སྤོབས་པ་མཐའ་ཡས།
མིང་ཚིག་གསར་འཁྲུངས།
ཉེ་བའི་ཆ་ཞིག་ནས་དགའ་ལྡན་ཕོ་བྲང་དང་རྒྱལ་བ་རིན་པོ་ཆེས་བོད་ཀྱི་སྲིད་སྟེགས་སྟེང་གི་འགན་དབང་མཚན་གནས་འདོར་རྒྱུ་ཡིན་པའི་འུར་ཟིང་འདིའི་ཁྲོད་དུ་མིང་ཚིག་ཅིག་གསར་དུ་འཁྲུངས་སོང་། མིང་ཚིག་དེ་ནི་བོད་འདི་ཡུལ་མིའི་རྒྱལ་ཁབ་ཅིག་ལ་འགྱུར་རྒྱུ་རེད་ཅེས་པའི་ཡུལ་མིའི་རྒྱལ་ཁབ་ཟེར་བ་དེ་རེད། མིང་ཚིག་འདི་བརྗོད་པ་མི་བདེ་ཞིང་རྣ་བར་མི་སྙན་པ་མ་ཚད་དོན་ལ་ཡང་གོ་རྒྱུ་ཅི་ཡང་མི་འདུག དེ་རིང་ནས་བོད་ཀྱི་གཞུང་གི་འཛིན་སྐྱོང་དབང་ཚད་ཚང་མ་མི་མང་ལ་ཡོད་པའི་རྒྱུ་མཚན་གྱིས་དེ་ལྟར་བཏགས་པ་ཡིན་པ་ནི་ག་ལ་ཡིན། བོད་ཀྱི་གཞུང་འཛིན་ལས་སྣེ་མི་མང་གིས་འདེམས་མགོ་ལོ་མང་པོའི་སྔོན་ནས་ཚུགས་ཟིན་པ་ཞིག་ལས་དེ་རིང་གསར་དུ་མི་མང་ལ་དབང་ཆ་གསར་པ་ཞིག་ཐོབ་པ་གང་ཡང་མ་རེད
དེ་ལས་མང་བ་། “ཡུལ་མིའི་རྒྱལ་ཁབ་ཟེར་བ་དེ་ཁ་ལ་མི་བདེ་བས་མ་ཚད་དོན་ལ་ཡང་གོ་རྒྱུ་མི་འདུག” »
འབྱུང་འཇིག་གི་འགྱུར་བ་ཆེས་མང་བའི་འཇིག་རྟེན་འདིའི་སྐམ་སར་གྱུར་པའི་དུམ་བུ་ཆུང་ཆུང་ཞིག་གི་སྟེང་ན་ང་ཚོ་གནས་བཞིན་པ་རེད། འཛམ་གླིང་ཞེས་འབོད་པའི་གོ་ལ་ཆུང་ཆུང་འདིའི་སྟེང་ཁོ་ནར་ང་ཚོ་གནས་ཐུབ་པ་ཡིན་སྟབས་ང་ཚོས་འདི་ལྟ་བུའི་གནས་གཞི་ཞིག་རྙེད་པ་དེ་ནི་དགའ་བ་སྒོམ་འོས་པ་ཞིག་རེད། གོ་ལ་འདིའི་ཡང་ཆ་ཤས་ཕལ་མོ་ཆེ་ནི་གྲང་ཆེ་བ་དང་། ཚ་དྲགས་པ། སྐམ་ཆེ་བ། གཟར་དྲགས་པ། མཐོ་ཆེས་པ་སོགས་ལ་བརྟེན་ནས་ང་ཚོ་འཚོ་སྡོད་ཐུབ་ཀྱིན་མེད་པ་རེད། དེ་ནི་ཕྱོགས་གཅིག་ནས་ང་ཚོ་རང་གི་སྐྱོན་ཡང་རེད།
མི་ལོ་བརྒྱད་ལ་ཉེ་བའི་ཡར་སྔོན་ཞིག་ལ་བལ་ཡུལ་མཆོད་རྟེན་མཆོད་རྟེན་འཕགས་པ་ཤིང་ཀུན་དང་ཉེ་བའི་སྙེ་ཤང་དགོན་པ་རུ་ངེད་ཚོ་ཕ་ཡུལ་གཅིག་པ་རྣམས་ལྷན་འདུས་ཀྱི་ཐུགས་སྤྲོ་ཞེས་འབོད་པའི་འདུ་འཛོམ་ཞིག་བྱས། སྐབས་དེར་ཕ་ཡུལ་གཅིག་པ་ཚེ་དབང་མགོན་པོ་ཕྱི་རྒྱལ་དུ་འགྲོ་རན་པའི་དུས་སུ་ཁེལ་ཡོད་སྟབས་ངེད་ཚོ་ཚང་མས་ཁོར་རྟེན་འབྲེལ་གྱི་ཁ་དར་ཕུལ། 
ཨ་ནེ་ཆོས་དབྱིངས་སྒྲོལ་མ་ནི་༡༩༧༡ལོའི་ཟླ་བ་༦པའི་ཚེས་༤་ཉིན་བལ་ཡུལ་གྱི་རྒྱལ་ས་ཀ་གྲུ་ནམ་དུ་རུ་སྐྱབས་བཅོལ་བོད་མིའི་ཁྱིམ་ཚང་ཞིག་ཏུ་སྐྱེས། ལོ་ན་བཅུ་གཉིས་སུ་སོན་སྐབས་རབ་དུ་བྱུང་ནས་རྒྱལ་སའི་ཐོད་ཀྱི་རི་ངོས་སུ་ཆགས་པའི་སྣང་དགེ་དགོན་པ་རུ་ཞུགས། སྤྲུལ་སྐུ་ཨུ་རྒྱན་རིན་པོ་ཆེ་དང་ཁོང་གི་སྐུ་ཟླ་སོགས་དགེ་རྒན་རྣམས་ལ་བརྟེན་ནས་དགོན་པའི་ཆོ་ག་འདོན་དབྱངས་སོགས་སྦྱངས་པ་མཐར་ཕྱིན་བྱས། ༡༩༩༤ཙམ་ནས་མོ་རང་གི་མགུར་དབྱངས་འཁོར་ཐག་བཟོ་བསྐྲུན་བྱེད་མགོ་ཚུགས།