ཉི་མ་རྒྱལ་མཚན།
རྨི་ལམ་ལགས།
ངས་ཁྱེད་ལ་སེམས་ཁོངས་ནས་བཞུར་བཞིན་པའི་རེ་བ་དང་ཡིད་ཆེས། ལྷད་མེད་ཀྱི་བརྩེ་སེམས། བདེ་སྐྱིད་ཀྱི་རྟེན་གནས། མི་ཚེའི་སྙིང་དོན་རྣམས་བཅོལ་འདོད་ཀྱང་། དེ་ནི་ངའི་རྨི་ལམ་རེད། གང་ཡིན་ཟེར་ན། ངའི་བྲིས་པའི་ཡི་གེ་ལ་ཁྱོད་ཀྱི་ཡིག་ལན་རྒྱག་འདོད་མེད་པ་དང་གདེང་འཇོག་བྱེད་ཀྱི་མེད་པར་ཤེས་པས་རེད།
རྨི་ལམ་ལགས།
དུས་དེ་ནས་བཟུང་། ངའི་སེམས་པ་དེ་སྨག་རུམ་ཞིག་གིས་བསྟུམ་སོང་ལ་བསྲན་མ་ཐུབ་པའི་ན་ཟུག་ཞིག་གི་རྒྱུན་མཐུད་སོང་ལ། ད་དུང་ཉལ་དུས་གཉིད་དང་ཟས་ལ་བཅུད་མེད་པར་གྱུར་སོང་།
ཆབ་མདོ་ངག་ཕུན།
ཀ༵་ཡེ་གསོན་དང་སྐལ་ལྡན་རིགས་ཀྱི་བུ།།
ཁ༵་ཞེན་མེད་པའི་ཡིག་ཆུང་འདི་ལ་གཟིགས།།
ག༵་ནས་བལྟས་ཀྱང་རང་དབང་མེད་གྱུར་ན།།
ང༵་ཚོའི་དཀའ་སྡུག་འདི་དག་རྟོགས་པ་ཡིན།།
ཅ༵་ཅོ་དོན་མེད་མ་སྒྲོག་ཤེས་བྱར་བརྩོན།།
ཆ༵་ལུགས་ཡ་རབས་ཕྱོགས་ལ་བརྩོན་པར་རིགས།།
ཨེ་མ་ཧོ།
༧ཀུན་མཁྱེན་ཀློང་ཆེན་རབ་འབྱམས་སམ་ཀུན་མཁྱེན་ཚུལ་ཁྲིམས་བློ་གྲོས་དཔལ་བཟང་པོའི་བསྟོད་གསོལ་མགུལ་རྒྱན་རིན་པོ་ཆེ་ཞེས་བྱ་བ།
ན་མོ་གུ་རུ་བུདྡྷ་ཛྙྰ་ན་ཤཱི་ལ་མ་ཏི་ཡེ།
རྒྱལ་ཀུན་སྤྱི་གཟུགས་པད་འབྱུང་དགོངས་བརྒྱུད་མ་ལུས་ཐུགས་ལ་བཀྲ་ལམ་མེ།།
མདོ་སྔགས་བསྟན་བདག་ཞི་འཚོའི་སྲོལ་རྒྱུན་འཚེ་མེད་དགེ་ཚོགས་ཤིས་ལྷང་ངེ་།།
བསྟན་སྲིད་རིག་པའི་ཆོས་རྒྱལ་ཆེན་པོ་ཁྲི་སྲོང་རྒྱལ་ཚབ་བདེ་ཆེམས་སེ།།
ཀུན་འདུས་ཀུན་མཁྱེན་ཚུལ་ཁྲིམས་བློ་གྲོས་གངས་ཅན་རྒྱན་དུ་ལེགས་ཕེབས་སོ།།
འབའ་སྲས།
སྐད་འཕྲིན་ཞེས་པ་འདི་སྤྱི་ཚོགས་སུ་དར་ཁྱབ་བྱུང་བ་ནས་བོད་ཕྱི་ནང་གི་མི་ཧ་ཅང་མང་པོ་ཞིག་སྐད་འཕྲིན་གྱི་དྲ་ངོས་འདིར་ཕྱོགས་གཅིག་ཏུ་འཛོམས་ཏེ་སྐད་ཆ་ཅི་རིགས་ཀྱི་གཏམ་གླེང་བ་ལ་སྤྲོ་ནས་ཉིན་མཚན་ཇི་ལྟར་འདས་པའང་ཤེས་བཞིན་མེད། དེ་དག་གི་ནང་དུ་དགོས་མེད་དོན་མེད་ཀྱི་ཉོག་གཏམ་གླེང་བ་དང་། ཁ་མིང་སྣ་མིང་བཏགས་ནས་ཕན་ཚུན་ལ་སྐྱོན་རྒྱག་རེས་རྐྱང་རྐྱང་གིས་ཉི་མ་བསྐྱེལ་བཞིན་ཡོད་པ་ཡང་ཉུང་ཉུང་མིན། ད་དུང་གླུ་ལ་གཞས་གཙོས་སྣང་བ་སྐྱིད་པོ་རང་ལ་མགོ་འཁོར་ནས་བསྒྲུབ་དགོས་པའི་བྱ་བ་མང་པོ་ཞིག་གི་དུས་ཚོད་འཐུས་ཤོར་དུ་གཏོང་བཞིན་ཡོད་ལ།
ཕྱི་ཟླ་༢ ཚེས་༡༣ ཨ་མདོ་རྔ་བ་ནས་རང་ལུས་མེར་སྲེག་གཏོང་བཞིན་རྒྱ་གཞུང་གིས་བོད་ཐོག་འཛིན་པའི་སྲིད་བྱུས་ལ་ངོ་རྒོལ་གནང་མཁན་རྒྱལ་གཅེས་དཔའ་བོ་བློ་བཟང་རྡོ་རྗེ་ལགས་ཕྱི་ ཚེས་༡༦ ཉིན་རྔ་བ་རང་སྐྱོང་ཁུལ་གྱི་ལྟེ་གནས་འབར་ཁམས་སྨན་ཞིག་ཁང་ནང་འདས་གྲོངས་སུ་གྱུར་ཡོད་པ་དང་། ནང་མིས་འབྲེལ་ཡོད་ཚང་མར་སྐུ་ཕུང་ནང་མིར་སྤྲོད་དགོས་པའི་རེ་བ་ནན་གྱིས་བཏོན་ཀྱང་། སྐུ་ཕུང་ནང་མིར་རྩིས་སྤྲོད་བྱས་མེད་པར་རྒྱ་གཞུང་གིས་མེར་སྲེག་བཏང་ནས་རུས་ཐལ་ཡིན་ཟེར་བ་ཞིག་སྤྲད་ཡོད་འདུག
དེ་ལས་མང་བ་། “རྒྱལ་གཅེས་དཔའ་བོ་བློ་བཟང་རྡོ་རྗེ་སྐུ་གྲོངས་འདུག” »
ནམ་མཁའ།
ཨ་རོགས་དྲ་བའི་སྟེང་གི་རིག་པའི་གྲོགས།།
ཧ་ཅང་འཛུམ་པའི་རིག་པའི་བུ་མོ་དང་།།
ས་མཐའི་སྐྱིད་སྡུག་རི་མོ་འབྲི་ཞོར་དུ།།
ཤ་ཆང་མཚོ་མོ་རོལ་ལ་སྤྱོད་འདོད་ཀྱིས།།
ལ་ལུང་ཀུན་ཏུ་ཆོས་མིན་སྤེལ་མཁས་པའི།།
རྭ་ལྟར་གྱོང་བའི་གཡོ་ཅན་སྤྲུལ་རྫུན་ཡིས།།
ཚེ་བཀྲ།
ཉིན་འདི་ཚོར་ངོ་ཤེས་མིན་གཉིས་ཀྱི་སྤྱི་འཐུས་འོས་ཤོག་སློང་ཡིག་སྣ་ཚོགས་སྐད་འཕྲིན་དང་ངོ་དེབ་སོགས་བརྒྱུད་དེ་གད་སྙིགས་བཞིན་སྤུངས་ནས་ཡོང་དུས། མང་གཙོ་ཟེར་བ་འདི་ཡང་སྙིང་བསམ་བློའི་ཁོ་ལག་རྫོགས་པའི་མི་སྡེ་ཞིག་མིན་ཚེ། གྲལ་ནས་རྩོག་ཐུབ་མིན་གྱི་བྱིས་པ་ཚུན་ཆུད་འོས་མིར་འཇོག་མི་སྲིད་པའི་ངེས་པ་མེད་རྐྱེན། མང་གཙོའི་ཁྲིམས་སྲོལ་ལམ་ཚད་གཞི་ཞིག་གི་ཚད་དང་ཚོད་ཅིག་དགོས་གལ་ཆེ་བར་འདོད་བྱུང་ལ། མི་བུ་རེ་རེའི་སེམས་ངོར་འབབ་པའི་འོས་མི་གཅིག་པོའང་ལག་ནས་འཕྲོག་གྲབས་བྱེད་པའི་ཧམ་གཏམ་གཡོ་སྒྱུ་ཅན་ཡང་གང་སར་རླུང་བཞིན་རྒྱུ་བས་དངངས་སྐྲག་རེའང་ཞོར་དུ་སྐྱེས།
ཨེ་ཝྃ་རིག་པ།
ཉམས་ལེན་གསེར་གྱི་རིན་ཆེན་དང་བྲལ་ན།།
འཇིག་རྟེན་འདི་ལ་སུན་སྣང་དབང་མེད་ཡོད།།
ཉིན་རེའི་དགའ་སྡུག་ཆུ་ཡི་གཉེར་མ་བཞིན།།
ཁ་སང་ནང་བཞིན་དེ་རིང་དུས་ཚོད་ཤོར།།
ཚུར་ལ་གསོན་དང་རིགས་མཐུན་སྤུན་གྲོགས་ཚོ།།
འུ་ཅག་མི་ཡུལ་མགྲོན་པོ་ཤ་སྟག་ཡིན།།
ལྷ་རྩེའི་ཁུ་བྱུག
དབྱངས་ཀྱི་གེ་སར་སྒྲ་ལ་དྲངས།།
སྙན་ངག་པདྨ་ཞལ་ལ་བབས།།
ངག་རིག་ཉི་འོད་ལ་འཁྱིལ་བའི།།
སྙིང་གི་ངང་མོ་ལུས་དཀར་མ།།
སྙན་ཚིག་མེ་ཏོག་སྐུད་པ་ཡིས།།
ངག་གི་འཁྲི་ཤིང་ལ་དཔྱངས་པའི།།
མཁོ་སྤྲོད་པ། རྔ་བ་མཁས་གྲུབ།
ཉིན་རེའི་འཚོ་བའི་ནང་ཕྱི་རྒྱལ་དུ་ཡོད་པའི་ཕ་མས་བྱིས་པར་བོད་སྐད་སློབ་པའི་ཐབས་ཤེས་བཅོ་བརྒྱད།
༡༽ བཟོད་བསྲན་དང་སྙིང་རུས་ཡོད་དགོས།
༢༽ ཕ་མ་གཉིས་ཐུན་མོང་གི་འབད་བརྩོན་ལ་བརྟེན་ཏེ་ཁྱིམ་ཚང་ནང་དུ་བོད་སྐད་བཤད་སའི་ཁོར་ཡུག་ཅིག་བསྐྲུན་པ་དང་། བྱིས་པའི་རྒྱུད་ལ་བོད་སྐད་བཤད་པའི་གོམས་གཤིས་རྒྱུན་འཇགས་བྱ་དགོས།
༣༽ ཕ་མ་གཉིས་ཀྱི་ནང་ནས་གཅིག་གིས་མ་གཏོགས། བོད་སྐད་ཡག་པོ་མཁྱེན་གྱི་མེད་ན། བོད་སྐད་ཡག་པོ་ཤེས་མཁན་དེས་བྱིས་པར་བོད་སྐད་ཁོ་ན་བཤད་པ་ལས། བྱིས་པའི་ཁོར་ཡུག་ནས་སྐད་རིགས་གཞན་པ་རྩ་བ་ནས་བཤད་མི་ཉན།
དེ་ལས་མང་བ་། “བྱིས་པར་བོད་སྐད་སློབ་པའི་ཐབས་ཤེས་བཅོ་བརྒྱད།” »
སྤྲོ་ཚིགས་ཆོས་གྲགས།
༸ བོད་ཡུལ་མྱ་ངན་མེད་པའི་རྒྱལ་ཁམས་སུ། །
གཤེན་རབ་མི་བོའི་ཐུགས་རྗེའི་སྒྱུ་འཕྲུལ་ལས། །
རྣམ་པར་བཞད་པ་གཡུང་དྲུང་བོན་གྱི་ལུགས།།
ཡབ་མེས་ཕ་ཆོས་འཛིན་པའི་སྡེ་རྣམས་རྨད། །
དབུ་རྨོག་བཙན་པོས་མཐའ་བཞི་དབང་དུ་བསྡུས། །
མཁས་མཛངས་བློ་ཡིས་དམ་ཆོས་སྒྲོན་མེ་སྤར། །
དེ་ལས་མང་བ་། “མདོ་སྨད་རྔ་གཡང་ཕྱུག་མོའི་རིས་མེད་དགོན་སྡེ་ཁག་ལ་བསྔགས་པ་ཡིད་ཀྱི་རང་སྒྲ།” »
ཡུམ་བུ་བླ་མཁར་བོད་ཀྱི་ཐེབས་རྩ།
ཧྥ་རན་སིའི་རྒྱལ་ས་ཕ་རེ་སིར་རྟེན་གཞི་བྱས་པའི་ཡུམ་བུ་བླ་མཁར་བོད་ཀྱི་ཐེབས་རྩ་ནི་བོད་ཀྱི་རིག་གཞུང་དང་དེང་དུས་ཤེས་ཡོན་སློབ་སྦྱོང་སོགས་སློབ་གཉེར་མཐའ་འཁྱོལ་གནང་མཁན། བོད་མིའི་སྤྱི་ཚོགས་ལ་ཕན་པའི་དམིགས་བསལ་གྱི་ཆེད་ལས་ལས་གཞི་གཉེར་མཁན། དེ་བཞིན་འཚོ་གནས་ཉམས་ཐག་དང་འཕྲོད་བསྟེན་དཀའ་ངལ་སོགས་བོད་པའི་སྤྱི་ཚོགས་ཁྲོད་དངོས་ཡོད་དཀའ་ངལ་ཡོད་རིགས་ལ་རོགས་ཕན་མཐུན་འགྱུར་ཞུ་རྒྱུ་རྩ་བའི་དམིགས་ཡུལ་དུ་བཟུང་པའི་ཁེ་མེད་རོགས་སྐྱོར་ཐེབས་རྩ་ཞིག་ཡིན།
དེ་ལས་མང་བ་། “ཡུམ་བུ་བླ་མཁར་བོད་ཀྱི་ཐེབས་རྩའི་ཕྱི་ལོ་༢༠༡༤ལོའི་སློབ་ཡོན་ཁ་གསབ་རོགས་སྐྱོར།” »
མཁོ་སྤྲོད་པ། རྨེའུ་དཀོན་རྒྱམ།
དེ་རིང་ཉིན་རྒྱབ་བོད་ཀྱི་དགུ་བཅུ་གསུམ་ལས་འགུལ་ཚོགས་པའི་ཟླ་གཅིག་ལྷག་གི་དགུན་དུས་བོད་ཡིག་ཟབ་སྦྱོང་མཇུག་བསྡུས་སོང་། དེ་རིང་ཉིན་རྒྱབ་ཆུ་ཚོད་༢ པ་ཙམ་ལ། བོད་ཀྱི་དགུ་བཅུ་གསུམ་ལས་འགུལ་ཚོགས་པའི་འགྲེམས་སྟོན་ཁང་དུ། ཟླ་༡ དང་ཟླ་ཕྱེད་ཀྱི་བོད་སྐད་ཡིག་གི་ཟབ་སྦྱོང་མཇུག་བསྡོམས་ཀྱི་མཛད་སྒོ་ཚོགས་ཏེ། ཟབ་སྦྱོང་ནང་ཞུགས་པའི་སློབ་མ་ཚོར་ལག་འཁྱེར་སྤྲད་སོང་། ཐེངས་འདིའི་ཟབ་སྦྱོང་ནང་བོད་པའི་སློབ་གྲྭ་ཁག་འདྲ་མིན་ནས་ཁྱོན་སློབ་མ་༣༠ ལྷག་མཉམ་ཞུགས་བྱས་ཡོད་པ་དང་།
གྲིབ་གཟུགས།
ཙན་དན་དྲི་ཡི་ངད་པ་འཐུལ་བའི་ལྷོ་ཡི་རླུང་གི་རྒྱུ་བའི་འོག།
མཚམས་སྤྲིན་ཕག་གི་ཉི་མ་གཞོན་ནུ་འཇིག་རྟེན་ལྟད་མོར་ཆས་པ་ཡི།།
ཞོགས་པ་དེ་ནི་ནམ་ཡང་བདག་གི་དྲན་པའི་ངོས་སུ་བརྐོས་པ་སྟེ།།
མིག་ཤེལ་ཅན་གྱི་མཛེས་མའི་འཛུམ་མདངས་ཁོ་བོའི་མིག་ལ་ཐོགས་པས་སོ།།
ཧོབ་དེ་ལྟ་དུས་སྙིང་ཁམས་གཡོ་བའི་ཆགས་ཉམས་དོད་པོ་ཅང་མེད་ཀྱང་།།
ཞིབ་ལྟ་བྱེད་དུས་མཛེས་མའི་ཁྱད་ཆོས་ལུས་པ་མེད་པ་ཁྱོད་ལ་རྫོགས།།
གསལ་ལེ་རྒྱལ་དང་འབའ་སྲས།
གསལ་ལེ་རྒྱལ།
ཀ་ཁ་ཆ་བོ་ཤེས་ནོའི་བཀའ་དྲིན་ན།།
ཁ་ནས་ཅི་བཤད་འདི་བཤད་མེད་གི་ར།།
ག་ཡང་སྙན་ངག་པ་ཡི་ཚུགས་ཀ་ཞིག།
ང་ཡིས་བལྟས་ན་ཕལ་ཆེར་ཡིན་ས་རེད།།
ཅ་པ་ལེ་ཞིག་ཟ་རྒྱུ་ཡོད་རྒྱུ་ན།།
ཆ་རྐྱེན་གཞན་པ་ཅི་ཡང་མེད་རྒྱུ་ན།།
ཨོ་རྒྱན་ཉི་མ།
སྟུ་མཇེ་རིན་པོ་ཆེ་ལ་ཕྱག་འཚལ་ལོ།
ཀ་ར་ལས་ཞིམ་དཀར་འཇམ་གྱི་ལུས་ལ།།
ཁ་རྐུབ་མེད་པར་ལྕེ་ལྡག་གིས་བྲེལ་ཞིང་།།
ག་ཚོད་སྦྱོར་ཡང་ཁྲོ་གཏུན་དང་འདྲ་བའི།།
ང་ཡི་མཇེ་འདི་བུད་མེད་ཀྱི་ཚེ་སྲོག །
ཅ་ཅོའི་ཅག་སྒྲ་སྟུ་སྒོ་ལས་གྲགས་ཤིང་།།
ཆ་གཉིས་ངར་བའི་གཡའ་ཆུ་དེ་ལུད་ན།།
འབའ་སྲས།
ཀ་ཡེ་སྙན་ངག་ང་མཁས་ཟེར་བ་ཚོ །
ཁ་སྟོང་ནང་གི་ཚིག་སྟོང་མ་སྒྲོགས་ཤིག །
ག་ལེར་བོད་ཀྱི་རིག་གནས་འདང་རྒྱོབས་དང་།།
ང་དང་ཁྱོད་ཀྱིས་ཤེས་པ་ཅི་ཞིག་ལགས།།
ཅ་དག་ཡང་དག་བོད་སྐད་བཤད་མི་ཤེས།།
ཆ་ལུགས་ཀུན་མཐུན་སྤྱོད་པ་འཁུར་མི་ཐུབ།།
གནས་ཚུལ་མཁོ་སྤྲོད་པ། ཀ་ཉག་ཚེ་རིང་།
ཕྱི་ལོ་༢༠༡༤ ཟླ་༡ ཚེས་༡༣ ཉིན་གྱི་བོད་ནང་གི་ཕྱི་དྲོའི་ཆུ་ཚོད་དྲུག་དང་ཕྱེད་ཀ་ཙམ་ལ་རྔ་བ་རང་སྐྱོང་ཁུལ་རྔ་བ་རྫོང་གཅའ་རུ་བ་ཡུལ་ཚོའི་ཕྱུགས་ལས་གོང་མའི་ཕ་ཚེ་དཔག་དང་མ་ན་མེ་སྐྱིད་གཉིས་ཀྱི་བུ་བློ་བཟང་རྡོ་རྗེ། རང་ལོ་༢༥ ཙམ་ཡིན་པ་ཁོང་གིས་རྒྱ་གཞུང་གིས་བོད་ཐོག་འཛིན་པའི་སྲུད་བྱུས་ལ་ངོ་རྒོལ་སྐད་འབོད་གནང་བཞིན་སྐུ་ལུས་མེར་སྲེག་བཏང་ཡོད་ལ། གནས་ཚུལ་དེ་བྱུང་མ་ཐག་རྔ་བ་རྫོང་མཁར་དུ་སྔ་ས་ནས་གྲ་སྒྲིག་བྱས་ནས་ཡོད་པའི་རྒྱ་གཞུང་གི་ཉེན་རྟོག་པ་མང་པོ་འབྱོར་ནས་ཁོང་གི་ལུས་ལ་འབར་བཞིན་པའི་མེ་བསད་དེ་རླངས་འཁོར་ཆུང་ཆུང་སྒམ་ཤིང་ཅན་ཞིག་གི་ནང་དུ་བཞག་ཅིང་སྟེང་ལ་རས་ནག་པོ་ཞིག་བཀབ་ནས་བཙན་ཁྲིད་བྱས་ཀྱང་།
དེ་ལས་མང་བ་། “ཨ་མདོ་རྔ་བར་རང་ལུས་མེར་སྲེག་སྐོར་གྱི་གནས་ཚུལ་ཁ་སྣོན།” »
ཨེ་མ་ཧོ།
ན་མོ་གུ་རུ་བོ་དྷི་ཙིཏྟ་ཡེ།
བསམ་པ་བཟང་པོས་ཀུན་ནས་སློང་བའི་མཐུས།།
ཁ་ཁོག་མཚུངས་པའི་གྲོགས་ལ་གྲོས་ཞིག་འདེབས།།
ཡུལ་དང་དུས་ཀྱིས་བསྐལ་བར་གྱུར་ན་ཡང་།།
དད་གུས་གཙང་མའི་ཚོགས་ཀུན་དལ་ཅིག་གསོན།།
སྙིང་གི་གྲོགས་པོར་འཛིན་རྣམས་ཕེབས་མཛོད་དང་།།
དེ་ལས་མང་བ་། “ཨེ་མ་ཧོའི་གླིང་ཀར་གྲོས་འདེབས་ཟླ་བའི་མེ་ལོང་ཞེས་བྱ་བ།” »
སྐྱོ་བྲག་དགའ་དབང་།
ངེད་གསུམ་མཉམ་དུ་འཛོམས་ན་སྤྲོ་པོ་ཡོད་ངེས་མོད། ཡིན་ནའང་། ལུག་རྫི་ས་མཐར་འཁྱར། གངས་ལྷ་གྲོང་ན་རྒྱུག །ལྷ་རྩེ་རི་མགོར་ཡིབ། མཉམ་འཛོམ་ཟེར་བ་སྟོང་གཏམ་ཙམ་རེད།
གཉོམ་ལུག་རྫི་ཆུང་། རོ་ལྷ་རྩེ་གྱོང་། རླབས་གངས་ལྷ་ཆེ།
ང་ཚོ་མི་སྔུན་ལ་འགྲོ་ན་དཔོན་གངས་ལྷ། ང་ཚོ་དབེན་རི་ལ་བསྐྱོད་ན་བླ་མ་ལྷ་རྩེ། ང་ཚོ་གྱོད་ཁུག་ལ་ལྷུང་ན་གྱོད་པ་ལུག་རྫི་ཡིན་འགྲོ།