ཁང་གསར་རྡོ་རྗེ།
བཙན་བྱོལ་སྤྱི་ཚོགས་ནང་། ད་ལོ་སྲིད་སྐྱོང་འོས་བསྡུའི་ཐད་དཔྱད་གླེང་བྱེད་མཁན་ཉུང་། ཅུང་ཟད་ཡོད་པ་དག་ཀྱང་སྤུས་ཀ་ཞན། ཁོ་བོ་དྲ་ལམ་དུ་ཐོན་ན། ཚིག་རྩས་གཞན་སྙིང་གཙེ་བས་དྲ་དམག་ཞར་དུ་འབྱུང་། དེ་ལ་འཛེམས་ནས་ད་བར་ཅི་ཡང་མ་བྲིས། ད་ནི་མ་བྲིས་ན། སྟོང་ཆ་ཆགས་འགྲོ་ལ་འགན་མ་ཁུར་བ་ཞིག་ཏུའང་སྣང་བས་ན། འདི་ན་མདོར་ཙམ་ཞིག་གླེང་བར་བྱའོ།།
བཙན་བྱོལ་བོད་མིའི་སྲིད་སྐྱོང་གི་འོས་བསྡུ་འདི་སྤྱི་ཡོངས་ནས་བཤད་ན་ཡག ཡག་པོ་རེད་ཟེར་དོན་ནི། གནད་དོན་གསུམ་གྱི་ཐད་ནས་ཡིན། དང་པོ་ནི་བོད་པ་
ཁང་གསར་རྡོ་རྗེ།
དེང་སང་རྡ་ས་དང་། དེའི་ནང་ནས་ཀྱང་གངས་ཅན་སྐྱིད་གཤོངས་སུ། ཨ་ནི་སྙིད་མོའི་སྐོར་ལབ་གླེང་བྱེད་བཞིན་འདུག །
ཨ་ནི་སྙིད་མོ་ནི་བོད་ཀྱི་གཏམ་བརྒྱུད་གྲགས་ཅན་སྣང་ས་འོད་འབུམ་ནང་གི་བུད་མེད་མི་སྣ་ཞིག་རེད། མོས་རང་གི་ཁེ་ཕན་གྱི་ཆེད་དུ་དཔོན་པོ་སྒྲ་ཆེན་དང་། སྲས་གྲགས་པ་བསམ་གྲུབ། སྣང་ས་འོད་འབུམ་བཅས་ཀྱི་བར་དུ་དབྱེན་སྦྱོར་དང་དཀྲུག་ཤིང་བརྒྱབ་སྟེ་མཐར་སྣང་ས་འཆི་ལམ་དུ་བསྐྱལ་བ་དང་། སྣང་སའི་སྲས་ལྷ་བུ་དར་པོ་ད་ཕྲུག་ཏུ་བསྒྱུར། བོད་མི་ཚོས་གཏམ་བརྒྱུད་འདི་བོད་ལ་དངོས་སུ་བྱུང་བར་ཡིད་ཆེས་བྱེད་པ་མ་ཟད།
ཁང་གསར་རྡོ་རྗེ།
ཡོངས་གླིང་སློབ་གྲྭའི་རྩོད་གཞི་དེ་ཐོན་ནས་ལོ་ཟླ་གང་ཙམ་ཞིག་སོང་། རྩོད་གཞི་དེ་ཞུ་རྩོད་བྱེད་ས་དང་ཐག་གིས་གཅོད་ས་ཁྲིམས་ཞིབ་ཁང་ན་ཡིན་རུང་། གླེང་རྙོག་རྒྱུན་མི་ཆད་པར་ཐོན་ས་བོད་མི་མང་སྤྱི་འཐུས་གྲོས་ཚོགས་ནང་རེད། གླེང་རྙོག་དེ་ལོ་ལྟར་གླེང་ཙམ་གླེང་ཙམ་བྱེད་མཁན་ལ་བལྟས་ན། སྐྱེ་ཁུངས་མདོ་སྟོད་ནས་ཡིན་པའི་སྤྱི་འཐུས་འགའ་རེད། དེ་མིན་སྐྱེ་ཁོངས་ཨ་མདོ་དང་དབུས་གཙང་ནས་ཡིན་པའི་སྤྱི་འཐུས་གཞན་གྱིས་དེའི་སྐོར་གླེང་བ་ཁོ་བོས་ནི་མ་མཐོང་། དེ་ལ་དམིགས་བསལ་རྒྱུ་མཚན་ཡོད་སྲིད་ཀྱང་ང་ཚོས་ཤེས་ཀྱིན་མེད།
ཁ་མཆུ་དེ་ཡོངས་གླིང་སློབ་གྲྭའི་བདག་ཐོབ་སྐོར་ནས་ཡིན་
(དྲ་རོགས་ཤིག་གི་དྲི་བར་་ལན་དུ་ཕུལ་བ།)
ཁང་གསར་རྡོ་རྗེ།
རང་ཉིད་དཀའ་ངལ་དེའི་འོག་ཡོད་དུས། གཞན་རྣམས་དཀའ་ངལ་དེ་ལས་འདྲེན་པའི་ནུས་པ་མེད་ཟེར་བ་དེ་ཕྱོགས་གཅིག་རེད་ལ། རང་ཉིད་དཀའ་ངལ་དེའི་འོག་ཡོད་ན། གཞན་རྣམས་དཀའ་ངལ་དེ་ལས་ཐར་ཐུབ་པ་བྱེད་ཐུབ་ཟེར་མཁན་ཡང་ཕྱོགས་གཅིག་རེད།
ཕྱོགས་དང་པོ་དེ་ལ་བདེན་པ་ཡོད་དེ། ནུབ་ཕྱོགས་སུ་ཡོད་པའི་བོད་མི་ཕལ་མོ་ཆེ་ནི། ཤེས་ཡོན་དམན་ཞིང་མཐོ་རིམ་ཆེད་ལས་ཀྱི་ལག་རྩལ་ཞན་པས།
ཁང་གསར་རྡོ་རྗེ།
བཀའ་ཤག་གིས། ལོ་རྗེས་མ་དུས་དབང་གི་སྦྱིན་བདག་གནང་རྒྱུ་ཡིན་པའི་གསལ་བསྒྲགས་གནང་བ་དང་། སྤྱི་ཚོགས་ནང་། སྲིད་སྐྱོང་གིས་དུས་དབང་གི་སྦྱིན་བདག་བྱེད་པའི་གོ་སྐབས་བཟུང་སྟེ། རང་ཉིད་ལ་སླར་ཡང་འོས་ཤོག་ཐོབ་ཐབས་བྱེད་སྲིད་པའི་ཚོད་དཔག་བྱེད་མཁན་བྱུང་ཡོད་པ་མ་ཟད། གྲོས་ཚོགས་ནང་དུའང་། བཀའ་ཤག་གི་ཀུན་སློང་ལ་དོགས་འདྲི་དང་། ཐ་ན་ཅིའི་ཕྱིར་དུས་དབང་གི་སྦྱིན་བདག་དེ་བཀའ་སྤྱི་གཉིས་ཐུན་མོང་ནས་མ་ཞུས་པ་ཅི་རེད་ཅེས་འདྲི་མཁན་བྱུང་ཡོད།
ཁང་གསར་རྡོ་རྗེ།
སྔར་སོང་སྔ་མོའི་བཀའ་ཁྲི།།
སྟག་འདྲ་གཟིག་འདྲ་ཡོད་རེད།།
དེང་སང་སྲིད་སྐྱོང་སེང་གེས།།
ཆབ་སྲིད་རླུང་ལ་བསྐུར་གིས།།
རྒྱལ་སྤྱིའི་ཁྲིམས་ལུགས་མཁས་ཟེར།།
བོད་དོན་ཁྲིམས་ཀྱིས་སེལ་ཟེར།།
ལོ་བཞི་ལོ་ལྔར་ཉེ་ཡང་།།
ཁང་གསར་རྡོ་རྗེ།
༅༅།།བོད་པའི་སྤྱི་ཚོགས་འདིའི་ནང་ལ། རང་གི་ཞེ་གཏིང་ནས་གུས་བཀུར་དང་ཡིད་སྨོན་བྱེད་སའི་མི་ཁ་ཤས་ཡོད་པའི་ནང་ནས་གཅིག་ནི་མཁས་དབང་ཟམ་གདོང་རིན་པོ་ཆེ་ཡིན། ཟམ་གདོང་རིན་པོ་ཆེ་བཀའ་བློན་ཁྲི་པ་ཡིན་དུས། ང་རང་ཁོང་གི་མཛད་བྱུས་ཁ་ཤས་ཀྱི་ཐད་མཐོ་བཤད་དམའ་བཤད་བྱེད་མཁན་ཞིག་ཡིན་པའི་ཆ་ནས། ངའི་སྐད་ཆ་འདི་རིག་དུས་ཀློག་པ་པོ་མང་པོ་ཡ་མཚན་སྐྱེ་སྲིད་པ་རེད། འོན་ཀྱང་ཁོ་བོ་ནི་རྒྱུ་མཚན་ཉིད་དཔང་དུ་བཞག་སྟེ་ལྟ་མཁན་ཞིག་ཡིན་པའི་ཆ་ནས། ཆ་ཐམས་ཅད་ནས་དཀར་བ་དང་། ཆ་ཐམས་ཅད་ནས་ནག་པའི་རྣམ་གཞག་དེ་ཚོ་ཐལ་སྐྱོད་མཐར་ལྷུང་བ་ཚོའི་བྱིས་སྤྱོད་ལས།
༡) དེ་ནི་དྷ་རམ་ས་ལར་རེད། རེད། དྷ་རམ་ས་ལར་རེད། ཕལ་ཆེར་ཕྱི་ལོ་ ༡༩༩༤།༩༥ ལ་ཡིན་ས་ཡོད། ང་དང་མཁས་དབང་ཟླ་བ་ནོར་བུ་མཉམ་དུ་དྷ་རམ་ས་ལའི་ཁྲོམ་སྲང་མྱུལ་དུས། ཇ་ཁང་ཞིག་ནས་མགོན་པོ་ཕྱག་གཉིས་པར་ཐུག་པ་རེད། དེ་དུས་ཀྱི་སྐད་ཆ་ཧ་ཅང་ཐུང་། མགོན་པོ་ཕྱག་གཉིས་པས་ལག་མགོའི་ཕྲེང་བར་འཕུར་བཞིན། ཁ་ནས་ཆོས་ལ་ངོ་རྒོལ་འདྲ་བོའི་སྐད་ཆ་འགའ་བཤད། ད་དུང་ཚེ་དབང་རྟ་མགྲིན་གྱིས་བསྒྱུར་བའི་བོད་ནང་ལོ་བདུན་ཞེས་པ་དེར་ཞུ་དག་བྱེད་བཞིན་ཡོད་ཟེར། རེད། དེ་ཙམ་རེད། དེ་ལས་གཞན་ཅི་ཡང་མི་དྲན།
ཁང་གསར་རྡོ་རྗེ།
༅༅།། མཁས་དབང་ཟམ་གདོང་རིན་པོ་ཆེ་བཀའ་བློན་ཁྲི་པའི་ཁྲི་ལ་མ་འཁོད་ཀྱི་བར་དུ། སྤྱི་ཚོགས་ནང་། རང་བཙན་གཙང་མ་ཟེར་ནའང་མང་ཚོགས་ཀྱིས་རྒྱབ་སྐྱོར་བྱེད་ཤག་ཤག་དང་། དབུ་མའི་ལམ་ཟེར་ནའང་རྒྱབ་སྐྱོར་བྱེད་ཤག་ཤག་ཅིག་ལས། དེ་གཉིས་ཀྱི་གཅིག་ལ་རྒྱབ་སྐྱོར་བྱས་ན། གཞན་དེ་ལ་རྒྱབ་སྐྱོར་བྱེད་མི་འོས་པའི་བསམ་ཚུལ་སྤུ་ཙམ་ཡང་མེད་ཐོག བཙན་བྱོལ་བོད་གཞུང་གི་གཞུང་ཞབས་ཚོ་ཡང་། གཞུང་འབྲེལ་མིན་པའི་ཚོགས་པ་གཞན་གྱི་ཁོངས་སུ་འཛུལ་མི་ཆོག་ཀྱང་། རང་བཙན་གཙང་མའི་འདོད་ཚུལ་འཛིན་མཁན་བོད་ཀྱི་གཞོན་ནུ་ལྷན་ཚོགས་སུ་འཛུལ་བར་དམིགས་བསལ་ལས་དགག་བྱ་ཅི་ཡང་མེད།
དེ་ལས་མང་བ་། “མཐུན་ས་ཞིག་ནས་མི་མཐུན་ས་ཞིག་ཏུ་སུས་བསྒྱུར་དང་སྒྱུར་བཞིན་པ་རེད།” »
ཁང་གསར་རྡོ་རྗེ།
༅༅།། ད་ལྟའི་བཀའ་བློན་ཁྲི་པའི་འོས་མི་གསུམ་ནི། ཐེངས་འདིའི་སྔོན་འགྲོའི་འོས་བསྡུའི་ནང་ནས་ཐོན་པའི་འོས་མི་རྩེ་ཕུད་གསུམ་ཡིན་ལ། ཁོང་གསུམ་ལས་སུ་རུང་ཞིག་འབྱུང་འགྱུར་གྱི་ཟླ་བ་ཁ་ཤས་ནང་བཀའ་བློན་ཁྲི་པར་གྱུར་ངེས་རེད།
༡༽ སེང་གེ།
བློ་བཟང་སེང་གེ་ནི་ངར་ཤུགས་ཀྱིས་ཁེངས་པའི་གཞོན་སྐྱེས་ཤིག་རེད་ལ་དམིགས་ཡུལ་གྱི་ཆེད་དུ་ཅི་ཡིན་ནའང་བྱེད་ཐུབ་མཁན་ཞིག་རེད། དེ་ནི་ཁོང་ལྡི་ལི་ས་གནས་གཞོན་ནུའི་འགན་འཁྱེར་སྐབས་ཡོངས་གྲགས་ཐོག “ལས་ལ་བཤན་པ་བསྐོས་ཚར་བས་སྡིག་ལ་འཛེམས་དོན་མེད་”ཅེས་བཤད་པའི་སྐད་ཆ་དུམ་བུ་དེས་མཚོན་ཐུབ་པ་རེད།
བློ་བཟང་སེང་གེ་ནི་བཀའ་ཁྲིའི་འོས་མིའི་ནང་ནས་ཆེད་ལས་སློབ་སྦྱོང་གི་ལག་ཁྱེར་མཐོ་ཤོས་ལྡན་པ་དེ་རེད་ལ་ལོ་ན་ཆུང་ཤོས་དེ་ཡང་ཡིན། ཁོང་གི་ཁྱད་ཆོས་ལེགས་ཤོས་ཤིག་ནི། མི་མཐོ་དམན་དང་རྒན་གཞོན་མེད་པར་འཛུམ་བསྟན་ཏེ་འབྲེལ་བ་འཇོག་ཐུབ་པ་དེ་རེད། དེ་མིན་ཁོང་གི་ཆབ་སྲིད་ལངས་ཕྱོགས་དང་ལས་དོན་དངོས་ནང་གི་འཇོན་ཐང་གི་ནུས་པ་ནི་ད་ལྟ་གསལ་པོ་མེད།
ཁང་གསར་རྡོ་རྗེ།
(བློ་རྒྱ་ཆེ་བའི་དཔྱད་ཞིབ་དང་བསམ་རྒྱ་ཡངས་པའི་འཆར་སྣང་མེད་ན། རང་དབང་ཆེ་བའི་དམངས་གཙོ་མེད།)
༡༽ གོ་རྟོགས།
ཐེངས་འདིའི་བཀའ་ཁྲི་དང་སྤྱི་འཐུས་ཀྱི་འོས་བསྡུའི་ཐད། བལ་འབྲུག་གཉིས་ཀྱིས་འགལ་རྐྱེན་བརྩམས་ཡོད་ཀྱང་། དེ་ནི་རང་ཅག་གི་ལག་ཏུ་མེད་པས་བཞག རང་ཅག་གིས་འཐུས་ཤོར་བ་ནི། མང་ཚོགས་ཀྱི་ངོས་ནས་དེབ་སྐྱེལ་བྱས་ཀྱང་འོས་བསྡུའི་ཆ་ཤས་ནང་ཞུགས་མ་ཐུབ་པ་ད་དུང་ཁྲི་གསུམ་སྐོར་ཡོད་པ་དེ་རེད། མང་ཚོགས་དཀྱུས་མ་ཙམ་མ་ཟད། གཞུང་གི་གནད་ཡོད་ལས་བྱེད་དང་ཐ་ན་འོས་བསྡུའི་འགན་འཛིན་བཅས་པར་ཡང་ཞན་ཆ་མི་ཉུང་བ་ཞིག་སྔར་བཞིན་འདུག་པ་དཔེར་ན། འོས་བསྡུའི་འགན་འཛིན་རྣམ་པས་སྒྲིག་གཞི་དང་མཐུན་པའི་ལམ་སྟོན་གསལ་པོ་དང་ཡང་དག་པ་གནང་ཐུབ་མེད་པ་དང་གཅིག འབྲུག་ཡུལ་དུ་འོས་བསྡུའི་སྐོར་ལ་འབྲེལ་བ་བྱེད་སྐབས་ས་གནས་ཀྱི་ཆབ་སྲིད་གནས་སྟངས་ལ་དགོངས་བཞེས་མ་ཐུབ་པ་དང་གཉིས། འོས་བསྡུ་དང་འབྲེལ་བའི་ཁྲིམས་སྒྲིག་དང་ལམ་སྟོན་ཁག་བོད་དབྱིན་གཉིས་ནང་བྲིས་ཏེ་དྲྭ་ལམ་ཁག་ཏུ་འཇོག་མ་ཐུབ་པ་ཙམ་མ་ཟད། འཇོག་རྩིས་ཙམ་ཡང་མེད་པ་དང་གསུམ་ལྟ་བུ་ཡིན། ད་དུང་སྔོན་འགྲོའི་འོས་མིའི་ཐོ་གཞུང་གསལ་བསྒྲགས་བྱས་པ་དེའི་ནང་། མི་དང་ས་ཆའི་མིང་འབྲི་ནོར་ཤོར་བ་དང་ཡིག་ནོར་ཧ་ཅང་མང་བ་ནི། བོད་ནང་བོད་ཡིག་གི་ཆེད་དུ་སྲོག་བཏང་སྟེ་སྐད་འབོད་བྱེད་བཞིན་པའི་སྐབས་འདི་ལྟ་བུར་ལྷག་པར་དུ་མིག་ལ་མི་མཛའ་བའི་ལས་ཀ་རེད།
གཞུང་གི་གནད་ཡོད་ལས་བྱེད་ལ་མཚོན་ན། ཨོ་སི་ཊི་ལི་ཡའི་སྐུ་ཚབ་དོན་གཅོད་ཀྱིས་ས་གནས་ཀྱི་འོས་གྲངས་སྐོར་གསར་ལམ་དུ་བསྒྲགས་པ་དང་། ཨ་རི་སྐུ་ཚབ་དོན་གཅོད་ཀྱིས་ས་གནས་འོས་བསྡུའི་མི་སྣར། འོས་དངོས་སུ་བསྡུ་བའི་སྐབས་སུ་གཞན་གྱིས་བཀྲམས་པའི་འོས་གཞིའི་ཐོ་གཞུང་བེད་སྤྱོད་ཆོག་པའི་ལམ་སྟོན་ལོག་པ་བྱས་པ། ས་གནས་འོས་བསྡུ་ཚོགས་ཆུང་ཁག་གིས་འོས་བསྡུའི་ཉིན་ལྟ་རྟོག་སྟངས་འཛིན་སྒྲིག་གཞི་དང་མ་མཐུན་པ་མང་དུ་བྱུང་བ་ལྟ་བུ་ཡིན། བདག་གིས་བལྟས་ན། སྐྱོན་ཆ་འདི་དག་གི་རྩ་བ་གཅིག་ནི། དབུས་འོས་བསྡུ་ལས་ཁང་ནས་བྱུང་བ་རེད། དབུས་འོས་བསྡུ་ལས་ཁང་ཞེས་པ་ཞིག་གཏན་འཛུགས་ཡོད་ཀྱང་།
༅༅།། ཕྱི་ཟླ་ ༡༠ ཚེས་ ༣ ཉིན་ནི་ང་ཚོ་བཙན་བྱོལ་བོད་མི་ཚོས་བོད་ཀྱི་ཡུལ་མིའི་ཐོབ་ཐང་དང་ལས་འགན་ཆེན་པོ་ཞིག་ཕྲག་ཏུ་ལེན་པའི་དུས་ཚོད་ཡིན། འདས་པའི་ལོ་ལྔའི་ནང་། ང་ཚོ་བོད་གཞིས་བྱེས་གཉིས་ཀྱི་གནས་སྟངས་དེ་སྔར་བས་ཛ་དྲག་དང་དཀའ་ངལ་ཆེ་རུ་སོང་སྟེ། ད་ལྟ་བོད་འདི་འགག་འཕྲང་ནས་ཐར་དང་མི་ཐར་གྱི་སོ་མཚམས་ཤིག་ཏུ་ལྷུང་ཡོད།
གནས་སྟངས་འདིའི་འོག་ཉུང་མཐར་བོད་མི་མང་ལ་ཞབས་འདེགས་ཞུ་མ་ཐུབ་ཀྱང་ཞབས་འདྲེན་མི་ཞུ་མཁན་གྱི་གྲོས་ཚོགས་ཤིག་དང་། བོད་ཀྱི་འཐབ་རྩོད་ལ་གསོན་ཤུགས་དང་སྣེ་འཁྲིད་ཀྱི་ནུས་པ་འདོན་ཐུབ་པའི་བཀའ་ཤག་ཅིག་དགོས་ཀྱི་ཡོད། དེ་ལྟར་འབྱུང་ཐུབ་པ་ཞིག་བཟོ་དང་མི་བཟོ་ནི། མཐར་གཏུགས་ན། ང་རང་ཚོའི་ལག་པར་ཡོད་པའི་འོས་ཤོག་དེ་ཚོར་ཐུག་ཡོད།
༅༅།། སྤྱི་འཐུས་ཀྱི་འོས་བསྡུ་སླེབས་གྲབས་ཡོད། ཉེ་སྔོན་ང་ཚོས་ཆོས་ལུགས་ཀྱི་སྤྱི་འཐུས་སྐོར་ལ་ཁ་བརྡ་བྱས་པ་རེད། ད་རེས་ང་ཚོས་ཆོལ་ཁ་གསུམ་དང་ཕྱི་རྒྱལ་གྱི་སྤྱི་འཐུས་ཚོའི་སྐོར་བཤད། ཆོལ་ཁ་དང་ཕྱི་རྒྱལ་གྱི་སྤྱི་འཐུས་རྣམ་པའི་སྐོར་གླེང་སྐབས། གཙོ་བོ་སྤྱི་འཐུས་དེ་དང་དེའི་སྤྱི་དོན་དང་འབྲེལ་བའི་ལོ་རྒྱུས་དང་། དེ་མུ་མཐུད་སྤྱི་འཐུས་སུ་དགོས་ན་དགོས་པའི་རྒྱུ་མཚན་དང་། མི་དགོས་ན། མི་དགོས་པའི་རྒྱུ་མཚན་གསལ་པོ་དང་དྲང་པོ་དྲང་བཞག་གིས་བཀོད་རོགས། དེ་བཞིན་སྤྱི་འཐུས་དེ་ཚོར་ང་ཚོས་རེ་བ་གང་ཞིག་ཡོད་པ་དང་། ཁོང་ཚོར་སྐྱོན་ཆ་གང་དང་གང་ཡོད་པ། གནད་དོན་གང་ལ་ཤུགས་རྒྱག་དགོས་མིན།
དེ་ལས་མང་བ་། “ཆོལ་ཁ་དང་ཕྱི་རྒྱལ་སྤྱི་འཐུས་ཚོར་བསམ་འཆར་ཡོད་དམ།” »
༅༅།། སྤྱི་འཐུས་ཀྱི་འོས་བསྡུ་སླེབས་གྲབས་ཡོད། ཁྱེད་རང་གི་ཆོས་ལུགས་ག་རེ་ཡིན་ནའང་འདྲ། ཆོལ་ཁ་གང་གི་ཁོངས་སུ་གཏོགས་ནའང་འདྲ། གང་ལྟར་སྤྱི་འཐུས་ཚོ་ཚད་ལྡན་ཞིག་ཡོང་བའི་རེ་བ་ཡོད་ངེས་རེད། སྤྱི་འཐུས་ཚོར་ཆ་བཞག་ནའང་། རང་ཉིད་ཀྱི་འབྱུང་ཁུངས་ཆོལ་ཁའམ་ཆོས་ལུགས་གང་ཞིག་ཡིན་རུང་། སྤྱི་འཐུས་ནང་སླེབས་རྗེས་སྤྱི་མི་ཚད་ལྡན་ཞིག་བྱེད་འདོད་ཡོད་རྒྱུ་རེད། དེར་བརྟེན།
དེ་ལས་མང་བ་། “འདི་ཚོའི་ནང་ནས་སུ་དང་སུ་མུ་མཐུད་སྤྱི་འཐུས་སུ་དགོས།” »
ཁང་གསར་རྡོ་རྗེ།
༅༅།། ༢༠༠༨ ལོར་བཅའ་ཁྲིམས་དགོངས་དོན་གྱི་དམིགས་བསལ་ཚོགས་ཆེན་དང་པོ་དེ་འཚོགས། དེ་ནི་བོད་ནང་ས་བྱི་ཞི་རྒོལ་ཆེན་མོ་བྱུང་རྗེས་འཚོགས་པ་ཞིག་རེད། ཚོགས་འདུ་མ་འཚོགས་གོང་། བཀའ་ཤག་གིས། ཚོགས་འདུ་འདི་ནི་བསམ་འཆར་བསྡུ་ལེན་ཙམ་ལས་སྲིད་ཇུས་ལ་འགྱུར་བ་གཏོང་བའི་ཚོགས་འདུ་མིན་ཞེས་བསྒྲགས། དམིགས་བསལ་ཚོགས་ཆེན་གྱིས་སླར་ཡང་། ཡེ་ཤེས་དབྱིངས་དཔྱད་ཀྱི་ཐོག་ཏུ་འགྲོ་རྒྱུའི་སྤྱི་མོས་རྒྱབ་གཉེར་བྱེད་སྐབས། བཀའ་ཤག་གིས་ཚོགས་ཆེན་དེའི་རྒྱབ་གཉེར་དེ་ཧ་ཅང་གིས་ཤུགས་ཆེན་པོས་གླེང་འགོ་ཚུགས། གླེང་སྟངས་ལ་བལྟས་ན། དམིགས་བསལ་ཚོགས་ཆེན་གྱི་རྒྱབ་གཉེར་དེ་ཆེས་མཐོའི་གྲོས་ཆོད་ཅིག་ཏུ་བརྩིས་པ་ལྟ་བུར་མངོན།
ང་ལ་མཚོན་ན། དམིགས་བསལ་ཚོགས་ཆེན་དང་པོ་དེས། གནད་དོན་གཉིས་གསལ་བཤད་བྱས། དེ་ཡང་ ༡༽ བོད་མིས་ཚོས་ཀླད་པ་ག་ཚོད་དཀྲུག་ནའང་ད་ལྟའི་ཆར་ཡེ་ཤེས་དབྱིངས་དཔྱད་ལས་ལྷག་པའི་ལམ་གཞན་ཞིག་གི་ཐོག་ཏུ་འབབ་ཐུབ་ཐབས་མེད་པ་དང་། ༢༽ བོད་མི་མང་སྤྱི་འཐུས་ལྷན་ཚོགས་འདི་བོད་གཞིས་བྱེས་གཉིས་ཀྱི་མང་ཚོགས་ཀྱི་སྐུ་ཚབ་ཡིན་ཡང་། འདིས་བོད་མི་དམངས་ཀྱི་སྐུ་ཚབ་བྱེད་ཐུབ་ཀྱིན་མེད་པ་དེ་རེད།
འདྲ་པར་འདི། ཕྱི་ལོ་ ༡༩༨༠ གྱ་གྲངས་ནང་། བོད་ཀྱི་རྒྱལ་ས་ལྷ་སའི་ར་མོ་ཆེ་གཙུག་ལག་ཁང་གི་ཁང་སྦུག་ཅིག་ཏུ་བདག་མེད་དུ་བསྐྱུར་ཡོད་པ་ཞིག་རེད། དེ་ཡང་པར་སྒྲོམ་སྤུས་ལེགས་ཤིག་གིས་བརྒྱན་ཡོད། དེ་ལ་གཞིགས་ན། པར་འདི་དེ་སྔོན་ཧ་ཅང་གལ་ཆེན་དུ་བརྩིས་པ་མཐོང་ཐུབ། འོན་ཀྱང་ ༡༩༨༠ གྱ་གྲངས་ནང་པར་འདི་མང་ཚོགས་ཀྱི་མཐོང་སར་མ་བཞག་པར་ཁང་སྦུག་ཅིག་ཏུ་བཞག་ཡོད། དེ་ནི་ཕལ་ཆེར་ལིན་པིའོ་ལ་དགག་པ་བརྒྱབ་རྗེས། པར་དེ་ཆབ་སྲིད་ཀྱི་གནས་བབས་དང་མ་འཚམས་པ་ཆགས་པས་ཡིན་སྲིད། གང་ཡིན་ཟེར་ན། པར་ནང་། མའོ་ཡི་འགྲམ་ལ་དམག་ཆས་སྤྲས་བསྡད་པ་དེ་ལིན་པིའོ་རེད། ད་ལྟ་འཛམ་གླིང་འདིར་པར་འདིའི་རིགས་ཧ་ཅང་མཐོང་དཀོན་པར་གྱུར་ཟིན་པ་རེད། ལྷག་པར་དུ་གཤམ་དུ་བོད་ཡིག་བཀོད་པ་འདི་འདྲ་དཀོན་པོ་རེད།
ཁང་གསར་རྡོ་རྗེ།
དུམ་བུ་གཉིས་པ།
༥༽ ཡུལ་འདི་ལ་ནི་མི་འབོར་འཕར་ཚད་ཧ་ཅང་ཆེན་པོ་རེད་འདུག ༡༩༣༩ ལོའི་མི་འབོར་དང་བསྡུར་ན། ད་ལྟ་མི་གྲངས་གསུམ་ཁྲི་ལྷག་ཡོད་པ་འདི། ལྡབ་གཅིག་ལྷག་ཙམ་འཕར་ནས་བྱུང་བ་རེད་ཟེར། ད་དུང་ཡང་མི་འབོར་འཕར་བཞིན་ཡོད་པ་དེ། ཁེ་ཎ་ཌའི་ནང་གི་མི་འབོར་འཕར་ཚད་མགྱོགས་ཤོས་རེད་འདུག དེ་ལ་དཔྱད་ཞིབ་པ་ཚོས་རྒྱུ་མཚན་མང་པོ་བཤད་ཀྱི་འདུག དཔེར་ན། འཕྲོད་བསྟེན་དང་འཚོ་བ་ཡག་ཏུ་སོང་ནས་འཆི་ཚད་ཉུང་དུ་སོང་བ་དང་ཚེ་ཚད་རིང་དུ་སོང་བ་རེད་སོགས་ཟེར། ངས་བལྟས་ན་ནི་གཙོ་བོའི་རྒྱུ་མཚན་གཅིག་ལས་མ་མཐོང་། དེ་ནི་གནམ་གཤིས་གྲང་བས་ཕོ་མོ་མཉམ་དུ་ཉལ་མང་ཞིང་། འགྲིམས་འགྲུལ་ཡར་རྒྱས་ལ་སོང་ནས་ཉལ་རོགས་འཚོལ་བདེ་བ། ཕྲུ་གུ་ཇི་ཙམ་མང་ན་དེ་ཙམ་གྱི་རོགས་དངུལ་མང་པོ་ཐོབ་པ་བཅས་ལ་བརྟེན་ནས་རེད་འདུག
ཡུལ་འདིའི་ཕོ་མོ་གཉིས་ཀ་འདོད་ཆགས་ཆེ། ཕལ་ཆེར་ཉ་ཤ་དང་མཚོ་ཟས་ལ་ལོངས་སུ་སྤྱོད་ཆེ་བ་དང་། ལྷག་པར་ཁོ་རང་ཚོའི་ཟས་རིགས་བཟོ་སྟངས་དེ་ལའང་འབྲེལ་བ་མེད་དམ་སྙམ། ང་རང་དེར་སྡོད་རིང་དུའང་ལུས་ཀྱི་ཟུངས་དང་ཁུ་བ་མངོན་གསལ་གྱིས་འཕེལ་གྱིན་ཡོད་པར་དོ་སྣང་བྱུང་། གཅིག་བྱས་ན། ཆུ་ལའང་འབྲེལ་བ་ཡོད་སྲིད། བོད་ཀྱི་གངས་རི་དང་ཉེ་བའི་མི་དེ་ཚོ་ཆགས་པ་ཆེ་བ་འདྲ་ཞིག་འདུག གངས་སྦལ་གྱི་གཅིན་ཆུ་བོ་དང་འདྲེས་པ་བཏུང་པས་རེད་ཟེར་ཡོང་། དེ་ལ་བརྟག་རྒྱུ་ཞིག་འདུག
དེ་ལས་མང་བ་། “འཛམ་གླིང་གི་བྱང་སྣེ་མྱུལ་བའི་ཟིན་ཐོ་མ་དྲན་དགུ་དྲན།” »
ཁང་གསར་རྡོ་རྗེ།
དུམ་བུ་དང་པོ།
༅༅།། ཉེ་དུས་ང་རང་ཁེ་ཎ་ཌའི་གྲང་ངད་ཆེ་བའི་ས་ཁུལ་ནུ་ན་ཝུ་ཊི་(Nunavut) ལ་འགྲོ་བའི་གོ་སྐབས་ཐོབ། གོ་སྐབས་དེ་ནི་རླུང་རྟ་དང་ལས་དབང་རང་རེད། དེ་ཡང་གོང་གསལ་གྱི་ཡུལ་དང་ང་ལས་ཀ་བྱེད་སའི་སྡེ་ཚན་ཞིག་གི་བར་ཕན་ཚུན་ཉམས་མྱོང་སྤེལ་རེས་ཀྱི་བྱ་འགུལ་ལོ་ཤས་གོང་ནས་བྱུང་འདུག་ཅིང་། འདི་ལོ་ངའི་གྲོགས་པོ་ཨེ་རིག་ལགས་སོགས་འགྲོ་དགོས་ཀྱང་། གློ་བུར་ཨེ་རིག་གི་ཁྱིམ་ལ་རྐྱེན་ངན་བྱུང་བའི་ཚབ་ལ་ང་རང་བཏང་། ངའི་སེམས་ནང་གནམ་གྲུའི་གླ་ཆ་སྤྲོད་མི་དགོས་པ་དང་ས་ཆ་གསར་པ་ཡིན་པ། ཉུང་མཐར་ཡང་རི་གསར་པ་ཁ་ཤས་ལ་འཛེགས་ཐུབ་པ་ཡོང་གི་རེད་དྲན་ནས་སོང་བ་ཡིན་མ་གཏོགས་ཡུལ་དེ་ནས་ང་ལ་གོ་རྟོགས་ཆེན་པོ་ཐོབ་ཀི་རེད་བསམ་པ་མེད། ཡིན་ནའི་དངོས་སུ་ཡུལ་དེར་བསྐྱོད་རྗེས། ས་ཁུལ་དེས་ང་ལ་བོད་ཀྱི་མ་འོངས་པའི་ཐད་ལ་བསམ་བློ་མང་པོ་ཞིག་འཁོར་དུ་བཅུག་བྱུང་།
༡༽ ནུ་ན་ཝུ་ཊི་ཞེས་པའི་ཡུལ་འདི་ནི། ཁེ་ཎ་ཌའི་ནང་གི་འཛིན་སྐྱོང་མངའ་ཁུལ་རྒྱ་ཆེ་ཤོས་ཤིག་དང་གསར་ཤོས་ཤིག་རེད། རྒྱ་ཆེ་ཤོས་ཡིན་དོན་ནི། མངའ་ཁུལ་འདིས་ཁེ་ཎ་ཌའི་ས་ཁྱོན་ཡོངས་ཀྱི་བརྒྱ་ཆ་ ༢༠ འམ་ལྔ་ཆ་གཅིག་ཟིན་གྱི་ཡོད། ཁུལ་འདིའི་ས་ཁྱོན་ལ་ཀི་
ལོ་མི་ཊར་གྲུ་བཞི་མ་ 2,093,190 (sq km) ཡོད་པས། གལ་སྲིད། མངའ་ཁུལ་འདི་རང་བཙན་རྒྱལ་ཁབ་ཅིག་ཡིན་ན།
འཛམ་གླིང་གི་རྒྱལ་ཁབ་ཆེ་ཤོས་ཨང་ ༡༥ ལ་སླེབས་ཀི་རེད། འོན་ཀྱང་། མངའ་ཁུལ་འདིའི་ནང་མི་འབོར་ཧ་ཅང་གིས་ཉུང་ཉུང་རེད། སྤྱི་ལོ་ ༢༠༠༧ ལོར་མི་གྲངས་ཞིབ་བཤེར་བྱས་པ་ལྟར་ན། མངའ་ཁུལ་དེ་ལ་ཁྱོན་བསྡོམས་མི་ ༣༡༡༠༠ མ་གཏོགས་མེད་ཅེས་འཁོད་འདུག ས་ཆ་རྒྱ་ཆེན་པོ་དང་མི་འབོར་ཉུང་ཉུང་ཡིན་པ་འདི་བོད་དང་འདྲ། འོན་ཀྱང་མི་འདྲ་ས་ཆེ་ཤོས་ནི། ཡུལ་འདི་འཁྱགས་དར་གྱིས་ཁྱབ་པའི་རྒྱ་མཚོ་དང་འབྲེལ་ཡོད་པ་དེ་རེད། དེ་མིན་ཁྱད་པར་ཆེ་ཤོས་ཤིག་ནི། ཁོང་ཚོར་ང་ཚོ་བོད་པ་ནང་བཞིན་གྱི་གནའ་བོའི་ཡིག་ཐོག་ལོ་རྒྱུས་མི་འདུག ཁོང་ཅག་གི་ཡིག་ཐོག་ལོ་རྒྱུས་སྔ་ཤོས་ནི་ ༡༥༧༦ ཙམ་ནས་འགོ་ཚུགས་འདུག་ཅིང་། དེ་ཚོ་ཡང་ཡུལ་དེར་སླེབས་པའི་ནུབ་ཕྱོགས་པས་བྲིས་པ་ཤས་ཆེ།
དེ་ལས་མང་བ་། “འཛམ་གླིང་གི་བྱང་སྣེ་འགྲིམས་པའི་མྱོང་ཚོར་མ་དྲན་དགུ་དྲན།” »