གསར་འགོད་པ་རྡོ་རྗེ་ཚེ་རིང་གིས།
སྤྱི་ཟླ་༡ཚེས་༧རེས་གཟའ་སྤེན་པ།
ཕྱི་དྲོར་ཆུ་ཚོད་༧གྱི་སྟེང་བོད་ཀྱི་ན་གཞོན་དེང་རབས་གཞས་པ་བློ་ཚེ་བརྟན་དང་རྟ་མགྲིན་ཚེ་བརྟན། འཇམ་དབྱངས་བཀྲ་ཤིས། བློ་བཟང་བདེ་ལེགས། ཡེ་ཤེས་ནོར་བུ། བསྟན་འཛིན་ཆོས་རྒྱལ། སོག་ཤོད་དར་རྒྱས། བསྟན་ནོར་སོགས་ཀྱིས་འདི་ག་རྡོར་གདན་༼རྙིང་མ་དགོན་པའི་ཉེ་འགྲམ་༽དུ་༼སེམས་ཤུགས་ཆིག་སྒྲིལ་གླུ་གཞས་དགོང་ཚོགས་༽ཞེས་པའི་རིག་རྩལ་སྤྲོ་ཚོགས་ཤིག་བཀོད་སྒྲིག་བྱས་ཡོད་པ་དང་ནང་འཛུལ་འཛིན་བྱང་༼པ་སེ་༽གཅིག་རེར་ཧིན་སྒོར་༥༠ རེད་འདུག་ལ་དེར་འདུས་ཀྱི་མི་དམངས་གྲངས་འབོར་ཆིག་སྟོང་མ་ཟིན་ཙམ་ཞིག་ཡོད་འདུག
གཤམ་དུ་གསར་འགོད་པས་དེང་རབས་ན་གཞོན་གཞས་པ་ཁ་ཤས་སུ་༼ད་ལན་གྱི་གླུ་གཞས་དགོང་ཚོགས་འདིའི་དགོས་པ་དང་དམིགས་ཡུལ་ཅི་ཡིན་དྲིས་པར།༽
མགོ་ལོག་དར་ལག་རྫོང་གི་བཟོད་པ་སྤྲུལ་སྐུས་རང་ལུས་མེར་སྲེག་བཏང་འདུག
དེ་རིང་ཞོགས་པ་ཆུ་ཚོད་དྲུག་པ་ཙམ་ལ། མགོ་ལོག་དར་ལག་རྫོང་གི་རྫོང་ཐོག་ནས་དགུང་ལོ ༤༢ སོན་པའི་བཟོད་པ་སྤྲུལ་སྐུས་རང་ལུས་མེར་སྲེག་བཏང་འདུག ཁོང་གི་མཚན་དངོས་ལ་བསོད་ནམས་རྒྱལ་མཚན་ཞུ་ཞིང་། ཁོང་ནི ༢༠༠༩ ནས་རྩིོས་ན་རང་ལུས་སྲེག་མཁན་གྱི་མི་ ༡༦ པ་དང་། ༢༠༡༢ ལོ་ནས་རྩིས་ན་མི་གསུམ་པ་ཆགས་ཡོད། རང་ལུས་མེར་སྲེག་སྐབས་ཁོང་གི་ཞལ་ནས་” བོད་རང་དབང་ཡིན། རྒྱལ་བ་རིན་པོ་ཆེ་སྐུ་ཚེ་ཁྲི་ལོར་བརྟན་པར་ཤོག་”ཅེས་སྐད་འབོད་གནང་འདུག་པ་དང་།…
དེ་ལས་མང་བ་། “མགོ་ལོག་དར་ལག་རྫོང་གི་བཟོད་པ་སྤྲུལ་སྐུས་རང་ལུས་མེར་སྲེག་བཏང་འདུག” »
ཏཱ་ལའི་བླ་མར་གནོད་འཚེ་བྱེད་རྩིས་འདུག།
བཙན་བྱོལ་ལ་ཡོད་པའི་བོད་མིའི་དབུ་ཁྲིད་ཏཱ་ལའི་བླ་མ་མཆོག་ལ་འཇིགས་སྐུལ་གནོད་འཚེ་བྱེད་རྩིས་འདུག་ཟེར། དེ་ནི་རྒྱ་གར་གྲོང་ཁྱེར་མུམ་བྷེ་ལ་ཡོད་པའི་གསང་བའི་ལས་ཁུངས་ནས་གནས་ཚུལ་ཤེས་རྟོགས་བྱུང་བ་སྔོན་བརྡའི་ཚུལ་དུ་ཕྱི་བསྒྲགས་བྱས་བ་དང་། རྒྱ་གར་གསང་བའི་མི་སྣས་བརྗོད་དོན། རྒྱ་ནག་གི་ཕྱི་བསྐྱོད་ལག་འཁྱེར་ཡོད་པའི་བོད་མི་བཀྲ་ཤིས་ཕུན་ཚོགས་གཙོས་མི་དྲུག་ཙམ་རྒྱ་གར་ལ་འཛུལ་ནས། བཙན་བྱོལ་བོད་མིའི་གསང་བའི་གནས་ཚུལ་མཁོ་བསྒྲུབ་བྱེད་རྒྱུའི་ཐོག་གཙོ་བོ་བོད་མིའི་དབུ་ཁྲིད་ཏཱ་ལའི་བླ་མ་མཆོག་ལ་འཇིགས་སྐུལ་གནོད་འཚེ་བྱེད་རྩིས་ཡོད་པ་ཤེས་རྟོགས་བྱུང་། ད་ཆ་ཁོང་ཚོའི་གནས་ཚུལ་ཐད་དོ་སྣང་ཆེན་པོ་བྱེད་བཞིན་པ་ཡིན་ཚུལ་སོགས་བརྗོད་འདུག། ཞིབ་ཕྲ་གཤམ་གྱི་དྲ་བྱང་ནས་གཟིགས་རོགས
བགྲོ་གླེང་གསལ་བསྒྲགས།
རྒྱ་ཆེའི་མང་ཚོགས་དང་ཀློག་མཁན་རྣམས་པ་ལགས། ཐེངས་འདིའི་དུས་དབང་སྐབས་སོ་གཉིས་པའི་གོ་སྐབས་འདི་དང་བསྟུན་ནས། སུད་སི་གནས་སྡོད་བོད་ཀྱི་མི་རབས་གསར་བའི་མཐུན་ཚོགས་ཀྱི་གོ་སྒྲིག་འོག བཀའ་བློན་ཁྲི་ཟུར་སློབ་དཔོན་ཟམ་གདོང་རིན་པོ་མཆོག་གདན་དྲངས་ཏེ། མཐུན་སྒྲིལ་ནི་མ་འོངས་པའི་སྲོག་རྩ་ཡིན་ཟེར་བའི་བརྗོད་གཞིའི་ཐོག་གསུང་བཤད་བཀའ་དྲིན་སྐྱོང་རྒྱུ་ཡིན་ན། རྒྱ་ཆེ་མི་མང་རྣམས་དུས་ལྟར་ཕེབས་གནང་ཡོང་བའི་རེ་སྐུལ་ཞུ།
དུས་ཚོད། སྤྱི་ལོ༢༠༡༢ཟླ ༡ ཚེས ༡༠ཉིན་གྱི་ཉིན་རྒྱབ་ཆུ་ཚོད་ ༦།
ས་གནས། རྡོར་གདན་མཆོད་རྟེན་ཆེན་མོའི་ཉེ་འགྲམ།
ལུང་གིས་ཟིན་པའི་དགེ་སློང་།
སྐྱོ་བྲག་དགའ་དབང་།
སངས་རྒྱས་ཀྱི་བཀའ་ལུང་གིས་ཟིན་པའི་གང་ཟག་དག་ནི་སྐྱེས་བུ་དམ་པ་ཡིན་པའི་ངོས་འཛིན་གྱིས་ལུང་ལ་འཚང་ཁ་བྱེད་ཅིང་། སྙིང་ཁམས་ཆེ་བ་འགས་ནི་ལུང་རྫུན་བཟོ་ཡང་བྱས་ཡོད། འོན་ཏེ་དོན་དངོས་ལ་ལུང་གིས་ཟིན་ཚད་བཟང་པོ་ཞིག་མིན་པར་ངན་པ་ཡང་ཡོད་དེ། ད་ལྟའི་དགེ་སློང་ཚོའི་གཤིས་སྤྱོད་ལ་བལྟས་ན་ཏིང་འཛིན་རྒྱལ་པོའི་མདོ་ལུང་གིས་གསལ་པོར་ཟིན་པའི་དགེ་སློང་ཤ་སྟག་ཏུ་མངོན་ཅིང་། འདིའི་དགེ་སློང་ནི། དགེ་སློང་ལ་རབ་ཏུ་གཅེས་པའི་མདོ་ལས། སྒྲ་འཇུག་རྣམ་པར་ཟད་ཕྱིར་དང་། །དགེ་བ་སློང་དང་ཟས་སློང་དང་། །ཞི་བར་གནས་དང་ལམ་ཞུགས་དང་། །ལེགས་པར་འཚོ་དང་ཆགས་སྤངས་དང་། །ཡིད་འོང་ཕྱིར་ན་དགེ་སློང་ངོ་། །ཞེས་པའི་དགེ་སློང་ངོ་མ་དེ་མིན་པར། དབྱེ་བ་མིང་གི་དགེ་སློང་གང་ཡིན་དང་།
ནམ་མཁའ་རིན་པོ་ཆེ་མཆོག་ལ་བཅར་འདྲི།
བོན་རྒྱ་བསྟན་འཛིན་རབ་རྒྱས།
དྲི་བ། རིན་པོ་ཆེ་སྐུ་བདེ་མོ།
ལན། ང་བདེ་མོ་ཡིན་ལགས།
དྲི་བ། ཉེ་བའི་ཆར་གདུང་སྲས་ཕྲིན་ལས་ནོར་བུ་རིན་པོ་ཆེ་མཆོག་ཞལ་མ་བཞུགས་པའི་ཡིད་སྐྱོའི་གནས་ཚུལ་ཐོན་འདུག་དེའི་སྐོར་ངོ་སྤྲོད་ཐུང་ཐུང་ཞིག་གནང་རོགས།
ལན། ལགས་སོ་དེ་ངོ་མ་རེད་ལགས། སྤྱིར་རྒྱལ་བསྟན་སྤྱི་དང་དགོས་སུ་སྔ་འགྱུར་རྙིང་མ་པ་ཡོངས་ལ་ཧ་ཅང་གི་བློ་ཕམ་ཆེན་པོ་བྱུང་ལགས། བོད་ཟླ་༡༡ པའི་ཚེས་༣ ལ་ཨ་རི་ནས་དགོངས་གཞན་དོན་དུ་གཤེགས་པའི་མཛད་པ་ཐ་མ་དེ་བསྟན་པ་རེད། ད་ལྟ་འཛམ་གླིང་གང་སར་སྐྱབས་རྗེ་རིན་པོ་ཆེ་མཆོག་གི་ཆོས་བརྒྱུད་འཛིན་མཁན་ཡོངས་ཀྱིས་རང་ནུས་གང་ཡོད་ཀྱིས་འདས་མཆོད་ཀྱིས་མཆོད་འབུལ་ལ་བརྩོན་བཞིན་ཡོད་ལགས།
ཆོས་ཀྱི་ར་བ་ན།
མུ་ཏིག་གིས།
༡
རྡོར་གདན་དུ་མི་ཚོགས་ཀྱི་འཚང་ཁ་ཆེ་རུ་ཕྱིན། ཆོས་ཞུ་མཁན་ནི་ཉིན་རེ་ནས་ཉིན་རེར་ཇེ་མང་རེད། ཨ་ཁུ་བསོད་ནམས་མི་ཚོགས་ཀྱི་འཚང་ཁ་ལས་བྱང་ཆུབ་མཆོད་རྟེན་ལ་སྐོར་བ་ག་ཚོད་བརྒྱབ་པ་ཁོ་རང་ལའང་གསལ་བོ་ཞིག་བཤད་རྒྱུ་མི་འདུག བྱང་ཆུབ་མཆོད་རྟེན་ནས་ཁོའི་སྡོད་ཁང་བར་དུ་རྣ་ལམ་དུ་ཡང་ཡང་གྲགས་ཡོང་བ་ནི།
“བག་ལེབ་གཟིགས།”
“ཚགས་པར་གཟིགས།”
“དེབ་གཟིགས།”
སྤྱི་ཚོགས་ནང་ཆེས་ཉམ་ཆུང་བའི་ཚོང་འབོད་དེ་ཚོ་རེད། བྱང་ཆུབ་ཤིང་གི་ལོ་འདབ་དག་ནི་དབང་ཞུ་མཁན་ཚོར་བསུ་མ་བྱེད་པ་དང་འདྲ་བར་གང་ནས་བལྟས་ནའང་ལྗང་ལོ་ལྷབ་ལྷུབ་ཏུ་གཡོ།
མེ་ལྕེ་སླར་ཡང་བོད་ནས་མཆེད། དྲན་སྐུལ་སླར་ཡང་བོད་ནས་སླེབས་བྱུང་།
བོད། ཤ་ཁྲག་རུས་གསུམ།
བོད་མི་མི་རེ་ངོ་རེ་ནས་བསམ་བློ་ཞིབ་དུ་གཏོང་གི་ཡོད་ངེས་རེད། ཡང་བོད་མི་ཞིག་གིས་རང་ལུས་མེ་བསྲེག་བཏང་འདུག་ཟེར་ནས་གསར་འགྱུར་རེ་རེ་བཞིན་ཀློག་ཐེངས་རེར། ཚང་མས་རང་རང་བོད་མི་ཞིག་ཡིན་པ་དྲན་ཡོད་ངེས་རེད། དྲན་དུའང་བཅུགས་ཡོད་ངེས་རེད། བོད་མི་དག་བོད་ཡུལ་དུ་གནས་པ་དེ་ལ་ཡང་ལས་སླ་བོ་ཞིག་མེད་པ་དེ་ནི་ཁོང་ཚོས་རང་གི་ཚེ་སྲོག་གི་བདེན་དབུང་རབ་དང་རིམ་པ་བྱས་པ་རེད།
དེ་ལས་མང་བ་། “མེ་ལྕེ་སླར་ཡང་བོད་ནས་མཆེད། དྲན་སྐུལ་སླར་ཡང་བོད་ནས་སླེབས་བྱུང་།” »
ཕྱི་ཚེས་ ༩ ཉིན་དམིགས་བསལ་སྐུ་ཚབ་མཆོག་གི་གཏམ་བཤད་དང་བགྲོ་གླེང་ཡོད།
ཤར་ཕྱོགས་ཁུག་རྟ།
གནས་མཆོག་རྡོ་རྗེ་གདན་དུ་༧རྒྱལ་མཆོག་ཐམས་ཅད་མཁྱེན་པས་དུས་དབང་ཐེངས ༣༢ པ་སྩོལ་བའི་དུས་བཟང་དང་བསྟུན། ༧རྒྱལ་བ་རིན་པོ་ཆེའི་དམིགས་བསལ་སྐུ་ཚབ་རྒྱ་རི་བློ་གྲོས་རྒྱལ་མཚན་མཆོག་ལ་དབུ་མའི་ལམ་བཟང་གི་བོད་རྒྱ་འབྲེལ་མོལ་སྐོར་གྱི་བྱུང་རིམ་དང་གནས་བབ་བཅས་ཀྱི་ཐད་ཅི་ལྟར་གསོལ་འདེབས་ཞུས་དོན་ལྟར། ཕྱི་ཚེས་ ༩ ཉིན་གྱི་ཕྱི་དྲོའི་ཆུ་ཚོད་ ༥ སྟེང་རྙིང་མ་དགོན་པར་བཀའ་སློབ་སྩོལ་རྒྱུ་གཏན་འཁེལ་བྱུང་བ་ལགས་ན། རྒྱ་བོད་འབྲེལ་བའི་སྐོར་གྱི་བྱུང་རིམ་ཆ་ཚང་ཤེས་འདོད་ཡོད་མཁན་གྱི་དོན་གཉེར་ཅན་རྣམས་ཆུ་ཚོད ༤།༣༠ སྔོན་ཚོགས་རྭར་བཅར་གནང་ཡོང་བ་ཞུ།
དེ་ལས་མང་བ་། “ཕྱི་ཚེས་ ༩ ཉིན་དམིགས་བསལ་སྐུ་ཚབ་མཆོག་གི་གཏམ་བཤད་དང་བགྲོ་གླེང་ཡོད།” »
གུར་རིན་ཡོངས་རྫོགས་ཕྱིར་འབུལ་བྱེད་བཞིན་འདུག
ཚེ་བཀྲ།
ད་ཐེངས་དུས་དབང་ཐེངས་ ༣༢ པའི་གོ་སྒྲིག་ཚོགས་ཆུང་གིས་གྲ་སྒྲིག་ཚགས་ཚུད་མ་བྱུང་བར་བསྙད་དེ་མི་མང་ནང་ལབ་གླེང་སྣ་ཚོགས་བྱུང་ཡོད། དེ་ནི་གུར་ནང་ཆུ་གློག་གི་དཀའ་ངལ་ཡོད་པས། གསང་སྤྱོད་རྣམས་བེད་མེད་དུ་གྱུར་བས་མི་རྣམས་ལ་དཀའ་ངལ་འཕྲད་པ་ཞིག་རེད། ཉིན་འགའི་སྔོན་ལོ་ངན་སྒང་ལ་ཟླ་ལྷག་ལྟར་ཆར་བ་ཞིག་ཀྱང་བབས་པས་གུར་ནང་འགྲོ་བསྐྱོད་ཀྱང་དཀའ་བ་ཆགས། དེ་ནས་མ་འགྱང་བར་གོ་སྒྲིག་ཚོགས་ཆུང་གི་ཚོགས་གཙོ་མི་མང་གི་གུར་གྱི་རྒྱང་བསྒྲགས་ས་ཚིགས་ཆེད་བཅར་གྱིས་མི་མང་བསྡུ་སྐོང་གིས། ད་ཐེངས་གོ་སྒྲིག་གནང་ཕྱོགས་ཐད་དཀའ་ངལ་བྱུང་བར་བཟོད་གསོལ་དང་གསལ་བཤད་གནང་ཡོད།
དེ་ལས་མང་བ་། “གུར་རིན་ཡོངས་རྫོགས་ཕྱིར་འབུལ་བྱེད་བཞིན་འདུག” »
ཆོས་ཞུ་བའི་སྒོར་མོ་བཀོག་གི་འདུག
ཨ་རིག་འགྱུར་མེད།
ཕྱི་ཚེས་ལྟར་ན་ ༢༠༡༡ ལོའི་ཟླ་ ༡༢ ཚེས་ ༢༥ ཉིན་ང་གནས་མཆོག་རྡོ་རྗེ་གདན་དུ་འབྱོར་བ་དང་། ཉིན་དེའི་དགོང་མོར་གནས་མཆོག་རྡོ་རྗེ་གདན་གྱི་མཆོད་རྟེན་ཉེ་འགྲམ་གྱི་ཚོང་ཁང་ཞིག་ནས་ཁ་པར་གྱི་བྱང་བུ་ (Sim Card) ཉོས་པ་ཡིན་ལ། དེ་ཡང་གྲོགས་པོ་ཞིག་གིས་རོགས་རམ་ལ་བརྟེན་ནས་ཉོ་ཐུབ་ཙམ་བྱུང་། ཉིན་དེར་ང་ལྟར་བྱང་བུ་ཉོ་མཁན་ནི་འཚང་ཁ་ཤིག་ཤིག་རེད་ལ། འཚང་ཁ་དགའ་རབ་ཅིག་བརྒྱབས་མཐར་གཞི་ནས་ངས་ཀྱང་གཅིག་ཉོ་ཐུབ་པ་བྱུང་། ངས་ཉོས་པའི་བྱུང་བའི་མིང་ལ་ Uninor ཟེར་བ་དང་དེ་ཉོ་སྐབས་ནམ་རྒྱུན་ལྟར་ཡིག་ཆ་དང་ཕྱེད་པར་སོགས་གང་ཡང་དགོས་ཀྱི་མི་འདུག གཙོ་བོ་སྒོར་མོ་ཡོད་ན་རེག་གི་འདུག
རྡོར་གདན་དུ་སླེབས་པའི་མཚན་མོ་དེ་ག་རང་ལ་ང་རང་ཧང་སང་སོང་།
འབྲོང་ངུར་ཆོས་རྗེ།
ཁ་སང་དགོང་མོ་ཆུ་ཚོད་ ༧ ཡོལ་ཙམ་ལ་རྡོ་རྗེ་གདན་དུ་འབྱོར། རླངས་འཁོར་ཆེ་བའི་རིགས་སྤྱི་ལེ་བདུན་བརྒྱད་སྔོན་ཚུན་ནས་ཉེན་རྟོག་པས་བཀག་འགོག་བྱེད་བཞིན་འདུག་སྟབས། རྙིང་མའི་སྨོན་ལམ་བཞུགས་སྒར་བར་རྐང་གསུམ་འཁྲུལ་འཁོར་བཞོན། དེ་ནས་རྐང་གསུམ་ལྕགས་རྟ་བཞོན་ཏེ་སྐོར་ནས་ང་ཚོའི་སྡོད་སྒར་བར་འགྲོ་དགོས་ཐུག རྒྱུན་ལྡན་མིན་པའི་བརྒྱུད་རིམ་དེས་ཉིན་མཚན་གཉིས་ཀྱི་འགྲུལ་བཞུད་རིང་མོ་གང་སུན་སྣང་ཞིག་གིས་མཇུག་བསྡུས། འོན་ཀྱང་གོང་ས་མཆོག་གི་སྐུའི་ཉེན་སྲུང་ཆེད་ཡིན་པར་སྙམ་སྟེ་བཟོད་སྒོམ་བྱས།
དེ་ལས་མང་བ་། “རྡོར་གདན་དུ་སླེབས་པའི་མཚན་མོ་དེ་ག་རང་ལ་ང་རང་ཧང་སང་སོང་།” »
ལ་དྭགས་རྒན་བློ་བཟང་འཇམ་དཔལ་ལགས་ལ་བསམ་ཚུལ་བརྗེ་ལེན་གྱི་ཚུལ་དུ་ཕུལ་བའི་གཏམ་དོན་ཚན་བརྒྱད་པ་བ།
ནང་བསྟན་རིག་མཛོད་ཆེན་མོ་ཤར་གཏོང་བྱས་པ་ཞེས་པའི་མཆན༢༧པ་བཀླགས་རྗེས།
རྒན་ལགས་ཀྱི་མཆན་༢༧པ་བཀླགས་རྗེས་བརྗོད་པར་འདོད་པའི་བསམ་ཚུལ་འགའ་ཤས་ཤིག་བྱུང་སོང་བ་གཤམ་དུ་ཤར་མར་བྲིས་ཡོད་པས་ཀུན་གྱིས་དགེ་འདོན་སྐྱོན་སེལ་འཛེམས་བག་མེད་པར་གནང་བའི་རེ་བ་ཡོད།
༡ རྗེས་སུ་ཡི་ཡང་བྲིས་ནོར་ཤོར་བར་ངོས་འཛིན།
༢ འཁྲུལ་འཁོར། ཆོས་དཔེ་ཁག་ནང་། རྣལ་འབྱོར་བའི་སྒོམ་སྒྲུབ་སོགས་ཀྱི་སྐབས་འཁྲུལ་འཁོར་ཞེས་པའི་ཚིག་འདི་ཡང་སེ་མཐོང་རྒྱུ་འདུག འཕྲུལ་འཁོར་གྱི་རིགས་འདི་ནི་མིག་འཁྲུལ་སྒྱུ་མ་ལྟ་བུ་ཞིག་ཡིན་པས་འཁྲུལ་འཁོར་ཞེས་བཏགས་པ་ཡིན་ནའང་ཐང་སྟེ། ༡ འཕྲུལ་འཁོར་གྱི་འབྲི་རྒྱུན་ཡང་སྔོན་མ་ཞིག་ནས་ཡོད་པ་མ་ཟད་ ༢ ད་ལྟ་ཡོངས་ཁྱབ་ཀྱིས་འཕྲུལ་འཁོར་དང་འཕྲུལ་ཐབས་རིག་པ། འཕྲུལ་རིག འཕྲུལ་ཆས་ཟེར་ནས་དར་སོ་ཆེ། ཡང་།༣ བོད་ལ་ནང་ཆོས་ཆེས་ཐོག་མར་དར་བའི་སྐབས་ནས་ཡོད་པའི་སྤྲུལ་ཟེར་བའི་ཐ་སྙད་གཉིས་ལ་འབྲེལ་བ་ཡོད་པ་རེད། འཕྲུལ-སྤྲུལ། འཕེལ-སྤེལ། ཕུང-སྤུངས། འཕུར-སྤུར། འཕར-སྤར་སོགས་གཞན་ཡང་འདི་ལྟ་བུ་མང་པོ་འདུག་པ། འཕྲུལ་གྱི་ལྷ་བཙན་པོ་སོགས་ཀྱིས་འཕྲུལ་ཞེས་པའི་ཚིག་འདི་ཁུངས་ལྡན་ཞིག་ཡིན་པ་བསྟན་འདུག ༤ འཁྲུལ་ནི་ནོར་བའི་དོན་ཅན་ཡིན་པས།
ཤོག་སྦག་མེད་པའི་ལོ་གསར་གཏོང་དགོས།
སྤོབས་པ་མཐའ་ཡས།
རང་རེ་བོད་ཀྱི་གྲོང་བརྡལ་ནས་གྲོང་གསེབ་དང་ཐ་ན་འབྲོག་ཁྱིམ་ཁེར་རྐྱང་ནས་བཟུང་སྟེ་ཡུལ་ལུང་གང་སར་བཀྲ་ཤིས་པའི་ལོ་གསར་སྤྲོ་དགའི་སྐབས་སུ་བཀྲ་མི་ཤིས་པའི་གཡུལ་འཐབ་ཆེན་པོ་ཞིག་བྱེད་བཞིན་པའི་མེ་མདའི་སྒྲ་དང་མཚུངས་པར་ཤོག་སྦག་ཆེ་ཆུང་མང་པོ་མཚམས་མ་ཆད་དུ་སྦར་བ་དར་སྲོལ་ཆེ་རུ་འགྲོ་བཞིན་འདུག ལ་ལ་ཞིག་དེས་ཀྱང་ཡིད་མ་ཚིམ་ནས་ས་རྐོ་རྡོ་སློག་ལ་བེད་སྤྱོད་བཞིན་པའི་འགད་རྫས་ཆེན་པོ་རི་ལུང་འདར་ཡོམ་རྒྱག་པ་ཡང་མཚམས་མཚམས་སུ་བཀད། ང་ཚོས་ལོ་གསར་སྐབས་སུ་སྦར་བཞིན་པའི་ཤོག་སྦག་ནི་རྫས་ནག་སོགས་འགད་རྫས་ཀྱི་མཐར་ཤོག་བུ་རིམ་པ་མང་པོ་དམ་བཙིར་གྱིས་དཀྲིས་ནས་འགད་ཤུགས་ཆེ་རུ་བཏང་བ་ཡིན་སྟབས་རྣ་བ་འོན་ཞིང་སྙིང་རྩ་འཕག་པའི་སྒྲ་ཆེན་པོ་དང་། སྣ་བུག་འགག་པའི་དྲི་ངན། ཤོག་བུ་ཚལ་བ་མང་པོས་ཁོར་ཡུག་ཚང་མ་བཙགས་པ་བཟོ།
མ་ཤི་གོང་གི་རེ་བ།
རྒྱ་ནག་ནས་ཕེབས་པའི་རྒྱ་རིགས་ཚོར་བཀའ་སློབ།
བོད་ནས་ཕེབས་པའི་བོད་མི་རྣམས་ལ་བཀའ་སློབ།
“འོད་དཔག་མེད་མཁྱེན་ཞེས་”བརྗོད་པ་ཁོ་ནས་འགྲིག་གི་མེད།
ཕྱི་ལོ་ ༢༠༡༢ ཟླ་ ༡ ཚེས་ ༣ ཉིན་སྤྱི་ནོར་ྋགོང་ས་ྋསྐྱབས་མགོན་ཆེན་པོ་མཆོག་གིས་དུས་དབང་ཐང་ཆེན་དུ་སྔ་དྲོ་ཆུ་ཚོད་༡༡ཐོག ་བོད་དང་རྒྱ་ནག དེ་བཞིན་ཧི་མ་ལ་ཡི་རི་རྒྱུད་ནས་ཕེབས་པའི་དད་ལྡན་ཆོས་ཞུ་པར་དམིགས་བསལ་ཞལ་མཇལ་གྱིས་བཀའ་སློབ་རིམ་པར་སྩལ་ཡོད།
སྐབས་དེར་རྒྱ་ནག་སྐམ་ས་ནས་དད་ལྡན་ཆོས་ཞུ་བ་སྟོང་ཕྲག་གཅིག་བརྒལ་བ་ཕེབས་ཡོད་པ་རྣམས་ལ་ ལམ་སྟོན་བཀའ་སློབ་སྩལ་དོན། རྒྱ་ནག་སྐམ་ས་ཆེན་མོ་ནས་ཁྱེད་རང་ཚོར་ཧ་ཅང་དཀའ་ངལ་ཡོད་ཀྱང་ཁྱེད་རང་ཚོས་ཨུ་ ཚུགས་བརྒྱབ་སྟེ་འདི་གར་ཆེད་མངགས་ཡོང་བར་བརྟེན། ཁྱེད་རང་ཚོར་དམིགས་བསལ་གྱི་འཚམས་འདྲི་ཡོད། སྔར་ལོ་རྒྱུས་ཐོག་ནས་རྒྱ་ཧོར་བོད་དབར་དམིགས་བསལ་གྱི་འབྲེལ་ཡོད་པ་ཞིག་ཆགས་ ཡོད། ང་ཚོ་ཚང་མ་བཅོམ་ལྡན་འདས་ཀྱི་དགེ་ཕྲུག་ཆགས་ཡོད། ལོ་རྒྱུས་ནང་ཁྱེད་རང་ཚོ་དགེ་ཕྲུག་རྒན་པ་ཆགས་ཡོད། བོད་ལ་ནང་ཆོས་མ་དར་གོང་རྒྱ་ནག་ལ་ནང་ཆོས་དར་ཡོད་པར་བརྟེན་ངོས་ཀྱིས་ནམ་རྒྱུན་ ནས་ཁྱེད་རང་ཚོ་དགེ་ཕྲུག་རྒན་པ་རེད་ཅེས་བརྗོད་བཞིན་ཡོད། ང་ཚོ་དགེ་ཕྲུག་གཞོན་པས་ཁྱེད་རང་ཚོ་དགེ་ཕྲུག་རྒན་པར་གུས་འདུད་ཞུ་གི་ཡོད། ངོས་ཀྱིས་རྒྱ་རིགས་ཚོར་རྩེད་མོ་རྩེས་ནས་སངས་རྒྱས་ཀྱི་ལྟ་གྲུབ་ཀྱི་ཤེས་ཚད་ དེ་དགེ་ཕྲུག་གཞོན་པ་སྐྱོ་བ་རང་མེད་ཅེས་བརྗོད་ཀྱི་ཡོད། རྒྱ་ནག་ལོ་རྒྱུས་ཐོག་ནས་ཆ་བཞག་ན། ནང་པའི་ལུང་པ་ཞིག་ཆགས་ཡོད། དེ་རིང་ཁ་སང་ཆ་བཞག་ན་དཀའ་ངལ་མང་པོ་ཞིག་ཡོད་ཀྱང་རྒྱ་ནག་ནང་གི་ནང་ཆོས་བྱེད་ མཁན་ཁ་གྲངས་ན་ནིང་ངོས་ཀྱིས་ཡིག་ཆ་ཞིག་མཐོང་བྱུང་བ་དེའི་ནང་ས་ཡ་གསུམ་བརྒྱ་ ཡོད་སྐོར་བརྗོད་འདུག དངོས་ཡོད་གནས་ཚུལ་ལ་རྒྱ་ནག་ནང་དེ་རིང་ཁ་སང་དྲང་བདེན་མེད་པ་དང་། དེ་བཞིན་ལྐོག་ཟ་རུལ་སུངས་བྱ་རྒྱུ་དེ་དག་གང་ཙམ་ཛ་དྲག་པོ་འདུག སྐྱོ་པོ་ཚོར་དཀའ་ངལ་འཕྲད་བཞིན་འདུག རྒྱ་ནག་འཛམ་གླིང་འདིའི་ཐོག་མི་འབོར་ཆེ་ཤོས་ཡོད་པའི་རྒྱལ་ཁབ་ཅིག་རེད། འཛམ་གླིང་ནང་གི་མི་འབོར་ཆེ་ཤོས་ཡོད་སོའི་ལུང་པ་དེའི་ནང་བྱམས་བརྩེའི་ལྟ་བ་ དང་སྤྱོད་པ་ཕྲན་བུ་འཕེལ་ཐུབ་ན། འཛམ་གླིང་ལ་ཕན་གྱི་རེད། ཁ་ཆེ་དང་ཡི་ཤུ ཏའོ་ཆོ་སུ་ཞིག་ཡིན་རུང་བྱམས་བརྩེ་གསུང་གི་ཡོད། སངས་རྒྱས་པའི་ཆོས་ཀྱི་ནང་བྱམས་བརྩེ་རྒྱུ་མཚན་དང་བསམ་བློའི་འགྲོ་སྟངས་མང་པོ་ ཞིག་འགྲེལ་བཤད་བརྒྱབ་ནས་བསམ་བློའི་སྦྱོང་བརྡར་ཐོག་ནས་བྱམས་བརྩེ་སྤེལ་རྒྱུ་ ཞིག་ཡོད་པ་དེ་དག་ཆོས་ཁས་མི་ལེན་མཁན་ཞིག་ཡིན་ཡང་འབྲེལ་བ་དང་ཕན་ཐོགས་ཡོད་པ་ ཞིག་ཆགས་ཡོད།
དེ་ལས་མང་བ་། ““འོད་དཔག་མེད་མཁྱེན་ཞེས་”བརྗོད་པ་ཁོ་ནས་འགྲིག་གི་མེད།” »
ཧི་མ་ལ་ཡི་རི་རྒྱུད་ནས་ཕེབས་པའི་དད་ལྡན་ཆོས་ཞུ་པར་སྩལ་བའི་བཀའ་སློབ།
དེ་རིང་སྔ་དྲོ་ཆུ་ཚོད་བཅུ་གཅིག་སྟེང་དུས་དབང་ཐེངས་ ༣༢ པའི་དུས་འཁོར་ཐང་ཆེན་དུ་དམིགས་བསལ་ཧི་མ་ལ་ཡི་རི་རྒྱུད་དང་བོད། རྒྱ་ནག་བཅས་ནས་ཕེབས་པའི་དད་ལྡན་ཆོས་ཞུ་པར་ཞལ་མཇལ་དང་མཉམ་བཀའ་སློབ་སྩལ་ཡོད།
སྐབས་དེར་ཧི་མཱ་ལ་ཡི་རི་རྒྱུད་ནས་ཕེབས་པའི་དད་ལྡན་ཆོས་ཞུ་བ་སྟོང་ཕྲག ༣༥ བརྒལ་བ་རྣམས་ལ་ལམ་སྟོན་བཀའ་སློབ་སྩལ་དོན། དེ་རིང་བཅོམ་ལྡན་འདས་དུས་ཀྱི་འཁོར་ལོའི་དབང་ཆེན་གནས་ཁྱད་པར་ཅན་རྡོ་རྗེ་གདན་ ལ་བྱེད་སྐབས་ཁྱེད་རང་ཚོ་ཧི་མཱ་ལ་ཡའི་རི་རྒྱུད་དེ་སྔ་ལོ་རྒྱུས་ཐོག་ནས་བོད་ ཀྱི་ནང་ཆོས་ཉམས་སུ་ལེན་མཁན་ཁྱེད་རང་ཚོ་མང་པོ་ཞིག་དད་པ་དམ་ཚིག་གཡོ་བ་མེད་ པའི་ཐོག་ནས་དེ་རིང་ཆེད་མངགས་འདི་གར་ཡོང་བ་རེད། ཁྱེད་རང་ཚོ་ཚང་མར་འཚམས་འདྲི་ཡོད། ད་ལྟ་འདིར་ཁྱེད་རང་ཚོར་དམིགས་བསལ་ག་རེ་བརྗོད་འདོད་འདུག་ཅེས་ན།
ཧི་མཱ་ལ་ཡའི་རི་རྒྱུད་ཀྱི་ས་ཁུལ་ནུབ་ལ་དྭགས་ནས་ཤར་མོན་བར་དང་དེ་བཞིན་འབྲུག་ དང་བལ་ཡུལ་གྱི་ས་ཁུལ་དེ་དག་ལ་བོད་ནས་སངས་རྒྱས་ཀྱི་ཆོས་ཁྱབ་ཡོད་པ་ཞིག་ཡིན། དེར་བརྟེན་ས་ཁུལ་དེ་དག་ལ་བཀའ་འགྱུར་བསྟན་འགྱུར་དང་མདོར་ན། ཁྱིམ་ཚང་ཞིག་ཡིན་རུང་བརྒྱད་སྟོང་དང་མདོ་སྡེ་བསྐལ་བཟང་ལྟ་བུ་ཉར་གྱི་ཡོད། དེར་བརྟེན་ས་ཁུལ་དེ་དག་གི་ཡུལ་མིའི་ནང་ཆོས་ལུགས་གཞན་དག་བྱེད་མཁན་ཡང་ཡོང་གི་ རེད། འོན་ཀྱང་ས་ཁུལ་སྤྱིའི་གོམས་གཤིས་དང་རིག་གཞུང་སངས་རྒྱས་པའི་ཆོས་དང་འབྲེལ་ ཡོད་པ་ཞིག་ཆགས་ཡོད། ཁྱེད་རང་ཚོ་ཧི་མཱ་ལ་ཡའི་ས་ཁུལ་དེ་དག་གི་རྣམ་པ་མཚོན་རྒྱུར་སངས་རྒྱས་པའི་ཆོས་ དང་ཧ་ཅང་འབྲེལ་བ་ཡོད། ཕྱོགས་གཅིག་ནས་ཁྱེད་རང་ཚོ་ས་ཁུལ་དེ་དག་གིས་མི་རིགས་རང་ཉིད་ཀྱི་རྣམ་པ་དང་ ཁྱད་ཆོས་མཚོན་རྒྱུར་སངས་རྒྱས་པའི་ཆོས་དེ་ཧ་ཅང་གལ་ཆེན་པོ་ཆགས་ཡོད། གཉིས་ནས་བོད་ནང་ཡིན་ན། སངས་རྒྱས་ཀྱི་ཆོས་རང་དབང་གི་ཐོག་ནས་ཐོས་བསམ་སྒོམ་གསུམ་བྱ་རྒྱུར་དཀའ་ངལ་ འཕྲད་ཀྱི་ཡོད།
དེ་ལས་མང་བ་། “ཧི་མ་ལ་ཡི་རི་རྒྱུད་ནས་ཕེབས་པའི་དད་ལྡན་ཆོས་ཞུ་པར་སྩལ་བའི་བཀའ་སློབ།” »
ཧི་མ་ལ་ཡི་རི་རྒྱུད་ནས་ཕེབས་པའི་དད་ལྡན་ཆོས་ཞུ་པར་སྩལ་བའི་བཀའ་སློབ།
དེ་རིང་སྔ་དྲོ་ཆུ་ཚོད་བཅུ་གཅིག་སྟེང་དུས་དབང་ཐེངས་ ༣༢ པའི་དུས་འཁོར་ཐང་ཆེན་དུ་དམིགས་བསལ་ཧི་མ་ལ་ཡི་རི་རྒྱུད་དང་བོད། རྒྱ་ནག་བཅས་ནས་ཕེབས་པའི་དད་ལྡན་ཆོས་ཞུ་པར་ཞལ་མཇལ་དང་མཉམ་བཀའ་སློབ་སྩལ་ཡོད།
སྐབས་དེར་ཧི་མཱ་ལ་ཡི་རི་རྒྱུད་ནས་ཕེབས་པའི་དད་ལྡན་ཆོས་ཞུ་བ་སྟོང་ཕྲག ༣༥ བརྒལ་བ་རྣམས་ལ་ལམ་སྟོན་བཀའ་སློབ་སྩལ་དོན། དེ་རིང་བཅོམ་ལྡན་འདས་དུས་ཀྱི་འཁོར་ལོའི་དབང་ཆེན་གནས་ཁྱད་པར་ཅན་རྡོ་རྗེ་གདན་ ལ་བྱེད་སྐབས་ཁྱེད་རང་ཚོ་ཧི་མཱ་ལ་ཡའི་རི་རྒྱུད་དེ་སྔ་ལོ་རྒྱུས་ཐོག་ནས་བོད་ ཀྱི་ནང་ཆོས་ཉམས་སུ་ལེན་མཁན་ཁྱེད་རང་ཚོ་མང་པོ་ཞིག་དད་པ་དམ་ཚིག་གཡོ་བ་མེད་ པའི་ཐོག་ནས་དེ་རིང་ཆེད་མངགས་འདི་གར་ཡོང་བ་རེད། ཁྱེད་རང་ཚོ་ཚང་མར་འཚམས་འདྲི་ཡོད། ད་ལྟ་འདིར་ཁྱེད་རང་ཚོར་དམིགས་བསལ་ག་རེ་བརྗོད་འདོད་འདུག་ཅེས་ན།
ཧི་མཱ་ལ་ཡའི་རི་རྒྱུད་ཀྱི་ས་ཁུལ་ནུབ་ལ་དྭགས་ནས་ཤར་མོན་བར་དང་དེ་བཞིན་འབྲུག་ དང་བལ་ཡུལ་གྱི་ས་ཁུལ་དེ་དག་ལ་བོད་ནས་སངས་རྒྱས་ཀྱི་ཆོས་ཁྱབ་ཡོད་པ་ཞིག་ཡིན། དེར་བརྟེན་ས་ཁུལ་དེ་དག་ལ་བཀའ་འགྱུར་བསྟན་འགྱུར་དང་མདོར་ན། ཁྱིམ་ཚང་ཞིག་ཡིན་རུང་བརྒྱད་སྟོང་དང་མདོ་སྡེ་བསྐལ་བཟང་ལྟ་བུ་ཉར་གྱི་ཡོད། དེར་བརྟེན་ས་ཁུལ་དེ་དག་གི་ཡུལ་མིའི་ནང་ཆོས་ལུགས་གཞན་དག་བྱེད་མཁན་ཡང་ཡོང་གི་ རེད། འོན་ཀྱང་ས་ཁུལ་སྤྱིའི་གོམས་གཤིས་དང་རིག་གཞུང་སངས་རྒྱས་པའི་ཆོས་དང་འབྲེལ་ ཡོད་པ་ཞིག་ཆགས་ཡོད། ཁྱེད་རང་ཚོ་ཧི་མཱ་ལ་ཡའི་ས་ཁུལ་དེ་དག་གི་རྣམ་པ་མཚོན་རྒྱུར་སངས་རྒྱས་པའི་ཆོས་ དང་ཧ་ཅང་འབྲེལ་བ་ཡོད། ཕྱོགས་གཅིག་ནས་ཁྱེད་རང་ཚོ་ས་ཁུལ་དེ་དག་གིས་མི་རིགས་རང་ཉིད་ཀྱི་རྣམ་པ་དང་ ཁྱད་ཆོས་མཚོན་རྒྱུར་སངས་རྒྱས་པའི་ཆོས་དེ་ཧ་ཅང་གལ་ཆེན་པོ་ཆགས་ཡོད། གཉིས་ནས་བོད་ནང་ཡིན་ན། སངས་རྒྱས་ཀྱི་ཆོས་རང་དབང་གི་ཐོག་ནས་ཐོས་བསམ་སྒོམ་གསུམ་བྱ་རྒྱུར་དཀའ་ངལ་ འཕྲད་ཀྱི་ཡོད།
དེ་ལས་མང་བ་། “ཧི་མ་ལ་ཡི་རི་རྒྱུད་ནས་ཕེབས་པའི་དད་ལྡན་ཆོས་ཞུ་པར་སྩལ་བའི་བཀའ་སློབ།” »