མིག་གསུམ་པ།

མཆིད་འགྲོ་ཞོར་མ།
ང་ཚོ་བོད་མི་རིགས་འདིའི་འདས་མ་ད་གསུམ་གྱི་གནས་སྟངས་ལ་བསམ་བློ་གཏོང་ཁུལ་བྱེད་པ་ནི་རང་ཉིད་ཀྱང་བོད་མི་ཞིག་ཡིན་པའི་འདུ་ཤེས་ཀྱིས་དུས་དང་རྣམ་ཀུན་ཏུ་བཅངས་ཡོད་པ་ཞིག་དང་། བོད་མི་ཞིག་ཡིན་ཕྱིན་མི་རིགས་རང་ཉིད་ཀྱི་ཚེ་སྲོག་ཕྲ་མོ་འདི་རྒྱུན་གནས་བྱེད་པར་རང་ཉིད་ཀྱི་ནུས་ཚོད་དང་ཐུབ་ཚོད་་ཀྱིས་ཞབས་འདེགས་ཞུ་དགོས་པའི་བསམ་བློ་ངེས་པར་དུ་འཁོར་དགོས། དེས་ན་བོད་མི་རིགས་འདི་གོ་ལ་ཧྲིལ་བོ་འདིར་ཡུན་རིང་གནས་ཐུབ་མིན་དེ་ནི་མི་རིགས་དེའི་སྐད་ཡིག་དང་ཡུལ་སྲོལ་གོམས་གཤིས་དང་ཤ་འདྲེས་པགས་འདྲེས་སུ་སོང་ཡོད་པར་མ་ཟད། སྐད་ཡིག་དང་ཡུལ་སྲོལ་གོམས་གཤིས་ལ་ཉམས་པ་སོར་ཆུད་དང་མི་ཉམས་གོང་འཕེལ་དུ་གཏོང་དགོས་པའི་ལས་འགན་བོད་མི་རེ་རེའི་ཕྲག་སྟེང་དུ་ལྗིད་ཏིག་གེར་ལྷུང་ཡོད་པ་རེད། དེའི་ཕྱིར བདག་ཀྱང་བོད་མི་རིགས་ཀྱི་གྲལ་མཐའ་ནས་བགྲེང་སྟེ་རང་ཉིད་ཀྱི་བསམ་ཚུལ་ཐུང་ངུ་ཞིག་བརྗོད་འདོད་སྐྱེས་སོང་།

དེ་ལས་མང་བ་། “བོད་མི་རིགས་ཀྱི་འདས་མ་ད་གསུམ་གྱི་སྐོར་ལ་བསམ་གཞིགས་འཁྱུགས་ཙམ་བྱས་པ།” »

ཨ་ནུ་ཐང་བསོད་ནམས་ཀྱིས།

ཁ་ཤས་ཀྱིས་སོག་པོ་ནི་ནང་པའི་རྒྱལ་ཁབ་ཅིག་ཡིན་པའི་རྒྱུན་མཚན་གཙོ་བཟུང་གིས་བོད་དང་གོང་ས་མཆོག་ལ་འབྲེལ་ཡོད་ཚུལ་གླེང་ཡང་། དོན་དངོས་བོད་སོག་གི་འབྲེལ་བ་ནི་ནང་པ་ཙམ་ཡིན་པའི་རྒྱ་ལས་བརྒལ་ཞིང་། མགྲོན་བདག་ཙམ་གྱི་ར་བ་ལས་འདས་ཏེ། བོད་དང་སོག་པོ་ནི་དེ་སྔོན་མཆོད་ཡོན་གྱི་འབྲེལ་བ་ཡིན་ཡང་རིམ་བཞིན་རིག་གཞུང་གཅིག་དང་ཆོས་ལུགས་གཅིག སྨན་གཞུང་གཅིག་དང་རྩིས་གཏེར་གཅིག་ཏུ་གྱུར་པས་སོག་རིག་པ་ཉམས་ཞིབ་པ་རྣམས་ཀྱིས། སོག་པོའི་རིག་གཞུང་ཉམས་ཞིབ་ཀྱི་ཆེད་བོད་དང་འབྲེལ་བ་ཆགས་བཞིན་ཡོད་ལ།

དེ་ལས་མང་བ་། “སོག་པོ་ནི་ནང་པའི་རྒྱལ་ཁབ་ཙམ་མིན་པ་བོད་དང་རིག་གཞུང་གཅིག་པ་ཡིན།” »

ཨ་རིག་འགྱུར་མེད་ཀྱིས་ ༢༠༡༡ ལོའི་ཟླ་ ༡༡ ཚེས་ ༡༦ ཉིན་གྱི་མཚན་མོར།

ངས་ཐེངས་མང་བོ་མང་བོ་ཞིག་ལ་གློག་ཀླད་ལག་ཏུ་བཟུང་སྟེ། ཅི་ཞིག་འབྲི་འདོད་ཀྱི་ལག་པ་མཐེབ་གཞུང་ངོར་བཞག་པ་ཡིན་ལ།བཤད་ན་འདོད་པ་དང་མུད་སྒོར་འཚང་བའི་སྐད་ཆ་མང་བོ་མང་བོ་ཞིག་ཡི་གེར་གཏགས་རྗེས་བསུབས་པ་ཡིན།རྒྱུ་མཚན་མང་བོ་མེད། ངས་ངོ་མ་འགོ་གང་ནས་བཙུགས་ཏེ་མཇུག་ཇི་ལྟར་བསྡུ་དགོས་མིན་མ་ཤེས་པའི་དབང་གིས་ཡིན།ད་ལྟ་ད་དུང་ཡང་ངས་བཤད་ན་འདོད་པའི་སྐད་ཆ་དག་གི་འགོ་གང་ནས་འཛུགས་པ་དང་ཅི་ལྟར་བཙུགས་ན་འོས་འཚམ་ཡིན་མིན་ཤེས་ཀྱི་མི་འདུགངོ་མ་ཤེས་ཀྱི་མི་འདུག ཡིན་ནའང་། མཇུག་མཐར། ངས་ཅིས་ཀྱང་སྐད་ཆ་ཚིག་འགའ་བཤད་རྒྱུར་སེམས་ཐག་བཅད། རྒྱུ་མཚན་གཅིག་ལས་མེད་དེ།དྲ་ཐོག་གི་སྐྱག་འབུ་དག་གིས་བླ་མ་དང་སློབ་མའི་བར་དང་དཔྱད་འདེམས་པ་དང་འགྲན་ཞུགས་པའི་བར་དུ་དཀྲོག་གཏམ་བཟོས་ཡོང་གི་འདུག་ལ།ཁ་བརྡ་དང་དུས་བབ། འོད་དཀར་དྲ་ཚིགས་སོགས་སུའང་ང་གླེང་གི་འདུག་སྟབས་ངས་སྐད་ཆ་འགའ་མི་བཤད་ཐབས་མེད་ཆགས་སོང་།

དེ་ལས་མང་བ་། “མ་བཤད་ཐབས་མེད་ཀྱི་སྐད་ཆ་འགའ།” »

ཕ་ཡུལ་གྱི་བྱ་ར་བ།

ངས་འདི་ནས་རང་ཉིད་ཀྱི་ཉིན་ཐོ་ཞིག་བྲི་རྒྱུའི་འགོ་བཟུང་དུས་སེམས་ཚོར་དམིགས་བསལ་བ་ཞིག་གིས་གཟའ་ཉི་མའི་གླེང་རིན་མེད་པའི་སྒེར་དོན་ཙག་ཙིག་དག་བློ་ལ་མི་དྲན་ཅིང་། ཞེ་མི་འཁོར་བར་དགོང་མོའི་འོད་དཀར་དྲ་ཚིགས་ཀྱིས་གཙོ་བསྒྲུབས་བྱས་པའི་བཙན་བྱོལ་ནང་གི་སྐབས་དང་པོའི་སྙན་ངག་སྒྲོག་སྦྱངས་འགྲན་བསྡུར་ལ་ཞུགས་པའི་སེམས་ཚོར་དག་ཁོ་ན་འཛངས་ཁ་ཤུགས་ཤུགས་འཁོར་ཡོང་གི་འདུག་པས། དེ་ལས་ཅུང་ཙམ་གླེང་ན། ཉེ་སྔོན་གྱི་སྔོན་འགྲོའི་འགྲན་སྡུར་དག་ལ་དངོས་སུ་རང་ཉིད་མཉམ་ཞུགས་བྱས་ཡོད་མེད་ཅི་རིགས་ཡིན་ཡང་དེ་ལ་ཞུགས་པའི་གྲོགས་པོ་གྲོགས་མོ་ཚོར་སྐབས་དེའི་གནས་ཚུལ་རྣམས་དྲིས་ནས་རྒྱུས་ལོན་རབ་རིབ་ཅིག་བྱས་མྱོང་ལ། དོ་དགོང་གི་འདི་བརྩིས་པའི་ཐེངས་གསུམ་ལ་རང་ཉིད་ཀྱང་འགྲན་སྡུར་བྱེད་བཞིན་པའི་ཚོགས་རར་དངོས་སུ་མཉམ་ཞུགས་བྱས་པ་ཡིན།

དེ་ལས་མང་བ་། “འདོད་པ་མ་ཁེངས་ཤོས་དཔྱད་འདེམས་པ་དག་ཡིན།” »

བྲག་རྡོ།
༄༅།། འདི་ལོར་བཙན་བྱོལ་སྤྱི་ཚོགས་ཀྱི་ཁོར་ཡུག་འདི་ནས་ན་གཞོན་གསར་པའི་བཀའ་ཁྲི་དེང་རབས་ཤེས་ཡོན་པ་ཞིག་སྲིད་སྟེགས་སུ་འོས་འདེམས་བྱུང་འཕྲལ་ ༸གོང་ས་མཆོག་གིས་བོད་གཞུང་དགེ་ལྡན་ཕོ་བྲང་གི་ལོ་ངོ་སུམ་བརྒྱ་ལྷག་གི་ཆབ་སྲིད་ཀྱིོ་ཐུགས་འགན་མཚམས་འཇོག་གནང་པ་ནས་བཟུང་རང་ལུས་མེ་རུ་སྒྲོན་པའི་ཚེ་སྲོག་གིས་བདེན་པ་བརྡར་བའི་རྒྱལ་གཅེས་དཔའ་བོ་མང་ནས་མང་དུ་འགྲོ་བཞིན་པ་འདི་ཁ་སང་དེ་རིང་གི་བྱུང་བ་དངོས་ཡིན་སྟབས་འདིའི་ཕྱོགས་དང་ཟུར་མང་པོ་ཞིག་གི་ཐོག་བསམ་གཞིག་ཡང་དང་བསྐྱར་དུ་བྱེད་དགོས་ངེས་ལ་སོང ་། གོ་ལ་ཧྲིལ་བོའི་སྟེང་གི་སྲིད་དོན་པ་ཡིན་མིན་ལ་མ་ལྟོས་པར་འུ་ཅག་བོད་པ་ཚང་ལ་བཟང་ངན་གང་ལྟར་འབྲེལ་ཡོད་ཞིག་ཡིན་ཕྱིན་དོ་སྣང་མི་བྱེད་རིང་བྱེད་ཆགས་ཡོད་།

དེ་ལས་མང་བ་། “རྩོམ་པ་པོ་ཚོ་ཨེ་གོ་ཐལ།” »