བོད ལྷ་ཀླུ་གཉན་གསུམ།
དྲ་ཐོག་གི་སྤུན་ཟླ་ཚོ་ལགས། ཉིན་མ་འདི་དག་གི་རིང་ལ་ང་རང་ལས་དོན་ཆེན་པོ་ཞིག་གི་རྐྱེན་པས་སྤུན་ཟླ་ཁྱེད་ཅག་རེ་རེ་ལ་དུས་ཐོག་ལན་འདེབས་རེ་རེ་བྱེད་རྒྱུའི་གོ་སྐབས་མ་བྱུང་བ་དེར་དགོངས་དག་ཞུ་བ་དང་འབྲེལ། ལྷག་པར་དུ་རྩོམ་སྒྲིག་པ་མཆོག་ལ་དགོངས་དག་ཞུ།
ངས་དམིགས་བསལ་གྱིས་རྩོམ་སྒྲིག་པ་ལགས་ཀྱི་བསམ་ཚུལ་དང་དྲ་བའི་རིག་གནས་ལ་ངོ་རྒོལ་བྱས་པ་དེ་འདྲ་རྩ་བ་ནས་མིན། ངས་དྲ་བའི་རིག་གནས་ལ་འགན་འཁུར་བླངས་པ་དང་རྩོམ་སྒྲིག་པ་ལགས་ཀྱི་སྟངས་འཛིན་དེར་མོས་མཐུན་བྱས་པ་ཡིན། རྒྱུ་མཚན་དེ་ལ་བརྟེན་ནས་རང་ཉིད་ནི་སྨྱུག་མིང་འོག་དུ་ཡིབ་ནས་སྡོད་མཁན་ཞིག་གི་ངོས་ནས་རང་ཉེས་ངོས་ལེན་བྱས་པ་ལས། གཞན་གང་ཡང་མེད།
ཤེས་རབ་ཀྱི་ནམ་མཁར་ཕྱོགས་པའི་སྙན་ངག་གྱེར་འདོན་འདུ་འཛོམས་ཐེངས་གཉིས་པ་དེ་ནོར་གླིང་བོད་ཀྱི་རིག་གཞུང་གཅེས་སྐྱོང་ཁང་དུ་འཚོགས་ཏེ། སྐྱེ་དགུ་མདོའི་ས་ཡོམ་ཁྲོད་རྐྱེན་འདས་སུ་གྱུར་པ་དག་ལ་མྱ་ངན་རྗེས་དྲན་དང་། རྒྱ་དམར་གཞུང་གི་བཙོན་འོག་ལ་ཤོར་བའི་རྩོམ་པ་པོ་དག་གི་ཆེད་དུ་བསྒྲགས་གཏམ་དང་གྲགས་ཆེན་རྩོམ་པ་པོ་སྒྲོལ་མ་སྐྱབས་དང་སྐུ་ཞབས་ཞོགས་དུང་ཐེའུ་རང་བཅས་ཀྱི་བརྩམས་ཆོས་དང་བསམ་བློའི་སྐོར་ལ་ཆེ་མཐོང་དང་ཤེས་རྟོགས་ཀྱི་ཆེད་དུ་བགྲོ་གླེང་བཅས་འཚོགས་འདུག 
