རྨོག་རུ་བསྟན་པ།

༡》ཨ་ ཅེ་འཇམ་དབྱངས་སྐྱིད། འདང་དགུང་ངས་ཁྱོད་ཀྱི་འདྲི་གཅོད་ཀྱི་ཉིན་ཐོ་བཀླག་པ་ཡིན། ཚིག་དོན་གྱི་སྡེབ་སྦྱོར་བར་ནས་གློག་བརྙན་ལྟ་བུའི་སྣང་བརྙན་ཞིག་ཡིད་ངོར་འཆར་ འོངས། ཉེན་རྟོག་པའི་གཟུགས་བརྙན་དང་། སྐད་ཆ། ཁྱེད་ཀྱི་དངངས་སྐྲག་གི་ཁེངས་བའི་སེམས་ཁམས། ཁྱོད་ཀྱི་མིག་ཀོང་ན་ཡལ་ཐབས་མེད་པའི་ཁྱོ་ག་དང་བྱིས་པའི་གཟུགས་བརྙན་དེ་དག རེད་ཡ། ཁྱེད་ཀྱི་ཡིག་འབྲུ་རེ་རེ་ནི་ང་ཡི་ཚོར་བར་གྱུར་ཅིང་། ལྕགས་ཀོང་ལྟ་བུའི་ངའི་སེམས་ཁམས་ཀྱང་ཧྲལ་ཧྲུལ་དུ་གྱུར་སོང་།

དེ་ལས་མང་བ་། “འདྲི་གཅོད་ཀྱི་ཉིན་ཐོ་བཀླག་རྗེས།” »

བོད། ལྷ་ཀླུ་གཉན་གསུམ།

ངས་ང་ཚོས་དུས་རབས་འདིའི་ཟུར་ངོས་རེ་རེ་ནས། དམིགས་བསལ་གྱིས་བུད་མེད་ཀྱི་སྐོར་ལ་ཉན་པ་ཡིན། དེ་ཡི་ནང་ནས་བོད་མི་རིགས་ཀྱི་ཆེད་དུ་ལུས་ཡོད་པའི་བུད་མེད་དག་གི་ཆེད་དུ་ཉན་པ་ཡིན། དེ་ཡིན་དུས། ངས་ད་ལྟ་འདི་ནས་ཁྱེད་ཅག་ལ་ངོ་སྤྲོད་བྱེད་བཞིན་པའི་བུད་མེད་འདི་ཡི་མིང་ལ་ལྷ་མོ་མཚོ་ཟེར་བ་དང་། ཁོ་མོ་སྐྱེ་ཡུལ་ནི་བླ་བྲང་དགོན་པའི་འདབས་ཀྱི་གྲོང་སྡེ་ཞིག་ཡིན། ཁོ་མོ་སྐྱེ་དུས་ཀྱི་ནམ་ཟླ་དེ་དག་གི་སྐོར་ལ་ངས་གསལ་བོ་ཉན་མེད་ལ། སྐད་ཆ་ཡང་འདྲི་མ་འཕོད། ངས་ཁོ་མོ་ལ་ཉན་པ་དེ་ནི་བོད་མི་རིགས་ཀྱི་ཆེད་དུ་ད་ལྟ་བཙོན་དུ་ཡོད་པའི་ཁོ་མོའི་ཁྱོ་གའི་ཤུལ་རྗེས་ཀྱི་འཚོ་བའི་སྐོར་ཡིན། དེ་ཡང་འཇིག་རྟེན་གྱི་མིའི་རིགས་ཀྱི་གཙུག་སུ་འཛིན་པའི་འཚོ་བ་བསྐྱེལ་སྟངས་སྐོར་རེད།

དེ་ལས་མང་བ་། “ལྷ་མོ་མཚོ་ལ་ཉན་པ།” »

མཚོ་སྔོན་ཞིང་ཆེན་གཞུང་འཛིན་ཚོགས་པ་དང་ཞིང་ཆེན་སྲིད་གཞུང་། སློབ་གསོ་སྡེ་ཁག་བཅས་ལ།

གནམ་འོག་གི་སྐད་ཡིག་ཚང་མ་འདྲ་མཉམ་ཡིན།

གནམ་ འོག་གི་མི་ཚང་མས་སོ་སོའི་སྐད་ཡིག་དར་སྤེལ་དང་རིག་གཞུང་སྲུང་སྐྱོབ། མི་རིགས་འདྲ་མཉམ་བཅས་ཀྱི་ལངས་ཕྱོགས་གཙིགས་སུ་བཟུང་ནས་ཕན་ཚུན་ལ་བརྩི་འཇོག་ བྱེད་ཀྱིན་པའི་སྐབས་འདིར་མཚོ་སྔོན་ཞིང་ཆེན་གྱི་སྲིད་གཞུང་དང་འབྲེལ་ཡོད་ སློབ་གསོ་སྡེ་ཁག་ནས་གློ་བུར་དུ་སློབ་གསོ་བཅོས་བསྒྱུར་གྱི་ལས་གཞི་འདི་འདྲ་ ཞིག་གཏན་འབེབ་ལག་བསྟར་བྱས་པར་ང་ཚོ་ཚང་མར་བློ་ཕམ་ཚད་མེད་བྱུང་ཞིང་། གནས་ཚུལ་འདི་ཐོས་འཕྲལ་ང་ཚོས་ཉེན་ཁའི་གནས་སུ་གྱར་ཅིང་རྐང་ཞ་ལག་ལྡུམ་དུ་བཏང་ བའི་བོད་ཀྱི་སྐད་ཡིག་འདིའི་ཐོག་ཡང་བསྐྱར་རིག་གནས་གསར་བརྗེ་ལྟ་བུའི་གོད་ཆག་ འབྱུང་སྲིད་པར་སེམས་ཚབས་ཆེན་པོ་བྱེད་ཀྱིན་ཡོད། ཐེངས་འདིའི་<>ཅེས་ པ་འདི་ཕྱོགས་གཅིག་ནས་སྲིད་འཛིན་ཧུའུ་ཅིན་ཐའོ་ཡིས་ཤོད་ཀྱིན་པའི་འཆམ་མཐུན་ སྤྱི་ཚོགས་ཤིག་ཡོང་བར་འགོག་རྐྱེན་དུ་གྱུར་ཡོད་པས། གོང་རིམ་ནས་དངོས་ཐོག་བདེན་འཚོལ་གྱིས་སྲིད་ཇུས་འདི་འཕྲལ་དུ་ཕྱིར་འཐེན་བྱེད་ དགོས་པའི་འབོད་སྐུལ་ནན་གྱིས་ཞུ་བཞིན་ཡོད།

དེ་ལས་མང་བ་། “སྤྱི་ལོ་༢༠༡༠ནས་༢༠༢༠ བར་གྱི་མཚོ་སྔོན་སློབ་གསོའི་བཅོས་བསྒྱུར་འཆར་འགོད་རྩ་གནད་ཕྱིར་འཐེན་དགོས་པའི་འབོད་སྐུལ་ཁག་བཞི།” »

སོག་ཤོད་དར་རྒྱས།

ཉེ་ཆར་བོད་ནང་དུ་སློབ་ཕྲུག་ཚོས་རྒྱ་ནག་གཞུང་ལ་ཞུ་འབོད་ཁྲོམ་སྐོར་གཞི་རྒྱ་ཆེན་པོ་ཞིག་བྱས་ནས། མཐོ་རྒྱ་མིའི་ཞིང་ཆེན་གྱི་དཔོན་པོ་ཡང་ས་གནས་རང་ལ་ཡོང་དགོས་པ་ཞིག་བཟོས་ནས་སྐད་ཡིག་གི་ཐོབ་ཐང་བརྩད་པ་རེད། བཙན་བྱོལ་ནང་དུའང་དེ་ལ་རྒྱབ་སྐྱོར་གྱི་རྣམ་པ་མཚོན་ཆེད་དུ་མར་མེའི་ཁྲོམ་སྐོར་ལྟ་བུ་ཐེངས་ཁ་ཤས་བྱས་པ་རེད། དེ་དག་ནི་རྣམ་འགྱུར་སྟོན་ཆེད་ཙམ་རེད།དོན་ངོ་མའི་རྒྱབ་སྐྱོར་ཞིག་ཆགས་ཀྱི་ཡོད་མེད་བཤད་ཁག་པོ་རེད།གང་ཡིན་ཟེར་ན།བཙན་བྱོལ་ནང་དུ་རང་དབང་ཡོད་སྟབས།སྐད་ཡིག་དང་རིག་གཞུང་སོགས་ཀྱི་ཐོག་ལ་མི་འབོར་ལ་དཔག་པའི་ཚད་གཞི་ཞིག་ལ་སླེབས་དགོས་ངེས་ཡིན་ཡང་ད་ལྟ་གང་ཞིག་ལ་སླེབས་ཡོད་མེད་དང་། གང་ཞིག་ཏུ་ཁ་ཕྱོགས་འགྱུར་བཞིན་པ་སྒེར་སོ་སོ་ལ་མཛུབ་མོ་འཛུགས་རྒྱུ་རེད།

དེ་ལས་མང་བ་། “བཙན་བྱོལ་ནང་དུ་རང་སྣང་གང་ཤར་རེད་དམ།” »

རྟ་ནག་སྐལ་བཟང་ལུང་རིགས།

མཚོ་སྔོན་གྱི་བོད་རིགས་རྒན་ཡོལ་བས་མཚོ་སྔོན་སློབ་གསོ་ཐེན་སོགས་ལ་ཕུལ་བའི་སྙན་ཞུ་ཡོངས་སུ་བོད་ཡིག་ལ་བསྒྱུར་ཚར། བལ་ ཡུལ་གྱི་གློག་ཀྱང་ཤིན་ཏུ་ནས་མི་བརྟན་པའི་རང་བཞིན་ཅན་ཡིན་པ་དང་། དུས་ཚོད་ཀྱང་སྟབས་བསྟུན་བགྱིས་ཏེ་ཆུ་ཚོད་གཅིག་རེ་ཅན་གྱི་འཛིན་གྲྭ་ལྔའི་ལས་ ཞོར་དུ་བསྒྱུར་བ་ཡིན་གཤིས། མ་ཤེས་པ་དང་མ་མཐོང་ས་རེ་འགའ་ཡོད་པ་ནི་ངེས་པ་ཅན་ཡིན་ཕྱིར། དེ་དག་ལ་ཀློག་པ་བོ་ཀུན་གྱིས་དགོངས་བཞེས་གནང་རོགས། བོད་དུ་བསྒྱུར་སྐབས་དོན་བསྒྱུར་གཞི་ལ་བཞག་ནས་ཆབ་སྲིད་དང་སློབ་གསོའི་བརྡ་ཆད་གང་ག་བོད་ནང་གི་འགྱུར་སྟངས་ལྟར་སྟབས་བདེ་བྱས་ཡོད་པའོ།།

དེ་ལས་མང་བ་། “སྙན་ཞུ་བོད་འགྱུར་རྗེས་ཀྱི་སྐད་ཆ་འདི་དག་གོ།” »

ཨེ་མ་ཧོ
ལྷ་བབས་དུས་ཆེན་དགེ་བའི་དཔལ་ལ་རོལ། །
འདྲེ་བབས་དུས་ཆེན་སྐྱིད་པའི་དཔྱིད་དུ་སྨིན། །
དུས་བབས་རྟེན་བོད་ཡུལ་རང་དབང་ཤར། །
བཀྲ་ཤིས་བདེ་ལེགས་གླུ་བྲོ་མཉམ་དུ་བྱ། །
རྨི་ལམ་ཞིག་གི་རྐྱེན་ལས་ཤྲྰིས་མྱུར་བྲིས་བགྱིས། །

དེ་ལས་མང་བ་། “རྨི་ལམ་ཡག་པོ་དང་རྟེན་འབྲེལ་ཞིག་ཡོད།” »