ཨོ་ཤོའི་(དངུལ་དང་འཁྲིག་སྤྱོད་ཀྱི་ནུས་པ།)

ཨོ་ཤོའི་(དངུལ་དང་འཁྲིག་སྤྱོད་ཀྱི་ནུས་པ།) (sex and money power)

དབྱིན་ཡིག་བརྩམས་ཆོས་ལས ། ཝར་ཎཱ་ཧིན་རྡུ་གཙུག་ལག་སློབ་གྲྭ་ཆེན་མོ།

བློ་བཟང་གིས་བསྒྱུར །

ཆོས་ལུགས་ཚང་མས་འཁྲིག་སྤྱོད་ནི་རྒྱལ་འགལ་དུ་འདོད། རྒྱུ་མཚན་འཁྲིག་སྤྱོད་ཀྱིས་ཁྱོད་རང་ཡ་ང་བ་ཞིག་ཏུ་བཟོ། འཁྲིག་སྤྱོད་ཀྱིས་ཁྱེད་རང་ཚོར་བའི་ཉེས་ཅན་ཏུ་བཟོ། འཁྲིག་སྤྱོད་ཀྱིས་ཁྱེད་རང་ལས་འབྲས་ལོག་སྤྱོད་པ་ཞིག་ཏུ་དེ་བས་ཀྱང་བཟོ་བར་འདོད།

འཚོ་བའི་བདེན་པ་གཞི་རྩ་འཇོག་ས་གཙོ་བོ་གཅིག་སྟེ་འཁྲིག་སྤྱོད་ཡིན། དེའི་ཕྱིར་གལ་ཏེ་འགའ་རེེས་དེ་ནི་ཁྲིམས་འགལ་ཞིག་ཏུ་བརྗོད་ན། ཁོས་ཁྱོད་དཀའ་རྙོག་ནང་དུ་བཅུག་ཅིང་ཇི་སྲིད་རྣམ་རྟོག་མ་སེལ་བ་དེ་སྲིད་དུ་སྡུག་བསྔལ་དེ་ལས་ཐར་མི་ཐུབ། ནམ་ཞིག་བློའི་མུན་པ་སེལ་སོང་ན་དེ་དུས་དཀའ་རྙོག་དེ་ལས་གྲོལ་དགོས་པ་ཞིག་ཀྱང་མེད། དོན་དངོས་སུ། ཁྱོད་ཀྱིས་བསམ་གཞིགས་བྱེད་པ་ཇི་ལྟར་གཏིང་ཟབ་ན་དེ་ལྟར་མུན་པ་སེལ་རྒྱུ་ལས་སླ་མོར་ངེས། རྒྱུ་མཚན་ནི་མི་ཞིག་བརྩེ་དུང་ནང་དུ་ཇི་ལྟར་གཏིང་ཟབ་འཛུལ་བ་ལྟར་སྒོམ་སྒྲུབ་ལ་གནས་ཐུབ་ལ། ཡུད་ཙམ་གྱི་ཆེས་དཔོག་དཀའ་བའི་བརྩེ་དུང་དེར་ཡུད་ཙམ་སྣང་བའི་མཉམ་གཞག་ལ་གནས་ཐུབ་པའི་ཕྱིར་རོ།

དེ་ནི་སྒོམ་ཇི་ལྟར་མངོན་རྟོགས་བྱེད་པ་དེ་ཡིན། དེར་བརྟེན་སྐབས་ལ་རེར་བརྩེ་དུང་གི་བྱ་གཞག་གཏིང་ཟབ་པའི་ནང་དུ་གློ་བུར་དུ་ཁྱོད་ཀྱི་དྲན་ཤེས་མི་སྣང་བ་འགྱུར་སྲིད། དེར་བསམ་བློ་དང་། དུས་ཚོད། སྟོང་ཆ་སོགས་གང་ཡང་མེད་པར་ཡོད་ཚད་ཧྲིལ་བོ་གཅིག་ཏུ་ཆགས་པ་ཡིན། མི་རྣམས་ཀྱིས་ཡུད་ཙམ་གྱི་སྣང་ཚུལ་དེ་དག་ཁོ་ཚོའི་དྲན་ཤེས་ལ་ཉར་ཞིང་། དེ་དག་རང་བཞིན་གྱིས་བཅོས་མ་མ་ཡིན་པ་དང་ཁེར་རྐྱང་གི་ཚོར་བའི་མ་བཟི་བར་འབད་པས་སྒྲུབ། རྒྱུ་མཚན་དེ་ནི་སྐད་ཅིག་མ་ཞིག་དང་གཞན་པ་ཞིག་ལ་བརྟེན་དགོས་པའི་ཕྱིར། ཇི་ལྟར་ཡུད་ཙམ་གྱི་སྣང་བ་སྟེ་རྟག་བརྟན་འགྱུར་མེད་ཞིག་ཏུ་འབད་པས་སྒྲུབ་ན། དེ་ནི་དེ་བཞིན་དུ་རང་སོར་གནས་ལ་ཁྱོད་ཀྱི་རང་བཞིན་ལྟ་བུ་འགྱུར་ཐུབ།

ཆོས་ལུགས་པའི་འཁྲིག་སྤྱོད་ལ་ཁ་གཏད་གཅོག རྒྱུ་མཚན་ནི་དུས་རབས་ཕྱི་མ་བ་འདིའི་ནང་མི་རྣམས་ཆེས་སྤྲོ་སྣང་སྤེལ་བ་དེ་འཁྲིག་སྤྱོད་ཡིན་པ་རྟོགས་ཤིང་། དེ་བཞིན་དུ་ཕྱི་རབས་པའི་སྤྲོ་སྣང་དེ་ཆོས་ལུགས་པའི་དུག་དང་མཚུངས་པར་ངོས་འཛིན་བྱེད།
གང་ལྟར་ཁྱོད་ཀྱིས་ཁོའི་སྤྲོ་བ་དང། བསམ་བློ་སོགས་ཡོད་ཚད་དུག་དང་། ཁྲིམས་འགལ། སྡིག་པ་སོགས་སུ་བཟུང་ཕྱིན་ཆད་ཁོ་དེ་ལ་རྩ་བ་ནས་ཞེན་པ་ལོག་ཞིང་། དུས་དེ་ནས་བཟུང་ཁོའི་བསམ་བློའི་ཁ་ཕྱོགས་གཞན་ཞིག་ཏུ་འགྱུར་ཞིང་དམིགས་འདུན་དང་ལྡན་པ་ཞིག་ཆགས་ངེས་ཡིན།

འཁྲིག་སྤྱོད་ཀྱིས་ཡོངས་སུ་ཁ་ལོ་བསྒྱུར་ཟིན་པའི་མི་ཞིག་ལ་དམིགས་ཡུལ་གཏན་པོ་ཞིག་མེད། རྒྱུ་མཚན་ནི་དཔེར་ན། ཁོ་ལ་སྲིད་འཛིན་དང་སྲིད་བློན་ཆགས་རྒྱུའི་འདུན་པ་དང་ཆོད་སེམས་མེད་པའི་ཕྱིར། རྒྱུ་མཚན་ཅིའི་ཕྱིར་དམིགས་འདུན་ལྡན་པ་ཞིག་ཏུ་ཆགས་པའི་ནུས་སྟོབས་དེ་འཁྲིག་སྤྱོད་ཀྱིས་དབང་གནོན་བྱེད་པ་རེད། འཁྲིག་སྤྱོད་ལ་རང་དབང་ཐོབ་ཟིན་པ་ཞིག་ཡིན་ན་ཁོ་གང་ཞིག་ཏུ་འགྱུར་བར་འབད་བརྩོན་མི་བྱེད་ལ། གང་ལྟར་ཁོའི་འཚོ་བ་དེ་མཛེས་སྡུག་ལྡན་པར་རོལ་བ་ཡིན། ཅིའི་ཕྱིར་ཁོ་དངུལ་གྱི་བང་མཛོད་ལ་སུན་སྣང་བྱེད།
དངུལ་ནི་ཚབ་མཚོན་ཙམ་ཞིག་རེད། ཁྱོད་ལ་བརྩེ་དུང་མ་ཐོབ་པའི་སྐབས་དེར་དངུལ་གྱི་བང་མཛོད་དེ་ཡང་ཐོབ་མི་ཐུབ། ཁྱོད་ཀྱིས་ནམ་ཡང་བྱམས་སེམས་ཅན་གྱི་དངུལ་གསོག་མཁན་ཞིག་འཚོལ་མི་ཐུབ་ལ། དངུལ་གསོག་མཁན་བརྩེ་སེམས་ཅན་ཞིག་དེ་བས་ཀྱང་འཚོལ་མི་ཐུབ། དེ་ནི་ཧ་ཅང་དཀའ་བའི་ལས་ཤིག་རེད།
དངུལ་ནི་ཚབ་མཚོན་ཙམ་ཞིག་རེད། དེ་ནི་བཅོས་མའི་བརྩེ་དུང་གི་མཛའ་འབྲེལ་ཞིག་དང་མཚུངས། ཁྱོད་སྐྱེས་པ་དང་བུད་མེད་ལ་བརྩེ་བ་སྤྲོད་པར་འཇིགས་སྣང་སྐྱེས་ཤིང་། ཨ་སྒོར་དང་། དབྱིན་སྒོར། ཧིན་སྒོར་སོགས་ལ་ཁྱོད་དམ་དུ་འཁྱུད། དངུལ་ལ་བརྟེན་ནས་སེར་སྣ་ཅན་དུ་ཆགས་བཞིན་པ་དེ་ཁྱོད་ཀྱིས་མཐོང་མ་མྱོང་ངམ། ཁྱོད་ཀྱིས་ཁོའི་མིག་ལས་འོད་འཕྲོས་པ་དང་ངོ་གདོང་བཀྲག་མདངས་ཅན་དུ་འགྱུར་བ་མཐོང་མྱོང་ངམ།
གལ་ཏེ་ཁོས་དམིགས་གཏད་བཅོལ་ས་དེ་མཛེས་སྡུག་ལྡན་པའི་བུད་མེད་དམ་སྐྱེས་པ་ཞིག་ཡིན་ན། ཁོ་ལ་ཌོ་ལར་བརྒྱ་ཡི་དངུལ་བྱང་སྤྲོད་ནས་ལྟོས་དང་ཁོས་དེ་ལ་ཇི་ལྟར་འཆང་བཞིན་འདུག ཚོར་བ་ཇི་ལྟར་མྱོང་བཞིན་འདུག ཐ་ན་ཁ་ཡི་མཆིལ་མ་ཡང་རང་དབང་མེད་པར་བཞུར་བཞིན་པ་དེ་ནི་ཡིད་དབང་འཕྲོག་པའི་བརྩེ་དུང་གི་གཏམ་རྒྱུད་གཅིག་ཅི་ལ་མིན། དེར་མ་ཟད་ཁོས་དངུལ་སྒམ་ཁ་ཕྱེ་དུས་མཐོང་ལམ་དུ་གྱུར་བ་དཀོན་མཆོག་ཏེ། དངུལ་ལོ་ནི་ཁོའི་དཀོན་མཆོག་ཡིན་ལ། ཁོའི་སྙིང་ནོར་ཡང་ཡིན།

དམིགས་ཡུལ་ཡོད་པའི་མི་ཞིག་སྲིད་འཛིན་ནམ་སྲིད་བློན་ཆགས་པར་བརྩོན་པའི་སྐབས་དེར་འཁྲིག་སྤྱོད་ཀྱི་ནུས་པའི་དམིགས་ཡུལ་ཁ་ཕྱོགས་སྒྱུར་བ་དང་། སྤྱི་ཚོགས་ཀྱིས་ཁྱོད་རང་ཁ་ཕྱོགས་སྒྱུར་ངེས་ཡིན། ཁྱོད་ཀྱིས་བརྗོད་དོན་”ཆོས་ལུགས་ཐམས་ཅད་ཀྱིས་ཅིའི་ཕྱིར་འཁྲིག་སྤྱོད་ལ་རྒྱབ་འགལ་བྱེད་”ཟེར། ལམ་བུ་དེ་ཁོ་ནས་ཁྱོད་ཞེད་སྣང་དང་། ཉེས་ཅན། བཀྲ་མི་ཤིས་པ་འབའ་ཞིག་བཟོ་བའི་རྐྱེན་གྱིས་ཡིན། ཁྱོད་ཞེད་སྣང་སྐྱེས་ན་ཐེངས་གཅིག་སྒྱུར་བཅོས་གཏོང་ཆོག
འོན་ཀྱང་གཞི་རྩའི་ལམ་ལུགས་འདི་ལ་ངེས་པར་དུ་དྲན་གསོ་བྱ་དགོས་ཏེ། གལ་ཏེ་ཁྱོད་ཀྱིས་ཁོ་དབང་སྒྱུར་བར་འདོད་ན་ཐོག་མར་ཁོ་ལ་ཞེད་སྣང་སྐྱེས་སུ་འཇུག་དགོས། ཁོ་ཞེད་སྣང་སྐྱེས་པ་ཡིན་ན་ད་གཟོད་ཁྱོད་ཀྱིས་ཁོ་དབང་སྒྱུར་བྱེད་ཐུབ། ཁོ་ཞེད་སྣང་མ་སྐྱེས་བར་ཁྱོས་ཁོ་ཇི་ལྟར་དབང་སྒྱུར་བྱེད། ཁོས་ཁྱོད་ལ་ཇི་ལྟར་དབང་སྒྱུར་མཁན་བྱེད་དུ་འཇུག ཁོས་འདི་ལྟར་བཤད་དེ་”ཡོད་ཚད་ཕྱིན་ཟིན་པ་རེད། ང་ལ་དབང་སྒྱུར་བྱེད་པར་འདོད་མཁན་ཁྱོད་སུ་ཡིན་ནམ།” དེ་བས་ཐོག་མར་བཅས་ཀྱང་ཁོ་འཇིགས་སྣང་སྐྱེས་པར་བྱེད་དགོས།

དེ་ཡང་མི་མང་ལ་ཆེས་ཞེད་སྣང་སྐྱེ་བྱེད་ཀྱི་རྣམ་པ་མི་འདྲ་བ་གཉིས་ཡོད་དེ། གཅིག་ནི་འཆི་བ་སྟེ། ཆོས་ལུགས་ཐམས་ཅད་ཀྱིས་བཀོལ་སྤྱོད་བྱེད་བཞིན་པ་དེ་ཡིན། ཁྱོད་འཆི་ལ་ཉེ་ཞེས་ཁོ་ཚོས་ཁྱོད་འཇིགས་སྣང་དུ་བཟོ་སྲིད། གང་ལྟར་ཁྱེད་ཀྱིས་”ངས་ཅི་ཞིག་བྱེད། ཀུན་སྤྱོད་དེ་ཇི་ལྟར་བྱེད། ང་ད་དུང་ཇི་ལྟར་འཚོ།” ཞེས་བརྗོད་པ་དང་། དེ་ནས་ཁོ་ཚོས་ད་དུང་འདོད་རྔམ་དང་ཉེས་ཆད་གཏོང་མཁན་གྱི་དམྱལ་ཁམས་ཤིག་དང་ཕན་རླབས་དང་ལེགས་སྐྱེས་གནང་མཁན་གྱི་ལྷ་ཡུལ་ཞིག་ཀྱང་ཡོད་སྐད་བརྗོད།

དེ་བཞིན་དུ་གཅིག་ནི་འཆི་བ་རེད། ཡིན་ཡང་ད་དུང་འཆི་བར་མ་ངེས་པས་ཁྱོད་ཀྱིས་དེ་ཕྱི་བཤོལ་བྱེད་ཐུབ། དེ་ནི་དེ་ལྟར་དཀའ་ངལ་ཅན་ཞིག་ཀྱང་མིན། ཁྱོད་ཀྱིས་བརྗོད་ན་”ང་ཚོ་འཆི་ངེས་པ་ང་ཚོས་རྟོགས་ཐུབ། དེ་བས་ང་ད་དུང་འཆི་བར་མི་འདོད། མི་ལོ་ལྔ་བཅུ་ལྷག་ཞིག་ལ་ད་དུང་འཚོ་དགོས། དེའི་ཕྱིར་བྱུས་གཏོགས་བྱེད་དོན་ཅི།” མི་ཞིག་ཡིན་ན་ཁོས་ཧ་ཅང་རྒྱང་ཐག་རིང་བ་ཞིག་མཐོང་མི་ཐུབ་ལ་མི་ལོ་ལྔ་བཅུ་དེ་བས་ཀྱང་ངོ་། གལ་སྲིད་ཁྱོད་ཀྱིས་ཁོ་ལ་” ཁྱོད་སང་ཉིན་འཆི་ངེས་པ་རེད།” ཅེས་བརྗོད་དུས་ཁོས་འཇིགས་སྣང་སྐྱེས་ནའང་ད་དུང་འདི་ལྟར་བརྗོད་དེ། ” ངས་བྱ་བ་ཐོག་མར་སྒྲུབ་དུ་བཅུག་དང་ད་དུང་བྲེལ་འཚུབ་མེད།” ཅེས་དང་། ” མི་ལོ་ལྔ་བཅུ་ད་དུང་ལྷག་ཡོད་དེ་བས་ངས་བཟའ་བཏུང་རྒྱས་སྤྲོས་ཇི་ལྟར་རོལ་འདོད་ན་དེ་ལྟར་རོལ་དུ་བཅུག”

དེར་བརྟེན་མི་མང་ཆེས་འཇིགས་སྣང་སྐྲུན་བྱེད་ཀྱི་རྣམ་པ་གཉིས་པ་དེ་འཁྲིག་སྤྱོད་ཡིན། དེའི་དཀའ་ངལ་ནང་དུ་མི་རྣམས་སྔ་མོ་ནས་ཚུད་ཟིན་པ་ཡིན། འོན་ཀྱང་། འཆི་བ་ནི་མ་འོངས་པ་དང་འཁྲིག་སྤྱོད་ནི་ད་ལྟའི་འཇིགས་སྣང་ཡིན། ཁྱོད་ཀྱི་འཁྲིག་སྤྱོད་པའི་ཟུངས་ཤུགས་དེ་ཆོས་ལུགས་པའི་འབགས་བཙོག་ཅན་དུ་བཤད། དེ་མ་ཟད་ཁོ་ཚོས་ཁྱོད་ཞེད་སྣང་བཟོ་ཞིང་། དེ་ནི་ཁྲིམས་འགལ་དང་། མི་སྡུག་པ། མི་དགེ་བ་ཅེས་བརྗོད་ཞིང་ཐ་ན་ཁྱོད་དམྱལ་ཁམས་དུའང་ལྟུང་བར་བྱེད། ཁོ་ཚོས་འཁྲིག་སྤྱོད་ལ་ཁ་གཏད་ལྕོག་པའི་རྒྱུ་མཚན་ནི་ཁྱོད་དབང་དུ་སྒྱུར་བར་འདོད་པ་དེ་ཡིན།

ངས་ཁྱོད་དབང་སྒྱུར་བར་མི་འདོད་པ་མ་ཟད་མཐའ་གཅིག་ཏུ་རང་དབང་སྤྲོད་འདོད། རང་དབང་སྤྲོད་པ་ལ་གནད་དོན་གཉིས་ངེས་པར་དུ་མཁོ་སྟེ། གཅིག འཁྲིག་སྤྱོད་ནི་མི་དགེ་བ་ཞིག་མིན་པར་དེ་ནི་དཀོན་མཆོག་གིས་གནང་བའི་དམིགས་བསལ་གྱི་ལེགས་སྐྱེས་ཤིག་ཡིན། གཉིས། འཆི་བ་ནི་མི་སྲིད་པའོ། ཁྱོད་ནི་དུས་རྟག་ཏུ་འཚོ་ཞིང་གནས་པའི་ཕྱིར་ན་མི་མངོན་པར་ནམ་ཡང་མི་འགྱུར། མིང་གཟུགས་སོགས་འགྱུར་རུང་དོན་དམ་འགྱུར་མི་སྲིད། དེ་བས་ངས་ཁྱོད་ལ་ཞེད་སྣང་དང་ཉེས་ཅན་གྱི་ཚོར་བ་ཞིག་སྤྲོད་མི་འདོད་ལ། ལྷག་པར་དུ་ང་ལ་མཁོ་བ་ནི་ཁྱོད་ཞེད་སྣང་ཐམས་ཅད་ལས་གྲོལ་ཞིང་སོ་སོའི་རང་བཞིན་ལ་བསྟུན་ཞིང་། ཟིལ་གནོན་དང་བཅོས་མ་མེད་པར་ལྷིང་འཇགས་ངང་འཚོ་བ་དང་། རང་བཞིན་གྱིས་གསལ་སྣང་འདྲེན་པ་དང་། དེ་ནས་འཆི་བ་དང་འཁྲིད་སྤྱོད་སོགས་མི་སྣང་བ་འགྱུར་བའམ་མཐོང་ཆོས་སུ་མི་འགྱུར་བ་དེའོ།

དེ་ལྟར་ང་ལ་མི་སྣང་བ་གྱུར་བ་དེ་བཞིན་དུ་ཁྱོད་ལ་ཡང་མི་སྣང་བ་འགྱུར་སྲིད་པ་ངས་རྟོགས་ཐུབ། དེས་ན་ཁྱོད་ཅི་ཕྱིར་སེམས་ཁྲལ་བྱེད། གལ་ཏེ་ཁྱོད་ཀྱིས་དེ་ཡང་དག་པ་ཞིག་རྟོགས་ཡོད་ན་མི་སྣང་བ་འགྱུར་རྒྱུ་ཧ་ཅང་ལས་སླ་མོ་ཡིན། ཁྱོད་ཀྱི་རྒྱབ་ལྗོངས་ཀྱི་ཤེས་བྱ་ཐམས་ཅད་ཁྱོད་དང་མཉམ་དུ་ཚར་ངེས་པ་ཡིན། གང་ལྟར་ཁྱོད་ཀྱིས་གནད་དོན་དེ་ཡང་དག་པ་ཞིག་རྟོགས་མེད་ན་ཁྱོད་ནི་ཆོས་ལུགས་གཞན་པའི་མི་རྣམས་དང་འདྲ་བར། འདོད་ཆགས་དང། སྲེད་པ། འཆར་སྣང་སོགས་ལ་དམ་དུ་འཁྱུད་དེ་ནམ་ཡང་འཁྲིད་སྤྱོད་ཀྱི་དྲ་བ་ལས་གྲོལ་མི་ཐུབ།

ཡིད་སེམས་འགུགས་པའི་གཏམ་རྒྱུད་གཅིག་གླེང་ན། དུས་ཚོད་ཀྱི་སྟེང་དུ་མཉམ་གཞག་ལ་གནས་ཐུབ་ན་མ་འོངས་པར་དེ་ཙམ་རྒྱང་ཐག་རིང་མོ་ཞིག་ཅི་ལ་ཡིན། ཆེས་མཐར་ཐུག་ཏུ་ང་ཚོ་སོ་སོ་ནས་རྡུལ་ཕྲན་དེ་དག་རྩ་གཏོར་གཏོང་ཐུབ་ལ། ཐམས་ཅད་རེ་རེ་ནས་རྫོགས་མཐའ་མེད་པའི་གྲལ་བསྟར་སྒྲིག་ཏེ་ལྷ་ཡུལ་གྱི་རྒྱལ་སྒོ་རེ་རེ་མཇལ་བར་རེ་ཞིང་སྒུག་བཞིན་མདུན་དུ་བསྐྱོད་པ་དང། གྲལ་འགོར་སླེབས་པ་ན་པེ་ཌྲེར་གྱིས་རྒྱལ་སྒོའི་ནང་དུ་འཛུལ་ལམ་ཕྱི་རུ་ཐོན་ཐག་གཅོད་བྱེད་བཞིན་མཆིས་པ་ལྟ་བུ་དང། གཞན་ཡང་རྒྱལ་སྒོ་དེར་ཅུང་ཐག་མི་རིང་བའི་ས་ན་ཨ་རི་བ་ཞིག་གྲལ་བསྟར་སྒྲིག་བཞིན་པའི་སྐབས་དེར་གྲལ་འགོ་ནས་གློ་བུར་དུ་གསལ་ལ་མི་གསལ་བའི་སྒྲ་ཞིག་དགའ་ཚོར་དང་བྲེལ་འཚུབ་ངང་ཁོའི་ཕྱོགས་སུ་འཁོར་ཡོང་བ་ཚོར་བ་མ་ཟད་སྒྲ་གདངས་དེ་དག་ཐམས་ཅད་ལས་ཁོས་སྐད་ཡིག་སྣ་མང་ཞིག་གི་དབུ་ཁྱུད་འབྲི་ཐུབ་པ་དཔེར་ན། ” བྷ་རཱ་ཝོ། ་་་་་་་་་་་དང་་་ཧོས་རཱེ་” སོགས་ཐོས་པ་ལྟ་བུ་དང་། ” དེ་ཅི་ཞིག་ཡིན། དེ་ཅི་ཞིག་གི་སྐོར་ཡིན།” ཞེས་ནན་གྱིས་སྐུལ་བའི་སྐབས་དེར་རྒྱལ་སྒོ་ལ་ཧ་ཅང་ཉེ་བའི་མི་ཞིག་གིས་བརྗོད་དོན། “པེ་ཌྲར་ཡིས་ང་ཚོར་བརྗོད་ན། ‘འཁྲིག་སྤྱོད་ཀྱི་འབྲེལ་བ་དེ་བགྲང་མི་ཆོག་་་་་་་་་་་་་་ ‘

ཐར་ལམ་དུ་བགྲོད་པར་འཁྲིད་སྤྱོད་དང་བརྩེ་དུང་གིས་ཅི་ཡང་མི་བྱེད་པ་སྟེ་རྟོགས་བྱུང་ངམ། དོན་དངོས་སུ་དེ་ཡིས་ཁྱོད་ཧ་ཅང་རང་བཞིན་ལྷན་སྐྱེས་ཤིག་བཟོ་བར་རམ་འདེགས་བྱེད་ལ། ཚུལ་དང་མི་མཐུན་པའི་རང་གཤིས་དེ་དག་ཚར་གཅོད་ཅིང་ཁྱོད་དཀོན་མཆོག་དང་ཆེས་ཉེ་བར་སྒྲུབ། དེའི་ཕྱིར་ངས་འཁྲིག་སྤྱོད་སོགས་ཀྱི་བྱ་དངོས་ཡོད་ཚད་ལ་ངོ་རྒོལ་བྱེད་ཀྱིན་མེད། ངས་གོ་བ་ལོག་སྒྲུབ་ཀྱི་སྤྱོད་ལམ་དང་རང་བཞིན་མ་ཡིན་པའི་བསམ་བློའི་འཁྱེར་སོ་ཁོ་ན་ལ་ངོ་རྒོལ་བྱེད་ཀྱིན་ཡོད། ཚུལ་དང་མཐུན་ལ་བཅོས་མ་མ་ཡིན་པའི་སྤྱོད་ལམ་ཁུར་ན་དཀོན་མཆོག་ཁྱེད་དང་མཉམ་དུ་རྒྱུ་ལ། དུས་རྟག་ཏུ་ཁྱོད་ལ་གཟིགས་ངེས་ཡིན། ཁོས་བྱམས་བརྩེའི་གཙང་ཆུ་རྒྱ་མཚོ་དང་འདྲེས་ནས་ཡོད། དེ་བས་ཆུ་མགོར་འཕྱོ་ཞིང་ལྡིང་བ་དང་གཙང་ཆུ་ཟུར་དུ་གཅོད་རྒྱུའི་ཀུན་སློང་མི་ཁུར་བར་མཉམ་བསྐྱོད་ཀྱི་འདུན་པ་ལྡན་དགོས། དེ་ནི་ཅི་ཞིག་གི་སློང་མོ་བ་དང་ཅི་ཞིག་ལ་མགོ་འབུལ་བྱས་པ་དེ་ཡིན།