མི་རིང་བར་བདག་གིས་ལོ་ངོ་གཉིས་ཙམ་རིང་ལ་འབད་འབུངས་བྱས་དེ་བྲིས་པའི་དངོས་བྱུང་གི་བརྩམས་སྒྲུང་། སྤྱིན་བདག་མི་དགོས། གྲྭ་བ་མི་བྱེད་ཅེས་པའི་བརྩམས་སྒྲུང་གི་དེབ་འདི་ནི་ཕྱི་ལ་ཐོན་གྲབས་ཡོད། དེབ་ཀྱི་ནང་དོན་སྔ་གཞུག་ལ་ཡིག་ཚད་ཀྱི་སྐྱོན་ཆ་ཆེས་མི་ཉུང་བ་ཞིག་ཡོད་སྲིད་ཀྱང་། སྤྱི་ཚོགས་ཤིག་གི་ཟུར་ན་བོད་ནས་གསར་དུ་འབྱོར་ཞིང་། བྱེས་སུ་དཀའ་ཚེགས་རིམ་རྒྱུད་ཀྱི་ལོ་ཟླ་བསྐྱལ་བའི་མི་ཞིག་གི་གཏམ་རྒྱུད་དངོས་ཡིན་དུས། ཀློག་མཁན་སུ་ཞིག་ལ་མཚོན་ན། དེབ་དེ་ཀློག་རྒྱུར་དགའ་མོས་ཡོང་བར་བདག་གིས་ཡིད་ཆེས་བྱེད་ཀྱི་ཡོད། དེབ་དེར་ཤོག་གྲངས་དྲུག་བརྒྱ་དང་ལྔ་བཅུ་ཡོད། ཉོ་མཁན་ཡོད་ན། ཁ་བྱང་འདིའི་སྟེང་དུ་འབྲེལ་བ་བྱོས་དང་། གློག་འཕྲིན་ཁ་བྱང་རྒྱུད་དེ་མངགས་ཉོ་གནང་མཁན་ཚོར་དགའ་བསུ་ཡོད་ལ་རིན་གོང་ཅུང་ཁེ་བོ་ཡང་བྱེད་ངེས་ཡིན།
༸རྒྱལ་བ་རིན་པོ་ཆེ་བོད་དུ་ཕེབས་པར་རམས་འདེགས་མཛོད།
རྭ་རྒྱ་བློ་དབང་།
ཐོག་མར་བོད་མི་རིགས་ཀྱི་སླད་དུ་ལུས་སྲོག་ལོངས་སྤྱོད་ཡོངས་སུ་བཏང་བའི་རྒྱལ་སྲས་དཔའ་བོ་དག་ལ་སྒོ་གསུམ་གུས་པའི་ངང་ནས་མྱ་ངན་ཞུ།
ལོ་རྒྱུས་ཐོག་ཕྱི་ལྟས་ཤིག་སློག་ན། བཙན་པོའི་རྒྱལ་རབས་སིལ་བུར་འཐོར་བ་ནས་བཟུང་སྟེ་རང་རེའི་མི་རིགས་ལ་ཕངས་སེམས་འཆོར་འོས་ཀྱི་གོད་ཆག་ཆེན་པོ་ཞིག་བྱུང་བ་ནི། ཆིག་སྒྲིལ་གྱི་བསམ་བློ་སྟོར་སོང་བ་དེ་ཡིན་ལ། བོད་མིའི་ཆིག་སྒྲིལ་གྱི་བསམ་བློ་རིམ་གྱིས་ཡལ་བའི་ངལ་ཚུལ་དེ་མཐོང་ནས་ཕྱི་མི་བཙན་འཛུལ་བ་རབ་དང་རིམ་པས་གདུག་རྩུབ་ཀྱི་ལས་སྣ་ཚོགས་སྤྱད་ནས་རང་རེའི་མཐའ་མཚམས་ཁག་དབང་དུ་བསྡུས་པ་དང་། ཐ་ན་བོད་ཡུལ་ཧྲིལ་བོ་ཁམ་དུ་ཟ་བའི་སྦྱོར་བ་མང་དུ་བརྩམས་མྱོང་བ་རེད། དེ་དག་གི་ནང་ནས། སོག་པོ་དང་། མན་ཇུ། གོར་ཁ། དབྱིན་ཇི། རྒྱ་མི་བཅས་རིམ་བསྟུད་དུ་འོང་བའི་ནང་སྔ་མ་རྣམས་ལ་གང་ལ་ཇི་འོས་ཀྱི་ཐབས་ཤེས་སྣ་ཚོགས་སྤྱད་པ་དང་།
དེ་ལས་མང་བ་། “༸རྒྱལ་བ་རིན་པོ་ཆེ་བོད་དུ་ཕེབས་པར་རམས་འདེགས་མཛོད།” »
ཡོ་རོབ་བོད་མིའི་ཟས་བཅད་ངོ་རྒོལ།
གནས་ཚུལ་མཁོ་སྤྲོད་གནང་མཁན། བྱམས་པ་རྒྱལ་མཚན།
2011 ལོའི་ཕྱི་ཟླ་11 ཚེས་ 9 ཉིན། སྦེལ་ལྗམ་གྱི་རྒྱལ་ས་སྦར་སིལ་གྲོང་ཁྱེར་གྱི་ཡུ་རོབ་གྲོས་ཚོགས་མདུན་དུ་འདི་ཟླའི་ཕྱི་ཚེས་3 ནས་9 བར་ཟས་བཅད་ངོ་རྒོལ་བྱས་ཤིང༌། དེ་རིང་ནི་ཉིན་མཐའ་མ་ཡིན། ཉིན་འདིར་ཡུ་རོབ་གྲོས་ཚོགས་ཀྱི་ཚོགས་གཙོ་གཞོན་པ་Mr.Edward McMillan-scott མཆོག་དང༌། གྲོས་ཚོགས་འཐུས་མི་ Csaba Sogor ལགས། སི་ཝི་ཌིན་ལུང་བའི་ཡུ་རོབ་གྲོས་ཚོགས་འཐུས་མི་ Alf Svensson ལགས་དང༌། སི་པེན་གྱི་ཡུ་རོབ་གྲོས་ཚོགས་འཐུས་མི་ Ramon Tremosa-i-Balcells ལགས་སོགས།
ཡོ་རབ་སྣ་འབྲེལ་གྱི་བྱུང་འཕེལ་དང་མིག་མདུན་གི་དཀའ་ངལ།
ཨ་ནུ་ཐང་བསོད་ནམས་ཀྱིས།
༡ ཡོ་རབ་སྣ་འབྲེལ་འཕེལ་རིམ་དང་དེའི་དམིགས་ཡུལ།
ཚོང་འབྲེལ་དང་ཆབ་སྲིད་ཀྱི་ཁེ་ཕན་ཁོ་ནའི་ཆེད་དུ་འཛམ་གླིང་གི་ཚོང་གི་ནུས་བ་ཆེ་ཤོས་ཀྱི་རྒྱལ་ཁབ་རྣམས་གཅིག་བསྡུ་ཡིས་དམག་ཆེན་གཉིས་པའི་རྗེས་སུ་ཡོ་རབ་སྣ་འབྲེལ་གྱི་རྩ་བ་ཚུགས། ༡༩༨༩ལོར་ཨི་རི་སུ་དམར་ཕྱོགས་ཁ་ཐོར་ཕྱིན་ཏེ་ཤར་ཡོ་རབ་པ་རྣམས་རང་དབང་ཐོབ་ནས། བྷེ་ལེན་གྱང་ཁ་ཐོར་བཏང་རྗེས་འཇར་མན་གྱིས་སྐུལ་འདེབས་འོག་ཡོ་རབ་སྣ་འབྲེལ་གྱི་དབུ་བརྙེས། ༡༩༩༢ལོར་ཟླ༧་ནང་ཧོ་ལན་གྲོང་ཁྱེར་Maastrichtམཱ་སི་ཁྲིག་ཁི་ཁྲིས་དུ་དངུལ་ལོ་གསར་བསྐྲུན་གནང་ཞིང་ཕྱིས་སུ་ཡོ་རབ་ཅེས་འབོད་པ་མ་ཟད། དེ་དག་ལ་རྒུ་རི་སིའི་ཡི་གེའི་ཤན་ཞུགས་ཐེབས་པའི་མཛེས་ཆས་ཀྱིས་དཀྲིས། ཧྥ་རན་སིའི་དཔལ་འབྱོར་བློན་Jacques Delorsགྱིས་ཡོ་རབ་སྣ་འབྲེལ་གྱི་དབུ་ཁྲིད་༨༥-༩༥གནང་ཞིང་སྐབས་དེའི་ཡོ་རབ་སྣ་འབྲེལ་གཙུགས་པའི་དམིགས་ཡུལ་ནི་ཡོ་རབ་ཀྱི་ངོ་བོ་སྲུང་སྐྱོབ་དང་སྤྱི་ཚོགས་བརྟན་ལྷིང་། འཚོ་བ་ཡར་རྒྱས་དང་ཚོང་གི་ཁེ་ཕན་ཆེད་མཐུན་མོང་གི་དངུལ་ལོ་བཀོད་སྤྱོད་བྱེད་པའི་རྨང་གཞི་གཙུགས།
དེ་ལས་མང་བ་། “ཡོ་རབ་སྣ་འབྲེལ་གྱི་བྱུང་འཕེལ་དང་མིག་མདུན་གི་དཀའ་ངལ།” »
ཝིཊ་ནམ་དམག་འཁྲུགས་སྐབས་སུ་རང་ལུས་མཆོད་མེ་རུ་བསྒྲོན་པའི་སྐོར།
བྱམས་པ་ཆོས་དབང་གིས་ཕྱི་ལོ་ ༢༠༡༡ ཟླ་ ༡༡ ཚེས་ ༠༨ ཉིན་ཕབ་བསྒྱུར་ཞུས།
ཕྱི་ལོ་ ༡༩༦༣ ཟླ་ ༠༦ ཚེས་ ༡༡ ཉིན་ཊིཆ་ཀོང་དྷུག་ Thich Quang Duc ཟེར་བའི་ཝིཊ་ནམ་ནང་པའི་དགེ་སློང་རང་ལོ་ ༧༣ སོན་པ་ཞིག་གིས་ཝིཊ་ནམ་ཡུལ་གྱི་སེ་གྷུན་ས་གནས་ Saigon ཀྱི་ཕན་དྷིན་ཕུང་ Phan-Dinh-Phung གི་སྲང་ལམ་གྱི་ཟུར་ཞིག་ཏུ་པདྨའི་ངང་ཚུལ་དུ་ཞི་བའི་དབྱིངས་སུ་བཞུགས། དེ་ནས་གྲྭ་གྲོགས་རྣམས་ཀྱིས་ཕྲེང་བསྒྲིགས་ཀྱིས་ཁོང་གི་སྐུ་ལུས་ལ་ས་སྣུམ་བླུགས་པའི་མཐར་ཀོང་དྷུག་རང་ཉིད་ཀྱིས་རང་ལུས་དྲང་ཚུགས་སུ་གནས་བཞིན་པའི་མུར་ཨཱ་མི་ཏ་བྷིའི་གཟུངས་སྔགས་བགྲང་ནས་རང་ལུས་མེ་རུ་བསྒྲོན་པ་དེར་ཡོད་ལྟད་མོ་བ་ཡོངས་ཀྱིས་གཟིགས་ཡོད། ཝིཏ་ནམ་དམག་འཁྲུགས་གི་དུས་ཡུན་དེའི་ནང་གྲྭ་བ་སུམ་ཅུ་སོ་དྲུག་དང་བུད་མེད་གཅིག ཨ་རི་བ་ཆོས་ལུགས་མཐུན་སྒྲིལ་གྱི་ཚོགས་མི་གཉིས་བཅས་ཀྱིས་ཁོང་གི་རྗེས་སུ་ཞུགས་པ་རེད།
དེ་ལས་མང་བ་། “ཝིཊ་ནམ་དམག་འཁྲུགས་སྐབས་སུ་རང་ལུས་མཆོད་མེ་རུ་བསྒྲོན་པའི་སྐོར།” »
དཔེ་དེབ་གསར་ཐོན།
ཤེས་རབ་ཀྱི་རྩལ་ལ་དུང་བའི་ཁྱེད་ཅག་ལ་དེབ་ཆུང་འདིས་མགྲོན་བསུ་བྱེད།
དཔྱོད་ཤེས་ཀྱི་ལམ་ལ་མོས་པའི་ཁྱེད་ཅག་ལ་དཔྱད་ཞིབ་འདིས་དགའ་བདེ་སྦྱིན།
ཁྱེད་ཅག་གིས་རིག་གཞུང་དང་ཤེས་རབ་ལ་བཅངས་པའི་དུང་སེམས་བསྣམས་ནས།
ཤེས་རབ་དང་དཔྱད་ཞིབ་ཀྱི་རྩལ་ལས་འཁྲུངས་པའི་དེབ་ཆུང་འདི་ཉོ་བར་ཕེབས་ཤོག
སེར་ཤུལ་རིན་ཆེན་དོན་གྲུབ་ཀྱི་དཔྱད་རྩོམ་ཕྱོགས་བསྒྲིགས་༼ཤེས་རབ་བླ་འབོད༽་ཅེས་པ་གསར་དུ་པར་བསྐྲུན་བྱས་ཡོད། འདི་ནི་རྩོམ་པ་པོའི་རྩོམ་ཡིག་དེབ་ཕྲེང་གཉིས་པ་དེ་ཡིན་པ་དང་དེབ་ཕྲེང་དང་པོ་ཉིས་སྟོང་བརྒྱད་ལོར་འགྲེམས་སྤེལ་བྱས་ཡོད། དཔེ་དེབ་འདིར་ནང་ཆོས་དང་། སྤྱི་ཚོགས་ཀྱི་ཁ་ཕྱོགས། ཆབ་སྲིད་དང་རིག་གཞུང་འཛིན་སྤེལ་སོགས་ཀྱི་བརྗོད་གཞིའི་ཐོག་ཤེས་རབ་ཀྱི་རྩལ་དང་། དུས་བསྟུན་ཀྱི་བསམ་བློའི་རང་བཞིན་ལ་ཁ་ཕྱོགས་ནས་བྲིས་པའི་དཔྱད་རྩོམ་སུམ་ཅུ་ལྷག་ཕྱོགས་བསྡེབས་བྱས་ཡོད།
ཡིག་ནོར་དང་ཨུ་ཚུགས།
ཨ་རིག་དགེ་མཐོང་།
སྤྱིར་བཏང་བོད་ཕྱི་ནང་གི་དྲ་ཚིགས་ཀུན་ཏུ་ཡིག་ནོར་གྱི་འཚང་ཁ་ཆེ་ཞིང་། གཏགས་ནོར་གྱི་གཅིན་པ་བཞུར་མཁན་མང་ལ། དེ་བས་ཀྱང་དོན་ནོར་གྱི་སྐྱག་པ་གཏོང་མཁན་ཚོ་སྡུག དྲ་ བར་ཞུགས་པའི་ཉམས་མྱོང་ཡོད་ཚེ་ཡིག་ནོར་ནི་མ་ཤེས་པར་ཁ་ལག་པའི་བར་ནས་ཤོར་འགྲོ་ ལ། མཛུབ་མོས་མཐེབ་གཞུང་སྟེང་གི་ཡི་གེའི་གཟུགས་རིས་ལ་གནོན་སྐབས་འཆོར་བ་དང་། ཡིད་གཟབ་ནན་མེད་པའི་སྒོ་ནས་ཀྱང་རང་བཞིན་གྱིས་ཤོར་འགྲོ། ཡིག་ནོར་འདི་ཆེ་ས་ནས་བཤད་ན་མི་རིགས་ཀྱི་ཚེ་སྲོག་ལ་རྨ་ཁ་བཟོས་པ་རེད། ཆུང་ས་ནས་གླེང་ན་མགོ་དཔོན་པོ་དང་བླ་སྤྲུལ། དགེ་རྒན་བཅས་ཀྱི་ལག་ན་རྒྱུན་འབྱམས་སུ་ཕྱིན་པའི་འགྲོ་སྟངས་ཤིག་ཀྱང་རེད། བར་ནས་བཤད་ན་ཡིག་ནོར་ཤོར་ན་དོན་ནོར་འབྱུང་སྲིད། དེ་ལྟར་ན་གོ་བརྡ་མི་འཕྲོད་པས་གཟབ་རྒྱུ་གལ་ཆེ།
བོད་པ་ཚོ། བསམ་བློ་ཞིབ་ཚགས་པོ་ཞིག་གཏོང་བའི་དུས་ཤིག་ལ་འཁེལ་ཡོད།
བོད། ལྷ་ཀླུ་གཉན་གསུམ།
བོད་པ་ཚོ། དེང་སང་ནངས་ཀ་འདིར་བོད་ནང་གི་མེ་ལྕེ་ལས་མཆེད་པའི་འབོད་སྒྲ་དེ་དག་ལས་གཉིད་དཀྲོགས་པའི་རྔ་ཆེན་ཞིག་བརྡུངས་ནས་ཡོང་དུས།བོད་ཡུལ་ནས་མཆེད་པའི་མེ་ལྕེ་དེ་དག་ལས་བོད་མི་གང་ན་སུ་ཡོད་པ་དག་གི་སེམས་ཁམས་བདེ་བོ་མེད་པའི་ཚད་དུ་བཏང་ནས།རང་ཉིད་བོད་མི་ཞིག་ཡིན་བསམ་པར་འདོད་མཁན་གྱི་བོད་མི་སུ་ཞིག་གི་ངོས་ནས་བཤད་ན། དེང་དུས་ཀྱི་སྐབས་འདི་ནི་བོད་མི་ཞིག་གི་རང་ཉིད་ཀྱི་བོད་མིའི་འགན་འཁྲི་འཁུར་བའི་དུས་སུ་སླེབས་པར་ཡང་དང་བསྐྱར་དུ་བསམ་གཞིགས་བྱེད་ཀྱིན་དུས་པའི་དུས་ཀྱི་ཁྲོད་ཀྱི་རང་ཉིད་ཡང་བོད་མི་ཞིག་གི་དངོས་ནས་ག་རེ་བྱེད་དགོས་མིན་གྱི་སྐོར་ནས་བསམ་བློ་བཏང་བ་ཡིན།བསམ་བློ་ཅི་ཙམ་བཏང་ན་ཡང་། རང་དབང་ཆེད་དུ་ཤི་བ་ནི་ཐབས་ཤེས་ཤིག་གཏན་ནས་མིན་པའི་ངེས་པ་ཟབ་དུ་སོང་།
དེ་ལས་མང་བ་། “བོད་པ་ཚོ། བསམ་བློ་ཞིབ་ཚགས་པོ་ཞིག་གཏོང་བའི་དུས་ཤིག་ལ་འཁེལ་ཡོད།” »
རྒྱ་ནག་གཞུང་ཚབ་མདུན་གྱི་རྒྱལ་དར་མར་ཕབ་འདུག
སྲིད་སྐྱོང་བློ་སེང་གིས་ཝ་ཤིན་ཏོན་གསར་འཕྲིན་དུ་སྤེལ་བའི་འབོད་སྒྲ
རྨ་མགུར་སངས་རྒྱམ་གྱིས་བསྒྱུར།
ད་ལོའི་སྤྱི་ཟླ་༣་པ་ནས་བཟུང་བོད་ཀྱི་ཤར་ཕྱོགས་ས་ཁུལ་དུ་བོད་རིགས་བཅུ་གཅིག་གིས་རང་ལུས་མེ་རུ་བསྲེགས་ཡོད་པ་དང་དེའི་ནང་གི་དྲུག་ནི་འདས་གྲོངས་སུ་ཕྱིན་པ་རེད། རྒྱ་ནག་སྲིད་གཞུང་གིས་ཁོ་ཚོ་ནི་རྫུ་བག་གྱོན་པའི་དྲག་སྤྱོད་རིང་ལུགས་པ་ཞིག་ཡིན་པར་འགྲེལ་བརྗོད་བྱེད་ཀྱི་ཡོད།
དོན་དངོས་ཀྱི་གནད་དོན་ནི་ཁོ་ཚོའི་འུ་ཐུག་ཐབས་ཟད་ཀྱི་བྱ་སྤྱོད་རྣམས་བཙན་བཟུང་བྱས་པའི་བོད་ནང་དུ་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་དབང་བསྒྱུར་ལ་སྐྱོན་བརྗོད་བྱེད་པའི་རྟགས་མཚན་ངོ་མ་དེ་ཡིན། ཁོ་ཚོས་རང་གི་ཐུན་མོང་མ་ཡིན་པའི་རིག་གཞུང་དང་མི་རིགས་ཀྱི་ངོ་བོ་མཚོན་པའི་མི་དམངས་ཤིག་འཚོ་གནས་ལྡན་པའི་ཆེད་དུ་རླབས་ཆེན་གྱི་ལས་འགུལ་འདི་མངོན་གསལ་དུ་བསྟན་པ་རེད།
དེ་ལས་མང་བ་། “སྲིད་སྐྱོང་བློ་སེང་གིས་ཝ་ཤིན་ཏོན་གསར་འཕྲིན་དུ་སྤེལ་བའི་འབོད་སྒྲ” »
མུན་ནག་གི་ལོ་ཟླ།
ངེས་པོ་རྒྱལ་མཚན།
རྒྱ་ནག་དམར་པོས་བོད་ཀྱི་དངོས་ཡོད་ཀྱི་གནད་སྟངས་དང་། མི་འཚམས་པར་སྔར་གྱི་སྲོལ་རྒྱུན་ལས་འདས་ཏེ་མུ་མཐའ་མེད་པའི་སྤང་ལྗོངས་ལ་ ལྕགས་ཀྱི་རྭ་བ་བསྐོར་ནས་རང་རིགས་སྤུན་ཟླ་ཕན་ཚུན་འཁྲུག་རྩོད་སློང་བ། གདོད་མའི་ཤིང་ནགས་ཚད་མེད་གཅོད་པ། རྡུལ་ཕྲན་མཚོན་ཆའི་ དུག་རྫས་སོགས་ཀྱིས་ཁོར་ཡུག་སྦགས་བཙོག་བཟོ་བ། དུས་རབས་ཉི་ཉེར་གཅིག་ནང་ད་དུང་གྲོང་གསེབ་ཀྱི་ནང་ལ་ཤེས་ཡོན་དང་འཕྲོད་བསྟེན་སྔར་ བཞིན་ཉམ་ཐག་པར་གནས་པ། མི་འབོར་སྤོ་ཤུགས་ཀྱིས་ས་སྐྱེས་རྡོ་སྐྱེས་ཀྱི་བོད་མི་གྲངས་ཉུང་མི་རིགས་བཟོ་བ། རྒྱ་ཆེའི་ཞིང་འབྲོག་མི་མང་ལ་ འབྲུ་ཁྲལ་དང་མར་ཁྲལ་སོགས་བཙན་གཤེད་ཆེན་པོས་སྡུ་ལེན་བྱས་པ། ཤེས་འཇོན་གཉིས་ལྡན་གྱི་བོད་ཞེན་ཅན་རྣམས་འབུར་འཇོམས་གཏོང་བ།
སྦར་སིལ་དུ་བོད་དོན་ཆེད་ཉིན་ལྔའི་ཟས་བཅད་ངོ་རྒོལ།
2011 ལོའི་ཕྱི་ཟླ་11 ཚེས་3 ཉིན་གྱི་ཞོགས་པའི་ཆུ་ཚོད་དགུ་བའི་ཐོག སྦེལ་ལྗམ་གྱི་རྒྱལ་ས་སྦར་སིལ་གྱི་ཡུ་རོབ་གྲོས་ཚོགས་མདུན་ཐང་དུ་སྦེལ་ལྗམ་བོད་རིགས་ཚོགས་པ་དང༌། རྒྱལ་སྤྱིའི་བོད་དོན་ལས་འགུལ་ཁང༌། སྦེལ་ལྗམ་ས་གནས་གཞོན་ནུ། ས་གནས་ཆུ་བཞི་སྒང་དྲུག་དང༌། སྦེལ་ལྗམ་བོད་ཀྱི་གྲོགས་པོ་ཚོགས་པ་བཅས་ཐུན་མོང་ནས་ཡུ་རོབ་གྲོས་ཚོགས་འཚོགས་བཞིན་པའི་སྐབས་དང་བསྟུན་ཉིན་ལྔའི་རིང་གི་ཟས་བཅད་ངོ་རྒོལ་གྱི་ལས་འགུལ་འགོ་འཛུགས་གནང་སོང་ལ། ཉིན་དང་པོར་ས་གནས་བོད་མི་ཉེར་གཅིག་ཙམ་ཟས་བཅད་ངོ་རྒོལ་ནང་མཉམ་ཞུགས་བྱས་ཡོད་པ་དང༌། ངོ་རྒོལ་གྱི་ལས་འགུལ་འདི་དང་འབྲེལ་ཚོགས་པ་ཁག་ཐུན་མོང་གིས་ཡུ་རོབ་མཉམ་འབྲེལ་འཛིན་སྐྱོང་ལ་བོད་དོན་སྙན་ཞུ་དང༌འབྲེལ་ཡིག་ཆ་ཞིག་འགྲེམ་སྤེལ་གནང་བའི་ནང༌། བོད་ཀྱི་རྒྱལ་གཅེས་དཔའ་བོ་དཔའ་མོ་བཅུ་ལྷག་གིས་ཉེ་བའི་ཟླ་འགའི་ནང་བོད་མི་རིགས་ཀྱི་རང་དབང་ཆེད་དུ་ལུས་སྲོག་ལོངས་སྤྱོད་བློས་བཏང་གིས་རང་ལུས་མེར་བསྲེགས་བཏང་བའི་ནང༌།
དེ་ལས་མང་བ་། “སྦར་སིལ་དུ་བོད་དོན་ཆེད་ཉིན་ལྔའི་ཟས་བཅད་ངོ་རྒོལ།” »
ང་སྐྲག་གི
ཨ་རིག་འགྱུར་མེད།
ཁ་སང་དེ་རིང་བདག་བློ་ཡེ་མ་བདེ། །
སོང་ན་མ་ཡིན་བསྡད་ན་དེ་བས་མིན། །
ངུས་ན་མ་ཡིན་བགད་ན་དེ་བས་མིན། །
རྡོ་ལེབ་སྟེང་གི་གྲོག་མའི་དཔེ་དང་མཚུངས། །
ཁོག་གི་སྙིང་འདི་ཅིག་གིས་སྒུལ་སྒུལ་འདྲ། །
གློ་བུར་གློ་བུར་ན་ཟུག་སློང་གིན་འདུག །
ཡ་ཆུང་ཁོག་ཀྱང་འཁྱགས་པས་བསྡམས་པ་འདྲ། །
ཆུང་མའི་དྲོད་ཀྱང་ཚོར་རྒྱུ་དཀའ་ཙམ་གདའ། །
གང་དུ་དམ་དྲག་དང་དཀའ་ངལ་ཡོད་པ་དེ་ནས་མེ་སྲེག་གི་དོན་རྐྱེན་འབྱུང་སྲིད་པ་རེད།
གྲགས་པ་ནས།
སྤྱི་ཟླ་༡ཚེས་༢ཉིན་བལ་ཡུལ་འཇོ་ལ་ཁེལ་གཞིས་ཆགས་སུ་གནས་སྡོད་བྱེད་མཁན་བུད་མེད་བསོད་ནམས་ཟེར་བ་མོས་རང་ལུས་མེ་སྲེག་བྱེད་རྩིས་བྱས་འདུག་མོད། གནད་དོན་འདིའི་སྔ་རྗེས་ལ་བསམ་གཞིག་བྱས་ན། མོ་རང་ནི་དེ་སྔོན་ཕྱི་ལོ་༢༠༠༨ནས་བལ་ཡུལ་ནང་གི་བོད་དོན་ལས་འགུལ་ལ་མཉམ་ཞུགས་གནང་མཁན་གྱི་དཔའ་མོ་ཞིག་ཡིན་པ་མ་ཟད། བོད་དོན་ལས་འགུལ་གྱི་ཆེད་དུ་རང་གི་ཤ་ནས་སྐྱེས་པའི་ཕྲུ་གུ་གཉིས་ཡོད་པ་ཡང་སྐབས་རེ་ནང་ལ་བཅུག་ནས་སྐད་འབོད་ལ་འགྲོ་བ་དང་། སྐབས་རེ་ཁྱིམ་མཚེས་ལ་བཅོལ་ནས་རང་ཉིད་ལས་འགུལ་ནང་མཉམ་ཞུགས་བྱེད་མཁན་ཞིག་ཡིན་པ་ཁོ་བོས་ཤེས་རྟོགས་བྱུང་།
དེ་ལས་མང་བ་། “གང་དུ་དམ་དྲག་དང་དཀའ་ངལ་ཡོད་པ་དེ་ནས་མེ་སྲེག་གི་དོན་རྐྱེན་འབྱུང་སྲིད་པ་རེད།” »
བལ་ཡུལ་གྱི་བོད་རིགས་བུད་མེད་ཞིག་གིས་རང་ལུས་མེར་བསྲེགས་གཏོང་རྩིས་བྱས་འདུག
རེས་གཟའ་མིག་དམར་ཉིན། བོད་ནང་གི་རང་ལུས་མེར་བསྲེགས་གཏོང་མཁན་ཚོའི་ཆེད་དུ། བལ་ཡུལ་དུ་བོད་མི་ཚོས་གདུང་སེམས་མཉམ་བསྐྱེད་ཀྱི་ཞལ་འདོན་འཚོགས་ཤིང་། ཞལ་འདོན་རྗེས་སུ་ བོད་མི་བརྒྱ་ལྷག་བལ་ཡུལ་ཉེན་རྟོག་པས་འཛིན་བཟུང་བྱས་འདུག དོན་རྐྱེན་དེའི་རྗེས་སུ། བལ་ཡུལ་དུ་གནས་སྡོད་བོད་རིགས་བུད་མེད་ཞིག་གིས་རང་ལུས་མེར་བསྲེགས་གཏོང་རྩིས་བྱས་བའི་གནས་ཚུལ་ཐོན་འདུག
དེ་ལས་མང་བ་། “བལ་ཡུལ་གྱི་བོད་རིགས་བུད་མེད་ཞིག་གིས་རང་ལུས་མེར་བསྲེགས་གཏོང་རྩིས་བྱས་འདུག” »
གདུང་སེམས་མཉམ་བསྐྱེད་ཀྱི་ལས་འགུལ
གྲགས་པ་ནས།
སྤྱི་ཟླ་༡༡ཚེས་༡ཉིན་བོད་ནང་གི་རྒྱལ་གཅེས་དཔའ་བོ་ཕོ་མོ་སྐུ་ལུས་མེ་སྲེག་གཏོང་མཁན་རྣམས་ལ་གདུང་སེམས་མཉམ་བསྐྱེད་ཆེད། ཀ་ཐ་མན་ཀྲུའི་ས་གནས་གཞོན་ནུ་དང་སྤོག་ར་ས་ཁུལ་གྱི་ས་གཞོན་གཉིས་ཀྱིས་གོ་སྒྲིག་བྱས་ཏེ་འཇོ་ལ་ཁེལ་དུ་བལ་ཡུལ་བོིད་མིའི་གཞིས་ཆགས་ཀྱི་ཉེ་ཁྲིས་སུ་རྩེད་ཐང་ཆེན་པོ་ཞིག་ཡོད་སར་བལ་ཡུལ་ནང་གི་ སེར་སྐྱ་མང་ཚོགས་འདུ་འཛོམས་ཀྱིས་མཆོད་འབུལ་གཞི་རྒྱ་ཆེ་ཞིག་གནང་འཆར་ཡོད་ཀྱང་། བལ་ཡུལ་ཉེན་རྟོག་པས་འཇོ་ལ་ཁེལ་གཞིས་ཆགས་སུ་འགྲོ་སའི་སྲང་ལམ་ཡོངས་རྫོགས་ལ་ཉེན་རྟོག་པ་འགྲེམ་འཇོག་བྱས་ཏེ་བཀག་འགོག་ཤུགས་ཆེ་བྱས་པས།
བོད་དོན་ལས་འགུལ་གྱི་འབོད་སྐུལ་གསལ་བསྒྲགས།
བོད་ནང་དུ་བོད་བསྟན་སྲིད་མི་རིགས་ཀྱི་དོན་དུ་རང་སྲོག་བློས་གཏོང་གནང་བཞིན་པར་ཕྱི་རྒྱལ་རང་དབང་ལུང་པ་ན་ཡོད་པའི་བོད་རིགས་ཡོངས་ཀྱིས་རྒྱབ་སྐྱོར་གང་ཐུབ་ཞུ་དགོས་པ་འོས་འགན་ཡིན་སྟབས་འདི་ག་སྦེལ་ལྗམ་བོད་རིགས་ཚོགས་པ་དང་། རྒྱལ་སྤྱིའི་བོད་དོན་ལས་འགུལ་ཁང་། སྦེལ་ལྗམ་བོད་ཀྱི་གྲོགས་པོ་ཚོགས་པ་། ས་གནས་གཞོན་ནུ་ཚོགས་པ་། ས་གནས་ཆུ་བཞི་སྒང་དྲུག་བཅས་ཚོགས་པ་ཁག་ལྔ་ཐུན་མོང་གིས་༢༠༡༡་ ཕྱི་ཟླ་༡༡ ཚེས་༣་དང་ ༤་༧་༨་༩་སོ་སོར་ཞོགས་པ་ཆུ་ཚོད་དགུ་ནས་དགོང་དྲོའི་ཆུ་ཚོད་དྲུག་པ་བར་དུ་སྦེལ་ལྗལ་གྱི་རྒྱལ་ས་སྦར་སིལ་ནང་ཡུ་རོབ་གྲོས་ཚོགས་ཚོགས་བཞིན་པའི་སྐབས་དང་བསྟུན་ཏེ་ཡུ་རོབ་གྲོས་ཚོགས་ཀྱི་མདུན་དུ་ཟས་བཅད་ངོ་རྒོལ་གནང་གཏན་ཁེལ་ཡོད་པས་ཡུ་རོབ་ཁུལ་གྱི་བོད་མི་གང་མང་མང་ཞིག་མཉམ་ཞུགས་གནང་རོགས་། ཕྱི་ཚེས་༩ ཉིན་གྱི་དགོང་དྲོའི་ཆུ་ཚོད་དྲུག་པ་ནས་བརྒྱད་པ་བར་ངོ་རྒོལ་སྐད་འབོད་ཁྲོམ་སྐོར་ཞིག་ཀྱང་གནང་གཏན་ཁེལ་ཡོད། ས་གནས་དང་འབྲེལ་བ་བྱེད་ཡུལ་ Place du luxemberg (infront…
གཤོག་པ་ཅན་གྱི་ཁུག་རྟ་དང་སྡེར་མོ་ཅན་གྱི་སེང་གེ།
བཀྲ་ཤིས་ནག་ལྡང་།
བླ་མ་ལ་སྐྱབས་སུ་མཆུའོ། གཤམ་གྱི་བསམ་ཚུལ་འདི་དག་ནི་མི་གཅིག་དབང་འཛིན་གྱི་གྷ་ཏྲ་ཧྥེ་ལྟ་བུ་དང་། སྲིད་དབང་སྒེར་གཅོད་ཀྱི་དམར་ཤོག་ཚོགས་པ་ལྟ་བུ། མགོ་སྐོར་བསླུ་མཁས་ཀྱི་ས་ཐམ་མོ་སན་ལྟ་བུ་གང་ལའང་དཔེ་བླངས་པ་མ་ཡིན་པར་རང་ཉིད་ཀྱི་འགོ་ཁྲིད་ལྷོད་པར་མི་འཇོག་པ། རྒྱུད་ལུག་ཏུ་མི་གཏོང་བ། རང་ངོ་ཟིན་པ། ལས་འགན་ཤེས་པ། གསེར་གྱི་རྐུབ་སྟེགས་དག་པའི་ཞིང་གི་ལྡུམ་རྭ་ལ་རྒྱབ་མེད་པ་བཅས་ཀྱི་དྲན་ཤེས་བསྐྱེད་པའི་རྒྱུ་རུ་འགྱུར་ཐུབ་བམ་སྙམ་པས་སྤེལ་བར་བྱའོ།
དེ་ལས་མང་བ་། “གཤོག་པ་ཅན་གྱི་ཁུག་རྟ་དང་སྡེར་མོ་ཅན་གྱི་སེང་གེ།” »
སྒྱུ་རྩལ་པ་གྲགས་ཅན་བསྟན་འཛིན་རིག་གྲོལ་ལ་བཅར་འདྲི་།
Untitled from VOT on Vimeo.
ལེགས་ཉེས་ཀྱི་དབྱེ་མཚམས་ན་འདྲོང་པའི་གྷ་ཌ་ཧྥེའི་ཤུལ་ལམ།
བན་དེ་སྐྱབས།
ཕྱི་ཟླ་ ༩ པའི་ཚེས ༢༠ ཉིན་གྷ་ཌ་ཧྥེ་དམར་གསོད་བྱས་པའི་དོན་རྐྱེན་དེས། རྒྱལ་སྤྱིའི་སྤྱི་ཚོགས་ལ་འདས་པའི་ལོ་ངོ་ ༤༢ རིང་གི་གྷ་ཌ་ཧྥེའི་སྲིད་དབང་སྐྱོང་སྟངས་དང་། མི་གཤིས། རྒྱལ་སྤྱིའི་སྡིངས་ཆའི་སྟེང་གི་ཤུགས་རྐྱེན། སྲིད་དབང་སྒེར་འཛིན་པ་ཁོང་གི་ལངས་ཕྱོགས་བཅས་ལ་དོ་སྣང་འཕར་མ་ཞིག་བྱེད་དུ་བཅུག་ཡོད།
གྷ་ཌ་ཧྥེ་དམར་གསོད།
ཕྱི་ཚེས་༢༠ ཉིན་ལེ་བྷེ་ཡའི་སར་ཊེ་ (Sirte) ས་གནས་ཀྱི་ས་འོག་ཆུ་ཡུར་སྦུབས་ལམ་ཞིག་ཏུ། གྷ་ཌ་ཧྥེ་སྦེད་སྐུང་བྱས་ཡོད་པ་གྱེན་ལངས་དྲག་ཆས་དམག་གིས་འཛིན་བཟུང་དམར་གསོད་བཏང་ཡོད་ཅིང་། ཁོང་དམར་གསོད་བཏང་པའི་ཐད་གླེང་གཞི་སྣ་ཚོགས་བྱུང་ཡོད་པ་མ་ཟད། རྒྱལ་སྤྱིའི་སྤྱི་ཚོགས་དང་རང་དབང་ཅན་གྱི་སྡེ་ཚན་ཁག་གིས་ཞིབ་བཤེར་བྱ་དགོས་པའི་གནོན་ཤུགས་རིམ་པར་སླེབས་སྟབས། ཟླ་ ༩ ཚེས་ ༢༧ ཉིན་བར་བརྒལ་གཞུང་གིས། གྷ་ཌ་ཧྥེའི་འཆི་རྐྱེན་ལ་ཞིབ་བཤེར་བྱེད་བཞིན་པ་དང་། ཁོང་གསོད་མཁན་ལག་དམར་ཁ་གསལ་བྱུང་རྗེས་ཁྲིམས་ཐོག་ནས་ཞིབ་བཤེར་ཐག་གཅོད་བྱ་རྒྱུའི་གསལ་བསྒྲགས་བསྐྱངས།
དེ་ལས་མང་བ་། “ལེགས་ཉེས་ཀྱི་དབྱེ་མཚམས་ན་འདྲོང་པའི་གྷ་ཌ་ཧྥེའི་ཤུལ་ལམ།” »