སྒྱུར་བྱེད་ཅེས་པ་ས་མོ་ཕག་གི་ལོའི།།
བྱུང་བ་གང་ཡིན་བསྟན་རྩིས་ལས་བཏུས་ཏེ།།
འདས་པའི་ལོ་རྒྱུས་མདོར་ཙམ་ཡིད་ལ་བྱེད།།
བཀྲ་ཤིས་རྟེན་འབྲེལ་མཚོན་པའི་རྐྱེན་དུ་བསྔོ།།
མིར་ཛ། གྷ་ལིབ་ཀྱི་སྙན་རྩོམ་འགའ།
པདྨ་ཚེ་དབང་ཤཱསྟྲིས་བསྒྱུར།
Mehrban ho ke bula lo muje chaho jis waqt,
Main gaya waqt nahi hung ki phir aabhi na sakkung/
དགོས་པའི་དུས་ཚོད་ནམ་ཡིན་ལ།།
ང་ལ་སྐད་ཐོངས་ཐུགས་རྗེས་གཟིགས།།
ང་ནི་འདས་པའི་དུས་ཚོད་ལྟར།།
བསྐྱར་ལོག་བྱེད་རྒྱུ་མེད་པ་མིན།།
བོད་ཀྱི་སྐད་ཡིག་ཤེས་པའི་དགེ་མཚན་མདོར་བསྡུས།
པདྨ་ཚེ་དབང་ཤཱསྟྲིས།
ཉེ་སྔོན་ཨ་རིའི་ནང་བོད་ཀྱི་སྐད་ཡིག་སྐོར་གྱི་བགྲོ་གླེང་ཞིག་གི་སྐབས་སུ། བོད་པའི་ན་གཞོན་ཞིག་གིས་བོད་ཀྱི་རིག་གཞུང་དང་། ཡུལ་སྲོལ་གོམས་གཤིས། རྒྱལ་རབས་ལོ་རྒྱུས་སོགས་དབྱིན་ཡིག་བརྒྱུད་ནས་སྦྱངས་པ་དང་། བོད་ཡིག་བརྒྱུད་དེ་སྦྱངས་པ་གཉིས་ལ་ཁྱད་པར་གང་ཡོད་དང་། བོད་ཡིག་ཤེས་ན་དགེ་མཚན་དམིགས་བསལ་ཅི་ཡོད་དམ། ཞེས་དྲི་བ་ཞིག་གནང་སྐབས་ཕྲན་གྱིས་བུ་རམ་གྱི་བྲོ་བ་དེ་བུ་རམ་བཟའ་མཁན་གྱིས་མྱོང་བ་ལས་རོ་ལ་འགྲེལ་བཤད་བརྒྱབ་ནས་གཞན་གྱིས་བྲོ་བ་དེ་ཇི་བཞིན་མྱོང་དཀའ་བ་དང་གཅིག་མཚུངས་རེད་ཅེས་བརྗོད་པ་ཙམ་ལས། མང་པོ་ཤོད་རྒྱུའི་གོ་སྐབས་མ་བྱུང་། འོན་ཀྱང་དྲི་བ་དེ་མ་བརྗེད་པར་ཡིད་ལ་ཡང་ཡང་འཁོར་ཙང་། རང་གི་རྨོངས་འཆར་ཇི་ཡོད་འདིར་བཀོད་པ་ཡིན།
དེ་ལས་མང་བ་། “བོད་ཀྱི་སྐད་ཡིག་ཤེས་པའི་དགེ་མཚན་མདོར་བསྡུས།” »
མིར་ཛ། གྷ་ལིབ་ཀྱི་སྙན་རྩོམ་འགའ།
པདྨ་ཚེ་དབང་ཤཱསྟྲིས་བསྒྱུར།
༡། རེ་རེའི་དོན་དུ་སྲོག་ཀྱང་གཏོང་འོས་པའི།།
ང་ལ་མངོན་འདོད་སྟོང་ཕྲག་དུ་མ་ཡོད།།
དེ་ཚོའི་ནང་ནས་མང་པོ་གྲུབ་མོད་ཀྱང་།།
ད་དུང་འགྲུབ་རྒྱུར་ལུས་པ་དུ་མ་མཆིས།།
རེབ་གོང་། མ་ཕམ་གཡུ་མཚོ། ཀྱེ་མ་གང་དུ། མི་ལ་རས་པའི་ལན།
(མཁས་དབང་དགེ་འདུན་ཆོས་འཕེལ་གྱིས་ཨིན་སྐད་དུ་བརྩམས་པའི་སྙན་ངག་ཁག་བཞི།)
Rebkong རེབ་གོང་།
My feet are wandering neath the alien star,
My native land, – the road is far and long.
Yet the same light of Venus and Mars
Falls on the small green valley of Rebkong.
རྒྱུས་མེད་གནམ་གྱི་ སྐར་མའི་འོག་ཏུ་ ཁོ་བོས་གོམ་པ་ སྤོ་བཞིན་ཡོད།།
བདག་གི་ཕ་ཡུལ་ རྒྱང་ན་གནས་ཤིང་ དེ་ཡི་བཤུལ་ལམ་ ཧ་ཅང་རིང་།།
འོན་ཀྱང་སྐར་མ་ པ་སངས་དང་ནི་ མིག་དམར་ཟུང་གི་ འོད་དེ་ཉིད།།
ལྗང་མདོག་ལྡན་པ་ རེབ་གོང་ཞེས་བྱ་ ལུང་ཆུང་དེ་རུ་ འཕྲོ་བར་བྱེད།།
དེ་ལས་མང་བ་། “རེབ་གོང་། མ་ཕམ་གཡུ་མཚོ། ཀྱེ་མ་གང་དུ། མི་ལ་རས་པའི་ལན།” »
དུས་ནི་ཅི་ཞིག་རེད།
ཇཱ་ཝེད་ ཨཱཁ་ཏཱར་གྱིས་བརྩམས། པདྨ་ཚེ་དབང་ཤཱསྟྲིས་བོད་སྐད་དུ་བསྒྱུར།
—————-
དུས་ནི་ཅི་ཞིག་རེད།
བར་མཚམས་མེད་པར་མུ་མཐུད་རྒྱུ་བཞིན་པའི་དངོས་པོ་འདི་ཅི་ཞིག་རེད།
གལ་ཏེ་འདི་འདས་ཟིན་མེད་ན། གནས་གང་དུ་ཡོད།
གནས་གང་ཞིག་ཏུ་ངེས་པར་ཡོད་དགོས།
གལ་ཏེ་འདི་འདས་ཟིན་ཡོད་ན། ད་ལྟ་གང་དུ་ཡོད།
གནས་གང་ཞིག་ཏུ་ངེས་པར་ཡོད་དགོས།
གང་ནས་ཡོང་པ་རེད། གང་དུ་ཕྱིན་པ་རེད།
འགོ་ནམ་ཞིག་ལ་བཙུགས་ནས་མཇུག་ནམ་ཞིག་ལ་རྫོགས་པ་རེད།
དུས་ནི་ཅི་ཞིག་རེད།
སོག་པོ་ཞེས་པའི་ཐ་སྙད།
ཐུབ་པའི་དགོངས་པའི་རྒྱན་ལས། “དེ་བཞིན་དུ་འདོད་པས་ལོག་པར་སྤྱོད་པའི་སྦྱོར་བ་གསུམ་ལས་སྐྱེས་པ་སྟེ། གཏི་མུག་ལས་སྐྱེས་པ་ནི་ཆོས་ཀྱི་བློས་སོག་པོ་པར་སིག་པ་རྣམས་མ་ལ་བགྲོད་པ་དང་བྲམ་ཟེ་རྣམས་ཀྱི་བ་ལང་བྱིན་གྱི་མཆོད་སྦྱིན་ལ་གང་འདི་སྐད་སྨྲ་བ་སྟེ། བྲམ་ཟེས་བ་ལང་བྱིན་གྱི་མཆོད་སྦྱིན་བྱས་ནས་ལོ་གཅིག་གིས་བ་ལང་གི་བརྟུལ་ཞུགས་སུ་འགྱུར་རོ། །
དེབ་ཐེར་ནག་པོ་འདི་ནས་ཕབ་ལེན་གནང་རོགས།
ཉེ་ཆར་དྲ་ལམ་དག་ན་གུས་པས་བསྒྱུར་པའི་དེབ་ཐེར་ནག་པོའི་སྐོར་གླེང་སློང་བསྐྱར་མ་ཞིག་ཡོང་བཞིན་འདུག་ཅིང་། དེ་ལ་བརྟེན་ནས་འབར་ཞུན་ལགས་ཀྱིས་༢༠༡༨ ལོར་འཕྲུལ་དེབ་ཏུ་བཟོས་པའི་མ་ཡིག་དེ་ཕབ་ལེན་བྱེད་སའི་སྦྲེལ་ཐག་ཁ་བརྡ་དྲ་བར་འཇོག་འདོད་བྱུང་། འཕྲུལ་དེབ་འདི་བཞིན་སེར་བྱེས་རིག་མཛོད་ཆེན་མོའི་དྲ་ཐོག་ན་ཡོད་པའི་འབྲེལ་ཐག་འདི་ཡིན།
སེར་བྱེས་རིག་མཛོད་ཆེན་མོར་བཀོད་པའི་འཕྲུལ་དེབ། འདི་ལ་བསྣུན་ནས་བཞེས་རོགས་གནང་།
ཕྲན་གྱིས་ PDF ཐོག་བཟོས་པའི་འབྲེལ་ཐག་གཤམ་གསལ་ལྟར་ཡིན། འདིར་འདྲ་པར་རིགས་ཀྱང་ལྷན་སྦྱར་གྱིས་བཀོད་ཡོད།
BLACK ANNALS- Goldstein & The Negation Of Tibetan History(all)
གུས་པས་ཅིའི་ཕྱིར་འགྱུར་བཅོས་བྱས་པའི་གནས་ལུགས་སྐོར་གཤམ་གྱི་འགྱུར་བྱང་འདི་ན་གསལ་ཡོད།
གླང་ཆེན་ཞིག་བསད་པ།
རྗོར་རྗི་ ཨོར་ཝེལ།
རྩམ་པ་རྒྱལ་གྱིས་བསྒྱུར།
འབར་མའི་སྨད་ཕྱོགས་ མོལ་མེན་ དུ། ངའི་སྟེང་ལ་སྙིང་ནད་ཡོད་མཁན་གྱི་མི་ཧ་ཅང་མང་པོ་རེད། ངའི་མི་ཚེ་འདིར། ང་རང་དེ་ལྟའི་ཁོང་ཁྲོ་ལངས་རིན་ཡོད་ས་གལ་ཆེན་ཞིག་ཏུ་གྱུར་བའི་དུས་སྐབས་གཅིག་པུ་དེ་རེད། ང་གྲོང་རྡལ་དེའི་ཉེན་རྟོག་ལས་ཁུངས་ཀྱི་མགོ་བ་ཡིན། དམིགས་ཡུལ་དང་ཉེན་ཁ་ཆེན་པོ་མེད་རུང་། དེ་རུ་ཡུ་རོབ་པ་ཚོར་སྡང་བའི་སེམས་ཚོར་ནི་ཧ་ཅང་གནག་པོ་རེད། མི་སུ་ལའང་ངོ་ལོག་གི་རུ་སྣ་འདྲེན་རྒྱུའི་བློ་ཁོག་མེད་ཀྱང་། ཡུ་རོབ་པ་བུད་མེད་ཅིག་ཁྲོམ་དེ་རུ་ཁེར་མོ་འགྲོ་གིན་ཡོད་ཚེ་ཕལ་ཆེར་མི་ཞིག་གིས་མོའི་གྱོན་གོས་ཀྱི་སྟེང་ལ་ཁ་མུར་ལོ་མའི་[1]མཆིལ་མ་གཡུག་ཡོད། ཉེན་རྟོག་ལས་བྱེད་ཅིག་ཡིན་པའི་ཆ་ནས་ང་ནི་དམིགས་འབེན་གསལ་ཤོས་ཤིག་ཡིན། ག་དུས་སྟབས་བདེ་ན་དེ་དུས་ཐུབ་ཚོད་དང་ཁྱད་གསོད་བྱེད་པ་ནི་རྒྱུན་ལྡན་རེད། རྐང་རྩེད་སྤོ་ལོའི་ཐང་དེ་རུ་རྩེད་འགྲན་དཔང་མི་དེ་ཁ་ཕར་འཁོར་ནས་ཡོད་སྐབས་ (ཁོའང་འབར་མ་ཞིག་ཡིན།) འབར་མའི་རྐང་སྤོལ་རྩེས་མཁན་འཁྱུག་རྩལ་ཅན་ཞིག་གིས་རྩེད་ཐང་གི་སྣེ་གཞན་པ་དེ་ནས་ང་ཉྭ་དཀྲིས་ལ་བླངས་ནས་རྫོག་པ་དང་། ལྟད་མོ་ལྟ་མཁན་དག་གིས་རྒྱལ་ཁའི་ཀི་ལྡིར་བྱེད་ཡོང་།
སྐྱབས་བཅོལ་བ། (སྐད་གཉིས་ཤན་སྦྱར་གྱི་སྙན་ངག་ཅིག)
Refugees: A Poem by a Gaddi by Santosh Kumari
སན་ཏོཤ་ ཀུ་མཱ་རི་ཟེར་བའི་གདྡི་བ་ཞིག་གི་སྙན་རྩོམ། སྐྱབས་བཅོལ་བ།
Many say I am enlightened
but inside me is a darkness.
༅༅། །དུ་མས་བདག་ནི་ཐམས་ཅད་མཁྱེན་པར་བརྩི།།
འོན་ཀྱང་བདག་གི་བློ་ལ་མུན་པ་ཞིག།།
When I think about my homeland
I wake up from my deep, deep sleep.
རང་གི་ལུང་པ་སེམས་ལ་འཁོར་བའི་སྐབས།།
བདག་ནི་སྟུག་པོའི་གཉིད་ལས་སད་གྱུར་ཏེ།།
Eyes full open, I gaze
to find there is no one around.
མིག་ཟུང་གདངས་ཏེ་ཅེར་ནས་ལྟ་བའི་སྐབས།།
སུ་གཅིག་འགྲམ་དུ་མཐོང་རྒྱུ་མེད་པར་གྱུར།།
དེ་ལས་མང་བ་། “སྐྱབས་བཅོལ་བ། (སྐད་གཉིས་ཤན་སྦྱར་གྱི་སྙན་ངག་ཅིག)” »
ས་ཕོ་ཁྱི་ཡི་ལོ་ལ།
རྣམ་འཕྱང་ཞེས་པ་ས་ཕོ་ཁྱི་ཡི་ལོའི།།
ལོ་རེའི་བྱུང་བ་རབ་བྱུང་ལ་བསྟུན་ཏེ།།
བསྟན་རྩིས་རེའུ་མིག་དག་ཏུ་གསལ་བ་ལས།།
ཐོར་རེ་བཏུས་ནས་འདས་པའི་ལོ་རྒྱུས་འཚོལ།།
རབ་བྱུང་དང་པོའི་ས་ཕོ་ཁྱི་ཡི་ལོ།།
ཕྱི་ལོ་ཆིག་སྟོང་བརྒྱ་མེད་ང་བརྒྱད་ཡིན།།
ཇོ་བོའི་སློབ་མ་ཆག་ཁྲི་གཤེགས་པ་དང་།།
འདི་ཡི་ཕྱི་ལོར་རྔོག་ལོ་འཁྲུངས་ཞེས་གསལ།།
ཇའི་གཏམ་རྒྱུད་ཐོར་བུ།
མི་ལོ་སུམ་ཅུའི་གོང་དུ་ང་རྒྱ་གར་དུ་འབྱོར་ཅིང་། ངས་རྒྱ་གར་གྱི་སྲང་ལམ་ཉུལ་ནས་རྒྱ་གར་གྱི་ཇ་འཐུངས། བོད་པ་རྣམས་ཀྱིས་རྒྱ་གར་གྱི་ཇ་འདི་ལ་ཇ་མངར་མོ་ཞེས་འབོད། ལས་ཁུངས་ཆེ་ཁག་ལ་བཅར་སྐབས་ཀྱང་ཇ་འདྲེན་ལ། སྲང་ལམ་ཁུག་ཀྱོག་ལ་བསྐྱོད་ནའང་ཇ་ཚོང་ཁང་ཡོད། མེ་འཁོར་ནང་དུ་ཞུགས་སྐབས་ “ཇའེ། ཇའེ། ཇའེ”ཞེས་བོད་ཀྱི་དབུ་མཛད་རྣམས་ཀྱི་སྐད་གདངས་ལ་འགྲན་འཛུགས་པའི་ཇ་ཚོང་པའི་སྐད་དེ་ཐོས་ཡོང་།
ལི་སི་པོན་གྲོང་གསེབ་ཆུང་ཆུང་རེད།
ང་ ༡༩༩༥ ལོའི་སྤྱི་ཟླ་ ༦ ཚེས་ ༣ ཉིན་ ལི་སི་པོན་[Lisbon] ལ་སྐྱེས་པ་རེད། ལི་སི་པོན་གྲོང་ཁྱེར་ཆེན་མོ་མ་རེད། ལི་སི་པོན་གྲོང་གསེབ་ཆུང་ཆུང་རེད། ལི་སི་པོན་གྱི་མི་འབོར་ཆུང་ཆུང་རེད། གྲོང་གསེབ་དེ་ལ་མི་གསུམ་སྟོང་ཙམ་ཡོད་རེད།
ལི་སི་པོན་འཁྲུག་པོ་མ་རེད། ལི་སི་པོན་ལ་གློག་བརྙན་ཁང་དང་། གཅན་གཟན་ཁང་། འགྲེམས་སྟོན་ཁང་། ཨེ་ནས། མཐའ་ན་སྨན་ཁང་ཡང་ཡོད་མ་རེད། ཡིན་ན་ཡང་། ནག་ཉེས་དཀོན་པོ་ཡིན་ཙང་ཉེན་རྟོག་པ་ཉུང་ཉུང་ཡོད་རེད།
བོད་ཀྱི་ཤིང་སྤར་དུ་བརྐོས་པའི་ཨིན་ཇིའི་སྙན་ཐོ།
དགེ་འདུན་རབ་གསལ་གྱིས།
(པར་དང་བཅས་པའི་རྩོམ་ཡིག་འདིའི་མ་ཡིག་ PDF ཐོག་གཟིགས་ན་འདིར་ཡོད། Gould’s report in tibetan final)
ཁ་བྱང་། ལྷར་བཅས་སྲིད་ཞིའི་གཙུག་རྒྱན་༧གོང་ས་རྒྱལ་དབང་སྐུ་ཕྲེང་བཅུ་བཞི་པ་ཆེན་པོ་ངོས་འཛིན་ཞུ་ཚུལ་དང་། གསེར་ཁྲིར་མངའ་གསོལ་སོགས་མདོ་ཙམ་བཀོད་པ་བཞུགས་སོ།། ལོ་ཙ་བ། ར་ཎི་ཆོས་ཉིད་རྡོ་རྗེ་དང་། ལྕང་ལོ་ཅན་བསོད་ནམས་རྒྱལ་པོ། པར་མ། ལྷ་སའི་ཤིང་སྤར། ཤོག་གྲངས་ ༢༩། ༼བོད་ཀྱི་ནང་བསྟན་དཔེ་ཚོགས་ལྟེ་གནས་ཀྱི་དྲ་ཐག་ https://www.tbrc.org/#!rid=W1KG12176༽
མ་ཡིག་གི་ཁ་བྱང་། Report on the Discovery, Recognition and Installation of the Fourteenth Dalai Lama རྩོམ་པ་པོ། དབྱིན་གཞུང་འབྲས་སྤྱི་བློན་ཆེན་སར་ འབི་སིལ་ འགུ་ལོ་ཊ། པར་མ་དང་པར་ལོ། རྒྱ་གར་གཞུང་གིས་ ༡༩༤༡ ལོར་པར་སྐྲུན་བྱས་པ། ཤོག་གྲངས་ ༢༥།
དེ་ལས་མང་བ་། “བོད་ཀྱི་ཤིང་སྤར་དུ་བརྐོས་པའི་ཨིན་ཇིའི་སྙན་ཐོ།” »
ཨ་རིའི་ཁེད་ཉེར་གཅིག་མ།
1. What is easy to get into, but hard to get out of?
ནང་དུ་འཛུལ་སླ་མོད་ཕྱིར་ཐོན་དཀའ་བ་དེ་ཅི་ཁེད།
2. What jumps higher than a building?
ཁང་པ་ལས་མཐོ་བར་མཆོངས་མཁན་དེ་ཅི་ཁེད།
3. I start with the letter e, I end with the letter e. I contain only one letter, Yet I am not the letter e! What am I?
ལོང་བ་ལོ་ཙ་བ་ཞིག་གཤེགས་པ་ལ་མྱ་ངན་ཞུ་བ།
ད་ནངས་ཞོགས་ཀར་གྲོགས་པོ་ཟུང་གིས་ཁ་པར་བརྒྱུད་དེ་ཨ་ཁུ་པད་མའམ་ཨ་མདོ་པད་མ་ཞེས་གྲགས་པའི་ལོང་བ་ལོ་ཙ་བ་ཁོང་ཉེ་ཆར་ཕྱི་ཟླ་གཉིས་པའི་ཚེས་ ༢༧ ཉིན་གྲོངས་ཡོད་པའི་གཏམ་ཐོས་བྱུང་། ཡིད་སྐྱོའི་གནས་ཚུལ་འདི་སེམས་ལ་ཉར་ནས་སྔོན་ཁ་བརྡ་དྲ་བར་བཀོད་ཟིན་པའི་ཁོང་གི་ལོ་རྒྱུས་ PDF ཅན་དེ་སླར་ཡང་བཀོད་ཡོད། (འབྲེལ་ཐག་འདིར་བསྣུན་ནས་གཟིགས་རོགས།amdo-pema-pdf )
གསེར་འཕྱང་ཞེས་པའི་མེ་མོ་བྱ་ཡི་ལོར།
དགེ་འདུན་རབ་གསལ།
མེ་མོ་བྱ་ལ་རྭ་སྒྲེང་དགོན་པ་བཏབ།།
མེ་མོ་བྱ་ལ་ཙོང་ཁ་པ་དེ་འཁྲུངས།།
ཨ་མྱེས་ཞབས་སོགས་ལོ་རྒྱུས་མི་སྣ་འགའ།།
ཕེབས་དང་བཞུད་པའི་རི་མོ་ཆ་ཙམ་གསལ།།
རབ་བྱུང་དང་པོའི་མེ་མོ་བྱ་ཡི་ལོ།།
སྐད་ལ་འཕྱ་སྨོད་བྱེད་མི་འོས། གླེང་གཞི་ཞིག
ཁ་སང་དེ་རིང་ཞིག་ལ་འཛམ་གླིང་གི་ཕ་སྐད་ཉིན་མོ་ཡིན་ཞེས་སྒྲོག་བཞིན་འདུག དེའི་རྒྱབ་ལྗོངས་སོགས་མི་ཤེས་སྟབས་དྲ་ཐོག་ནས་ཐོར་རེ་བ་ཞིག་བཙལ་བ་ཡིན་ལ། དེ་ནི་ཕྱི་ཟླ་ ༢ ཚེས་ ༢༡ ཉིན་ནི་རྒྱལ་སྤྱིའི་ཕ་སྐད་ཉིན་མོ་ཡིན་ཞེས་བསྒྲགས་པ་དེ་སྐད་དང་རིག་གནས་ཀྱི་སྣ་ཚོགས་རང་བཞིན་དང་། སྐད་མང་རིང་ལུགས་གོང་སྤེལ་དུ་གཏོང་རྒྱུར་དམིགས་ནས་མཉམ་འབྲེལ་རྒྱལ་ཚོགས་ཀྱིས་ ༡༩༩༩ ལོར་བསྒྲགས་གཏམ་སྤེལ་བ་དང་། ༢༠༠༨ ལོར་མཉམ་འབྲེལ་རྒྱལ་ཚོགས་ཀྱི་གྲོས་ཚོགས་ཀྱིས་གྲོས་ཆོད་གཏན་འབེབས་བྱས་ཏེ་ཐག་ཆོད་པ་ཞིག་ཡིན་འདུག
དགེ་རྒན་ཆེན་མོ་ཨེ་ལིའོ་ཊི་ སྤེར་ལིང་། (Elliot Sperling)
རྩོམ་པ་པོ། དགེ་རྒན་ཆེན་མོ་ རོན་ སེ་ལ། (Ron Sela) དགེ་འདུན་རབ་གསལ་གྱིས་འཕྲལ་དུ་བསྒྱུར་ཅིང་བཀོད་པའོ།།
ཨེ་ལིའོ་ཊི་ སྤེར་ལིང་ནི་བོད་ཀྱི་ལོ་རྒྱུས་དང་རྒྱ་བོད་འབྲེལ་ལམ་གྱི་ལོ་རྒྱུས་ཐོག་སྣེ་ཁྲིད་པའི་ཆེད་མཁས་རྒྱལ་རབས་པ་ཞིག་ཡིན་པ་མ་ཟད། མེཀ་ཨར་ཐུར་ ༼MacArthur Fellowship༽ཞེས་པའི་གཟེངས་རྟགས་ཐོབ་མཁན་ཞིག་ཡིན། ཁོང་གིས་ཨིན་ཌི་ཡ་ན་སློབ་གྲྭ་ཆེན་མོའི་ཡུ་རོབ་དང་ཨེ་ཤ་ཡའི་དཀྱིལ་དབུས་རིག་པའི་སྡེ་ཚན་དུ་མི་ལོ་ ༢༩ ཙམ་ལ་དགེ་རྒན་ཆེན་མོའི་ཕྱག་ལས་གནང་བ་དང་། དེའི་ནང་གི་ལོ་ངོ་བདུན་གྱི་རིང་སྡེ་ཚན་དེའི་གཙོ་འཛིན་གྱི་ཕྱག་ལས་གནང་ཡོད།
དེ་ལས་མང་བ་། “དགེ་རྒན་ཆེན་མོ་ཨེ་ལིའོ་ཊི་ སྤེར་ལིང་། (Elliot Sperling)” »
གསེར་ཐང་གི་མ་ཡིག་ལས་འཕྲོས་པའི་དོགས་དཔྱོད་ཅིག
དགེ་འདུན་རབ་གསལ།
ཕྲན་གྱིས་མཇལ་བའི་དགེ་འདུན་ཆོས་འཕེལ་གྱི་བསྟན་བཅོས་ཕྱག་བསྟར་མ་རྣམས་ནི། སི་ཁྲོན་མི་རིགས་དཔེ་སྐྲུན་ཁང་གིས་ ༢༠༠༩ ལོར་པར་བཏབ་པའི་“མཁས་དབང་དགེ་འདུན་ཆོས་འཕེལ་གྱི་གསུང་འབུམ་བཞུགས་སོ་”ཞེས་པའི་མཚན་ཅན་དེར་བཀོད་པའི་ “ལེགས་སྦྱར་བང་མཛོད་”ཀྱི་ཕྱག་བྲིས་ངོ་མ་དང་། དེ་བཞིན་ཀུན་ཕན་ཐེབས་རྩ་ཚོགས་པའི་ལ་རྩེ་དཔེ་མཛོད་ཁང་གིས་ ༢༠༡༣ ལོར་པར་སྐྲུན་བྱས་པའི་ “བོད་ཀྱི་དེང་རབས་རི་མོ་བ་ཐོག་མ་དགེ་འདུན་ཆོས་འཕེལ། [Gendun Chopel: Tibet’s First Modern Artist]” ཞེས་པར་འཁོད་པའི་བར་འཇུག་རི་མོའི་ཁྲོད་ནས་མཇལ་བའི་ “དཔལ་ལེགས་ལྡན་ནག་པོའི་གླུ་” ཞེས་པ་དང་།
དེ་ལས་མང་བ་། “གསེར་ཐང་གི་མ་ཡིག་ལས་འཕྲོས་པའི་དོགས་དཔྱོད་ཅིག” »