༼བོད་ཀྱི་དུས་བབ་དྲ་ངོས་ནས་འདྲེན་བཀོད་ཞུས༽
ཁམས་དཀར་མཛེས་དགོན་གྱི་གྲྭ་ཟླ་བ་ཚེ་རིང་ལགས་ཀྱིས་རང་ལུས་མེར་བསྲེགས་བཏང་རྗེས། དགེ་འདུན་པ་དང་མི་མང་ཚོས་སྨན་ཁང་དུ་ཁྲིད་དེ་སྨན་བཅོས་ཕྲན་བུ་བྱས་ནས་ཕྱིར་དགོན་ནང་དུ་ཕེབས་ཡོད་འདུག
དེ་ལས་མང་བ་། “རྒྱལ་གཅེས་དཔའ་བོ་ཁམས་དཀར་མཛེས་དགོན་པའི་གྲྭ་ཟླ་བ་ཚེ་རིང་ལགས་ཀྱི་གནས་སྟངས།” »
ཆབ་བྲག་ལྷ་མོ་སྐྱབས།
༢༠༡༡།༡༠།༡༢ཉིན་བཀའ་ཤག་ལན་འདེབས་ཚོགས་ཆུང་གི་ཚོགས་གཙོའི་མཚན་ཐོག་ནས། ཤར་ཕྱོགས་ཁུག་རྟ་ལགས་ཀྱི<སེང་གེ་བཀའ་ཤག་གི་མདུན་ལམ>ཞེས་པའི་དཔྱད་རྩོམ་དེ་གཞུང་ཞབས་ལས་བྱེད་ཀྱི་སྒྲིག་གཞི་དང་འགལ་འཛོལ་བྱུང་བས་ཁོང་ཉིད་ལས་བྱེད་ཁོངས་ཉིན་གླའི་ངོ་བོར་ཕྱག་ལས་གནང་བཞིན་པ་དེ་ཡང་མི་ཆོག་པའི་བཀོད་ཁྱབ་ཅིག་གསལ་བཤད་དམ་ཉེན་བརྡའི་སྔོན་འགྲོ་གང་ཡང་མེད་པར་གློ་བུར་འབྱོར་འདུག
དེ་ལ་རྩོམ་པ་པོའི་ངོས་ནས་དགོངས་པ་ཆེ་བཞེས་ཀྱིས་དགོངས་སེལ་དང་གསལ་བཤད་སྙན་ཞུ་ཞིག་ཕུལ་བར་མ་ཟད། བཀའ་བློན་ཁག་ཅིག་གི་མདུན་སར་བཅར་ནས་ཀྱང་གསལ་བཤད་གནང་འདུག ལྷག་པར་བཀའ་ཁྲིའི་སྒེར་དྲུང་བརྒྱུད་ཐེངས་གསུམ་ལ་བཀའ་ཁྲི་དངོས་ལ་དེ་དོན་གསལ་བཤད་ཀྱི་གོ་སྐབས་ཞུས་ཀྱང་བཀའ་ཁྲིས་ཐག་བཅད་ཟིན་པས་འགྱུར་བ་མེད་ཅེས་མཇལ་འཕྲད་གནང་མི་འདུག
༼བོད་ཀྱི་དུས་བབ་དྲ་ཚིགས་ནས་འདྲེན་བཀོད་ཞུས།༽ དེ་རིང་དཀར་མཛེས་དགོན་པའི་དུས་གཏོར་འདུ་ཚོགས་ཐོག དགེ་འདུན་པ་ཞིག་གིས་བོད་དོན་སྐད་འབོད་སྒྲོག་བཞིན་རང་ལུས་མེར་བསྲེགས་བཏང་ཡོད་འདུག ད་ལྟ་རང་གནས་ཚུལ་འབྱོར་བ་ལྟར་ན། དེ་རིང་ཉིན་གུང་བོད་ནང་གི་ཆུ་ཚོད་ ༡༢ ཙམ་ལ། དཀར་མཛེས་དགོན་པའི་འཆར་ཅན་གྱི་དུས་གཏོར་ཚོགས་བཞིན་པའི་སྐབས། གློ་བུར་དུ་དགེ་འདུན་པ་ཞིག་གིས་རང་ལུས་ལ་ས་སྣུམ་བཤོས་ཏེ་མེ་སྦར་ཡོད་འདུག་ལ། སྐབས་དེར་དམར་ལྷབ་ལྷུབ་ཀྱི་མེ་ལྕེའི་ཁྲོད་དུ་ “ རྒྱལ་བ་རིན་པོ་ཆེ་བོད་ལ་གདན་འདྲེན་ཞུ། བོད་ལ་རང་དབང་དགོས། མི་རིགས་འདྲ་མཉམ་དགོས” སོགས་ཀྱི་སྐད་འབོད་བརྒྱབ་ཡོད་ཅིང་།…
རིག་འཛིན།
ངས།
ཁ་བའི་ལས་དབང་གི་ཆེད་དུ།
རང་ནུས་ཀྱི་སྟོབས་ཤུགས་ཡོད་ཚད་རྡོག་ལ་སྒྲིལ་ཏེ།
ཚེ་རབས་ཕྱི་མའི་ཁ་བའི་ཕུ་ནུ་མིང་སྲིང་ཚོའི་ཆེད་དུ།
ཆེས་ནག་པའི་ཁ་བའི་མཚན་མོ་འདིར།
ལེགས་སྐྱེས་ཀྱི་འོད་སྣང་ཞིག་འབུལ་དགོས།
ཁུངས། ཐའེ་ཝན་དབུས་རྒྱང་སྒྲོག་ལས་ཁུངས།
སྒྱུར། ནགས་ཤོད་སད་མི།
ཉེ་བའི་ཆར། བོད་ཀྱི་ས་ཁུལ་དུ་བོད་མི་ལོ་གཞོན་ཚོས་རང་ལུས་མེར་བསྲེག་གི་དོན་རྐྱེན་ཐེངས་མང་བརྩམས་པ་རེད། འདི་སྐོར་རྒྱ་ནག་གིས་བོད་མིར་སྐྱོན་བརྗོད་ཤུགས་དྲག་བྱས་དོན། བོད་མིའི་རང་ལུས་མེར་བསྲེག་གི་བྱ་འགུལ་འདི་མངོན་མཚན་མིན་པའི་འཇིགས་སྐུལ་ལུགས་ཤིག་རེད་ཅེས་བཤད་པ་མ་ཟད། ད་དུང་ནན་བརྗོད་བྱས་དོན། བཙན་དྲག་གི་ལག་ཐབས་སྤྱད་དེ་ས་གནས་ཀྱི་སྤྱི་ཚོགས་སྒྲིག་ལམ་རྒྱུན་འཁྱོངས་ཐུབ་པ་བྱ་དགོས་ཟེར། འདི་ཐད་ཚེས ༢༠ ཉིན་ཐའེ་ཝན་དོན་གཅོད་ཟླ་བ་ཚེ་རིང་ལགས་ཀྱིས་ལན་འདེབས་བྱས་དོན། རྒྱ་ནག་གུང་ཁྲན་སྲིད་གཞུང་གིས་བོད་མིར་དམག་གི་དྲག་གནོན་བྱས་པ་རེད། འདིས་རྐྱེན་པས་བོད་མི་ཚོར་ཡ་ང་བའི་ཐབས་ལམ་འདི་མ་བརྟེན་ཐུ་མེད་ཆགས་པ་བཟོས་ཡོད། དེས་ན། རྒྱ་ནག་སྲིད་གཞུང་འདི་འཇིགས་སྐུལ་རིང་ལུགས་ངོ་མ་དེ་རེད།
དེ་ལས་མང་བ་། “མངོན་མཚན་མིན་པའི་འཇིགས་སྐུལ་རིང་ལུགས་རེད་ཅེས་པར་ལན་བཏབ།” »
རྩོམ་པ་པོ་ཧྥེས་ལན་ཡུང་།
སྒྱུར་མཁན་ནགས་ཤོད་སད་མི།
ང་ཚོ་ཧང་སང་བཞིན་གོ་ཡོང་བ་ནི། ཕྱི་ལོ ༢༠༡༡ ལོའི་ཟླ་བ ༡༠ པའི་ཚེས ༡༧ ཉིན། རང་ལོ་ཉི་ཤུ་ལས་མེད་པའི་སི་ཁྲོན་རྔ་པ་ཁུལ་མ་མོས་བཙུན་དགོན་གྱི་ཨ་ནེ་བསྟན་འཛིན་དབང་མོ་ལགས་ཀྱིས་རྒྱ་གུང་ཁྲན་པའི་གདུག་རྩུབ་སྲིད་དབང་ལ་རྒོལ་ལན་བསློག་ཆེད། རང་ལུས་མཆོད་མེར་བསྒྲོན་ནས་བུད་སོང་། འདི་ནི་ཕྱི་ལོ ༢༠༠༩ ལོའི་མེར་བསྲེག་དོན་རྐྱེན་ནས་བརྩིས་པའི་བོད་རིགས་སེར་མོ་བའི་ཚེ་སྲོག་གིས་རྒྱ་ནག་གུང་ཁྲན་ལ་ངོ་རྒོལ་བགྱིས་པའི་དོན་རྐྱེན་ཐེངས་བཅུ་པ་དེ་རེད། ཡིད་སྐྱོ་ཞིང་རྔམ་བརྗིད་ལྡན་པ་དང་དཀའ་སྡུག་གིས་བརྩེགས་པའི་བོད་རིགས་སྤུན་ཟླའི་བློ་སེམས་འདིས། གནམ་འོག་གི་མི་ཡོད་དོ་ཅོག་ལ་སྐྱོ་བ་དང་གདུང་སེམས་ཞིག་སྐྱེ་རུ་བཅུག་ལ། མི་ཚོར་དེ་དང་མཉམ་དུ་རྒྱ་ནག་གི་གཅིག་སྡུད་ཚོགས་པར་ཁོང་ཁྲོ་ཡང་ལངས་སུ་བཅུག
དེ་ལས་མང་བ་། “བོད་རིགས་སྤུན་ཟླའི་རང་ལུས་མེར་བསྲེག་འདི་ཡང་རྒྱ་གུང་ཁྲན་གྱི་སྡིག་ཉེས་རེད།” »
གསར་འགྱུར་མཁོ་གཏོང་བ་རིག་འཛིན། །
ཁ་སང་སྤྱི་ཚེས་༡༩ཉིན་ཨོ་སི་ཀྲོ་ལེ་ཡའི་གྲོང་ཁྱེར་མལ་སྦོན་གྱི་བོད་རིགས་ཚོགས་པའི་གོ་སྒྲོག་འོག་ས་གནས་བོད་མི་དང་བོད་དོན་རྒྱབ་སྐྱོར་བ། རྒྱ་བོད་མཛའ་འབྲེལ་ཚོགས་པའི་ཚོགས་མི་བཅས་ཁྱོན་མི་གྲངས་ ༢༠ ་ལྷག་གིས་ཞོགས་པ་ཆུ་ཚོད་ ༡༠ ནས་དགོང་ ཆུ་ཚོད་ ༤བར་གྲོང་ཁྱེར་མལ་སྦོན་(Melbourne)གྱི་རྒྱ་ནག་གཞུང་ཚབ་མདུན་དུ་ཟས་བཅད་ངོ་རྒོལ་དང་སྐད་འབོད་ཀྱི་ལས་འགུལ་ཞིག་སྤེལ་སོང་།
ཆབ་བྲག་ལྷ་མོ་སྐྱབས།
རྒྱ་ནག་གུང་ཁྲན་ཏང་དང་དམག་དཔུང་གིས་༡༩༤༩ལོར་ཀྲུང་གོ་གསར་བའི་རྒྱལ་ཁབ་བཙུགས་པའི་རྒྱལ་སྟོན་དང་དུས་མཉམ་གངས་ཅན་བོད་ལ་ལོ་རྒྱུས་ཀྱི་གོད་ཆག་གསར་བ་ཞིག་གི་ལམ་སྣེ་བཏོད་ཅིང་ལམ་སྣེ་དེ་ཐབས་བརྒྱ་ཇུས་སྟོང་གིས་ཆེར་བསྐྱེད་དེ་བོད་ཀྱི་རྒྱལ་ས་ལྷ་སའི་སྙིང་ཁར་བརྟོལ། དུས་དེ་ནས་བཟུང་ས་ཡི་སྙིང་དང་མི་རིགས་ཀྱི་སྙིང་གཉིས་ཀ་ཚལ་བར་གཤགས་ཏེ་དུས་རབས་ཕྱེད་ལྷག་འདས་ཀྱང་གས་ཆག་ཏུ་སོང་བའི་སྙིང་དམར་པོ་དེ་གཉིས་ཀྱི་འཕར་རྩ་ནམ་ཡང་འཇགས་མྱོང་མེད། ས་གནས་ལ་ལར་སྲིད་གཞུང་གི་ཁང་པ་སོགས་ལ་མེ་རྒྱག་ཆུང་ངུ་རེ་དང་སྒོ་སྒེའུ་ཙམ་རེ་གཏོར་བཅོམ་གྱི་ཁུ་ཚུར་མང་པོ་ཞིག་ཀྱང་གཡུགས་མྱོང། དེ་དག་རེ་རེ་ལ་ཁག་དཀྲི་དང་བསྙོན་འཛུགས་དུ་མས་དྲག་གནོན་ཡ་ང་བ་དུ་མ་བྱས། ཁོ་ཚོས་མདའ་མཚོན་བཟུང་ཡོད་པས་ཁུ་ཚུར་ཕྱར་མཁན་དག་གནོན་ཐུབ་ངེས་ཀྱི་སྟོང་བསམ་བཅངས། (དཔེར་ན་གནམ་བདེ་སྒོ་མོ་ཆེའི་ཐང་ཆེན་གྱི་དྲག་གནོན་བཞིན་ཁུ་སིམ་མེར་འགྲོ་རྒྱུར་ཚོད་དཔག་བྱས།)དེ་རིང་ཁོ་པ་ཚོས་ཚོད་དཔག་དེ་ནོར་ཡོད་པར་ངོས་ཟིན་འཐོབ་པའི་ཆོ་ག་གསར་བ་ཞིག་མཐོང་ཡོད།
རྒྱ་གར་དུ་རྒྱ་གཞུང་ལ་མེ་གཏོང་དང་གཏོར་བཅོམ་སོགས་ཀྱི་བྱ་བ་རྩོམ་ས་མེད་ན་ཡང་རྒྱ་གཞུང་གི་དཔོན་ངན་མང་པོ་ཞིག་གི་འདྲ་གཟུགས་གང་མང་ཞིག་བསྲེགས་ཡོད།
ཕྱི་ལོ་ ༢༠༡༡ ཟླ་ ༡༠ ཚེས་ ༡༩ ཉིན་གནས་ཚུལ་འབྱོར་བར་རྔ་པ་རྫོང་མཁར་དང་ཐག་ཉེ་བའི་བོད་མི་མང་པོས་བོད་ཆས་གྱོན་ནས་རྔ་པའི་ཁྲོམ་གཞུང་རྒྱུན་ལྡན་ལས་མི་ཚོགས་མང་པ་འདུ་འཛོམས་བྱུང་ཡོད་པ་དང་། མི་མང་གིས་ཁྲོམ་སོགས་ནས་མ་ཎི་བཏོན་ཅིང་ཟས་བཅད་བྱས་ཏེ་གདུང་སེམས་མཉམ་བསྐྱེད་ཀྱི་རྣམ་འགྱུར་ཤུགས་ཆེ་ཙམ་བསྟན་ཡོད་པ་དང་། ཐེངས་གཉིས་ཙམ་ལ་མི་མང་གིས་ཡར་ལངས་བྱེད་གྲབ་བྱས་ཀྱང་སྡེབ་གཅིག་ལ་ལངས་མ་ཐུབ་པས་ན་ཉེན་རྟོག་པ་དང་དམག་མི་སོགས་ཀྱིས་མེ་མདའ་ཚད་ནས་མི་མང་གི་འདུ་འཛོམས་གཏོར་ཐབས་བྱས་ཡོད་འདུག ཡང་རྫོང་མཁར་དང་ཐག་ཉེ་བའི་བོད་མི་རྣམས་ཀྱིས་བོད་ཆས་གཙང་མ་གྱོན་ནས་གྲོང་སྡེ་སོ་སོའི་ནང་དུ་མ་ཎི་འཚོགས་ཤིང་ཟས་བཅད་སྙུངས་གནས་གནང་ཡོད་འདུག
དེ་ལས་མང་བ་། “མདོ་སྨད་རྔ་པ་ཁུལ་གྱི་ད་ལྟའི་དམ་དྲག་གནས་ཚུལ།” »
ཆབ་བྲག་ཕོ་ཉ།
ཁ་སང། དཔའ་བོ་ཞིག་གིས་རང་ལུས་མཆེད་མེར་བསྒྲོན་དུས།
སྨྲེ་ངག་དང་ཁ་གཡང་གིས་རྡོ་ལ་རྡར་ལ་གཡོ་འགུལ་དང་པོ་བསླངས།
རྡ་རམ་ས་ལའི་ངོས་ན་དྲན་པ་འཐོར་མཁན་ཅི་འདྲ་མང།
སེར་སྐྱ་སྟོང་ཕྲག་དུ་མའི་མྱ་ངན་དང་གསོལ་འདེབས་ཁྲོད་དུ།
ཁ་བཏགས་དཀར་པོའི་ཁ་བའི་མེ་ཏོག་ནང་དུ།
གངས་སེང་གི་རྒྱལ་དར་སྐུ་ཕུང་ལ་བཀླུབས་ནས།
དག་ཞིང་གང་ཞིག་ཏུ་ཕེབས་མཁན་དེ་སུ་ཡིན་ནམ།
ཁོང་ནི་བདག་ཅག་སྐྱ་བོ་རྣམས་ཀྱི་ཞི་རྒོལ་གྱི་དཔའ་རྒོད་གཅིག་པུ་སྟེ།
དཔའ་བོ་ཐུབ་བསྟན་དངོས་གྲུབ་མཆོག་གོ
ཕྱི་ལོ་ ༢༠༡༡ ཟླ་ ༡༠ ཚེས་ ༡༧ ཉིན་གྱི་བོད་ནང་གི་ཉིན་གུང་རྒྱབ་ཀྱི་དུས་ཚོད་དང་པོ་ཡོལ་ཙམ་ལ་བོད་ཨ་མདོ་རྔ་པ་རྫོང་བྱ་སྐོར་མའི་ཉི་ཚེ་ཚང་གི་མ་མའི་བཙུན་དགོན་གྱི་བཙུན་མ་བསྟན་འཛིན་དབང་མོ། རང་ལོ་༢༠ ཡས་མས་ཤིག་དང་། ཕ་མིང་ལ་ཉི་ཚེ་ཡིན་པ་ཁོང་མོས་རྔ་པ་རྫོང་མཁར་དང་བར་ཐག་སྤྱི་ལེ་གསུམ་ཙམ་ཡོད་པའི་བཙུན་དགོན་གྱི་ཞོལ་གྱི་བསུ་མདོའི་ཟམ་ཁ་ནས་༸གོང་ས་མཆོག་བོད་ལ་གདན་འདྲེན་ཞུ་དགོས། བོད་ལ་ཆོས་དད་རང་དབང་དགོས་ཞེས་སྐད་འབོད་བྱེད་བཞིན་རང་ལུས་མེར་སྲེག་བཏང་ནས་རྒྱ་ནག་གཞུང་ལ་ངོ་རྒོལ་གནང་ཡོད་འདུག་ལ། ཁོང་མོ་དུས་ཡུན་སྐར་མ་བདུན་བརྒྱད་ཅིག་གི་རིང་གོམ་བགྲོད་བྱས་ནས་སོང་ཡོད་པ་དང་། ས་གནས་སུ་ཉེན་རྟོག་པ་སོགས་དུས་ལྟར་འབྱོར་མེད་སྟབས་ཁོང་མོའི་ཕུང་པོ་མ་མའི་བཙུན་དགོན་གྱི་བཙུན་མ་རྣམས་ཀྱིས་ཡར་ཁྱེར་ཡོད་འདུག གནས་ཚུལ་ཡོང་ཁུངས་ནས་བརྗོད་པ་ལྟར་ན། ཁོང་མོ་དུས་ཐོག་དེ་རང་ལ་གྲོངས་ཡོད་ཀྱང་། ཕུང་པོ་རྒྱ་གཞུང་ལ་སྤྲོད་ཀྱི་མིན་ཟེར་ནས་བཙུན་མ་ཚོས་སྲུང་བྱ་བྱས་ཡོད་ཀྱང་རྒྱ་གཞུང་ལ་བརྩིས་སྤྲོད་དགོས་པ་ལས་གལ་སྲིད་མ་སྤྲད་ན། དོ་དགོང་མཚན་རང་ལ་ས་འོག་ཏུ་སྦས་དགོས་ཚུལ་བརྗོད་ཀྱིན་ཡོད་འདུག་པས་རྗེས་ཀྱི་གནས་ཚུལ་ཤེས་རྟོགས་མ་ཐུབ། གནས་ཚུལ་དེ་བྱུང་ནས་ཅུང་མ་འགོར་བར་དམག་མི་དང་ཉེན་རྟོག་པ་སོགས་འབྱོར་ནས་མ་མའི་བཙུན་དགོན་དང་ས་གནས་ཀྱི་གྲོང་སྡེ་ཁག་ཡོངས་རྫོགས་བཀག་སྡོམ་ནན་མོ་བྱས་ཡོད་འདུག
གནས་ཚུལ་མཁོ་གཏོང་བ་རིག་འཛིན། ཨོ་སི་ཀྲི་ལེ་ཡའི་གྲོང་ཁྱེར་མལ་སྦོན་ནང་གི་བོད་རིགས་ཚོགས་པའི་གོ་སྒྲིག་འོག་སྤྱི་ཚེས་༡༤དང་༡༥ཉིན་གྱི་དགོང་མོ་ཆུ་ཚོད་དྲུག་པ་ནས་ཆུ་ཚོད་བརྒྱད་པ་བར་གྲོང་ཁྱེར་མལ་སྦོན་གྱི་མི་མང་འདུས་འཛོམས་སྟེ་གནས་ཡོད་སར་མར་མེའི་ཁྲོམ་སྐོར་ཞིག་གནང་ཡོད། ས་གནས་བོད་རིགས་མི་མང་དང་བོད་དོན་རྒྱབ་སྐྱོར་བ་ཁྱོན་མི་གྲངས་བཞི་བཅུ་ལྷག་ཙམ་ཞིག་གིས་ལག་ཏུ་བོད་ཀྱི་རྒྱལ་དར་དང་འཕྲེད་འདྲ་མིན་བཟུང་སྟེ།དེ་བཞིན་ད་ལྟའི་བོད་ནང་གི་ཛ་དྲག་གི་གནས་སྟངས་ག་འདྲ་ཆགས་ཡོད་མེད་ཀྱི་ཡིག་ཆ་འགྲེམས་སྤེལ་གནང་ཡོད། འདི་ག་བོད་རིགས་ཚོགས་པའི་ལས་འགུལ་དེའི་དགོས་དམིགས་གཙོ་བོ་ནི་ཉེ་བའི་ཆར་བོད ་མི་རིགས་དང་བོད་རྒྱལ་ཁབ་ཆེད་དུ་རང་ལུས་མེར་བསྲེགས་བཏང་སྟེ་རྒྱ་གཞུང་ལ་ངོ་རྒོལ་གནང་མཁན་རྒྱལ་གཅེས་དཔའ་བོ་མདོ་ཁམས་རྟའུ་ཉ་མཚོ་དགོན་གྱི་གྲྭ་ཚེ་དབང་ནོར་བུ་ལགས་དང་མདོ་སྨད་ཀི་རྟི་དགོན་གྱི་གྲྭ་ཕུན་ཚོགས་ལགས་སོགས་པའི་རྒྱལ་གཅེས་དཔའ་བོ་རྣམས་པ་དང་ཤུལ་ལུས་ཕ་མ་ཉི་དུ་བཅས་པར་གདུང་སེམས་མཉམ་བསྐྱེད་མཚོན་ཆེད་ཡིན་འདུག་ལགས། འཇུག་མཐར་ལས་འགུལ་བ་རྣམས་པས་མགྲིན་དབྱངས་གཅིག་ཏུ་ཚད་མེད་ཡོན་ཏན་དང་རྒྱལ་གཅེས་དཔའ་བོ་ཁོང་རྣམས་པའི་ཆེད་དུ་བསྔོ་སྨོན་གསོལ་འདེབས་བཅས་གནང་ཡོད།
ཕྱི་ལོ་ ༢༠༡༡ ཟླ་ ༡༠ ཚེས་ ༡༥ ཉིན་གྱི་བོདང་གི་སྔ་དྲོའི་དུས་ཚོད་ ༡༡།༥༠ ཙམ་ལ་རྔ་པ་རྫོང་ཆོས་རྗེ་ཞང་སོ་རུ་མའི་པདྨ་ཚང་གི་བུ་ནོར་བུ་དགྲ་འདུལ། རང་ལོ་ ༡༩ ཙམ་ཡིན་པ་ཁོང་གིས་རྔ་པའི་ཁྲོམ་གཞུང་དུ་ཐོན་ནས་རང་ལུས་མེར་སྲེག་བཏང་ཞིང་བོད་ཁ་བ་ཅན་ལ་རང་དབང་རང་བཙན་དགོས། རྒྱལ་བ་རིན་པོ་ཆེ་བོད་ལ་གདན་འདྲེན་ཞུ་དགོས་ཞེས་ངོ་རྒོལ་སྐད་འབོད་བྱས་ཡོད་འདུག སྐབས་དེར་རྔ་པའི་ཁྲོམ་གཞུང་དུ་ཡོད་པའི་ཉེན་རྟོག་པ་རྣམས་ཀྱིས་ཆུ་དང་མེ་གསོད་ཡོ་ཆས་ཀྱིས་ཁོང་གི་ལུས་ཀྱི་མེ་བསད་ཅིང་། གཅར་རྡུང་བཏང་ཡོད་ལ། ཉེན་རྟོག་པའི་རླངས་འཁོར་ཆུང་ཆུང་ཞིག་གི་ནང་དུ་བཞག་ནས་ཁྱེར་ཡོད་འདུག་མོད། ས་གནས་ཡུལ་མི་རྣམས་ཀྱིས་གང་དུ་ཁྱེར་ཡོད་མེད་སོགས་ཤེས་རྟོགས་ཐུབ་མེད། གནས་ཚུལ་འགྲེལ་བརྗོད་གནང་མཁན་གྱིས་བཤད་ན་ཁོང་གི་གཟུགས་པོ་མེས་ཚིག་པ་ཚབས་ཆེན་ཡིན་ཡང་སྐབས་དེ་རང་ལ་གྲོངས་མེད་པ་གསལ་པོ་ཡིན་འདུག ཁོང་ཆུང་ཆུང་སྐབས་རྔ་པ་ཀིརྟི་དགོན་པར་ཆོས་ཞུགས་བྱས་ཤིང་། ཕྱི་ལོ་ ༢༠༡༠ ལོའི་ཟླ་ ༦ ཡས་མས་ཤིག་ལ་གྲྭ་པ་ལོགས་ནས་དེང་སྐབས་ཕ་མའི་རྩ་ལ་བསྡད་ཡོད་འདུག
དེ་ལས་མང་བ་། “དེ་རིང་ཨ་མདོ་རྔ་པ་ནས་དཔའ་བོ་ནོར་བུ་དགྲ་འདུལ་གྱིས་རང་ལུས་མེར་སྲེག་བཏང་བའི་གནས་ཚུལ།” »
ཤར་ཕྱོགས་ཁུག་རྟས།
རྗེས་ཆགས་ཟུར་མིག་འགྲོ་ལ་རྟག་ཏུ་གཡོ།།
བྱམས་པའི་ཉམས་ལྡན་འཛུམ་པའི་ཞལ་ཡངས་མ།།
ཐོགས་མེད་ཤེས་བྱའི་གནད་ལ་མངའ་བརྙེས་པའི།།
ཡུམ་གཅིག་རྗེ་བཙུན་སྒྲོལ་མས་རྟག་ཏུ་སྐྱོང་།།
ཁྱེད་ཞལ་དྲི་བྲལ་གཟུགས་ཀྱི་ཞལ་ཐང་ལ།།
ཟག་བཅས་མིག་གིས་མཇལ་ནས་མཇལ་བའི་ཚེ།།
རྣམ་རྟོག་ཡིད་ཀྱིས་ཁྱེར་བའི་སྡུག་གུ་མ།།
སྐྱོ་ཞིང་དུངས་བའི་རྒྱན་གྱིས་རབ་ཏུ་ལྕི།།
ཁྲིན་པོའོ་ཁཱང་གིས་བརྩམས། ཏྲེ་ཧོར་ཐུབ་བསྟན་གྱིས་བསྒྱུར།
སྤྱི་ཟླ་༠༩པའི་ཚེས་༢༤ཉིན། བོད་ཀྱི་ཆོས་སྲིད་གཉིས་ཀྱི་བླ་ན་མེད་པའི་དབུ་ཁྲིད་གོང་ས་ཏཱ་ལའི་བླ་མ་སྐུ་ཕྲེང་བཅུ་བཞི་པ་མཆོག་གིས་བསྩལ་བའི་གསུང་འཕྲིན་ནང་། ཏཱ་ལའི་བླ་མའི་ཡང་སྲིད་ལམ་ལུགས་མུ་མཐུད་དུ་རྒྱུན་གནས་དགོས་མིན་སྐོར་མ་འོངས་པར་བསྐྱར་ཞིབ་ཀྱིས་ལམ་ནས་ཐག་བཅད་དེ་མཐའ་མའི་གསལ་བསྒྲགས་སྤེལ་རྒྱུ་ཡིན་པ་དང་། གོང་ས་མཆོག་གིས་ཟབ་ནན་གྱིས་བཀའ་གནང་དོན། རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་ཆབ་སྲིད་དབུ་ཁྲིད་ཚུད་པའི་དབང་འཛིན་པ་སུས་ཆབ་སྲིད་ཀྱི་དགོས་མཁོར་དམིགས་ཏེ་ཏཱ་ལའི་བླ་མའི་ཡང་སྲིད་འདེམས་པའི་ཚེ། སུས་ཀྱང་ངོས་ལེན་གནང་ན་མི་འོས།
དེ་ནི་ཏཱ་ལའི་བླ་མས་ཆབ་སྲིད་ཀྱི་འགན་དབང་རྩིས་སྤྲོད་བྱས་རྗེས་ཀྱི་ཡང་བསྐྱར་གལ་ཆེའི་སྣང་ཚུལ་ཞིག་རེད། སྐུ་ན་ལོ་རེར་བཞིན་བགྲེས་པའི་གོང་ས་མཆོག་གིས་ཁོང་གི་མ་འོངས་པའི་རྒྱུད་འཛིན་ཐད་མངོན་པའི་ཆེས་ཐོག་མའི་རྣམ་འགྱུར་ཞིག་ལའང་ངོས་འཛིན་བྱེད་ཆོག མངོན་རྟགས་འདིས་ཀྲུང་ནེ་ཧཱེ་༼རྒྱ་དམར་དབུས་སྲིད་གཞུང་༽ཕྱོགས་ཀྱི་འཆར་གཞི་ཛ་དྲག་ཏུ་ཕྱིན་ཡོད། གོང་ས་ཏཱ་ལའི་བླ་མ་སྐུ་ཕྲེང་བཅུ་བཞི་པ་སྐུ་མྱ་ངན་ལས་འདས་རྗེས་བོད་ཁྱོན་ཡོངས་ནས་སྟངས་འཛིན་བྱ་རྒྱུའི་རེ་ངན་འཆང་བཞིན་པ་དང་། གོམ་གང་མདུན་སྤོས་ཀྱིས་བོད་ཀྱི་རིག་གཞུང་རྩ་མེད་བཏང་རྒྱུའི་ཆབ་སྲིད་ཀྱི་རྒྱབ་ལྗོངས་འོག
དེ་ལས་མང་བ་། “པེ་ཅིང་གིས་ཁོར་ཡུག་མ་བསྐྲུན་ན། བོད་རྒྱའི་འབྲེལ་ཐག་ཇེ་རིང་རེད།” »
ཤར་ཕྱོགས་ཁུག་རྟ།
བོད་ཐོག་རྒྱ་ནག་གིས་འཛིན་པའི་སྲིད་བྱུས་ལ་བོད་མི་རྣམས་ཀྱིས་བདེན་པའི་ལས་འགུལ་སྤེལ་ཐེངས་རེར། རྒྱ་ནག་གཞུང་གིས་དེ་ནི་ཏཱ་ལ་དང་ཏཱ་ལའི་རུ་ཚོགས་ཀྱིས་ངན་སྐུལ་ཇུས་འགོད་བྱས་པ་ཡིན་པར་བསྒྲགས་རྒྱུར་ཐེ་ཚོམ་དང་ངོ་ཚ་གང་ཡང་མེད་པས། ལས་འགུལ་ནམ་བྱུང་སྐབས་རྒྱ་ནག་གཞུང་གིས་ག་རེ་བརྗོད་ངེས་པ་ནི་བཙན་བྱོལ་བོད་མི་གད་པ་ཚུད་ཆད་ཀྱིས་ཚོད་དཔག་ཐུབ་ཀྱི་ཡོད། ལོ་འདིའི་ཟླ་ ༣ ཚེས་ ༡༦ ནས་བྱུང་བའི་རང་ལུས་མཆོད་མེར་སྒྲོན་ནས་བོད་ཀྱི་རང་དབང་རྩོད་མཁན་ཚོ་ལའང་དེ་བཞིན་༧གོང་ས་མཆོག་དང་བོད་མིའི་སྒྲིག་འཛུགས་ཀྱིས་རྒྱུད་སྐུལ་བྱས་པར་བསྒྲགས་ཡོད། དེ་ནི་རྒྱ་ནག་གཞུང་གི་སྐྱག་རྫུན་ཁུངས་མེད་ཀྱི་རིག་པ་གསར་བ་གང་ཡང་མིན་སྟེ། ༨༩ ལོར་ལྷ་སར་ཞི་རྒོལ་བྱུང་དུས་དང་། ༢༠༠༦ ལོར་སྐུ་འབུམ་དུ་བོད་མི་སྡེབས་འཛོམས་བྱུང་སྐབས། ༢༠༠༨ ལོ་ནས་ཞི་བའི་ངོ་རྒོལ་ཆེན་མོ་བྱུང་དུས་སོ་སོར་རྒྱ་ནག་གཞུང་གིས། དེ་རིང་ནང་བཞིན་༧གོང་ས་མཆོག་དང་སྒྲིག་འཛུགས་ཀྱིས་ཇུས་བཀོད་བྱས་ཚུལ་གྱི་ཁྱབ་བསྒྲགས་རྫུན་མས་རང་ངོ་རུལ་སུངས་འགེབ་ཐབས་བྱས་ཡོད།
དེ་ལས་མང་བ་། “དམར་ཤོག་གཞུང་འཛིན་ཚོགས་པ་འདར་སིག་རྒྱག་གིན་འདུག” »
༄༅། །བོད་ནང་ཕྱི་ལོ་ ༢༠༠༨ ལོར་ས་བྱི་ཞི་རྒོལ་ཆེན་མོ་བྱུང་བ་ནས་བཟུང་གནས་སྟངས་ཇེ་ཞན་ཇེ་སྡུག་ཏུ་ཕྱིན་ཡོད། ལྷག་པར་འདི་ལོ་ཕྱི་ཟླ་ ༣ ནས་རྒྱ་གཞུང་གིས་བཙན་བཟུང་དབང་བསྒྱུར་འོག་དྲག་གནོན་གྱི་སྲིད་བྱུས་རྒྱུན་འཛིན་ལག་བསྟར་མུ་མཐུད་བྱས་པར་བརྟེན་བཟོད་ཐབས་བྲལ་ཏེ་རྒྱ་གཞུང་ལ་ངོ་རྒོལ་ཆེད་བོད་མི་གཞོན་སྐྱེས་ཚོས་རང་ལུས་ཞུགས་འབུལ་གནང་བའི་གནས་ཚུལ་ཇེ་མང་ཇེ་མང་དུ་ཐོན་བཞིན་ཡོད།
བོད་ནང་གི་བོད་མི་ཚོས་འུ་ཐུག་ཐབས་ཟད་ཀྱི་བྱ་སྤྱོད་དེ་རིགས་མ་སྤེལ་ཐབས་མེད་ཆགས་པའི་རྒྱུ་རྐྱེན་གཙོ་བོ་ནི་ད་ལྟ་བོད་ནང་ཆབ་སྲིད་ཀྱི་དམ་བསྒྲགས་དང་རིག་གཞུང་རྩ་གཏོར། དཔལ་འབྱོར་དབྱེ་འབྱེད། ཁོར་ཡུག་གཏོར་བཤིག་ སོགས་ཀྱི་སྲིད་བྱུས་ལག་བསྟར་བྱེད་བཞིན་པ་དེ་ཡིན།
དེ་ལས་མང་བ་། “བོད་ནང་གི་ཛ་དྲག་གནས་སྟངས་ཐད་བཀའ་སྤྱི་ཐུན་མོང་གི་བསྒྲགས་གཏམ།” »
ཕྱི་ལོ་ ༢༠༡༡ ཟླ་ ༡༠ ཚེས་ ༡༡ ཉིན་གྱི་བོད་ནང་གི་ཕྱི་དྲོའི་དུས་ཚོད་ ༢ ཙམ་ལ་ཕྱི་ཚེས་ ༧ ཉིན་རང་ལུས་མེར་སྲེག་བཏང་ནས་རྒྱ་གཞུང་ལ་ངོ་རྒོལ་གནང་མཁན་གྱི་རྒྱལ་གཅེས་དཔའ་བོ་ཆོས་འཕེལ། རང་ལོ་ ༡༩ ཡིན་པ་ཁོང་འབར་ཁམས་སུ་ཡོད་པའི་རྔ་པ་ཁུལ་གྱི་སྨན་ཁང་ནང་གཟི་བརྗིད་ལྡན་པའི་ངང་སྐུ་ཚེ་མ་ཟིན་པའི་ཡིད་སྐྱོའི་གནས་ཚུལ་བྱུང་ཡོད་ཀྱང༌། སྔར་བཞིན་འབྲེལ་ཡོད་ཚོས་དམ་པ་ཁོང་གི་སྐུ་ཕུང་ནང་མིར་སྤྲོད་དགོས་པའི་རེ་འདུན་བཏོན་འདུག་ཀྱང་ད་བར་སྤྲད་མེད་འདུག…
ཕྱི་ལོ་ ༢༠༡༡ ཟླ་ ༡༠ ཚེས་ ༨ ཉིན་གྱི་བོད་ནང་གི་ཉིན་རྒྱབ་ཀྱི་དུས་ཚོད་དང་པོ་ཡོལ་ཙམ་ལ་རང་ལུས་མེར་སྲེག་བཏང་ནས་རྒྱ་ནང་གཞུང་ལ་ངོི་རྒོལ་གནང་མཁན་གྱི་རྒྱལ་གཅེས་དཔའ་བོ་མཁའ་དབྱིངས་ལགས་རྔ་པ་ཁུལ་གྱི་ལྟེ་གནས་འབར་ཁམས་ནས་གཟི་བརྗིད་ལྡན་པའི་ངང་སྐུ་ཚེ་མ་ཟིན་པའི་ཡིད་སྐྱོའི་གནས་ཚུལ་བྱུང་ཡོད་ཅིང་། འབྲེལ་ཡོད་མི་མང་གིས་དམ་པ་ཁོང་གི་སྐུ་ཕུང་ནང་མིར་རྩིས་སྤྲོད་བྱེད་དགོས་ཚུལ་གྱི་རེ་འདུན་ཤུགས་ཆེ་བཏོན་ཡང་རྒྱ་གཞུང་གིས་ཉན་འཇོག་རྩ་བ་ནས་མ་བྱས་པར་ཉིན་དེ་རང་ལ་འབར་ཁམས་ནས་ཁོང་གི་སྐུ་ཕུང་མེར་སྲེག་བཏང་ནས་རུས་ཐལ་ཞིག་ནང་མིར་སྤྲད་ཡོད་འདུག
གོང་གསལ་རང་ལུས་མེར་སྲེག་གིས་ངོ་རྒོལ་དོན་རྐྱེན་དེའི་སྐོར་རྒྱ་ནག་གཞུང་འབྲེལ་གྱི་ཤིན་ཧ་དྲ་བའི་ཐོག་ཕྱི་ཚེས་ ༨ ཉིན་གནས་ཚུལ་བཀོད་པར་ཁོང་གཉིས་ཀར་སྲོག་གི་ཉེན་ཁ་མེད་པར་མ་ཟད། རྨས་སྐྱོན་ཕོག་པ་ཚབས་ཆེན་མིན་ཚུལ་ཡང་བཤད་ཡོད་འདུག
ཆབ་བྲག་ལྷ་མོ་སྐྱབས།
ལོ་རྒྱུས་ཀྱི་གོད་ཆག་ཅི་འདྲ་ཞིག་བྱུང་བ་ལ་མ་ལྟོས་པར་མགོ་ནག་རྩམ་གཟན་ནམ་གདོང་དམར་བོད་པ་ཚང་གི་བུ་རབས་ཚ་རྒྱུད་དག་གིས་མི་རིགས་ཤིག་གི་ལར་ཞེན་དང་རིག་གཞུང་ཞིག་གི་སྤོབས་པ། བདེན་དོན་ཞིག་གི་སྙིང་སྟོབས་དང། ཡིད་ཆེས་ཤིག་གི་རེ་སྨོན་བཅས་ལ་བརྟེན་ནས་འཕག་འཚག་རྒྱུན་མར་བྱས་ཏེ་འགྱེལ་ས་ནས་ལངས་པར་ལན་དགུ་ཆད་མཐུད་དུ་འབད་ཡོད་ལ་གྲུབ་འབྲས་ཀྱང་ཆེན་པོ་བླངས་ཡོད། མ་མཐར་ཡང་ངས་བལྟས་ན་གཉིད་ལས་སད་དང་སད་བཞིན་པ་རེད། ད་དུང་མང་པོ་ཞིག་གིས་རེ་བ་ཆེ་ས་ཞིག་ལ་དམིགས་ཏེ་བློས་གཏོང་ཡང་ཆེན་པོ་ཞིག་གི་མགོ་ཚུགས་ཡོད། འདི་ནི་ཚེ་སྲོག་ཅིག་གི་ངོས་ནས་བལྟས་ན། ཡ་ང་བ་དང་། སྙིང་རྗེ་བ། ཕངས་སེམས་ཆེ་བ་ཞིག་ཡིན་པར་མ་ཟད། ཆེས་གཟི་བརྗིད་དང་རླབས་ཆེན་ཞིག་ཀྱང་ཅི་ལ་མིན། ལྷག་པར་དུ། རང་རིགས་ལ་མཚོན་ན་དྲན་སྐུལ་ཟབ་མོ་ཞིག་དང་དགྲ་ཕྱོགས་ལ་མཚོན་ན་ངོ་རྒོལ་མཐུ་ཆེན་ཞིག་ཡིན་ངེས་པས། གངས་ཅན་པ་ཞེས་པ་དང་གདོང་དམར་བོད་པ་ཞེས་པ། ཆོས་ལྡན་བོད་མི་ཞེས་པ། འཚེ་མེད་ཞི་བ། བདེན་པའི་ཨུ་ཚུགས་ཟེར་བའི་ཁྱད་ཆོས་ཚང་མ་ཕྱོགས་བསྡུས་ཀྱིས་མཚོན་པའི་རྒྱ་མཚོའི་རླབས་དང་རླུང་གི་ཤུགས་བཞིན་བཟློག་ཏུ་མེད་ལ་ཡལ་དུ་མེད་པའི་ལས་འགུལ་ཞིག་ཏུ་འགྱུར་བཞིན་ཡོད།
སྤྱིར་ཡིན་ན། དཔའ་རྟུལ་ཁོང་རྣམ་པས་ཀྱང་དྲག་པོའི་ཐབས་རྩལ་ཅི་རིགས་ལ་བརྟེན་ནས་དགྲ་ཕྱོགས་ལ་འཇིགས་སྣང་དང་ཆག་སྒོ་དུ་མ་ཞིག་འབྱུང་འཇུག་ཐུབ་རྒྱུར་ཐེ་ཚོམ་སྤུ་ཙམ་མེད་ན་ཡང། འདི་ལྟར་གཞན་ལ་འཚེ་བ་དོར་ནས་རང་ལ་འཚེ་བའི་སྤྱོད་ཚུལ་ཐུན་མོང་མ་ཡིན་པ་འདི་ནི། འཛམ་གླིང་ཞི་བདེའི་དེད་དཔོན་ཆེན་པོ་གང་གི་རླབས་ཆེའི་དགོངས་དོན་ལ་དད་འདུན་གུས་བརྩི་གནང་ནས་བོད་ཀྱི་བསྟན་པ་ཆབ་སྲིད་དང་བཅས་པའི་སླད་དུ་ཡིན་པར་ཐག་གཅོད་ཐུབ་པ་ཞིག་རེད།