རང་རྟོན།
ཉེ་ལམ་ན་གཞོན་པ་རྩོམ་སྒྲིག་ཁང་གི་ན་གཞོན་རྩོམ་པ་པོ་དུར་ཁྲོད་དང་སྙུག་བཅུད་ལེན་གཉིས་ཀྱིས་རྩོམ་སྒྲིག་བྱས་པའི་༼ཞོགས་དུང་སྙིང་སྟོབས།༽ཟེར་བའི་དེབ་ཞིག་སྤྱི་ཚོགས་སུ་བཀྲམས་ཡོད་འདུག་ལ། དེབ་དེ་ནི་བོད་ཕྱི་ནང་གཉིས་ཀྱི་ན་གཞོན་རྩོམ་པ་པོ་འགར་རྩེ་འཇིག་མེད། ཨ་རིག་དགེ་མཐོང་། འོད་འཛིན། རང་རྟོན། མྱི་གསོན་པོ། ཨོམ་སྲས་བདེ་གྲོལ། སྙུག་བཅུད་ལེན། སྒེའུ་ཁུང་། དུར་ཁྲོད། ཁྲོ་གཏུམ། སྒོ་ཡོན། སྲིན་པོ། རྣོ་སྤྲེང་། ཨོ་རྒྱན་ཉི་མ། བིས་མདོ་བ་ཆོས་སྐྱོང་སོགས་ཀྱིས་རྩོམ་པ་པོ་གྲགས་ཅན་སྐུ་ཞབས་ཞོགས་དུང་ལགས་ཀྱི་མི་གཞིའི་བསམ་བློ་དང་སྙིང་སྟོབས། དཔྱོད་ཤེས། རིགས་ཞེན།སྤོབས་པ་སོགས་གླེང་བའི་དེབ་ཞིག་རེད།
ང་རང་གི་ཞི་བའི་གོམ་བགྲོད་འདི་འགོ་བཙུགས་སྟེ་ཉིན་གྲངས་ཁ་ཤས་ཤིག་ལས་མ་སོང་བའི་མཚན་མོ་ཞིག་ལ་རྒྱ་གར་བུད་མེད་ཅིག་གིས་ང་ལ་ཁ་པར་འབྱོར། ཁོ་མོས་ང་ལ་ཁྱོད་རང་བོད་བསྐྱོད་གོམ་བགྲོད་པ་ཚེ་བརྟན་རྡོ་རྗེ་ཡིན་ནམ་གསུངས། ཡིན་ཞེས་ལན་བཏབས་དུས། ང་རང་ལ་ཁྱེད་མ་བུ་གསུམ་གྱི་ཞི་བའི་འཐབ་རྩོད་འདི་ལ་རྒྱབ་སྐྱོར་ཡོད་པ་མ་ཟད། ད་དུང་། ཁོ་མོས་ཞལ་འདེབས་འབུལ་འདོད་ཡོད་ན་ཇི་ལྟར་འབུལ་དགོས་མིན་གྱི་སྐོར་ནས་ང་ལ་ཡང་དང་བསྐྱར་དུ་བཀའ་འདྲི་ཞུས་པའི་ལན་དུ། ངེད་མ་བུ་གསུམ་ལ་གནས་སྐབས་རིང་ཟས་སོང་སོགས་ཀྱི་དཀའ་ངལ་གང་ཡང་མེད་པའི་སྐོར་ཁོ་མོ་ལ་ཞུས་དུས། ཁོ་མོས་ང་ལ་དཀའ་ངལ་ག་དུས་འཕྲད་ན་ཁོ་མོའི་ཁ་པར་སྒོ་ཆུ་ཚོད་ཉེར་བཞིའི་རིང་དུ་ང་ཚོ་ལ་ཕྱེ་ཡོད་གསུངས་སོང་།
རེ་བའི་ན་ཟུག་གི་སྨྲེ་སྔགས་འབྱིན་པ་ཨ་མདོའི་མུ་ཏོ་བ་ཞིག་གིས་ཚོར་འདུ་དྲག་པོས་མ་བཟོད་པར་རྒྱལ་སྤྱིའི་ལས་ལ་སྤྲང་སྡུག་གི་ཚུལ་གྱིས་ཁོ་བོ་ཅག་གི་རེ་འདུན་གཟུགས་རིས་སུ་བཀོད་དེ་འཕགས་ཡུལ་དུ་སྤྲིངས་བ་དེ་ཡི་བརྗོད་ཚིག་ཇི་ལྟ་བ། རྒྱ་བོད་མཚམས་ཀྱི་གནད་དོན་ཉོག་ཟིང་གི་རྣམ་པ་ཅན་དེ་ག་རྨེག་མེད་ཉིད་དུ་སངས་སྟེ། སྐམ་ས་ཆེན་པོའི་མི་རིགས་དམངས་ཚོགས་འདི་རྣམས་སྲིད་ན་མངོན་པར་མཐོ་ཆེད་ཆོས་མཐུན་གྱིས།