བསྟན་འཛིན་འཆི་མེད་ཀྱིས་བསྒྱུར།
སྒྲུང་འདིའི་སྔོན་ལ་ཞུ་རྒྱུར། གླང་ཆེན་དང་ཁྱི་གཉིས་ནི་གྲོགས་པོ་ཆགས་མི་སྲིད་པ་ཞིག་ཡིན་ཅེས་པ་ནི་ཨེ་ཤ་ཡའི་མི་རྣམས་ཀྱི་བཤད་སྟངས་རྒྱུན་ལྡན་ཞིག་ཡིན། གང་ལ་ཟེར་ན། གླང་ཆེན་གྱི་རང་བཞིན་ནི་ཁྱི་ལ་མི་དགའ་བ་དང་། གླང་ཆེན་གཟུགས་སྟོབས་ཆེན་པོ་ཡོད་སྟབས་ཁྱི་རྣམས་རང་བཞིན་གྱིས་ཞེད་སྣང་སྐྱེ་ཡི་ཡོད།
ཆུ་སྐྱེས་སྒྲོལ་མ།
དེབ་འདི་ནི། ཕྱི་ལོ་ 1979 ལོ་སྟེ། རྒྱལ་ཡུམ་ཆེན་མོ་དགུང་གྲངས་དོན་དགུ་བཞེས་པའི་སྐབས་ལ་བཀའ་འདྲི་ཞུས་ཤིང་ཡི་གེར་བཀོད་པ་ཞིག་རེད། དེ་ནས་ལོ་ངོ་ཉེར་གཅིག་གི་རྗེས་ཏེ་ཕྱི་ལོ་ 2000 ལོར་ཨིན་སྐད་ནང་རྩོམ་སྒྲིག་པར་སྐྲུན་གནང་འདུག སླར་ཡང་ལོ་ངོ་ཉི་ཤུའི་རྗེས་ཏེ་འཆར་ལ་ཉེ་བའི་ཕྱི་ལོ་ 2020 ལོ་མགོར་བོད་འགྱུར་དེབ་འདི་ཡོངས་ཁྱབ་ཏུ་འགྲེམས་སྤེལ་ཞུ་ཡི་ཡོད།
ཆུ་སྐྱེས་སྒྲོལ་མ།
རྒྱལ་ཡུམ་ཆེན་མོའི་སྐུ་ཚེའི་ལོ་རྒྱུས་ཨིན་ཡིག་ནང་རྩོམ་སྒྲིག་གནང་ཡོད་པ DALAI LAMA, MY SON (A Mother’s Story) ཞུ་བ་ཕྱི་ལོ་ 2000 ལོར་ཨིན་ཡིག་པར་སྐྲུན་འགྲེམས་སྤེལ་ཞུས་འདུག ད་ལྟ་བར་བོད་ཡིག་ནང་ལ་བསྒྱུར་བ་ཞིག་མཐོང་མ་སོང་། ངས་ཨིན་དེབ་དེ་ཐེངས་འགར་བཀླགས་མྱོང་། དེ་དུས་དེབ་འདི་བོད་ཡིག་ནང་ཡོད་ན་བོད་ཡིག་གི་ལམ་ནས་ཀློག་མཁན་མང་པོ་ཡོང་གི་རེད་བསམ་བྱུང་།
དེ་ལས་མང་བ་། “༼རྒྱལ་ཡུམ་ཆེན་མོའི་སྐུ་ཚེའི་ལོ་རྒྱུས༽བོད་འགྱུར་དེབ།” »
ཚོར་བ་རྨས་མ།༼ཉིན་ཐོ༽
ཆུ་སྐྱེས་སྒྲོལ་མས།
བདེན་པའི་རྒྱ་མའི་སྟེང་ནས་ཟགས་འགྲོ་བའི།།
འཛེར་སྐད་རྒྱག་པར་ཁྲེལ་གཞུང་མེད་པ་དང་།།
—ཆུ་སྐྱེས་སྒྲོལ་མ།
ལོ་གཅིག་ཏག་ཏག་གི་སྔོན་ལ་རེད། སྤྱི་ལོ་ ༢༠༡༦ ཟླ་ ༣ ཚེས་ ༡༢ ཉིན་ངས་༼ངའི་ངོ་དེབ་དང་རྩོམ་ཡིག་ཀློག་མཁན་ཚོར་གསལ་བཤད་ཅིག་ཞུ་རྒྱུར༽ཞེས་པའི་གསལ་བཤད་ཅིག་སྤེལ་བ་ཡིན། དེ་སྦྲེལ་བྱང་ https://www.khabdha.org/?p=81343 འདི་ན་ཡོད། སྦྲེལ་བྱང་འདིའི་སྟེང་ནས་མནན་ན་མཁྱེན་ཐུབ།
དེ་ལས་མང་བ་། “ངའི་ངོ་དེབ་དང་རྩོམ་ཡིག་ཀློག་མཁན་ཚོར་གསལ་བཤད་ཐེངས་གཉིས་པ།” »
—ཆུ་སྐྱེས་སྒྲོལ་མ།
ངོ་དེབ་དང་སྐད་འཕྲིན་གྱིས་མཚོན་པའི་སྤྱི་ཚོགས་དྲ་རྒྱའི་བརྒྱུད་ལམ་ནི། ཧ་ཅང་འཁྲུག་ཆ་དོད་པོ་ཞིག་དང་། དེའི་ནང་ཆ་ཤས་ལེན་མཁན་ལ་མཚོན་ནའང་དངོས་མིང་བཀོད་ནས་ཞུགས་མཁན་དང་། སྨྱུག་མིང་བཀོད་ནས་ཞུགས་མཁན་སྣ་ཚོགས་ཤིག་ཡོད་པ་ཚང་མར། སོ་སོའི་ངོས་འཛིན་དང་རྒྱབ་ལྗོངས་རེ་ཡོད་པ་རེད།
དེ་ལས་མང་བ་། “ངའི་ངོ་དེབ་དང་རྩོམ་ཡིག་ཀློག་མཁན་ཚོར་གསལ་བཤད་ཅིག་ཞུ་རྒྱུར།” »
ཀ་
ཁ་
གང་
ང་
ཆུ་སྐྱེས་སྒྲོལ་མ།
སྟོན་གྱི་བུ་མོས་རི་ལུང་ཐང་གསུམ་ལ།།
འཇམ་མཉེན་ཕྱག་གིས་བྱིལ་བའི་ཡུལ་གྲུ་ན།།
གསེར་མདོག་གོས་ཆེན་བཀླུབས་པའི་མཛེས་ཉམས་ནི།།
དབྱར་ཁར་གྱེས་ཕྱག་ཕུལ་བའི་བརྡ་སྟོན་ཉིད།།
ངལ་ཞིང་དུབ་པའི་སྟོན་ཀའི་ལྗོན་པ་ལ།།
ཡོད་ཚད་ཤོར་བའི་སྐྱོ་དུང་ཆེ་ན་ཡང་།།
ཆུ་སྐྱེས་སྒྲོལ་མ།
ལས་དགུའི་ཐག་པས་རྐང་ལག་བཅིངས་ལས་གྲོལ།།
གྲོལ་བའི་མཛུབ་མོ་སེམས་བརྙན་འབྲི་བར་བྲེལ།།
བྲེལ་འཚུབ་སོར་མོ་ཚོར་འདུའི་དོ་རར་མྱུལ།།
མྱུལ་བའི་བྲོ་གར་རི་མོ་འདི་ན་བཤམས།།
སེམས་སོང་སྙིང་གཏམ་གསོང་པོར་སྨྲ་བ་མཇལ།།
མཇལ་འཛོམས་ལས་སྨོན་བཟང་པོའི་དམ་ཚིག་མཐུན།།
ཆུ་སྐྱེས་སྒྲོལ་མ།
མི་མང་པོ་ཞིག་གིས་དྲ་སྟེང་དུ་མགོན་པོ་ཚེ་རིང་ལགས་འཇིག་རྟེན་ཕ་རོལ་ཏུ་ཕེབས་པར་གདུང་སེམས་མཉམ་སྐྱེད་ཀྱི་མྱ་ངན་རྩོམ་ཡིག་སྤེལ་བ་དང་དང་སེམས་གསོའི་མཆན་བུ་འདེབས་བཞིན་འདུག སྐབས་འདིར། ངས་ཀྱང་ཁོང་གི་སྐོར་བཀླགས་པ་དང་མཆན་བུ་ཡང་རེས་གཉིས་འདེབས་པར་འབད། རྩོམ་ཡིག་ཀློག་གིན་མཆན་བུ་འདེབས་ཀྱིན་ངའི་སེམས་ནང་འདས་དོན་ཞིག་ངམ་ངམ་ཤུགས་ཀྱིས་འཚངས་ནས་འོང་སྟེ་སྐབས་རེར་དབུགས་རྔུབ་གཏོང་བྱེད་པའི་སྤོབས་པའང་མེད་པར་བྱས།
དེ་ལས་མང་བ་། “གཞན་སེམས་ཀྱི་སྡུག་བསྔལ་རང་སྟེང་ནས་ཚོར་བྱུང་།” »
ཆུ་སྐྱེས་སྒྲོལ་མ།
དཔྱིད་དཔལ་ན་གཞོན་དུས་ཀྱི་རྟར་ཆིབས་ནས།།
རི་ལུང་གྲོང་བརྡལ་ཉུལ་བའི་གོམ་སྒྲ་ཡིས།།
འཁྱག་རོམ་གཟེབ་ཏུ་གཟིམ་པའི་ཚང་ཚིང་ནཊ།།
སྟུག་པོའི་གཉིད་ལས་དཀྲོགས་འདི་ཨེ་མ་མཚར།།
བསམ་གླིང་ཚེ་རིང་ལྷ་མོ།
༼འདེ་ནི་བྱིས་པའི་དུས་ཆེན་གྱི་ཉིན་མོར་གུས་མོས་སློབ་ཕྲུག་ཚོར་ཆེད་དུ་སྒྲོགས་སྦྱང་ཞུས་པའི་སྙན་ཚིག་ལགས་སོ།༽
གཅེས་ཕྲུག་ཚོ། བོད་གངས་ཅན་གྱི་སོན་རྩ་ཚོ། ང་ཚོས་གྲངས་བྱ་རེ་རེ་བཞིན་ཞིམ་ཞིམ་མངར་མངར་གྱིས་ཕར་ལ་བསྐྱལ་ཏེ། མདུན་ལམ་དང་ཕུག་བསམ་གྱི་དགའ་མ་མདུན་དུ་བསུ་བཞིན། ཤེས་བྱ་ཡོན་ཏན་གྱི་ནོར་བུ་དུ་མ་ང་ཚོའི་ཁོག་ཏུ་བཅུག་བཞིན་ཡོད་ཨང་། བོད་གངས་ཅན་གྱི་ཕ་ཡུལ་དང་བྲལ་བའི་གཅེས་ཕྲུག་ཚོ། བོད་རྒྱལ་ཁབ་ཀྱི་ས་ཆ་ཡོད་ཚད་རྒྱ་དམར་གྱིས་ཁེངས་ནའང་འདྲ། བོད་གངས་ཅན་གྱི་རྒྱལ་ཁང་ཕོ་བྲང་པོ་ཏ་ལར་རྒྱ་ནག་དམར་པོའི་དར་ཆ་བཙུགས་ནའང་འདྲ།
བསམ་གླིང་ཚེ་རིང་ལྷ་མོ།
སྡོང་པོ་ལོ་མའི་འཁུར་གྱིས་རབ་ལྕི་ཞིང་།།
ལྡེམ་ལྡེམ་གར་སྟབས་སྤྲོ་བའི་ཤུགས་དང་བྲལ།།
ལྷིང་འཇགས་ནགས་ཀྱི་འཇོལ་མོའི་ཅ་ཅོ་ཡང་།།
མྱ་ངན་གདུང་བས་ཀྱི་ཧུའི་སྒྲ་དང་མཚུངས།།
བསམ་གླིང་ཚེ་རིང་ལྷ་མོ།
དྭངས་བསིལ་ཆབ་ཀྱི་མེ་ལོང་རབ་གསལ་ཞིང་།།
ལྗོན་པའི་ཕྲེང་བས་ལང་ཚོ་རབ་ཏུ་ངོམ།།
མཁའ་ཡི་སྤྲིན་དཀར་ཆུ་མོའི་ནང་དུ་གསལ།།
རྫིང་བུའི་མཐའ་རུ་ཆུ་བྱས་བྲོ་གར་འཁྲབ།།
བསམ་གླིང་ཚེ་རིང་ལྷ་མོ།
ཤང་ཤང་ཆུ་མོའི་སྒྲ་དབྱངས་ལ་ཆགས་དབྱངས་ཅན་མགྲིན་སྙན་མཛའ་བཤེས་ཀྱེ།།
ལྡེམ་པའི་ཕྱག་སོར་ལྕུག་ཕྲན་གསར་པས་བྲོ་གར་ལྷ་ཡི་སྤྱན་ཡང་འཁྲུལ།།
འཛུམ་པའི་ཞལ་དཀྱིལ་བརྩེ་དགའི་དཔལ་གྱིས་ས་གསུམ་སྐྱེ་དགུར་བདེ་སྟེར་མ།།
བདག་སོགས་བླུན་རྨོངས་མགྲིན་པའི་རྒྱན་དུ་འདི་ཕྱི་ཀུན་ཏུ་རོལ་བར་མཛོད།།
བསམ་གླིང་ཚེ་རིང་ལྷ་མོ།
མཚུངས་པ་མེད་པའི་སྨུག་སྤྲིན་མཛེས་མས་རི་བོའི་སྤོ་ལ་མ་འཁྱུད་ན།།
ལྗང་མདོག་ཚེ་སྲོག་འོད་ཀྱིས་ཁེངས་པའི་བྱེད་ལས་མེད་པས་དོན་ཡོད་མིན།།
ཀྱུར་ཀྱུར་སྒྲོག་པའི་བྱ་བྱིའུ་དུ་མས་ནགས་ལྗོངས་གླུ་ཡིས་མ་ཁེངས་ན།།
ལྗོངས་རྒྱུའི་འདུན་པ་འགོག་མེད་འཆར་ཡང་ཡིད་ཁམས་གཡོ་བར་དོན་ཡོད་མིན།།
དེ་ལས་མང་བ་། “མཚུངས་པ་མེད་པའི་སྨུག་སྤྲིན་མཛེས་མས་རི་བོའི་སྤོ་ལ་མ་འཁྱུད་ན།།” »
བསམ་གླིང་ཚེ་རིང་ལྷ་མོ།
སབ་སིབ་རབ་རིབ་ཁྲོད་ནས།།
བཅོ་ལྔའི་ཟླ་བ་ཤར་བྱུང་།།
ཡུན་རིང་སྤྲིན་གྱིས་སྒྲིབ་ཀྱང་།།
ད་གཟོད་མཇལ་བས་དགའ་བྱུང་།།
བསམ་གླིང་ཚེ་རིང་ལྷ་མོ།
མཚན་མོར་འཛུམ་པའི་མེ་ཏོག་ནི།།
ཀུ་མུད་གཅིག་པོ་ག་ལ་ཡིན།།
ཟླ་བའི་མཛེས་པ་ཁོ་ན་ཡིས།།
སྐྱེངས་ནས་ཡིབ་སྟེ་བཞད་པ་མང་།།
འཛུམ་པ་རྒྱས་པའི་ཟླ་འོད་ནི།།
ཆུ་འཛིན་སེང་ནས་ལྐོག་ཏུ་བཞད།།
མཛའ་གཅུགས་ཟབ་པའི་ཀུ་མུད་ཀྱིས།།
ཚེམས་ཕྲེང་གེ་སར་ཡང་ཡང་ངོམ།།
བསམ་གླིང་ཚེ་རིང་ལྷ་མོ།
ཞལ་གྱི་དཀྱིལ་འཁོར་བྱམས་པའི་འཛུམ་གྱིས་བསུས།།
དབུ་སྐྲའི་ཐོར་ཅོག་མཐོན་ཐིང་ནམ་མཁར་འདྲེས།།
ཡེ་ཤེས་དཔག་ཡས་འཕགས་མ་རྗེ་བཙུན་མ།།
མི་ཕྱེད་དད་པའི་གླུ་འདིར་ཡུད་ཙམ་དགོངས།།
དྲི་མེད་གངས་རི་དཀར་པོས་རབ་བརྒྱན་ཅིང་།།
འགྲོ་བ་ཉམ་ཆུང་དད་ལྡན་བསོད་ནམས་ཅན།།
སོས་དལ་བག་ཕེབས་ང་ཅག་བོད་ཡུལ་འདིར།།
ད་ཆ་དམར་པོའི་དཔུང་གིས་ཡོངས་བཅོམ་ཞིང་།།
བསམ་གླིང་ཚེ་རིང་ལྷ་མོ།
ཀ་ཅོག་ཞང་གསུམ་ལ་སོགས་སྔོན་དུས་མཁས་པའི་སྐྱེ་བོ།།
ཁ་བ་གངས་ཅན་གྱི་ཡུལ་ལ་ཇི་ལྟ་ཇི་སྙེད་ཅིག་བྱོན་ཞིང་།།
གང་ནས་གང་དུ་སོང་ཡང་སྐྱེ་བོ་དམ་པ་ཡིས་ཁེངས་ན།།
ང་ཚོའི་རྒྱལ་ཁབ་འདི་ལ་རྒྱ་མིའི་བཙན་དབང་དེ་ཨེ་ཡོང་།།
ཅ་དངོས་དཔལ་འབྱོར་རིག་པ་ང་ཚོའི་རྒྱལ་ཁབ་ཏུ་དར་ཞིང་།།
ཆ་ཚང་ཚན་རིག་དངོས་རྫས་རང་མགོ་རང་ཐོན་སུ་ཡོད་པ།།
ཇ་ལ་དགའ་བའི་བོད་མིས་ཇ་ཡང་བཟོ་སྟངས་མ་འཇོན་པའི།།
ཉོབ་ཏོ་དེ་འདྲ་མེད་ན་རང་བཙན་ཤོར་བ་རང་ཨེ་ཡོང་།།