མཱོ་ན་ལེ་ས་ཡི་རི་མོ་ངོ་སྤྲོད།

Comments (12) on “མཱོ་ན་ལེ་ས་ཡི་རི་མོ་ངོ་སྤྲོད།”

1. ང་ཚོའི་བོད་པས་རི་མོ་འདི་ལྟ་བུ་ལ་ཁྱད་ཆོས་གང་ཡང་མཐོང་གི་མ་རེད། དངོས་གནས་བྱས་ན་ནུབ་ཕྱོགས་པ་ཚོའི་རྣམ་དཔྱོད་ཀྱི་མིག་ལྡོངས་ཡོད་པ་པར་འདི་ལ་བལྟས་ན་གསལ་པོ་ཤེས་ཐུབ། ཁོང་ཚོའི་རྣམ་དཔྱོད་དེ་ཕྱིའི་དངོས་པོ་སྟེང་ལ་བཀོལ་ཏེ་ཆུད་ཟོས་སུ་བཏང་བ་རེད། བོད་པ་ཚོས་རང་གི་རྣམ་དཔྱོད་དེ་ནང་སེམས་ཀྱི་སྟེང་ལ་བཀོལ་ཡོད་པ་རེད། །

2. རི་མོ་འདིའི་རིན་གོང་ ༡༩༦༢་ལོར་ཨ་སྒོར་ས་ཡ་བརྒྱ་ཙམ་རེད། ད་ལྟ་ཨ་སྒོར་ས་ཡ་༧༨༢ ཡས་མས་རེད། འདི་ནི་དངོས་ཡོད་གནས་ཚུལ་རེད། དྲང་མོར་བཤད་ན་བྱི་ལས་སོ་སོའི་སྐྱག་པ་གསེར་མཐོང་གི་དཔེ་རེད། རི་མོ་འདི་ཟ་མི་རུང་། གོན་མི་རུང་། བེད་སྤྱོད་གང་ཡང་མེད། ཡིན་ཡང་ནུབ་ཕྱོགས་པ་ཚོས་འདི་ནི་ཆེ་རྩ་ཆེ་བའི་དངོས་པོར་འདོད་པ་ལགས་སོ། །

3. ལེའོ་ནར་སྒྲོ་ སྒྲ་ ཝེན་སི།
   ཀླུ་སྨྱོན་གྱིས་བསྒྱུར།
   ་་་ ་་་ ་་་
   མི་མང་ཆེ་བས་རླབས་ཆེ་བའི་རི་མོ་མཁས་ཅན་ལེའོ་ནར་སྒྲོ་ སྒྲ་ ཝེན་སི་ཤེས་ཀྱི་ཡོད་པ་རེད། གང་ལྟར་ཁོང་ནི་ཁྱད་དུ་འཕགས་པའི་འབག་བཟོ་བ་དང་རོལ་མོ་བ། སྙན་ངག་པ། ཚན་རིག་པ། རྩིག་བཟོ་བ། བཟོ་ལས་མཁས་པ་བཅས་རེད། ཁོའི་ལས་རིགས་དེས་ཡོ་རོབ་གླིང་གི་སྒྱུ་རྩལ་པ་ཚོར་ཤུགས་རྐྱེན་ཟབ་མོ་ཞིག་ཐེབས་ཡོད་པ་དང་། ཁོའི་ཚན་རིག་དང་མཐུན་པའི་བསམ་བློ་ཁག་ཅིག་ནི་ཁོ་ཚོའི་དུས་རབས་ལས་དུས་རབས་ཁ་ཤས་ཀྱི་སྔོན་དུ་བསླེབས་ཡོད་པ་རེད།
   ལེའོ་ནར་སྒྲོ སྒྲ ཝེན་སི་སྤྱི་ལོ་༡༤༥༢ལོར་ཨེ་ཀྲ་ལིའི་ཧྥུ་ལོ་རེན་སི་དང་ཐག་ཉེ་བའི་ཝེན་སིའི་གྲོང་བརྡལ་ཞིག་ཏུ་སྐྱེས། ཁོའི་ཕ་མ་གཉིས་ཀྱིས་ནམ་ཡང་གཉེན་སྒྲིག་བྱེད་མ་མྱོང་བས། ཁོ་རང་དང་ཁོའི་ཕ་གཉིས་མཉམ་དུ་ཧྥུ་ལོ་རེན་སི་རུ་བསྡད། ལོ་དེ་ཚོའི་རིང་ལ། ཁོ་ལ་མ་ཡར་བཞི་དང་ཕ་མ་མི་གཅིག་པའི་བུ་སྤུན་དང་བུ་མོ་སྤུན་བཅུ་གཅིག་ཡོད། དེ་ཚོའི་ནང་གི་གཅིག་ནི་ཁོ་རང་ལས་ལོ་བཞི་བཅུ་ཞེ་ལྔས་ཆུང་བ་རེད། ལེའོ་ནར་སྒྲོ་ལོ་ན་བཅོ་ལྔ་རུ་སོན་དུས་སྙན་གྲགས་ཅན་གྱི་སྒྱུ་རྩལ་པ་ཞིག་དང་མཉམ་དུ་ལས་ཀ་བསྒྲུབས། ཁོས་རི་མོ་འབྲི་རྩལ་དང་། འབག་བཟོ་བ། རོལ་མོ། རྩིས་རིག ཚན་རིག་བཅས་ལ་སློབ་སྦྱོང་བྱས་ཏེ། ལོ་ན་ཉི་ཤུར་སོན་དུས་ཁོ་རང་རི་མོའི་དགེ་རྒན་ཞིག་ཏུ་གྱུར། ལེའོ་ནར་སྒྲོ་ནི་ཤིན་ཏུ་རིག་པ་ཅན་ཞིག་སྟེ། ཉིན་ཞིག་ཁོའི་དགེ་རྒན་དག་གིས་ཁོའི་སྤུ་སྨྱུག་སར་དབྱུགས་པས་ཁོས་སྐབས་ཐོག་ཅིག་གི་རིང་ལ་རི་མོ་ནམ་ཡང་མ་བྲིས་པ་རེད།
   ཡིན་ན་ཡང་ལེའོ་ནར་སྒྲོ་རླབས་ཆེ་བའི་རི་མོ་བ་ཞིག་ཏུ་གྱུར་པ་དེས་ནམ་ཡང་ཁོའི་སྤྲོ་སྣང་ཅན་གྱི་བྱ་དངོས་གཞན་དག་ལ་བར་ཆད་མ་ཐེབས། ཁོ་ས་ཆ་མི་འདྲ་བ་མང་པོ་ཞིག་ལ་ཞིབ་འཇུག་བྱེད་པར་དགའ་བ་དང་། ཁོ་རང་ཁོས་གང་ཞིག་མཐོང་བ་དེ་ལ་ཤེས་འདོད་ཡོད། མི་མང་པོ་ཞིག་གི་བསམ་པར་ཁོ་ནི་ཆེས་ཐོག་མའི་ཚན་རིག་པ་ཞིག་དང་འདྲ། གང་ཡིན་ཞེ་ན། ཁོ་རང་བྱ་དངོས་དག་འཚོལ་ཞིབ་དང་འགྲེལ་བཤད་རེག་པར་དགའ་མོས་ཡོད། དཔེ་མཚོན་ཞིག་ནི། ཁོ་རང་ནི་ཆེས་ཐོག་མར་མིའི་ལུས་པོར་གཤག་བཅོས་བྱེད་མཁན་གྱི་གྲས་ཤིག་རེད། ཁོས་མི་ལུས་ཀྱི་ཁོག་པ་གཤགས་ནས་དོན་སྣོད་དག་གི་བྱེད་ནུས་ལ་བརྟག་དཔྱད་བྱས། ལེའོ་ནར་སྒྲོ་ཡིས་ཁོའི་བསམ་ཚུལ་རྣམས་དང་བརྟག་དཔྱད་བྱས་པ་དག་ཐོ་དེབ་དག་གི་ངོས་སུ་བྲིས་ཡོད། ཁོའི་ཟིན་ཐོིའི་དེབ་དེ་དག་ཤིང་ནགས་དང་སྲོག་ཆགས། མིའིི་ལུས་པོ་བཅས་ཀྱི་རི་མོ་ལྔ་སྟོང་ལས་བརྒལ་བས་བཀང་ཡོད།
   ལེའོ་ནར་སྒྲོ སྒྲ ཝེན་སི་ནི་རླབས་ཆེ་བའི་གསར་བཏོད་མཁན་ཞིག་ཀྱང་ཡིན་པ་སྟེ། ཁོའི་ཚན་རིག་དང་མཐུན་པའི་ཞིབ་འཇུག་དང་། ཤེས་རབ་ལྡན་པའི་རྩིག་བཟོའི་རིག་གནས། རྩིས་རིག་བཅས་ཀྱིས་ཁོས་དངོས་པོ་གསར་པ་ཇུས་འགོད་བྱེད་པར་ཕན་ཐོགས་བྱུང་། དཔེ་མཚོན་ཞིག་ནི། ཁོས་འཕྲུལ་ཆས་ཤིག་འཕུར་སྐྱོད་བྱེད་བཞིན་པའི་རི་མོ་ཞིག་བྲིས་པ་དེ་ནི་གནམ་གྲུ་གསར་བཟོ་བྱས་པའི་ལོ་ནས་བགྲངས་པའི་ལོ་ངོ་བཞི་བརྒྱའི་ཡར་སྔོན་དུ་རེད། ཁོས་ད་དུང་རླུང་འཁོར་ཇུས་འགོད་ཅིག་དང་། ཅོང་ལྡན་ཆུ་ཚོད་གཅིག དཔེ་ཀློག་བཞུ་མར་ཞིག ཆུ་འཛུལ་དམག་གྲུ་ཞིག ཟམ་པ་ཞིག ད་དུང་གཞན་དག་མང་པོ་ཞིག་བཅས་ཇུས་འགོད་བྱས། ཁྱོན་བསྡོམས་ ལེའོ་ནར་སྒྲོ་ཡིས་གསར་བཏོད་ཁག་ཆིག་སྟོང་ཙམ་བྱས་ཡོད་ཅིང་། སེམས་ཕམ་པ་ཞིག་ལ། ཁོས་རང་གི་བསམ་ཚུལ་མང་པོ་ཞིག་ལག་ལེན་དུ་བསྟར་བར་དུས་ཚོད་ཀྱིས་ལྡེང་མེད་པ་རེད།
   དངོས་ཡོད་གནས་ཚུལ་དང་འདྲ་བར། སྒྲ ཝེན་སི་ཡིས་མགོ་བཙུགས་པའི་ལས་གཞི་མང་པོ་ཞིག་ནམ་ཡང་མཇུག་སྐྱོང་ཐུབ་མེད། ཁོ་རང་གིས་ནམ་རྒྱུན་ཁྱད་དུ་འཕགས་པའི་བསམ་བློ་འཕར་མ་མང་པོ་ཞིག་བཏང་བ་དང་ལས་རིམ་འཆར་འགོད་བྱས་པ་དེ་དག་ནི་ཁོས་བསྒྲུབས་པའི་ལས་ཀ་ལས་མང་གི་རེད། ཁོ་ནི་ཤིན་ཏུ་རླབས་ཆེ་བ་ཞིག་སྟེ། ཁོས་ལས་རིམ་ཞིག་གི་སྤྲོ་སྣང་མགྱོགས་པོར་དོར་བ་དང་ལས་རིམ་གཞན་ཞིག་མགོ་འཛུགས་རྒྱུར་སྒུག་ཐུབ་ཀྱི་མེད། རྒྱུ་མཚན་དེ་ལ་བརྟེན་ནས། ཁོས་རི་མོ་ཧ་ཅང་ཉུང་ཉུང་ལེགས་གྲུབ་བྱས་ཡོད། སྐབས་རེར་མི་རྣམས་ཀྱིས་ཁོ་ལ་རིན་པ་སྤྲད་ནས་རི་མོ་དང་འབག་སྐུ་རེ་འབྲི་བཞེང་བྱེད་པར་བསྐུལ་ན་ཡང་ཁོས་དེ་ལྟར་སྒྲུབ་ཀིན་མེད། མཚམས་རེར་ཁོས་ལས་ཀ་རེ་སྒྲུབ་མགོ་བརྩམས་ན་ཡང་དེ་དག་ནམ་ཡང་མཇུག་སྐྱོང་གི་མེད། མི་འགའ་རེ་དེ་ལྟར་སྒུག་པར་ཐང་ཆད་པ་དང་། ཁོ་ཚོས་མི་གཞན་གིས་གླས་ནས་ཁོའི་ལས་ཀ་དེ་ཚོའི་མཇུག་སྐྱོང་གི་ཡོད།
   ལེའོ་ནར་སྒྲོ སྒྲ ཝེན་སིས་མཇུག་བསྐྱངས་པ་ཁ་ཤས་ཤིག་ཡོད་པ་དེ་དག་ནི་དཔེ་མི་སྲིད་པའི་ཡག་པོ་དང་འགྲན་ཟླ་མེད་པ་འབའ་ཞིག་རེད། ཁོས་དངོས་ཡོད་དང་མཐུན་པའི་རི་མོ་འབྲི་སྟངས་གསར་པ་ཞིག་གི་སྲོལ་བཏོད་པ་རེད། དུས་སྐབས་དེར། ནམ་ཞིག་སྒྱུ་རྩལ་པ་ཚོས་མི་དག་འབྲི་བཞེངས་བྱས་པ་དེ་ཚོ་ནི་སྲོག་དབུགས་མེད་པ་ལྟ་བུ་འབའ་ཞིག་རེད། ནམ་ཞིག་ ལེའོ་ནར་སྒྲོ སྒྲ ཝེན་སིས་འབྲི་བཞེངས་བྱས་པའི་མི་དག་ནི་གསོན་པོ་ལྟ་བུར་ཡོད། ཁོའི་དུས་སྐབས་དེར་སྒྱུ་རྩལ་པ་གཞན་དག་གིས་བྲིས་པའི་མི་དག་དང་སྲོག་ཆགས་དག་ནི་ཁོས་བྲིས་པ་ཇི་བཞིན་ཞིག་མེད། ཁོའི་སྙན་གྲགས་ཆེ་བའི་རི་མོ་སྟེ། མོ་ན་ལིས་ས་ནི་དེའི་དཔེ་མཚོན་ཞིག་རེད། ལེའོ་ནར་སྒྲོ སྒྲ ཝེན་སིས་ལོ་ངོ་བཞིའི་རིང་ལ་མོ་ན་ལིས་ས་བཞེངས་འབྲི་བྱས་པ་དང་། བློ་ཕམ་དགོས་པ་ཞིག་ལ། རི་མོ་འདི་མངགས་འབྲི་བྱེད་མཁན་དེ་རི་མོ་འདི་ལ་དགའ་མོས་མ་བྱུང་བ་དང་རིན་འབབ་ཀྱང་ཁས་བླངས་པ་ ཅི་བཞིན་མ་སྤྲད། གང་ལྟར། ལོ་ངོ་བཅུའི་རྗེས་སུ། ལེའོ་ནར་སྒྲོ སྒྲ ཝེན་སིས་རི་མོ་འདི་ཧྥ་རན་སིའི་རྒྱལ་པོ་ལ་གསེར་སྒོར་བཞི་བརྒྱ་དགུ་ཅུ་གོ་གཉིས་ཏེ་དེང་སྐབས་ཀྱི་ཨ་སྒོར་སྟོང་ཕྲག་སུམ་བརྒྱར་བཙོངས་པ་རེད་ལ། རྒྱལ་པོ་དེས་རི་མོ་དེ་ཧྥ་རན་སིའི་ལུའུ་ཝེར་དུ་བཤམས་སྟོན་བྱས། དུས་སྐབས་འདིར་ཡང་རི་མོ་དེ་སྔར་བཞིན་ད་ལྟ་འགྲེམ་སྟོན་ཁང་ཡིན་པའི་ལུའུ་ཝེར་དུ་བཤམ་སྟོན་བྱེད་བཞིན་ཡོད།
   ནམ་རྒྱུན། སྒྲ ཝེན་སིས་མཆོད་ཁང་དང་དགོན་པ་ལྟ་བུ་ཆོས་ལུགས་ཀྱི་ཁང་ཆེན་དག་གི་ནང་དུ་རི་མོ་བྲིས་ཡོད། སྤྱི་ལོ་༡༤༩༥ལོར། ཁོས་དགོན་པ་ཞིག་གི་ཟས་རོལ་ཁང་གི་རྩིག་ངོས་སུ། མཐའ་མཇུག་གི་དགོང་ཟས་ཞེས་པའི་ཁོའི་རླབས་ཆེ་བའི་རི་མོ་དེ་བྲིས། ཁོས་དེའི་མཇུག་ཡོངས་སུ་གྲུབ་པར་ལོ་ངོ་གསུམ་གྱི་དུས་ཡུན་སྤྱད་དེ་ལེགས་པར་གྲུབ་ཡོད། དེ་བྲིས་མ་ཚར་གོང་ནས་མི་རྣམས་དེ་ལ་ལྟ་བུ་ཡོང་བ་དང་། ཁོ་ཚོས་དེ་ལ་ཡིད་སྨོན་བྱེད་བཞིན་ཡོད་པ་སྟེ། དེས་མི་ཁག་གི་ཚོར་སྣང་གི་ཡུལ་ལྗོངས་ཤིག་བསྟན་ཡོད། དེ་བཞིན་མི་རྣམས་ཀྱིས་སྒྲ ཝེན་སིས་འོད་འབར་བའི་ཚོན་མདངས་བེད་སྤྱོད་བཏང་བ་དེ་ལ་དགའ་མོས་བྱེད། བློ་ཕངས་པ་ཞིག་ལ། རི་མོ་དེ་ལ་རྐྱེན་ངན་ཞིག་བྱུང་། ལོ་ཁ་ཤས་ཀྱི་ནང་ལ། རི་མོ་དེ་རྩིགས་ངོས་ནས་པགས་པ་བཤུས་པ་བཞིན་མར་ལྷུང་ཡོང་བ་རེད། རྗེས་སུ། དགོན་པའི་ནང་ལ་སྡོད་པའི་མི་དག་གིས་རི་མོ་དེའི་གཡས་ངོས་སུ་སྒོ་ཞིག་བཏོད་པ་རེད། དེ་བཞིན་ཕྱི་རྒྱལ་གྱི་དམག་མིས་རྡོ་གཞུས་ཏེ་ཏོག་ཙམ་མ་གཏོགས་མཐའ་མཇུག་གི་དགོང་ཟས་རྩ་མེད་དུ་བཏང་བ་རེད། སྟབས་ལེགས་པ་ཞིག་ལ་དེ་ལ་ཡང་སྐྱར་ཉམས་གསོ་བྱས་ཡོད།
   ལེའོ་ནར་སྒྲོ སྒྲ ཝེན་སི་ནི་ཁོའི་སྒྱུ་རྩལ་གྱི་འཇོན་ཐང་དང་ས་ཆ་མང་པོར་ཁྱབ་པའི་རིག་རྩལ་ལ་ཡིད་སྨོན་བྱེད་ཡུལ་གྱི་རླབས་ཆེན་མི་སྣ་ཞིག་རེད། གང་ལྟར། མི་ཁག་ཅིག་གིས་ཕལ་ཆེར་ཁོ་ནི་མི་ཁྱད་མཚར་ཁ་ཁུ་སིམ་པོ་ཞིག་རེད་བསམས་ཡོད། ཁོ་ནི་མི་འཐོམ་གཞི་ཞིག་དང་ལྐོག་གྱུར་ཅིག་རེད། ཁོས་རང་གི་ཟིན་དེབ་ཀྱི་ངོས་སུ་རྒྱབ་མདུན་བསློགས་པའི་ཡི་གེ་མང་པོ་ཞིག་བྲིས་ཡོད་པས་མི་སུས་ཀྱང་དེ་དག་ཀློག་མི་ཐུབ། མི་ཁ་ཤས་ཀྱི་བསམ་པར་དེ་དག་ནི་ཁོའི་སྒྱུ་མའི་ངན་སྔགས་ཀྱི་གྲས་སུ་གཏོགས་པའི་ཚན་རིག་དང་མཐུན་པའི་ཚོད་ལྟ་ཁག་ཅིག་རེད། དེ་བཞིན་ཁོ་ནི་ལག་པ་གཡོན་པ་བེད་སྤྱོད་གཏོང་མཁན་ཞིག་ཡིན། དུས་སྐབས་དེར། མི་རྣམས་ཀྱིས་གཡོན་ལག་ནི་བདུད་ཀྱི་མཚོན་རྟགས་ཤིག་ཏུ་ཡིད་ཆེས་བྱེད།
   མི་མང་ཆེ་བས་སྒྲ ཝེན་སི་ལ་དགའ་མོས་དང་ཡིད་ཆེས་བྱེད། ཁོ་ནི་མི་སྟོབས་ཤུགས་འཛོམས་པོ་དང་ཕ་སྒོ་ཡག་པོ་ཞིག་རེད། དེ་བཞིན་ཁོ་ནི་རང་གི་གྲོགས་པོ་ཕྱུག་པོ་དང་དབུལ་བོ་གཉིས་ཀའི་ཕྱོགས་སུ་གཏོང་ཕོད་ཅན་ཞིག་ཀྱང་རེད། ཡིན་ན་ཡང་། ཁོས་ནམ་ཡང་གཉེན་སྒྲིག་བྱས་མེད་པ་རེད། ཁོས་བུ་སྐལ་ཞིག་བླངས་པ་དང་འབྲེལ་ཁོ་ནི་ཕ་ཚབ་ཤིན་ཏུ་ཡག་པོ་ཞིག་རེད། མི་རྣམས་ཀྱིས་ཁོ་རང་གསོལ་སྟོན་ལ་མགྲོན་འབོད་བྱེད་ཅིང་། རྒྱུ་མཚན་ནི་ཁོ་རང་བག་ཕེབས་སེམས་གཡེང་བྱེད་མཁན་ཧ་ཅང་མཁས་པ་ཞིག་རེད། ཁོས་སྤྲོ་སྣང་ལྡན་པའི་བྱ་དངོས་ཀྱི་སྐོར་ཤོད་པ་དང་མི་རྣམས་ཁོའི་སྤྱང་གྲུང་འཛོམས་པའི་བསྟན་བཤིག་ཚ་བོར་གད་མོ་ཤོར་གྱི་ཡོད། དེར་མ་ཟད་ཁོ་ནི་རོལ་མོ་མཁས་ཅན་ཞིག་ཀྱང་རེད། ཁོས་གཞས་སྙན་པོ་གཏོང་བ་དང་འབྲེལ་རང་གིས་གསར་བཟོ་བྱས་པའི་རོལ་ཆ་ཞིག་བཀྲོལ། སྒྲ ཝེན་སིས་ནམ་རྒྱུན་གྱོན་ཆས་གྲ་དག་གིས་གྱོན། ཡིན་ན་ཡང་། ཁོ་རང་རྒྱུན་ལྡན་མིན་པའི་གྱོན་ཆས་གྱོན་རྒྱུན་དགའ། ཁོས་མི་གཞན་དག་གིས་ལྭ་པ་རིང་པོ་གྱོན་པའི་དུས་སུ་ལྭ་བ་ཐུང་ཐུང་གྱོན་པ་དང་། ཁ་དོག་དམར་སྐྱ་ལ་དགའ་བོ་ཡོད།
   ལེའོ་ནར་སྒྲོ སྒྲ ཝེན་སི་ལ་ཁོ་རང་འཚོ་གཞེས་སྐབས་གཞན་དང་མི་མཚུངས་པའི་ཉིན་རེའི་འཚོ་བ་སྐྱེལ་སྟངས་ཤིག་ཡོད། ནམ་ཞིག་མི་མང་པོ་ཞིག་དེ་ལྟར་མེད་ཀྱང་ཁོ་ནི་ཤིན་ཏུ་གཙང་མ་ཞིག་ཡིན། ཁོ་རང་ཐ་ན་ཚོན་རྩི་ཁོ་རང་གི་མཛུབ་མོའི་རྩེ་མོར་འགོས་པ་ལ་ཡང་འདོད་མོས་མེད། དེ་བཞིན་ཁོ་རང་དཀར་ཟས་འབའ་ཞིག་ཟ་མཁན་ཞིག་རེད། རྒྱུ་མཚན་ནི་ཁོ་རང་སྲོག་ཆགས་གསོད་པར་འདོད་མོས་མེད་མཁན་ཞིག་རེད། ཁོས་བྱེའུ་དག་ཉོ་བ་དང་འབྲེལ་ལམ་སེང་དེ་ཚོ་ཀློད་གྲོལ་གཏོང་བ་དང་དེ་ཚོའི་འཕུར་སྟངས་ལ་སློབ་སྦྱོང་བྱེད་མཁན་ཞིག་རེད།
   ཁོ་རང་འཚོ་གཞེས་ཀྱི་དུས་སྐབས་དེར། སྒྲ ཝེན་སིས་ཨི་ཀྲ་ལིའི་གྲོང་ཁྱེར་ཁྱད་དུ་འཕགས་པ་ཚོར་འགྲུལ་བཞུད་བྱས་པ་དང་ལས་རིགས་མི་འདྲ་བ་མང་པོ་ཞིག་བསྒྲུབས་པ་རེད། ཐེངས་ཤིག ཁོས་ལས་ཀ་ཞིག་འཚོལ་བའི་སྐབས་སུ། ཁོས་རང་གིས་བྱེད་ཐུབ་པའི་ལས་རིགས་མི་འདྲ་བ་སུམ་ཅུ་སོ་དྲུག་ཐོ་འགོད་བྱས་པ་རེད། དེ་བཞིན་ཁོས་རྩིག་བཟོ་དང་ཨར་ལས་འཆར་འགོད་བྱེད་མྱོང་། ཁོས་ཁང་བརྩེགས་དང་ཡུར་བུ་ཁག་ཅིག་ཇུས་འགོད་བྱས་ཤིང་། ཇི་ལྟར་བྱས་ནས་གཙང་པོའི་ཕྱོགས་བསྒྱུར་ཐབས་སྐོར་ཡང་འཚོལ་ཞིབ་བྱས། ཐེངས་གཅིག་ལ། ཁོས་མ་ཡེ་ལན་གྱི་སྒྲུ་ཁུའི་དམག་མིའི་སློབ་སྟོན་པ་ཡང་བྱས།
   ཚེ་མཇུག་ཏུ། ལེའོ་ནར་སྒྲོ སྒྲ ཝེན་སི་ཨི་ཀྲ་ལིའི་རྒྱལ་ས་རོམ་ལ་ཕྱིན་ཏེ་ཡེ་ཤུའི་བླ་ཆེན་པོབ་ཀྱི་ཆེད་དུ་ལས་དོན་བསྒྲུབས། གང་ལྟར་ཁོ་རང་དེ་རུ་སྐྱིད་པོ་མ་བྱུང་། རྒྱུ་མཚན་ནི། མི་རྣམས་ཀྱིས་སྒྱུ་རྩལ་པ་ལོ་གཞོན་ཚོར་ཁོ་རང་ལས་ལྷག་པའི་ལས་ཀ་སྤྲད་པ་རེད། ལེའོ་ནར་སྒྲོ སྒྲ ཝེན་སི་རྒས་བཞིན་པ་དང་འདྲ་བར་ཁོ་རང་ཁེར་རྐྱང་དུ་སྡོད་རྒྱུ་མང་ནས་མང་དུ་ཕྱིན། ཡིན་ན་ཡང་། མི་རྣམས་ཀྱིས་ཁོ་རང་ལ་ཡིད་སྨོན་བྱེད་ཅིང་། མང་པོ་ཞིག་གིས་ཁོ་རང་ཤེས་ཚོར་མེད་པ་དང་རྒྱུ་མཚན་ནི་ཁོའི་བསམ་ཚུལ་དག་ནི་ཁོ་རང་གི་དུས་སྐབས་དང་བར་ཐག་ཤིན་ཏུ་རིང་བས་སོ།། ལེའོ་ནར་སྒྲོ སྒྲ ཝེན་སིས་ཁོའི་མཐའ་མཇུག་གི་ལོ་དེ་ཚོ་ཧྥ་རན་སིའི་རྒྱལ་པོ་དང་པོ་ཧྥ་རན་སིའི་སི་དང་པོ་Francis lལ་ལས་ཀ་བྱེད་པར་བཏང་། ཁོས་རྩིགས་བཟོའི་ཇུས་འགོད་དང་ཨར་བཟོའི་ལས་རིམ་བཟོས་པ་དང་། རང་གི་བསམ་ཚུལ་དང་མཐུན་པའི་རྒྱལ་པོའི་སྤྲོ་སྐྱིད་ལ་རོལ། དེ་བཞིན་ཁོས་རང་གི་ཟིན་ཐོའི་དེབ་ཀྱི་ཕྱིར་དུ་ཡང་ལས་ཀ་བྱས་ཤིང་། ཁོ་རང་གྲོངས་པའི་རྗེས་སུ་དེ་དག་པར་སྐྲུན་བྱེད་ཐུབ་ཡོད། སྤྱི་ལོ་༡༥༡༩ལོའི་ཟླ་གསུམ་པའི་ཚེས་གཉིས་ཉིན་ ལེའོ་ནར་སྒྲོ སྒྲ ཝེན་སི་ཞི་བདེའི་ངང་གྲོངས་ཤིང་དེ་དུས་ཁོང་ལོ་ན་དྲུག་ཅུ་རེ་བདུན་ལ་བསླེབས་ཡོད། །

4. འདི་ཐེ་བའི་འཛམ་གླིང་ནང་གི་རི་མོ་གྲགས་ཅན་ཁག་ལོ་རབས་དགུ་བཅུ་བའི་ནང་སྦྲང་ཆར་དུས་དེབ་ནང་བཀོད་ཡོད། ལོ་ཙཱ་བ་གྲུ་ཆར་ཞེས་པ་ཡིན་པ་ཡོད། སྨྱུག་མིང་དེ་གསལ་བོ་དྲན་གི་མི་འདུག
   བོད་ཡིག་ནང་སྔར་བསྒྱུར་མེད་པའི་རིགས་མུ་མཐུད་བསྒྱུར་ཐུབ་ན་ལེགས། བསམ་ཚུལ་ཙམ་ཡིན།

5. ཐེ་བོ་སང་རྒྱས་ཁྱོད་ལ་མཐོང་རྒྱ་ཆེ་གི་་་ངས་ཀྱང་གོང་གི་འདི་ཀློག་མགོ་མ་བཙུགས་པའི་སྔོན་དུ་མཐོང་བའི་ཁ་བྱང་ལས་ཁྱོད་ཀྱི་བསམ་ཚུལ་དེ་དྲན་སོང་། དེ་མིན་སློབ་འབྲིང་སྐབས་སུ་འདི་ནི་སློབ་ཚན་ནང་དུ་ཡོད་པ་ཞིག་དྲན་གྱི་འདུག འོན་ཀྱང་ཇི་ལྟར་འགྲེལ་བརྗོད་གནང་བའི་དྲན་པ་གཏིང་ནས་ཡལ་འདུག
   བསྒྱུར་མཁན་གྱིས་དཀའ་ལས་རྒྱབ་འདུག དེ་ཡང་བོད་ཀྱི་བཤད་སྲོལ་ཞིག་ལ་དགེ་བར་གྱུར་ཅིག་་ཧཧཧཧ

6. ལེའོ་ནར་སྒྲོ་ སྒྲ་ ཝེན་སི།
   ཀླུ་སྨྱོན་གྱིས་བསྒྱུར།
   ་་་ ་་་ ་་་
   མི་མང་ཆེ་བས་རླབས་ཆེ་བའི་རི་མོ་མཁས་ཅན་ལེའོ་ནར་སྒྲོ་ སྒྲ་ ཝེན་སི་ཤེས་ཀྱི་ཡོད་པ་རེད། གང་ལྟར་ཁོང་ནི་ཁྱད་དུ་འཕགས་པའི་འབག་བཟོ་བ་དང་རོལ་མོ་བ། སྙན་ངག་པ། ཚན་རིག་པ། རྩིག་བཟོ་བ། བཟོ་ལས་མཁས་པ་བཅས་རེད། ཁོའི་ལས་རིགས་དེས་ཡོ་རོབ་གླིང་གི་སྒྱུ་རྩལ་པ་ཚོར་ཤུགས་རྐྱེན་ཟབ་མོ་ཞིག་ཐེབས་ཡོད་པ་དང་། ཁོའི་ཚན་རིག་དང་མཐུན་པའི་བསམ་བློ་ཁག་ཅིག་ནི་ཁོ་ཚོའི་དུས་རབས་ལས་དུས་རབས་ཁ་ཤས་ཀྱི་སྔོན་དུ་བསླེབས་ཡོད་པ་རེད། ་་་་་་་་་་་་་

   ་་་་་་་་་་ #2 རྟ་བདུན་དབང་བོ ་ལགས་ཀྱིས་སྤེལ་དོན།:
   January 17th, 2016 at 2:23 pm
   རི་མོ་འདིའི་རིན་གོང་ ༡༩༦༢་ལོར་ཨ་སྒོར་ས་ཡ་བརྒྱ་ཙམ་རེད། ད་ལྟ་ཨ་སྒོར་ས་ཡ་༧༨༢ ཡས་མས་རེད། འདི་ནི་དངོས་ཡོད་གནས་ཚུལ་རེད། ་་་་་་་་་་་་་་་་་

7. མགོ་སེར་གྱིས།
   མཱོ་ན་ལེ་ས་ནི་ལཱོ་ན་འར་ཏཱོ་ངྷ་བན་སིས་ཕྱི་ལོ་༡༥༠༣ ནས་ ༡༥༠༦ གི་བར་དུ་བྲིས་པ་རེད།
   བོད་པ་དགེ་འདུན་ཆོས་འཕེལ་གྱིས།
   དེང་དུས་རི་མོ་ཐོག་མ་ ༡༩༢༥ ནས་ ༡༩༤༥ བར་བྲིས་པ་དེ་དག་རེད། ད་ཁྱད་པར་ཤེས་སོང་ངམ།

8. ཀླུ་སྨྱོན་གྱིས་གསལ་བཤད་ཡག་པོ་འདུག་བཀའ་དྲིན་ཆེ།

9. མིག་གི་མཐོང་སར་མིག་འབྲི་བ།
   https://www.facebook.com/Desenhos.info/videos/872280042850138/

10. ངས་ནི་རི་མོ་འདིར་ཇི་ལྟར་བལྟས་ཀྱང་གསོན་ཉམས་ལྡན་པ་ཞིག་གཏན་ནས་མཐོང་ཐུབ་ཀྱི་མི་འདུག ལྷག་པར་དུ་མོ་རང་ལོ་ཚོད་ཉེར་བཞི་ཙམ་ཡིན་རྒྱུ་ལ། པར་ལ་བལྟས་ན་སུམ་ཅུའི་སྨད་འདྲ་བོ་འདུག གཞན་ཡང་མོའི་པར་འདི་ལ་མཛེས་ཉམས་དོད་པོ་ཞིག་གཏན་ནས་རེད་མི་འདུག པར་འདི་ལ་རིག་བྱེད་མས་བྱིན་གྱིས་བརླབས་ཡོད་པ་གསལ་པོ་རེད་འདུག དེ་མིན་ཁོང་བྲིས་མཁན་སྒྱུ་རྩལ་ལ་མཁས་པ་ཡིན་ཀྱང་དེ་ལྟ་བུ་ཐུན་མོངས་མ་ཡིན་པ་ཞིག་ཁོང་རང་ངོས་ནས་མི་འདུག །

11. རི་མོ་འདི་ངས་དངོས་སུ་མདུན་ནས་མཐོང་མྱོང་ཡོད།ཡིན་ཡང་ངས་རི་མོའི་སྒྱུ་རྩལ་ལ་བལྟ་མ་ཤེས་ཡིན་ནམ།འདི་འདྲའི་སྐད་གྲགས་ཆོད་པའི་རྒྱུ་མཚན་ཞིག་རྙེད་མ་སོང་།སྐད་གྲགས་ཆོད་པ་ལ་རྒྱུ་མཚན་འདྲ་མིན་བཤད་སྲོལ་འདུག

12. བོད་པས་དེང་དུས་རི་མོ་ལ་ཤུགས་རྒྱབ་དགོས་མི་འདུག་གམ། འདིར་ལན་ཅིག་གཟིགས་དང་།
    https://www.facebook.com/drawingthesoul/videos/1198750560150239/