མེ་ཏོག་སྒྲོལ་དཀར། འཛིན་རིམ་༡༠ རང་ལོ་༡༤ དཔེ་སྟོན་སློབ་གྲྭ

༡༽ སྤྱིར་ང་ཚོ་སློབ་ཕྲུག་ཅིག་ཡིན་པའི་ཆ་ནས་སྒྲུབ་དགོས་པའི་ལས་འགན་གཙོ་བོ་ནི་སྤྱི་ཚོགས་ནང་གི་མི་ཕལ་པ་བཞིན་དུ་བསམ་བློ་གཏོང་མ་ཤེས་མཁན་དང་ཀུན་སྤྱོད་ཕལ་པའི་ལས་འགན་དེ་མ་ཡིན་པར་སློབ་ཕྲུག་ཅིག་ཡིན་པའི་ཆ་ནས་སློབ་མ་བཟང་པོ་ཞིག་དང་ཡ་རབས་སྤྱོད་བཟང་ཞིག་བྱེད་རྒྱུ་ཧ་ཅང་གལ་ཆེ་ཡིན། ང་ཚོ་སློབ་ཕྲུག་ཚོས་སྤྱི་ཚོགས་ཀྱི་མི་ཕལ་པ་བཞིན་བྱེད་རྒྱུ་མེད་པར་མ་ཟད་མི་གཞན་ལ་མིག་དཔེ་སྟོན་མཁན་ཞིག་བྱེད་དགོས།

དེ་ལས་མང་བ་། “ང་ཚོ་སློབ་ཕྲུག་ཅིག་ཡིན་པའི་ཆ་ནས་སྒྲུབ་དགོས་པའི་ལས་འགན།” »

བྱམས་བརྩེ།

དེ་རིང་སླར་ཡང་ཁོ་བོས་དྲན་འཆར་སེམས་ཐོག་ཏུ་བླངས་ནས་ཡིག་ཐོག་ཏུ་ཕབ་སྟེ་དྲ་གྲོགས་ཚོར་ཀློག་བཅུག་འདོད་ཡོད། རེད་ཡ། སྤུན་ཟླ་ཚོ། ད་སྐབས་བདག་ལ་སྟོང་བསམ་ཞིག་ཡོད་དེ། དེ་ནི་ངའི་རྨི་ལམ་ཡིན་ལ། དེ་ནི་ངའི་རེ་བའི་དམིགས་འདུན་ཉག་གཅིག་ཀྱང་ཡིན། འོན་ཀྱང་། ཁོ་བོའི་སྟོང་བསམ་དེས། རྨི་ལམ་དེས། བདག་ལ་མཚན་མོའི་གཉིད་ཀྱི་བདེ་བ་འཕྲོག་ཅིང་། ཉིན་མོར་ཟས་ཀྱི་བྲོ་བ་མ་ཚོར་བའི་ཚད་དུ་སྐྱེལ། ད་དུང་། མངོན་འགྱུར་ཐུབ་པར་དཀའ་བའི་སྟོང་བསམ་དེས་ཉིན་ལྟར་ངའི་ལུས་ངག་གི་བྱ་སྤྱོད་མཐའ་དག་སྙིང་པོ་མེད་པ་རུ་བསྒྱུར་ཏེ། བདག་སེམས་རྟ་ཕོ་དེའི་འགྲོ་འདུག་གི་རང་དབང་ཡོངས་སུ་འཕྲོག་ཅིང་། བཙན་གྱིས་འདེད་དེ་བཙོན་དུ་བསྒྱུར་སོང་།

དེ་ལས་མང་བ་། “འཆར་སྣང་གི་རྨི་ལམ།” »

རྔ་རྒོད།

ང་ལ་མཚོན་ན་དེ་རིང་ནི་བཀྲ་ཤིས་དོན་བཟང་གི་ཉི་མ་ཞིག་སྟེ། ལས་ཀྱིས་བསྐོས་པའི་རང་གི་བུ༼ལས་བསྐོས༽ཀྱི་སྐྱེས་སྐར་ཉིན་མོ་དེ་རེད། དེའི་ཕྱིར། དེ་རིང་ཞོགས་ཀར་ཉི་མ་རི་རྩེར་ཤར་པ་དང་མཉམ་པོར། རྡུང་ལེན་མཁན་ཁོ་བསྟན་གྱི༼སྐྱེས་སྐར༽ཞེས་པའི་རྡུང་ལེན་འོད་སྡེར་དེ་མདུན་གྱི་བརྙན་འཁོོར་དེའི་ནང་ནས་ལྟ་ཉན་བྱེད་ཞོར་དང་རྩེད་ཞོར་ལ། ཁ་རྩང་ཕ་མས་ཉོས་པའི་ལེགས་སྐྱེས་འགའ་དང་། ལྷག་པར་དུ་བརྩེ་དུང་མཚོན་བྱེད་དེ་སྙིང་གི་དབྱིབས་ཅན་གྱི་ཐུད་དམ་cake ཟེར་བའི་མངར་ཟས་སོགས་བུ་འདི་ལ་སྤྲད་པས། བུ་ལས་བསྐོས་རང་གི་འདོད་པ་དེ་ཅུང་ཁེངས་ཡོད་པ་སོགས་རྟོགས་ཐུབ།

དེ་ལས་མང་བ་། “ཕ་བུའི་སྐྱེས་སྐར།” »

སྐྱོ་བྲག་དགའ་དབང་།

དིང་སང་བོད་ནི་གླུ་གར་གྱི་རྒྱ་མཚོ་ཞེས་པ། དོན་མེད་ཀྱི་འུར་འགྲོགས་ཙམ་ཞིག་མིན་པར་བོད་ལ་གླུ་གར་གྱི་རིགས་ཆེས་མང་བ་སྟེ། གླུ། གཞས། མགུར། གདངས། དབྱངས། ད་དུང་གྱང་རྡུང་བ། འབྲི་བཞོ་བ། ཕྱིང་པ་བརླིང་བ་སོགས་ལས་རིགས་འདྲ་མིན་མང་པོ་ཞིག་ལ་དབྱངས་ཚིག་མ་འདྲ་བ་མཐའ་ཡས་སོ། །

གླུ་ནི་སྐད་ཤུགས་ཆེན་པོས་ལེན། གཞས་ནི་འབྲིང་པོས་གཏོང་། མགུར་གདངས་དབྱངས་རྣམས་ནི་དལ་བོས་འཐེན།

དེ་ལས་མང་བ་། “གླུ་གར།” »

བསྟན་འཛིན་ཚེ་བརྟན་ཆེ་བ། རང་ལོ་༡༥ འཛིན་རིམ་༡༠ དཔེ་སྟོན་སློབ་གྲྭ

ཉིན་མོ་དེར་ངས་གསེར་མདོག་ཅན་གྱི་ཉི་མ་ལ་བལྟ་སྐབས་ཁོང་གིས་ཞེན་ཆགས་དང་འཁྲེང་སེམས་ཀྱི་སྒོ་ནས་རི་རབ་རྒྱབ་ལ་ནུབ་སོང་ལ། དེ་ནས་རིམ་བཞིན་བུ་མོ་ངས་གནམ་མཁར་བལྟས་པ་ན། བྱ་བྱིའུ་རྣམས་རང་གནས་སུ་ངལ་གསོ་བར་བསྐྱོད་བཞིན་འདུག་ལ་ཐོག་ཁང་འོག་གི་མ་མ་ཚང་མས་རང་ཉིད་ཀྱི་བྱིས་པ་རྣམས་ལ་དགོང་ཟས་བཟའ་བར་ཤོག་ཅེས་སྐད་འབོད་བྱེད་ཀྱིན་འདུག་ལ། མྱུར་ཞིང་བྱིས་པ་ཆུང་ཆུང་རྣམས་ངོ་ལག་གཙང་མ་བཟོས་ནས་དགོང་ཟས་བཟའ་བར་ཕྱིན།

དེ་ལས་མང་བ་། “ངའི་རྨི་ལམ།” »

སྒྲོལ་མ་བཟང་མོ། རང་ལོ་༡༥ འཛིན་རིམ་༡༠ དཔེ་སྟོན་སློབ་གྲྭ

ཞོགས་ཁའི་མལ་ནས་སད་མ་ཐག་ཕྱིའི་ཁོར་ཡུག་ལ་བལྟས་ཚེ་ནམ་མཁའ་སྔོ་ཐིང་ཐིང་ཞིག་ལ་ཤར་ནུབ་ཀྱི་རི་ཕྱོགས་ནས་རྟ་བདུན་དབང་པོ་སེར་ཞིང་སྒོར་ཟླུམ་འདྲ་བ་ཤར་བཞིན་འདུག། ངས་མིག་ཆུང་དེ་ག་ལེར་ནམ་མཁའ་བལྟས་ཚེ་བྱ་བྱིའུ་དེ་དག་དགའ་སྐྱིད་དཔལ་ལ་རོལ་བཞིན་གནས། ན་ཆུང་བྱིས་པ་རྣམས་ཀྱང་སྔར་དང་མི་འདྲ་བར་སེམས་པ་དེ་ཚོ་ལྷ་ཡུལ་ལ་སླེབས་པ་བཞིན་དགའ་སྤྲོས་ཁེངས། ཕྲུ་གུ་རྣམས་ཀྱང་སློབ་གྲྭས་ཐོག་ཏུ་རང་ཉིད་ཀྱི་བསུ་བའི་སྤུན་མཆེད་རྣམས་རེ་སྒུག་བྱས་ནས་བསྡད།

དེ་ལས་མང་བ་། “ང་དང་ངའི་དགུན་ཁའི་འགྲུལ་བཞུད་རིང་མོ།” »

དོན་འགྲུབ་བཀྲ་ཤིས།

ལྷོ་རོང་ཡུལ་དུ་འཆར་བའི་གཙང་བོའི་འབོད་སྒྲ དུས་ཚོད་ཀྱི་སྦུགས་སུ་འཚང་བའི་འབྲི་དེབ་སྲབ་པོ་ཞིག་གི་བར་གསེང་དུ་བརྡོལ་བའི་ཆུ་མིག་ཅིག་གི་ན་ཟུག་རུམ་གྱིན། སྨྱུག་གུ་ནག་ཆུང་གི་ཉི་གཞོན་གྱི་བྲང་གཞུང་དུ་རྩྭ་ཆུའི་ལོངས་སྤྱོད་ལ་དྲན་པ་གླན། ལམ་འགྲམ་གྱི་ཁྱི་གུ་དེས་མི་སྐད་རྒྱག་པའི་ཡིད་ཆེས་མཐུག་པོ་སྤྲིན་པ་སྤར་མོ་གང་གི་མཁའ་ན་གར་གྱིས་རྩེན། ཁ་བའི་རྡུལ་རྩེག་གི་མིག་ཟུང་འོག་ཏུ་དམར་རྗེན་གྱིས་འཚོ་བའི་དྲན་པའི་རུས་རྐང་གི་ལོ་ཟླ། ཁ་སང་དང་དེ་རིང་གི་བར་ན་ཉམས་ཆུང་ངང་ངང་ཆུང་གིས་འཚོ།

དེ་ལས་མང་བ་། “མིག་ཟུང་ལས་ལུད་པའི་ཚོར་བ་སྐམ་པོ།” »