རྔ་བ་རྒྱལ་ཁམས་པ།
དུག་གསུམ་ན་བུན་དེངས་པའི་ཞིང་ཁམས་ནས།།
དམ་ཆོས་བདུད་རྩི་སིལ་མའི་སྨན་ཆབ་ཀྱིས།།
འགྲོ་བའི་སྡུག་ཀུན་ནད་སེལ་ཐུགས་རྗེའི་བདག།
མཆོག་གསུམ་སྨན་བླའི་ཚོགས་ལ་གསོལ་བ་འདེབས།།
དཔའ་བོའི་ཁྱུ་མཆོག་འཇིགས་རུང་གཡུལ་སར་བཞིན།།
ཚེ་སྲོག་སྐྱ་མོར་སྙིང་སྟོབས་གོ་ཆའི་ངར།།
ཞུགས་པའི་ལྷ་རྗེ་འཁོར་ཚོགས་
རྔ་བ་རྒྱལ་ཁམས་པ།
ཕྱོགས་མེད་ཐོས་པས་བཀའ་བསྟན་ཡོངས་རྫོགས་སྦྱངས།།
གཟུར་གནས་བསམ་པས་ཐུབ་བསྟན་འགལ་མེད་གཟིགས།།
བསག་སྦྱང་སྒོམ་པས་ཐབས་ཤེས་ཕ་རོལ་ཕྱིན།།
གངས་ཅན་མཛེས་པའི་རྒྱན་གཅིག་བློ་བཟང་གྲགས།།
དེ་ལས་མང་བ་། “རྗེ་ཙོང་ཁ་པས་བསྟེན་གནང་བའི་བླ་མ་དགེ་བའི་བཤེས་གཉེན་ཁག་ཅིག” »
རྔ་བ་རྒྱལ་ཁམས་པ། 
ཕྲན་ལོ་ན་ཆུང་སྐབས་རྫོང་གི་སྲང་ལམ་ན་ཡོད་པའི་རྒྱང་སྒྲོག་དུང་ཆེན་ལས་ཡང་ཡང་ཐོས་རྒྱུ་ཡོད་པ་ཞིག་ནི། ཀྲུང་གོ་དམངས་ཆེན་རྒྱུན་ལས་ཀྱི་ཨུ་ཡོན་ཀྲང་གཞོན་པ “པཎ་ཆེན་ཨེར་ཏི་ནི་ཆོས་ཀྱི་རྒྱལ་མཚན”ཞེས་རྗོད་ཀྱིན་པ་དེ་རེད། དེ་དུས་པཎ་ཆེན་རིན་པོ་ཆེ་བོད་ཀྱི་བླ་མ་སྙན་གྲགས་ཅན་ཞིག་ཡིན་པར་ཧ་གོ་མོད། ཁོང་གི་རྣམ་ཐར་ལོ་རྒྱུས་ལ་ཆ་རྒྱུས་ཅིའང་མེད། ནམ་རྒྱུན་སྲང་ལམ་ན་ལྡོམ་བཞིན་
དེ་ལས་མང་བ་། “༧ཀུན་གཟིགས་པཎ་ཆེན་སྐུ་ཕྲེང་བཅུ་བ་དང་། བྱིས་དུས་ཀྱི་ང་།” »
རྔ་བ་རྒྱལ་ཁམས་པ།
རྡོ་གྲུབ་ཆེན་ཞེས་པའི་མཚན་གྱི་དོན་ནི། རྡོ་ཞེས་པ་རྡོ་གྲུབ་སྐུ་ཕྲེང་དང་བོ་འཇིགས་མེད་འཕྲིན་ལས་འོད་ཟེར་གྱི་འཁྲུངས་ས་མགོ་ལོག་རྡོ་ཡུལ་ཡིན་པས་རྡོ་དང་། གྲུབ་ཆེན་ཞེས་པ་ནི་བླ་མ་འདིས་སྟོད་ཧོར་གྱི་དམག་བཟློག་པས། དགའ་ལྡན་ཕོ་བྲང་བས་ཆེ་བསྟོད་དུ་སྩལ་བའི་མཚན་ཞིག་ཡིན་འདུག་པས། དོན་དངོས་ཐོག་རྡོ་གྲུབ་ཆེན་ཞེས་པའི་མཚན་དེ་བླ་མའི་འཁྲུངས་ཡུལ་དང་། རྒྱལ་བོའི་ཆེ་བསྟོད་གཉིས་ལས་གྲུབ་པའི་ལོ་རྒྱུས་ཀྱི་མཚན་གནས་དམིགས་བསལ་བ་ཞིག་རེད།
དེ་ལས་མང་བ་། “༅༅།། རྡོ་གྲུབ་ཆེན་རིན་པོ་ཆེ། ཚེ་དང་སྒྲུབ་པ་མཉམ་པའི་ལོ་རྒྱུས་ཀྱི་བླ་ཆེན་ཞིག།” »
རྔ་བ་རྒྱལ་ཁམས་པ།
“ཀརྨ་ཐེག་གསུམ་ཆོས་ཀྱི་འཁོར་ལོའམ”། “ཀརྨ་ཐེག་གསུམ་ཆོས་གླིང”ཞེས་པའི་མཚན་འདི༧རྒྱལ་དབང་ཀརྨ་པ་སྐུ་གོང་མ་རིག་པའི་རྡོ་རྗེ་མཆོག་གིས་ཁོང་གིས་བཏབ་གནང་བའི་ཆོས་ཚོགས་ཁག་ལ་སྤྱི་ཐོག་ནས་སྩལ་གནང་བའི་མཚན་དོན་ཤིན་ཏུ་ལྗིག་ཁོག་ཆེ་བ་ཞིག་རེད། མཚན་གནས་འདིར༧རྒྱལ་དབང་ཀརྨ་པའི་དུས་གསུམ་གྱི་ཐུགས་བསྐྱེད་དང་སྨོན་ལམ།
རྔ་བ་རྒྱལ་ཁམས་པ།
གླིང་སྒྲུང་ནི་སའི་གོ་ལའི་རྩོམ་རིག་ལོ་རྒྱུས་ནང་དཔའ་བོའི་རྟོགས་བརྗོད་རིང་ཤོས་ཀྱི་མཚན་སྙན་ཡོད་པ་ཞིག་རེད། དེ་ནི་རྩོམ་སྒྲུང་དང་། བབ་སྒྲུང་གཉིས་ལས་བབ་སྒྲུང་གི་ཁོངས་སུ་གཏོགས་པ་ཤིག་རེད།
རྔ་བ་རྒྱལ་ཁམས་པ།
༈ ༀ་སྭ་སྟི། རབ་འབྱམས་རྒྱལ་བ་ཀུན་ཀྱི་མཁྱེན་བརྩེའི་མདངས།།
དཀར་འཇམ་མཚན་དཔེའི་ཕུང་བོར་གསལ་བའི་ལྷ།།
སྤྱན་རས་གཟིགས་དབང་ཐུགས་རྗེ་རྒྱ་མཚོའི་དཔྱིད།།
རོང་ཆེན་ཆོས་རྗེའི་ཞབས་ལ་གསོལ་བ་འདེབས།།
ལྟ་བ་ནམ་མཁའི་མཐའ་ལ་འཛེགས་གྱུར་ཀྱང་།།
སྤྱོད་པ་རྒྱལ་བསྟན་སྤྱི་ཡི་གཉེན་གྱུར་པ།།
རྔ་བ་རྒྱལ་ཁམས་པ།
ཁ་བའི་འདབ་མ་སྟུག་པོ་ཡིས།།
གསེར་ལྡན་གདོང་བ་ཀུན་ནས་གཡོགས།།
འཁྱག་རོམ་ཞུ་བའི་ཤེལ་རྡོ་དག།
ཆུ་སྲིན་ཁྲོས་པའི་མཆེ་བ་འདྲ།།
རྔ་བ་རྒྱལ་ཁམས་པ།
གནད་བཅུ་གཉིས་རྟེན་འབྲེལ་འཁོར་ལོ་ལ།།
ལམ་འབྱུང་ལྡོག་སྲིད་ཞིའི་ཟློས་གར་མཁན།།
དབྱིངས་མཉམ་ཉིད་རྡོ་རྗེ་རྩལ་ལྡན་མ།།
མ་མཁའ་འགྲོ་སྟོང་གི་བཞུད་ལམ་ཡིན།།
ལུས་མི་གཅིག་འགྲོ་བ་རིགས་དྲུག་པོ།།
གནས་ཁམས་གསུམ་སོ་སོར་བསྡུས་ན་ཡང་།།
དབྱིངས་མཉམ་ཉིད་རྡོ་རྗེའི་ཕོ་བྲང་ན།།
གྲལ་བཟང་ངན་འབྱེད་དུ་མེད་ཚོད་འདའ།།
རྔ་བ་རྒྱལ་ཁམས་པ།
“ཚེ་སྲོག་དང་། ངལ་དུབ་ཀྱི་འགྲུལ་བཞུད”ཅེས་མཚན་དུ་བཏགས་པའི་བརྩམས་ཆོས་འདི་ནི། ཨ་རིར་གདན་འཇགས“ཟླ་སྣང་ཐེབས་རྩ”དང་།“བོད་བརྒྱུད་ནང་བསྟན་ཆོས་ཚོགས”ཀྱི་གཞི་འཛིན། གནས་ནང་བླ་མ་ཚེ་དབང་མཆོག་གིས་སྒེར་གྱི་ལོ་རྒྱུས་གཞི་རྩར་བཟུང་སྟེ་བྲིས་གནང་བའི་སྤྱི་ཁྱབ་རང་བཞིན་གྱི་ལོ་རྒྱུས་བརྩམས་ཆོས་གལ་གནད་ཆེ་བ་ཞིག་རེད། དཔེ་དེབ་འདིར༧རིན་པོ་ཆེ་སྐུ་ན་ཕྲ་མོའི་དུས་ནས་ད་བར་གྱི་སྤྱི་སྒེར་དང་འབྲེལ་བའི་དངོས་བྱུང་ཡུལ་དུས་གནས་བབ་དང་བཅས་ཞལ་གསལ་
རྔ་བ་རྒྱལ་ཁམས་པ།
ཉིས་སྟོང་བཅུ་ལོའི་ཟླ་བདུན་པའི་ནང་ཞིག་ཏུ་ཨ་རིའི་མངའ་སྡེ་ཁྲག་ས་སེ་ནས་ཨ་ལེག་སི་དང་། ཁོང་གི་བཟའ་ཟླ་ཇན་ནེ་ཧྥིར་གཉིས་ཚོང་དོན་ཞིག་གི་ཆེད་ང་ཚོའི་མངའ་སྡེར་ཕེབས་ཏེ་ཉིན་ཤས་རིང་ངའི་ནང་དུ་བསྡད།
དེ་ལས་མང་བ་། “རིན་པོ་ཆེ། དབྱིངས་སུ་ནུབ་པའི་དུས་རབས་ཀྱི་ཟླ་བ་དཀར་པོ།” »
–རྔ་བ་རྒྱལ་ཁམས་པ།
གྱེར་གྱིས་གཟིགས་པའི་སྤྱན་ཟུང་ཟླུམ་པོས་ང་ཡི་ཨུ་ཚུགས་ལྟ་སྟངས་བཤིག།
འབྲོང་རྭ་སྨུག་པོའི་སྨ་ར་རྣོན་པོ་སློབ་དཔོན་པདྨ་བསྙེན་ལས་སྐྱེས།།
རྡོ་རྗེ་གྲོད་ལོད་རང་འབར་གཏུམ་མོས་ཆོས་ཉིད་དབུ་མའི་རྒྱ་མཐོངས་ཡངས།།
རྣལ་འབྱོར་དབང་ཕྱུག་རྡོ་རྗེ་གསུམ་འཛིན་ལམ་མཁྱེན་བླ་མ་སྐུ་ཚེ་བརྟན།།
ཁྲོལ་ཁྲོལ་གསུང་གི་ཟབ་བརླིང་ཁ་བརྡ་སྐབས་རེར་གོ་དཀའ་སྐབས་རེར་སླ།།
རྩ་གསུམ་རྒྱ་མཚོར་འཕྲིན་སྐུལ་བྱིན་འབེབས་ས་ཡི་བརྟན་མ་སྐྲག་ཅིང་འདར།།
—རྔ་བ་རྒྱལ་ཁམས་པ།
འཇམ་དཔལ་མེ་ཏོག་འཛུམ་པའི་ཟེའུ་འབྲུ་ལ།།
དབྱངས་ཅན་སྦྲང་རྩི་འཁྱིལ་བའི་དགའ་སྟོན་གྱིས།།
སྙན་ཚིག་བུང་བ་གཞོན་ནུ་རོལ་བའི་མཚོ།།
སེམས་ཉིད་དག་པའི་རོལ་མོ་འདི་ན་དཀྲོལ།།
–རྔ་བ་རྒྱལ་ཁམས་པ།
སྐད་གཉིས་སྨྲ་བའི་དབང་བོ་ལོ་ཆེན་མགོ་ལོག་པ་རྣམ་རྒྱལ་མཆོག་ནི། མགར་གྱི་རིགས་རྒྱུད་ལས་སྔགས་རྙིང་མའི་མཁས་གྲུབ་གཉིས་ལྡན་གྱི་བླ་སྤྲུལ་མཁན་པོ་མང་དུ་བྱུང་བའི་རྒྱུད་པ་ཡབ་དཔལ་ལྡན་དང་། ཡུམ་མགོ་ལོག་བཟའ་ཚེ་སྐྱིད་གཉིས་ཀྱི་སྲས་སུ་སྤྱི་ལོ༡༩༥༤ལོའི་ཟླ༡༢བར་ད་ལྟའི་མགོ་ལོག་གཅིག་སྒྲིལ་རྫོང་ཁོངས་སུ་སྐུ་བལྟམས། དགུང་ལོ་ཆུང་ངུའི་དུས་ནས་གཤིས་རྒྱུད་ལེགས་ཤིང་།
དེ་ལས་མང་བ་། “བོད་རྒྱ་སྐད་གཉིས་སྨྲ་བའི་དབང་པོ། མགོ་ལོག་ལོ་ཆེན་པདྨ་རྣམ་རྒྱལ།” »
—རྔ་བ་རྒྱལ་ཁམས་པ།
དུས་ཀྱི་འཁོར་ལོ་ནས་གསུངས་པའི་ཤམ་བྷ་ལའི་སྐོར་དང་། ཁྱབ་འཇུག་གི་འཇུག་པ་བཅུ་བའི་བཤད་ཚུལ་ལས་འཕྲོས་ཏེ།ཤམ་བྷ་ལའི་མཐུ་སྟོབས་ཀྱི་བསམ་བློའི་སློབ་གསོ་དག་གིས། གནའ་ནས་ད་བར་ནང་པ་ཡིན་མིན་དང་། ཆོས་ཁས་ལེན་མི་ལེན། མི་རིགས་དང་རྒྱལ་མཚམས་མེད་པར་ཤམ་བྷ་ལའི་གསང་བ་ལྐོག་གྱུར་གྱི་སྐོར་ལ་མཉུལ་ཞིབ་དང་། ཞིབ་འཇུག ལྷ་སྣང་གི་ལྟ་བས་དཔྱད་པ་སོགས་མང་དུ་བྱས་འདུག་མོད།
–རྔ་བ་རྒྱལ་ཁམས་པ།
དགེ་འདུན་ཆོས་འཕེལ་མཆོག་ནི། ང་ཚོ་བོད་ཀྱི་བསམ་བློའི་བཀག་རྒྱ་ལས་བརྒལ་བའི་མི་ཤེས་རབ་ཅན་ཞིག་རེད། ཁོང་གིས་བརྩམས་པའི་ཀླུ་སྒྲུབ་དགོངས་རྒྱན་དང་། དེབ་དཀར། གཏམ་རྒྱུད་གསེར་ཐང་། གཤིས་སྤྱོད་བཅས་ལ་བསམ་བློའི་ཤེས་རིག་གི་སྒོ་མོ་འབྱེད་པའི་ནུས་ཤུགས་དམིགས་བསལ་བ་ཞིག་ཏན་ཏན་འདུག
དེ་ལས་མང་བ་། “༅༅།། རཱ་ཧུལ་མཉམ་དུ་བོད་བསྐྱོད་ཟིན་ཐོ་བཀླགས་རྗེས་ཀྱི་འཆར་སྣང་།” »
—-རྔ་བ་རྒྱལ་ཁམས་པ།
ཀུན་མཁྱེན་ཏཱ་ར་ནཱ་ཐའི་སློབ་དཔོན་གྱི་རྣམ་ཐར་ཡིད་ཆེས་གསུམ་ལྡན་ན། ༼ཡང་རྒྱ་གར་ལྷོ་ཕྱོགས་ནས་ནུབ་དྲང་ཐད་དུ་གྲུ་བརྒལ་ཏེ་འགྲོ་དགོས་པའི་ས་རྒྱ་མཚོའི་དབུས་ཀྱི་གླིང་ཆུང་ཌཱ་མི་ཌོ་དྭཱི་པ་ཞེས་བྱ་བ་ཡོད་དེ། སྔོན་སྲིན་པོ་དང༌། མཁའ་འགྲོ་མ་ནམ་མཁའ་ལ་ལྡིང་ཞིང་འགྲོ་བ་ཁོ་ནས་གང་བ་ཡིན་པས་ཌཱ་མི་ཌོ་སྟེ་འགྲོ་ལྡིང་ངོ༌། །དུས་དེའི་ཚེ་ཡང་བུད་མེད་ཤས་ཆེ་བ་ཞིག་ནི་གདུག་པའི་མཁའ་འགྲོ་མ་རིག་སྔགས་སྣ་ཚོགས་པ་བྱེད་པའི་ཕྱིར་སྔགས་འཆང་མ་ཞེས་བྱ་བ་དེ་འདྲ་ཡིན་ལ།
—-རྔ་བ་རྒྱལ་ཁམས་པ།
དིང་སང་ངའི་ཁྱིམ་དུ་འབུ་གྲོག་མས་བཙན་འཛུལ་བྱས་ཏེ་དཀའ་ངལ་ལ་འཕྲད་བཞིན་པའི་སྒང་ཡིན། གྲོག་མ་ནི་སའི་གོ་ལའི་སྟེང་གི་སྲོག་ཆགས་ཆུང་ངུའི་གྲས་ཤིག་ཡིན་པ་དང་། ད་ཕན་ངོས་འཛིན་བྱུང་བའི་གྲོག་མར་རྣམ་གྲངས་མི་འདྲ་བ༡༢༠༠ལྷག་ཅིག་ཡོད་པར་བཤད་ལ། ས་གཞིའི་ཐོག་གི་གྲོག་མ་དང་མི་འབོར་ཧྲིལ་བོའི་བོངས་ཚད་གཉིས་དོ་མཉམ་པར་གྲགས།
—-རྔ་བ་རྒྱལ་ཁམས་པ།
བླ་མ་རྩ་མི་སངས་རྒྱས་གྲགས་དང་། དཔལ་ཆེན་རྒྭ་ལོ་སྟེ་བླ་སློབ་འདི་གཉིས་ཀྱིས་གནའ་བོའི་རྒྱ་གར་གྱི་སྤྱི་ཚོགས་ནང་མཛད་འཕྲིན་ཆེས་ཆེར་རྒྱས་མྱོང་བ་མ་ཟད། ཤུགས་རྐྱེན་ཀྱང་ངེས་ཅན་ཞིག་ཐེབས་ཡོད་པ་འདྲ་བས། དུས་སྐབས་དེའི་རྒྱ་གར་གྱི་ལོ་རྒྱུས་ཡིག་ཚང་དང་། ཁྱད་པར་དུ་དཔལ་ནཱ་ལེནྡྲའི་གདན་རབས་ཀྱི་ནང་།
དེ་ལས་མང་བ་། “རྩ་མི་སངས་རྒྱས་གྲགས་དཔལ་ནཱ་ལེནྡྲའི་མཁན་པོར་ཕེབས་མྱོང་ངམ།” »