ཨ་ནུ་ཐང་བསོད་ནམས་ཀྱིས།

མི་སེར་སྤེལ་བའི་རིང་ལུགས་ཀྱི་ན་ཚ་མི་རིགས་སུ་དང་གང་ཟག་སུ་ལ་བྱུང་ཚེ་ནད་རྟགས་ནི་ཁ་དོག་སྣ་ལྔ་དང་མེ་ཏོག་སྣ་བརྒྱ་ཡིན་ལ། ཡིད་དུ་འོང་བའི་ནད་རྟགས་དེ་མཐའ་མ་གཅུང་ནད་དུ་གྱུར་ནས་མི་རིགས་དེ་དང་གང་ཟག་དེ་འཆི་ལམ་དུ་འདེད་ངེས་རེད། ཡར་རྒྱས་དང་མདུན་སྐྱོད་ཀྱི་དར་ཆ་འཁྱེར་ནས་རང་ཡིག་ཕལ་བ་བཞག་ཅིང་གཞན་ཡིག་གཙོ་ཆེར་འཛིན་པའི་སྲིད་ཇུས་ནི་མི་སེལ་སྤེལ་མཁན་ཚོའི་བླ་མེད་ཀྱི་ལག་ཆ་ཡིན་ལ། ལག་ཆ་དེས་མི་རིགས་གཞན་རྣམས་ཤོག་བུ་སྣུམ་ཟས་ཀྱི་ཚུལ་དུ་རྩ་མེད་དུ་བཟོ་རྒྱུ་དེ་རེད། ཡར་རྒྱས་དང་མདུན་སྐྱོད། བཅོས་སྒྱུར་དང་དེང་རབས། གསར་བཏོད་དང་མདུན་མཆོང་ཟེར་བའི་མཛེས་སྡུག་གི་མཚན་མ་སྣ་ཚོགས་བྱུང་ཡང་ངོས་ཟིན་ན་མི་སེར་བའི་སྤེལ་བའི་ནད་རྟགས་རེད། ནད་རྟགས་དེ་ངོ་ཤེས་ནས་མངོན་འགོག་གི་ལས་དོན་སྒྲུབ་རྒྱུ་ནི་གཙོ་གནད་དུ་མཐོང་ལ་རྒྱ་ནག་གིས་ངོས་ལེན་ཡོད་མེད་ལ་མ་ལྟོས་བ་ཁས་ལེན་མི་བྱེད་གཏོལ་མེད་བཟོ་དགོས་ཏེ། མ་བཟོས་ན་དབང་སྒྱུར་བས་དོགས་སྣང་བྱེད་མི་སྲིད། རྒྱ་མཚན་ནི། རྒྱ་ནག་ལ་རྩེད་མོ་འདི་སྔ་ས་ནས་རྩེད་རྒྱུའི་འཆར་གཞི་ཡོད་ཅིང་འགྲན་སྡུར་ཁྲོད་འགོག་སྲུང་དང་རྒྱལ་ཁ་ལེན་རྒྱུའི་གདེང་ཚད་ཡོད་ཅིང་ཅི་ལྟར་ལེན་རྒྱུའི་གྲ་སྒྲིག་ཀྱང་ཡོད་ངེས་རེད།

དེ་ལས་མང་བ་། “སློབ་མཚམས་འཇོག་རྒྱུ་ནི་བོད་ཡིག་སྐྱོབ་པའི་མཐར་ཐུག་གི་བགྲོད་ལམ་ཡིན།།” »

དམུ་རབ་ཀྱིས།

སྤྱིར་གསོ་བ་རིག་པའི་གཞུང་ནས་རང་ཅག་གི་ལུས་ཁམས་འདི་ལ་མི་འདོད་པའི་ནད་འབྱུང་རྐྱེན་ལ་ཕྱིའི་དུས་གདོན་ཟས་སྤྱོད་བཞི་དང། ནད་བྱུང་བའི་ཚེ་དེ་གསོ་བྱེད་ཀྱི་གཉེན་པོ་ལའང་ཕྱིའི་ཟས་སྤྱོད་སྨན་དཔྱད་བཞིར་བསྡུས་ནས་བཤད་ཀྱི་ཡོད། དེས་ན་མི་རང་རང་གི་སྒོ་གསུམ་གྱི་སྤྱོད་ཚུལ་དེ་སོ་སོའི་ལུས་ཁམས་བདེ་ཐང་ཡོང་མིན་ལ་ཧ་ཅང་འབྲེལ་བ་ཆེན་པོར་ཡོད་པར་བརྟེན། ང་ཚོའི་ངག་རྒྱུན་ལ་འགྲོ་ཆགས་ཉལ་འདུག་གི་སྤྱོད་ལམ་ཞེས་གླེང་བཞིན་པའི་ཡ་གྱལ་གཉིད་ཉལ་བའི་སྤྱོད་ལམ་དེའང་ང་ཚོའི་ལུས་འཚོ་ལུགས་ཀྱི་གནས་སྟངས་ཐད་ངེས་པར་ཤེས་དགོས་པའི་དོན་དག་ཅིག་རེད། མ་ཟད་གཉིད་ཉལ་བའི་སྤྱོད་ལམ་དེ་ཕྱི་ལུས་ཀྱི་འཕྲོད་བསྟེན་གཅིག་བུ་མ་ཡིན་པར་ནང་སེམས་ཀྱི་འགྲོ་ལུགས་དང་བློ་སྦྱོང་གི་རིམ་པ་ལ་དེ་བས་ཀྱང་འབྲེལ་བ་ཆེན་པོ་ཡོད་པ་ནི་ལུས་སེམས་གཉིས་རྟེན་འབྲེལ་གྱི་གནད་འགོག་ཅིག་ཏུ་སེམས་སོ།། དེས་ན་འདིར་ལུས་སེམས་གཉིས་ལས་གཙོ་བོ་ལུས་ཀྱི་འཕྲོད་བསྟེན་དང་བསྟུན་ང་ཚོའི་ཉིན་ཞག་གཅིག་ཆུ་ཚོད་ཉེར་བཞི་རུ་ཕྱེས་པའི་ནང་ནས་གཉིད་ཉལ་བའི་དུས། ཇི་ལྟར་ཉལ་བའི་ཚུལ། དེ་ལྟར་ཉལ་བའི་ཕན་ཡོན། ཚུལ་བཞིན་མ་ཉལ་བའི་ཉེས་སྐྱོན་སོགས་དོན་ཚན་འགའ་ཞིག་གི་ཐོག་ནས་གཤམ་དུ་རིམ་པས་ཞུ་འདོད་བྱུང།

དེ་ལས་མང་བ་། “གཉིད་ཉལ་བའི་སྤྱོད་ལམ་དང་འཕྲོད་བསྟེན།” »

འཇིགས་མེད་བཀྲ་ཤིས་ཀྱིས།

༄༅།། ཟམ་གདོང་རིན་པོ་ཆེ་བཀའ་ཁྲི་ཟུར་ནས་གང་དུ་ཕེབས་རྒྱུ་ཡིན་མིན་སྐོར་གླེང་སློང་ཞིག་དེ་སྔོན་ནས་ཡོང་གི་ཡོད། ཁ་ཤས་ཀྱིས་སྤྱི་འཐུས་ནང་ལ་ཕེབས་ཀྱི་རེད་ཟེར། ཁ་ཤས་ཀྱིས་ཁྲིམས་ཞིབ་ཁང་ལ་ཕེབས་ཀྱི་རེད་ཟེར། ཁ་ཤས་ཀྱིས་རི་ཁྲོད། ཁ་ཤས་ཀྱིས་གདན་ས། ཁ་ཤས་ཀྱིས་སླར་ཡང་ཝཱར་ཎར་ཕེབས་ཀྱི་རེད་ཟེར། དེ་ཐམས་ཅད་ལ་ཡིན་སྲིད་པའི་ཆ་རེ་ཡོད་པས་མཐའ་གཅིག་ཏུ་མ་རེད་ལབ་མི་ཐུབ། འོན་ཀྱང་སྤོབས་པ་མཐའ་ཡས་ཟེར་བས་ཟམ་གདོང་རིན་པོ་ཆེ་དོལ་དགོན་གསར་པའི་ནང་དུ་འཛུལ་སྲིད་སྐོར་བཤད་སོང། དེ་ནི་གཏན་ནས་མི་སྲིད་པ་ཞིག་རེད། ཆུ་བོ་གངྒཱ་ཝཱ་རཱཎ་སཱི་ནས་དཀྱོགས་ཏེ་རྒྱ་ནག་གི་རྒྱལ་ས་པེ་ཅིན་ལ་བཞུར་གྱི་རེད་ཟེར་བ་དང་མཚུངས། འདི་འདྲའི་མི་སྲིད་པ་ཞིག་བཤད་དགོས་དོན་གང་ཡིན་ནམ། མི་སྲིད་པའི་རྟོག་བཟོ་འདི་རིགས་ལ་དཔྱད་ཀྱང་དགོས་པ་ཆུང་བས་བཞག

དེ་ལས་མང་བ་། “ཟམ་གདོང་རིན་པོ་ཆེ་སྡེ་སྲིད་ཁྲི་པར་ཕེབས་ཀྱི་རེད།” »

གྲགས་པས།
དེ་རིང་བཙན་བྱོལ་བོད་མིའི་ས་གནས་ཁག་ནས་བཀའ་ཁྲི་དང་སྤྱི་འཐུས་ཀྱི་འོས་ཤོག་བླུག་གི་ཡོད་པ་ལྟར། འདི་ག་བལ་ཡུལ་དུ་གནས་སྡོད་བྱེད་མཁན་ས་གནས་ཆོལ་གསུམ་བོད་རིགས་མང་ཚོགས་ཀྱིས་གལ་ཆེ་དོན་ཆེན་གྱིས་འོས་བསྡུའི་ལས་རིམ་ལ་ཞུགས་ནས་སྔ་དྲོའི་ཚོུད་༩་ནས། ཕྱི་དྲོའི་ཚོུད་༤ཟ་མ་ཟིན་གྱི་མཚམས་ལ་བསླེབས་དུས་བློ་བུར་དུ་བལ་ཡུལ་གྱི་དྲག་ཆས་ཉེན་རྟོག་པ་རླངས་འཁོར་གཅིག་དང་། ཉེན་རྟོག་པ་རླངས་འཁོར་གཅིག་ཡོང་ནས་མི་མང་གིས་བླུགས་ཚར་པའི་འོས་སྒམ་ཁ་ཤས་འཕྲོག་བཅོམ་བྱས་པས་མ་ཚད། འོས་འཕེན་པ་དེ་ཚོའི་ཐོག་དྲག་པོའི་རྣམ་འགྱུར་ཤུགས་དྲག་བསྟན་སོང་། ད་དུང་དྲག་ཆས་ཉེན་རྟོགས་པ་དེ་ཚོ་ནི་ལག་ཏུ་དབྱུག་པ་དང་། མི་མདའ་ཐོག་པ་དེ་འདྲ་རེད་འདུག ཉམས་ཐག་པའི་བོད་རིགས་མང་ཚོགས་ཀྱི་གདོང་ལ་སྐྱོ་ཉམས་དང་བཅས། ཇི་བྱ་གཏོར་མེད་དུ་གྱུར་ནས་རང་སོར་ཕྱིར་ལོག་བྱེད་དགོས་བྱུང་ཞིང་།

དེ་ལས་མང་བ་། “འོས་སྒམ་བཙན་འཕྲོག་བཅོམ་གྱི་དོན་རྐྱེན།” »

འཇིགས་མེད་བཀྲ་ཤིས་ཀྱིས།
༄༅།།ན་ནིང་༸གོང་ས་མཆོག་གིས་བོད་རིགས་གཞོན་སྐྱེས་རྣམས་ལ་ནང་ཆོས་ངོ་སྤྲོད་ཐེངས་གསུམ་པའི་སྐབས། དེང་སང་བོད་པའི་སྤྱི་ཚོགས་སྤྱི་དང། ལྷག་པར་རླུང་འཕྲིན་སོགས་ཀྱི་ནང་བོད་ཀྱི་སུམ་རྟགས་དག་གསུམ་གྱི་འགྲོ་སྟངས་དང་མི་མཐུན་པའི་ཐ་སྙད་གསར་བཟོ་མང་པོ་ཡོང་གི་ཡོད་པ་མི་ལེགས་ཚུལ་དང། སྔོན་གྱི་མཁས་པས་བཟོས་པའི་ཐ་སྙད་ཀྱི་འགྲོ་སྟངས་ལ་ནོར་འཁྲུལ་མེད་སྟབས་ཐ་སྙད་གསར་བཟོ་བྱེད་དགོས་དོན་མེད་ཚུལ་བཀའ་སློབ་ཕེབས་ཡོད། འདི་ཡང་བོད་རང་གི་སྐད་ཡིག་ལ་གཅེས་སྤྲས་བྱེད་སྟངས་ཀྱི་ཆ་ནས་གསུངས་པ་ཡིན་འདུག
དེས་ན་ང་ཚོས་བོད་ཡིག་ཐོག་ནས་རྩོམ་ཡིག་འབྲི་བ་དང། གསར་འགྱུར་སྤེལ་བ། ཡིག་བསྒྱུར་དང་རྩོམ་སྒྲིག་བྱེད་པ། དེ་བཞིན་དྲ་རྒྱའི་ཐོག་ཟིན་བྲིས་དང་ཟིན་ཐོ། བསམ་ཚུལ་དང་བསམ་འཆར། དྲི་བ་དང་ལན་འབྲི་བ་སོགས། མདོར་ན་བོད་སྐད་བོད་ཡིག་གི་ཐོག་ནས་སྒྲུབ་བཞིན་པའི་ལས་དོན་འདི་ཐམས་ཅད་ཀྱི་ནང་དུ། སུམ་རྟགས་དག་གསུམ་གྱི་འགྲོ་སྟངས་དང་མི་མཐུན་པའི་ཐ་སྙད་གསར་བཟོ་བྱས་ན། བོད་རང་གི་སྐད་ཡིག་ལ་གནོད་ཀྱི་ཡོད་པ་དངོས་ཡོད་གནས་ཚུལ་ལ་བརྟེན་ཚང་མས་གཟབ་དགོས་པར་གདའ།

དེ་ལས་མང་བ་། “ཐ་སྙད་གསར་བཟོ་ལ་གཟབ་དགོས།” »

ཨ་ནུ་ཐང་བསོད་ནམས་ཀྱིས།
———–
སྐུ་མདུན་མཁོ་དང་མང་གཙོ་མཁོ་ཞེས་བའི་དྲི་བ་འདི་ནི་ཆུང་ཆུང་ཞིག་མིན་པར་ཚིག་འདིའི་རྒྱབ་ནས་བག་ལ་ཉལ་བའི་གསང་པ་ཞིག་ཡོད་པ་འདོད། གལ་སྲིད་བོད་པ་མང་གཙོ་ཚད་ལྡན་དུ་ཕྱིན་པ་ཡིན་ན་གོང་ས་མཆོག་དབྱིན་ཡིག་གི་རྒྱལ་མོ་དང་འབྲུག་གི་རྒྱལ་པོ། གསི་ཝེའི་སྒྲན་དང་བྷེ་རྒྱམ་གྱི་རྒྱལ་སྲས་ལྟ་བུ་བཞུགས་རྒྱུ་ལས་བོད་ལ་མཁོ་གལ་མེད་པའི་མི་སྣ་ཞིག་ཏུ་ག་ལ་འགྱུར། རྒྱུ་མཚན་ནི་བོད་པ་མང་གཙོ་ཕྱིན་ཡང་གོང་ས་མཆོག་བློས་བཏང་དགོས་བ་གནད་དུ་མ་མཐོང་ཞིང་དེ་ལྟར་བྱས་ན་སྤྱི་སྒེར་གཉིས་ལ་གྱོང་ལས་ཁེ་ཕན་མེད་པས་བོད་མི་རྣམས་ཀྱིས་གོང་ས་མཆོག་འདོར་དུ་མི་ནུས་ལ། བོད་མིའི་སེམས་ནང་གི་གོང་ས་མཆོག་ནི་གངས་རི་ལས་ཀྱང་བརྟན་ཞིང་རྣོ་ལྕགས་ལས་ཀྱང་མཁྲེགས་པས་གོང་ས་མཆོག་བོད་མིས་འདོར་བའི་བསམ་བློ་ནི་རི་བོང་གནམ་ལྟས་ཀྱི་སྡུག་ངལ་རེད། གཅིག་བྱས་ན་ཆབ་སྲིད་ཚོགས་པ་ཁ་ཤས་ཀྱིས་བོད་མིའི་ཁྲོད་ཆེད་མངགས་ཀྱིས་དཀྲུགས་ཤིང་བཏང་བ་ཡིན་ཤས་ཆེ་བས་སྤྱི་སྒེར་གཉིས་ཀྱིས་གཟབ་གལ་ཆེ། དེ་ལྟར་དཀྲུགས་ཤིང་བཏང་བ་ཡིན་ན་བོད་མི་མང་པོ་ཞིག་གིས་གནད་དོན་དེ་ལ་འགོག་རྐྱེན་བཟོས་ནས་བོད་པ་མང་གཙོ་ཆགས་རྒྱུ་དཀའ་ངལ་ཕྲད་པ་མ་ཟད་མང་གཙོའི་འདོད་འདུན་འཛིན་མཁན་གྱི་བོད་མི་སྡེ་ཁག་དང་འགལ་ཟླ་གྱུར་ནས་བོད་འདི་ད་ལྟ་ལས་ཀྱང་ཁ་ཐོར་དུ་ཕྱིན་ནས་གཅིག་གྱུར་གྱི་གོམ་པ་སྤོ་མི་ནུས་ལ། རྒྱལ་སྤྱིའི་སྟེང་བོད་འདི་གནའ་བོའི་ལྟར་བླ་མའི་དབང་སྒྱུར་འོག་ཏུ་ཡོད་ཚུལ་གྱི་ཆབ་སྲིད་ཀྱི་དྲིལ་བསྒྲགས་སྤེལ་བྱེད་ཀྱི་ལག་ཆ་གྱུར་ཞིང་། རྒྱ་ནག་གིས་བོད་བཅིངས་གྲོལ་བཏང་ཚུལ་ཡང་ཚུལ་མཐུན་ཡིན་པའི་ལག་རྟེན་དུ་ཆགས་རྒྱུ་རེད། བོད་འདི་ཆོས་དད་ཆེ་བས་གཞན་གྱིས་བོད་མིའི་ཁྲོད་འགལ་ཟླ་བསླངས་ན་ཆོས་ལུགས་ཀྱི་སྟེང་ནས་སླང་བས་ངེས་བར་དུ་གཟབ་གལ་ཆེ། རང་ཉིད་དགའ་ས་ཡིས་རང་སྲོག་གཅད་པའི་དཔེ་ལྟར་བོད་པ་མོས་སའི་ཆོས་ལུགས་ཀྱིས་ཆད་ལ་ཉེ་བའི་མི་རིགས་འདིའི་ཚེ་སྲོག་གཅད་དུ་ངེས་བས་གཟབ་གལ་ཆེ།

དེ་ལས་མང་བ་། “སྐུ་མདུན་མཁོ་དང་མང་གཙོ་མཁོ་ཞེས་བ་མཐའ་དཔྱོད།།” »

འཇིགས་མེད་བཀྲ་ཤིས་ཀྱིས།
————-
༄༅།། བོད་དོན་བདེན་མཐའ་གསལ་ཞེས་པའི་ཚིག་འདིའི་གསལ་ལ་བསལ་དང་སེལ་འབྲི་མཁན་ཁ་ཤས་ཡོང་གི་འདུག དེ་ནི་ གསར་འགོད་པ་རེ་ཟུང་དང་ཟིན་བྲིས་པ་འགའ་ཤས་ཀྱིས་གསར་ཤོག་དང་དྲ་རྒྱ་སོགས་ཀྱི་ཐོག་འབྲི་བཞིན་པ་ཡང་ཡང་མཐོང་། དེ་ཚོ་མཐོང་དུས་གསར་འགོད་པ་དང་ཟིན་བྲིས་པ་འདི་དག་གིས་ཚིག་འདིའི་གོ་དོན་ཡང་ཇི་བཞིན་ཤེས་ཀྱི་མི་འདུག་སྙམ་དུ་མཚར་སྣང་འདྲ་ཞིག་སྐྱེས་བྱུང། ཉེ་ཆར་གནས་ཚུལ་ཞིག་གིས་དེ་ཚོ་ནི་ཅི་ཡང་མིན་པར་དེ་ལས་ལྷག་པའི་མཚར་སྣང་སྐྱེ་དགོས་པ་ཞིག་བྱུང་སོང།
དེ་ནི་ཉེ་ཆར་བོད་གཞུང་ཟློས་གར་ཁང་དུ་ཚོགས་པའི་བཀའ་བློན་ཁྲི་པའི་སྐོར་གྱི་བགྲོ་གླེང་སྐབས། སྤྱི་འཐུས་ཚོགས་གཙོ་དང་ཚོགས་གཞོན་གཉིས་ཀས་དེའི་སྐོར་འགྲེལ་བཤད་ཁྱད་མཚར་ཞིག་བསྐྱོན་པ་དེ་རེད། ཁོང་གཉིས་ཀས། སྔར་བོད་རང་དབང་རང་བཙན་ཡིན་པ་དེ་བདེན་པ་དང། ད་ཆ་བོད་རྒྱ་མིས་བཙན་བཟུང་བྱས་ནས་ཡོད་པའང་བདེན་པ་ཡིན་པ་སོགས་བདེན་པ་ཁ་ཤས་བགྲངས་མཐར། བདེན་པ་འདི་དག་ང་ཚོས་རྩོད་དེ། མཐར་ང་ཚོའི་དཀའ་ངལ་རྣམས་ཕར་བསལ་བ་དེ་ལ་བདེན་མཐའ་བསལ་ཟེར་ཞེས་གསུངས་སོང། ཁོང་གཉིས་ཀས་བདེན་མཐའ་གསལ་བའི་གསལ་ནི་བ་བསལ་གྱི་དོན་དུ་ཧ་ཅང་གསལ་པོ་བྱས་ན་བཀྲལ་སོང། དེ་གོ་བ་དང་སེམས་ལ་ཡ་མཚན་གྱི་སྣང་བ་སྔར་བས་ཆེ་བ་ཞིག་སྐྱེས། ད་བར་ཚོགས་གཙོ་ཚོགས་གཞོན་གཉིས་ཀྱིས་བོད་དོན་བདེན་མཐའ་གསལ་བ་ཞེས་པའི་ཚིག་འདི་གསུང་བཤད་ཁག་གི་སྐབས་མཎི་སྐྱོར་སྐྱོར་གསུང་གི་ཡོད་ལ། བཅའ་ཁྲིམས་དང་༸གོང་ས་མཆོག་གི་བཀའ་སློབ་གསུང་འཕྲིན་གྱིས་གཙོས་གཞུང་འབྲེལ་ཡིག་ཆ་ཁག་གི་ནང་རྒྱུན་དུ་བདེན་མཐའ་གསལ་ཞེས་འཁོད་ཡོད་པ་མ་གཟིགས་པ་ག་ལ་སྲིད། འོན་ཀྱང་ཁོང་གཉིས་ཀས་དོན་དངོས་སུ་བདེན་མཐའ་གསལ་ཞེས་པའི་ཚིག་དོན་ཇི་བཞིན་མཁྱེན་མི་འདུག་ཨ་སྙམ་པ་བྱུང།

དེ་ལས་མང་བ་། “བདེན་མཐའ་གསལ་བ་ག་གསལ་ཡིན།” »

གཅན་བཟོད་རྒྱམ།
——-


དེ་རིང་ཞོགས་པ་སྔ་མོ་ནས་གཉིད་སད་བྱུང་བས་ཡར་ ལངས་ཏེ་བརྙན་འཕྲིན་ཁ་ཕྱེ་སྟེ་གསར་འགྱུར་དང་ཡོ་གྷ་སོགས་ལ་བལྟས་པ་ཡིན། ཁོ་ཧྥེ་ཕོར་བ་གང་འཐུང་ཞོར་དུ་མཚོ་སྔོན་བརྙན་འཕྲིན་ཐོག་ཏུ་ཁ་བསྒྱུར་པ་ཡིན། 
   དེ་རིང་ཅི་ཞིན་ཡིན་མིན་མ་ཤེས། ཞོགས་པ་སྔ་མོ་ནས་༼གླུ་གར་སྟེགས་བུ་༽ཞེས་པ་དེ་གཏོང་གིན་འདུག གླུ་བྲོ་གསུམ་བཏང་རྗེས་༼གླུ་གར་སྟེགས་བུ་༽བཏང་ཚར་སོང་། ངའི་སེམས་སུ་ཡང་གླུ་གར་སྟེགས་བུ་དེར་བལྟས་པ་དོན་སྙིང་བྱུང་སོང་སྙམ། རྒྱུ་མཚན་ནི་གླུ་བྲོ་གསུམ་ལས་གཅིག་གིས་ཡིད་དབང་ཡོངས་སུ་བཀུག་སོང་། དང་པོ་ནི་ཆུ་ཀུབ་གྱོན་པ། ༼མཉམ་བྲོ། ཆུ་ཀུབ་ཀྱི་མདོག་དང་བཟོ་འདྲ་བའི་སྨད་གོས་དགུགས་དབྱིབས་ཅན་གྱོན་འདུག༽གཉིས་པ་ ནི་ངའི་ཡིད་དབང་འཕྲོག་བྱེད་ཀྱི་༼ཕ་ཡུལ་དྲན་པའི་དགུང་བ།༽ཞེས་པའི་རྐྱང་བྲོ་ དེ་རེད། གསུམ་པ་ནི་གཟུགས་གཞི་ངོམ་པ། ༼མཉམ་བྲོ། བྱིས་པ་འགས་འཁྲབ།༽བཅས་རེད། 
   སྤྱིར་ང་ནི་རོལ་དབྱངས་ལ་ཉན་རྒྱུ་དང་ཞབས་བྲོ་ལ་ལྟ་བར་དམིགས་གསལ་གྱིས་དགའ་ ཞིང་། དེ་བས་ཀྱང་རྐྱང་བྲོ་དང་ཁེར་ལན་ལ་ཧ་ཅང་དགའ། དག་དག་ད་ནངས་ཕྱོགས་པའི་ངའི་ཡིད་དབང་འཕྲོག་པའི་ཞབས་བྲོ་དེ་ཡང་རྐྱང་བྲོ་ཞིག་ རེད་ལ། དེ་ཡང་སྐྱེ་མ་ཞིག་གིས་འཁྲབ་པའི་རྐྱང་བྲོ་ཞིག་རེད། 
  

དེ་ལས་མང་བ་། “སྒྱུ་རྩལ་བཀླགས་པའི་ཚོར་སྣང་།” »

སྒྲོན་ཕྲུག་ནས།
———
དེ་རིང་གཟའ་ཉི་མའི་ཞོགས་ཀ་སྔ་པོ་ནས་ཡར་ལངས་ཏེ་ནམ་རྒྱུན་ལྟར་་བྷོ་དྷའི་མཆོད་རྟེན་ལ་སྐོར་བ་ཁ་ཤས་བྱས་རྗེས། མཆོད་རྟེན་ཤར་ངོས་ཀྱི་བོད་པའི་ཇ་ཁང་རིང་པོ་ཞིག་ཡོད་ས་དེར་ཇ་འཐུང་དུ་སོང་སྐབས། ག་ས་གང་ནས་ཡོང་བའི་སྐོར་རྒྱག་མང་པོས་རླངས་པ་ཁོལ་ཁོལ་གྱི་མངར་ཇ་དང་། ཨ་ལོ་བག་ལེབ་རྔམ་ཟ་དང་རྔམ་འཐུང་བྱེད་ཀྱིན་འདུག དེ་བཞིན་ང་ཡང་དེའི་གྲས་སུ་བསྡད་ནས་ཇ་འཐུང་ཞོར་དུ་གཡས་ལྟ་གཡོན་ལྟ་བྱས་དུས། ངའི་རྒྱབ་ཀྱི་ཅོག་ཙེ་ཞིག་གི་སྟེང་ཕར་བལྟས་ཚོད་ལ་བོད་པ་ལོ་ན་ལྔ་བཅུ་ཡས་མས་ཁ་ཤས་ཤིག་དང་། ཨ་ནེ་ཞིག་བསྡད་འདུག་པ་མཐོང་བྱུང་། སྐབས་དེར་རྒན་པོ་ཞིག་གིས་ལག་གཡས་པས་ཇ་བཟུང་། གཡོན་པས་སྣ་ཐ་ཞིག་བཟུང་སྟེ། དབུགས་རིང་རེ་འཐེན་ཞོར་དུ། ཡ་ད་ད་ལོ་འོ་རང་ཚོའི་དགའ་ལྡན་ཁྲི་བ་དེ་སུ་ལ་བླུགས་དགོས་པ་རེད་ལབ་བྱུང་། ལམ་སང་ཁོང་གི་ཁ་གཏད་དུ་ཡོད་པའི་རྒན་པོ་ཞིག་གིས་ག་རེ་དགའ་ལྡན་ཁྲི་བ། བཀའ་བློན་ཁྲི་བ་ལབ་དང་ཟེར། དེ་དུས་ཁྲིས་ནས་རྒན་མོ་ཞིག་གིས་ག་རེ་སེམས་ཁྲེལ་བྱེད་ཀྱིན་ཡོད། རྒྱ་ཆེའི་མང་ཚོགས་ཀྱིས་འོས་ཤོག་བླུག་ཡོང་དུས་གཅིག་ལ་ཁེལ་ཡོང་གི་རེད། དེ་འོ་རང་ཚོའི་འགོ་ཁྲིད་རེད། ལབ་པ་དང་ཁམས་ཕྱོགས་ནས་ཡིན་པའི་ལོ་ན་ཁོང་ཚོ་ལས་ཅུང་ཆུང་བ་ཞིག་གིས་དེ་གལ་ཆེན་པོ་རེད་ད། ང་ཚོས་ངེས་པར་དུ་མི་ཡག་པོ་ཞིག་མ་འདེམས་ན་རྒྱལ་པ་རིནཔོ་ཆེ་ནི་དགུང་ལོ་མཐོན་པོ་རེད།

དེ་ལས་མང་བ་། “བྷོ་དྷའི་ཇ་ཁང་ནང་གི་བཀའ་ཁྲི་ལབ་གླེང་།” »

རྒྱལ་སྤྱིའི་བོད་རིག་པའི་ཚོགས་འདུའི་ཐོག་ཉི་ཧོང་པ་ཞིག་དང་འཕྲད། ང་ཚོས་གླེང་མོལ་བྱས། ཁོང་གི་བོད་སྐད་ནི་བོད་པ་རང་རེད། ངས་སྤྱིར་བཏང་གི་དྲི་བ་ཞིག་དྲིས་པ་ཡིན། དེང་སང་ཅ་ལག་ཐོན་གསར་མང་པོ་ཡོད་རེད། དེ་ཚོ་ཉི་ཧོང་གི་སྐད་དུ་བསྒྱུར་སྐབས། ཅ་ལག་གཅིག་ལ་མིང་སྣ་ཚོགས་ཆགས་ནས་དཀའ་ངལ་འཕྲད་ཀྱི་འདུག་གམ། ཡང་ན། ཁྱེད་ཚོ་ལ་གཞུང་གིས་གཏན་འབེབས་བྱས་པའི་སྐད་ཡིག་ཚོགས་པ་ཞིག་གིས་མིང་ཚིག་གསར་བཟོ་བྱེད་ཀྱི་ཡོད་པ་རེད། ཅེས་དྲིས། ཁོང་གིས་རྣམ་འགྱུར་ལྷོད་ལྷོད་ཅིག་གི་ངང་ནས། “དེ་འདྲ་ཁྱོན་ནས་མ་རེད། ང་ཚོ་ལ་ཆ་གཞག་ན། ཅ་ལག་གསར་པ་སོགས་ཐོན་སྐབས། ཚགས་པར་དེ་འདྲས་ངོ་སྤྲོད་ཀྱི་ཡི་གེ་བྲིས་ནས་མིང་བཏགས་ཡོང་གི་རེད། དེ་ཡང་ཚགས་པར་རེ་རེ་ནས་མིང་རེ་རེ་བྲིས་ཏེ་ཡོང་གི་རེད། རིམ་གྱིས་མི་མང་གིས་མིང་གང་བློ་ལ་འཇགས་བདེ་བ་དང་སྣང་བ་འགྲོ་བ་དེ་བེད་སྤྱོད་བྱས་ཡོང་གི་རེད། དེ་ནས་མིང་གཞན་རྣམས་རང་བཞིན་གྱིས་ཡལ་འགྲོ་གི་རེད་ལ། མི་མང་གིས་གང་འདམས་པ་དེ་མིང་གཏན་འཁེལ་འགྲོ་གི་རེད། དེ་འདྲ་ཡིན་ཙང་རྙོག་དྲ་ཡོད་མ་རེད།”ཅེས་གསུངས་བྱུང་།

དེ་ལས་མང་བ་། “དྲུག་གསུམ་བཅོ་བརྒྱད།” »