམ་ལྷ་གསོལ་དགོན་པའི་ནང་ཆོས་ཞུགས་བྱས། ཕྱི་ལོ་ 2008 ལོར་བོད་ས་ཡོངས་ནས་བོད་མི་མང་གིས་རྒྱ་ནག་གཞུང་ལ་ཞི་བའི་ངོ་རྒོལ་བྱེད་སྐབས།
དེ་ལས་མང་བ་། “2008ལོའི་བོད་མི་ཆབ་སྲིད་བཙོན་པ་ཞིག་གི་མནར་གཅོད་།” »
བོད། ལྷ་ཀླུ་གཉན་གསུམ།
སོ་བདུན།
གཏིང་ནས་བཞུར་བའི་ཚོར་བ་འདི་ལ་སུས་ཀྱང་ཚད་འཛིན་བྱེད་ཐུབ་དཀའ་ན་ཡང་། ཡི་གེ་གཟུགས་སུ་བྲིས་པ་ཙམ་གྱིས་ཀྱང་མིའི་རིགས་ཀྱི་ཚད་མར་འཛིན་དཀའ་བ་ནི་ཚོར་བའི་འགྲུལ་བཞུད་ཡིན་པར་བཤད་ཆོག གལ་ཏེ། འཛམ་གླིང་འདིར་མིའི་རིགས་ལ་རང་ཉིད་དངོས་ཤིག་གསལ་བྱེད་ངེས་ཀྱང་། དེ་ལྟར་དཀའ་བའི་རྒྱུ་མཚན་གྱིས་མིའི་རིགས་ཀྱི་སེམས་ནང་གི་དོགས་པ་རྣམ་དོག་ལ་མཐའ་མེད་ཅེས་ཚད་མའི་སྐྱེ་བུ་མང་བོ་ཞིག་ནས་ཚིག་ཐག་བཅད་དེ་གསུངས་ཡོད་པ་རེད། དེས་ན་ང་ཚོ་མིའི་རིགས་ཀྱི་ཅི་ཞིག་གསལ་སྤྲོད་བྱེད་འདོད་པ་ཡིན་ནམ་ཞེས་པའི་དྲི་བ་དེ་ཡོང་གི་ཡོད། དྲི་བ་དེའི་ལན་ཏག་ཏག་ཞིག་ཀྱང་སུ་གང་གིས་འདེབས་མི་ཐུབ་པ་ཐག་བཅད་བྱས་ཆོག རྒྱུ་མཚན་ནི། མིའི་རིགས་ཀྱི་འཚོ་བའི་གནས་བབས་དང་། བསམ་བློའི་རིན་ཐང་གཏན་ནས་མི་འདྲ་བྱུང་། འགུལ་བསྐྱོད་ཀྱི་རང་དབང་ལ་ཡང་མི་འདྲ་བའི་ཆ་མང་བོ་ཞིག་བྱུང་གི་ཡོད་པས་རེད།