དེང་སང་བཙན་བྱོལ་གྱི་སྤྱི་ཚོགས་ཁྲོད་ཚོགས་སྡེ་དང་འབྱོར་ལྡན་གང་སར་སྐྱབས་བཅོལ་གྱིས་དཔེ་དེབ་གསར་པ་མང་བོ་ཞིག་འཐོན་བཞིན་ཡོད་པ་ཚང་མས་ཧ་གོ་གསལ་ལྟར་ཡིན།
འོན་ཀྱང་དཔེ་དེབ་འདོན་པ་པོ་དེ་དག་གི་ནང་ནས་མང་པོ་ཞིག་གི་རེ་བ་ལ་དཔེ་དེབ་དེ་མི་མང་པོ་ཞིག་ལ་ཕན་ཐོགས་ཡོང་བ་དང་། མི་མང་པོ་ཞིག་གིས་ལྟ་ཀློག་བྱས་ནས་རང་ཉིད་ཀྱི་ཤེས་ཚད་རྟོགས་ཐབས་བྱེད་བཞིན་ཡོད་པ་སྤྱི་འགྲོས་ལྟར་ཡིན་ནའང་། ཁ་ཤས་ཞིག་གིས་བློ་ཁ་ཧ་ཅང་མཐོ་དྲག་ནས་རེ་བ་སྟོང་པ་ཞིག་རྒྱག་གི་ཡོད། ཁོང་ཚོ་རྒྱག་རྒྱུའི་རེ་བ་དེ་ནི་ཁྱད་མཚར་པོ་ཞིག་ཡོད་ཀྱང་། གཅིག་བྱས་ན་ཐབས་ཤེས་བཟང་པོ་དང་རྙོག་ཁྱོན་ནས་མེད་པ་ཞིག་ཏུ་ཡང་འགྱུར་སྲིད་པ་ཞིག དོན་གྱི་ཁོང་ཚོའི་རེ་བ་ནི་དཔེ་དེབ་སྟོན་པ་ལས་མིང་གྲགས་ཆེན་པོ་ཐོབ་རྒྱུུ་དང་རྙོག་སྒྲ་མང་པོ་མི་ཡོང་བ་དེ་རེད།

དེ་ལས་མང་བ་། “དཔེ་དེབ་གསར་འཐོན་དང་། རེ་བ་སྟོང་རྒྱག” »

“བཀའ་ཤག་”ཅེས་པའི་ཐ་སྙད་ཀྱི་བསྡུས་དོན།

_________”བཀའ་ཤག་”ཅེས་པའི་ཐ་སྙད་ཀྱི་འབྱུང་ལ་རགས་ཙམ་དཔྱད་པ།

གཅན་བཟོད་རྒྱམ།

བོད་གཞུང་གི་སྲིད་སྐྱོང་དབང་ཆ་ཆ་ཚང་ཡོད་པའི་ལས་ཁུངས་མཐོ་ ཤོས་དེ་ཡིན་ཅིང༌། དེར་སྲིད་འབྱོར་རིག་གསུམ་དམག་དོན་དང་བཅས་པའི་འགན་དབང་ཆ་ཚང་བ་ཡོད་པ་ཡིན། འོན་ཀྱང་དེང་གི་ཟམ་གདོང་རིན་པོ་ཆེས་དབུ་ཁྲིད་པའི་བཀའ་བློན་ལྷན་རྒྱས་བཞི་ལས་ གྲུབ་པའི་བཀའ་ཤག་ལྟ་བུ་ལ་ཟེར་བ་འདྲ།
བཀའ་ ཤག་ཅེས་པའི་ཐ་སྙད་འདི་དེ་སྔ་བདག་གིས་མཐོང་བའི་བོད་ཀྱི་ཡིག་ཆ་སྔ་ཤོས་ནི་རྡོ་ རིང་པཎྜི་ཏའི་རྣམ་ཐར་༼དུས་རབས་བཅོ་བརྒྱད་པའི་དཀྱིལ་ཙམ་ལ་བརྩམས།༽ཡིན་ནམ་སྙམ་ ཞིང༌། རྡོ་རིང་པཎྜི་ཏའི་རྣམ་ཐར། ༼༡༩༨༧ལོ་སི་ཀྲོན་མི་རིགས་དཔེ་སྐྲུན་ཁང༌།༽དེའི་གྲངས་༦༤ལས། “བཀའ་ ཤག་དྲུང་ཡིག་གཞིས་བརྩེ་བཀྲས་མཐོང་པ་དང༌། ལྷ་ས་རག་ཁ་ཚ་ཚུལ་བ། བཀའ་མགྲོན་མཉེས་ཐང་བདེ་སྐྱིང་གླིང་པ། བཀའ་ཤག་འགག་པ་བསམ་ཡས་ལྷ་ཁང་པ་བཅས་སྐྱབས་མགོན་སྲིད་ཞིའི་གཙུག་རྒྱན་རྒྱལ་ མཆོག་སྐལ་བཟང་རྒྱ་མཚོས་དབྱིངས་བཅད་ཀྱིས་གསར་བསྐོས་མཛད་དེ།”ཞེས་བཀའ་དྲུང་ རྣམ་པ་ཇི་ལྟར་བསྐོ་བཞག་གནང་སྐོར་འཁོད་པ་དེ་ཡིན་ཞིང༌། དེའི་སྔོན་གྱི་ཡིག་ཆ་འགར་བཀའ་བློན་ཤག་ཟེར་བ་ལས་བཀའ་ཤག་ཟེར་བའི་ཐ་སྙད་འདི་ མི་སྣང་ངོ༌།།

དེ་ལས་མང་བ་། ““བཀའ་ཤག་”ཅེས་པའི་ཐ་སྙད་ཀྱི་བསྡུས་དོན།” »

རིག་པའི་རལ་གྲིས།

གངས་ལྗོངས་རིས་མེད་བསྟན་པའི་མངའ་བདག་འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ཀྱི་ཞལ་སྔ་ནས།  སྲིད་པ་གསུམ་ན་ངོ་མཚར་ཟླ་མེད་པའི།  །ཨུ་དུམ་ཝཱ་ར་ལྟར་འཕགས་ཐམས་ཅད་མཁྱེན།  །འཛམ་གླིང་བསྟན་པའི་བདག་པོར་མངའ་གསོལ་པའི།  །རྒྱལ་མཆོག་ཕྱག་ན་པདྨོ་ཞབས་བརྟན་གསོལ་ཞེས་གསོལ་བ་འདེབས་པའི་ཡུལ་དམ་པ།
ལྷ་བཅས་འགྲོ་བའི་འདྲེན་མཆོག་༧ གོང་ས་སྐྱབས་རྒྱལ་བའི་དབང་པོ་སྐུ་འཕྲེང་བཅུ་བཞི་པ་ཆེན་པོ་མཆོག  ངེས་པ་དོན་གྱི་དབང་དུ་རྒྱལ་བ་ཀུན་གྱི་སྙིང་རྗེའི་རང་གཟུགས་འཕགས་མཆོག་ཕྱག་ན་པད་མོ་དང་གཉིས་སུ་མེད་པས།  རིང་ནས་མངོན་པར་རྫོགས་པར་སངས་རྒྱས་ཟིན་ནའང་།  དུས་ངན་གཉན་འཕྲང་ཅན་གྱི་སྐབས་འདིར།  རང་གི་གདུལ་བྱའི་ཚོགས་རྣམས་བརྩེ་ཆེན་ཡེ་ཤེས་ཀློང་ནས་སྐད་ཅིག་ཙམ་ཡང་ཡར་བ་མི་འདོར་བའི་གཡར་དམ་བརྟན་པོས།  ༡༩༣༨།༦།༧ ལ་བོད་ཆོས་ལྡན་གྱི་ཞིང་མདོ་སྨད་སྟག་རྩེ་ལ།  རྒྱལ་ཡབ་ཆོས་སྐྱོང་ཚེ་རིང་དང་།  རྒྱལ་ཡུམ་བསོད་ནམས་མཚོ་མོ་གཉིས་ཀྱི་སྲས་སུ་ངོ་མཚར་བའི་ལྟས་བསམ་གྱིས་མི་ཁྱབ་པ་དང་བཅས་སྐུ་བལྟམས།  ལྷ་མོ་བླ་མཚོའི་གཟིགས་སྣང་། བླ་ལྷའི་ལུང་བསྟན། ༧གོང་ས་མཆོག་གི་མཛད་སྤྱོད།  བཅས་ཕྱོགས་གང་ཐད་ནས་རྒྱལ་མཆོག་བཅུ་གསུམ་པ་ཆེན་པོའི་ཡང་སྲིད་འཁྲུལ་བྲལ་དུ་སྐྱེ་བོ་ཀུན་གྱི་མངོན་དུ་གྱུར་།

དེ་ལས་མང་བ་། “༑བོད་ཀྱི་ལོ་རྒྱུས་ནང་དུ་གངས་ཅན་མགོན་པོ་ཉིད་ལྟ་བུ་ཞིག་སྔར་ཡང་མ་བྱོན་ལ་ཕྱིས་ཀྱང་བྱོན་པར་མི་འགྱུར།” »

ཁ་ སང་སློབ་གྲྭའི་ལས་ཀ་ཚར་མ་ཐག་ དུས་བཅད་བྱས་པ་ལྟར་ཅ་ལག་ཅིག་ཉོ་རུ་ཕྱིན། ཅ་ལག་དེ་ནི་ དྲ་རྒྱ་བརྒྱུད་ནས་གོང་ཁེ་པོ་ཞིག་བཅས་རྙེད་བྱུང་། ཡིན་ན་ཡང་། ཅ་ལག་ཡོད་ས་དེ་ཆུ་ཚོད་གཅིག་ཙམ་གྱི་ས་ན་འདུག ངས་གྲོགས་པོ་ཞིག་འཁྲིད་ནས་སོང་། ཆར་པ་ནི་གནམ་གྱི་ཞབས་རྡོལ་བ་དང་མཚུངས། རླངས་འཁོར་སྔོན་མ་དག་གིས་ཆུ་གཤགས་ནས་ཕྱིན་པ་དེ་ཉ་ཆེན་ཞིག་རྒྱ་མཚོ་ནས་མཆོངས་ ཏེ་སླར་འཛུལ་བཞིན་པ་ལྟར་ཕྱོགས་གཉིས་ཀར་གཏོར་བཞིན་འདུག
ང་ཚོ་ཅ་ལག་ཉོ་ས་དེར་ སླེབས་སྐབས། བཙོང་མཁན་དེ་ད་དུང་སླེབས་མི་འདུག ང་ཚོས་ཁོང་སླེབས་རྒྱུར་སྒུག་པ་ཡིན། ཚོང་ཁང་གཡོན་ཕྱོགས་ན་རྒྱ་གར་གྱི་མངར་ཟས་ལྟ་བུའི་ཟས་རིགས་བཙོང་ས་ཞིག་འདུག ཅུང་མ་འགོར་བར་དེ་ནས་ཁ་ཆེའི་བུད་མེད་མགོ་རས་གོན་པ་ཞིག་སླེབས། མོས་ང་ཚོ་ལ་ལྟ་ཙམ་བྱས་ཏེ་མགོ་སྒུར་ནས་རླངས་འཁོར་དུ་འཛུལ། རླངས་འཁོར་མདུན་གྱི་འགྲུལ་པའི་འདུག་སྟེགས་དེར་བསྡད། རླངས་འཁོར་གྱི་མེ་སྦར། དེ་ནས་མོའི་ཁྱོ་ག་ཡིན་པ་འདྲ་བའི་མི་ཞིག་སླེབས། ཁ་ལོ་བའི་འདུག་སྟེགས་སྟེང་བསྡད་ནས་རླངས་འཁོར་བསྐོར་ཏེ་ཐོན་ སོང་།
མཚམས་དེར་ངེད་ཀྱིས་ཚོང་ ཁང་གི་སྒོ་བྱང་ལ་བལྟས་པ་ཡིན། ཨེ་རག་གི་ཚོང་ཁང་དང་ཟ་ཁང་ཞེས་བྲིས་འདུག ས་འདི་ན་ཡང་ཨེ་རག་གི་ཚོང་ཁང་ཞིག་ཡོད་པ་འདྲ་བསམས། མཚམས་དེ་ལ་ལོ་ན་རྒན་པའི་མི་ཞིག་ཕྱིར་ཐོན་ནས་སིག་གྷར་ཞེས་པའི་ཐ་མག་དེ་འཐེན། ཕར་བལྟས་ན་རྡ་རམ་ས་ལ་ཁུལ་གྱི་རྒྱ་གར་བའི་མི་དང་གདོང་དབྱིབས་ཤིན་ཏུ་མཚུངས།
“ཁྱོད་ཨེ་རག་ནས་ཡིན་ནམ།”
“ཡིན། ང་ཨེ་རག་ནས་ཡིན།”

དེ་ལས་མང་བ་། “གནམ་རྒན་མ། འཇིག་རྟེན་འདི།” »

སྒོམ་སྡེ་ལྷ་རམས་པ།
————————-

ཡོངས་གྲགས་སུ་རླུང་རྟ་ཞེས་པ་སྲོག་ཆགས་རྣམ་ལྔའི་གཟུགས་བརྙན་ལྡན་པའི་དར་ལྕོག་ལ་རླུང་རྟ་ཟེར།
རླུང་རྟ་དངོས་ནི། བསོད་ནམས་དང་བདེ་སྐྱིད་ལམ་འགྲོ་སོགས་ལ་གོ་དགོས་པ་ཡིན། རླུང་རྟ་ནི་སྐྱེ་བོ་གང་ཞིག་གི་འབྱུང་བའི་ཁམས་སྙོམས་པ་དང་།

དེ་ལས་མང་བ་། “རླུང་རྟའི་འགྲེལ་བཤད།” »