རྒྱ་ནག་དབུས་གཞུང་འཐབ་ཕྱོགས་གཅིག་གྱུར་ཁང་ངམ་༼མགྲིན་ཚབ་པ་སྐུ་ཞབས་ཡེ་རྡོར་༽སོགས་ལ།

དབུ་ མའི་ལམ་གྱི་ལས་འགུལ་བ་ཞིག་གིས་བསྒྲགས་དོན།ཕྱི་ལོ་༡༩༩༧་ལོར་བཙན་བྱོལ་བོད་ མིའི་གཞུང་གིས་ཡང་དག་པའི་མང་གཙོའི་ཁེ་དབང་སྤྱད་དེ་བཙན་བྱོལ་བོད་མིའི་སྒྲིག་ འཛུགས་ཀྱིས་ཆབ་སྲིད་ཀྱི་ལངས་ཕྱོགས་གཏན་འབེབས་སྐབས་མི་མང་བརྒྱ་ཆ་དྲུག་ཅུ་ ལྷག་གིས་དབུ་མའི་ལམ་གྱི་སྲིད་བྱུས་སམ་༸གོང་ས་ཏཱ་ལའི་བླ་མའི་བཀའ་ཤར་བསྐྱོད་ ལ་རྒྱབ་སྐྱོར་ཞུས་ཤིང་།ངེད་རང་སྐ བས་དེ་ནས་༸གོང་ས་ཏཱ་ལའི་བླ་མའི་བཀའ་གསུང་ལམ་སྟོན་གནང་བའི་དབུ་མའི་ལམ་གྱི་ ལྟ་བའི་རྗེས་འབྲངས་བ་ཞིག་ཡིན།

དེ་ལས་མང་བ་། “དབུ་མའི་ལམ་གྱི་ལས་འགུལ་བ་ཞིག་གི་བསྒྲགས་གཏམ།” »

ཨ་བཙན་པོ།

༡
སྔོན་གླེང་ལ་ནི་བསམ་ཚུལ་ཆེར་མེད་དེ་ཕར་ཆེར་དེ་ག་རང་གིས་འཐུས་པར་བསམ་ལ། ཚིག་སྦྱོར་གཅིག་གཉིས་ཤིག་དང་། མཇུག་གི་“༸གོང་ས་སྐྱབས་མགོན་ཆེན་པོས་བཅའ་ཁྲིམས་བསྐྱར་བཅོས་ལ་ཆོག་མཆན་བསྩལ་བའི་སྒོ་ནས” ཞེས་པ་ཅུང་ཟད་འགྱུར་བ་གཏོང་དགོས་པར་སྙམ། འགྱུར་བ་ཇི་ལྟར་གཏོང་དགོས་ཞེ་ན། ད་ཡོད་བཅའ་ཁྲིམས་ལེའུ་བཅུ་གཅིག་པ་འདི་ཉིད་ཡུལ་མིའི་རྒྱལ་ཁབ་ཀྱི་སྒྲོམ་གཞི་དང་མཐུན་པ་ཞིག་༸གོང་ས་མཆོག་གིས་བཀའ་ནན་བསྩལ་བ་བཞིན་བཟོས་ནས་གོང་ས་མཆོག་གི་སྐུའི་འགན་དབང་ཡོངས་རྫོགས་འོས་འདེམས་བྱས་པའི་འགོ་ཁྲིད་ཁག་ལ་བསྩལ་ཏེ་དེ་དག་བོད་རིགས་ཡོངས་ཀྱི་ངོ་ཚབ་དང་སྲི་ཞུ་སྒྲུབ་པའི་ནུས་ལྡན་དུ་མཛད་དེ་”ཞེས་པར་བཅོས་དགོས་པར་བསམ། དེ་ལྟར་མ་བྱས་པར་རང་འཇགས་བཞག་ན་ང་ཚོའི་ངོས་ནས་༸གོང་ས་མཆོག་ལ་བཅའ་ཁྲིམས་ལ་བསྒྱུར་བཅོས་གཏོང་དགོས་རྒྱུར་ཆོག་མཆན་ཞུས་པ་ལྟ་བུ་ཞིག་ཏུ་འགྱུར་འགྲོ་བར་སེམས་སོ།།

དེ་ལས་མང་བ་། “བཅའ་ཁྲིམས་བསྐྱར་བཅོས་ལས་དོན་གནད་འགའ་ཅུང་ཟད་གླེང་བ།” »

འབྲོག་ཆོས།

ཁོང་གི་ཞབས་རྗེས།

རྩོམ་པ་པོ་འབྲོག་རུ་ཚུལ་ཁྲིམས་ལགས་ནི། ༢༩༨༢ ལོའི་དཔྱིད་ཀར་མདོ་སྨད་མཚོ་ལྷོ་ཁུལ་མང་ར་རྫོང་མགོ་མང་གྲོང་བརྡལ། འབྲོག་རུ་སྡེ་བ་རུ་སྐྱེས། ཁོང་གི་ཕ་མ་གཉིས་ཀྱིས་ཆུང་དུས་ནས་བཟུང་ཁོང་གི་ཨ་ཁུའི་དྲུང་དུ་བསྐྱལ་ནས་བོད་ ཡིག་གི་འབྲི་ཀློག་སྦྱོར་གསུམ་སྦྱང་དུ་བཅུག ལོ་ན་བདུན་བརྒྱད་ཙམ་ཞིག་ཡིན་དུས་ཁོང་གི་ཕ་མ་གཉིས་དང་ཨ་ཁུའི་རེ་བ་ལྟར། མདོ་སྨད་ཀླུ་ཚང་དགོན་ནས་རབ་ཏུ་བྱུང་། དེའི་རྗེས་ནས་འབྲོག་རུའི་ཆོས་ཁང་དང་ཀླུ་ཚང་དགོན་ཆེན། དྷི་ཚ་དགོན་ཆེན། རྔ་བ་སྒོ་མང་དགོན་པ་སོགས་ནས་ནང་ཆོས་གཙོས་སུམ་རྟགས་དག་གསུམ་དང་སྙན་ངག་སོགས་ ལ་སློབ་སྦྱོང་བྱས། སྐབས་དེར་འབྲོག་རུ་སྡེ་བའི་དུས་དེབ་<གསེར་ཐང་གི་མེ་ཏོག་>ཅེས་པའི་དུས་དེབ་འདོན་ཐེངས་དང་པོ་དེ་ཁོང་གིས་ལག་བྲིས་གནང་ནས་གཙོ་སྒྲིག་གནང་བ་རེད།

དེ་ལས་མང་བ་། “་ལོ་ ༤ དང་ཕྱེད་ཀའི་ཁྲིམས་ཐག་བཅད་པའི་ན་གཞོན་རྩོམ་པ་པོ་འབྲོག་རུ་ཚུལ་ཁྲིམས་གླེང་བ།” »

བསམ་གླིང་ཚེ་རིང་ལྷ་མོ།

འདི་ནི་ཁྱེད་དང་ཁྱེད་ཀྱི་ལང་འཚོ་རེད་ལ། ཁྱེད་ཚོའི་དཔའ་ཉམས་ཀྱང་རེད། མཐོན་པོའི་བྲག་རི་ལྟར་བཙན་པར་སྒྲགས་པའི་རྒྱ་དམར་གྱི་སྡུག་རྩུབ་དེ། འཛམ་གླིང་སྟེང་ཐེར་འདོན་བྱེད་པའི་ཐོག་སེར་དྲག་པོ་ཞིག་རེད་ལ། དེ་ནི་ལང་འཚོ་དར་བའི་དཔའ་རྒོད་ཚོའི་གཟི་བརྗིད་ཀྱང་རེད། ནགས་ཀླུང་སྟུག་པོར་འགྱིང་བག་གིས་རྒྱུ་བའི་དམར་ཡག་སྟག་རྒོད་དེ་འཇིགས་པ་མེད་པའི་གདེངས་སྤོབས་ཀྱིས་ནགས་ཀླུང་ཉུལ། དེ་ནི་དཔའ་འཁུམས་པ་དང་བག་ལ་ཉལ་བ་རྣམས་དཀྲོགས་པར་བྱེད་པའི་འུར་སྒྲ་ཞིག་རེད་ལ།དེ་ནི་ནགས་ཚལ་འདི་ན་ཡང་དཔའ་ཞིང་བརྟུལ་ཕོད་པའི་ཚེ་སྲོག་གི་རྒྱུ་བ་ཞིག་ཡོད་པ་རྟོགས་སུ་བཅུག་པ་དང་འདྲ།

དེ་ལས་མང་བ་། “བོད་གངས་ཅན་གྱི་དཔའ་རྒོད་ཚོ།” »

འབྲོག་རུ་ཆོས་གྲགས། དྷ་ས།

༼༢༠༡༡ ༥ ༦ ཉིན་ཕ་ཡུལ་ལ་ཁ་པར་བཏང་རྗེས་འབྲོག་ཚུལ་ལགས་ཁྲིམས་ཐག་གཅོད་རྒྱུའི་བརྡ་ཡིག་ཐོན་འདུག་ཅེས་པའི་སྐད་ཆ་གོ་རྗེས་ཤར་མར་བྲིས།༽

འབྲོག་རུ་ཚུལ་ཁྲིམས་ལགས། ངས་ཕ་ཡུལ་ལ་ཁ་པར་བཏང་ཐེངས་རེ་རེར་ཐོག་མར་འདྲི་དགོས་པ་དེ་ཁྱེད་ཀྱི་གནས་སྟངས་སྐོར་ནས་རེད། དེ་ཅི་ཞིག་ཡིན་པ་ངས་ཀྱང་ཤེས་མ་སོང་། གང་ལྟར་ན་ནིང་གི་སྤྱི་ཟླ ༥ ཚེས་ ༢༤ ཉིན་རྒྱ་ནག་གིས་ཁྱེད་རང་ཡང་བསྐྱར་ཉེས་མེད་ཀྱི་ཁྲིམས་ལ་སྦྱར་ནས་ཁྲིད་སོང་བ་རེད། དེ་དང་མཉམ་དུ་ངའི་སེམས་པ་ཡང་ཁྲིད་སོང་།
ཁྱེད་རང་འཇུ་བཟུང་བྱས་ཟིན་པའི་སྐོར་གྱི་ཞོགས་པ་དེའི་ཁ་པར་དེ་ནི་ཅི་འདྲའི་ལྗིད་ཁོག་ཆེ་བ་ཞིག་རེད་ཨང་། ལྗིད་ཁོག་དེས་ངའི་སེམས་པ་རྨས་ཞིང་རྨོངས་པར་གྱུར་ན་ཡང་། ངས་ཁྱེད་རང་དྲན་ཞིང་། ཁྱེད་རང་སྒོམ།

དེ་ལས་མང་བ་། “ངས་ཁྱེད་ལ་དཔའ་དར་འཐེན་རྒྱུར་སྒུག་ཡོད།” »

ཟླ་བ་ཆོས་འཛོམས།

ད་ལོའི་བཀའ་ཁྲིའི་འོས་བསྡུའི་ཁྲོད་རྒྱལ་ཁ་ཐོབ་པའི་སྐུ་ཞབས་བློ་བཟང་སེང་གེ་ལ་འཚམས་འདྲི་བྱས་ཟིན་ལ།ང་ཚོ་ཚང་མས་ཁོང་ལ་རྒྱབ་སྐྱོར་བྱེད་དགོས་པ་དེ་བོད་སྤྱི་བའི་དོན་རེད་ལ།ཐེངས་འདིའི་འོས་བསྡུ་ལ་ཁྱོད་ཡོངས་ནས་བལྟས་ན་ཡག་པོ་བྱུང་སོང་ཞེས་བཀྲས་མཐོང་བསྟན་འཛིན་རྣམ་རྒྱལ་གྱིས་གསུངས་སོང་།
ཟླ་༥་ཚེས་༡ཉིན་ཨ་རིའི་བྱང་ཁ་ལས་ཧྥོ་ནས་ཡའི་བཀྲས་མཐོང་བསྟན་འཛིན་རྣམ་རྒྱལ་ལ་རྒྱལ་སྐྱོར་གནང་མཁན་ཁོང་གི་གྲོགས་པོ་ཚོགས་པ་དང་།བོད་ཀྱི་ཆེད་དུ་ལངས་མཁན་མི་བཞི་ཞེས་པ་གཉིས་ཀྱི་གོ་སྒྲིག་འོག་བོད་རིགས་སྤྱི་མཐུན་ཚོགས་པའི་ཚོགས་ཁང་དུ་བཀྲས་མཐོང་བསྟན་འཛིན་རྣམ་རྒྱལ་ལགས་མགྲོན་འབོད་ཀྱིས་འོས་བསྡུའི་མཐའ་མའི་གྲུབ་འབྲས་དང་འབྲེལ་བའི་བོད་མི་བརྒྱ་སྐོར་ཞིག་འདུ་འཛོམས་གནང་སོང་།

དེ་ལས་མང་བ་། “ཁོང་ལ་ང་ཚོས་རྒྱབ་སྐྱོར་བྱེད་དགོས་པ་དེ་བོད་སྤྱི་དོན་རེད།” »