ཁྲག་ཐིགས།
མཚན་མོ་ནི་སུས་ཀྱང་ཉན་མ་མྱོང་བའི་ལྷ་སྒྲུང་རྙིང་པ་ཞིག་གམ
དྲན་གདུང་གི་མིག་ཆུ་བྲང་བསྙལ་བའི་ན་ཆུང་མ་ཞིག་ལྟར
ཡོད་ཚད་ཀྱི་ཡོད་ཚད་སྔུན་ན
འཇམ་ཅག་གེར་སུ་ཞིག་གི་གོམ་སྒྲ་ལ་ཉན་ཡོད
མི་རབས་གསར་པ་དང་སྤྱི་ཚོགས་ཀྱི་གནས་བབ་ལས་ཤེས་དགོས་པའི་གནད་དོན་འགའ།
འགར་ཚེ་རྒྱལ།
༡ མི་རབས་གསར་པས་ཤེས་ཡོན་རོལ་མྱོང་གི་གནད་དོན།
ཁོ་བོ་ནི་ཤེས་ཡོན་པ་ཟེར་བའི་གྲས་སུ་ཚུད་མེད་ལ། ཁོ་བོར་མཚོན་ན་ཤེས་ཡོན་པ་ཞིག་བྱེད་རྒྱུ་ཧ་ཅང་གི་ཁག་པོ་ཞིག་ཏུ་བརྩི་བཞིན་ཡོད། ཤེས་ཡོན་པ་ཞིག་ཡིན་ན་དེའི་བསམ་བློ་དང༌། ཀུན་སྤྱོད། རང་གཤིས། བློ་སྟོབས། ལྷག་བསམ་བཅས་ཀྱི་ཐད་ནས་གཞན་ལས་ཁྱད་དུ་འཕགས་པ་ཞིག་དགོས་པའི་ལྟ་སྟངས་འཛིན་གྱིན་ཡོད་ལ། ལྟ་སྟངས་འདི་འཛིན་པའི་བསམ་བློ་ནི་ད་ལྟའི་འུ་ཚོའི་སྤྱི་ཚོགས་ནང་ཤེས་ཡོན་པའི་མིང་འཁྱེར་ནས་མ་ཡིན་ཡིན་མདོག་བྱེད་མཁན་གྱི་ཤེས་ཡོན་པ་རྐྱལ་སྟོང་ཚོའི་བསམ་བློ་ངན་པ་དང༌། ཀུན་སྤྱོད་བཙོག་པ། རིག་སྟོབས་ཞན་པ་སོགས་ཀྱི་ཀུན་གཤིས་དེས་ཁོ་བོ་སློབ་སྦྱོང་གི་ལམ་སྣེར་འཇུས་པའི་ཉིན་མོ་ནས་སྐྱེ་རུ་བཅུག་སོང༌།
དེ་ལས་མང་བ་། “མི་རབས་གསར་པ་དང་སྤྱི་ཚོགས་ཀྱི་གནས་བབ་ལས་ཤེས་དགོས་པའི་གནད་དོན་འགའ།” »
ཆོས་རྒྱལ་ནམ་མཁའི་ནོར་བུ་དང་མཇལ་བ་ལས་འཕྲོས་པའི་གཏམ།
རྫ་ཚེ་རིང་བཀྲ་ཤིས།
འཕགས་པ་མ་རིག་མུན་སེལ་སྤྱན་རས་གཟིགས་དབང་ཕྱུག་ཐུགས་རྗེ་ཅན་ལ་ཕྱག་འཚལ་ལོ།
ཉིན་འདི་ཀའི་རིང་ལ་ཆོས་རྒྱལ་ནམ་མཁའི་ནོར་བུ་ཐའེ་ཝན་དུ་ཕེབས་ཏེ་ཐེག་པ་མཆོག་གི་ཆོས་ཀྱི་འཁོར་ལོ་བསྐོར་བཞིན་ཡོད། འོན་ཀྱང་། ང་ཚོ་བོད་པ་ཚོས་ཁོང་གི་སྐོར་ལ་དོ་སྣང་གང་ཡང་མེད། ཐའེ་ཝན་ན་ཡོད་པའི་བོད་པ་དག་གི་ནང་ལ་ཁོང་རྫོགས་པ་ཆེན་པོའི་རྣལ་འབྱོར་པ་ཞིག་ཏུ་བརྩིས་ནས་བཀའ་ཆོས་ཞུ་བར་གཅར་མཁན་དང་། བོད་ཀྱི་རིག་གཞུང་ལ་མཛད་རྗེས་རྨད་དུ་བྱུང་བའི་ངེས་པ་དོན་གྱི་གངས་ཅན་གྱི་ཁྱད་ནོར་ཞིག་ཏུ་རྩིས་ནས་འཚམ་ཞུར་གཅར་མཁན། ཡང་ན་ཁོང་ནི་རིག་པའི་ནོར་གྱི་གཏེར་མཛོད་ཆེན་པོ་ཞིག་ཏུ་རྩིས་ནས་བཀའ་སློབ་ཞུ་མཁན་དང་རང་རང་གི་ཆོས་ཚོགས་སུ་གདན་ཞུས་བྱེད་མཁན་བཅས་ཀྱི་མཇལ་གཅར་མཁན་ཞིག་ཧ་ལམ་མི་འདུག
དེ་ལས་མང་བ་། “ཆོས་རྒྱལ་ནམ་མཁའི་ནོར་བུ་དང་མཇལ་བ་ལས་འཕྲོས་པའི་གཏམ།” »
འཁྲིག་སྤྱོད་དམར་པོ།
འབའ་སྲས།
མཛེས་པའི་ཞལ་རས་ཐོག་མར་མཐོང་དུས་མིག་ལ་སྒྱུ་མའི་འཕྲུལ་བ་བྱིན།།
འཇམ་མཉེན་ལག་པར་ཐེངས་གཅིག་འཇུས་པས་སེམས་ལ་འདོད་པའི་མེ་རོ་སྦར།།
ཚིག་གསུམ་བཤད་པའི་སྐད་ཆའི་བར་ནས་བརྩེ་བའི་སེམས་པ་ཁོག་ནས་དྲངས།།
ཐེངས་གཅིག་འགྲོགས་པའི་དུས་ཡུན་ཁྲོད་ནས་བདག་གི་ཡོད་ཚད་ཁྱོད་ལ་ཤོར།།
རང་ཉིད་ཀྱི་ཆུ་ཐིགས་འགའ་གཏོར་པ།
ཐོད་རྒོད་པ་སྤྱན་ཆབ།
རང་ཚུགས།
མི་ཚོགས་ཀྱིས་ཅི་ཞིག་གསུང་ཡང་མ་གསུང་ཡང་།
མི་ཚོགས་ཀྱི་མིག་ཟུང་འཁོར་ཡང་མ་འཁོར་ཡང་།
ང་ནི་ནམ་ཡང་རང་ཉིད་ཀྱི་ཀ་བ་གྲུ་བཞི་དེ་ཡིན་པས།
”ར་མ་རའུར་སོང་ཀྱང་རྩིད་པར་འདོད་ཆགས་ལང”དོན་ཁྱོན་ནས་མེད།
ཁྱེད་ལ་ཤོར་བའི་འཛུམ་རྒས་མེད།
བོད ལྷ་ཀླུ་གཉན་གསུམ།
རང་དབང་གི་ཚོར་བ་འདིའི་འོག་ན། ནམ་ཡང་རྒས་རྒྱུ་མེད་པའི་འཛུམ་ཞིག་དཀྱིལ་ཡོད། དེ་ནི་ཁྱོད་ཉིད་ཁོ་ནའི་ཆེད་དུ་ཡིན་པ་རེད། ལོ་ངོ་དུ་མའི་རྗེས་ཀྱི་དེ་རིང་ཡང་། འཛུམ་མདངས་དེ་གཏན་ནས་རྒས་མི་འདུག རེད་དེ། ཁྱོད་རང་དེ་རིང་གང་དུ་ཡོད། ང་གླེང་གི་ཡོད་དམ། ང་དྲན་གྱི་ཡོད་དམ། ངས་ཕྱོགས་ལ་བལྟ་བཞིན་ཡོད་དམ། ང་སྒུག་ཡོད་དམ། ཡང་ན་བརྗེད་སོང་ངམ།
གསུང་འཕྲིན་དང་འགན་ཁྲི།
འཇིགས་མེད་འོད་ལྡན
བོད་མི་སྤྱི་བོ་གནམ་བསྟན་ཡོངས་ཀྱིས་བློ་འཚབ་དང་དངངས་སྐྲག་བྱེད་བཞིན་པའི་གྲོས་ཚོགས་སུ་བསྩལ་བའི་གསུང་འཕྲིན་དང་གསུམ་བཅུའི་དུས་དྲན་ཐེངས་ང་གཉིས་པའི་ཐོག་ཡོངས་ཁྱབ་ཏུ་བསྩལ་བའི་བཀའ་སློབ་ལ་སྤྱི་སྒེར་གང་རུང་ནས་བགྲོ་གླེང་ཤུགས་ཆེན་བྱས་བའི་རྣམ་པ་ཐོན་གྱི་འདུག ༸གོང་ས་ཏཱ་ལའི་བླ་མའི་མི་ལོ་སུམ་བརྒྱ་དྲུག་ཅུ་ལྷག་ལ་སྐྱོང་གནང་མཛད་པའི་བོད་ཀྱི་ཆབ་སྲིད་ཀྱི་འགན་དབང་ཆ་ཚང་འོས་འདེམས་བྱས་བའི་དབུ་ཁྲིད་ལ་རྩིས་སྤྲོད་བྱས་ན་སྤྱི་བོ་གནམ་བསྟན་གྱི་བོད་མི་ཡོངས་ལ་བློ་འཚབ་དང་དངངས་སྐྲག་འབྱུང་བ་ཡང་ཁག་མི་འདུག གོང་ས་མཆོག་ལྟ་བུའི་རླབས་ཆེན་གྱི་དབུ་ཁྲིད་ཅིག་འཛམ་གླིང་གང་སར་བཙལ་ན་རྙེད་མི་སྲིད་པས་རེད །
རྒུན་ཆང་ཕོར་བ་གང་གི་ཁ་གཏད་དུ་འགྲེང་སྟེ།
ཀླུ་སྨྱོན། རྒུན་ཆང་དམར་པོ་ཁྲག་རེད། ཐིགས་པ་རེ་རེ་མེ་རེད། ཀླད་ཀྱི་གཏམ། ལག་མགོའི་ཆུ་ཚོད་ཀྱིས་ཅོང་བརྡ་ཚར་དགུ་བསྒྲགས་ཟིན་ཀྱང་། ཁོ་བོ་ད་དུང་རྒུན་ཆང་དམར་པོ་ཕོར་བ་གང་གི་ཁ་གཏད་དུ་འགྲེང་སྟེ་བསྡད་ཡོད། འཐུང་ངམ་མི་འཐུང། འདི་ནི་ཆེས་ཐག་གཅོད་དཀའ་བའི་གདམ་ཀ་ཞིག་རེད་ཨང་། གནའ་བོའི་སྙན་ངག་པ་ཞིག་གིས་འདི་སྐད་དུ། ཆང་འདི་དང་པོས་མ་བཟི། ཆང་འདི་གཉིས་པས་མ་བཟི། ཆུང་འདྲིས་བྱམས་པས་ཞུས་པའི། ཞལ་དཀར་གང་གིས་བཟི་སོང་། རྩོམ་ཡིག་གི་འཕྲོ་ཀློགས།
སྐུ་ཞབས་ཞོཊ་དུང་ངོ་ཤེས་རིམ།
ཤར་ཕྱོཊ་ཁུག་རྟ།
སྐུ་ཞབས་ཞོགས་དུང་གླེང་སྐབས་དེང་སང་སྐྱ་སེར་གཉིས་ལ་གྲིམ་རིག་སེ་འདུག དེས་དགའ་བྱུང་། སྔ་མོར་དཔྱོད་ཤེས་རྒྱང་འབོད་ཀྱི་རྗེས་ནས་བོད་ཕྱི་ནང་གཉིས་ནས་སྐྱ་སེར་གཉིས་ཀས་རྣམ་རྟོག་བྱེད་ཀི དགག་བཞག་བྱེད་ཀི སྐབས་དེ་ཤེད་དུ་རང་ཉིད་ལོ་ ༢༡ དང་ ༢༢ བར་ཡིན། ཁུག་མའི་ནང་དུ་དེབ་སྔོན་པོ་དེ་བཅུག་ནས་ཡང་ཡང་ཀློག་ཁུལ་བྱེད་ཀྱི་ཡོད། ལོ་ ༢༣ ཐོག་རྒྱ་གར་ལ་ཐར་བ་རེད། དེ་དུས་ཀྱང་དེབ་སྔོན་པོ་འདི་ལག་ནས་བོར་མེད། སློབ་གྲྭའི་ནང་ནས་བར་གསེང་རེ་ཡོད་དུས་དང་གུང་གསེང་རེ་སླེབས་སྐབས་ཅིག་ཡིན་མདོག་གིས་ཀློག་ཁུལ་བྱེད་ཀྱི་ཡོད།
མུན་ནག་གི་འཇིག་རྟེན།
གཙང་བུས།
ས་འཛིན་རིལ་པོར་མུན་ནག་སྟུག་པོ་འཁྲིགས།།
བདག་གི་མདུན་དུ་ཉི་གློག་རྐང་གཅིག་འབར།།
སྟོང་ཕྲག་དུ་མར་འདུས་པའི་ཆོས་སྡེ་འདིར།།
ང་ནི་གྲོགས་མེད་ཁེར་རྐྱང་འདི་རུ་ལྷགས།།
མདུན་གྱི་དར་ལྕོག་ལྷབ་ལྷུབ་རླུང་གིས་གཡོ།།
ང་ཡི་སེམས་ཀྱི་རང་གཤིས་མཚོན་པར་འདྲ།།
ཆར་ཆུས་ཟད་པའི་བྱང་བུ་འདི་ཚོ་ཡིས།།
ཕྱི་ཐག་མེད་པའི་གྲོགས་དེ་མཚོན་པར་སྣང༌།།
བོད་མི་ཚོས་ ༢༠༠༨ ལོར་ ངོ་རྒོལ་བྱེད་འོས་སམ་མི་འོས།
འོད་ཟེར་གྱིས་བརྩམས།
དགེ་འདུན་གྱིས་བསྒྱུར། ༼མ་ཡིག་ www.highpeakspureearth.com༽
༢༠༠༨ ལོའི་མེ་ལྕེ་དང་ཟུངས་ཁྲག་དེ་དག་ནི་ལོ་ངོ་གསུམ་གྱི་ཡར་སྔོན་ཏག་ཏག་ལ་བྱུང་བ་རེད། བོད་མི་མང་པོས་རང་ཉིད་བློས་གཏོང་བྱེད་དགོས་བྱུང་ཡོད་ལ། བོད་མི་མང་པོས་དེ་རིང་ཡང་བཙོན་ཁང་དུ་སྡུག་བསྔལ་མྱོང་བཞིན་ཡོད། བཙན་གནོན་པའི་ལྐོག་མདའ་འཕེན་མཁན་དག་ནི་བོད་མི་ཚོའི་མགོ་ཐོག་ཏུ་ད་དུང་ལངས་ཡོད་ལ། ཉི་མ་གསལ་བའི་ཉིན་དག་ལ། ཁོང་ཚོའི་ལག་ན་ཡོད་པའི་མེ་མདའ་ནས་མཆེད་པའི་འོད་དེ་ཡིས་ཕྱག་འཚལ་བཞིན་པའི་བོད་མི་ཚོར་བསྣུན་བཞིན་ཡོད། འདི་ནི་བོད་མི་ཚོའི་སྙིང་ལ་བརྐོས་པའི་ཐུན་མོང་གི་དྲན་པ་ཞིག་རེད།
དེ་ལས་མང་བ་། “བོད་མི་ཚོས་ ༢༠༠༨ ལོར་ ངོ་རྒོལ་བྱེད་འོས་སམ་མི་འོས།” »
ཧ་ལོག་སོང་བ་རེད་ཟེར།
(ཉི་མ་ལགས་ཀྱི་༼དེ་འདྲ་ཡིན་ན། ཧ་ལོག་སོང་བ་རེད།༽ཞེས་པའི་ལན་དུ།
ཤ་ཀླན་འཇམ་དབྱངས་གྲགས་པ།
རྩོམ་ཡིག་འདིའི་འགན་རྩོམ་པ་པོས་ཁུར་རྒྱུ་ཡིན། ཉི་མའི་རྩོམ་ཡིག་ལ་མཆན་བྲི་ས་མ་རག་པས་འདིར་བཀོད་པ་ལགས།)
ཧ་ལོག་སོང་བ་རེད་ཟེར། བློ་སེང་ལ་འོས་ཐོབ་ན་ཧ་ལོག་སོང་བ་རེད་ཟེར།
TNTལ་འོས་ཐོབ་ན་ཧ་ལོག་མེད་པ་ཨེ་རེད།
ཧ་ལོག་སོང་བ་རེད་ཟེར། བང་ཆེན་ཚགས་པས་བློ་སེང་ལ་འོས་མང་བ་ཐོབ་ཤག་བྱས་འདུག་པས།
ཧ་ལོག་སོང་བ་རེད་ཟེར། རྒྱ་གར་དུས་བབ་ཀྱིས་བློ་སེང་བཀའ་ཁྲི་ཡིན་ངེས་ཅན་རེད་ཅེས་བཤད་འདུག་པས།
དེའང་ཧ་ལོག་སོང་བ་ཨེ་རེད། ཐེའི་ཝན་ན་ཚགས་པར་མང་པོ་ཞིག་གི་ཤོག་ངོས་ཡོད་ཚད་བློ་སེང་གིས་བཟུང་ཟེར།
དེའང་ཧ་ལོག་སོང་བ་ཨེ་རེད།
ཚེ་བཟུང་ ཚེ་གོ ཚེ་སྤེ
ཚེ་མདོ་ནས་ཕུལ
གཅེས་མིང་ག་འདྲ་ཞིག་གིས་ད་གཟོད་ངའི་དུང་སེམས་ཀྱི་སྙིང་ཚུལ་ཁྱོད་ལ་མངོན་ཐུབ་མིན་མ་ཤེས།
ཚེ་བཟུང་།
ཁྱོད་ཀྱི་ཡིད་ཆེས་དང་རེ་བའི་ཕྱག་ཟུང་བདག་ཕྱོགས་ལ་སྲོངས་དང་།
ངའི་གཞུང་དྲང་དང་ལྷགས་བསམ་གྱིས།
ཟླ་བ་མེད་པའི་མཚན་གཞུང་ལ།
བརྩེ་དུང་གི་འོད་སྣང་ཆེམ་ཆེམ་དུ་སྒྲོན་ནས།
ཡོད་ཚད་འཐོབ་སོང་སྙམ་པའི།
རྫོགས་ལྡན་གྱི་ཁྱིམ་གཞི་བསྐྲུན་མཆོག
གཟའ་ཉི་མའི་གླིང་ཀར་སླེབས་པ །
བསྟན་འཇམ །
མཚོ་མོ་བླ་མཚོ་ཕྱུག་མོ་དྭངས་ཤེལ་ལྷ་ཡི་མེ་ལོང་།
ཆུ་རླབ་གཉེར་མའི་ལྡེམ་མཉེན་ཤག་ཤག་ཆུ་མཐར་སླེབས་སོང་ ། །
དྲན་གདུང་སྙིང་གི་དབུས་ནས་ཆུ་ཕུད་ལན་གསུམ་མཆོད་དུས ། །
ང་ཡི་དུངས་པ་ཟབ་མོའི་ཕྲེང་ཐག་ཤིགས་སེ་འཐོར་སོང་། །
ངས་བྲིས་བྲིས་ཚང་མ་སྙན་ངག་ཡིན།
ཀླུ་སྨྱོན། སྙན་ངག་ལ་མཚན་ཉིད་འཇོག་ན་འདོད་མཁན་ཚོར་བགྲོ་གླེང་དུ་ཕུལ་བ། ལོ་ འདི་ཚོར་སེམས་པ་འདི་རང་དབང་མེད་པར་དགའ་སྐྱོ་ཆགས་སྡང་གི་ཀློང་དུ་བྱིངས་ཏེ་ ཕྱིར་འོང་ཐབས་མེད་པར་གྱུར་ཚར་བས། སེམས་ཚོར་དེ་དག་དང་ཡང་ན་དགའ་སྐྱོ་ཆགས་སྡང་གང་གི་ཕྱོགས་སུ་ཡང་མ་ལྷུང་བའི་ སེམས་ཚོར་ཕུང་སུམ་དག་བེད་སྤྱད་དེ་སྙན་ངག་མང་པོ་ཞིག་བྲིས་པ་དང་། བྲིས་བྲིས་ཕལ་ཆེ་བ་དྲ་ངོས་སུ་སྤེལ་བ་ཡིན། དེ་ལ་དྲ་གྲོགས་ཚོའི་ངོས་ནས་དཔྱད་བརྗོད་དྲང་ལྡོག་ཅི་རིགས་ཀྱིས་སྤེལ་བ་མ་ཟད། ཐ་ན་ངའི་སྙན་ངག་རེ་ཟུང་ནི་སྙན་ངག་མིན་པར་སྒྲོག་མཁན་ཡང་ཡོད། དེ་ནི་ཁྱོད་ཀྱིས་བྲིས་བྲིས་ཚང་མ་སྙན་ངག་ག་ལ་ཡིན་ཞེས་པའི་ཐ་ཚིག་འདིས་གསལ་སྟོན་བྱས་ཡོད་པ་དང་། ཐ་ཚིག་འདིའི་བདག་པོ་དག་གི་སེམས་ཁོང་དུ་སྙན་ངག་ཅེས་པ་དེ་ནི་འདི་འདྲ་དང་དེ་འདྲ་ཞིག་ཡིན་དགོས་ཞེས་པའི་སྡོམ་ཚིག་གམ་མཚན་ཉིད་ཅིག་ཨ་འཐས་སུ་བཟུང་ཡོད་པ་དེ་ང་ཚོས་དེ་ མ་ཐག་ཏུ་ཤེས་ཐུབ། རྩོམ་ཡིག་གི་འཕྲོ་ཀློགས།
མ་སྐྲག་དང་། ཉི་མ་སྔར་བཞིན་འཆར་ངེས།
སྣང་རྒྱལ་ཤེས་དགེ།
༼ཉི་མ་ནུབ་རྗེས་ཀྱི་རི་ལུང་ནག་པོ།༽ལ་བསམ་ཚུལ་བརྗེས་རེས་སུ།
བདེ་ ཆེན་སྒྲོལ་མ་ལགས། སྐུ་ཉིད་ཀྱིས་རྩོམ་ཡིག་སྤེལ་བར་ཐུགས་རྗེ་ཆེ། ཁོ་བོས་རྩོམ་ཡིག་འདིའི་ཁ་བྱང་ལ་བསམ་འཆར་ཞིག་བཤད་ན་འདོད། ༸གོང་ས་མཆོག་བགྲེས་ཡོལ་བྱས་ནའང་ཉི་མ་ནུབ་སོང་བ་དང་གཏན་ནས་མི་འདྲ་སྟེ། བགྲེས་ཡོལ་དུ་ཕྱིན་པ་དེས་བོད་དོན་བློས་བཏང་བ་མཚོན་མི་ཐུབ་ལ་བློས་གཏོང་རྒྱུ་ མིན་པའང་ཞལ་གྱིས་བཞེས་ཡོད། དེར་བརྟེན་ཉི་མ་ནུབ་པ་དང་མི་མཚུངས། ནང་དོན་གྱི་ཆ་ནས་བཀའ་ཤག་གི་དགོངས་ཚུལ་ལ་གཞི་བཅོལ་འདུག་ཅིང་། བཀའ་ཤག་གི་དགོངས་ཚུལ་དེ་ཁོ་བོས་ན་ཚོད་མ་སྨིན་པའི་གཏམ་རེད་ཟེར་ན་མི་འགྲིག་ ནའང་ཐང་མོད། ཅི་བྱས་ཀྱང་ཁ་སེམས་མཐུན་པའི་གཏམ་ཞིག་གཏན་ནས་མ་རེད། དེ་ཡང་ཆབ་སྲིད་ཀྱི་དགོས་མཁོ་ཞིག་ཡིན་རྒྱུ་རེད། ༸ གོང་ས་མཆོག་བགྲེས་ཡོལ་དུ་བཞུགས་ན་་༼རྒྱལ་སྤྱིའི་ནང་བོད་དོན་བདེན་པའི་ཐབས་ རྩོད་ཀྱི་གཟུགས་བརྙན་ཉམས་ཆག་འགྲོ་བ་དང་ གཟུགས་བརྙན་གསར་བ་བསྐྲུན་པའི་ནུས་པ་ང་ཚོ་ལ་ཡོད་མེད།
རང་གིས་རང་ལ།
སྐར་ཁྲི་བཙན་ནས།
གདོང་ལྤགས་ལྕགས་རི་ལས་འཐུག་པའི་ཁ་རྩང་ནས།།
ངོ་ཚའི་ཐ་སྙད་ཙམ་མ་ངེས་དེ་རིང་བར།།
མཐོང་ཚད་གདོན་ལ་ཞིག་སྣང་བའི་ཁ་རྩང་ནས།།
ཐོས་ཚད་རྣ་བར་ཞིག་གཟན་པའི་དེ་རིང་བར།།
རང་ཤོང་ཁུང་བུ་ཡི་བཙན་རྫོང་སྲུང་བ་ནས།།
མཛེས་པའི་སྤང་ཐང་ལ་འབར་འབུར་བཏོན་ན་ཡང་།།
རྩྭ་གཟན་བྱི་བ་ཡི་གྲལ་དུ་མ་ཚུད་པའི།།
ལོང་བ་སྔོ་རིལ་ང་སྙིང་རྗེའི་ཡུལ་དུ་གྱར།།
རང་དབང་གི་བཀག་རྡོ་གཏོར་བའི་ཐོ་བ།
ལུང་རྟོགས་རྒྱལ་མཚན། ༼རྫོང་གསར།༽
རང་དབང་ཞེས་པའི་ཚིག་འབྲུ་གཉིས་པོ་འདིའི་བསྟན་དོན་ནི་ཧ་ཅང་གི་རིན་ཐང་ཅན་ཞིག་རེད་ལ། མཐའ་ན་ཚེ་སྲོག་ལས་ཀྱང་རིན་ཐང་ཆེ་བ་རེད། དེས་ན་སེམས་ཅན་སུ་ཡིན་ཡང་རང་དབང་འདོད་པ་ལས་གཞན་དབང་མི་འདོད་ལ། བདེ་བ་འདོད་པ་ལས་སྡུག་བསྔལ་མི་འདོད་པ་ནི། རང་དབང་ཐམས་ཅད་བདེ་བ་ཏེ། །གཞན་དབང་ཐམས་ཅད་སྡུག་བསྔལ་ཡིན།། ཞེས་པ་ལྟར་རེད། རང་དབང་དེ་ལ་ཡང་འགལ་རྐྱེན་གྱི་སྒོ་ནས་དབྱེ་ན། བཙན་གནོན་བྱེད་མཁན་གྱི་འོག་ནས་ཐར་བའི་རང་དབང་དང་། སྤྱི་ཚོགས་ཀྱི་བཀག་རྒྱ་ལས་ཐར་བའི་རང་དབང་ཏེ་གཉིས་སུ་དབྱེ་ཆོག།
བོད་ཀྱི་བློ་འབྱེད་བ་ཆེན་མོ་ཞོགས་དུང་གླེང་བ།
རྩོམ་པ་པོ: ཁ་བ་སྙིང་ལྕགས།
གྲོགས་པོ་ཞིག་གིས་ཁ་པར་ལས་ཞོགས་དུང་བཙོན་ནས་བཏང་འདུག་ཅེས་པའི་ཡི་གེ་དྲུག་པོ་འདི་བསྐུར་བ་ནས།ངའི་སེམས་པ་གཏན་ནས་ལྷོད་འཇགས་ཤིག་བྱུང་མ་ཐུབ།ཞོགས་དུང་བཙོན་དུ་སོང་ནས་ཉིན་འགའ་མ་གཏོགས་ཟླ་བ་དྲུག་ལྷག་འགོར།དེའི་རིང་དུ་ཁོང་ཉིད་ལ་ཅི་ཞིག་འབྲི་དགོས་བསམ་ཡང་མ་ཕྲིས་པར་ལུས།སྤྱིར་ན་ང་ཚོར་འདི་ལྟར་བཙོན་དུ་བཟུང་སོང་བའི་མི་བུ་ཤིན་ཏུ་མང་པས།ངས་ཞོགས་དུང་གཅིག་པུར་སེམས་སྡུག་གི་མཉམ་འགྱུར་སྟོན་མི་དགོས་པ་འདྲ་ཡང་།བཙོན་དུ་སོང་བའི་མི་དག་ལས་ངའི་མི་ཚེ་ལ་གཡོ་སྐྱོམས་ཆེས་ཆེར་ཐེབས་མཁན་ནི་ཁོང་ཉིད་གཅིག་པུ་ཡིན།དེ་ནི་ཁོང་གིས་མི་རིགས་ཤིག་གི་ཁེ་དབང་གི་ཆེད་དུ་སྐད་ཆ་ཚིག་དགའ་བཤད་མྱོང་བ་དེ་ཙམ་གྱིས་མིན་ཏེ།ཁོང་གིས་རང་ལུས་གཏའ་མར་བཞག་ནས་ཤེས་ཡོན་ཅན་གྱི་རྒྱུ་འབྲས་བློ་མིག་རང་གི་བླ་སྲོག་གིས་སྲུང་བས་ཡིན།
དེ་ལས་མང་བ་། “བོད་ཀྱི་བློ་འབྱེད་བ་ཆེན་མོ་ཞོགས་དུང་གླེང་བ།” »
རྒྱལ་འབངས་བུ་བཞིན་གཉོར་བའི་ཏྰ་ལའི་བླ་མ།
གངས་རི་སྐྱབས།
དོ་ཟླ་མེད་པའི་ང་ཡི་སྐྱབས་མགོན་སྲིད་པའི་ཁམས་ལ་འོད་ཀྱིས་འཕགས།
ཉེ་རིང་མེད་པའི་བྱམས་བརྩེ་དྲོད་ཁོལ་ས་ཆེན་གོ་ལའི་སྟེང་ལ་ཁྱབས།།
དམངས་ལ་བརྩེ་བའི་ཐུགས་གཤིས་དཀར་པོ་ཉམ་ཆུང་འགྲོ་མིའི་ཡིད་ལ་སིམ།།
རྒྱལ་འབངས་བུ་བཞིན་རྟག་ཏུ་སྐྱོང་བའི་ཏྰ་ལའི་བླ་མའི་སྐུ་ཚེ་རྒྱལ།།