ཤར་ཕྱོགས་ཁུག་རྟ།

༡
ཆུ་ཚོད་སྐར་ཆ་འདི་མི་འདུག་ཐག་ཐག་འགྲོ་དུས།།
ལག་པས་འགྲོ་བསྐྱོད་ལ་ཚོད་འཛིན་བྱས་ན་བསམས་ཀྱང་།།
ཤར་ཕྱོགས་ཉི་མ་དེ་མི་འདུག་ནུབ་རིར་ཕྱིན་ན།།
སེམས་ནས་མི་འདོད་ཀྱང་ལག་པས་སྙོབ་ཚོད་མི་འདུག།

༢
ཟླ་བ་གཅིག་འདི་གོ་བསམས་ན་ཐུང་ཐུང་ཡིན་ཡང་།།
བྲལ་ནས་གྲངས་ཀ་དེ་ག་ལེར་རྒྱག་དགོས་བྱུང་ཚེ།།
སྣང་ཡུལ་ཐམས་ཅད་པོ་སུན་པས་ཁུར་ནས་འགྲོ་སྟབས།།
ཁྱེད་ལ་བྲལ་རྒྱུ་འདི་དངོས་གནས་ཡོང་ས་མ་རེད།།

དེ་ལས་མང་བ་། “འདང་ཅན་དྲན་པ།” »

མིག་གསུམ་པ། ལྡ་ལི།

༡

སྒྲོལ་མ་དཀར་མོ
ཆེས་ཐོག་མའི་ཐུག་ཕྲད་ཀྱི་ཀློང་ནས
ཁམས་འདྲིའི་གོམ་སྟོབས་ལ་ཁད་ཀྱིས་ཞུགས་ཏེ
ཁྱོད་ཀྱི་ངོ་གདོང་ལ་ཐད་ཀར་དུ་ལྟ་དུས
ཞལ་རས་སྒོར་སྒོར་དེ་ང་ལ་གནང་བའི་པད་དཀར་ཞིག་གམ
སེམས་སྒྲ་གཉོམ་པོ་དེ་ང་ལ་བཏང་བའི་གླུ་གཞས་སྙན་མོ་ཞིག

དེ་ལས་མང་བ་། “སྒྲོལ་མ་དཀར་མོ། ཁྱོད་ལ་ཐད་ཀར་དུ་བལྟས་ན” »

མིག་གསུམ་པ། ལྡི་ལི།

ཕྱི་རོལ་ན་གྲགས་འགུལ་ཅི་ཡང་མེད་པའི་ཁོར་ཡུག་འདིར
ང་རང་འོད་སྣང་གི་ཉེ་སར་བཅར་དུས
འོད་སྣང་གིས་བདག་ལ་སྩལ་བའི་བསམ་གཞིག་བརྩེགས་མ
ཁ་བའི་འདབ་མ་བཞིན་སྨྱུག་རྩེ་ནས་བབས

དེ་ལས་མང་བ་། “མཚན་མོ་འདི” »

མིག་གསུམ་པ། ལྡི་ལི

རྟག་བརྟན་མེད་པའི་འཁོར་བ་འདིའི་ཕྱི་ནང་
ཅི་ཡང་མ་མཐོང་བའི་མིས་བཟོས་ལྡུམ་རྭ་ཆེན་པོ་ཞིག
འཁོར་བར་གནས་པའི་དགེ་སྡུག་གི་བྱེད་པོ
ངའི་ཁོར་ཡུག་གི་མེ་ཏོག་བཅོམ་བྱེད་ཀྱི་ཆར་བ་ཞིག་དང་ཀུན་ནས་མཚུངས
ཆར་བ་བབས་ཐེངས་ཤིག་གིས སེམས་པ་འདི་མགོ་ལྕོག་ལྡེམ་པར་བྱས་པའི་མེ་ཏོག་ཕོན་པོ་ཞིག་ཏུ་བསྒྱུར

དེ་ལས་མང་བ་། “སྨུག་པའི་ཕྱི་ནང་གི་སེམས་པ” »

ཁྱུང་ནག

ཁྱེའུ་ཆུང་ཆུང་ཞིག་ངོས་འཛིན་གནང་མ་ཐག་གྲོངས་སོང
བིས་མདོའི་མགོན་པོ་ཚེ་བརྟན་ཡར་ཁྲིད་ཤོག་ཟེར
ཉི་མ་ལྷ་ས་ན་འོས་སྤྲུལ་མང་པོའི་སྟག་སེང་འགྱིང་འདུག་ཟེར
གོ་མན་ཏང་དང གུང་བྲན་ཏང་གིས
ཡང་ན་ཆིངས་ཡིག་དོན་ཚན་བཅུ་བདུན་གྱིས
ཁྱེད་རང་སེང་ཁྲིའི་སྟེང་དུ་བཞག་ཅིང
ཐམས་ཅད་མཁྱེན་པས་རྒྱང་རིང་ནས་ཁྱེད་ལ་བཀའ་ཡིག་བསྩལ

དེ་ལས་མང་བ་། “བདག་མེད་སྤྲུལ་སྐུའི་འཁྲུངས་སྐར་རོལ་བ།” »

ཆབ་བྲག་ལྷ་མོ་སྐྱབས།

མགོན་པོ་འོད་དཔག་མེད་ལགས། བདེ་བ་ཅན་ལ་བཞུགས་ཟེར། དེ་སྲས་པཎ་ཆེན་བླ་མ། མི་ཡུལ་བཙོན་རར་བཞུགས་འདུག སངས་རྒྱས་འདི་འདྲ་ཡིན་ན། མི་ཡུལ་ཕེབས་ནས་ཅི་བྱེད། སུ་ཡིས་སུ་ཞིག་སྐྱོབ་རྒྱུ།

པཎ་ཆེན་སྣང་བ་མཐའ་ཡས། འོད་ཟེར་སྤྲོ་རྒྱུ་མིན་ན། མུན་ནག་ནང་གི་ང་ཚོས། རང་ལུས་མཆོད་མེར་སྦར་ནས། གསོལ་བ་སྨོན་ལམ་བཏབ་པ། དོན་མེད་སྡུག་གྱོང་མིན་ནམ། ཐུགས་རྗེའི་སྤྱན་ཆབ་གང་ན།

དེ་ལས་མང་བ་། “པཎ་ཆེན་དྲན་པའི་འཁང་གཞས།” »

ལྷ་ལུང་རྒྱལ།

རྫ་སྤང་ནགས་རི་ཚལ་བར་གཤག་ཅིང་དགོ་འབྲོང་རི་དྭགས་མཚོན་ཁར་རྫོགས།།
ཤང་ཤང་གཙང་པོ་དུག་གིས་སྦགས་ཏེ་འབྱིན་རྔུབ་རླུང་ཡང་ནག་པོས་རྒྱུ།།
ཉི་མའི་ཁྱིམ་གྱི་འོད་རླབས་དམར་པོར་བསྐལ་བའི་འཁྱག་རོམ་གདུ་ཞིང་འཁོལ།།
བསིལ་ལྗོངས་སྣོད་ཀྱི་འཇིག་རྟེན་ངུ་བཞིན་ནམ་ཞར་དུ་ཡང་ཁྱོད་ཉིད་གླེང་།།

དེ་ལས་མང་བ་། “ཞེ་སྨྲེང་བའི་སྒང་ལ་སྡུག་གི” »

རས་པ།

སྤྲིན་པའི་གཞུ་རྒྱུད་རྡུང་བའི་དབྱངས་རྟ་ཡིས།།
ཀ་ཁའི་ཆར་བ་གངས་ཅན་ལྗོངས་སུ་བབས།།
སྲིད་གཞུང་ཞིང་ས་ཡིན་པའི་འབྲས་བུ་ལ།།
སྐད་ཡིག་རྩམ་པའི་ལོ་ལེགས་བྱུང་འདི་དྲན།།

དེ་ལས་མང་བ་། “པཎ་ཆེན་རིན་པོ་ཆེ་དྲན་པ།” »

བོན་རྒྱ་བསྟན་འཛིན་རབ་རྒྱས།

ངས་ཤེས་རིག་གི་ཞལ་པགས་ཕྱེ་ཙམ་ནས། ཁྱོད་ནི་འཇོན་པོ་མཐུར་མེད་ཀྱི་ཚོང་བ་རྒྱགས་པ་ཞིག་ཏུ་གོ་སོང་ལ། དཔའ་སྙིང་ཞུམ་མེད་ཀྱི་དོམ་ནག་སྣ་མེད་ཅིག་ཏུའང་ཐོས་མྱོང་། ནམ་མཁའ་དང་ས་གཞི་ཡུག་གཅིག་ཏུ་ཆ་ལང་རྡེབ་པའི་ལོ་ཟླ་དེ་ལའང་། ཁྱོད་ཀྱིས་ཤི་བོ་གྲངས་མེད་ཀྱི་བསྔོ་ཡིག་ཁྲི་ཕྲག་བདུན་ངར་སྐད་ཀྱིས་བསྒྲགས་ཤིང་། འཁྱག་ལ་གཟེར་བའི་མུན་ནག་གི་ལྕགས་སྒམ་ཞིག་ཏུ་ལོ་རྒན་དགུ་སྟོབས་ཀྱིས་བསྐྱལ་མྱོང་ཟེར།

དེ་ལས་མང་བ་། “ལྷ་སྲས་དོམ་ནག་སྣ་མེད།” »

སྤྱི་འཐུས་རྨོག་རུ་བསྟན་པ།

གངས་རི་དཀར་པོའི་མཛེས་སྡུག་གི་རྒྱན་ཆ་སྒྲོན་པའི་བསིལ་ལྡན་གྱི་གངས་ལྗོངས་ནི་ང་ཚོའི་མེས་པོ་དག་གི་ལེགས་སྐྱེས་ཀྱི་འོད་སྣང་སྒྲོན་སའི་བསྟི་གནས་ཡིན། ང་ཚོས་ལོ་རྒྱུས་ཆེས་རིང་ས་ནས་བཤད་ན་གངས་ལྗོངས་དང་ཁ་བ་ནི་བོད་མི་རིགས་འདིའི་ཚེ་སྲོག་གི་དར་སྐུད་ཉག་ཅིག་ཡིན། ང་ཚོ་དང་ལོ་རྒྱུས་ཀྱི་དབང་པོ་དག་གི་བར་ལ་ཁ་བའི་འཚོ་ལམ་ནས་རྙེད་པའི་དམིགས་བསལ་གྱི་འབྲེལ་ལམ་ཞིག་ཡོད་པ་ནི་

དེ་ལས་མང་བ་། “རེ་བའི་མིག” »

སྤྱི་འཐུས་གངས་ལྷ་མོ།

མེས་པོའི་ཤུལ་ལུས་ནམ་མཁའི་དབྱིངས་སུ་ཐོར།།
རིགས་ཀྱི་ཉིང་བཅུད་དྲི་མའི་ཀློང་དུ་ཐིམས།།
ཁ་བ་རི་བའི་ལུས་སེམས་འཁྱག་ལ་འབྱར།།
ཉི་ཟླ་མེད་པའི་འཁོར་འདི་འཇིགས་སུ་རུང།།

དེ་ལས་མང་བ་། “པཎ་ཆེན་དྲན་པ།” »

ཐོར་རྒོད་པ་སྤྱན་ཆབ།

ཆུང་ཆུང་བྱིས་པའི་དུས་ཚེ་ལ།།
སྐུ་ཡི་འཕེན་པ་རྫོགས་པ་ཐོས།།
དུང་ཟླ་དཀར་པོའི་དཀྱིལ་འཁོར་ནས།།
ཁྱེད་སྐུ་རབ་རུབ་མཇལ་བ་དྲན།།
ཞིབ་ཀྱིས་བལྟས་པས་ཡོད་ཡོད་འདྲ།།
ཡང་ཡང་བལྟས་པས་མེད་མེད་འདྲ།།
མིག་ཟུང་ཕྱིས་ནས་བལྟས་པ་ན།།
ཡོད་ཡོད་འདྲ་བའི་སེམས་དེ་རྨད།།

དེ་ལས་མང་བ་། “བྱིས་དུས་མག་མོག་ཅིག་ཕྱིར་དྲན་ལས་ཁྱེད་ཉིད།” »

མིག་གསུམ་པ། (ལྡི་ལི)

ཉིན་འདི་ཚོར
མེ་ལྕེ་ཡི་ཀློང་ན་མངོན་བཞིན་པ་དེ་དག་མི་གཟུགས་ཤིག
ཕྱོགས་བཞི་ཡི་རླུང་ལས་ཚོར་བཞིན་པ་དེ་དག་བསྲེགས་དྲི་ཞིག

ཉིན་འདི་ཚོར
རྣ་བ་ཡོད་ཀྱང་ཉན་མི་ཤེས་པའི་མ་ཉན་རོགས
མིག་ཟུང་ཡོད་ཀྱང་ལྟ་མི་ཤེས་པའི་མ་ལྟ་རོགས
བླ་ན་མེད་པའི་རིན་ཐང་གི་འབོད་སྒྲ་ཇོ་མོ་གླིང་མའི་དབུ་ནས་མཆེད་འདུག

དེ་ལས་མང་བ་། “ཉིན་འདི་ཚོར མེ་དང་མཚོན་ཆའི་བར་གསེང་ནས” »

ཤར་ཕྱོགས་ཁུག་རྟ།

སྣང་བ་འཇམ་པོས་བག་མར་ཉོས་དུས་ནམ་སྟོད་རིང་མོའི་རླུང་གི་དབྱངས།།
དལ་བུའི་འགྲོས་ཀྱི་ཁུགས་སོ་རེ་ནས་མུན་པའི་ཞགས་པ་ཡིད་དུ་རུམ།།
གཟུགས་བརྙན་འབུམ་གྱི་གྲིབ་སོ་དག་ནས་འཆར་སྣང་གཤིན་པོའི་འཁྲེང་སེམས་སྟོང༌།།
བྱུང་རིམ་རི་མོར་ཡུན་གྱིས་འཐམས་པས་སྐྱིད་སྡུག་གར་གྱི་འཇིག་རྟེན་བརྩིགས།།

འདུ་བྱེད་འོད་ཀྱི་ཟེགས་མ་རེ་ན་སྣེ་གཉིས་འདྲེས་པའི་གནས་ལུགས་ཤིག།
བཟང་ཞན་བཏགས་པ་མཛེས་དཔྱོད་ཆུ་བོས་རང་གི་གངས་ཀྱི་སེམས་པ་སྟོན།།
འཐད་མིན་ན་བུན་ཡན་གར་འཕྱུར་བ་འགྱུ་སྟངས་གྱ་གྱུའི་གྲིབ་མ་ཡིས།།
དམའ་སར་འཚོ་བའི་རྐང་གཉིས་ཚོགས་ལ་མི་འཆི་སྲོག་གི་འཚོ་གནས་སྦྱིན།།

དེ་ལས་མང་བ་། “སྙན་ངག་མ་བྲིས་ཡུན་རིང་འགོར།” »