Skip to content
  • མདུན་ངོས།
  • བསམ་ཚུལ།
  • འགྱུར་རྩོམ།
  • དཔྱད་རྩོམ།
  • གསར་འགྱུར།
  • བརྙན་ཐུང་།
  • རྩོམ་རིག
  • སྣ་ཚོགས།
  • ཁ་བརྡའི་དམིགས་ཡུལ།

ངའི་ཆུང་འདྲིས་རོགས་ལོ་མི་རིག་གི

Posted on 2009-11-29 By dhatsenpa 25 Comments on ངའི་ཆུང་འདྲིས་རོགས་ལོ་མི་རིག་གི

རྒྱང་བཀྱེད་ལས་རྒྱ་ཁོག་རིག་གི་ར།། གོས་འབྲུག་ཚང་རི་མོ་མི་རིག་གི། གོས་འབྲུག་ཚང་རི་མོ་མ་རིག་ན།། རྒྱང་བཀྱེད་ལས་རྒྱ་ཁོག་རིག་གས་ཆེད།། ཁྱ་ཁྱུག་གེ་སྡེ་ཟིག་རིག་གི་ར།། ངའི་ཆུང་དུས་རོགས་ལོ་མི་རིག་གི། ངའི་ཆུང་དུས་རོགས་ལོ་མ་རིག་ན།། ཁྱ་ཁྱུག་གེ་སྡེ་ཟིག་རིག་གས་ཆེད།། འདི་ཨ་མདོའི་ལ་གཞས་ཞིག་རེད། ཡིག་སྐད་ལྟར་བྲིས་ན་བྲོ་བ་མི་འདུག་པ་མ་ཟད་སྐད་གཞན་པ་ཞིག་ཡིན་པ་ལྟ་བུའི་ཚོར་སྣང་སྟེར། གཞན་ཨམ་སྐད་ལ་རྒྱུས་ལོན་ཆེད་འདི་ལྟར་བྲིས། རྒྱ་ཁོག རྒྱ་ནང་ངམ་རྒྱ་གྲོང་། རིག་གི་ར མཐོང་ནའང་།…

དེ་ལས་མང་བ་། “ངའི་ཆུང་འདྲིས་རོགས་ལོ་མི་རིག་གི” »

གསར་འགྱུར།

སྙན་ངག་ལ་སྡང་བ་ཚོར་སྙན་ངག་ངོ་སྤྲོད་ཚན་པ་གཉིས

Posted on 2009-11-24 By dhatsenpa 18 Comments on སྙན་ངག་ལ་སྡང་བ་ཚོར་སྙན་ངག་ངོ་སྤྲོད་ཚན་པ་གཉིས

༡ སྙན་ངག སྙན་ངག ངའི་ཡ་ཁོག་ན་ལྷོག་ལྷོག་ལྡིང་བཞིན་པའི་སྙིང་གི་འཕར་སྒྲ་ཡིན། སྙན་ངག མོའི་རྩ་ལམ་ན་དལ་མེད་རྒྱུགས་བཞིན་པའི་ཟུངས་ཁྲག་ཁོལ་མ་རེད། སྙན་ངག ཁྱེད་ཀྱི་ཁ་སྣ་ནས་ཐོལ་ཐོལ་གཏོང་བཞིན་པའི་དབུགས་ཀྱི་འབྱིན་རྔུབ་རེད། སྙན་ངག ང་ཚོའི་ནང་གི་དུངས་བ་གསལ་བྱེད་ཡ་ཐོད་ཀྱི་སྤྱན་མིག་རེད། སྙན་ངག ཨ་མའི་སེམས་གཅོང་གི་ན་ཚ་གསོ་བྱེད་རིན་ཆེན་རིལ་བུ་རེད། སྙན་ངག གསར་སྐྱེས་ཀྱི་གཞོན་ནུ་ཚོའི་མི་ཚེའི་གསོན་ཤུགས་རེད། སྙན་ངག…

དེ་ལས་མང་བ་། “སྙན་ངག་ལ་སྡང་བ་ཚོར་སྙན་ངག་ངོ་སྤྲོད་ཚན་པ་གཉིས” »

གསར་འགྱུར།

བཀྲ་ཤིས་དོན་འགྲུབ་ཀྱི་གཞས་འགའ།

Posted on 2009-11-19 By dhatsenpa 1 Comment on བཀྲ་ཤིས་དོན་འགྲུབ་ཀྱི་གཞས་འགའ།

www.youtube.com/བོད་ཀྱི་རོལ་དབྱངས། Tashi Dondup&Gonpotso-Tibetan song མཆོད་པ། གངས་རིའ་ཁ་མདོག་དུང་ཡིན།། དུང་ལ་དྲི་མས་གོས་མེད།། གངས་སེང་ཕྱིར་ལ་ཕེབས་དང་།། དུང་གི་མཆོད་པ་བཤམས་ཡོད།། སྤང་ལྗོངས་ཁ་མདོག་གཡུ་ཡིན།། གཡུ་ལ་གོད་ཆག་བྱུང་མེད།། གཡུ་སྦྲང་ཕྱིར་ལ་ཕེབས་དང་།། གཡུ་ཡི་མེ་ཏོག་བཤམས་ཡོད།། གྲོགས་པོའི་སེམས་པ་མཚོ་ཡིན།། མཚོ་ལ་གཡོ་བ་བྱུང་མེད།།…

དེ་ལས་མང་བ་། “བཀྲ་ཤིས་དོན་འགྲུབ་ཀྱི་གཞས་འགའ།” »

གསར་འགྱུར།

གཞས་པ་བཀྲ་ཤིས་དོན་གྲུབ་འཛིན་ལ་ཉེ།

Posted on 2009-11-16 By dhatsenpa 17 Comments on གཞས་པ་བཀྲ་ཤིས་དོན་གྲུབ་འཛིན་ལ་ཉེ།

གོ་ཚུལ་ཡིན་ན། རྨ་ཆུའི་ལྷོ་རྒྱུད་ཀྱི་སོག་པོ་མདའ་ཚན་ཐུ་མེད་ནས་ཡིན་པའི་གཞས་པ་བཀྲིས་དོན་གྲུབ་ཀྱིས་ཉེ་ཆར་ཡང་གཞས་གསར་བའི་འོད་སྡེར་ཞིག་བཏོན་ཡོད་འདུག འོད་སྡེར་གསར་བ་དེའི་ནང་གི་གཞས་ཚང་མ་བོད་དོན་དང་འབྲེལ་བ་ཡོད་པ་རྐྱང་རྐྱང་ཡིན་འདུག་པས་དལྟ་སྤྱི་བདེ་ལས་ཁུངས་ནས་གཞས་དེ་ཕྱིར་བསྡུ་བྱེད་བཞིན་པའི་སྒང་རེད་ཟེར། ཁོང་ནས་བརྗོད་ཚུལ་ལྟར་ན། ད་ནས་བཟུང་ངས་རང་དབང་ཁོ་ནའི་ཆེད་དུ་གཞས་གཏོང་གི་ཡིན་ཟེར་ནས་དམ་བཅས་པ་རེད་ཟེར། གནས་ཚུལ་མཁོ་སྤྲོད་གནང་མཁན་གྱིས་མུ་མཐུད་བརྗོད་དོན། སྤྱི་བདེ་མི་སྣས་བརྗོད་གསལ་ལྟར་ན། ད་ཐེངས་ཁོང་ལ་ཁྲིམས་ཆད་ཀྱང་གཅོད་གི་རེད་ཅེས་དང་། གཞས་པ་ད་རུང་སྤྱི་བདེ་མི་སྣའི་ལག་ཏུ་ཚུད་མེད་པར་གནས་ག་ཤེད་ཅིག་ཏུ་ཡིབ་བསྡད་ཡོད་པ་རེད་ཟེར། གཞས་པ་བཀྲ་ཤིས་དོན་འགྲུབ་ལགས་ནི་་དེ་སྔོན་ ་་སྤྱི་ལོ་གཅིག་སྟོང་དགུ་བརྒྱ་ལྔ་བཅུ་ང་དགུའི་ལོ་་ ཞེས་པའི་བོད་ཕྱི་ནང་ཀུན་ཏུ་དར་ཤུགས་ཆེན་པོ་བྱུང་བའི་གཞས་དེ་གཏོང་མཁན་ཡང་རེད་འདུག སྔོན་མ་ཁོངབཀག་ཉར་གྱིས་འདྲི་གཅོད་བྱས་རྗེས་བཏང་ཡོད་འདུག དེ་སྔོན་ གོང་གི་གཞས་འདི་གཏོང་མཁན་བཀྲ་ཤིས་དོན་འགྲུབ་ཡིན་པ་ལས་སོག་ཕྲུག་ཤེས་རབ་མིན་པ་ཡང་ཞོར་འཕྲོས་ཀྱི་གསལ་བཤད་ཙམ་ཡིན།

གསར་འགྱུར།

རྟ་བཤད་རྨིག་བཞི་རླུང་འགྲོས།

Posted on 2009-10-302014-12-01 By dhatsenpa 4 Comments on རྟ་བཤད་རྨིག་བཞི་རླུང་འགྲོས།

སྤྱི་བཏང་རྟ་བཤད་ལ་རིགས་མང་པོ་ཞིག་ཡོད་པ་ལས་ ་་རྟ་བཤད་རྨིག་བཞི་རླུང་འགྲོས་་ ཟེར་བ་འདི། ཨ་མདོའི་དམངས་ཁྲོད་རྩོམ་རིག་དཔེ་ཚོགས། སྟོན་བཤད་སྐྱིད་གཡང་དགའ་འཁྱིལ་ཟེར་བ་ལས་རྟ་བཤད་ཐུང་ཤོས་ཤིག་བཤུས་ཏེ་བཀོད་པ་ཡིན། རྟ་རབ་ཅིག་གི་མགོ་བོ་ལ།། སྲོག་ཆགས་བདུན་གྱི་མགོ་བོ་ཚང་།། ཡ་མགལ་པོ་ཏི་བརྩིགས་འདྲ་ལ།། མ་མགལ་ལོགས་ནས་བཏེགས་འདྲ་དགོས།། སྦལ་བ་རྒྱ་བོའི་མིག་སྒམ་ལ།། ཨ་བྲ་སྐྱ་མོའི་མིག་འབྲས་དགོས།། རྣ་རྩེ་བདུད་ཀྱི་སོ་བ་ལ།། སྣ་ཁུང་ཇག་པ་སྐུང་ས་དགོས།། སོག་པ་མཛོ་རྒན་ཤ་ཤོར་ལ།། དཔུང་བ་ལུག་ཐོང་བཀྱིག་འདྲ་དགོས།།…

དེ་ལས་མང་བ་། “རྟ་བཤད་རྨིག་བཞི་རླུང་འགྲོས།” »

གསར་འགྱུར།

རྒྱ་ནག་ལ་དགྱ་ནག་འབྲི་མཁན་ཚོར་རིམ་གྲོ།

Posted on 2009-10-23 By dhatsenpa 34 Comments on རྒྱ་ནག་ལ་དགྱ་ནག་འབྲི་མཁན་ཚོར་རིམ་གྲོ།

ན་ནིང་ཞིག་ནས་བཟུང་རྒྱ་ནག་ལ་དགྱ་ནག་འབྲི་མཁན་འགའ་ཤས་ཤིག་བྱུང་། དེ་ཚོ་ལ་སྣང་མེད་བྱས་ནསད་བར་ཁ་བཙུམ་བསྡད་པ་ཡིན། ད་ལོ་ནས་དེ་ལྟར་འབྲི་མཁན་མང་ནས་མང་དུ་འཕེལ་བཞིན་འདུག ད་གཅིག་བྱས་ན་ཁོ་ཚོར་ཁུངས་ཤིག་ཡོད་པ་མིན་ནམ་སྙམ་ནས་ཡིག་རྙིང་དེ་ཚོ་ཀློག་པ་ཡིན། དེ་འདྲ་ཅང་མཐོང་རྒྱུ་མི་འདུག ཏུན་ཧོང་གཏེར་ཡིག་ནང་ཡང་དེ་འདྲ་མཐོང་རྒྱུ་མི་འདུག ཨ་མདོའི་ཁ་སྐད་དུ་བྲིས་པའི་གླུ་དང་ལ་གཞས། སྟོན་བཤད། གཉེན་བཤད། ཆང་བཤད། ཇ་བཤད། མདའ་བཤད། གནས་བསྟོད། རོགས་མཐུན་། བསང་ཡིག་ཚུན་ཆད་ལ་བལྟས་པ་ཡིན།…

དེ་ལས་མང་བ་། “རྒྱ་ནག་ལ་དགྱ་ནག་འབྲི་མཁན་ཚོར་རིམ་གྲོ།” »

གསར་འགྱུར།

འོད་ཟེར་ལ་བཞག་པའི་ལན།

Posted on 2009-10-19 By dhatsenpa 7 Comments on འོད་ཟེར་ལ་བཞག་པའི་ལན།

འོད་ཟེར་གྱི་དྲ་ཐོག་སུ་ཞིག་ནས་ལན་བཞག་པ་འདི་ལྟར། འོད་ཟེར་ལགས། བཀྲ་ཤིས་བདེ་ལེགས། སི་ཁྲོན་རྔ་བ་ཁུལ་དང་དཀར་མཛེས་ཁུལ་གཉིས་ཀྱི་རྒྱལ་སྤྱིའི་ཁ་པར་སྐུད་ལམ་དང་ཡིག་འཕྲིན་ཚང་མར་བཀག་རྒྱ་བསྡམས་འདུག ང་ཚོས་ཕྱི་ལོགས་སུ་ཁ་པར་གཏོང་དཀའ། མི་མང་པོ་ཞིག་ནས་རང་གི་ནང་མིར་འབྲེལ་བ་འཛིན་ཐུབ་པ་མི་འདུག ཨ་ལྕག་ལགས་ལ་རེ་བ་ཞུ་རྒྱུར། གནས་ཚུལ་འདི་རྒྱལ་ཕྱིའི་འགྲོ་བ་མིའི་ཐོབ་ཐང་གི་ཚོགས་པ་ཁག་ལ་བཤད་ནས་ཁོ་ཚོས་འདིར་དོ་སྣང་གནང་འཇུག་རོགས། ཤ་རུས་སོ་སོར་བྲལ་བ་སྙིང་རྗེའི་ཡུལ་ལས་འདས། ཐ་ན་སྤྱིར་བཏང་གི་གནས་འབྲེལ་རིགས་ཀྱང་མཚམས་བཅད། ཁོ་ཚོ་ཡང་སྙིང་མི་གཞན་པས་ཅི་ཞིག་མཐོང་བར་སྐྲག་སྣང་སྐྱེ་གི་ཡོད་པ་རེད?ཁོ་ཚོས་ལག་ལེན་འདེབས་བཞིན་པ་དང་དྲིལ་བསྒྲགས་གཉིས་རྦད་དེ་རྒྱབ་འགལ་ཡིན་པ་འཛམ་གླིང་མི་མང་གིས་མཐོང་བར་ཞེད་སྣང་སྐྱེ་གི་ཡོད་པ་རེད་དམ?བོད་མི་རྣམས་ངོ་མ་སྙིང་རྗེ། རེ་བ་ནི་རྒྱལ་ཕྱིའི་འགྲོ་བ་མིའི་ཐོབ་ཐང་གི་སྒྲིག་འཛུགས་དང་ཚོགས་པ་ཁག་ནས་བོད་དོན་མ་གློད་རོགས། དོན་ངོ་མའི་ཞི་བདེ་དེ་མཐའ་མཇུག་ཡོང་གི་རེད།

གསར་འགྱུར།

ང་རྒྱ་མཚོར་ལྟ་བར་དགའ།

Posted on 2009-10-052009-10-06 By dhatsenpa 21 Comments on ང་རྒྱ་མཚོར་ལྟ་བར་དགའ།

ང་རྒྱ་མཚོར་ལྟ་བར་དགའ།
རླུང་ཁྲོད་དུ་སྤོབས་ཤུགས་ཀྱིས་འགྱིང་བའི
མོའི་དངུལ་མདོག་གི་མཚོ་འགྲམ་དང་
གཡང་གཟར་གྱི་བྲག་རི་དཀར་པོ་དག
ང་རྒྱ་མཚོར་ལྟ་བར་དགའ།
མོའི་ཟླ་བའི་བྱ་ཚོགས
མོའི་ཆར་སྨུག་གི་རྟ་ཕོ་དག
མོའི་འཕུར་མཆོང་བྱེད་པའི་ཉ་རིགས།

དེ་ལས་མང་བ་། “ང་རྒྱ་མཚོར་ལྟ་བར་དགའ།” »

འགྱུར་རྩོམ།, སྙན་ངག

སྤྱི་འཐུས་རྣམ་པ་ཚོར་ཞུ་བར་བྱ་བའི་དོན་ཚན་གསུམ།

Posted on 2009-09-26 By dhatsenpa 38 Comments on སྤྱི་འཐུས་རྣམ་པ་ཚོར་ཞུ་བར་བྱ་བའི་དོན་ཚན་གསུམ།

སྤྱི་འཐུས་རྣམ་པ་ཚོར་ཞུ་བར་བྱ་བའི་དོན་ཚན་གསུམ། ཡི་གེ་འདི་ནི་བོད་མི་མང་གི་སྤྱི་འཐུས་རྣམ་པ་ཚོར་ཞུ་གི་ཡོད། ད་རེས་གྲོས་ཚོགས་ནང་བྱུང་བའི་རྙོག་དྲ་དེ་ད་རུང་བོད་སྤྱི་ཚོགས་ནང་ཚ་བོ་ཚ་རྐྱང་བྱས་དྲོད་མ་ཡལ་པར་བསྡད་ཡོད་པ་རེད། དྲ་ཐོག་ཏུའང་རང་རང་སོ་སོས་ལངས་ཕྱོགས་རེ་བཟུང་སྟེ་བགྲོ་གླེང་གང་འཚམས་བྱས་སོང་། རྩ་བའི་གྲོས་ཚོགས་ནང་གི་མི་མཐུན་པའི་ལངས་ཕྱོགས་གཉིས་བྱུང་བ་དེ་ལས་འདའ་ཐུབ་མི་འདུག གང་ལྟར་ཀྱང་བྱུང་ཚར་བ་དེ་ཚར་བ་རེད། ཡིན་ནའང་། མ་འོངས་པར་ཁྲིམས་བཟོ་ལྷན་ཚོགས་ཀྱིས་མགོ་བྱས་ནས་ཁྲིམས་འགལ་གྱི་རིགས་མ་ཡོང་བ་དེ་གལ་ཆེན་པོ་རེད། ད་དེ་རིང་ངས་ཀྱང་འདི་ནས་མར་ཐེངས་རྗེས་མའི་སྤྱི་འཐུས་གྲོས་ཚོགས་ལ་དམིགས་ཏེ་བསམ་ཚུལ་གསུམ་ཞུ་གི་ཡིན། གཅིག ཆོལ་ཁ་དང་ཆོས་བརྒྱུད་ཀྱི་སྤྱི་འཐུས་རྒྱ་བལ་འབྲུག་གསུམ་མ་ཡིན་པའི་ཕྱི་རྒྱལ་དུ་སྡོད་མཁན་རྣམས་གྲོས་ཚོགས་ལ་བཅར་སྐབས་ཀྱི་འགྲོ་གྲོན་ཐད་གྲོས་ཆོད་ཁ་གསལ་ཞིག་འཇོག་དགོས་པ་འདུག རྩ་བའི་དེའི་སྐོར་གྱི་སྒྲིག་གཞི་ལ་ཚིག་ཟིན་གྱི་ཆ་ནས་གསལ་ཁ་མེད་པ་ཡིན་ནའང་བྱང་ཨ་རི་དང་ཡོ་རོབ་ནས་རང་ཁོངས་ནས་སྤྱི་འཐུས་འདེམས་དགོས་པའི་ཐག་གཅོད་དང་། གཞན་རྒྱ་བོད་འབྲུག་གསུམ་མ་ཡིན་པའི་ཕྱི་རྒྱལ་དུ་སྡོད་མཁན་སྤྱི་འཐུས་གཉིས་ལ་དེ་སྔོན་ལམ་གྲོན་བཏང་མེད་པ་དེ་དང་། ད་བར་ལག་ལེན་བསྟར་ཡོང་བའི་འགྲོ་སྟངས་དེས་གསལ་ཁ་མེད་པའི་སྒྲིག་གཞི་དེ་ལ་གསལ་ཁ་སྟེར་གྱི་ཡོད་པ་རེད། དེ་ཡིན་ནའང་ད་རེས་ཀྱི་རྙོག་དྲ་འབྱུང་གཞི་ནི་དེ་ཡིན་པས་འབྱུང་འགྱུར་ལ་དམིགས་ཏེ་དེའི་སྐོར་ལ་གསལ་ཁ་ཅན་གྱི་གྲོས་ཆོད་ཅིག་ངེས་པར་འཇོག་དགོས་ཀྱི་འདུག…

དེ་ལས་མང་བ་། “སྤྱི་འཐུས་རྣམ་པ་ཚོར་ཞུ་བར་བྱ་བའི་དོན་ཚན་གསུམ།” »

གསར་འགྱུར།

བསམ་བཙུགས་ནས་གྲོས་ཚོགས་ལ་གཏོར་བརླག་བྱས་པ་འདྲ་བོ་འདུག

Posted on 2009-09-242009-09-24 By dhatsenpa 62 Comments on བསམ་བཙུགས་ནས་གྲོས་ཚོགས་ལ་གཏོར་བརླག་བྱས་པ་འདྲ་བོ་འདུག

ནོར་འཁྲུལ་ཚབས་ཆེན་གཉིས།
ད་རེས་བོད་མི་མང་སྤྱི་འཐུས་ལྷན་ཚོགས་བདེ་བླག་གིས་མཇུག་སྒྲིལ་མ་ཐུབ་པ་དང་། ལས་གཞི་འགའ་རེ་ཅམ་འཇོག་བྱེད་དགོས་བྱུང་བ། འབྱུར་འགྱུར་ངེས་པར་དགོས་པའི་སྒྲིག་གཞི་དང་སྒྲིག་གཞིར་གསལ་ཁ་བཏོད་དགོས་པ་དེ་འདྲའི་ཐོག་གྲོས་ཆོད་འཇོག་མ་ཐུབ་པའི་གནས་ཚུལ་འདི་དག་སེམས་ལ་ཤར་ཐེངས་རེར་མར་ཉལ་ན་གཉིད་མི་ཁུག་ཅིང་ཡར་ལངས་ན་སེམས་མི་སྐྱིད་པ་ཞིག་རེད། དེ་བས་འདིར་བར་སེང་གི་གོ་སྐབས་ཕྲན་བུ་བཟུང་ནས་བྱས་ཉེས་ཀྱི་ཕུང་རྒན་སུ་ལ་ཐུག་མིན་སྐོར་ཅུང་ཟད་གླེང་བར་བྱ་བ་ནི་རང་སེམས་རང་གིས་གསོ་ཐབས་ཙམ་ཡིན།
རང་ཉིད་ལ་དུས་ཚོད་ཡོད་མེད་ལ་མ་ལྟོས་པར་གྲོས་ཚོགས་ཀྱི་གནས་ཚུལ་གང་ཐུབ་ཀྱིས་རྒྱུས་ལོན་བྱས་པ་ལྟར་ན། གྲོས་ཚོགས་ནང་སྔ་ཕྱིར་ནོར་འཁྲུལ་ཚབས་ཆེན་གཉིས་བྱས་ཡོད་པ་ངོ་འཕྲོད་ཀྱི་འདུག
གཅིག སྤྱི་འཐུས་རྒྱུན་ལས་ཀྱི་ནོར་འཁྲུལ་ཏེ། ལམ་ལུགས་སྲོལ་དང་སྒྲིག་གཞི་སྣང་མེད་ལ་བཞག་ནས་ཕྱི་རྒྱལ་དུ་སྡོད་པའི་སྤྱི་འཐུས་སྒེར་བ་ཞིག་གི་ལམ་གྲོན་སྤྱི་འཐུས་རྒྱུན་ལས་ནས་བཏང་བ་དེ་རེད།
གཉིས། ཁྲིམས་བཟོ་ལྷན་ཚོགས་ཀྱི་ལས་འགན་ནི་ཁྲིམས་སྒྲིགས་གསར་བཟོ་དང་ཁྲིམས་སྒྲིགས་ལ་བཟོ་བཅོས། ཁྲིམས་སྒྲིགས་གསལ་ཁ་མེད་ན་དེར་གསལ་ཁ་བཏོད་དགོས་པ་དེ་ཡིན་ཡང་སྤྱི་འཐུས་འགའ་ཤས་ཤིག་དེ་ལས་ལྡོག་ཏེ་ཚོགས་ཁང་ནས་ཕྱི་ལ་ཐོན་ཏེ་དགོས་ཕན་ལྡན་པའི་གྲོད་ཆོད་འཇོག་པར་བར་ཆད་བཟོས་པ་དེ་རེད།

དེ་ལས་མང་བ་། “བསམ་བཙུགས་ནས་གྲོས་ཚོགས་ལ་གཏོར་བརླག་བྱས་པ་འདྲ་བོ་འདུག” »

གསར་འགྱུར།

སྤྲིན་གྱི་ཕོ་ཉ་ལས་འཕྲོས་པའི་ཁ་བརྡ།

Posted on 2009-09-12 By dhatsenpa 81 Comments on སྤྲིན་གྱི་ཕོ་ཉ་ལས་འཕྲོས་པའི་ཁ་བརྡ།

ལྷ་རྩེ་བོད་ཀྱི་དཔེ་མཛོད་ཁང་དུ། འཕགས་ཡུལ་གྱི་སྙན་དངགས་མཁན་ནག་མོ་ཁོལ་གྱིས་བརྩམས་གནང་བའི་ ་་དཔྱིད་ཀྱི་ཕོ་ཉ་་ ཀློག་འདོན་དང་དེས་བོད་ཀྱི་རྩོམ་རིག་སྐོར་ཐེབས་པའི་ཤུགས་རྐྱེན་སྐོར་བགྲོ་གླེང་བྱེད་ཀྱི་ཡོད་པར་དོ་སྣང་བྱུང་། གལ་སྲིད་ང་དེར་ཡོད་ན་དྲི་བ་ཡང་མི་ཉུང་བ་ཞིག་ཁྱེར་ནས་ཡོང་ས་རེད་དེ་ད་ཡིན་ན་དེ་འདྲའི་སྐལ་བས་ཕོངས། དཔྱིད་ཀྱི་ཕོ་ཉ་དེ་དུས་རབས་ལྔ་བའི་ཡར་མར་གྱི་མི་ཞིག་གི་བྲིས་རྩོམ་་ཡིན་ནའང་ད་ལྟའི་སྐབས་འདིར་ད་རུང་བོད་ཙམ་མིན་པར་རྒྱལ་སྤྱིའི་རྩོམ་རིག་ཐོག་གོ་གནས་ངེས་ཅན་ཞིག་བཟུང་ཡོད་པ་དེ་ཧ་ལས་པའི་དོན་ཞིག་རེད། རྩོམ་རིག་ཅིག་གི་སྒྱུ་རྩལ་ལ་མཚོན་ན་སྐད་ཆའི་སྒྱུ་རྩལ་ནི་སེམས་ལྡན་ཞིག་གི་གཟུགས་པོའི་ནང་གི་ཟུངས་ཁྲག་བཞིན་རྩོམ་གཟུགས་ཧྲིལ་བོའི་ལུས་པོ་གང་སར་ཁྱབ་ཡོད་པ་ཞིག་ཡིན་པས་དེ་ནི་རྩོམ་རིག་གང་ཞིག་ཡིན་ཡང་ཆེས་གནད་འགག་ཅན་ཞིག་ཡིན་པ་ནི་བཤད་མ་དགོས་པ་ཞིག་རེད། ཡིན་ན་ཡང་། རྩོམ་གང་ཞིག་སྐད་གཞན་དུ་བསྒྱུར་བའི་སྐབས་རྩོམ་གཞུང་ལ་འགྱུར་བ་ཐེབས་ཀྱི་མེད་ནའང་ཐོག་མའི་མ་སྐད་དང་མི་འདྲ་བར་སྐད་ཆའི་སྒྱུ་རྩལ་གྱི་ངོ་བོར་འགྱུར་བ་གང་འཚམས་ཤིག་འགྲོ་གི་ཡོད་པ་ནི་ཚོད་དཔག་བྱེད་ཐུབ་པ་ཞིག་རེད། དེ་ལྟར་ཡང་། དཔྱིད་ཀྱི་ཕོ་ཉའི་བོད་འགྱུར་དེ་རྩ་བའི་ཆ་ནས་ཚིག་དོན་གང་ཅིའི་ཐད་་གསོན་ཤུགས་ལྡན་ཞིང་གང་བྲིས་པ་དེ་རི་མོ་བཞིན་ཡིད་ལ་འཆར་རྒྱུ་ཡོད་པ། ཡིད་སེམས་དབང་མེད་དུ་གཡོ་འགྲོ་བ་ཞིག་འདུག་པ་དེའང་ལོ་ཆེན་བྱང་ཆུབ་རྩེ་མོ་དང་ཁོང་གི་སློབ་མར་གྱུར་བ་ལོ་ཆེན་ནམ་མཁའ་བཟང་པོ། ད་དུང་ཁ་ཆེའི་པཎཌི་ཏ་སུ་མ་ན་ཤྲྰི་བཅས་ཀྱི་རྣམ་དཔྱོད་ཀྱི་རྩལ་ལ་ཐུག་པ་ལོས་ཡིན། དཔྱིད་ཀྱི་ཕོ་ཉར་སྔོན་ཐེངས་མ་འགའ་ཤས་ཤིག་ལ་ཀློག་མྱོང་། བོད་ནང་དུ་ཨ་ལགས་དོར་ཞི་ཚང་དང་གཞན་ཞིག་ནས་དེ་ལ་འགྲེལ་བཤད་བྱས་པ་ཞིག་ཀྱང་མཐོང་མྱོང་།…

དེ་ལས་མང་བ་། “སྤྲིན་གྱི་ཕོ་ཉ་ལས་འཕྲོས་པའི་ཁ་བརྡ།” »

གསར་འགྱུར།

ཁ་མཆུ་འཛུགས་གི་ཡིན།

Posted on 2009-08-30 By dhatsenpa 21 Comments on ཁ་མཆུ་འཛུགས་གི་ཡིན།

བེ་རི་འཇིགས་མེད་ལགས། ཉེ་ཆར་ཁྱེད་རང་གིས་དྲ་ཐོག་བཀོད་པའི་རྩོམ་རིག་གི་འཕེལ་རིམ་དང་ཞན་ཆའི་སྐོར་གྱི་རྩོམ་དང་ཆུ་སྒང་གི་ལོ་རྒྱུས་འབྲི་སྟངས་ལ་ངས་མི་མཐུན་པའི་བསམ་ཚུལ་ཅི་ཡོད་དོན་ཚན་རིམ་པ་བྱས་ནས་རྒྱུ་མཚན་དང་བཅས་ཏེ་གསལ་བོར་བཀོད་ཡོད། དེ་ཡང་གང་ཟག་སྒེར་ལ་དགའ་མི་དགའི་ཐོག་ནས་བརྗོད་མེད། ངའི་རེ་བར་ཁྱེད་རང་གིས་ཀྱང་རང་གི་རྩོམ་ལ་འགན་ཞིག་ཁྱེར་ནས་དྲ་ཐོག་གི་མཁས་དླུན་ཚང་མའི་མཉམ་བགྲོ་གླེང་འཁྲུགས་པོ་ཞིག་བྱེད་གི་རེད་བསམས་སོང་ཡང་། ཁྱེད་ཀྱིས་ཁྱི་རྒན་ཚོས་ཁྱི་སྐྱག་བཏང་རྗེས་སྣོམས་ཙམ་བྱས་ནས་འགྲོ་བ་དེ་བཞིན་རང་རྩོམ་ཁྱི་སྐྱག་བཞིན་བདག་མེད་དུ་གཡུགས་སོང་། ངས་ཉིན་འགར་སྒུག་པ་ཡིན་ཏེ་ཁྱེད་རང་ཝ་མོ་ཁུང་དུ་འཛུལ་བ་བཞིན་ཕྱི་ལ་དོན་མ་སོང་། དེ་ཡིན་ན་ངས་ཀྱང་ཝ་མོ་དུད་པས་བདུག་ནས་ཕྱིར་འདོན་དགོས་མ་མཆིས། བར་སྐབས་རིང་དྲ་ཁང་དུ་འཛུལ་རྒྱུའི་གོ་སྐབས་རེག་མ་སོང་། ཧང་སངས་པ་ཞིག་ལ་ང་མེད་ཤུལ་དུ་ཁྱོད་ཡོང་ནས་ཚིག་གྲུབ་གསུམ་བཞི་ཞིག་བྲིས་ནས་མི་ལ་ཡ་ལ་དཀྲིས་ཏེ་མི་དཀར་དཀར་ལ་ཞྭགནག་པོ་གཡོགས་རྩིས་བྱས་འདུག་ག གཅིག ་་ མདའ་མཚན་པ་ལྟ་བུའི་ཨ་ མྱེས་རྨ་ཆེན་བོད་ཀྱི་རིག་གཞུང་གི་ལྟེ་གནས་གལ་ཆེ་དེ་ འདྲ་གཏོར་རྒྱུའི་བློ་ཁོག་ཡོད་མཁན་་ ཞེས་པ་དང་།…

དེ་ལས་མང་བ་། “ཁ་མཆུ་འཛུགས་གི་ཡིན།” »

གསར་འགྱུར།

བོད་ཀྱི་ལོ་རྒྱུས་ཐོག་ནུབ་གླིང་བ་དང་ཆང་ས་རྒྱག་མཁན་དང་པོ་དེ་བདེ་ཆེན་ཡིན་ན་ཁྲིག་ཁྲིག་མེད་གི

Posted on 2009-08-08 By dhatsenpa 4 Comments on བོད་ཀྱི་ལོ་རྒྱུས་ཐོག་ནུབ་གླིང་བ་དང་ཆང་ས་རྒྱག་མཁན་དང་པོ་དེ་བདེ་ཆེན་ཡིན་ན་ཁྲིག་ཁྲིག་མེད་གི

རྒྱ་གར་ཤར་ཕྱོགས་ཚོང་སྡེའི་གཞུང་ཞབས་མི་སྣ་ ཇོར་ཇི་བྷེ་གལ་ཟེར་བ་དེ་བྷེང་ལོར་དང་བོད་བར་ཚོང་འབྲེལ་གྱི་ཆེད་དུ་ ༡༧༧༤ ལོར་གཙང་ལ་སླེབས་ནས་པན་ཆེན་རིན་པོ་ཆེ་སྐུ་ཕྲེང་དྲུག་པ་དཔལ་ལྡན་ཡེ་ཤེས་ལ་མཇལ་ཞིང་། བཀྲ་ཤིས་ལྷན་པོར་བོད་ཡིག་སྦྱངས་ནས་བསྡད་འདུག ཕ་ཁྲི་རིག་ཧྥི་རེན་ཆི་ནས་བྲིས་པའི་བོད། བོད་ཟེར་བའི་དབྱིན་དེབ་དེའི་ནང་བྲིས་པ་ལྟར་ན། བྷེ་གལ་གྱིས་བོད་མོ་བདེ་ཆེན་ལ་ཆང་ས་རྒྱབ་འདུག་པ་དང་། ཁོང་གཉིས་ལ་ བུ་མོ་གཉིས་ཡོད་པ་དང་། བུ་མོ་དེ་གཉིས་སློབ་སྦྱོང་གི་ཆེད་དུ་ཕྱིར་སི་ཁོ་ཊི་ལན་ཊིར་བཏང་ཚུལ་བྲིས་འདུག ཡང་ཝེ་ཀི་ཧྥེ་ཌེས་ཡ་ནང་ཡིག་ཆ་ཞིག་མཐོང་བའི་ནང་། བྷོ་གལ་གྱིས་ཆང་ས་རྩ་ནས་བཀྱོན་ཡོད་པ་མ་རེད། ཡིན་ནའང་། ཁོ་ལ་བུ་ཇོར་ཇི་དང་བུ་མོ་མར་ཐ་དང་མེ་རི་གཉིས་ཡོད་པ་རེད།…

དེ་ལས་མང་བ་། “བོད་ཀྱི་ལོ་རྒྱུས་ཐོག་ནུབ་གླིང་བ་དང་ཆང་ས་རྒྱག་མཁན་དང་པོ་དེ་བདེ་ཆེན་ཡིན་ན་ཁྲིག་ཁྲིག་མེད་གི” »

གསར་འགྱུར།

བཀའ་ཁྲི་འདེམས་ན་འདིར་རྒྱུགས།

Posted on 2009-08-07 By dhatsenpa 9 Comments on བཀའ་ཁྲི་འདེམས་ན་འདིར་རྒྱུགས།

kalontripa.org འདིའི་ནང་ཕྱིན་ན་ཁྱེད་རང་གིས་བཀའ་ཁྲིའི་འོས་གཞི་ཐད་ཀར་འདེམས་ཐུབ། ད་བཀའ་ཟུར་རྙིང་པ་སྤོར་ཏོ། ཀླད་རྡིབ་ཆགས་པ་དེ་ཚོ་འདེམས་མ་འདེམས་ཨེ་ཡོད། སེམས་ཤུགས་དང་ཡིད་ཆེས་ཀྱིས་ཁེངས་པའི་གཞོན་ནུ་ཞིག་འདེམས་ན་མ་རེད་པས། བཀའ་ཁྲིའི་ལོ་ཚོད་དེ་མ་མཐའ་ལོ་ ༣༥ རེད། ཡ་མཚན་པ་ཞིག་ལ་ཡ་མཐའ་མི་འདུག ཕལ་ཆེར་ཕྱིའི་རྒྱལ་ཁབ་ཁག་གི་རྗེས་སུ་ཧོལ་རྒྱུགས་བྱས་པ་འདྲ། ཨ་རི་ལའང་མ་མཐའ་ལོ་ ༣༥ དང་ཡ་མཐའ་མི་འདུག དེའི་སྐོར་དྲ་ཐོག་ནས་དྲི་བ་ཞིག་དྲིས་པའི་ལན་དུ། ཁྲིམས་ཀྱིས་ལོ་ཚོད་ལ་དབྱེ་འབྱེད་བྱེད་རྒྱུར་དགག་ཆ་བྱེད་གི་རེད་ལྟ་བུའི་ལན་ཞིག་མཐོང་།…

དེ་ལས་མང་བ་། “བཀའ་ཁྲི་འདེམས་ན་འདིར་རྒྱུགས།” »

གསར་འགྱུར།

ཨ་ཕའི་གསོལ་ཕོར་ངོས་འཛིན་སྟངས།

Posted on 2009-07-282009-07-28 By dhatsenpa 38 Comments on ཨ་ཕའི་གསོལ་ཕོར་ངོས་འཛིན་སྟངས།

མགོན་པོ་ཕྱག་གཉིས་པ། འཛམ་གླིང་ནང་ཆོས་ལུགས་མང་པོ་ཞིག་ཡོད་པ་རེད། དེའི་ནང་ནང་པ་སངས་རྒྱས་པའི་ཆོས་འདི་རྒྱ་ཆེ་ཤོས། གཏིང་ཟབ་ཤོས། འཐུས་ཚང་ཤོས་ཤིག་གི་གྲས་ཡིན་པ་དེ་ནི་བཤད་མ་དགོས་པ་ཞིག་རེད། དེ་ཡང་ནང་ཆོས་ཟེར་ན་སངས་རྒྱས་ཀྱི་གསུང་གཅིག་པོ་མིན་པར། གནའ་ནས་ད་བར་གྱི་སངས་རྒྱས་ཀྱི་རྗེས་འཇུག་པ་མང་པོ་ཞིག་ནས་ལྗགས་རྩོམ་གནང་བ་དེ་དག་ཀྱང་དེར་འདུས་ཡོད་པ་རེད། དེ་བས་ད་ལྟ་མང་བོ་ཞིག་ནས་ ་་ཚན་རིག་དང་དཔུང་བ་མཉམ་གཤིབ་ཀྱིས་འགྲོ་ཐུབ་་ ཟེར་གྱི་ཡོད་པ་རེད། ཡིན་ན་ཡང་། གྲ་མ་ཆག་གྲུ་མ་ཞིག་པར་ཁྱོན་ཡོངས་ནས་ཚན་རིག་དང་མཐུན་གྱི་ཡོད་ཟེར་ན་དེ་ནི་ཡོངས་ཐབས་མེད་པ་ཞིག་རེད། ལྟ་བ་མི་མཐུན་པ་ཞིག་བྱུང་བྱུང་ཚང་མར་ཁ་གཏད་གཅོག་དགོས་ན་རྣམ་པ་ཚོར་སྐུ་མཉེལ་བོ་ཡོང་གི་རེད། ངས་བལྟས་ན་ཁྱེད་ཚོ་འགའ་རེས་རང་གི་ཨ་ཕའི་ཁ་ཕར་ངོས་ཟིན་གི་མེད་པ་དང་བདག་གཅེས་བྱེད་སྟངས་ཤེས་གི་མི་འདུག རིའི་རྒྱལ་པོ་རི་རབ་རྡུལ་ཕྲན་མཚོན་གྱིས་གཏོར་ནའང་གཏོར་ཆུག…

དེ་ལས་མང་བ་། “ཨ་ཕའི་གསོལ་ཕོར་ངོས་འཛིན་སྟངས།” »

གསར་འགྱུར།

ཟམ་གདོང་རིན་པོ་ཆེ་སྐྱར་དུ་བཀའ་ཁྲིར་འདེམས་དགོས་པ་རེད་དམ།

Posted on 2009-07-28 By dhatsenpa 3 Comments on ཟམ་གདོང་རིན་པོ་ཆེ་སྐྱར་དུ་བཀའ་ཁྲིར་འདེམས་དགོས་པ་རེད་དམ།

ང་ཚོ་ཚང་མས་ཤེས་གསལ་ལྟར། ཟམ་གདོང་རིན་པོ་ཆེ་སྐྱར་དུ་བཀའ་ཁྲིར་འདེམས་པ་ནི་བཅའ་ཁྲིམས་ཀྱི་དགོངས་དོན་དང་འགལ་ཡོད་པ་དེ་རེད། ད་ག་རེ་བྱེད་དགོས་རེད། དེ་ལ་བྱེད་ཡ་གང་ཡང་ཡོད་མ་རེད། ཡིན་ན་ཡང་། མི་ཉུང་ཤས་ཤིག་ནས་འགུལ་སྐྱོད་བྱས་ཏེ་ཁྲིམས་འགལ་གྱི་བྱ་བ་དེ་ཁྲིམས་མཐུན་ལ་བསྒྱུར་ཐབས་སུ་ཁྲིམས་ཡིག་ལ་བསྒྱུར་བཅོས་བྱེད་པར་འབད་བཞིན་པ་དེ་ནི་ཁྲིམས་འགལ་ཞིག་མིན་ན་ཡང་གད་མོ་ཤོར་དགོས་པ་ཞིག་རེད། མ་གཞི་སྐད་ཆ་འདི། ཐུབ་བསམ་གྱིས་བཀའ་ཁྲི་འཚོལ་བའི་ལས་གཞི་མགོ་འཛུགས་ཞུ་སྐབས་ནས་ངས་གོ་སོང་། ཁོང་ནས་ཟམ་གདོང་རིན་པོ་ཆེ་ལྟ་བུ་ཡོད་པ་མ་རེད། དྷ་སར་མི་རེ་ཟུང་གིས། ཁྲིམས་ཡིག་ལ་བསྒྱུར་བཅོས་བཏང་ན་ཟམ་གདོང་རིན་པོ་ཆེ་ཡང་སྐྱར་བཀའ་ཁྲིར་སླེབས་པའི་ལམ་ཀ་ཡོད་པ་རེད་ཟེར་གི་འདུག་ཟེར། དངོས་གནས་ཁེ་ཕན་ཆེན་པོ་ཞིག་ཡོད་པ་ཡིན་ན་དེ་ལྟར་བྱས་ན་ཡང་མ་འགྲིགས་པ་ག་ལ་ཡོད་པ་རེད་དེ། ཡིན་ན་ཡང་། ངས་དེ་ནི་བྱིས་པའི་སྤྱོད་པ་ལྟ་བུ་ཞིག་ལས་མིག་རྒྱངས་རིང་བའི་དོན་ཞིག་ཏུ་རྩ་ནས་མཐོང་གི་མི་འདུག ད་དེར་སྐད་ཆ་མང་པོ་བཤད་འདོད་མེད།…

དེ་ལས་མང་བ་། “ཟམ་གདོང་རིན་པོ་ཆེ་སྐྱར་དུ་བཀའ་ཁྲིར་འདེམས་དགོས་པ་རེད་དམ།” »

གསར་འགྱུར།

ལྷ་དང་ལྷ་ཡུལ་ལས་འཕྲོས་པའི་གཏམ།

Posted on 2009-07-27 By dhatsenpa 16 Comments on ལྷ་དང་ལྷ་ཡུལ་ལས་འཕྲོས་པའི་གཏམ།

མགོན་པོ་ཕྱག་གཉིས་པས། དེ་རིང་ལྷ་དང་ལྷ་ཡུལ་དང་འབྲེལ་བའི་སྐད་ཆ་ཉུང་ཉུང་ཞིག་བཤད་ན་འདོད་བྱུང་། སྤྱིར་མ་རྙེད་པ་ལ་བརྟེན་ནས་མེད་ཅེས་བཤད་ན་དེ་ནི་ཚན་རིག་དང་མཐུན་པའི་སྐད་ཆ་ཞིག་མ་རེད། སྐད་ཆ་དྲང་མོ་ཞིག་བཤད་ན། ལྷ་དང་ལྷ་ཡུལ་ཡོད་མེད་ངས་མི་ཤེས། ཡིན་ན་ཡང་། ང་ཚོས་ད་བར་ག་རེ་ཤེས་ཡོད་པ་རེད་ཟེར་ན། འཛམ་གླིང་རིལ་རིལ་འདིའི་སྒང་རིག་གཞུང་དང་ཆོས་ལུགས་མི་འདྲ་བ་ལ་བརྟེན་ནས་ལྷ་དང་ལྷ་ཡུལ་ཡང་མི་འདྲ་བ་བྱུང་ཡོད་པ་དེ་ཤེས་ཐུབ་ཡོད་པ་རེད། དེར་མ་ཟད། ལྷ་དང་ལྷ་ཡུལ་དེ་ཚོ་རིག་གཞུང་དེ་དང་དེའི་ཁྱབ་ཁོངས་ཀྱི་མིའི་སྤྱི་ཚོགས་དེའི་སྣོད་བཅུད། འདོད་འདུན གོམས་སྲོལ་ ཆས་གོས ། དགའ་སྡུག་ཆགས་སྡང་ཚུད་ཆད་ནས་རིག་གཞུང་དེ་དང་སྤྱི་ཚོགས་དེས་བཟོས་བཞག་པ་འདྲ་བོ་ཞིག་ཡོད་པ་རེད།…

དེ་ལས་མང་བ་། “ལྷ་དང་ལྷ་ཡུལ་ལས་འཕྲོས་པའི་གཏམ།” »

གསར་འགྱུར།

ཆུ་སྒང་སྐོར་དྲི་བ་འགའ།

Posted on 2009-07-26 By dhatsenpa No Comments on ཆུ་སྒང་སྐོར་དྲི་བ་འགའ།

ཆུ་བཞི་སྒང་དྲུག་གི་སྐོར་ཕྱོགས་གཉིས་ནས་བལྟ་དགོས་ཀྱི་འདུག ཡག་པོ་་བྱས་པའི་སྐོར་དེ་ཆུ་སྒང་རང་གིས་མང་པོ་ཞིག་བྲིས་ཡོང་གི་འདུག མི་སྒེར་དེ་འདྲས་ཀྱང་འགའ་ཤས་རེ་བྲིས་ཡོང་གི་འདུག ད་ཆུ་སྒང་གི་སྐྱོན་བྲིས་པའི་དེབ་དེ་འདྲ་སུ་གང་གིས་བྲིས་ཡོད་པ་རེད་དམ། དེ་ཡང་གལ་ཆེན་པོ་རེད་འདོད། ཆུ་བཞི་སྒང་དྲུག་གིས་ནང་ཁུལ་གསོད་རེས་བཏང་བ། གཞན་ལ་ཇག་བཅོམ་བྱས་པ། ལག་པ་གཅིག་ནང་གྲི་བཟུང་སྟེ་ཁྱོད་ལ་འདི་དགོས་ལེ་རེད། འདི་དགོས་ལེ་ལེ་རེད་ཟེར་ནས་གྲི་དང་མཇེ་གཉིས་བསྟན་ནས་བུད་མེད་ལབཙན་གཡེམ་བྱས་པ། གཞན་གྱི་ཆུང་མ་འཕྲོག་པ། བཙན་བྱོལ་སྤྱི་ཚོགས་ནང་ཡང་ཆུ་སྒང་དང་རྗེས་འབྲེལ་གྱིས་རྙོག་དྲ་སྔ་ཕྱིར་བྱུང་བ། རྒྱལ་དབང་རིན་པོ་ཆེར་ཐུགས་ཕམ་གནང་བཅུག་པ་དེ་འདྲ་བློ་ཡིད་ལ་ཤོང་དཀའ་བའི་གནས་ཚུལ་ཡང་མང་པོ་ཞིག་གོ་རྒྱུ་འདུག་ག ད་མདོར་དེད་ན་ཆུ་བཞི་སྒང་དྲུག་བཙུགས་པའི་ལེགས་ཆ་གཙོ་བོ་དེ་ག་རེ་རེད། ཆུ་སྒང་བཙུགས་མེད་ན་ག་རེ་བྱུང་ཡོད་པ་རེད། བོད་མི་བསད་གྲངས་ཉུང་དུ་ཕྱིན་ཡོད་པ་རེད་མང་དུ་ཕྱིན་ཡོད་པ་རེད།…

དེ་ལས་མང་བ་། “ཆུ་སྒང་སྐོར་དྲི་བ་འགའ།” »

གསར་འགྱུར།

བླ་བྲང་སློབ་ཕྲུག་གི་ངོ་རྒོལ་དང་ཁྲིན་ཅན་ཧྦའི་སྐད་ཆ།

Posted on 2009-05-102009-05-10 By dhatsenpa 11 Comments on བླ་བྲང་སློབ་ཕྲུག་གི་ངོ་རྒོལ་དང་ཁྲིན་ཅན་ཧྦའི་སྐད་ཆ།

བར་ལམ་གསར་གནས་བརྒྱུད་ལམ་ཁག་ཏུ་སླེབས་ཟིན་པ་ལྟར། ཉེ་སྔོན་ཕྱི་ཟླ་ ༤ ཚེས་༢༤ ཉིན་བསང་ཆུ་རྫོང་མི་རིགས་སློབ་འབྲིང་གི་སློབ་མ་རྣམས་ཀྱིས་རྒྱུ་གཞུང་ལ་ངོ་རྒོལ་བྱས་ཡོད་པ་དང་། དེ་ཡང་ཡེ་རྡོར་ཟེར་བ་ཞིག་ནས་༧གོང་ས་མཆོག་ལ་མཚན་སྨད་བྱས་པ་དང་། རྒྱ་ཕྲུག་གིས་བོད་ཕྲུག་མཐོ་སློབ་ཏུ་འགྲོ་མཁན་ཚོའི་ས་མིག་ལེན་གྱི་ཡོད་པ་ལ་བརྟེན་ནས་ཡིན་འདུག དེ་ལ་རྒྱ་གཞུང་གིས་༤།༢༤ དོན་རྐྱེན་ཞེས་དམ་དྲགས་ཤུགས་ཆེ་བྱས་འདུག་ཀྱང་། དེ་ནས་ཉིན་དྲུག་གི་ ཕྱི་ཟླ༤ཚེས་༣༠ཉིན་བསང་ཆུ་རྫོང་སློབ་ཆུང་གི་སློབ་མ་ཚོས་ཀྱང་ཕྱི་ལ་འགྲོ་བསྐྱོད་བྱེད་མ་ཐུབ་ཀྱང་རང་ཚོའི་སློབ་རའི་ནང་གཞུང་ལ་ངོ་རྒོལ་བྱས་འདུག ད་རུང་དེའི་སྔོན་༤།༠༩ ཉིན་གྱི་དོན་རྐྱེན་ཟེར་བ་ཞིག་ཀྱང་བྱུང་འདུག གནས་ཚུལ་འདི་རིགས་ཆེ་ཆུང་ལ་མ་ལྟོས་པར་བོད་ནང་ལ་ཡང་ཡང་འབྱུང་གི་ཡོད་པའི་སྤྱིར་བཏང་གི་གནས་ཚུལ་ཞིག་རེད་ཅེས་བརྗོད་ཀྱང་མ་ཆོག་པ་མི་འདུག་སྙམ།
ངས་དོ་སྣང་བྱུང་བ་གཙོ་བོ་ནི་ངོ་རྒོལ་གྱི་གནས་ཚུལ་དེ་མིན་པར་དེའི་སྐོར་ལ་ཀན་ལྷོ་བོད་རིགས་རང་སྐྱོང་ས་ཁུལ་གྱི་ཧྲུའུ་ཅི་ཁྲིན་ཅན་ཧྦས་བཤད་པའི་སྐད་ཆ་འདི་དག་རེད།

དེ་ལས་མང་བ་། “བླ་བྲང་སློབ་ཕྲུག་གི་ངོ་རྒོལ་དང་ཁྲིན་ཅན་ཧྦའི་སྐད་ཆ།” »

གསར་འགྱུར།

མཚོ་ངོགས་ལ་ལྟ་སྐོར་ཕྱིན་པ།

Posted on 2009-05-032009-05-03 By dhatsenpa 24 Comments on མཚོ་ངོགས་ལ་ལྟ་སྐོར་ཕྱིན་པ།

octopusཉེ་བའི་ཆར་ནུབ་ཀྱི་རྒྱ་མཚོ་ཆེན་པོའི་ངོགས་སུ་ལྟ་སྐོར་ཐེངས་གཅིག་འགྲོ་བའི་གོ་སྐབས་ཐོབ་ཅིང་། མཛེས་སྡུག་ཡིད་དུ་འོང་བའི་ཉ་རིགས་མང་བོ་ཞིག་གིས་འདྲེན་བྱེད་ཟུང་གི་ཉེའུ་ཆུང་གཉིས་ཡང་ཡང་བསླུས་ཤིང་དམ་དུ་བཟུང་ལ། ཁོ་ཚོའི་སྒེག་པའི་ཉམས་དང་མྱུར་ལ་རྐྱེན་པའི་འཁྱུག་འགྲོས་ཀྱིས་ཡིད་ཀྱི་བརྟན་པ་ཅིག་གྱུར་དུ་འཕྲོག དེ་རིང་སྐྱར་དུ་སྙིང་ལ་རྗེ་བའི་ཉ་རིགས་འདི་དག་གི་མི་འདྲ་བའི་ཉམས་དང་ཁྱད་ཆོས་ཡིད་ངོར་འཕོས་ཏེ་སེམས་ནས་བསྐྱུར་ཐབས་མི་འདུག་པས་འདིར་ཉ་རིགས་འགའ་ཤས་ཤིག་ངས་ཁོ་ཚོར་བཅངས་པའི་བརྩེ་བ་མཚོན་བྱེད་དུ་ངོ་སྤྲོད་བསྡུས་ཙམ་རེ་བྱེད་ན་འདོད་བྱུང་། བོད་མིའི་སྤྱི་ཚོགས་ནང་ཉ་འདི་རིགས་མཐོང་མཁན་ང་དང་པོ་དེ་མིན་ན་ཡང་། འདི་རིགས་བོད་ཡིག་ནང་བོད་མིར་ངོ་སྤྲོད་བྱེད་མཁན་གཅིག་བྱས་ན་ང་དང་པོ་ཡིན་ཡང་སྲིད། ད་འདི་ནས་མར་བོད་མིང་རེ་བཏགས་ཏེ་ངོ་སྤྲོད་ཞུ་གི་ཡིན།
ཉ་མཆོངས་རྒྱག(dolphin)
ཉ་མཆོངས་རྒྱག་ནི་རྒྱ་མཚོའི་ངོས་ནས་ཡར་མཁའ་ལ་མཆོངས་ཤར་ཡང་ཡང་རྒྱག་རྒྱུར་དགའ་ལ་ཁོ་ཚོའི་མཛེས་སྡུག་ལྡན་པའི་མཆོངས་ཉམས་ཀྱིས་འཇིག་རྟེན་འདིའི་སྐྱེ་བོ་སུ་ཞིག་གི་ཡི་ག་བཟུང་མ་མྱོང་། ཁོ་ཚོ་ཆུ་ངོས་ནས་ཡར་ཕི་ཊི་ ༢༠ མཆོངས་ཐུབ་པ་དང་། རྐྱལ་རྒྱབ་ནས་རྒྱུག་ཤར་གློད་ན་ཆུ་ཚོད་རེར་མལ་ལེ་ ༢༥ རྒྱུགས་ཐུབ་སྐད། དེ་ནི་འཛམ་གླིང་ཐོག་ཆུ་རྐྱལ་བ་མགྱོགས་ཤོས་ལས་ལྡབ་གསུམ་གྱིས་ལྷག་འདུག

དེ་ལས་མང་བ་། “མཚོ་ངོགས་ལ་ལྟ་སྐོར་ཕྱིན་པ།” »

གསར་འགྱུར།

Posts pagination

Previous 1 … 5 6 7 … 10 Next

འཚོལ་བཤེར།

ཉེ་ཆར་གྱི་རྩོམ།

  • །།འོག་མིན་ཨོ་རྒྱན་སྨིན་གྲོལ་གླིང་གི་རྟེན་དང་བརྟེན་པར་བསྔགས་པའི་སྙན་ངག་གཏེར་ཆེན་བཞད་པའི་སྒྲ་དབྱངས་ཞེས་བྱ་བ་བཞུགས་སོ།།
  • ན་ཟུག
  • སྔ་འགྱུར་སྨོན་ལམ་དང་གཙུག་ལག་ཁང་པདྨ་སམ་བྷ་ཝར་སྟོད་པ།
  • མིག་ཆུའི་གཏིང་འཚོལ་བ་དང་སྨོན་ལམ་དུ་གསོལ་བའི་མདོ།
  • སྟག་ཚལ་བུང་བའི་སྨྱུག་མདའ།།
  • ལོག་རྟོག་མུན་སེལ་རིག་པའི་གློག་ཞགས།
  • བོད་མི་རིགས་དང་བོད་མིའི་ཆོས་དང་སྐད་ཡིག་རིག་གཞུང་དང་བཅས་པ་གསོན་གནས་ཐུབ་པའི་ཐབས་ལམ་བཟང་བཤོས་དེ་གཉིས་སྨན་དབུ་མའི་ལམ་ཡིན་པ།
  • ༄༅། རྗེས་ལོ་ ༢༠༢༦ ལོའི་སྲིད་སྤྱིའི་འོས་བསྡུ་དང་འབྲེལ་བའི་སྐོར་ལ་དཔྱད་པའི་གཏམ།
  • ༄༅།  རང་བཙན་དང་དབུ་ལམ་སྐོར་ལ་དཔྱད་པའི་གཏམ།   
  • བརྩེ་ཆེན་གྱི་ཟླ་ཞུན་དྭངས་མ།
  • བཅའ་ཁྲིམས་དང་གནས་སྟངས་ལས་འཕྲོས་པའི་བསམ་ཚུལ།  
  • ལྗིད་ཁོག་ཆེ་བའི་སྲིད་སྐྱོང་གི་ཞབས་འདེགས་འདི་སླར་ཡང་མཁས་དབང་མི་རྗེ་སྤེན་པ་ཚེ་རིང་ལགས་ལ་ལོས་ཤིང་འཚམ་ཤོས་ཡིན་པའི་རྒྱུ་མཚན་བཅུ་གླེང་བ། 
  • << གློའུ་མོ >> བཀླགས་པའི་མྱོང་ཚོར།
  • མི་འབོར་མང་ཤོས་ཀྱང་སྲིད་སྐྱོང་གི་འོས་མི་མེད་པའི་དབུས་གཙང་རྣམ་པ། ༼ གཉིས་པ། ༽
  • ཤེས་རིག་ལས་ཁུངས་ལ་སྤྲིངས་པའི་འཕྲིན། བཅུ་པ།

ཉེ་ཆར་གྱི་མཆན་བུ།

  • གཞུང་པ་ཚེ་དབང་བསོད་ནམས། on མི་འབོར་མང་ཤོས་ཀྱང་སྲིད་སྐྱོང་གི་འོས་མི་མེད་པའི་དབུས་གཙང་རྣམ་པ། ༼ གཉིས་པ། ༽
  • ཚེ་བརྟན་འགྱུར་མེད། on མི་འབོར་མང་ཤོས་ཀྱང་སྲིད་སྐྱོང་གི་འོས་མི་མེད་པའི་དབུས་གཙང་རྣམ་པ། ༼ གཉིས་པ། ༽
  • གཞུང་པ་ཚེ་དབང་བསོད་ནམས། on མི་འབོར་མང་ཤོས་ཀྱང་སྲིད་སྐྱོང་གི་འོས་མི་མེད་པའི་དབུས་གཙང་རྣམ་པ། ༼ གཉིས་པ། ༽
  • ཚེ་བརྟན་འགྱུར་མེད། on ཆུང་དུས་ཚོར་སྣང་འགའ་ལས་འཕྲོས་པའི་གཏམ།
  • གཞུང་པ་ཚེ་དབང་བསོད་ནམས། on ༈ མི་འབོར་མང་ཤོས་ཀྱང་སྲིད་སྐྱོང་གི་འོས་མི་མེད་པའི་དབུས་གཙང་རྣམ་པ།
  • གཞུང་པ་ཚེ་དབང་བསོད་ནམས། on ཆུང་དུས་ཚོར་སྣང་འགའ་ལས་འཕྲོས་པའི་གཏམ།
  • གཞུང་པ་ཚེ་དབང་བསོད་ནམས། on ཤེས་རིག་ལས་ཁུངས་ལ་སྤྲིངས་པའི་འཕྲིན། བརྒྱད་པ།
  • གཞུང་པ་ཚེ་དབང་བསོད་ནམས། on ༈ མི་འབོར་མང་ཤོས་ཀྱང་སྲིད་སྐྱོང་གི་འོས་མི་མེད་པའི་དབུས་གཙང་རྣམ་པ།
  • ཚེ་བརྟན་འགྱུར་མེད། on གསང་བའི་ལྷ་ཁང་ཞིག་གི་གསང་བ་བརྟོལ་བ།
  • གཞུང་པ་ཚེ་དབང་བསོད་ནམས། on གསང་བའི་ལྷ་ཁང་ཞིག་གི་གསང་བ་བརྟོལ་བ།
  • ཚེ་བརྟན་འགྱུར་མེད། on ཤེས་རིག་ལས་ཁུངས་ལ་སྤྲིངས་པའི་འཕྲིན། བརྒྱད་པ།
  • རིག་པའི་རྡོ་རྗེ། on གསང་བའི་ལྷ་ཁང་ཞིག་གི་གསང་བ་བརྟོལ་བ།
  • གཞུང་པ་ཚེ་དབང་བསོད་ནམས། on གསང་བའི་ལྷ་ཁང་ཞིག་གི་གསང་བ་བརྟོལ་བ།
  • གཞུང་པ་ཚེ་དབང་བསོད་ནམས། on མི་འབོར་མང་ཤོས་ཀྱང་སྲིད་སྐྱོང་གི་འོས་མི་མེད་པའི་དབུས་གཙང་རྣམ་པ།
  • ཚེ་བརྟན་འགྱུར་མེད། on བོད་རྒྱའི་འབྲེལ་ལམ་གྱི་ཁོར་ཡུག་ལ་དཔྱད་པའི་གཏམ།   

ཁ་བརྡ།

  • ཁ་བརྡའི་ཁྱབ་བསྒྲགས་གོང་ཚད།
  • ཁ་བརྡའི་དམིགས་ཡུལ།
    • ཁ་བརྡའི་རྩ་དོན་གསུམ།
    • ཁ་བརྡ་ལ་འཇུག་ཚུལ།
    • ཁ་བརྡའི་མཆན་གྱི་རྩ་འཛིན།
    • ཁ་བརྡའི་རེ་སྐུལ།

ཁ་བརྡའི་རྩ་དོན།

དང་པོ། རྩོམ་མཁན་གྱི་ལྟ་བ་དང་བསམ་ཚུལ་ལ་མོས་མཐུན་བྱེད་དཀའ་ན་ཡང་། རྩོམ་མཁན་དེ་ལ་མིའི་ཆེ་མཐོང་སྤྲོད་དགོས་པ་ནི་ཁ་བརྡའི་རྩ་དོན་ཡིན།

གཉིས་པ།  ཁ་བརྡའི་ཐོག་ལ་སྤྱི་དོན་དང་། དེ་བཞིན་རིག་གཞུང་དང་འབྲེལ་བའི་དོན་རྩ་དང་ལྟ་བའི་སྐོར་གྱི་རྩོམ་འགོད་པ་མ་གཏོགས།  མི་སྒེར་གྱི་དོན་དག་བཟང་ངན་གླེང་བཤད་རིགས་འགོད་སྤེལ་མ་ཡོང་བ་ལ་འབད་བརྩོན་བྱེད་དགོས།

གསུམ་པ། རྒྱུ་མཚན་ཅི་ཞིག་གི་ཐོག་ནས་ཀྱང་གང་ཟག་བྱེ་བྲག་པ་ཞིག་ལ་ཁྱད་གསོད་དང་དམའ་འབེབས་ཀྱི་ཚིག་སྦྱོར་རིགས་འགོད་སྤེལ་མེད་པ་དགོས།

བཞི་པ། ཁ་བརྡར་བཀོད་པའི་མཆན་དང་རྩོམ་རྣམས་ནི་ཁ་བརྡ་རྩོམ་སྒྲིག་ཚོགས་ཆུང་གི་བསམ་ཚུལ་ཡིན་པའི་ངེས་པ་མེད།

ཁ་བརྡའི་འཛིན་སྐྱོང་གིས་ སྤྱི་ལོ་ ༢༠༡༢ ལོའི་ཟླ་ ༣ ཚེས་ ༣༡ ཉིན་སྤེལ།

ཟླ་འདིའི་ཀློག་གྲངས་མང་ཤོས།

  • །།འོག་མིན་ཨོ་རྒྱན་སྨིན་གྲོལ་གླིང་གི་རྟེན་དང་བརྟེན་པར་བསྔགས་པའི་སྙན་ངག་གཏེར་ཆེན་བཞད་པའི་སྒྲ་དབྱངས་ཞེས་བྱ་བ་བཞུགས་སོ།། (14)
  • ན་ཟུག (5)

དཀར་ཆག

  • གླུ་གཞས།
  • གློག་ཀླད་ཤེས་བྱ།
  • གློག་བརྙན་།
  • གསར་འགྱུར།
  • གསལ་བཤད།
  • གསལ་བསྒྲགས།
  • གསུང་བཤད།
  • གསོ་རིག
  • ངོ་སྤྲོད།
  • དཔྱད་བརྗོད།
  • དཔྱད་རྩོམ།
  • དཔལ་འབྱོར་རིག་པ།
  • དྲན་ཐོ།
  • དེབ་ཐེར།
  • པར།
  • བཀླགས་བྱང་།
  • བགྲོ་གླེང་།
  • བཅར་འདྲི།
  • བྱིས་རྩོམ་
  • བརྩམས་སྒྲུང་།
  • བསམ་ཚུལ།
  • མཚར་གཏམ།
  • ཚན་རིག
  • འགྱུར་རྩོམ།
  • འཕྲིན་ཡིག
  • འཕྲོད་བསྟེན།
  • རྩོམ་རིག
  • ལྷུག་རྩོམ།
  • ལོ་རྒྱུས།
  • སྙན་ངག
  • སྣ་ཚོགས།

འབྲེལ་ཐག

  • ༸རྒྱལ་བ་རིན་པོ་ཆེ།
  • ཕ་ཡུལ།
  • བོད་ཀྱི་ཆ་འཕྲིན།
  • བོད་ཀྱི་དུས་བབ།
  • བོད་ཀྱི་བང་ཆེན།
  • བོད་མི་མང་སྤྱི་འཐུས་དྲ་བ།
  • བོད་མིའི་སྒྲིག་འཛུགས་དྲ་བ།
  • མཆོད་མེ་དྲ་བ།
  • འགྲོ་བ་མིའི་ཐོབ་ཐང་།
  • འཇམ་དབྱངས་ནོར་བུ།
  • འོད་ཟེར་ཟིན་བྲིས།
  • རི་མཐོ་ས་གཙང་།
  • ཤེས་རིག་ལས་ཁུངས་ཀྱི་དྲ་རྒྱ།

པར་སྐྲུན་བདག་དབང་ © 2021 ཁ་བརྡ་དྲ་བ་ཡོད།

Powered by PressBook Premium Child theme