གསལ་བསྒྲགས།
གསལ་བསྒྲགས།
བཤུ་འབྲི་བྱས་ནས་ཉེས་པ་ཡོད་དམ།
འབྲོང་བུ་ཟླ་བ་ཚེ་རིང་།
དགེ་རྒན་ནང་དུ་སླེབས་སོང་། སློབ་ཕྲུག་རྣམས་ཁུ་སིམ་མེར་བསྡད་འདུག དགེ་རྒན་གྱིས་ཀྱང་སྔོན་གྱི་འཆར་གཞི་ལྟར་སློབ་ཕྲུག་ཚོར་ཀློག་དེབ་དང་འབྲི་དེབ་སོགས་བསྡུ་གསོག་རྒྱག་ཏུ་བཅུག་རྗེས་ཡིག་རྩལ་གྱི་རྒྱུགས་ཤོག་བཀྲམས། དེ་ནས་ཁོང་གིས་ད་ཁྱོད་ཚོས་རང་རང་ས་ནས་ཡིག་རྩལ་ཕྲིས། བྲིས་ཚར་མ་ཐག་ལན་ཤོག་ངའི་ཡིག་ཚང་དུ་སྐྱེལ་རོགས་གནང། ངས་དེ་རུ་སྒུག་ནས་འདུག་གི་ཡིན་ཞེས་གསུངས་རྗེས་འཛིན་ཁང་དང་ཁ་བྲལ་ནས་ཕེབས་སོང། སློབ་ཕྲུག་ཚོས་སྔོན་ལྟར་ཁུ་སིམ་མེར་རང་རང་ས་ན་དྲི་ལན་འབྲི་བཞིན་འདུག སྐར་མ་ལྔ་དང། སྐར་མ་བཅུ་ཡུན་གྱིས་འདས་ན་ཡང། འཛིན་ཁང་ནང་གི་ལྷིང་འཇགས་ཀྱི་ཁ་དབུགས་དཀྲོགས་མཁན་ནི་ཤོག་བུ་ཕར་སློག་ཚུར་སློག་བྱེད་པའི་ཤོག་སྒྲ་དང་སྨྱུ་གུས་ཤོག་བུའི་སྟེང་དུ་འབྲི་བཞིན་པའི་སྐབས་ཀྱི་ཧྲག་སྒྲ་ལས་ཅི་ཡང་མི་འདུག
ྋགོང་ས་མཆོག་གིས་རྒྱ་ནག་ནང་ཁུལ་ནས་བཏོན་པའི་དྲི་བ་ཁག་ལ་དྲྭ་བརྙན་བརྒྱུད་ཐད་ཀར་བཀའ་ལན་སྩལ་བ།
༼ྋསྐུ་སྒེར་དྲ་ཚིགས་ལས་དྲངས།༽
ཕྱི་ཟླ་དང་པོའི་ཚེས་བཞི་ཉིན།
ཝང་ལི་ཞོང་གིས་འཚམས་འདྲི་ཞུས་པ། ཏཱ་ལའི་བླ་མ་མཆོག་ལ་ཕྱི་ལོའི་ལོ་གསར་གྱི་འཚམས་འདྲི་ཞུ་བ་དང་ཆབས་ཅིག་ང་ཚོ་ཕན་ཚུན་རྒྱང་ཐག་རིང་པོའི་སར་ཡོད་ཀྱང། དྲྭ་རྒྱ་ཡོད་པའི་དབང་གིས་ཐག་ཉེ་པོ་ཆག་པའི་ཚོར་སྣང་བྱུང། དེ་རིང་འདིར་རྒྱ་རིགས་ཁྲིམས་རྩོད་པ་གྲགས་ཅན་ཐུན་པེའོ་དང་། ཅཱང་ཐེན་ཡུང་གཉིས་མཉམ་བཞུགས་གནང་ཡོད། ཁོང་གཉིས་ནི་རྒྱ་མི་རིགས་ཀྱི་དམངས་གཙོ་དང་རང་དབང་ཆེད་དུས་ཡུན་རིང་པོར་ཁྲིམས་རྩོད་བྱེད་མཁན་ཡིན་པ་མ་ཟད། ཕྱི་ལོ་ ༢༠༠༨ ལོར་བོད་ནང་གནད་དོན་བྱུང་སྐབས་ཐེན་པེའོ་ལྟ་བུར་མཚོན་ན་ཨང་དང་པོར་བོད་རིགས་ལ་ཁྲིམས་རྩོད་ཀྱི་རོགས་པ་བྱེད་ཀྱི་ཡིན་ཞེས་ཡོངས་ཁྱབ་གསལ་བསྒྲགས་ཀྱང་སྤེལ་ཡོད། དེ་བཞིན་ཁོང་གཉིས་ནི་བོད་ཀྱི་གནད་དོན་ཐག་གཅོད་བྱེད་རྒྱུའི་བསམ་འཆར་དོན་ཚན་བཅུ་གཉིས་འདོན་མཁན་རྒྱ་རིགས་ཤེས་ཡོན་ཅན་གྱི་གྲས་ཡིན་པ་དང་།
རྩོམ་པ་པོ་མགོ་ལོག་འཇིགས་བྱེད་ཚེ་རིང་ལ་བཙོན་འཇུག་ཉེས་རྡུང་བཏང་འདུག
༼རང་དབང་དྲ་བ་ལས་དྲངས། ༽
བོད་མདོ་སྨད་མགོ་ལོག་གི་རྩོམ་པ་པོ་མགོ་ལོག་འཇིགས་བྱེད་ཚེ་རིང་ལ་རྒྱ་ནག་གཞུང་གིས་འཛིན་བཟུང་བཙོན་འཇུག་དང་ཉེས་རྡུང་ཚད་མེད་བཏང་མཐར་ཕྱིར་བཏང་ཡོད་འདུག་ལ། ད་ལྟ་རང་ཁྱིམ་དུ་སྨན་བཅོས་དང་ཉེན་རྟོག་པས་ལྟ་རྟོག་འོག་ཡོད་པའི་གནས་ཚུལ་འདུག
དེ་ཡང་སྤྱི་ལོ་༢༠༡༠ ལོའི་སྤྱི་ཟླ་༡༢ པའི་ཚེས་༢༠ ཉིན་ས་གནས་ཉེན་རྟོག་པས་མགོ་ལོག་པ་འཇིགས་བྱེད་ཚེ་རིང་འཛིན་བཟུང་བྱས་པ་དང་། ཁོང་གི་རྩིས་འཁོར་འཕྲོག་ཁྱེར་གྱིས་ནང་དུ་ཡིག་ཆ་དང་རྩོམ་ཡིག་ཅི་ཡོད་ལ་ཞིབ་བཤེར་བྱས་འདུག་ལ། ༸གོང་ས་མཆོག་གི་སྐུ་པར་ཞིག་ཀྱང་ཉེན་རྟོག་པའི་ལག་ཏུ་ཚུད་འདུག་པས་དེ་དག་ལ་བརྟེན་ནས་ཁོང་ལ་ཉིན་བཅུའི་རིང་བཙོན་འཇུག་དང་ཉེས་རྡུང་མནར་གཅོད་ཚད་མེད་བཏང་མཐར་སྤྱི་ཚེས་༣༡ ཉིན་ཕྱིར་རང་ཁྱིམ་དུ་གློད་འདུག་ནའང་།
དེ་ལས་མང་བ་། “རྩོམ་པ་པོ་མགོ་ལོག་འཇིགས་བྱེད་ཚེ་རིང་ལ་བཙོན་འཇུག་ཉེས་རྡུང་བཏང་འདུག” »
མྱུར་ཚད།
འབྲོང་བུ་ཟླ་བ་ཚེ་རིང་།
༼འདིར་བརྗོད་ཀྱིན་པའི་མྱུར་ཚད་ཅེས་པ་ནི་ཁ་ཕྱོགས་དང་གྲངས་འབོར་གཉིས་ལྡན་ཞིག་ལ་གོ་དགོས། ༽
མྱུར་ཚད་(Velocity)ཅེས་པ་ནི་དངོས་པོ་ཞིག་གནས་སའི་འགྱུར་ཚད་ལ་གོ་ཞིང། བསྐྱོད་པའི་ལམ་ཐག་འགོར་བའི་དུས་ཡུན་གྱིས་བགོས་ན་མྱུར་ཚད་རྙེད་ཐུབ། ནམ་རྒྱུན་འཚོ་བའི་ཁྲོད་ཀྱི་འགུལ་སྐྱོད་རང་བཞིན་གྱི་བྱ་དངོས་ཡོད་ཚད་ལ་མྱུར་ཚད་ཡོད་ཅིང། ཐོག་མར་ཁ་ཕྱོགས་ཤིག་གཏན་འཁེལ་བྱས་ཏེ་ཚད་འཇལ་བའི་ཆ་ནས་མྱུར་ཚད་ལ་ཕོ་གྲངས་སམ་མོ་གྲངས་ཡང་ན་ཀླད་ཀོར་གང་རུང་ཡོང་སྲིད། དཔེར་ན། ཁྱེད་ཀྱིས་ས་གནས་ཤིག་གཏན་འཁེལ་གྱིས་ས་གནས་དེ་ནས་ཤར་ཕྱོགས་ནི་ཕོ་གྲངས་ཡིན་པར་ཆ་བཞག་ནས་ཤར་ཕྱོགས་སུ་བསྐྱོད་ན་མྱུར་ཚད་ནི་ཕོ་གྲངས་ཡིན་ཞིང། ཁ་ཕྱོགས་དེ་ལས་ལྡོག་ཕྱོགས་སུ་བསྐྱོད་ན་མྱུར་ཚད་ནི་མོ་གྲངས་ཡིན། འདིའི་སྐབས་ཀྱི་ཕོ་གྲངས་དང་མོ་གྲངས་ནི་ཁ་ཕྱོགས་ཀྱི་མཚོན་ཐབས་ཤིག་ཀྱང་ཡིན། དེ་བཞིན་ཁྱེད་རང་སྐོར་ལམ་སྒོར་དབྱིབས་ཡིན་པའི་མཆོད་རྟེན་ཞིག་གི་མཐའ་འཁོར་ནས་ཐེངས་གཅིག་སྐོར་བ་བསྐོར་བ་ཡིན་ན་ཁྱེད་ཀྱི་མྱུར་ཚད་ནི་ཀླད་ཀོར་རེད། འདི་ནི་ཁྱེད་རང་ཁ་ཕྱོགས་ངེས་གཏན་གྱི་ཕྱོགས་སུ་བསྐྱོད་པའི་ལམ་ཐག་ནི་ཀླད་ཀོར་ཡིན་པ་དང། ཁྱེད་རང་གི་འགུལ་བསྐྱོད་ཀྱི་ཁ་ཕྱོགས་སྒོར་དབྱིབས་དེའི་ཆ་ཤས་རེ་རེ་ན་འགྱུར་གྱིན་ཡོད་པས་སོ། འདི་མཚུངས་སུ་ཁྱེད་རང་ལམ་ཐག་ལེ་དབར་སྟོང་ཕྲག་མང་པོར་བསྐྱོད་དེ་རང་གནས་སུ་ལོག་པ་ཡིན་ན་ཁྱེད་ཀྱི་མྱུར་ཚད་ནི་ཀླད་ཀོར་ཡིན། དེ་བས་མྱུར་ཚད་ནི་ཁ་ཕྱོགས་ངེས་ཅན་ལྡན་པའི་ཚད་གཞི་ཞིག་ཡིན།
མིག་ཆུ་བཞུར་སྟངས་ཤིག
ཁེར་མ། ༼བོད་ནང།༽
ནམ་མཁའ་ཧ་ཅང་གཡའ་དག་པ
ཉིན་འོད་ཚ་ཤུར་རེ་འཕྲོ་སྟངས་ལ་བལྟས་ན
ཉི་མ་ལ་སྙིང་རྗེ་ཟེར་བ་ཞིག་གཏན་ནས་མེད་པ་འདྲ
བྱེ་ཐང་དེ་ཕ་མཐའ་མེད་སྟངས་ལ་བལྟས་ན
སྲིད་པ་ལ་ཆག་འཇིག་ཅེས་པ་ཞིག་གཏན་ནས་མེད་པ་འདྲ
ཆུ་བོ་སྐྱ་ཤུར་རེ་སྐམ་སྟངས་ལ་བལྟས་ན
ལྗང་མྱུག་ཅིག་གཏན་ནས་འབུས་ཐབས་མེད་པ་འདྲ
སྐྱེས་སྐར་དང་ལོ་ཚོད།
འབྲོང་བུ་ཟླ་བ་ཚེ་རིང་།
ཉིན་འདི་གའི་རིང་ལ་ཝེཌིནམ་རྒྱལ་ཁབ་ཀྱི་ཐེག་ཆེན་ཆོས་པ་ Thich Nhat Hanh གྱིས་བརྩམས་པའི་ཤེས་རབ་སྙིང་པོའི་འགྲེལ་བ་ཞིག་ཀློག་བཞིན་ཡོད། ཀློག་གིན་ཀློག་གིན་ཡོང་དུས། ཁོ་བོས་སྟོང་པ་ཉིད་ཀྱི་ངོ་བོའི་ཐོག་ནས་སྐྱེས་སྐར་དང་ལོ་ཚོད་གྱི་སྐོར་ལ་ནང་པའི་རྒྱལ་ཁབ་ཁག་ན་ཡོད་པའི་ལུགས་སྲོལ་ཞིག་འགྲེལ་གྱིན་འདུག རང་རིགས་ལ་ཡང་འདི་དང་མཐུན་ས་ཞིག་ཡོད་མོད། རྒྱུ་མཚན་གང་གིས་ཕྱིར་ཡིན་པ་མ་ཤེས།
ཁོང་གིས་ཆོས་ཐམས་ཅད་རང་ཉིད་ཀྱི་ངོ་བོས་སྟོང་པ་རེད། དེ་བཞིན་སྐྱེ་འཆི་ཡང་གཅིག་པ་རེད། ང་ཚོ་རྒྱུ་མེད་ཅིག་ནས་སྐྱེ་རྒྱུ་ཡོད་པ་མ་རེད། ད་ལྟའི་ཆར་ང་ཚོས་ངོས་འཛིན་བྱེད་བཞིན་པའི་སྐྱེས་སྐར་འདི་ནི་དོན་དངོས་ཀྱི་སྐྱེས་སྐར་དེ་མིན་ཏེ་རྒྱུན་མཐུད་ཀྱི་ཉིན་མོ་ཞིག་རེད། སྐྱེས་སྐར་ལ་ངོས་འཛིན་བྱེད་བཞིན་པའི་ཉིན་མོ་འདིའི་ཡར་སྔོན་དུ་ཁྱེད་རང་ཡོད་པ་རེད་དམ་ལབ་ན་ཡོད་ཡོད་པ་རེད། ཁྱེད་རང་ཨ་མའི་མངལ་ན་ཡོད་པ་རེད། སྐྱེས་ཚེས་ལག་དེབ་ཏུ་བྲིས་པའི་ཚེས་གྲངས་དེ་ནས་ཟླ་དགུ་ཡར་ལ་དེད་པའི་ཉིན་དེ་ནི་ཁྱེད་ཀྱི་སྐྱེས་སྐར་དངོས་མ་དེ་རེད། འདིའི་རྐྱེན་གྱིས་རྒྱ་ནག་དང་ཝེཌིནམ་རྒྱལ་ཁབ་ཏུ་ཕྲུ་གུ་སྐྱེས་མ་ཐག་ལོ་གཅིག་ཡིན་པར་ངོས་འཛིན་བྱེད་པའི་ལུགས་སྲོལ་ཞིག་ཡོད། ཅེས་གསུངས་འདུག