“ང་ཚོའི་ས་ཆ། ང་ཚོའི་མི་མང་།” ལོ་རྒྱུས་རང་བཞིན་གྱི་སྒྱུ་རྩལ་མཛད་སྒོ

སྒྱུ་རྩལ་དབུ་འབྱེད་། “ང་ཚོའི་ས་ཆ་། ང་ཚོའི་མི་མང་།”
མཛད་སྒོའི་སྟེགས་བུ། བོད་ནས་དབོར་བའི་ས་སྤྱི་རྒྱ་ཁྲི་གཉིས་ཀྱིས་བསླངས།
འཚོགས་ཡུལ། རྡ་སྟེང་བོད་ཁྱིམ་ལག་རྩེད་སྤོ་ལོའི་ཐང་།
ཟླ་ཚེས་། སྤྱི་ཟླ་༡༠པའི་ཚེས་༢༦ཉིན།
དུས་ཚོད་། ཞོགས་པའི་དུས་ཚོད་༩པ།

མཛད་རིམ།
དུས་ཚོད་དགུ་བའི་སྟེང་། བཀའ་བློན་ཁྲི་པའི་རྟེན་འབྲེལ་དབུ་འབྱེད་།
དུས་ཚོད་༩དང་སྐར་མ་༡༠སྟེང་། ཀིརྟི་བྱེས་བ་གྲ་ཚང་གི་དགེ་འདུན་པའི་ཞལ་འདོན།
དུས་ཚོད་༩དང་སྐར་མ་༡༥སྟེང་། སྒྱུ་རྩལ་བ་བསྟན་འཛིན་རིག་གྲོལ་གྱི་གཏམ་བཤད་།
དུས་ཚོད་༡༡ སྟེང་། གསར་འགོད་གསལ་བསྒྲགས།

འབྲེལ་གཏུགས་བྱེད་ཡུལ།
བསྟན་འཛིན་རིག་གྲོལ། 91-9958259678
བསྟན་འཛིན་རྡོ་རྗེ། 91-9736514721
པད་མ་སྒྲོལ་མ། 91.8679694084
སྒྱུ་རྩལ་གྱི་མཛད་སྒོ་འདི་། ཕ་ཡུལ་དྲ་རྒྱས་དྲ་ཐོག་ནས་ཐད་གཏོང་ཡང་བྱེད་གི་ཡོད་།
http://www.phayul.com

དཀའ་སྡུག་དང་ཀྱག་ཀྱོག་གི་ལམ་ཐག་རིང་པོ་དེ་བརྒྱུད་། བོད་ཀྱི་དེང་རབས་སྒྱུ་རྩལ་བ་བསྟན་འཛིན་རིག་གྲོལ་གྱིས། བོད་ནས་ས་སྤྱི་རྒྱ་ཁྲི་གཉིས་རྒྱ་གར་དུ་དབོར་འདྲེན་བྱས་ཏེ། རྡ་ལམ་ས་ལར་བོད་ཀྱི་ས་ཡི་སྟེགས་བུ་ཞིག་བསྐྲུན་ནས་མཛད་སྒོ་སྐོང་གི་ཡོད་། བོད་ཀྱི་ས་ཡི་སྡིངས་ཆ་དེ་བསྐྲུན་པའི་རྗེས་སུ། དེའི་ཐོག་ཏུ་བོད་མི་རྣམས་ཀྱིས་རྐང་རྗེས་བཞག་ཆོག་པ་མ་ཟད་གོམ་པ་ཕར་སྤོ་ཚུར་སྤོ་བྱས་ཆོག ད་དུང་། བོད་མི་རྣམས་སྡིངས་ཆའི་སྟེང་བུད་ནས་རང་གི་ཚོར་བ་རྣམས་གཞན་ལ་བརྗོད་ཆོག སྡིངས་ཆ་འདིའི་བཟོ་དབྱིབས་དེ་བོད་ཀྱི་རྒྱལ་དར་གྱི་ངོ་བོར་བསྐྲུན་ཅིང་དེས་བོད་ཀྱི་ཡ་ང་བའི་ལོ་རྒྱུས་མཚོན་པར་བྱེད་།

ཕྱི་ལོ་༢༠༠༨ལོའི་ཟླ་༩བའི་ཚེས་༡༨ཉིན། བསྟན་འཛིན་རིག་གྲོལ་གྱི་ཡབ་ཆེན་ལགས་ཨ་རིར་སྐྱབས་བཅོལ་བའི་གནས་སྟངས་འོག་སྐུ་གྲོངས། ཁོང་གི་ཡབ་ལགས་ཀྱི་རེ་བ་ཆེ་ཤོས་ཤིག་ནི་། འཇིག་རྟེན་འདི་དང་ཁ་མ་བྲལ་བའི་སྔོན་ལ་བོད་ལ་ལོག་རྒྱུ་བྱུང་ན་བསམ་པ་དེ་རེད་། འོན་ཀྱང་། ཐབས་སྐྱོ་བ་ཞིག་ལ་ཁོང་གི་རེ་བ་དེ་འགྲུབ་མེད་། འདི་ནི་ཁོང་གི་ཨ་ཕ་ནས་ཡོང་བའི་རེ་བ་དེ་ཡིན་ཞིང་། ཨ་ཕའི་སེམས་ཀྱི་ཉམས་པ་མེད་པའི་རེ་བ་དེས་བོད་མི་རྣམས་མ་ཤི་སྔོན་ལ་སོ་སོའི་ཕ་ཡུལ་ལ་ལོག་འདོད་ཀྱི་དྲན་གདུང་དེ་མཚོན་ཅིང་། དྲན་གདུང་དེ་ནི་ལས་འཆར་འདིའི་སྣ་འདྲེན་ལྟ་བུ་ཡིན།
བསྟན་འཛིན་རིག་གྲོལ་ལགས་ཀྱི་ལས་འཆར་འདི་བརྒྱུད་། རང་གི་ཕ་ཡུལ་དང་གཉེན་ཉེ་ཚོར་ཁ་བྲལ་བའི་། རྡ་ལམ་ས་ལའི་བོད་མི་དག་གིས་མཐའ་མར་བོད་ནས་སླེབས་པའི་ས་ཡི་སྟེང་དུ་གོམ་པ་འཇོག་ཐུབ་པ་བཟོས་ཡོད་།

མཛད་སྒོ་དབུ་འབྱེད་བྱེད་ས་ནི་སྒྱུ་རྩལ་བ་རང་ཉིད་ལ་ཧ་ཅང་གལ་ཆེན་ཆགས་ཡོད་ཅིང་། དེ་ནི། རྡ་ལམ་ས་ལ་སྟེ་བོད་ཀྱི་རྒྱལ་ས་གཉིས་པར་འབོད་པ་དེ་ཡིན། གནས་དེ་རུང་བཙན་བྱོལ་བོད་གཞུང་དང་བོད་མི་སྐྱབས་བཅོལ་བ་མང་པོ་འདུས་སྡོད་བྱས་ཡོད་པས་རེད་། བསྟན་འཛིན་རིག་གྲོལ་གྱིས་བོད་ཀྱི་ས་ཡིས་གྲུབ་པའི་དར་ཆ་དེ་ཡང་རྒྱལ་ས་གཉིས་པ་དེའི་དཀྱིལ་སྙིང་ལ་བཙུགས་ཏེ་བོད་མིའི་ལོ་རྒྱུས་ལ་དྲན་སྐུལ་སློང་བཞིན་ཡོད་།

ང་ཚོའི་མི་མང་། ང་ཚོའི་ལུང་པ་ཟེར་བའི་ལས་འཆར་འདིས་། སྒྱུ་རྩལ་ནི་ཆབ་སྲིད་ཀྱི་བཀག་རྒྱ་ལས་བརྒལ་འགྲོ་བ་མཚོན་ཅིང་། བོད་ཀྱི་ས་འདི་དབོར་ཆེད་། དཀའ་ངལ་ཅན་གྱི་ལམ་ཁ་གང་མང་བརྒྱུད་པ་མ་ཟད་། རྒྱལ་ཁབ་མང་པོའི་ས་མཚམས་དང་བརྟག་དཔྱད་ས་ཚིགས་ཀྱང་བརྒྱུད་དགོས་བྱུང་ཡོད་ལ་། བརྒྱུད་རིམ་འདི་གཅིག་པོས་ས་མཚམས་ཀྱི་དཀའ་ངལ་དང་རང་དབང་རང་བཙན་གྱིས་དྲི་བ་དེ་བསླངས་ཡོད་།
བསྟན་འཛིན་རིག་གྲོལ་གྱི་ལས་འཆར་འདིས་། རང་གི་ཕ་ཡུལ་ནས་བཙན་བྱོལ་ལ་ཡོང་བའི་བོད་མི་རྣམས་ལ་། དྲག་པོའི་སྲིད་གཞུང་ལ་ངོ་རྒོལ་གྱི་འབོད་སྒྲའི་དབུགས་འབྱུང་བསྩལ་ཡོད་། ཕྱོགས་གང་མང་ནས་། ཕ་ཡུལ་དང་ཁ་བྲལ་བ་རྣམས་རང་ཡུལ་ལ་ལོག་པའི་སྔ་བལྟས་ཤིག་བསུ་མ་བྱེད་གི་ཡོད་།
བསྟན་འཛིན་རིང་གྲོལ་གྱི་ལས་འཆར་འདིས་། བཙན་བྱོལ་བོད་མི་རྣམས་ཀྱི་ས་མཐའི་གནས་སྟངས་མཚོན་ན་ཡང་། ལས་འཆར་འདི་ལ་རྒྱ་ཆེ་བའི་དྲན་གདུང་གི་བྲག་ཆ་ཡོད་ཅིང་། ད་དུང་ཕ་ཡུལ་ལ་བཅིངས་པའི་འདུ་ཤེས་དང་ཇི་ལྟར་སྒྱུ་རྩལ་གྱིས་ཆབ་སྲིད་དང་སྤྱི་ཚོགས་ཕན་ཚུན་སྒྲུམ་ཚུལ་དེ་ཡང་སྟོན། དེ་ཡིས་ད་དུང་གྱེན་ལངས་ཀྱི་བྱ་སྤྱོད་ལྟ་བུའི་ཐོལ་བརྒལ་ཅན་གྱི་སྒྱུ་རྩལ་སྟོབས་ཤུགས་དེ་སྟོན་གྱི་ཡོད་།

ང་ཚོའི་མི་མང་། ང་ཚོའི་ལུང་པའི་ལས་འཆར་འདི་། འདྲ་པར་དང་བརྙན་འཕྲིན་ཕབ་ལེན་ཡང་བྱེད་ཀྱི་ཡོད་།
ལས་འཆར་འདི་། Rossi དང་ Rossi ། གཞན་སྦྱིན་བདག་གཏོང་ཕོད་ཅན་མང་པོས་རོགས་རམ་ལ་བརྟེན་ནས་ལེགས་འགྲུབ་བྱུང་བ་ཞིག་ཡིན།

བསྟན་འཛིན་རིག་གྲོལ་གྱི་སྐོར་།
བསྟན་འཛིན་རིག་གྲོལ་ལགས་ནི། ཕྱི་ལོ་༡༩༨༢ལོར་བལ་ཡུལ་གྱི་བོད་མི་སྐྱབས་བཅོལ་བའི་ནང་མི་ཞིག་ཏུ་སྐྱེས། ཁོང་ནི་། ནེའུ་ཡོག་ཏུ་གནས་སྡོད་བྱེད་མཁན་གྱི་དེང་རབས་བོད་ཀྱི་སྒྱུ་རྩལ་བ་ཞིག་ཡིན། རིག་གྲོལ་གྱི་ལས་ཀ་དག་ནི་ཚོན་བྲིས་དང་འཇིམ་བཟོ། བརྙན་ཕབ་བཅས་ཚུད་པའི་ལག་ཤེས་སྣ་མང་གི་ཁོངས་སུ་ཚུད་ཡོད་། ཁོང་ནི་བོད་ཀྱི་སྲོལ་རྒྱུན་སྒྱུ་རྩལ་དང་ནུབ་ཕྱོགས་སྒྱུ་རྩལ་གཉིས་སུ་སྦྱངས་བ་ཐོན་ཡོད་ལ། ཁོང་ནས་བལ་ཡུལ་གྱི་ཤེལ་དཀར་མཆོད་རྟེན་དགོན་པ་རུ་ཚོན་བྲིས་དང་མར་རྒྱན་བཅས་ལ་སློབ་སྦྱོང་བྱས་ཤིང་། བལ་ཡུལ་གྱི་ཐང་ཀ་སློབ་གྲ་རུ་བོད་ཀྱི་ཐང་ཀའི་སྐོར་ལ་སློབ་སྦྱོང་མཛད་། ཕྱི་ལོ་༢༠༠༥ལོར། ཁོང་ནས་རི་མོའི་སྒྱུ་རྩལ་དང་སྒྱུ་རྩལ་གྱི་ལོ་རྒྱུས་ཐོག་། ཨ་རིའི་ཁོ་ལོ་ར་སྒྲོའི་གཙུག་ལག་སློབ་ཁང་(The University of Colorado)དུ་རིག་གནས་རབ་འབྱམས་པ་ཐོན། ཉེ་བའི་ཆར་གྱི་ཁོང་གི་རི་མོའི་འགྲེམས་སྟོན་ཁག་ནི། ལོན་སྒྲོན་གྱི་ Rossi དང་ Rossi ལ་མཉམ་སྦྲེལ་ཐོག རྒྱ་གར་མོམ་རྦེ་(Mumbai)ཡི་བོལ་ཀྲེས་འགྲེམས་སྟོན་(Volte Gallery)སྟེ། “བོད་ཀྱི་དེང་རབས་སྒྱུ་རྩལ དཀྱིལ་འཁོར་གྱི་ཕ་རོལ།” (Contemporary Art from Tibet, Beyond the Mandala ) ཕྱི་ལོ་༢༠༡༠ལོར་ལོན་སྒྲོན་གྱི་ Rossiདང་Rossi ཡིས་བཀོད་སྒྲིག་བྱས་བའི། “ཤོག་བུའི་སྟེང་གི་བྱ་བ།”
ཕྱི་ལོ་༢༠༡༠ལོར་རྒྱ་ནག་པེ་ཅིང་སོང་གྲང་སྒྱུ་རྩལ་ལྟེ་གནས་(Songzhuang Art Center, Beijing ) ཀྱིས་བཀོད་སྒྲིག་བྱས་བའི་། “ཉི་བཀྲག་འགྲེམས་སྟོན།” ( Scorching Sun of Tibet )ཕྱི་ལོ་༢༠༡༠ལོར་ནེའུ་ཡོག་གི་རོ་སྦིན་འགྲེམས་སྟོན་ཁང་གིས་བཀོད་སྒྲིག་བྱས་བའི་། “སྲོལ་རྒྱུན་འགྱུར་བ་། བོད་ཀྱི་སྒྱུ་རྩལ་བའི་ཡ་ལན།” (Tradition Transformed – Tibetan Artist’s Respond)
ཕྱི་ལོ་༢༠༠༨ལོར། བསྟན་འཛིན་རིག་གྲོལ་ལགས་སུ། རོ་སྦིན་འགྲེམས་སྟོན་ཁང་གིས་ཧི་མ་ལ་ཡའི་སྒྱུ་རྩལ་གྱི་གཟེངས་རྟགས་འཐོབ།
བསྟན་འཛིན་རིག་གྲོལ་ལགས་ནི་སྙན་ངག་པ་ཞིག་ཀྱང་ཡིན་། ད་ཕན། ཁོང་ནས་ ( “R”-the frozen ink 2008) “སྐྱབས་བཅོལ་བ། འཁྱག་ལ་འབྱར་བའི་སྣག་ཚ་།” དང་ (Anotmy of Nights 2011) “མཚན་མོའི་རུས་ཀྲང་།” (Butterfly’s wings 2011) “ཕྱེ་མ་ལེབ་ཀྱི་གཤོག་ཟུང་” བཅས་དཔར་བསྐྲུན་བྱས་ཡོད་།