ཀླུ་སྨྱོན།
ཁེ་ཉིན་དགོང་མོའི་ཆུ་ཚོད་བཅུ་གཅིག་དང་ཕྱེད་ཀའི་སྟེང་དུ་ངས་ད་དུང་བརྙན་འཕྲིན་ལ་ལྟ་བཞིན་ཡོད། ནམ་རྒྱུན་ཡེ་ཤུའི་ཆོས་ལུགས་ཀྱི་བརྙན་འཕྲིན་ལས་རིམ་ཞིག་ཡོད་པར་མཚམས་རེར་ལྟ་རྒྱུ་དེ་ངའི་གོམས་གཤིས་ཤིག་ཏུ་གྱུར་ཡོད་ཅིང་། དགོང་མོ་དེར་ཡང་ལས་རིམ་དེར་ལྟ་ཙམ་བྱས་པ་ཡིན་ལ་དེས་སྐབས་ཤིག་གི་རིང་ངའི་ཡིད་དབང་རྦད་དེ་འཕྲོགས་སོང་།
ལས་རིམ་དེའི་ནང་དུ་ཡེ་ཤུ་བ་མི་རྒན་ལོ་ན་བདུན་ཅུའི་ཡར་སྟོད་དུ་སོན་པ་ཞིག་གིས་མི་སྐོར་ཞིག་གི་ཤི་བའི་ཉམས་མྱོང་དང་དེའི་གནས་སྐབས་སུ་ཇི་ལྟར་དཀོན་མཆོག་གི་བྱིན་རླབས་ཐོབ་ཚུལ་ངོ་སྤྲོད་རགས་བསྡུས་རེ་བྱས་རྗེས་མི་དེ་དག་གིས་རང་རང་གི་ཉམས་མྱོང་དག་ཕྲ་ཞིང་ཞིབ་པའི་སྒོ་ནས་ངོ་སྤྲོད་བྱེད་བཞིན་འདུག
རྣམ་ཤེས་བརླག་པའི་ཕུང་པོ།༼བོད་འབྱོར་རྩོམ་ཡིག༽
ཁྲག་རྒྱུན།
ཀེ་ལ་ཤ་ཡིས་ཡོངས་སུ་བསྐོར་བའི་ཞིང་ཁམས། །
རིགས་དྲུག་སེམས་ཅན་བདེ་བར་སྡོད་པའི་ཞིང་ཁམས། །
བཅུ་ཕྲག་རིག་པ་དར་འཕེལ་བྱུང་བའི་ཞིང་ཁམས། །
རླབས་ཆེའི་འཛུགས་སྐྲུན་སྐར་ལྟར་ཤར་བའི་ཞིང་ཁམས། །
ཡ་རབས་ཚུལ་བཟང་གདོང་དམར་གནས་སའི་ཞིང་ཁམས། །
ནོར་ཕྱུག་རྩྭ་ཁ་ཡོངས་སུ་འཛོམས་པའི་ཞིང་ཁམས། །
ནང་པའི་ཆོས་ལ་དད་པའི་གདོང་དམར་ཞིང་ཁམས། །
རི་སྐྱེས་སྲོག་ཆགས་བདེ་བར་འཁོད་པའི་ཞིང་ཁམས། །
ཞེས་བསྟོད་པའི་མེ་ཏོག་གི་སྦྲང་ཆར་བབས་དང་འབབ་མུས་ཡིན།
དེ་ལས་མང་བ་། “རྣམ་ཤེས་བརླག་པའི་ཕུང་པོ།༼བོད་འབྱོར་རྩོམ་ཡིག༽” »
བོད་པ་ང་ཚོའི་རིགས་འདི་སྙིང་རེ་རྗེ།
བོད ལྷ་ཀླུ་གཉན་གསུམ།
རང་བཙན་བརྩད་དེ་རྩ་བར་མ་ཐུག་ཅིང་།།
དབུ་མར་ཕྱོགས་ནས་ལས་དོན་མ་སྒྲུབ་པར།།
རང་ཐག་རང་གཅོད་མ་བྱས་ལྷོད་ལྷོད་བསྡད།།
བོད་པ་ང་ཚོའི་རིགས་འདི་སྙིང་རེ་རྗེ།།
གཅིག་གིས་བྱས་པར་གཅིག་གིས་འཕྱ་ཞིང་དམོད།།
གཞན་གྱིས་བྱས་ན་ཕྲག་དོག་མེ་ལྕེ་འབར།།
ཕར་ཚུར་གཉིས་ཀའི་བྱ་བ་མི་འཇོན་པའི།།
བོད་པ་ང་ཚོའི་རིགས་འདི་སྙིང་རེ་རྗེ།།
དུས་ཚོད་རིན་ཆེན།
འཕན་པོ་བསྟན་དར།
༄༅། །འདས་པའི་ཁ་སང་དང་། ད་ལྟ་བའི་དེ་རིང་། མ་འོངས་པའི་སང་ཉིན་བཅས་ཀྱི་དུས་ཚོད་གསུམ་པོ་དེར་བསམ་བློ་གཏོང་མྱོང་ངམ།
དུས་ཚོད་ནི་གཙང་པོའི་ཆུ་རྒྱུན་དང་འདྲ་བར་མཚམས་མ་ཆད་པར་འགྲོ་གི་ཡོད་པར་བརྟེན། དེ་ཡང་རང་ཉིད་འཚོ་བའི་རིང་། དུས་ཚོད་དེ་དང་མཉམ་དུ་འགྲོ་གི་ཡོད་པས། རང་ཉིད་ཀྱི་མི་ཚེ་དེ། འགྲོ་བཞིན་པའི་དུས་ཚོད་ཟེར་བ་འདི་ཡིན།
ཐེ་སྨད་འབྲུག་ཆུ་ཁུལ་དུ་ཡང་བསྐྱར་རི་ཉིལ་གྱི་གནོད་འཚེ་བྱུང་བ།
བསེ་རོང་འོད་ཟེར། ཕྱི་ཚེས་ ༦ ཉིན་མདོ་སྨད་ཐེ་བོ་སྨད་རྒྱུད་འབྲུག་ཆུ་ཁུལ་དུ་ཡང་བསྐྱར་རི་ཉིལ་གྱི་གནོད་འཚེ་བྱུང་ཡང་། རི་ཉིལ་གྱིས་གནོད་འཚེ་མ་བྱུང་སྔོན་ལ་མི་མང་རྣམས་སྡོད་གནས་སྤར་ཐུབ་ཙམ་བྱུང་བས་མི་མང་རང་ལ་ཤི་རྨས་ཚབས་ཆེ་ཐེབས་ཡོད་མེད་གསལ་ཁ་ཞིག་མེད་ཀྱང་། ཁང་ཁྱིམ་དང་། རྒྱུ་ནོར་ལ་སྐྱོན་གུད་ཚབས་ཆེ་ཐེབས་ཡོད་འདུག སྤྱིར་ད་རེ་ཐེ་སྨད་འབྲུག་ཆུ་ཁུལ་དུ་རང་བྱུང་གི་གནོད་འཚེ་གཅིག་རྗེས་གཉིས་མཐུད་འབྱུང་བཞིན་པའི་གནད་དོན་གཙོ་བོ་རྒྱ་གཞུང་གིསའབྲུག་དཀར་གཙང་པོའི་གཡས་གཡོན་གྱི་རི་ལུང་གི་ནགས་ཚལ་གཅོད་འབྲེག་དང་། རང་བྱུང་གཏེར་ཁ་སྔོག་འདོན་ཚད་མེད་བྱས་པའི་ངན་འབྲས་རྣམས་ཉམ་ཐག་པའི་ས་གནས་བོད་མི་ཚོའི་མགོ་ཐོག་ཏུ་གཅིག་རྗེས་གཉིས་མཐུད་དུ་འབྱུང་བཞིན་པའི་གནས་སྟངས་འདི་དངོས་གནས་ཡིད་སེམས་གཏིང་ནས་སྐྱོ་དགོས་པའི་གནས་སྟངས་རང་རེད།
༸སྐྱབས་རྗེ་འབྲུག་ཆེན་རིན་པོ་ཆེ་ནི་བོད་ཀྱི་བླ་ཆེན་ཁག་གི་ནང་ནས་མིག་དཔེར་འོས་པའི་དཀར་ཟས་རང་ལུགས་པ་ཆེན་པོ་ཞིག་ཡིན།
རྫ་ཚེ་རིང་བཀྲ་ཤིས།
དཔལ་འགྲོ་བའི་མགོན་པོ་གཙང་པ་རྒྱ་རས་ཀྱི་སྐྱེས་རབས་བཅུ་གསུམ་པ་ཡིན་ཞིང་། འགྲོ་མགོན་གཙང་བ་རྒྱ་རས་ནི་འབྲུག་པ་དཀར་བརྒྱུད་ཀྱི་ཤིང་རྟའི་སྲོལ་འབྱེད་པའང་རེད།
འདིར་ཁོང་ཉིད་ལ་ཉེ་ཆར་མཉམ་འབྲེལ་རྒྱལ་ཚོགས་ནས་གལ་ཆེའི་རྟགས་པ་ཕུལ་བར་ནང་པ་ཡོངས་དང་བོད་པ་ཡོངས་ཀྱི་ངོས་ནས་སྤོབས་པ་ཆེན་པོ་ཞུ་འོས་ཞིག་ཏུ་མཆིས་པ་ལྟར་དད་སྤྲོའི་ཡི་རང་དང་འབྲེལ། ཁོང་གི་སྐོར་ལ་དམིགས་བསལ་དོ་སྣང་སླེབས་བཞིན་པའི་སྐབས་འདིར་ཀློག་པ་པོ་དག་གི་ཆེད། ཁོང་ཉིད་ཉེ་བའི་ལོ་གཉིས་ཀྱི་སྔོན་རྒྱ་གར་ལྷོ་ཕྱོགས་ཀྱི་བྷེལ་ཀོབ་རྒྱལ་བའི་ཕོ་བྲང་དུ་རིས་མེད་མཁན་སྤྲུལ་སེར་སྐྱ་ཁྲི་ཕྲག་ཡས་མས་ཀྱི་འདུས་ཚོགས་སུ་སྤྱན་རས་གཟིགས་ཀྱི་བཀའ་དབང་གནང་བའི་སྐབས་ཀྱི་བཀའ་སློབ་གུས་པས་ལོ་གཅིག་གི་སྔོན་ལ་ཡིག་གེར་ཕབ་པ་ཞིག་ལས། ཁོང་ཉིད་ནས་ཤའི་ཁ་ཟས་དང་འབྲེལ་བའི་བཀའ་སློབ་གནང་བའི་དུམ་བུ་གཅིག་གཤམ་དུ་འདྲེན་འགོད་ཞུ་རྒྱུ་ཡིན། འདི་ཡོངས་སུ་གཟིགས་ཟིན་མཚམས་གཞི་ནས་ཁོང་ཇི་ལྟ་བུའི་དཀར་ཟས་རིང་ལུགས་པ་ཞིག་ཡིན་པ་མཁྱེན་ཐུབ་པའི་རེ་བ་ཡོད།
བཙན་བྱོལ་དུ་བོད་ཀྱི་སྐད་ཡིག་སྐོར་གྱི་རིག་རྩལ་སྤྲོ་ཚོགས་ཐེངས་དང་པོ་བསྡུ་རྒྱུ་རེད།
བོད་ཀྱི་སྐད་ཡིག་རྒྱུན་འཛིན་ཚོགས་པས་གོ་སྒྲིག་འོག་ཟླ་འདིའི་ཚེས ༡༦ དགོང་དྲོའི་ཆུ་ཚོད་ ༥:༣༠ ཐོག་བོད་གཞུང་ཟློས་གར་ཚོགས་ཁང་དུ་བོད་ཀྱི་སྐད་ཡིག་སྐོར་གྱི་རིག་རྩལ་སྤྲོ་ཚོགས་ཤིག་ཚོགས་འཆར་ཡོད་པས། སྐུ་ཉིད་དུས་ལྟར་རིག་རྩལ་སྤྲོ་ཚོགས་འདིའི་ཐོག་ཕེབས་པར་དགའ་བསུ་ཞུ།
དེ་ལས་མང་བ་། “བཙན་བྱོལ་དུ་བོད་ཀྱི་སྐད་ཡིག་སྐོར་གྱི་རིག་རྩལ་སྤྲོ་ཚོགས་ཐེངས་དང་པོ་བསྡུ་རྒྱུ་རེད།” »
རང་སྐྱོང་གི་ཁེ་དབང་།
ལུག་ཞོ་པོས་བརྩམས།
རྟ་ནག་སྐལ་བཟང་ལུང་རིགས་ཀྱིས་བསྒྱུར།
དམག་ཆེན་གཉིས་པའི་རྗེས་སུ་རང་སྐྱོང་གི་ཁེ་དབང་ཡང་སྤང་ལ་མེ་སྟག་འཐོར་བ་བཞིན་ ཕྱོགས་གང་སར་ཁྱབ་པར་གྱུར་ཅིང་། “མི་བུའི་ཆེས་མཐོའི་ཁེ་དབང་”ཡང་མི་བུ་རེ་རེ་ཡི་སེམས་ལ་བྱིང་པར་གྱུར། གྲངས་ཉུང་མི་རིགས་ཀྱི་རང་དབང་དང་རང་བཙན་གྱི་འདུན་པས་ཀུན་ནས་བསླངས་པའི་མི་ རིགས་ཀྱི་འགལ་བ་མཐའ་དག་ཀྱང་ཐག་གཅོད་བྱ་ཐུབ་པ་བྱུང་ཞིང་། སྲིད་དོན་མཁས་ཆེན་དག་གི་ཁྲིམས་མཐུན་རང་བཞིན་གྱི་ཐབས་ཤེས་དང་། ནུས་པ་རྒྱལ་ཡོངས་ཀུན་ཏུ་སྤྱོད་ཐུབ་པ་བྱུང་བས། དམངས་གཙོ་ནི་རིམ་བཞིན་འཛམ་གླིང་གི་རྒྱལ་ཁབ་ཕལ་མོ་ཆེས་སྤྱི་ཤེས་ལྟ་བུར་གྲུབ་ སོང་བ་རེད། དམངས་གཙོའི་ལྟ་ཚུལ་གྱི་རིན་ཐང་འདི་མི་དམངས་ཀྱི་ཁེ་དབང་གཏན་འབེབས་ཁྲོད་རིན་ ཐང་ལྡན་པས། མང་བོ་མང་བོ་ཞིག་གིས་དམངས་གཙོའི་རང་ལུགས་ལ་་བརྩི་མཐོང་དང་གདེངས་འཇོག་བླ་ མེད་གནང་ཞིང་། གྲངས་ཉུང་མི་རིགས་སྲུང་ཞིང་སྐྱོབ་པའི་རྩ་དོན་ཞིག་ལྷང་ངེར་གསལ་ཡོང་བ་རེད། མདོ་དོན་བཤད་ན། དམངས་གཙོའི་ལམ་ལུགས་ཀྱིས་གྲངས་ཉུང་མི་རིགས་ལ་མགོན་སྐྱབས་མཛད་དགོས་པ་གསལ་ བོར་མཚོན་ཡོད་པ་དེའོ།།
འཇིགས་མེད་ནོར་བུ། རང་བཙན་གོམ་བགྲོད།
དེ་རིང་ ༢༠༡༠ ལོའི་ཟླ་ ༡༠ ཚེས་ ༡༠ ཉིན་གྱི་ཆུ་ཚོད་ ༡༠ ཐོག་ ཨ་རིའི་ཨིན་ཌི་ཡ་ན་ ནས་ ཁེ་ཎ་ཌའི་ཊོ་རོན་ཊོའི་བར་གྱི་ རང་བཙན་གོམ་བགྲོད་དེ་མགོ་འཛུགས་བྱས་ཡོད་པ་དང་། གོམ་བགྲོད་པ་ནི་སྐུའི་གཅེན་པོ་ལྟག་མཚེར་རིན་པོ་ཆེའི་སྲས་འཇིགས་མེད་ནོར་བུ་དང་། དེ་བཞིན་ཝི་ཏི་ནམ་ནས་ཡིན་པའི་སྐུ་ཞབས་མཐའ་ཡས་གཉིས་པ་ཡིན་པ་རེད། ཉིན་དང་པོར་ས་གནས་བོད་མི་དང་བོད་དོན་རྒྱབ་སྐྱོར་བ་ བཅུ་ཕྲག་ཙམ་གྲོང་ཁྱེར་གྱི་རྒྱལ་སའི་ཁྲོམ་དཀྱིལ་དུ་འཛོམས་པ་དང་། སྒོ་མང་དགེ་བཤེས་སྦྱིན་པ་བསོད་ནམས་མཆོག་གིས་ཐུགས་སྨོན་གནང་བ་དང་། དེ་བཞིན་ས་གནས་ཀྱི་ཚོགས་པ་དག་གིས་རྒྱབ་སྐྱོར་གྱི་གསུང་བཤད་གནང་བ་དང་བཅས་གོམ་བགྲོད་མགོ་བཙུགས་ཡོད་པ་རེད།
ཉི་མ་འདི་ཚོར།
རྒྱལ་སྟོན་དུས་ཆེན་ཉིན་ལ་ཕུལ། བོད་འབྱོར་རྩོམ་་་་་་ལྷམ་ཀོག
ཉི་མ་འདི་ཚོར་སྤྲིན་པ་དེ་ཡང་ནད་པ་ཞིག་དང་མཚུངས་ཤིང
སྐེ་བསྒགས་ནས་གཞན་གྱིས་རྡུང་གིན་ཡོད་པ་དང་འདྲ
ཉི་མ་འདི་ཚོར་མེ་ལོང་དེ་ཡང་སླ་ང་བཞིན་ནག་རོག་གེར་སོང་ཞིང
ཅི་ཡང་འཆར་རྒྱུ་མི་འདུག་པའི་རྒན་པོ་ལོང་བ་དེ་དང་མཐུན་འདུག
ཉི་མ་འདི་ཚོར་མགོ་ཐོག་ན་བརྐྱངས་པའི་སྤྲིན་པ་དེ་ཡང་ཡོམ་སྣང་འདུག་ལ
རྐང་བའི་འོག་གི་ས་གཞི་འདི་ཡང་དངངས་སྙམ་སྐྱེས
ཉི་མ་འདིའི་སྟེང་ལ་ད་དུང་ཉི་མ་འདི་འདྲ་ཞིག་ཡོད་ཚེ
འཇིག་རྟེན་འདི་ནས་སྡོད་འདོད་སྐྱེས་པའི་མི་གཅིག་ཀྱང་ཡོད་མི་སྲིད་ལ
མི་གཅིག་ཡོད་པའི་དབང་དུ་བཏང་ན་དེ་ནི་ཀླད་རྩ་མི་ཚང་བ་ཞིག་ཡིན་ངེས
ངས་ཉི་མ་འདི་ལྟག་ཀ་ནས་དེད་དེ་མདུན་དུ་ཕུད་འདོད་ཀྱང
དེ་ནི་ངས་དུས་ཚོད་ལྟར་དུ་འདང་བརྒྱབས་པ་ལྟ་བུ་ཞིག་མ་ཡིན་པར
ཤིན་ཏུ་དཀའ་མོ་ཞིག་རེད
གལ་ཏེ་དེ་ལྟའི་ཤེད་ཤུགས་འདྲ་ཡོད་པའི་བསམ་བློ་བཏང་རུང
ལོ་རྒྱུས་འདྲ་ཆག་པོ་ཞིག་གིས་ལྟག་པར་འཐེན་ནས་ཐབས་ཤེས་ཁྱོན་ནས་མི་འདུག
ཛ་དྲག་གནས་སྟངས་ལས་སྐྱོབ་རྒྱུ་དེ་ཐོབ་ཐང་རྩོད་རྒྱུ་ལས་གལ་ཆེ།
ཆུ་སྐྱེས་སྒྲོལ་མ།
རྒྱ་གར་ལྷོ་ཕྱོགས་ནས་འཚོགས་པའི་བོད་གཞུང་དམངས་རྒྱལ་ཡོངས་ཚོགས་ཆེན་ཐེངས་དང་པོ་དེ་རྒྱལ་ཁའི་ངང་མཇུག་སྒྲིལ་བ་དང༌། མཇུག་བསྡོམས་སྙན་ཐོ་དེ་བཞིན་ཕྱི་ཟླ ༨ པའི་ཚེས་ ༣༡ ཉིན་རྒྱ་གར་ལྷོ་ཕྱོགས་སེ་ར་བླ་སྤྱིའི་གཙུག་ལག་ཁང་དུ་༸གོང་མཆོག་ལ་སྙན་སྒྲོན་ཞུས་པ་དང་། སྐབས་དེར་༸གོང་ས་མཆོག་གིས། བཙན་བྱོལ་བོད་མིའི་ཤེས་ཡོན་དང་གཞིས་ཆགས་ཀྱི་སྐོར། དགོན་སྡེ་ཁག་གི་འོས་འགན་གྱི་སྐོར་སོགས་ཕྱོགས་མང་པོ་ནས་བཀའ་སློབ་ལམ་སྟོན་བླ་མེད་གནང་བ་གཉིས་ནི།
འདས་པའི་དུས་ཚོད་ལ་ཕྱིར་བལྟ་བྱེད་པ་དང་། ད་ལྟའི་དུས་ཚོད་དམ་འཛིན་བྱེད་པ། མ་འོངས་པའི་དུས་ཚོད་ལ་སྔོན་དཔག་བྱེད་སྟངས་ཤིག་རེད། ལོ་ལྔ་བཅུའི་དུས་ཚོད་ལ་འདི་ལྟར་བསྐྱར་ཞིབ་ཅིག་གནང་བ་རེད། འདི་ནི་ལོ་རྒྱུས་ཀྱི་འཕེལ་རིམ་ཞིག་ལ་སྡོམ་བརྒྱབ་ཞིག་ཆགས་ཡོད།
སྐབས་དེར་ཚོགས་འདུའི་མཇུག་སྡོམ་གསུངས་བཤད་གྲུབ་རྗེས་གོང་ས་མཆོག་ནས། བོད་རྒྱ་ཐ་དད་ཡིན་པ་དེ་ལོ་རྒྱུས་ཀྱི་ཐོག་ནས་ང་ཚོར་ཐོབ་ཐང་ཡོད། བོད་ཀྱི་གནད་དོན་འདི་དེ་ཙམ་ཛ་དྲག་མིན་ན། ཐོབ་ཐང་བརྩད་བསྡད་ན་མ་འགྲིག་པ་གང་ཡང་མེད།
དེ་ལས་མང་བ་། “ཛ་དྲག་གནས་སྟངས་ལས་སྐྱོབ་རྒྱུ་དེ་ཐོབ་ཐང་རྩོད་རྒྱུ་ལས་གལ་ཆེ།” »
བོད་གཞུང་སྨན་རྩིས་ཁང་གི་ལས་དོན་ལ་བསྐྱར་ཞིབ།
བོད་གཞུང་བཀའ་ཤག་གི་བཀའ་རྒྱ་འོག་ཕྱི་ཟླ་ ༩ པའི་ཚེས་ཤར་ནས་ཟླ་གཅིག་རིང་འཕྲོད་བསྟེན་ལས་ཁུངས་དྲུང་འཕར་སྟོབས་རྒྱལ་དང་སྨན་རྩིས་ཁང་དབུ་འཛིན་ཟུར་པ་ཚེ་རིང་བཀྲ་ཤིས། ཝར་ན་མཐོ་སློབ་ཀྱི་སྨན་དགེ་རག་རྡོ་བློ་བཟང་བསྟན་འཛིན། སྤྱི་འཐུས་ཐོགས་མེད་བཅས་ཚོགས་མི་བཞི་ལས་གྲུབ་པའི་བསྐྱར་ཞིབ་ཚོགས་ཆུང་གིས་འདས་པའི་ལོ་ཤས་རིང་གི་སྨན་རྩིས་ཁང་གི་ལས་དོན་དང་འབྲེལ་བའི་འཛིན་སྐྱོང་སྤེལ་གསུམ་གྱི་བྱ་གཞག་ལ་བསྐྱར་ཞིབ་བྱེད་ཀྱི་ཡོད་པ་ད་ཆ་ལེགས་འགྲུབ་བྱུང་ཡོད་ལུགས་དང་། བསྐྱར་ཞིབ་དེ་ཡང་གཏིང་ཟབ་དངཡག་པོ་ཞིག་བྱས་ཡོད་ལུགས་གོ་ཐོས་བྱུང་ཞིང་། ཉེ་ཆར་རྒྱ་གར་གཞུང་གིས་བོད་ཀྱི་གསོ་བ་རིག་པ་ཁྲིམས་ཐོག་ནས་ངོས་ལེན་བྱས་ཏེ་རྒྱ་གར་ཚེ་ཡི་རིག་པ་སྟེ་ཨ་ཡུར་ཝེ་རྡ་དང་འདྲ་མཚུངས་ཀྱི་གོ་གནས་དང་ངོས་ལེན་ཡོད་པར་གྱུར་བ་འདི་གཉིས་དུས་མཉམ་གྱི་གཏམ་བཟང་ཞིག་ཏུ་འཁུམས་པས། བོད་ཀྱི་གསོ་རིག་སྤྱི་དང་བོད་གཞུང་སྨན་རྩིས་ཁང་གི་ལས་དོན་ཡར་ངོའི་ཟླ་ལྟར་འཕེལ་བའི་སྨོན་འདུན་ཞུ།
བོད་མི་རྒན་པོའི་གླེང་གཏམ་བཀྲ་ཤིས་འཁྱིལ་བ།
བོད་མི་རྒན་པོའི་གླེང་གཏམ་བཀྲ་ཤིས་འཁྱིལ་བ།
བོད་མིས་རང་གི་ཆོས་ལུགས་སྲུང་དགོས་ལ། ཆོས་ལུགས་མི་སྲུང་དེ་ནི་བོད་མི་མིན། བོད་མིས་བོད་སྐད་བོད་ཡིག་ཤེས་དགོས་ལ། བོད་སྐད་བོད་ཡིག་བརྗེད་ན་བོད་མི་མིན། བོད་མིས་བོད་ཀྱི་ཡུལ་སྲོལ་གོམས་དགོས་ལ། བོད་ཀྱི་ཡུལ་སྲོལ་བརྗེད་ན་བོད་མི་མིན། བོད་མིས་བོད་ཀྱི་བོད་ལྭ་གྱོན་དགོས་ལ། བོད་མིས་བོད་ཀྱི་བོད་ལྭ་མི་གྱོན་བོད་མི་མིན། བོད་མི་ལ་ལས་རང་གི་ལྷ་ཆོས་མི་འདོན་པ། མི་འདོན་དེ་ནི་བོད་མི་རང་གི་ངོ་ཚ་རེད། བོད་མི་ལ་ལས་རང་གི་མེས་པོ་བཀུར་མི་འདོད། མི་འདོད་དེ་ནི་བོད་མི་རང་གི་ངོ་ཚ་རེད། བོད་མི་ལ་ལས་དགེ་བཅུ་མི་སྲུང་མི་དགེ་བཅུ་ལ་བག་མེད་སྤྱོད། བོད་མི་དེ་ནི་བོད་མི་ཡང་དག་མ་ཡིན་ནོ།།
ཞོགས་པའི་ངང་གཤིས།
གཡུ་དྲུག་དཀར། རྡ་ས།
ཞོགས་པ། གསར་དུ་བཙས་ཤིང་། གསོན་ཤུགས་ཀྱིས་ཆེར་རྟས་ལ། རྒས་གཉེར་གྱིས་མ་ཁྱབ་ཅིང་། དུག་རླངས་ཀྱིས་མ་གོས་པའི་སེམས་ཀྱི་རང་སྣང་ཞིག ཡུལ་ཁམས་ཤིག ངང་གཤིས་ཤིག
སྔོ་ཤག་ཤག་གི་གསལ་ལྷང་ལྷང་གི་མཁའ་དབྱིངས་ཤིག་གུར་དུ་ཕུབ་པའི་ཞོགས་པ། ཞིག་རལ་དུ་གྱུར་བའི་མདང་དགོང་གི་མལ་ས་ལས་མགོ་བོ་ཡར་དགྱེ་སྟེ། དབུགས་རིང་བཏང་ཆོག་ལ། གླད་སྒྱིང་བྱས་ཀྱང་ཆོག གསེར་མདོག་གིས་བརླན་པའི་ཉི་མའི་མདངས་ཟེར་སྤྲོ་དུས། མཚན་གང་བོར་གཉིད་ཀྱིས་ཁོལ་བོའི་ངོ་གདོང་ལ་ཆབ་ཆུ་གཞོང་བ་གང་གིས་ཁྲུས་ཤིག་བྱས་ཏེ། ཉི་མར་ལྡེ་ཆོག་ལ། འཛུམ་གྱིས་ངོམས་ཀྱང་ཆོག
སེམས་སྦུག་ན་ནག་ཐིགས་ཤིག་ལྟར་བསྡད་ཡོད་པའི་རྨི་ལམ་གྱི་དྲན་པ་དེ་ཡིན་ཡང་།
ཉལ་ས་དྲོ་ཡང་སེམས་པ་འཁྱག་གི
བོད། ལྷ་ཀླུ་གཉན་གསུམ།
ཕྱི་རོལ་ནི་ཇི་འདྲའི་སྐྱིད་སྣང་དང་མཛེས་སྡུག་ལྡན་པར་རློམ་མཁན་གྱི་རང་རིགས་ཀྱི་སྐྱ་སེར་ཕོ་མོ་ཚོའི་སེམས་ཁམས་དེ་ནི་དོན་དངོས་ཐོག་ག་འདྲ་ཞིག་ཡིན་མིན་དེ་ནི་བདག་གིས་གཏན་ནས་མི་ཤེས། ངས་དེ་རིང་ཞུ་བཞིན་པ་དེ་ནི་རང་ཉིད་ཀྱི་མྱོང་ཚོར་དང་སེམས་གཤིས་ཡིན།
ཕྱི་རྒྱལ་ན་བདེ་སྐྱིད་དང་ལོང་སྤྱོད། ཐོབ་ཐང་སོགས་མང་བོ་ཞིག་ཡོད་རབས་འདོད་མཁན་དག་གིས་ནམ་རྒྱུན་རང་ཉིད་རྒྱ་གར་དུ་བསྡད་ཡོད་པ་དེ་ནི་མནར་སྡུག་གི་མི་ཚེ་ཞིག་གི་ཁྲོད་དུ་འཚོ་བ་བསྐྱེལ་བ་བཞིན་ཡོད་པ་དང་། འཚོ་བ་བསྐྱེལ་སྟངས་དེ་ཡང་རྒྱུ་མཚན་མེད་པ་དང་སྙིང་བོ་མེད་པ་ཞིག་བསྐྱེལ་བཞིན་ཡོད་པར་ངེས་འཛིན་བྱེད་ཀྱི་ཡོད་པ་རེད།
གཙེས་སོང༌།
རྨེའུ་དཀོན་རྒྱམ།
༡༽ ཉི་མ་སེར་བོའི་འོད་ཀྱིས། །འཛམ་གླིང་བསྐོར་བ་རྒྱབ་དུས། །ཉི་འོད་མེད་པའི་མཐོ་སྒང༌། །གྲང་རླུང་བཙན་པོས་གཙེས་སོང༌། ། ༢༽ ཟླ་བ་དཀར་བོའི་འོད་སྣང༌། །མུན་ནག་བཙན་པོས་བསྒྲིབས་དུས། །ཟླ་འོད་མེད་པའི་མཐོ་སྒང༌། །མུན་པ་སྟུག་པོས་གཙེས་སོང༌། ། ༣༽ སྐར་ཚོགས་སྤུན་ཟླའི་མཐུན་འབྲེལ། །ཐོ་རངས་རྩུབ་མོས་གཏོར་དུས། །ལྷན་འཛོམས་དཀའ་བའི་མཐོ་སྒང༌། །དྲན་གདུང་སྐྱུར་མོས་གཙེས་སོང༌། ། ༤༽ བདེན་དཔང་བཙན་པོའི་ལོ་རྒྱུས།
ལིའུ་ཞའོ་པའོ་ལ་ནོ་བྷེལ་གཟེང་རྟགས་ཐོབ།
དེ་རིང་གི་གསར་འགྱུར་ཞིག་གིས་རྒྱ་ནག་གཞུང་གི་སྙིང་དུམ་བུར་བཏང་འདུག དེ་ནི་ལིའུ་ཞའོ་པའོ་ལ་ལོ་འདིའི་ནོ་བྷེལ་གཟེངས་རྟགས་ཐོབ་པ་དེ་རེད། ༧རྒྱལ་བ་རིན་པོ་ཆེས་ཁོང་ལ་འཚམས་འདྲིའི་བཀྲ་ཤིས་བདེ་ལེགས་ཞུས་འདུག ཁོང་ད་ལྟ་རྒྱ་ནག་གི་བཙོན་ཁང་ལོ་བཅུ་གཅིག་གི་བཙོན་ཆད་འཁྱེར་བཞིན་ཡོད་པ་རེད་འདུག ཚིག་འགའ་བསྣན་པ། ལིའུ་ཞའོ་པའོ་ནི་ ༡༩༥༥ ལོར་སྐྱེས་པ་རེད་འདུག རིམ་གྱིས་ནར་སོན་སྐབས་ པེ་ཅིང་དུ་རྩོམ་རིག་སློབ་སྦྱོང་ཐོན་ཞིང་། དེར་འབུམ་རམས་པའི་མིང་རྟགས་བླངས་ཡོད་འདུག ༡༩༨༩ ལོའི་སློབ་མའི་གྱེན་ལངས་ཁྲོད་དབུ་འཁྲིད་ཀྱི་ལས་ཀ་བྱས་ཡོད་པ་དང་། ད་ཆར་ སློབ་མ་འདས་པོ་དེ་ཚོའི་ཆེད་དུ་འགྲོ་བ་མིའི་ཐོབ་ཐང་ལ་སྐད་འབོད་བསྟུད་མར་བྱེད་དགོས་པའི་འོས་འགན་ཡོད་བསམ་མཁན་ཞིག་ཡིན་པ་རེད་འདུག…
འབྲས་སྤུངས་དགོན་པའི་དགེ་བསྐོས་དང་དཔེ་འཁྲིད་དགེ་རྒན་གཉིས་ལ་ཚེ་བཙོན་དང་ ལོ་ཉེར་ཤུའི་ཁྲིམས་ཐག་བཅད་ཡོད་པ།
— འབྲས་སྤུངས་དགོན་པའི་དགེ་བསྐོས་དང་དཔེ་འཁྲིད་དགེ་རྒན་གཉིས་ལ་ཚེ་བཙོན་དང་
ལོ་ཉེར་ཤུའི་ཁྲིམས་ཐག་བཅད་ཡོད་པ།
འདི་ག་ལྟེ་གནས་ཁང་དུ་གནས་ཚུལ་འབྱོར་བར་གཞིགས་ན། ༢༠༠༨ ལོར་ཆབ་སྲིད་དོན་རྐྱེན་དབང་གིས་འཇུ་བཟུང་བྱས་པའི་འབྲས་སྤུངས་དགོན་པའི་དགེ་འདུན་ཁྲོད་ནས་ཤེས་རྟོགས་བྱུང་བར་དགེ་བསྐོས་འཇམ་དཔལ་དབང་ཕྱུག་དང༌། དགེ་རྒན་དཀོན་ཅོག་ཉི་མ་གཉིས་ལ་ཁག་སོ་སོར་ཚེ་བཙོན་དང༌། མི་ལོ་ ༢༠ དུས་བཀག་བཙོན་འཇུག་གི་ཁྲིམས་ཐག་བཅད་ཡོད་འདུག
འོས་སྒམ་ཞབས་རྡོལ།
མདོ་འདུམ་ཚང་།
བཙན་བྱོལ་དུ་བོད་མི་ཆིག་འབུམ་བཞི་ཁྲི་ཙམ་ཡོད། ད་ལོར་འོས་འཕེན་གྱི་ཐོབ་ཐང་ཡོད་མཁན་༨༨༣༡༢ཙམ་ཡོད། དངོས་སུ་དེབ་སྐྱེལ་བྱེད་མཁན་༧༩༤༤༩ཙམ་བྱུང་འདུག སྐབས་སྔོན་མ་དག་དང་བསྡུར་ན། དེབ་སྐྱེལ་བྱེད་མཁན་གྱི་གྲངས་འབོར་འཕར་བཞིན་ཡོད། ལོ་རེ་ནས་ལོ་རེར་འཕར་བཞིན་ཡོད། བཙན་བྱོལ་བོད་མིའི་མི་འབོར་གྱི་བརྒྱ་ཆ་བདུན་ཅུ་ཙམ་རྒྱ་གར་དང་བལ་ཡུལ་གཉིས་སུ་ཡོད། བཙན་བྱོལ་བའི་ལོ་རྒྱུས་ཁྲོད། ད་ལོ་ལྟ་བུའི་འོས་བསྡུའི་འཁྲུགས་ཆ་ཞིག་བྱུང་མྱོང་མེད། མི་མང་གི་ངོས་ནས་དང་བླངས་སྒོས་བཀའ་ཁྲི་འཚོལ་མཁན་ཇེ་མང་ལ་ཕྱིན། བཀའ་ཁྲིའི་འོས་མི་ཁྱབ་བསྒྲགས་ཀྱི་ཆེད་དུ་འཛམ་གླིང་ཡུལ་གྲུ་བསྐོར་མཁན་ཡང་བྱུང་། དང་བླངས་སྒོས་བཀའ་ཁྲིར་ལངས་མཁན་ཡང་ཇེ་མང་ལ་སོང་། ཇེ་མང་ལ་སོང་བ་ཙམ་ག་ལ་ཡིན། གཅིག་རྗེས་གཉིས་མཐུད་བྱས་ནས་ལངས་། མང་གཙོའི་འོས་བསྡུ་ལ་མི་མང་གིས་དོ་སྣང་ཆེན་པོ་འཇོག་བཞིན་པ་འདི་ནི་ཡར་རྒྱས་ཤིག་ཡིན། འོན་ཀྱང་། མང་གཙོའི་ཁྲིམས་དང་སྒྲིག་གཞིར་བརྩི་སྲུང་དང་ལག་ལེན་ཇི་ཙམ་ཡོང་གི་ཡོད་མེད་ད་ལྟ་བཤད་དཀའ་བ་ཞིག་ཡིན། བཙན་བྱོལ་གྱི་སྔོན་འགྲོའི་འོས་བསྡུ་དེ་འུར་འུར་ཚ་ཚའི་སྒོ་ནས་འགྲོ་བཞིན་པའི་སྐབས་སུ།
བལ་ཡུལ་དུ་འོས་སྒམ་བཙན་འཁྱེར་གྱི་གནས་ཚུལ་བྱུང་། གནས་ཚུལ་ཡིད་སྐྱོ་བ་དེ་བཙན་བྱོལ་བོད་མིའི་ལོ་རྒྱུས་ཁྲོད་བྱུང་བ་ཐེངས་དང་པོ་ཡིན། འོས་སྒམ་བཙན་འཁྱེར་དེའི་རྒྱབ་ན། ནང་གི་བཙན་གནོན་དེ་ཕྱི་རུ་སླེབས་བཞིན་པའི་མངོན་རྟགས་ཤིག་ཡོད།
བོད་ནང་དུ། བོད་མིས་མྱོང་བཞིན་པའི་བཙན་གནོན་དེ། ད་ལྟ་ཧི་མ་ལ་ཡའི་རྒྱབ་ལོགས་ཀྱི་བོད་མིའི་མང་གཙོའི་སྒང་ལ་ཡོང་རྒྱུའི་སྟ་གོན་བྱེད་བཞིན་འདུག འདི་ཉེན་ཁ་་གསར་བ་ཞིག་རེད། འབྱུང་འགྱུར་གྱི་ལོ་ཁ་ཤས་ནང་། ཉེན་ཁ་དེའི་རྣམ་པ་ཇེ་གསལ་དུ་འགྲོ་སྲིད། བལ་ཡུལ་དུ་འོས་སྒམ་བཙན་འཁྱེར་བྱས་རུང་། བོད་མི་ཚོས་སྔོན་འགྲོའི་འོས་བསྡུའི་གསལ་བསྒྲགས་ལ་སྒུག་བཞིན་ཡོད། བཀའ་ཁྲིར་ལངས་མཁན་ཚོས་ཉིན་སྒུག་མཚན་སྒུག་བྱེད་བཞིན་ཡོད།
མིག་ཆུ་ཐིགས་པ་གཅིག
ཐེ་བོ་ཤེས་རབ་རྒྱ་མཚོ།
ངས་ ད་ལྟ་རང་རེས་གཟའ་ལྷག་པའི་ཀུན་གླེང་ལེ་ཚན་ལ་བལྟས་ཚར་མ་ཐག་ཡིན་ལ། འཁྱགས་སིབ་སིབ་ཀྱི་ངའི་མིག་ཆུ་ཐིགས་པ་གཅིག་ཀྱང་རང་དབང་མེད་པར་ས་ལ་ལྷུང་ཚར་ མ་ཐག་ཡིན། དོ་ནུབ་ཀྱི་ཀུན་གླེང་ལེ་ཚན་ནི་ལྷ་སའི་གྲྭ་བཞི་བཙོན་ཁང་གི་སྐོར་ལ་ཡིན་སྟབས། སུའུ་སི་ཛི་རུག་ནས་ཆབ་སྲིད་བཙོན་ཟུར་ཕུན་ཚོགས་ཉི་སྒྲོན་ལགས་དང་ཨ་རི་ནེའུ་ ཡོག་ནས་ཆབ་སྲིད་བཙོན་ཟུར་ངག་དབང་གསང་གྲོལ་ལགས། རྒྱ་གར་རྡ་རམ་ས་ལ་ནས་ཉེ་ཆར་བོད་ནས་གསར་དུ་ཕེབས་མ་ཐག་ཡིན་པའི་ཆབ་སྲིད་བཙོན་ ཟུར་དཔལ་ལྡན་ཆོས་སྒྲོན་ལགས་བཅས་བགྲོ་གླེང་གི་ལེ་ཚན་ནང་དུ་མཉམ་ཞུགས་བྱས་འདུག གྲ་བཞི་བཙོན་ཁང་ནང་གི་ཆབ་སྲིད་བཙོན་པའི་གནས་སྟངས་དང་ཁོང་ཚོ་དེར་ཚུད་པའི་ རྒྱུ་རྐྱེན་ཅི་ཡིན་སོགས་ཀྱི་སྐོར་ལ་བགྲོ་གླེང་བྱེད་སྐབས། དྲི་བ་ཞིག་གི་ལན་ལ་དཔལ་ལྡན་ཆོས་སྒྲོན་ལགས་ཀྱིས་ཕངས་སེམས་དང་བཅས་སྐད་ངག་འདར་ བཞིན་ད་བར་ཁོ་མོ་ལ། ྋགོང་ས་མཆོག་གི་གསེར་ཞལ་ཡག་པོ་ཞིག་མཇལ་རྒྱུའི་གོ་སྐབས་ཀྱང་རེག་མ་སོང་ཟེར།