ཀླུ་སྨྱོན།
འཆི་བ་ནི་ཁྱེད་ཀྱི་སྒེའུ་ཁུང་ཕྱི་ལོགས་སུ་འབབ་བཞིན་པའི་དབྱར་གཞུང་གི་ཆར་བ་དེ་དང་འདྲ་བས།
དེས་ཁྱེད་ཀྱི་སྐྱིད་ལ་སྡུག་པའི་མི་ཚེའི་ལོ་མ་ལྗང་ཁུ་དེ་ཚོ་གཙང་མར་བཀྲུ་ལ།
དེས་ཁྱེད་ཀྱི་བྱ་བ་གང་ཞིག་མ་འགྲུབ་པའི་སུན་སྣང་ཁྲོད་ཀྱི་ས་རྡུལ་དག་ཀྱང་སེལ་བར་བྱེད།
འཆི་བ་ནི་ཁྱེད་ཀྱི་རྐང་འོག་གི་ལམ་ཕྲན་གྱ་གྱུ་མ་དེ་དང་འདྲ་བས།
དེའི་གཡས་གཡོན་དུ་ཆེས་མཛེས་པའི་མེ་ཏོག་གི་སྐྱེལ་ཚལ་དང་དེ་ལས་འཐུལ་བའི་བསུང་ཞིམ་ཡོད་ལ།
དེའི་མཐའ་སྣེ་རུ་ཧ་ཅང་ལྷིང་འཇགས་ཡིན་པའི་གནའ་བོའི་གྲོང་གསེབ་སྐྱིད་པོ་ཞིག་ཀྱང་ཡོད།
འཆི་བ་ནི་ཁྱེད་ཀྱི་མགོ་ཐོག་གི་ནམ་མཁའ་སྔོན་པོ་དེ་དང་འདྲ་བས།
དེའི་དཀྱིལ་འཁོར་དུ་བྱེ་བ་ཕྲག་བརྒྱའི་འཇིག་རྟེན་སྣ་ཚོགས་ཀྱི་ངོ་མཚར་བྱུར་བུར་སྤུངས་ཡོད་ལ།
དེའི་དབྱིངས་རུམ་དུ་གྲངས་མེད་པའི་རྣམ་ཤེས་ཀྱི་ཁ་བ་བུ་ཡུག་ཀྱང་འཚུབ་བཞིན་ཡོད།
རྡ་ས་མདོ་སྨད་ས་རྒྱུན་ནས་དབུས་རྒྱུན་ལ་ཞུ་ཡིག
༄༅། །མདོ་སྨད་ཆོལ་ཁའི་དབུས་སྤྱི་ཁྱབ་རྒྱུན་ལས་ཁང་གི་ཚོགས་གཙོ་ལྷན་རྒྱས་མཆོག་ལ།
ཆེད་ཞུ།
ཁ་སྔོན་ཨ་ཚོགས་ཀླུ་མཁར་བྱམས་ཀྱི་སྐོར་ལ་སྙན་ཞུ་ཞིག་ཕུལ་ཡོད་པར་གཟིགས་ཞིབ་ཀྱིས་གནང་ཕྱོགས་ཅི་དགེ་ཕྱག་ལེན་འཁེལ་ཐབས་ཀྱི་འབད་པ་ལྷུར་བཞེས་མཛད་བཞིན་ཡོད་ཤག་ལ། ངེད་ཅག་ས་གནས་རྒྱུན་ལས་ནས་ཀླུ་མཁར་བྱམས་ཀྱིས་བྲིས་པའི་རྩོམ་ཡིག་ལག་པར་གང་སོན་ཞིག་བསྡུ་རུབ་ཀྱིས་ལྟ་བསྡུར་བྱས་པར། མི་དེའི་བཤད་སྟངས་ལ་བལྟས་ན། རྒྱ་གུང་ཁྲན་ལས་ཐུ་བ་མེད་ན་སྙམ་པའི་ཚོད་དུ་འདུག་པས། གཤམ་དུ་ཟུར་འདོན་ཞུས་པའི་བཤད་དོན་རྣམས་ལ་གཟིགས་དཔྱད་གནང་རོགས་ཞུ་རྒྱུ་དང་། སྤྱིར་ན་ཀླུ་མཁར་བྱམས་འདི་བ་བོད་ནང་གཞི་རིམ་སློབ་གྲྭའི་ཤེས་ཚད་ལས་མེད་པའི་མི་ཞིག་ཡིན་པ་དང་། རྒྱ་གར་དུ་སླེབས་ནས་བདེ་སྲུང་ཉམས་ཞིབ་ཁང་དུ་ལས་ཀ་བྱེད་སྐབས། གསར་འགྱུར་ཐིག་ཕྲེང་ཁ་ཤས་བསྒྱུར་དགོས་བྱུང་ན་བཟོ་བཅོས་མ་བརྒྱབ་པར་གོ་བརྡ་མི་འཕྲོད་པ་ཞིག་ཡིན་རབས་ཀུན་ལ་གྲགས་ཤིང་། ཕྱིས་སུ་ཉམས་ཞིབ་ཁང་ནས་རྩ་དགོངས་ཞུ་རུ་བཅུག་རྗེས། ཧོབ་སྟེ་ཚོགས་པ་འདྲ་མིན་གྱི་ལྡིངས་ཆ་ཁག་དང་། གསར་འགྱུར་བརྒྱུད་ལམ་ཁག་ཏུ་མཁས་པའི་མིང་རྫིག་པོ་ཞིག་གཡོགས་ཏེ། གང་སར་གཏམ་བཤད་དང་། རྩོམ་ཡིག་འདྲ་མིན་སྤེལ་འདུག་པར། ཉན་མཁན་དང་ལྟ་མཁན་ཅི་ཡོད་མི་ཤེས་མོད། ཁ་གྲགས་ཚད་དང་ལག་འགུལ་ཚད་ཚང་མ་བཀྲ་མི་ཤིས་པ་རྐྱང་རྐྱང་ལས་མེད་ཅིང་། དེ་ཡང་བློ་ཕྱིར་གཏད་གྲོད་པ་ནང་དུ་གཏད་དེ་བཙན་བྱོལ་བོད་གཞུང་ལ་གཞི་མེད་ སྐྱོན་བརྗོད་དང་། ལྷག་པར་དུ་༸གོང་ས་༸སྐྱབས་མགོན་ཆེན་པོའི་མཚན་ནས་སྨོས་རྒྱུར་མ་འདོད་པར། རྒྱ་ནག་འཐབ་ཕྱོགས་གཅིག་གྱུར་དང་བོད་རང་སྐྱོང་ལྗོངས་ཀྱི་རྗོད་ཚིག་སྤྱད་དེ། ཏཱ་ལའི་ཞེས་འབོད་པ་མ་ཟད། བླ་རྒན་དང་ཨམ་ཕྲུག་སོགས་དམའ་འབེབས་དང་ཟུར་ཟ། ཁྱད་གསོད་ཀྱི་མིང་འདྲ་མིན་བྱུང་རྒྱལ་དུ་སྤྱོད་པ་འདི་དག་འཇིག་རྟེན་ཡ་རབས་ཀྱི་ལུགས་ལའང་ཤིན་ཏུ་མཚང་ཆེ་བས། དབུས་རྒྱུན་ནས་དེའི་ཐད་དགོངས་བཞེས་ཟབ་ནན་གནང་གལ་ཆེ་བ་དང་། ཕྱི་ལོ་ ༢༠༠༢ ཟླ་ ༤ ཚེས་ ༡ ཉིན་འཁོད་མདོ་སྨད་མི་མང་ཡོངས་རྫོགས་ཀྱི་གྲོས་ཆོད་ཅེས་པ་ཁྱོན་བསྡོམས་དོན་ཚན་ ༡༡ ཡོད་པ་དེའི་ནང་གི་དོན་ཚན་༤ པར། ༼མདོ་སྨད་ཆོལ་ཁའི་སེར་སྐྱ་མི་དམངས་ཡོངས་རྫོགས་ནས་གྲོས་ཆོད་སྔ་རྗེས་བསྣོལ་འཇོག་གནང་བའི་འབྲུ་དོན་ལྟར། ༸གོང་ས་སྐྱབས་མགོན་ཆེན་པོའི་སྐུ་དབང་དང་སྐུ་ཕྱྭ་མཛད་འཕྲིན་དགོངས་གཞི་དང་བཅས་པར་འགལ་རྐྱེན་སྒྲུབ་པ་དང་། མཚན་སྨད་ཞུ་མཁན་ནམ་བྱུང་ལ་མདོ་སྨད་ཆོལ་ཁའི་དབུས་རྒྱུན་དང་ཕྱོགས་མཐའི་སེར་སྐྱ་མི་དམངས་ཡོངས་རྫོགས་རྡོག་རྩ་ཆིག་སྒྲིལ་གྱིས་དུས་ཐོག་གདོང་ལེན་མཐར་ སྐྱེལ་བྱ་རྒྱུ༽ཞེས་དང་། དེ་བཞིན་དེའི་སྔ་རྗེས་ཀྱི་ཚོགས་ཆེན་རིམ་པའི་གྲོས་ཆོད་དུ་གསལ་པོ་ཡོད་སྟབས། ངེད་ཅག་མདོ་སྨད་པ་ཡོངས་ལ་འདིའི་ཐད་འགན་ཁུར་ཡོད་པ་གོར་མ་ཆག
དེ་ལས་མང་བ་། “རྡ་ས་མདོ་སྨད་ས་རྒྱུན་ནས་དབུས་རྒྱུན་ལ་ཞུ་ཡིག” »
ཡོལ་བའི་ཕག་ན།
ཉི་མ་འཚོ།
གཅིག
གཉེན་སྟོན་མེད་པའི་གཉེན་སྒྲིག་གི་ཉིན་མོ་དེར། སྲུ་མོ་དང་ངེད་གཉིས་ཀྱིས་གཅེན་པོས་ཁྲིད་ནས་ཡོང་བཞིན་པའི་བདག་གི་མ་འོངས་པའི་ཆུང་མ་ལ་སྒུག སྒོ་འགྲམ་གྱི་ཁ་ལ་ཡུག་གི་འདམ་ཚང་ནས་བྱ་སྤུ་ཐ་ཐོར་རེ་རླུང་གིས་ཁུར་ནས་སྒོ་སྲུབ་ལ་ཡར་འཚང་གི་འདུག་མོད། ཁ་ལ་ཡུག་ཚང་ནང་དུ་སླེབས་མི་འདུག
གཅེན་པོས་ངའི་མ་འོངས་པའི་ཆུང་མ་ཁྲིད་ནས་སླེབས་བྱུང༌།
“བཀྲ་ཤིས་བདེ་ལེགས།” ཆུང་མ་རྩེད་དགའ་ཅན་ཞིག་ཡིན་པ་འདྲ། གཏན་དུ་མི་ལྷོད་པ་ལྟ་བུའི་འཛུམ་མདངས་ཤིག་ཕྱུང་ནས་འཚམས་འདྲི་བྱས་བྱུང་མོད། དེ་མ་ཐག་འཛུམ་མདངས་དེ་ནི་གང་ཞིག་ནས་བཙིར་ནས་ཡོང་བ་དང་འདྲ་བར་ངོ་གདོང་དམར་པོར་གྱུར་སོང༌། དེ་དང་བསྟུན་ནས་ངེད་གཉིས་ཀྱི་བར་ཐག་ནི་ཡོལ་བ་ཞིག་གིས་སྒྲིབ་ཡོད་པ་ལྟ་བུའི་ཚོར་སྣང་བྱུང༌།
པར་འདི་ག་རེ་རེད།
པར་འདི་ག་རེ་རེད། གནས་ཚུལ་ཞིབ་གསལ་གཤམ་གྱི་འབྲེལ་ཐག་ན་ཡོད། http://www.ambassadorsforworldpeace.org/
སྙན་ངག་མ་ཚེ་རིང་སྐྱིད་ལ་སྙན་ངག་གི་སྐོར་ནས་བཅར་འདྲི་བྱས་ཡོད་ཀི
http://www.rfa.org/tibetan/chediklaytsen/amdolaytsen/tsom-rig-kyi-dora/interview-with-tibetan-poet-tering-kyi-12212010153439.html འདྲ་པར་འདི་མཆོད་མེ་དྲ་ངོས་ལས་བཤུས་པ་ཡིན།
གསར་འགོད་གསལ་བསྒྲགས། བཀའ་ཟུར་བཀྲ་ཤིས་དབང་འདུད།
༄༅། ཕྲན་བཀྲིས་དབང་འདུད་བཀའ་བློན་ཁྲི་པ་སྐབས་ ༣ འོས་གཞིར་ལང་ཆེད་སྦར་སིལ་༸སྐུ་ཚབ་དོན་གཅོད་ཀྱི་ལས་གནས་ནས་དགོངས་པ་ཞུས་འཁྲེོལ་གྱིས་ལས་མཚམས་དངོས་སུ་ ༢༠༡༠ ཟླ་ ༡༢ ཚེས་ ༡༧ ཉིན་བཞག་ཟིན་པ་དང་། ད་ཆ་དངོས་གཞིའི་འོས་གཞིར་སྡོད་རྒྱུའི་གསལ་བསྒྲགས་སྦུད་ཙམ་ཞུ་རྒྱུར།
ལོ་ཤས་སྔོན་ནས་མི་སྒེར་དང་གཞུང་འབྲེལ་མིན་པའི་སྒྲིག་འཛུགས་ཁག་གི་མི་སྣས་ཕྲན་མ་འོངས་བཀའ་བློན་ཁྲི་པའི་འོས་གཞིར་སྡོད་འཆར་ཡོད་མེད་དྲི་བརྩད་དང་། སྡོད་དགོས་པའི་འབོད་སྐུལ་ཨུ་ནན་གནང་མཁན་རིམ་པ་བྱུང་བར་འོས་གཞིར་སྡོད་བློ་མེད་ལུགས་ཞུས་པ་དང་། འདས་ལོ་གཅིག་ནང་ནོར་ཝེ་དང་ཁེ་ན་ཌ་ནས་སྐབས་གསུམ་པའི་བཀའ་ཁྲི་འོས་མི་མང་ཚོགས་ནས་མིག་འཛུགས་གནང་ཆེད་གློག་འཕྲིན་དྲྭ་བ་ (Website) ཆེད་འཛུགས་གནང་བའི་ནང་ཕྲན་གྱི་མིང་རིམ་ཐོན་སྐབས་ཕྱིར་འཐེན་ཞུས་ཤིང་། དེ་འབྲེལ་གཞུང་འབྲེལ་མིན་པའི་ཚོགས་པ་ཁག་གཅིག་ནས་ཀྱང་འོས་མིར་སྡོད་རྒྱུའི་རེ་སྐུལ་ཕྱག་བྲིས་གནང་བར་འོས་གཞིར་སྡོད་འཆར་མེད་སྐོར་ཡིག་ངག་གཉིས་ཐོག་ནས་འགྲེལ་བཤད་ཞུས་ཡོད།
དེ་ལས་མང་བ་། “གསར་འགོད་གསལ་བསྒྲགས། བཀའ་ཟུར་བཀྲ་ཤིས་དབང་འདུད།” »
ཞི་བདེ་དང་དམག་འཁྲུག
ཨོའོ་ཞོ་ཡིས་བརྕམས།
ཁྲི་ཆུ་བཟང་རྒྱ་མཚོས་་བསྒྱུར།
འཛམ་གླིང་འདི་རུ་ཞི་བདེ་གང་ཡང་མེད་ལ། ལོ་རྒྱུས་ཁྲོད་དུས་སྐབས་གཉིས་འབའ་ཞིག་བྱུང་མྱོང་སྟེ། ང་ཚོ་རྒྱུས་མངའ་ཆེ་བའི་དམག་འཁྲུག་གི་དུས་སྐབས་དང༌། ཞི་བདེ་རུ་འབོད་པའི་དུས་སྐབས་དེ་རེད། ཞི་བདེ་རུ་འབོད་པའི་དུས་སྐབས་དེ་ནི་མི་མངོན་པའི་སྒྲིབ་གཡོག་ཅིག་སྟེ། དོན་དངོས་ཐོག་དམག འཁྲུག་གཞན་ཞིག་གི་ཆེད་དུ་སྟ་གོན་བྱེད་པའི་དུས་སྐབས་ཞེས་བརྗོད་ཆོག ལོ་རྒྱུས་ཧྲིལ་བོ་ཁྲོད་དོན་ཚན་གཉིས་འབའ་ཞིག་མངའ་སྟེ། དམག་འཁྲུག་དང་དམག་འཁྲུག་གི་ཕྱིར་དུ་གྲ་སྒྲིག་དེ་རེད། ཁྱེད་ཀྱིས་ང་ལ་སྐད་ཆ་འདྲི་བཞིན་ཡོད་དེ། འཛམ་གླིང་དམག་ཆེན་གཉིས་པ་མཇུག་སྒྲིལ་རྗེས་འཛམ་གླིང་ཡོངས་ལ་གཞུང་འབྲེལ་གྱིས་ཞི་བདེ་བསྐྱར་གསོ་བྱས་པ་ནས་བཟུང༌། ཆབ་སྲིད་པ་རྣམས་ཀྱིས་ཅི་ཞིག་བྱེད་མྱོང་ཟེར།
ལྷ་སའི་གནས་བཤད།
ཆུ་སྐྱེས་སྒྲོལ་མས།
འཛམ་གླིང་སྲིད་པའི་རྩེ་མོ་གངས་ལྗོངས་ཀྱི།།
ཆབ་དཔལ་རིག་གསུམ་གཏེར་བཞིན་བརྡོལ་བའི་ཞིང༌།།
དབུས་འགྱུར་ཉི་མ་ལྷ་སའི་གྲོང་ཁྱེར་ཏེ།།
སྔོན་ཚེ་ངམ་ཤོད་འམ་འོད་འོམ་འོད་ཅེས།།
མིང་བརྡའི་ཐ་སྙད་འབོད་པ་དེ་ལྟར་ཡང༌།།
ས་ཡི་ཚངས་དབང་སྲོང་བཙན་ཞབས་སྐྱེས་རྡུལ།།
འདི་ནས་འཕྱུར་བའི་མཛད་འཕྲིན་ཉི་འོད་ཀྱིས།།
ལྷ་ཡི་ཕུན་ཚོགས་འཇིག་རྟེན་མི་ཡུལ་ནས།།
རོལ་བའི་རྫོགས་ལྡན་བསྐྲུན་པས་ལྷ་སར་ཐོགས།།
ལོ་གསུམ་ཁྲིམས་ཆད་བཏང་འདུག།
བོད་ནས་གནས་ཚུལ་བཏང་འབྱོར་བྱུང་བ་ལྟར་ན། ཟླ་འདིའི་ཕྱི་ཚེས་ ༡༦ ཉིན་ཀན་ལྷོ་ཁུལ་རྨ་ཆུ་རྫོང་ཁོངས་ཀྱི་མུ་རྭ་དགོན་གྱི་དགེ་འདུན་པ་གསུང་རབ་རྒྱ་མཚོ་ལགས་ལ། ཀན་ལྷོ་གཙོས་གྲོང་ཁྱེར་ས་གནས་རྒྱ་ནག་གི་འབྲེལ་ཡོད་ཚན་པས་གསང་སྟབས་གྱིས་་མི་ལོ་ ༣ དུས་བཀག་བཙོན་འཇུག་གི་ཁྲིམས་ཐག་བཅད་ཡོད་འདུག
བོད་ལ་ལོག་རྒྱུའི་གོ་སྐབས་ཤིག་ཤར་ན། ཡིན་དང་ཡིན་ང་བོད་ལ་ལོག་རྒྱུ་ཡིན།
བཅར་འདྲི་བྱེད་མཁན། ཉི་མ་འཚོ
དྲི་བ། ཐོག་མར་ཁྱེད་ཀྱིས་རང་ཉིད་ངོ་སྤྲོད་ཅིག་གནང་རོགས།
ལན། ངའི་མིང་ལ་སུའུ་ནེ་ཏ་ཟེར་གྱི་ཡོད། ཕྱིས་སུ་དགེ་བཤེས་སྟོབས་རྒྱལ་ལགས་ཀྱིས་བློ་བཟང་སྒྲོལ་དཀར་ཟེར་བའི་བོད་མིང་ཞིག་གནང་བྱུང༌། དེ་ནས་བཟུང་བོད་པ་ཚང་མས་ང་ལ་སྒྲོལ་དཀར་ཟེར་གྱི་ཡོད། ང་རྒྱ་གར་ལྷོ་ཕྱོགས་མོན་གྷོ་ཊི་ནས་སྐྱེས་ཤིང༌། ཆུང་དུས་འཛིན་རིམ་ལྔ་པ་བར་སློབ་གྲྭར་འགྲོ་མྱོང༌། དེའི་རྗེས་སུ་པ་ལགས་གྲོངས་ཏེ་སློབ་གྲྭར་འགྲོ་སྐལ་མ་ལྡན་པ་མ་ཟད། ཁང་བ་དང་ས་ཞིང་ཚང་མ་ཤོར་ཏེ་ཨ་མ་དང་ནུ་མོ། ནུ་བོ་ང་ཚོ་བཞི་ཆགས་ས་བརྟེན་ས་མེད་པར་གྱུར་སོང༌། ངས་ཨ་མ་ལ་རོགས་པ་བྱས་ཏེ་ནུ་བོ་ནུ་མོ་གཉིས་ལ་བདག་སྐྱོང་བྱས་པ་ཡིན་མོད། ང་རང་ལོ་ན་ཆུང་བ་དང་ང་ཚོའི་འཚོ་བ་སྐྱོ་བས་ཡུན་རིང་མ་འགོར་བར་ནུ་བོ་ནུ་མོ་གཉིས་ཀྱང་གྲོངས་སོང༌། ཨ་མས་སྐྱོ་སྡུག་འདི་མ་ཐེག་པར་སེམས་པ་བདེ་བོ་མེད་པར་ཆགས་ནས་ང་ལའང་ལྟ་རྟོགས་བྱེད་མཁན་མེད་པར་གྱུར་སོང༌། སྐབས་དེར་ང་མི་ཚང་གཞན་གྱི་གཡོག་མོར་རྒྱུགས་ནས་གྲོད་ཁོག་རྒྱག་ཐབས་བྱས་པ་ཡིན། དེ་ནས་ཡུན་རིང་མ་འགོར་བར་སྲུ་མོས་གྷོ་བ་ལ་ཁྲིད་དེ་མོའི་ཕྲུ་གུ་ལ་བདག་སྐྱོང་དང་ཁྱིམ་ལས་ཙག་ཙིག་ལས་ཏེ་གྲོད་ཁོག་རྒྱགས་ཐབས་བྱས་པ་ཡིན། ཕྱིས་སུ་ལམ་འགྲམ་གྱི་ཆུ་སྦུག་བརྐོ་ས་ཞིག་ནས་ལས་ཀ་གཉེར་ཏེ་ཟླ་རེར་ཧིན་སྒོར་༢༠རེ་བླངས་མྱོང་བ་ནི་མི་ཚེ་འདིའི་ཡོང་སྒོ་ཐོག་མ་ཡིན། དེའི་རྗེས་སུ་ཡང་བསྐྱར་མི་ཚང་གཞན་གྱི་གཡོག་མོར་རྒྱུགས་པ་ཡིན་མོད།
དེ་ལས་མང་བ་། “བོད་ལ་ལོག་རྒྱུའི་གོ་སྐབས་ཤིག་ཤར་ན། ཡིན་དང་ཡིན་ང་བོད་ལ་ལོག་རྒྱུ་ཡིན།” »
བདུན་ཕྲག་འདིའི་ངའི་འཕྲིན།
བསྟན་འཛིན་བརྩོན་འགྲུས། ལུང་རིགས་རྒྱལ་གྱིས་བསྒྱུར།
བརྩེ་བའི་ཝན་ཅ་པོའོ་ལགས། ཁྱེད་རྒྱ་གར་དུ་ཕེབས་པར་ངས་དགའ་བསུ་ཞུ། ང་རྒྱལ་ཁབ་འདིའི་མི་སེར་ཞིག་མིན་ནའང་། ང་བཙན་བྱོལ་འདིར་སྐྱེས་ཤིང་འཚར་ལོངས་བྱུང་བ་ཞིག་ཡིན། རྒྱ་གར་ནི་ངས་ཤེས་པའི་ཁྱིམ་གཞིས་དེ་གཅིག་པུ་ཡིན། ང་ནི་བཙན་བྱོལ་གྱི་མི་རབས་གཉིས་པ་སྟེ། ༡༩༥༩ ལོར་༧གོང་ས་ཏཱ་ལའི་བླ་མ་མཆོག་གི་སྐུ་རྗེས་སུ་འབྲངས་ཏེ་རྒྱ་ནག་གི་དྲག་པོའི་བཙན་འཛུལ་འོག་ནས་བྲོས་བྱོལ་དུ་ཡོང་མཁན་བོད་པ་བཙན་བྱོལ་བ་དེ་དག་གི་བུ་ཕྲུག་གི་གྲས་ཡིན།
སྐུ་ཉིད་ཐེངས་སྔོན་མ་སྟེ། ༢༠༠༥ ལོའི་ཕྱི་ཟླ་ ༤ པའི་ཚེས་ ༡༠ ཉིན་རྒྱ་གར་དུ་ཕེབས་ཤིང་། ཉིད་ཀྱིས་བྷང་གྷ་ལོར་ཡོད་པའི་རྒྱ་གར་ཚན་རིག་བསྟི་གནས་ཁང་གི་ཐོག་བརྩེགས་འོག་མའི་ནང་དུ་རྒྱ་གར་གྱི་ཚན་རིག་པ་སྐོར་ཞིག་ལ་གཏམ་བཤད་གནང་ནས་མ་ཁོམ་པར་ཡོད་དུས་དེར། གློ་བུར་དུ་གསར་འགོད་པ་དག་སྒོའི་ཕྱི་ལོག་ལ་རྒྱུག་ཕྱིན་ཏེ་ཁྱེད་རང་ཚོགས་ཁང་ནང་ནས་གཡུག་བཞག་པ་རེད། སྐབས་དེར་མི་ཞིག་ཁང་བརྩེགས་དེའི་སྟེང་དུ་འཛེགས་ཏེ་བོད་རང་བཙན་གྱི་འཕྲེད་དར་ཅིག་ཕྱར་ཞིང་སྐད་འབོད་བྱེད་ཀྱིན་ཡོད། དེ་ནི་ང་ཡིན།
རྒྱལ་དར་མི་དགོས་ན། སྐྱབས་བཅོལ་ཡང་མིན་ཟེར་ན་འགྲིག་གི་རེད།
བོད ལྷ་ཀླུ་གཉན་གསུམ།
ངས་འདི་ནས་སྤུན་གྲོགས་ཅོ་རི་ཉི་མ་ལགས་ ནས་རྒྱལ་དར་གྱི་སྐོར་ལ་བོད་གཞུང་ནས་གསལ་བསྒྲགས་ཤིག་སྤེལ་འདུག་ཞེས་ཁོ་རང་གི་ བྲིས་པའི་རྩོམ་ཡིག་དེ་བཀླགས་རྗེས་སུ། རང་དབང་མེད་པར་སེམས་གཏིང་ནས་གཟོད་མི་ཐུབ་པའི་ནད་ཚ་ཞིག་དང་བཅས་འབྲི་དོན།
སྤྱིར་ན་རྒྱལ་ཁབ་ཞིག་གི་ཡིན་པར་ངེས་ འཛིན་པ་ལ། ཐོག་མར་རྒྱལ་དར། དེ་ནས་སྤྲགས་དམ། སྒོར་མོ་བཅས་ངོས་འཛིན་བྱེད་སྲོལ་ཡོད་པ་དེང་དུས་ཀྱི་འཛམ་གླིང་གི་སྤྱི་སྲོལ་ དུ་ཆགས་ཡོད་པ་རེད། དེ་ཡིན་དུས་བོད་གཞུང་གིས་དུས་ཆེན་ཁག་མ་གཏོགས་བོད་ཀྱི་རྒྱལ་དར་བསྒྲེང་འཛུགས་ མ་བྱེད་རོགས་ཟེར་ནས་གསུང་ན། དེ་ནི་དངོས་ནས་བསམ་ཡུལ་ལས་འདས་པ་ཞིག་རེད་ཟེར་ན་ཆོག
དེ་ལས་མང་བ་། “རྒྱལ་དར་མི་དགོས་ན། སྐྱབས་བཅོལ་ཡང་མིན་ཟེར་ན་འགྲིག་གི་རེད།” »
ང་ཚོ་མྱི་མ་རེད།
བོད ལྷ་ཀླུ་གཉན་གསུམ།
ལྷག་རླུང་དྲགས་པོ་ཞིག་གི་ལྟགས་རྒྱབ་དུ།།
ཆུ་འཁྱག་གྲང་མོ་ཞིག་གི་ཕོར་ཁ་ནས།།
མི་གཤིས་གསེར་དུ་རློམ་པའི་སྔ་གཞུག་ན།།
རང་ལ་སེར་ཁ་ཞུགས་པའི་ཚུལ་འདི་མཐོང་།།
ཕྱི་ནས་མཐོང་དུས་ལྷད་མེད་བརྩེ་བ་ཅན།།
ནང་དུ་བལྟས་དུས་ཆགས་སྲེད་དམར་པོ་མེ།།
ཕར་ལ་འཐམ་ན་ཚུར་ལ་བསྲེག་ནས་འོང་།།
དེ་ཡིས་ལུས་ཀྱི་ཕྱི་ནང་གཡོག་དུ་བཀོལ།།
སྒོ་འབྱེད་པ་དང་རྒྱལ་ཞེན་པ། བྷ་བྷུ་མཐར་ཕྱིན་ལགས་སུ་བཅར་འདྲི།
(ཕྱི་ལོ་༡༩༧༥ལོའི་བོད་གནས་བསྐྱར་ཞིབ་སྟེང་བཀོད།)
བཅར་འདྲི་བྱེད་མཁན། ཟླ་བ་ནོར་བུ།
རིག་འབྱུང་དོན་གྲུབ་བཀྲ་ཤིས་ཀྱིས་བསྒྱུར།
དང་པོ།
ཁྱེད་རང་སྒོ་འབྱེད་པ་ཞིག་ལ་མཚོན་ན། “ཡུལ་ཕྱོགས་སོ་སོའི་གསར་འགྱུར་མེ་ལོང་”འདི་ཐོག་མར་འདོན་དུས། དཀའ་ངལ་མང་པོ་འཕྲད་སོང་ངམ།
ལན། རེད། དཀའ་ངལ་མང་པོ་འཕྲད་སོང་། ཡིན་ན་ཡང་། ང་དེ་ཚོར་དགའ་སྣང་ཡོད། ངས་ཐོག་མར་བོད་ཡིག་གི་གསར་འགྱུར་འདོན་དུས། རྗེས་སུ་སོ་སོ་སྒེར་ངོས་ནས་བོད་ཡིག་གི་ཚགས་པར་འདོན་མཁན་བལ་བོའི་གྲོགས་པོ་ཞིག་གིས། “ག་རེ་བྱས་ནས་ཁྱེད་ཀྱིས་དངུལ་འཕྲོ་བརླག་ལ་གཏོང་གི་ཡོད་དམ། འདི་ལ་མ་འོངས་བ་ཡོད་མ་རེད།” ཞེས་སྨྲས་བྱུང་། འོན་ཀྱང་། ཕྱི་ལོ་༡༩༢༥ལོའི་ཟླ་བཅུ་བའི་ནང་། ཐོག་དང་པོར་ངས་ཚགས་པར་གྲངས་ལྔ་བཅུ་ཙམ་དཔར་བཏབ་ནས་ལྷ་སར་ཡོད་པའི་རང་གི་གྲོགས་པོ་ཚོར་བསྐུར་བ་ཡིན། རྒྱལ་དབང་སྐུ་ཕྲེང་བཅུ་གསུམ་པ་ལ་ཡང་བསྐུར་བ་ཡིན། ཁོང་ཧ་ཅང་ཐུགས་དགྱེས་ཚོར་ཆེན་པོ་བྱུང་འདུག ཁོང་གིས་ང་ལ་འཕྲིན་ཡིག་ཞིག་དང་མཉམ་དུ་ཐུགས་རྗེ་ཆེ་མཚོན་པའི་ལེགས་རྟགས་འགའ་བསྐུར་འདུག་པ་མ་ཟད། མུ་མཐུད་ནས་ཚགས་པར་འདོན་དགོས་བའི་སྐུལ་མ་གནང་འདུག
གཉིས་པ།
བོད་ཐོག་སྤེལ་བའི་ཚགས་པར་དེ་དང་འབྲེལ་ནས། ཁྱེད་རང་རྒྱལ་དབང་སྐུ་ཕྲེང་བཅུ་གསུམ་པ་དང་འབྲེལ་འདྲིས་གཏིང་ཟབ་བྱུང་ཡོད་པ་རེད། དེས་ན། ཁྱེད་རང་གི་ངོས་ནས་ཁོང་ལ་ལྟ་སྟངས་དང་ཁོང་གི་བྱས་རྗེས་གཙོ་བོ་ཅི་ཞིག་རེད་བསམ་གི་འདུག
ལན། ཁོང་ནི་ཧ་ཅང་སྒམ་ཚུགས་ཅན་ཞིག་རེད། ཁྱེད་རང་ཕྱི་རྒྱལ་བ་ཞིག་ཡིན་པའི་དབང་དུ་བཏང་རུང་། ཁོང་གི་གདོང་ལ་ཐད་ཀར་བལྟ་ཐུབ་གི་མ་རེད། དབྱིན་ཇིའི་ལས་བྱེད་ཚོར་ཉམས་མྱོང་འདི་གཅིག་མཚུངས་སུ་བྱུང་ཡོད་པ་རེད། ཁོང་ནི་ཧ་ཅང་གཟི་བརྗིད་ཅན་དང་ངར་མ། སྐྱེས་བ་ནས་བཀའ་གཏོང་མཁན། ད་དུང་བློ་གྲོས་ཅན་ཞིག་ཀྱང་རེད། ཁོང་གི་བྱས་རྗེས་གཙོ་བོ་ནི། བོད་ལ་འགྱུར་བ་ཞིག་ངེས་པར་གཏོང་དགོས་བར་འདོད་པ་དང་བོད་འདི་གཞན་འོག་ལ་ཤོར་རྒྱུའི་ཉེན་ཁ་ཡོད་པ་སོགས་ངོས་འཛིན་གསལ་བོ་ཐུབ་པ་དེ་ཡིན་ཞིང་། ཁོང་གིས་སྐུ་ཚེ་ཧྲིལ་བོར། བོད་འདི་དེང་རབས་ཅན་གྱི་ཕྱོགས་སུ་འཁྲིད་པ་དང་བོད་འདི་རྒྱ་ནག་འོག་ནས་ཐར་སྟེ་རང་བཙན་གཙང་མའི་རྒྱལ་ཁབ་ཞིག་བྱེད་རྒྱུར་འབད་བརྩོན་གནང་བ་རེད། ཁོང་ལ་རྒྱ་ནག་དང་ཞི་འགྲིག་བྱེད་འདོད་ཡོད་མོད། རྒྱ་ནག་གི་འོག་ཏུ་སྡོད་འདོད་མེད་པ་རེད། ད་ལྟའི་ཏཱ་ལའི་བླ་མ་ཡང་སྐུ་སྔོན་མའི་བཏིངས་བའི་ལམ་ཐིག་འདིའི་སྒང་དུ་སྙེག་འདོད་ཡོད་པ་འདྲ་ཞིག་འདུག
དེ་ལས་མང་བ་། “སྒོ་འབྱེད་པ་དང་རྒྱལ་ཞེན་པ། བྷ་བྷུ་མཐར་ཕྱིན་ལགས་སུ་བཅར་འདྲི།” »
བཙན་བྱོལ་བོད་མིའི་སྐྱིད་སྡུག་དང་ངའི་མི་ཚེ།
ལོ་ལོན་ནས། བོད་ཀྱི་ཆེད་དུ་ལངས་མཁན་ཚོགས་པ་དང་གློག་བརྙན་སྒྲིག་སྦྱོར་བ་སྦྲ་ནག་ཚང་གིས་འབད་བརྩོན་འོག་༼བཙན་བྱོལ་བོད་མིའི་སྐྱིད་སྡུག་དང་ངའི་མི་ཚེ།༽ཞེས་པའི་བཀྲས་མཐོང་བསྟན་འཛིན་རྣམ་རྒྱལ་ལགས་སུ་བཅའ་འདྲི་བྱས་པའི་དངོས་ཡོད་གློག་བརྙན་ཞིག་ཐོན་ཡོད་འདུག གློག་བརྙན་དེའི་ནང་དུ་འདས་པའི་བཙན་བྱོལ་བོད་མིའི་གནས་སྟངས་དང་འཕེལ་རིམ་ལ་ནང་།བཀྲས་མཐོང་བསྟན་འཛིན་རྣམ་རྒྱལ་ལགས་ལ་མངའ་བའི་ཆབ་སྲིད་ཐད་ཀྱི་གཟིགས་རྒྱང་དང་འཇོན་ནུས།ཕྱག་ལས་གནང་བའི་ཉམས་མྱོང་སོགས་གསལ་འདོན་བྱས་ཡོད་འདུག ཤེས་གསལ་ལྟར་ན་གློག་བརྙན་དེ་ནི་ཟླ་༡༢་ཚེས་༡༨ཉིན་ཁ་ན་དྲིའི་Parkdale ས་གནས་སུ་སྟོན་འཆར་ཡོད་འདུག འབྲེལ་ཐག་འདི་བརྒྱུད་ནས་གློག་བརྙན་འདིའི་ཚན་པ་གཅིག་གཟིགས་ཐུབ།
བཙན་བྱོལ་བོད་གཞུང་བཀའ་ཤག་གིས་བོད་རིག་པའི་མཁས་དབང་ཇིན་ སི་མི་ཐི་མཆོག་ཚེ་འདས་སུ་གྱུར་བར་གསུང་འཕྲིན་བསྩལ་བ།
http://www.tibet.net/en/index.php?id=2042.&articletype=flash&rmenuid=morenews&s&tab=1#TabbedPanels1
དུག་འཐུང་མཁན།
ཀླུ་སྨྱོན།
དྲག་ཆར་དང་རླུང་འཚུབ་འཇགས་མ་ཐག
མི་ཚང་མ་སྨྱོས་པ་ལྟར་ཁྲོམ་སྲང་དུ་བརྒྱུགས་ཏེ་རང་རང་ས་ནས་ཅི་ཞིག་བཙོང་མགོ་བརྩམས་བྱུང་།
ཡིན་ན་ཡང་།
ངས་ཁུག་ཀྱོག་ཅིག་ནས་ལྐོག་ལྟ་བྱེད་བཞིན་བསྡད་པ་ཡིན།
མི་རེ་རེའི་སྙིང་ཀའི་ཐད་དེར་ཨུ་ཁུང་རེ་རེ་ཡོད་ཅིང་།
དེའི་ནང་དུ་མར་མེ་ཆུང་ཆུང་རེ་འབར་བཞིན་འདུག
མར་མེ་རེ་རེའི་གཡོ་སྟངས་དང་འབར་སྟངས་མི་མཚུངས་ལ།
མར་མེ་རེ་རེའི་ཆེ་ཆུང་ཡང་མི་འདྲ་བ་དེ་ལས་ལྟད་མོ་ཆེ་བ་ཞིག་མི་འདུག
སྐྱེས་སྐར་དང་ལོ་ཚོད།
འབྲོང་བུ་ཟླ་བ་ཚེ་རིང་།
ཉིན་འདི་གའི་རིང་ལ་ཝེཌིནམ་རྒྱལ་ཁབ་ཀྱི་ཐེག་ཆེན་ཆོས་པ་ Thich Nhat Hanh གྱིས་བརྩམས་པའི་ཤེས་རབ་སྙིང་པོའི་འགྲེལ་བ་ཞིག་ཀློག་བཞིན་ཡོད། ཀློག་གིན་ཀློག་གིན་ཡོང་དུས། ཁོ་བོས་སྟོང་པ་ཉིད་ཀྱི་ངོ་བོའི་ཐོག་ནས་སྐྱེས་སྐར་དང་ལོ་ཚོད་གྱི་སྐོར་ལ་ནང་པའི་རྒྱལ་ཁབ་ཁག་ན་ཡོད་པའི་ལུགས་སྲོལ་ཞིག་འགྲེལ་གྱིན་འདུག རང་རིགས་ལ་ཡང་འདི་དང་མཐུན་ས་ཞིག་ཡོད་མོད། རྒྱུ་མཚན་གང་གིས་ཕྱིར་ཡིན་པ་མ་ཤེས།
ཁོང་གིས་ཆོས་ཐམས་ཅད་རང་ཉིད་ཀྱི་ངོ་བོས་སྟོང་པ་རེད། དེ་བཞིན་སྐྱེ་འཆི་ཡང་གཅིག་པ་རེད། ང་ཚོ་རྒྱུ་མེད་ཅིག་ནས་སྐྱེ་རྒྱུ་ཡོད་པ་མ་རེད། ད་ལྟའི་ཆར་ང་ཚོས་ངོས་འཛིན་བྱེད་བཞིན་པའི་སྐྱེས་སྐར་འདི་ནི་དོན་དངོས་ཀྱི་སྐྱེས་སྐར་དེ་མིན་ཏེ་རྒྱུན་མཐུད་ཀྱི་ཉིན་མོ་ཞིག་རེད། སྐྱེས་སྐར་ལ་ངོས་འཛིན་བྱེད་བཞིན་པའི་ཉིན་མོ་འདིའི་ཡར་སྔོན་དུ་ཁྱེད་རང་ཡོད་པ་རེད་དམ་ལབ་ན་ཡོད་ཡོད་པ་རེད། ཁྱེད་རང་ཨ་མའི་མངལ་ན་ཡོད་པ་རེད། སྐྱེས་ཚེས་ལག་དེབ་ཏུ་བྲིས་པའི་ཚེས་གྲངས་དེ་ནས་ཟླ་དགུ་ཡར་ལ་དེད་པའི་ཉིན་དེ་ནི་ཁྱེད་ཀྱི་སྐྱེས་སྐར་དངོས་མ་དེ་རེད། འདིའི་རྐྱེན་གྱིས་རྒྱ་ནག་དང་ཝེཌིནམ་རྒྱལ་ཁབ་ཏུ་ཕྲུ་གུ་སྐྱེས་མ་ཐག་ལོ་གཅིག་ཡིན་པར་ངོས་འཛིན་བྱེད་པའི་ལུགས་སྲོལ་ཞིག་ཡོད། ཅེས་གསུངས་འདུག
རྒྱ་ནག་གཞུང་གིས་སྲིད་བློན་ཝུན་ཅཱ་བའོ་ལ་ནོ་སྦེལ་ཞི་བདེའི་བྱ་དགའ་རག་ཐབས་བྱས་པ།
བུ་རྫོང་ལྷ་མོ་ཚང་ཚེ་རིང་དབང་ཕྱུག
༄༅། །འདི་ལོའི་ཕྱི་ཟླ་ ༡༢ ཚེས་ ༡༠ ཉིན་མོ་དེ་ནི་ནོ་སྦེལ་ཞི་བདེའི་གཟེངས་རྟགས་ཕུལ་བའི་ཉིན་མོ་ཞིག་རེད། འདི་ལོའི་བྱ་དགའ་དེ་རྒྱ་ནག་ནང་མང་གཙོ་དོན་གཉེར་བ་སྐུ་ཞབས་ལིའུ་ཤའོ་ཕོ་ལ་གནང་ཡོད་ཀྱང༌། ཁོང་དོ་བདག་དང་ནང་མི་སོགས་བྱ་དགའ་ལེན་པར་བསྐྱོད་ཐུབ་མེད་པར། བྱ་དགའ་དེ་ནོ་སྦེལ་གཟེངས་རྟགས་ཀྱི་མཛད་སྒོ་ཚོགས་སའི་སྐུ་མགྲོན་བཞུགས་སའི་སྡིང་ཆའི་རྐུབ་བཀྱག་སྟོང་པ་ཞིག་སྟེང་བཞག་དགོས་བྱུང་ཡོད། རྒྱ་ནག་གཞུང་གི་ཆབ་སྲིད་དང་དཔལ་འབྱོར་སོགས་ཀྱི་གནོན་ཤུགས་འོག་ར་ཤི་ཡ་དང༌། དབྱི་རང༌། ཀུ་པ། ཝེ་ནེ་རུ་ཡ་སོགས་རྒྱལ་ཁབ་ ༡༧ ད་རེས་ཀྱི་བྱ་དགའ་ཕུལ་བའི་མཛད་སྒོར་བཞུགས་ཡོད་པ་མ་རེད།
རྒྱ་ནག་གཞུང་གིས་ནོ་སྦེལ་གཟེངས་རྟགས་ལྷན་ཚོགས་ཀྱིས་གཟེངས་རྟགས་བྱ་དགའ་དེ་ཛྲརྒྱལ་ཁབ་མགོ་གཏིང་སློག་པའི་ཛྲཉེས་མིང་འོག་ད་ལྟ་བཙོན་ཁང་ནང་ཉེས་ཆད་འཁུར་བཞིན་ཡོད་པའི་ལིའུ་ཤའོ་ཕོ་ལ་སྤྲད་པ་དེར་ཁོངས་ཁྲོ་ཆེན་པོ་ལངས་ནས། དེ་ནི་ཛྲམངོན་གསལ་དོད་པོས་རྒྱ་ནག་ནང་ཁུལ་དུ་ཁྲིམས་བརྒལ་ཉེས་ཅན་པ་ཞིག་ལ་རྒྱབ་སྐྱོར་བྱས་ཏེ། རྒྱ་ནག་གི་ནང་སྲིད་ལ་རྩུབ་སྤྱོད་ཀྱིས་ཐེ་ཇུས་བྱས་ཛྲཔར་ངོས་འཛིན་བྱས་འདུག
ཡིན་ནའང༌། ཨ་རི་དང་ཡུ་རོབ་གཙོས་རང་དབང་དང་མང་གཙོར་ཕྱོགས་པའི་རྒྱལ་ཁབ་མང་ཆེ་བས་ད་རེས་ཀྱི་ནོ་སྦེལ་ཞི་བདེའི་བྱ་དགའ་ལིའུ་ཤའོ་ཕོ་ལ་གནང་བ་དེ་རྒྱ་ནག་གི་མང་གཙོའི་བརྒྱུད་རིམ་སྐུལ་དེད་གཏོང་བའི་འབད་བརྩོན་བྱས་པར་རྒྱབ་སྐྱོར་བྱས་པ་ཞིག་ལ་ངོས་འཛིན་བྱས་ཏེ། རྒྱ་ནག་པེ་ཅིན་གཞུང་གིས་ལིའུ་ཤའོ་ཕོ་འཕྲལ་དུ་གློད་བཀྲོལ་གཏོང་དགོས་པའི་འབོད་སྐུལ་གནང་འདུག།
དེ་ལས་མང་བ་། “རྒྱ་ནག་གཞུང་གིས་སྲིད་བློན་ཝུན་ཅཱ་བའོ་ལ་ནོ་སྦེལ་ཞི་བདེའི་བྱ་དགའ་རག་ཐབས་བྱས་པ།” »
ཡིག་འབྲུ་གསུམ་གྱི་གསང་བ་ལས་རྙེད་པའི་ཁྱེད།
༼སྣང་ཚུལ་འགའ་རེར་རྐྱེན་བྱས་ཏེ་སྙིགས་དུས་ཚད་མའི་སྟོན་པ་༸རྒྱལ་དབང་ཐམས་ཅད་མཁྱེན་པའི་སྐུ་ངལ་སེམས་ལ་ལྷུང་རྗེས།༽
ཤིས་ཚང་ལྗང་མྱུག(འབྲས་སྒོ་མང་།)
༼༡༽
མཚོ་ཆེན་གྱི་སྙིང་གར་བཞད་པའི་ཡིག་འབྲུ་གསུམ་གྱི་གསང་བ་དང་། གསང་བ་དེའི་གསེང་དུ་སྦྲུམ་པའི་མཛེས་སྡུག་ཉིད་ལས། ང་ཚོས་རྡུལ་གྱིས་ཟིན་པའི་པོ་ཏཱ་ལའི་གསེར་ཁྲི་ལ་གཟི་དཔལ་རྒྱས་ཤིང་། སྟོང་ཞིང་འཇགས་པའི་ཤམ་བྷ་ལའི་རི་གྲོང་ལ་ཉི་འོད་འཕྲོ་ངེས་པའི་བརྡ་རྟགས་ཐོག་མར་རྙེད། སྐབས་དེར། ཁྱེད་ཉིད་འཚོལ་བའི་འགྲུལ་བཞུད་པ་ཚོས་ཤར་ཙོང་ལ་རིང་མོའི་རུ་སྒོ་ཉུལ་ཏེ། ཡིག་འབྲུ་གསུམ་གྱི་གསང་བ་ཡིད་ཆེས་ཀྱིས་འཚོལ་བར་སྙེགས་དུས། ཁྱེད་ཀྱིས་སྔ་མོ་ནས་བྱམས་བརྩེའི་བདག་ཉིད་ཅན་གྱི་སྐྱེད་མ་རླབས་ཆེན་ཞིག་གི་མངལ་སྒོ་བརྟོལ་ཟིན་ལ། ཕྱི་རོལ་དུ་རྩེད་འཇོར་གཡེང་བའི་བྱིས་པ་སྣབས་ལུག་འགའི་ཁྲོད་དུ་མི་ཡུལ་ལ་ཆེས་ཐོག་མའི་ཞབས་རྗེས་ཀྱི་མེ་ཏོག་ཀྱང་སྤར་ཟིན། དུས་དེ་ནི། ང་ཚོར་མཚོན་ན། གདུང་ཡུས་དང་མིག་ཆུས་སྐྱོམ་པའི་རི་གྲོང་དེར་སླར་ཡང་ཉི་འོད་ཀྱི་ཟིལ་ཤུགས་མཆེད་པའི་ནམ་ཟླ་ཞིག་གསར་དུ་ཚེས་པའི་དུས་ཚིགས་ཡིན།