༄༅། །སྐྱབས་རྗེ་འཁྲུལ་ཞིག་ཞྭ་སྤྲུལ་མཁན་ཆེན་འགྱུར་མེད་ངག་དབང་བློ་གྲོས་རིན་པོ་ཆེ་མཆོག་ནི་ཡ་འབྲོག་སྟག་ལུང་དུ་ཕྱི་ལོ་ ༡༩༢༣ ལོར་སྐུ་འཁྲུངས་ཤིང་དགུང་གྲངས་བཞིར་སོན་སྐབས་མཁན་ཆེན་ངག་དབང་བསྟན་འཛིན་ནོར་བུ་མཆོག་གིས་རང་གི་རྩ་བའི་བླ་མ་འཁྲུལ་ཞིག་བསྟན་འགྲོའི་རྡོ་རྗེ་མཆོག་གི་ཡང་སྲིད་འཁྲུལ་མེད་དུ་ངོས་འཛིན་གནང། དགུང་གྲངས་བཅུར་སོན་སྐབས་མཁན་པོ་ངག་དབང་མཁྱེན་རབ་སྐུ་མདུན་ནས་དགེ་ཚུལ་གྱི་སྡོམ་པ་བཞེས། དགུང་གྲངས་བཅུ་དགུར་མཁན་པོ་ངག་དབང་མཁྱེན་རབ་མཆོག་དགོངས་པ་རྫོགས་རྗེས་མཁན་རིན་པོ་ཆེ་དམ་དེ་ཉིད་ཀྱི་དགོངས་བཞེད་ལྟར་འཁྲུལ་ཞིག་རིན་པོ་ཆེ་མཆོག་ནས་རྫ་རོང་ཕུ་དགོན་པའི་མཁན་པོ་མཛད། དེ་རྗེས་མི་རིང་བར་སྨིན་གྲོལ་གླིང་དགོན་པར་ཐོས་བསམ་སློབ་གཉེར་གནང་ཆེད་ཕེབས། དགོན་དེར་ཕེབས་རྗེས་རང་གི་རྩ་བའི་བླ་མ་གཅུང་ངག་དབང་ཆོས་དར་རིན་པོ་ཆེ་མཆོག་དང་མཁྱེན་བརྩེ་ནོར་བུ་རིན་པོ་ཆེ་མཆོག་གཉིས་ཀྱིས་མཁན་སློབ་མཛད་དེ་དགེ་སློང་གི་སྡོམ་པ་འབོགས་ཆོག་མཛད།
སྐྱབས་རྗེ་འཁྲུལ་ཞིག་རིན་པོ་ཆེ་དགོངས་པ་གཞན་དོན་དུ་གཤེགས་པ།
གངས་ལྗོངས་རྒྱལ་བསྟན་ཡོངས་ཀྱི་ཕྱི་མོ་སྔ་འགྱུར་བསྟན་པའི་དབུ་འཛིན་ཁྲི་རབས་ལྔ་པ་༧སྐྱབས་རྗེ་འཁྲུལ་ཞིག་རིན་པོ་ཆེ་འགྱུར་མེད་ངག་དབང་བློ་གྲོས་རིན་པོ་ཆེ་མཆོག་མཆོག་འདི་ཟླའི་ཚེས་གཉིས་ཉིན་སྐུ་གཤེགས་པའི་ཡིད་སྐྱོའི་གནས་ཚུལ་ཐོན་ཡོད་པ་དང་། ཁོང་ནི་ཕྱི་ལོི་ ༡༩༢༣ ལོར་ཡར་འབྲོག་སྟག་ལུང་དུ་སྐུ་འཁྲུངས་ཤིང་། ད་ལོར་དགུང་གྲངས་༨༨ ལ་ཕེབས་ཡོད།
དེ་ལས་མང་བ་། “སྐྱབས་རྗེ་འཁྲུལ་ཞིག་རིན་པོ་ཆེ་དགོངས་པ་གཞན་དོན་དུ་གཤེགས་པ།” »
མ་ཡུམ་གངས་ལྗོངས་ལ་བསྟོད་པ།
ཀྱེ་ཀྱེ་མ་ཡུམ་གངས་ལྗོངས་ཁྱེད་ཉིད་དང་།།
བྲལ་ནས་ལོ་ཟླའི་ཕྲེང་བ་བསྟར་ལ་བརྒྱུས།།
ཁྱེད་ཀྱིས་གནང་བའི་བག་ཆགས་ཟབ་མོ་དག།།
ཤ་དང་རུས་པའི་གསེང་ལ་བྲལ་མེད་འཐིམ།།
མཐོ་བ་རི་མགོ་དཀར་གཙང་གངས་ཀྱིས་རྒྱན།།
དམའ་བ་གཙང་ཆུ་སྔོ་ཞིང་དྭངས་བར་བཞུར།།
སྤང་རི་ལྗང་ཁུ་སྒོ་ཟོག་ནོར་གྱིས་ཁེངས།།
ཆུ་མིག་དྭངས་མོ་སྤང་ཁུག་གསེང་ནས་འབུར།།
དྲང་སྲོང་གི་མེ་སྟག་ལས་མཆེད་པའི་ཆིག་སྒྲིལ་གྱི་མེ་ལྕེ་དམར་མོ།
(ཀླུ་སྨྱོན་རྩོམ་རིག་བྱ་དགའི་འགྲན་རྩོམ།)
བོན་ནག་ཚང་།
༡༽ གངས་རི་མཐོན་པོའི་ཉེ་འགྲམ། ཆུ་བོ་ཆེན་པོའི་མགོ་ཁུངས། རི་མཐོ་ཞིང་ས་གཙང་བ། བོན་ཤེས་རིག་ཀྱི་ཕ་ས། བསིལ་ལྡན་ཁ་བའི་ལྗོངས་དེ་ནའང་། འཛམ་གླིང་དམག་ཆེན་སྔ་ཕྱིའི་བར་མཚམས་དེར། གནམ་ས་བླ་འོག་བསྒྱུར་བའི་གཡུལ་འཁྲུག་བྱུང་། ལུས་ཟུངས་དང་དཔུང་པ་ཅན་རྣམས་གྲི་རུ་ཤི་ཞིང་། གོ་མཚོན་མེད་པའི་དཔའ་བོ་ཁྱུ་གཅིག་བཙོན་དུ་ཤི། ཕལ་མོ་ཆེ་ནི་ནས་འབྲུ་རེ་ལ་ཟླ་བ་རེ་ཟོས་ཤིང་། རུས་རྐང་རེ་ལ་ལོ་འཁོར་རེ་སྣོམ་ཤིང་མཐའ་མ་དེར་དུང་མདོག་གི་མགོ་རུས་ལ་རླུང་བུས་བཏབ་ན་སིང་སིང་གི་སྒྲ་གྲགས་སྐད། དེ་ལྟར་ཤེས་རབ་ཅན་དང་། ཚུལ་ཁྲིམས་ཅན། བརྩོན་འགྲུས་ཅན་རྣམས་ནི་འཆི་ལུགས་གནག་པོ་ཞིག་གིས་གཤིན་རྗེ་རྒྱལ་པོའི་སྒོ་དྲུང་དུ་དེད་སོང་ཟེར། ང་ཚོའི་མིག་གིས་འཇིག་རྟེན་འདི་མཐོང་བའི་དུས་སུ་རི་བོ་རྣམས་འོ་དོད་ལྷང་ལྷང་དང་། ཆུ་བོ་རྣམས་སྡུག་གཏམ་ཤུབ་ཤུབ་ཏུ་འདུག ལོ་རབས་འདི་དག་ཏུ་ཆེས་ཐབས་སྡུག་གི་དུས་ཚོད་ཉིན་མཚན་འཁྱོངས་དཀའ་བ་ཞིག་སྟེ་ཉི་མ་ལྷོ་རུ་བཞུད་ཅིང་ཟླ་བ་གཟའ་ཡིས་ཟིན་པའི་གནམ་སྟོང་གི་མུན་ནག་སྟེ། མདོར་ན་གངས་རི་ལ་མགོན་པོ་མེད་པའི་ནག་ཁུངས་ཀྱི་མཚན་མོ་དེ་རེད།
དེ་ལས་མང་བ་། “དྲང་སྲོང་གི་མེ་སྟག་ལས་མཆེད་པའི་ཆིག་སྒྲིལ་གྱི་མེ་ལྕེ་དམར་མོ།” »
༼བོད་ཀྱི་དུས་སྟོན་གཟའ་འཁོར་༽ཞེས་པ་རྗར་མེ་ནི་ཡི་གྲོང་རྡལ་རྦམ་ཤེ་རྡ་རྡར་ཚུགས་པ།
གསར་གནས་མཁོ་གཏོང་གནང་མཁན་གངས་འདབས།
༼འགྲེམས་སྟོན།༽ གཉའ་གནོན་དང་། བཅོམ་བརླག་བྱུང་བའི་ཉམས་མྱོང་ནི་ཁོང་ཚོ་གསུམ་གྱི་ཐུན་མོང་གི་ཚོར་སྣང་ཡིན་ངེས།
༼བོད་ཀྱི་དུས་སྟོན་གཟའ་འཁོར་༽རྗར་མེ་ནི་ཡི་གྲོང་རྡལ་རྦམ་ཤེ་རྡ་རྡར་ཟླ་བརྒྱད་པའི་ཚེས་༢༧ཉིན་བོད་ཀྱི་དེང་དུས་སྒྱུ་རྩལ་གྱིས་གཙོ་བོར་བྱས་པའི་རིག་གནས་མཛད་སྒོ་ཞིག་གི་དབུ་ཕྱེས་བྱས་ཡོད་པ་དང་། མཛད་སྒོ་དེའི་དབུ་འབྱེད་ལ་ཡོ་རོབ་ཤར་མ་དང་དབུས་མའི་སྐུ་ཚབ་དོན་གཅོད་ཁང་གི་སྐུ་ཚབ་དང་།༧གོང་ས་མཆོག་གི་དམིགས་བསལ་སྐུ་ཚབ་ཀྱི་ཕྱག་རོགས་སེ་ཝོ་བསྟན་འཛིན་མཆོག་ཆེད་ཕེབས་གནང་ཡོད་པ་དང་། ཁོང་གིས་དབུ་འབྱེད་ཀྱི་གསུངས་བཤད་གནང་སོང་།
དེ་ལས་མང་བ་། “༼བོད་ཀྱི་དུས་སྟོན་གཟའ་འཁོར་༽ཞེས་པ་རྗར་མེ་ནི་ཡི་གྲོང་རྡལ་རྦམ་ཤེ་རྡ་རྡར་ཚུགས་པ།” »
མང་གཙོའི་དུས་ཆེན་ཐེངས་ལྔ་བཅུ་ང་གཅིག་པའི་ཐོག་བཀའ་བློན་ཁྲི་པའི་གསུང་བཤད།
༄༅། །དེ་རིང་བཙན་བྱོལ་བོད་མིའི་མང་གཙོ་དབུ་བརྙེས་ནས་ལོ་ལྔ་བཅུ་ང་གཅིག་འཁོར་བའི་ སྐལ་བཟང་དུས་སྟོན་འདིར། འཛམ་གླིང་གང་སར་གནས་པའི་བོད་རིགས་ཡོངས་དང་། ཁྱད་པར་བཙན་འོག་ཏུ་གནས་པའི་གཞིས་བཞུགས་བོད་རིགས་སྤུན་ཟླ་རྣམས་ལ་འཚམས་ འདྲིའི་བཀྲ་ཤིས་བདེ་ལེགས་དང་། སྤྱིར་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་གུས་ཕྱག་གིས་བཀའ་དྲིན་རྗེས་ དྲན་དང་སྦྲགས། བོད་མིའི་ཆབ་སྲིད་ལམ་ལུགས་ཆོས་ལུགས་རིས་མེད་ཀྱི་མང་གཙོའི་སྤྱི་ཚོགས་ཏུ་ འགྱུར་རྒྱུའི་ཐུགས་བཞེད་བསྒྲུབ་རྒྱུའི་ཆོད་སེམས་བརྟན་པོ་བཟུང་རྒྱུ་ཡིན། བཙན་བྱོལ་བོད་མིའི་མང་གཙོའི་འཕེལ་རིམ་མཐའ་དག་གཙོ་བོ་༸གོང་ས་༸སྐྱབས་མགོན་ ཆེན་པོའི་ཡང་དག་པའི་དབུ་ཁྲིད་ལམ་སྟོན་ལས་བྱུང་ཞིང་། ༸གོང་ས་མཆོག་ནི་མཐའ་གཅིག་ཏུ་མང་གཙོའི་ལམ་ལུགས་ལ་ཐུགས་མོས་གནང་མཁན་དང་། མང་ཚོགས་སྐྱོང་བའི་དབུ་ཁྲིད་བླ་ན་མེད་པ་ཞིག་ཡིན་པ་འཇིག་རྟེན་ཡོངས་གྲགས་མ་ ཟད། སྐུ་གཞོན་ནུའི་དུས་ནས་ཀྱང་དྲང་བདེན་དང་། འདྲ་མཉམ། མང་གཙོའི་ལྟ་གྲུབ་བཅས་ལ་ཐུགས་མོས་ཆེན་པོ་གནང་ཡོད།
དེ་ལས་མང་བ་། “མང་གཙོའི་དུས་ཆེན་ཐེངས་ལྔ་བཅུ་ང་གཅིག་པའི་ཐོག་བཀའ་བློན་ཁྲི་པའི་གསུང་བཤད།” »
མང་གཙོའི་དུས་དྲན་ཐེངས་ ༥༡ པའི་མཛད་སྒོའི་སྟེང་སྤྱི་འཐུས་ལྷན་ཚོགས་ཀྱི་གསུང་བཤད།
དེ་རིང་ང་ཚོས་མང་གཙོའི་དུས་དྲན་ཐེངས་ ༥༡ པའི་མཛད་སྒོ་གཟབ་རྒྱས་ངང་འཚོགས་བཞིན་པ་འདི་ནི། བཙན་བྱོལ་བོད་མིའི་མང་གཙོ་དབུ་བརྙེས་ཏེ་ལོ་ངོ་ ༥༠ ཧྲིལ་པོ་འཁོར་བའི་གཞུང་འབྲེལ་དུས་དྲན་ལོ་འཁོར་མོ་གཅིག་སྲུང་བརྩི་ཞུས་པའི་མཇུག་བསྡོམས་ཀྱི་ཉིན་མོ་འཁེལ་ཡོད་པ་དང་། འཛམ་གླིང་ཞི་བདེའི་དེད་དཔོན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཆབ་སྲིད་དང་འཛིན་སྐྱོང་གི་སྐུ་དབང་ཡོངས་རྫོགས་མང་ཚོགས་ཀྱིས་འོས་འདེམས་བྱས་པའི་འགོ་ཁྲིད་ཚོར་རྩིས་སྤྲོད་མཛད་རྗེས་ཀྱི་མང་གཙོའི་དུས་དྲན་ཐེངས་དང་པོ་དེ་ཡིན་པས། ལོ་རྒྱུས་ཀྱི་དོན་སྙིང་དམིགས་བསལ་ལྡན་པའི་མཛད་སྒོ་ཞིག་ཆགས་ཀྱི་ཡོད།
དེ་ལས་མང་བ་། “མང་གཙོའི་དུས་དྲན་ཐེངས་ ༥༡ པའི་མཛད་སྒོའི་སྟེང་སྤྱི་འཐུས་ལྷན་ཚོགས་ཀྱི་གསུང་བཤད།” »
བཀའ་བློན་ཁྲི་ཟུར་འཇུ་ཆེན་ཐུབ་བསྟན་མཆོག་སྐུ་གཤེགས་པའི་ཡིད་སྐྱོའི་གནས་ཚུལ།
བཀའ་བློན་ཁྲི་ཟུར་འཇུ་ཆེན་ཐུབ་བསྟན་རྣམ་རྒྱལ་མཆོག་སྙུན་གཞིའི་རྐྱེན་གྱིས་ཕྱི་ལོ་ ༢༠༡༡ ཟླ་ ༨ ཚེས་ ༣༡ ཉིན་དགོང་མོར་རྒྱ་གར་རྒྱལ་ས་ལྡི་ལིའི་སྨན་ཁང་ཞིག་ནས་སྐུ་གཤེགས་པའི་ཡིད་སྐྱོའི་གནས་ཚུལ་ཐོན་ཡོད། བཀའ་ཟུར་ཁོང་ནི། མདོ་ཁམས་སྡེ་དགེའི་ཁོངས་རྨེ་ཤོད་སྡེ་དགེ་ཚང་གི་མདུན་འཁོར་འཇུ་ཆེན་ཚང་ཞེས་པའི་ཁྱིམ་དེར་ཕྱི་ལོ་ ༡༩༢༩ ལོར་འཁྲུངས།
དེ་ལས་མང་བ་། “བཀའ་བློན་ཁྲི་ཟུར་འཇུ་ཆེན་ཐུབ་བསྟན་མཆོག་སྐུ་གཤེགས་པའི་ཡིད་སྐྱོའི་གནས་ཚུལ།” »
རྔ་པ་ཀིརྟི་དགོན་པའི་གྲྭ་པ་གཉིས་ལ་ཁྲིམས་ཐག་བཅད་པ།
ཕྱི་ལོ་ ༢༠༡༡ ཟླ་ ༨ ཚེས་ ༣༠ ཉིན་བོད་ཨ་མདོ་རྔ་པ་རྫོང་གཅའ་ཞང་ཕྱུགས་ལས་འགབ་མའི་བློ་བཀྲ་ཚང་གི་རྔ་པ་ཀིརྟི་དགོན་པའི་གྲྭ་བློ་བཟང་བསྟན་འཛིན། (བསྟན་འཛིན་རྒྱ་མོ་ཁ་)རང་ལོ་ ༢༢ ཕ་མིང་ལ་བསོད་ནམས་དང༌། མ་མིང་ལ་སྒྲོལ་དཀར་ཡིན་པ་ཁོང་ལ་རྔ་པ་རང་སྐྱོང་ཁུལ་གྱི་ལྟེ་གནས་འབར་ཁམས་རྫོང་མི་མང་ཁྲིམས་ཁང་ཟེར་བས་རྒྱལ་གཅེས་དཔའ་བོ་ཕུན་ཚོགས་ལགས་གསོན་མཁན་ལག་རོགས་གྱི་ཉེས་མིང་གཡོགས་ནས་ལོ་ ༡༣ གྱི་བཙོན་འཇུག་དང༌། ལོ་གསུམ་གྱི་ཆབ་སྲིད་ཁེ་དབང་འཕྲོག་པའི་ཐག་གཅོད་བྱས་ཡོད་ཀྱང༌།
དེ་ལས་མང་བ་། “རྔ་པ་ཀིརྟི་དགོན་པའི་གྲྭ་པ་གཉིས་ལ་ཁྲིམས་ཐག་བཅད་པ།” »
རྔ་པ་ཀིརྟི་དགོན་གྱི་གྲྭ་བློ་བཟང་བརྩོན་འགྲུས་ལ་ལོ་ ༡༡ ཁྲིམས་ཐག་བཅད་པ།
བོད་ཨ་མདོ་རྔ་པ་ཀིརྟི་དགོན་གྱི་གྲྭ་བློ་བཟང་བརྩོན་འགྲུས། རང་ལོ་ ༤༦ ཡིན་པ་ཁོང་ལ་ཕྱི་ལོ་ ༢༠༡༡ ཟླ་ ༨ ཚེས་ ༢༩ ཉིན་རྔ་པ་རང་སྐྱོང་ཁུལ་འབྲིང་རིམ་མི་མང་ཁྲིམས་ཁང་ཟེར་བས་རྒྱལ་གཅེས་དཔའ་བོ་ཕུན་ཚོགས་ལགས་ཀྱིས་རང་ལུས་མེར་སྲེག་བཏང་བའི་དོན་རྐྱེན་བྱུང་འཕྲལ་སྨན་ཁང་དུ་བསྟེན་གཏུགས་བྱེད་རྒྱུ་འགོག་རྒོལ་བྱས་པའི་ཉེས་མིང་གཡོགས་ནས་ལོ་ ༡༡ གི་བཙོན་འཇུག་ཁྲིམས་ཐག་བཅད་ཡོད་འདུག
དེ་ལས་མང་བ་། “རྔ་པ་ཀིརྟི་དགོན་གྱི་གྲྭ་བློ་བཟང་བརྩོན་འགྲུས་ལ་ལོ་ ༡༡ ཁྲིམས་ཐག་བཅད་པ།” »
མཐའ་མའི་གསལ་བསྒྲགས།
པེན་བོད་ཀྱི་རྩོམ་པ་པོའི་མཐུན་ཚོགས་ཀྱིས་བཙན་བྱོལ་བོད་ཀྱི་མི་ལོ་ལྔ་བཅུའི་ལེགས་རྩོམ་ཕྱོགས་བསྒྲིག་བྱ་རྒྱུའི་གསལ་བསྒྲགས་སྔོན་སོང་ལྟར་ད་ལྟ་ཕལ་ཆེར་ཚར་ཡོད། འོན་ཀྱང་སྙན་དེབ་ནང་ལ་ད་དུང་སྙན་རྩོམ་ཁ་ཤས་རེ་གསར་སྣོན་བྱེད་ཆོག་པས། ད་བར་ལ་དྲ་ལམ་ཁག་ཏུ་སྙན་ཚིག་སྤེལ་མཁན་རྣམ་པས་གཙོས་སྙན་ངག་པ་ཚོས་བྲིས་ཟིན་པའི་བཅད་ལྷུག་གང་རུང་གི་སྙན་ཚིག་རེ་དང་ལྷན་དུ་རང་གི་ངོ་སྤྲོད་མདོར་བསྡུས་རེ་བཅས་བདག་གི་གློག་འཕྲིན་འདིའི་ཐོག་ལ་མྱུར་གཏོང་འཚལ། ཟླ་འདིའི་ཟླ་མཇུག་ནས་ཡོངས་སུ་སྒོ་རྒྱག་རྒྱུ་ཡིན། ཆབ་བྲག་ལྷ་མོ་སྐྱབས་ནས། chapbrag@gmail.com
བོད་ཁུལ་གྱི་ཆེས་ཐོག་མའི་མཚར་རིས། ༼དྲ་ཐོག་ནས་བསྒྱུར།༽
ནགས་ཤོད་སད་མི།
མཚར་རིས ༼ གློ་བུར་བའི་ཡ་མཚན་རི་མོ ༽ ཟེར་བ་འདི་གླེང་ཚེ། མི་རྣམས་ཀྱིས་ཐོེག་མར་བསམ་བློ་འཁོར་འོངས་བ་ནི་ཞིང་ནང་གི་རྣམ་པ་འདྲ་མིན་གྱི་མཚར་རིས་དེ་དག་ཡིན་སྲིད། ཞིང་ནང་མཚར་རིས་ནི་གོ་ལ་གཞན་གྱི་མིའི་རིག་གནས་དང་སའི་གོ་ལའི་མིའི་དབར་ཁ་བརྡ་བགྱིད་པའི་ཡོ་བྱེད་ཅིག་རེད། དེ་དང་མཉམ་དུ། དུས་ཡུན་རིང་མོ་ཞིག་གི་ནང་། རི་མོ་དེ་ཚོས་ཅི་འདྲའི་ངོ་མཚར་བའི་གསང་གནད་མང་པོ་ཞིག་བསྐུངས་པ་ཡོད་རེད་ལ། གོ་ལ་གཞན་དང་གཞན་གྱི་མིར་དད་མོས་ཆེ་བའི་མི་གང་མང་མང་ཞིག་གིས་འདིར་སྔ་ནས་བརྩད་ཞིབ་བྱ་བཞིན་ཡོད། གོ་ལ་གཞན་གྱི་མིས། ཞིང་ནང་ཕུད། དེ་མིན་ས་ཆ་གཞན་དུ་བརྡ་རྟགས་འགོད་རྒྱུར་འདུན་པ་མེད་པ་ཨེ་ཡིན།
དེ་ལས་མང་བ་། “བོད་ཁུལ་གྱི་ཆེས་ཐོག་མའི་མཚར་རིས། ༼དྲ་ཐོག་ནས་བསྒྱུར།༽” »
མཛེས་མ་སྒྲོལ་མ་འདྲ་བོ་ཁྱེད་ཡིན། དུམ་བུ་བཞི་བ།
རྟ་ནག་སྐལ་བཟང་ལུང་རིགས།
ནོར་གླིང་མཐོ་སློབ་ཀྱི་སྙན་ངག་མ་ཞིག་ལ་བསྟབས་པ།
སིལ་སྙན་ཁྲོལ་ཁྲོལ་དཀྲོལ་མཛད་ཀྱི་ལྷ་མོ་གང་ནས་ཕེབས་ཡིན།།
པི་ཝང་ལྡེམ་ལྡེམ་འཁྲོལ་མཁན་གྱི་ལྷ་མོ་གང་ན་བཞུགས་འདུག།
དར་གོས་ཤམ་ཤམ་མནབས་པོ་ཡི་ལྷ་མོ་གང་ནས་ཕེབས་ཡིན།།
སྙན་ངག་ལྷང་ལྷང་གྱེར་པོ་ཡི་ལྷ་མོས་ཅི་ཞིག་གསུངས་སོང་།།
དེ་ལས་མང་བ་། “མཛེས་མ་སྒྲོལ་མ་འདྲ་བོ་ཁྱེད་ཡིན། དུམ་བུ་བཞི་བ།” »
རང་གི་ལོ་རྒྱུས་ཚིགས་བཅད་དུ་བྱོ་བ།
མྱི་སྟིག
དགུང་ནས་མེ་ཏོག་ཆར་བ་མ་བབས་ལ།།
ས་ནས་འཇའ་ཚོན་སྣ་ལྔ་མ་འཆར་བར།།
ཅི་ཞིག་བསགས་པའི་བྱིན་དང་ནུས་མཐུ་ཡིས།།
བོད་ཀྱི་མདོ་ཁམས་སྨད་ནས་མི་རུ་སྐྱེས།།
ཨ་ཕས་བཤད་ན་སྙིང་རྗེ་ཡིན་རབས་ཟེར།།
ཨ་མས་བཤད་ན་ངན་རྟགས་སྟོན་རབས་ཟེར།།
ད་དུང་ཕུ་བོས་ངུ་ཁ་སླ་རབས་ཟེར།།
གང་ལྟར་ཨ་ཅེ་དག་གིས་མྱངས་རབས་འདུག།
མྱ་ངན་རྗེས་དྲན་དུ།
གཙང་ཁ་བུས།
གླིང་ཆེ་འདི་ནས་བདེན་པའི་གནས་ཤིག་བཙས། །
རང་དབང་ལུང་པར་མར་མེ་ཁྲོམ་སྐོར་རེས། །
དཔའ་བོའི་རྣམ་ཤེས་དག་ཞིང་གང་ཞིག་ལ། །
ཀྱེ་མ་འདི་འདྲའི་དཔའ་རྒོད་རྣམ་པ་ཚོས། །
གཅིག་རྗེས་གཉིས་སུ་བཞི་ཤེད་འཐེན་གྱུར་ན། །
ས་སྟིང་འདི་ན་བོད་ཀྱི་བདེན་མཐའ་དང་། །
གངས་སེང་རྒྱལ་དར་ནང་ཞིག་བསྒྲེང་བར་དཀའ། །
ཨ་སྔོན་གནམ་ལ་དུ་དྲི་ཁྱབ་ཉིན་དེར། །
རྔ་པ་ཀིརྟི་དགོན་གྱི་གནས་སྟངས།
༼ཕྱི་ལོ་ ༢༠༡༡ ཟླ་ ༨ ཚེས་ ༡༨ ཉིན་བོད་ནས་འབྱོར་བའི་གནས་ཚུལ་ཁག་ཅིག༽
དེང་སྐབས་རྔ་པ་ཀིརྟི་དགོན་པའི་ཕྱི་ནང་དུ་ཉེན་རྟོག་པ་དང་དམག་མི་སོགས་ཀྱིས་དམ་བསྒྲགས་སྔར་བཞིན་ཡོད་པའི་འོག་ནས་གྲྭ་མང་ཚོགས་ཆུང་ཁག་བགོས་བྱས་ཏེ་རྒྱལ་གཅེས་ཆོས་གཅེས་ཀྱི་སློབ་གསོ་ཟེར་བ་མུ་མཐུད་སྤེལ་བཞིན་པར་མ་ཟད། ཉིན་ཤས་གོང་གྲྭ་པ་རྣམས་ལ་ཡིག་ཆ་རེ་བཀྲམས་ཡོད་པའི་ནང་ལ། དེ་སྔ་རྒྱ་གར་ལ་སོང་མྱོང་བ་རྣམས་དང༌། ཆབ་སྲིད་ཀྱི་ནག་ཉེས་ཕོག་མྱོང་བ་རྣམས། ད་ལོའི་རྒྱལ་གཅེས་ཆོས་གཅེས་ཀྱི་སློབ་གསོ་ཟེར་བའི་ལས་འགུལ་ནང་མཉམ་ཞུགས་མ་བྱས་པ་རྣམས། དེ་མིན་ད་ལོ་དགོན་པའི་ནང་ནས་གནས་དབྱུང་བཏང་བར་བསྙད་པའི་གྲྭ་པ་བཅས་གཅིག་ཀྱང་དགོན་པའི་ནང་ལ་གཏན་ནས་སྡོད་མི་ཆོག་ཚུལ་ནན་བརྗོད་བྱས་ཡོད་པ་དང༌། གྲྭ་པ་རྣམས་ལ་གྲྭ་པའི་ཐོབ་ཐང་ལག་ཁྱེར་ཟེར་བ་ཞིག་བཟོ་དགོས་ཚུལ་གླེང་བཞིན་ཡོད་ནའང༌། གྲྭ་མང་གིས་དེ་སྔ་ཡོད་པའི་གྲྭ་པ་ཚང་མ་དགོན་པའི་ཡོང་མ་བཅུགས་པ་ཡིན་ན་ལག་འཁྱེར་གཏན་ནས་ལེན་རྒྱུ་མིན་ཚུལ་གྱིས་དེ་ལ་མོས་མཐུན་གནང་གི་མེད་པར་མ་ཟད། དེའི་སྐོར་གླིང་བར་སོགས་ལ་ཡི་གེ་སྦྱར་འགྲེམས་བྱས་པ་སོགས་ཀྱི་གནས་ཚུལ་ཡང་ཡོང་གི་ཡོད་འདུག
མི་སེམས་ཚལ་བར་བཏང་སྐད་ཀྱི་སྒྲོལ་མའི་སྙན་ངག་གི་འཕྲོས་བཤད།
རྟ་ནག་སྐལ་བཟང་ལུང་རིགས།
“བརྩེ་དུང་”ཞེས་པའི་ཐ་སྙད་ཀྱི་གོ་དོན་འཇོག་བྱེད་ཐད་ལ་སུས་ཀྱང་ལན་གསལ་བོ་ཞིག་ལྡོན་རྒྱུ་མ་རྙེད་སྐད། གཉུག་མའི་སེམས་གཤིས་སུ་ཏིལ་ལ་མར་བཞག་གིས་འདྲེས་ཤིང་སིམ་ནས་ཡོད་སྐད་ཀྱི་བརྩེ་དུང་ལ་རྩ་འབྲེལ་ཡང་འབྲེལ་ཞིག་འབྲི་བར་ཆ་བཞག་ན། བོ་དོང་པཎ་ཆེན་གྱི་བརྩམས་ཆོས་ཀུན་པོ་ལས་ཀྱང་རྒྱས་ཤིང་རྒྱས་པ་ཤིག་བྲི་རྒྱུ་ཨེ་ཡོད་སྙམ་པ་ཞིག་གདའ། བརྒྱ་ལ་དེ་ལྟར་བྱུང་དུ་མ་ཡོད་ནའང་། དག་ཡིག་གསར་བསྒྲིགས་ཀྱི་ཞེང་ལས་ཆེ་ཞིང་། བོད་རྒྱ་ཚིག་མཛོད་ཀྱི་རྔམས་ལས་དམའ་བ་ཞིག་ཅིས་ཀྱང་བརྩམ་ཆོག་ཆོག་ཡིན་པ་རེད།
དེ་ལས་མང་བ་། “མི་སེམས་ཚལ་བར་བཏང་སྐད་ཀྱི་སྒྲོལ་མའི་སྙན་ངག་གི་འཕྲོས་བཤད།” »
ཀུ་མུད་གཉེན་ཁྱེད་ད་ལྟ་གང་དུ་བཞུད།
བསམ་གླིང་ཚེ་རིང་ལྷ་མོ།
མཐའ་ཡས་ས་གཞི་ན་བུན་འཚུབ་མས་སྒྲིབ།།
ཨ་སྔོན་ནམ་མཁའ་ཤག་ཤག་ཆར་སྒྲར་གཡེངས།།
བདུད་བརྩིའི་བདག་པོ་སྒུག་པའི་མཛའ་ན་མོའི།།
ཡིད་ཀྱི་དྲན་གདུང་སུ་ཡིས་རྟོགས་པར་ནུས།།
ཆུ་འཛིན་སྟུག་པོས་ལྷ་ལམ་ཀུན་ཏུ་དཀྲིགས།།
བསིལ་ཟེར་ཅན་ཁྱོད་ཁྲི་མུན་གང་དུ་གཤེགས།།
ཡུན་རིང་ཁྱེད་ཞལ་ཟླ་ཟེར་སྒུག་པ་ཡི།།
ཀུ་མུད་ཚོགས་ནི་ཡིད་གདུང་དྲག་པོས་མནར།།
བུད་མེད་གཞི་གྱུར་མ།
༼བུད་མེད་ལས་འཕྲོས་པའི་བསྟན་བཅོས་སྔོན་པོ།༽
ཕོ་རོག་དཀར་པོ།
༡༽མི་རྣམས་ཀུན་གྱི་འབྱུང་གཞི་བུད་མེད་མཆོག།
ཚུལ་བཞིན་བསམས་ན་བདེ་བའི་རྩ་བ་རུ།།
ཡིན་པར་ཤེས་ནས་འབད་པ་དུ་མ་ཡིས།།
གཏན་ཏུ་འགྲོགས་འདྲིས་ཐུབ་པར་བྱིན་གྱིས་རློབས།།
༢༽ལན་ཅིག་ཙམ་ལ་འགྲོགས་པའི་བུད་མེད་ནི།།
ཤིན་ཏུ་རྙེད་སླ་དོན་ཆུང་ཤེས་གྱུར་ནས།།
ཉིན་མཚན་ཀུན་ཏུ་གཡོ་འོག་མི་ཚུད་པར།།
རྒྱུན་ཆད་མེད་པར་འཛེམས་པར་བྱིན་གྱིས་རློབས།།
མདོ་སྨད་སྤྱི་འཐུས་ཤིག་གིས་རྩ་དགོངས་ཞུས་པ།
ཉེ་བའི་ཆར་མདོ་སྨད་སྤྱི་འཐུས་སྒྲོལ་མ་མཚོ་མོས་སྤྱི་འཐུས་ཀྱི་ལས་གནས་ནས་རྩ་དགོངས་ཞུས་ཡོད་འདུག་པ་དང་། དགོངས་ཤོག་ནང་རྒྱུ་མཚན་བལ་ཡུལ་དུ་ཧི་མ་ལ་ཡའི་མི་རིགས་དང་བོད་མི་ཟུང་འབྲེལ་གྱི་བུད་མེད་ཀྱི་ལས་དོན་ཡར་རྒྱས་གཏོང་ཆེད་ཚོགས་པ་གསར་འཛུགས་ཀྱིས་ཁུར་གཙོ་བོ་ལེན་མཁན་ཡིན་པས། ལས་ཀ་མང་པོ་མཉམ་དུ་ལྕོགས་ཀྱི་མི་འདུག་ཅེས་འཁོད་ཡོད་ཚུལ་འདུག