བསམ་གླིང་ཚེ་རིང་ལྷ་མོ། 
སྨུག་སྤྲིན་ལང་ལོང་ལྡིང་བ་ཁྱེད།།
རི་ཚོགས་མྱུལ་ནས་ཅི་ཞིག་བྱེད།།
ཁྱེད་ཀྱི་སྙིང་སྡུག་དགའ་མ་དེ།།
ལྗོན་པའི་ཁྲོད་དུ་ལུས་སམ་ཅི།།
ཆུ་འཛིན་ཡོལ་བས་སྒྲིབ་པའི་མཛེས་ལྗོངས།
བསམ་གླིང་ཚེ་རིང་ལྷ་མོ།
རྒྱང་རིང་རི་གྲོང་སྨུག་སྤྲིན་སྟུག་པོས་སྒྲིབ།།
ཤང་ཤང་ཟེར་བའི་ཆུ་མོའི་སྐད་སྒྲ་ཙམ།།
དར་ལྗང་སྣུམ་པར་ཀླུབ་པའི་ནགས་ལྗོངས་དག།
འདྲེན་བྱེད་ཡུལ་དུ་སྣང་བའི་སྐབས་མ་ཤར།།
འཁྲུངས་སྐར་ལ་ཕུལ་བའི་མཆོད་སྤྲིན།
བསམ་གླིང་ཚེ་རིང་ལྷ་མོ།
ཀ་མ་ལ་ལྟར་སྐྱེ་དགུའི་མཛེས་རྒྱན་སྤྱན་རས་གཟིགས་དབང་ཁྱེད་ཀྱི་སྐུ།།
ཁ་བ་རི་པའི་ས་འཛིན་སྣུམ་པོར་མཚན་བཟང་དཔེ་བྱད་བཟང་པོས་བལྟམས།།
ག་ཤེད་འགྲོ་བའི་སྡུག་བསྔལ་སེལ་ཕྱིར་བསྟན་འཛིན་རྒྱ་མཚོ་འགྲོ་བའི་དཔྱིད།།
ང་ཅག་འགྲོ་བའི་བསོད་ནམས་དཔལ་དུ་བཙན་པོའི་རྒྱལ་ཁབ་བོད་དུ་འཁྲུངས།།
སྨུག་སྤྲིན་ལས་བསུས་པའི་མཛའ་བོ།
བསམ་གླིང་ཚེ་རིང་ལྷ་མོ།
སྨུག་སྤྲིན་ལས་ནི་སྦྲང་ཆར་དང་།།
སྦྲང་ཆར་ལས་ནི་ལྗང་མདོག་གི།
ཚེ་སྲོག་ལ་ནི་འཛུམ་པ་རྒྱས།།
ནོར་འཛིན་ལ་ནི་སྣུམ་པ་བྱིན།།
རྟ་བདུན་ལས་ནི་འོད་སྣང་དང་།།
༼བོད་རེ་བ་ཅན༽་ལ་ལྟ་ཀློག་བྱས་པའི་མྱོང་ཚོར་ཐོར་བུ།
བསམ་གླིང་ཚེ་རིང་ལྷ་མོ།
ཉེ་འཆར་དབྱར་སེང་དང་སྟབས་བསྟུན་རྡ་སར་སླེབས་དུས། བོད་ནང་གི་རྩོམ་པ་པོ་དང་བོད་རིགས་པ་བ་འབྲི་གུང་དཀོན་མཆོག་རྒྱ་མཚོ་ལགས་ཀྱིས་བརྩམས་གནང་བའི། ཕྱག་དེབ་བོད་རེ་བ་ཅན་ཞེས་པ་དེ་མཇལ་བྱུང་། དེ་ཡང་རྡ་ས་ནི་བོད་ཀྱི་རྒྱལ་ས་གཉིས་པ་ཙམ་མ་ཟད་རིག་གནས་ཀྱི་རྟེན་གཞི་འམ། བོད་ཀྱི་ཆབ་སྲིད་དང་དཔལ་འབྱོར་གང་ཅིའི་གནས་གཞི་གལ་ཆེན་ཞིག་ཡིན་པས། དེ་ནི་བོད་བསྟན་པ་ཆབ་སྲིད་ཀྱི་ཡར་འདྲེན་བསྟན་པའི་སྲོག་ཤིང་དང་། མར་འདྲེན་དམྱལ་བའི་གཡབ་མོ་ལྟ་བུའི་གནད་འགག་ཅན་གྱི་ས་གནས་ཞིག་རེད་ཅེས་བརྗོད་ཀྱང་མ་འགྲིག་པ་མེད།
དེ་ལས་མང་བ་། “༼བོད་རེ་བ་ཅན༽་ལ་ལྟ་ཀློག་བྱས་པའི་མྱོང་ཚོར་ཐོར་བུ།” »
དེ་རིང་ཁ་སང་གི་སེམས་ཁྲལ།
བསམ་གླིང་ཚེ་རིང་ལྷ་མོ།
རླབས་ཆེན་གྱི་བོད་རྒྱལ་ཁབ་ཆེན་པོའི་དཔའ་བོ་དང་དཔའ་མོ་ཇེ་སྙེད་ཅིག་གིས། རང་རང་གི་རྩ་ཆེའི་ཚེ་སྲོག་ལེགས་སྐྱེས་ཀྱིས་ང་ཚོའི་རྒྱལ་ཁབ་ཀྱི་ལ་རྒྱ་དང་། གཟི་བརྗིད་སྙིང་སྟོབས་སོགས་བརྩོན་ལེན་གནང་སོང་ལ། བོད་མི་རིགས་འདི་ཉིད་འཛམ་གླིང་སྟེང་ངོ་གནོང་མི་དགོས་པའི་མི་རིགས་ཤིག་ཡིན་པ་ར་སྤྲོད་གནང་སོང་།
རྡ་སའི་རི་གྲོང་ན།
ཉི་མ་འཚོ།
གཅིག
ཁོ་མོ་ནི་གྱོན་ཆས་གསར་བ་དང་རྒྱན་ཆ་ལ་ཧ་ཅང་དགའ། ཁོ་མོའི་ངོ་གདོང་དང་ལུས་ཀྱི་རྣམ་པ་ནི་ནམ་ཡང་དཔེ་གསར་ཁོ་ན་ལས་མ་འདས། ཁོ་མོ་བྱིས་པ་ཞིག་གི་ཨ་མ་རེད་ཟེར་ན་སུས་ཀྱང་ཡིད་མི་ཆེས་ལ། ཁོ་མོར་ཡང་ཨ་མ་ཞིག་ཡིན་བསམ་པའི་སྣང་བ་ཁྱོན་ནས་མེད། ཁོ་མོས་ཤེལ་སྒོ་ནང་རང་ཉིད་ཀྱི་སྐྱེས་གཟུགས་དང་རྣམ་པ་ལ་ཡིད་ཚིམ་པ་ཞིག་བལྟས་རྗེས། ཐག་སྒྲ་ཞིག་གི་འགྲོས་དང་བསྟུན་ནས་ཁ་གཏད་ཕྱི་རྒྱལ་གྱི་ཟ་ཁང་ཞིག་གི་ནང་དུ་འཛུལ། ཁོ་མོས་ཁ་སང་གྲོགས་པོ་ཞིག་གི་མགྲོན་བྱས་པའི་ཟ་མ་དེ་ཡོད་མེད། ཚལ་ཐོ་ཐོག་མིག་གཤེར་གྱིས་ཕར་ཀློག་ཚུར་ཀློག་འགའ་བྱས། “དིར དིར དིར” ཁ་པར་གྱི་སྒྲ་བསྟུན་མར་གྲགས་བྱུང་།
བོད་ནི་རྒྱ་ནག་མང་གཙོར་འགྱུར་བའི་འགག་རྡོ་ཆེན་པོ་ཞིག་རེད།
བསམ་གླིང་ཚེ་རིང་ལྷ་མོ།
དེང་དུས་འཛམ་གླིང་སྟེང་གི་ཡར་ཐོན་ཅན་དང་བསམ་བློ་བ། སྤྱི་ཕན་པ། གོ་རྟོགས་ཡོད་པ། མི་མང་གི་ཆེད་དུ་དང་། མི་མང་གི་གཞུང་ཞིག་ཡིན་ན། མང་གཙོའི་ལམ་དུ་བསྐྱོད་ཅིང་། མང་གཙོའི་ལམ་ནས་རྒྱབ་ཁབ་སྐྱོང་ཞིང་། མང་གཙོའི་ལམ་ནས་རྒྱལ་ཁབ་གཞན་ལ་འགྲན་སྡུར་དང་། སྤོབས་པ་ལྡན་པའི་ངང་ཡར་ཐོན་ཅན་གྱི་གྲས་སུ་བསྐྱོད་ཅིང་ཡོད། འོན་ཀྱང་རྒྱ་ནག་གུང་ཁྲན་གཞུང་ནི་ཁ་ཐུར་ནས་ཐུར་དུ་དུད་ཅིང་། མཁྲེགས་བཟུང་དང་གུ་དོག བཅོས་མ། གཉའ་གནོན། བཙན་ཤེད། བརྙས་བཅོས་རྡུང་རྡེག རུལ་སྲུངས་བཅས་ཀྱི་ལམ་དུ་བསྐྱོད་ཅིང་ལོ་རབས་དྲུག་བཅུ་པའི་སྨྱོ་མཆོངས་དེར་ད་དུང་ཡང་། དཔྱད་སྟོབས་ཀྱི་རྣམ་དཔྱོད་མེད་པར་ལོངས་མཆོངས་བྱེད་བཞིན་ཡོད།
དེ་ལས་མང་བ་། “བོད་ནི་རྒྱ་ནག་མང་གཙོར་འགྱུར་བའི་འགག་རྡོ་ཆེན་པོ་ཞིག་རེད།” »
མི་ལོ་ལྔ་བཅུའི་རིང་གི་བོད་ཀྱི་རྩོམ་རིག་སྒྱུ་རྩལ་ལ་ཕྱིར་མིག་བལྟ་བ།༼༣༽
བོད་ཀྱི་རྩོམ་རིག་སྒྱུ་རྩལ་སྐོར་དཔྱད་གླེང་རླུང་འཕྲིན་སྙན་སྒྲོན་ལེ་ཚན།
ཆུ་སྐྱེས་སྒྲོལ་མ།
༼རྩོམ་ཡིག་འདི་ནི། ཨ་རིའི་རླུང་འཕྲིན་ཁང་གི་བོད་སྐད་ཚན་པས་བོད་ཀྱི་རྩོམ་རིག་སྐོར་སྙན་སྒྲོན་གྱི་གོ་སྐབས་གནང་བའི་སྐོར་དེ་ཡིན། འདིར་སྙན་སྒྲོན་ཡི་གེའི་མ་ཕྱི་དང༌། སྙན་སྒྲོན་དངོས་གཞི་རྒྱང་བསྲིང་གི་སྒྲ་ཡང་ལྷན་དུ་བཀོད་ཡོད།༽
ལེ་ཚན་གསུམ་པ།
དེ་རིང་གི་ལེ་ཚན་འདིའི་ནང༌། རྒྱ་ནག་གཞུང་གིས་བོད་ཀྱི་ལོ་རྒྱུས་རྩོམ་རིག་ལ་ཆབ་སྲིད་ཀྱི་དགོས་མཁོ་སྒྲུབ་པའི་ཁོར་ཡུག་ཅིག་ལས་སྤྲད་མྱོང་མེད་པ་དེའི་འོག་ནས་བོད་ཀྱི་གནས་སྟངས་ངོ་མ་མཐོང་མི་ཐུབ་པ་དང༌། བཙན་བྱོལ་བོད་མིའི་སྤྱི་ཚོགས་ནང༌། བདེན་པ་གཙོ་བོར་བྱས་པའི་ལོ་རྒྱུས་རྩོམ་རིག་གིས། བོད་ཀྱི་དངོས་ཡོད་གནས་སྟངས་མཐོང་ཐུབ་པ་གཉིས་བསྡུར་ནས་ཞུ་ཡི་ཡིན།
དེ་ལས་མང་བ་། “མི་ལོ་ལྔ་བཅུའི་རིང་གི་བོད་ཀྱི་རྩོམ་རིག་སྒྱུ་རྩལ་ལ་ཕྱིར་མིག་བལྟ་བ།༼༣༽” »
གུང་ཐང་ལྷ་མོ།
ཆུ་སྐྱེས་སྒྲོལ་མ།
༼ལ་རྩེ་དཔེ་མཛོད་ཁང་གིས་མཛའ་གཞས་སྐོར་གྱི་གསལ་བསྒྲགས་བསྐྱངས་པ་བརྟེན་ནས། ཉིན་ཁ་ཤས་རིང་ལ་དྲ་གྲོགས་ཚོས་མཛའ་གཞས་སྐོར་གླེང་སོང་། མཛའ་གཞས་ནི་ནང་དོན་ཟབ་པ་དང་སྙན་པའི་རྩོམ་རིག་ཅིག་རེད། དེ་རིང་གུས་མོས་མཛའ་གཞས་དང་འབྲེལ་བ་ཡོད་པའི་དམངས་ཁྲོད་ཀྱི་སྒྲུང་ཞིག་བཤད་སྙིང་འདོད་བྱུང་། སྒྲུང་འདི་ནི་ཕོ་མོའི་བརྩེ་དུང་དང་མཛའ་གཞས་ཀྱི་དོན་སྙིང་སྐོར་གསལ་བ་ཞིག་རེད། སྒྲུང་འདི་ནི་དབུས་གཙང་ཁུལ་གྱི་དམངས་ཁྲོད་སྒྲུང་ཞིག་རེད། སྒྲུང་དེ་ཅུང་རིང་པོ་ཞིག་ཡིན་ནའང་། ངས་ ཆ་ཚང་ཇི་མ་ཇི་བཞིན་བྲིས་མེད་པར། སྒྲུང་དེ་ཐུང་རུ་བཏང་ནས་ཉིང་བསྡུས་ཤིག་བྲིས་ཡོད། མཛའ་གཞས་ཟེར་བ་གང་འདྲ་ཞིག་ཡིན་པ་དང་། དམངས་ཁྲོད་ཀྱི་མཛའ་གཞས་དེ་ཚོ་ལ་རྒྱབ་ལྗོངས་མི་འདྲ་བའི་སྒྲུང་གཏམ་རིང་ཐུང་སྣ་ཚོགས་ཤིག་ཡོད་པའི་དཔེ་མཚོན་ཅིག་ཀློག་མཁན་ཚོར་འབུལ་འདོད་བྱུང་།༽
མི་ལོ་ལྔ་བཅུའི་རིང་གི་བོད་ཀྱི་རྩོམ་རིག་སྒྱུ་རྩལ་ལ་ཕྱིར་མིག་བལྟ་བ།༼༢༽
བོད་ཀྱི་རྩོམ་རིག་སྒྱུ་རྩལ་སྐོར་དཔྱད་གླེང་རླུང་འཕྲིན་སྙན་སྒྲོན་ལེ་ཚན།
ཆུ་སྐྱེས་སྒྲོལ་མ།
༼རྩོམ་ཡིག་འདི་ནི། ཨ་རིའི་རླུང་འཕྲིན་ཁང་གི་བོད་སྐད་ཚན་པས་བོད་ཀྱི་རྩོམ་རིག་སྐོར་སྙན་སྒྲོན་གྱི་གོ་སྐབས་གནང་བའི་སྐོར་དེ་ཡིན། འདིར་སྙན་སྒྲོན་ཡི་གེའི་མ་ཕྱི་དང༌། སྙན་སྒྲོན་དངོས་གཞི་རྒྱང་བསྲིང་གི་སྒྲ་ཡང་ལྷན་དུ་བཀོད་ཡོད།༽
ལེ་ཚན་གཉིས་པ།
གསན་མཁན་རྣམ་པ་ཚོ་ལ་འཚམས་འདྲི་ཞུ་བ་དང་ཆབས་ཅིག མི་ལོ་ལྔ་བཅུའི་རིང་གི་བོད་ཀྱི་རྩོམ་རིག་སྒྱུ་རྩལ་གྱི་དངོས་ཡོད་གནས་སྟངས་དང༌། འབྲེལ་ཡོད་མི་སྣ་ཁག་ཅིག་ལ་བཅར་འདྲི་ཟུང་འབྲེལ་གྱི་ལམ་ནས། དེ་རིང་གི་ལེ་ཚན་ནང༌། བོད་སིལ་བུའི་སྐབས་ཀྱི་བོད་ཀྱི་རྩོམ་རིག་སྒྱུ་རྩལ་གྱི་གནས་སྟངས་ལ་དཔྱད་བསྡུར་དང༌། བརྩམས་ཆོས་གཞན་ནས་ལུང་འདྲེན་ཞུས་པ་སོགས་ལེ་ཚན་སྔ་མའི་འཕྲོ་ནས་མུ་མཐུད་དེ་སྙན་སྒྲོན་ཞུ་གི་ཡིན།
དེ་ལས་མང་བ་། “མི་ལོ་ལྔ་བཅུའི་རིང་གི་བོད་ཀྱི་རྩོམ་རིག་སྒྱུ་རྩལ་ལ་ཕྱིར་མིག་བལྟ་བ།༼༢༽” »
ྋགོང་ས་མཆོག་གིས་མཛད་པའི་གཅེན་མོ་ཚེ་རིང་སྒྲོལ་མའི་ལོ་རྒྱུས་མདོར་བསྡུས།
༄༅། །བརྩེ་ལྡན་གཅེན་མོ་ཚེ་རིང་སྒྲོལ་མ་དེ་ཉིད། ༡༩༢༠ ལོ་བོད་ཆེན་པོའི་ནང་ཚན་མདོ་སྨད་ཨ་མདོ་སྐུ་འབུམ་གྱི་ཉེ་སྐོར་སྟག་འཚེར་ཁྱིམ་ཚང་དུ་བཙས། གྲོང་གསེབ་ཞིང་པ་ཕལ་བའི་བུ་མོ་དཀྱུས་འགྲེའི་ལུགས་བཞིན་ནང་ཁྱིམ་གྱི་ཉིན་ རེའི་ལས་ཀར་གཡེངས་པས་ཤེས་ཡོན་སྦྱངས་བརྩོན་བྱས་པ་མེད། ངེད་ཏཱ་ལའི་བླ་མའི་ཡང་སྲིད་དུ་ངོས་འཛིན་བྱས་ཏེ་ནང་མི་ཡོངས་རྫོགས་བོད་དབུས་ཕྱོགས་སུ་ཡོང་བའི་སྐབས། གཅེན་མོ་དང་། ཡུལ་སྲོལ་ལྟར་ཆུང་གྲོགས་སུ་མཉམ་ཡོད་ཕུན་ཚོགས་བཀྲ་ཤིས་ལྷ་ས་ཆོས་ལྡན་ཞིང་དུ་འབྱོར།
དེ་ལས་མང་བ་། “ྋགོང་ས་མཆོག་གིས་མཛད་པའི་གཅེན་མོ་ཚེ་རིང་སྒྲོལ་མའི་ལོ་རྒྱུས་མདོར་བསྡུས།” »
མི་ལོ་ལྔ་བཅུའི་རིང་གི་བོད་ཀྱི་རྩོམ་རིག་སྒྱུ་རྩལ་ལ་ཕྱིར་མིག་བལྟ་བ།༼ ༡༽
བོད་ཀྱི་རྩོམ་རིག་སྒྱུ་རྩལ་སྐོར་དཔྱད་གླེང་རླུང་འཕྲིན་སྙན་སྒྲོན་ལེ་ཚན།
ཆུ་སྐྱེས་སྒྲོལ་མ།
༼རྩོམ་ཡིག་འདི་ནི། ཨ་རིའི་རླུང་འཕྲིན་ཁང་གི་བོད་སྐད་ཚན་པས་བོད་ཀྱི་རྩོམ་རིག་སྐོར་སྙན་སྒྲོན་གྱི་གོ་སྐབས་གནང་བའི་སྐོར་དེ་ཡིན། འདིར་སྙན་སྒྲོན་ཡི་གེའི་མ་ཕྱི་དང༌། སྙན་སྒྲོན་དངོས་གཞི་རྒྱང་བསྲིང་གི་སྒྲ་ཡང་ལྷན་དུ་བཀོད་ཡོད།༽
ལེ་ཚན་དང་པོ།
རྒྱ་ཆེའི་གསན་མཁན་རྣམ་པ་ཚོ་ལ་འཚམས་འདྲི་ཞུ་བ་དང་ཆབས་ཅིག མི་ལོ་ལྔ་བཅུའི་རིང་གི་བོད་ཀྱི་རྩོམ་རིག་སྒྱུ་རྩལ་ལ་ཕྱིར་མིག་བལྟ་བ་ཞེས་པའི་དངོས་ཡོད་གནས་སྟངས་དང༌། འབྲེལ་ཡོད་མི་སྣ་ཁག་ཅིག་ལ་བཅར་འདྲི་ཟུང་འབྲེལ་གྱི་ལམ་ནས། མི་ལོ་ལྔ་བཅུ་ཐམ་པའི་རིང་གི་བོད་ཀྱི་རྩོམ་རིག་སྒྱུ་རྩལ་སྐོར་དཔྱད་གླེང་གི་ལེ་ཚན་དེ་རིང་ནས་དབུ་འཛུགས་ཞུ་གི་ཡོད། དེ་རིང་གི་ལེ་ཚན་འདིའི་ནང༌། ཕྱི་ལོ་ ༡༩༥༩ ཡར་སྔོན་བོད་ཀྱི་རྩོམ་རིག་སྒྱུ་རྩལ་གྱི་གནས་སྟངས་དེ་གང་འདྲ་ཞིག་ཡོད་པ་དང༌། དེར་ངོས་འཛིན་བྱེད་སྟངས་སྐོར་སོགས་རིམ་པས་སྙན་སྒྲོན་ཞུ་ཡི་ཡིན།
དེ་ལས་མང་བ་། “མི་ལོ་ལྔ་བཅུའི་རིང་གི་བོད་ཀྱི་རྩོམ་རིག་སྒྱུ་རྩལ་ལ་ཕྱིར་མིག་བལྟ་བ།༼ ༡༽” »
གསོལ་འདེབས་དད་པའི་གླུ་དབྱངས།
བསམ་གླིང་་ཚེ་རིང་ལྷ་མོ།
རང་བྱུང་ཟླ་བའི་བསིལ་བསིལ་འོད་ཀྱིས་འཇིག་རྟེན་མུན་པ་ཕ་མཐར་བསྐྲད།།
ཞི་བསིལ་ཕན་བདེའི་བཀའ་སློབ་ཟབ་མོས་འཛམ་གླིང་རྒྱ་ཆེན་བདེ་ལ་སྦྱར།།
ཞབས་སེན་འོད་ཆགས་སྒྱུར་བ་ཙམ་གྱིས་ས་ཕྱོགས་ཀུན་ཏུ་བདེ་ལེགས་སྦྱིན།།
མཚན་ཙམ་ཐོས་པས་འགྲོ་བའི་ཡིད་ལ་སྣུམ་པའི་བདེ་བ་མཛད་མེད་འཕེལ།།
ལྷ་སའི་གནས་བཤད།
ཆུ་སྐྱེས་སྒྲོལ་མས།
འཛམ་གླིང་སྲིད་པའི་རྩེ་མོ་གངས་ལྗོངས་ཀྱི།།
ཆབ་དཔལ་རིག་གསུམ་གཏེར་བཞིན་བརྡོལ་བའི་ཞིང༌།།
དབུས་འགྱུར་ཉི་མ་ལྷ་སའི་གྲོང་ཁྱེར་ཏེ།།
སྔོན་ཚེ་ངམ་ཤོད་འམ་འོད་འོམ་འོད་ཅེས།།
མིང་བརྡའི་ཐ་སྙད་འབོད་པ་དེ་ལྟར་ཡང༌།།
ས་ཡི་ཚངས་དབང་སྲོང་བཙན་ཞབས་སྐྱེས་རྡུལ།།
འདི་ནས་འཕྱུར་བའི་མཛད་འཕྲིན་ཉི་འོད་ཀྱིས།།
ལྷ་ཡི་ཕུན་ཚོགས་འཇིག་རྟེན་མི་ཡུལ་ནས།།
རོལ་བའི་རྫོགས་ལྡན་བསྐྲུན་པས་ལྷ་སར་ཐོགས།།
དཔལ་ལྷའི་རི་རབ་བམ་དཔལ་ལྷའི་རི་ཁྲོད་ཀྱི་དུས་ཆེན་ངོ་སྤྲོད།
ཆུ་སྐྱེས་སྒྲོལ་མས།
༼འདི་ནི་གུས་མོས་ཨ་རིའི་རླུང་འཕྲིན་ཁང་གི་བོད་སྐད་ལེ་ཚན་ནང༌། བོད་ཀྱི་དུས་ཆེན་སྐོར་སྙན་སྒྲོན་རྒྱང་བསྲིང་ཞུ་བའི་མ་ཟིན་ཡིན། མ་གཞི་བྱས་ན། དོན་གནད་ཁག་གི་ཐད་འབྲེལ་ཡོད་རིགས་ལ་བཅར་འདྲི་དང་བགྲོ་གླེང་སྦྲགས་མའི་རྒྱང་བསྲིང་གི་སྒྲ་སྐད་དང་ལྡན་པ་ཞིག་ཡིན་ནའང༌། དྲ་ཚིགས་ནང་འདིར་སྒྲ་སྐད་སྐོར་འགོད་སྟངས་མ་ཤེས་ནས་རེ་བཞག་མཉམ་སྦྱར་མ་ཐུབ་པར་ཡོད། ༽
ད་བྱས་ན། དེ་རིང་གི་ལེ་ཚན་འདིའྀ་ནང༌། བོད་དབུས་ཁུལ་གྱི་དུས་ཆེན་གྲགས་ཅན། དཔལ་ལྷ་རི་རབ་ཀྱི་སྐོར་དེ་སྙན་སྒྲོན་ཞུ་གི་ཡིན།
ལྷ་ས་ཁུལ་གྱི་ཤོད་སྲོལ་ལ། ལྷ་ས་དཔལ་ལྷའི་རི་ཁྲོད། ཞོལ་པ་དགའ་ལྡན་ལྔ་མཆོད། ཅེས་བཤད་སྲོལ་ཡོད། དེའི་གོ་དོན་སྙིང་པོ་ནི། དཔལ་ལྷའི་རི་ཁྲོད་ཀྱི་ཉིན་དེར། ལྷ་སའི་གཡས་གཡོན་དུ་བཞུགས་མཁན་གྱི་གྲོང་མི་དང་སྤུན་མཆེད་རྣམས། ལྷ་སའི་གཙུག་ལག་ཁང་དུ། མཆོད་མཇལ་ཞུ་བ་དང་དཔལ་ལྷ་མོ་མཇལ་དུ་ཕེབས་ཀྱི་ཡོད་པ་དང༌། སྐབས་དེར་ལྷ་ས་བ་ཚོས་ཞོལ་བ་རྣམས་སྐུ་མགྲོན་དུ་སྐད་བཏང་ནས། གསོལ་ཚིགས་འདེགས་སྲོལ་ཡོད། ཡང་དགའ་ལྡན་ལྔ་མཆོད་ཀྱི་ཉིན་མོར། ཞོལ་པ་རྣམས་ཀྱིས་ལྷ་ས་པ་རྣམས་སྐུ་མགྲོན་དུ་འབོད་པ་དང༌། གསོལ་ཚིགས་འདེགས་སྲོལ་ཡོད། བོད་དབུས་ཁུལ་དང༌། ལྷག་པར་དུ་བོད་ཀྱི་རྒྱལ་ས་ལྷ་སའི་གཡས་གཡོན་གྱི་བོད་མི་ཚོར་མཚོན་ན། དཔལ་ལྷ་རི་རབ་ཀྱི་དུས་ཆེན་འདི་ནི། དགའ་སྣང་ཆེ་ཤོས་བྱེད་པའི་དུས་ཆེན་གྱི་གྲས་ཤིག་ཡིན།
དེ་ལས་མང་བ་། “དཔལ་ལྷའི་རི་རབ་བམ་དཔལ་ལྷའི་རི་ཁྲོད་ཀྱི་དུས་ཆེན་ངོ་སྤྲོད།” »
དགུ་བརྒྱའི་དུས་དྲན་དབུ་འབྱེད་མཛད་སྒོ་དབུ་འཛུགས།
༼གསར་འགྱུར་འདི་སྐོར་བོད་ཀྱི་དུས་བབ་དྲ་ཚིགས་ནས་བཤུ་འགོད་ཞུས༽
བོད་སིལ་བུའི་སྐབས་རྒྱལ་བསྟན་ཉག་ཕྲ་བའི་སྐབས་ཀརྨ་པ་སྐུ་ཕྲེང་ན་རིམ་གྱིས་རྒྱ་ནག་གོང་མ་རིམ་བྱོན་གྱི་དབུ་བླར་ཕེབས་ཏེ། བསྟན་པ་བསྐྱོངས་པའི་བཀའ་དྲིན་བརྗོད་ཀྱིས་མི་ལང་པ་བསྐྱངས་ཏེ། ད་བར་མི་ལོ་ ༩༠༠ འགྲོ་བཞིན་ཡོད་དུས་ང་ཚོས་ངེས་པར་དུ་རྗེས་དྲན་ཞུ་འོས་པ་ཞིག་ཡིན་ཞིང་། ཁྱད་པར་ཀརྨ་པ་སྐུ་ཕྲེང་དགུ་པ་ནས་བཟུང་༧གོང་ས་སྐུ་ཕྲེང་རིམ་བྱོན་བར་འབྲེལ་བ་དམ་ཟབ་བྱུང་ཡོད་ཟེར།
དེ་ལས་མང་བ་། “དགུ་བརྒྱའི་དུས་དྲན་དབུ་འབྱེད་མཛད་སྒོ་དབུ་འཛུགས།” »
ལྷ་བབས་དུས་ཆེན་སྐོར་ཕྱོགས་བསྡུས།
ཆུ་སྐྱེས་སྒྲོལ་མ།
༼ VOA ཨ་རིའི་རླུང་འཕྲིན་ཁང་གི་ བོད་སྐད་ཚན་པས་རྒྱང་བསྲིང་ལེ་ཚན་རྩོམ་སྒྲིག་དང་སྙན་སྒྲོན་ཞུ་བའི་གོ་སྐབས་ གནང་དོན་ལྟར། འདས་པའི་ཟླ་བ་བཅུ་གཉིས་ཡས་མས་རིང་། བཙན་བྱོལ་བོད་ཀྱི་མི་ལོ་ལྔ་བཅུའི་རིང་གི་རྩོམ་རིག་དང་སྒྱུ་རྩལ་རིག་གནས་ཀྱི་ གནས་སྟངས་སྐོར་རྩོམ་སྒྲིག་དང་སྙན་སྒྲོན་ཞུས་གྲུབ་ནས། ཉེ་ལམ་ནས་བཟུང་བོད་ཀྱི་དུས་ཆེན་སྐོར་རྩོམ་སྒྲིག་དང་སྙན་སྒྲོན་ཞུ་མགོ་ཚུགས་ ཏེ། དེའི་སྐོར་རྩོམ་སྒྲིག་དང་སྙན་སྒྲོན་ཞུ་མུས་ལ། ད་ལམ་VOA ཨ་རིའི་རླུང་འཕྲིན་ནང་། མུ་འབྲེལ་ངོ་སྤྲོད་རྒྱང་བསྲིང་གི་མ་ཟིན་ཁག་དང་། འབྲེལ་ཡོད་ཁག་ཅིག་ལ་བཅར་འདྲི་དང་ལྷན་བསྡེབས་ཀྱི་རྒྱང་བསྲིང་སྒྲ་སྐད་ཀྱང་ ཟིན་བྲིས་ནང་ལྷན་འགོད་ཞུ་འཆར་ཡིན་ནའང་། གུས་མོས་དྲ་ངོས་འདིར་སྒྲ་སྐད་འཇོག་སྟངས་སྐོར་ཤེས་མ་སོང་སྟབས། སྒྲ་སྐད་སྐོར་རྗེས་ལ་རིམ་པས་ལྷན་འགོད་ཞུ་འཆར་ཡིན། ༽
རང་ཅག་ཁ་བ་ཅན་པ་ཚོར་རང་གི་ཡུལ་སྲོལ་གོམས་གཤིས་དང་། ཆོས་དང་རིག་གཞུང་བཅས་དང་འབྲེལ་བའི་དུས་ཆེན་འདྲ་མིན་སྣ་ཚོགས་ཤིག་གཏོང་སྲོལ་ ཡོད་པ་དང་། དེ་རེ་རེར་ཡང་བྱུང་ལུགས་བྱུང་སྟངས་དང་། ཁྱད་ཆོས། ནང་དོན་སོགས་མང་པོ་ཞིག་ཡོད། ཡིན་ནའང་། དེའི་སྐོར་གྱི་ཤེས་བྱ་མང་པོ་ཞིག་རིམ་པས་ཉམས་འགྲོ་ཡི་ཡོད་པ་དང་། ལྷག་པར་དུ་གཞོན་སྐྱེས་མི་རབས་དང་ལོ་ཆུང་བྱིོས་པ་མང་པོ་ཞིག་གིས་དེའི་སྐོར་ རབ་བེ་རིབ་བེ་ཞིག་ལས་ཤེས་ཀྱི་ཡོད་པ་མ་རེད། དེར་བརྟེན། དེ་རིང་གི་ལེ་ཚན་འདི་ནས་མགོ་བཙུགས་ཏེ། དུས་ཆེན་སོགས་ཀྱི་སྐོར་ནས་སྙན་སྒྲོན་ལེ་ཚན་འདི་མགོ་འཛུགས་ཞུ་ཡི་ཡོད། དེ་རིང་གི་ལེ་ཚན་འདིའི་ནང་། རིང་མིན་བོད་ཟླ་དགུ་པའི་ནང་སླེབས་ལ་ཉེ་བའི་ལྷ་བབས་དུས་ཆེན་གྱི་སྐོར་སྙན་ སྒྲོན་ཞུ་ཡག་ཡིན། ང་ཚོས་གསན་མཁན་རྣམ་པ་ཚོར། འབྲེལ་ཡོད་མི་སྣ་ཁག་ལ་བཅར་འདྲི་དང་སྦྲགས་ནས་སྙན་སྒྲོན་ཞུ་གི་ཡིན།