ཨོ་རྒྱན་ཉི་མ།
ཨོཾ་སྭཱ་སྟི།
བདེ་གཤེགས་ཆོས་ཀྱི་སྤྱན་ལྡན་རྫོགས་སངས་རྒྱས།།
དེའི་གསུང་གསུང་རབ་དྲི་མེད་ཡོན་ཏན་ནོར་བུའི་མཛོད།།
རིག་གྲོལ་འཕགས་པའི་སྡེ་ལ་ཕྱག་འཚལ་ཏེ།།
རང་གི་སྐྱོན་མཚང་འདོན་པའི་གཏམ་ཞིག་འབྲི།།
མཚན་འཛིན་གཏི་མུག་འདི་ཡིས་སྔགས་སྡོམ་ཤོར།།
འཁོན་འཛིན་ཞེ་སྡང་བདོ་བས་བྱང་སྡོམ་ཤོར།།
བརྐམ་ཆགས་ཞེན་པ་ཆེ་བས་སོར་སྡོམ་ཤོར།།
ཨོ་རྒྱན་ཉི་མའི་ཞབས་ལ་གསོལ་བ་འདེབས།།
དྲིན་ཆེན་རྩ་བའི་བླ་མའི་བཀའ་ལས་འགོངས།།
བརྩེ་ལྡན་རྡོ་རྗེའི་མཆེད་པོའི་སེམས་ལ་གཟན།།
འདི་ཕྱི་གཉིས་ཀ་ཕུང་བའི་ཡི་དྭགས་དངོས།།
ཨོ་རྒྱན་ཉི་མའི་ཞབས་ལ་གསོལ་བ་འདེབས།།
གྲོགས་པོ་རྙིང་པ་དག་ལ་དགྲ་རུ་བལྟས།།
ཨ་གསར་ཆེ་ཞིང་གཏི་མུག་མུན་སྟུག་ཅན།།
ཀུན་ལ་ཆགས་ཤིང་ཅིར་ཡང་མི་ལོན་པའི།།
ཨོ་རྒྱན་ཉི་མའི་ཞབས་ལ་གསོལ་བ་འདེབས།།
གོང་མ་འབྱོར་ལྡན་དག་ལ་ཕྲག་དོག་ལྡང་།།
རང་དང་མཉམ་པ་དག་ལ་འགྲན་སེམས་ཅན།།
དམན་ལ་སྡང་ཞིང་ཁེངས་པའི་དྲེགས་པས་ཕྱུག །
ཨོ་རྒྱན་ཉི་མའི་ཞབས་ལ་གསོལ་བ་འདེབས།།
ནང་གི་དུག་ལྔ་རྟག་དུ་མེ་ལྟར་འབར།།
ཕྱི་ཡི་སྤྱོད་ངན་ཉིན་རེར་མཚོ་ལྟར་འཕྱུར།།
གསང་བ་ལྟས་ངན་སྣ་དགུའི་སྤྲུལ་སྐུ་དངོས།།
ཨོ་རྒྱན་ཉི་མའི་ཞབས་ལ་གསོལ་བ་འདེབས།།
མཛེས་མ་མཐོང་ཚེ་ཆགས་པས་གདོང་པ་འགྱུར།།
གསེར་དངུལ་རིག་ཚེ་ལག་པ་དབང་མེད་འཆོར།།
ཐོབ་དང་གོ་སར་སྲོག་ཀྱང་གཏོང་ཕོད་པའི།།
ཨོ་རྒྱན་ཉི་མའི་ཞབས་ལ་གསོལ་བ་འདེབས།།
ཚེ་སྟོད་རབ་བྱུང་དགེ་སློང་ཆས་སུ་བརྫུས།།
ཚེ་སྨད་གསང་སྔགས་ཉམས་སུ་ལེན་མདོག་སྟོན།།
གཡོ་སྒྱུ་སྐོར་མགོ་གཞན་ལས་ཆེས་མཁས་པའི།།
ཨོ་རྒྱན་ཉི་མའི་ཞབས་ལ་གསོལ་བ་འདེབས།།
ཐོས་བསམ་སྒོམ་གསུམ་རྐུན་མའི་ལག་ཏུ་ཤོར།།
འཆད་རྩོད་རྩོམ་གསུམ་དགྲ་ཇག་ཆོམ་པོས་འཁྱེར།།
བཤད་སྒྲུབ་ལས་གསུམ་འཚོང་ལ་ཆེས་མཁས་པའི།།
ཨོ་རྒྱན་ཉི་མའི་ཞབས་ལ་གསོལ་བ་འདེབས།།
ཡིད་རྟོན་རུང་བའི་ལྟ་གྲུབ་གཅིག་ཀྱང་མེད།།
ཕྱག་འཚལ་རུང་བའི་ཉམས་ལེན་ཐིགས་གཅིག་མེད།།
མི་རུ་སྐྱེས་ཀྱང་ཁྱི་ལས་ལོད་ངེས་པའི།།
ཨོ་རྒྱན་ཉི་མའི་ཞབས་ལ་གསོལ་བ་འདེབས།།
ཚེ་འདིར་དགོས་པའི་དཔལ་དང་འབྱོར་བ་མེད།།
ཕྱི་མར་ཕན་པའི་དམ་ཆོས་རྒྱགས་ཕྱེ་མེད།།
འདི་ཕྱིར་སྨན་པའི་ཡ་རབས་སྤྱོད་བཟང་མེད།།
ཨོ་རྒྱན་ཉི་མའི་ཞབས་ལ་གསོལ་བ་འདེབས།།
རྒྱལ་བསྟན་རིན་ཆེན་ཡུན་དུ་གནས་ན་བསམ།།
བསྟན་འཛིན་སྐྱེས་བུར་འགྲོ་དོན་འཕེལ་ན་བསམ།།
བསྟན་བཤིག་ཕུང་གསུམ་མགོ་མཇུག་ལྡོག་ན་བསམ།།
བསམ་པ་གསུམ་གྱིས་ཀུན་གྱི་སེམས་རྩ་བསྒུལ།།
ཞེས་རང་སྐྱོན་ཐེར་འདོན་གྱི་གསོལ་འདེབས་ཤིག་གང་དྲན་བྲིས་པ་ལགས་ན། རང་དང་སྐལ་བ་མཉམ་པ་ཚོར་ཅུང་ཟད་སྨན་པའི་རེ་འདུན་བཅས་འདུ་ཤེས་གསུམ་པ་ཨོ་རྒྱན་ཉི་མས་སོ།།
ག་འཇུ་འདི་འཇུ་མེད་པའི་བར་སྣང་དུ་གཅིར་བཞིན།
ག་བྱེད་འདི་བྱེད་མེད་པའི་གང་འཁྱོལ་ལ་བཞུར་ནས།
ག་འགྲོ་འདི་འགྲོ་མེད་པར་དྲ་ཐོག་རང་འགོར་དྲགས།
གང་བཤད་འདི་བཤད་མེད་པའི་སྐྱོ་གླུ་དེས་གཟན་པ།
ཀུན་ལ་ཆགས་ཤིང་ཅིར་ཡང་མི་ལོན་པའི།།
ཐོབ་དང་གོ་སར་སྲོག་ཀྱང་གཏོང་ཕོད་པའི།།
གཡོ་སྒྱུ་སྐོར་མགོ་གཞན་ལས་ཆེས་མཁས་པའི།།
བཤད་སྒྲུབ་ལས་གསུམ་འཚོང་ལ་ཆེས་མཁས་པའི།།
མི་རུ་སྐྱེས་ཀྱང་ཁྱི་ལས་ལོད་ངེས་པའི།།
གོང་གི་པ་ཨ་གི་གུ་པའི་དེ་ཚང་མ་པ་ས་བཞག་པས་འམ་བས་ལ་གང་ཐོབ་དུ་བསྒྱུར་ན་གསོལ་འདེབས་དེ་ཡག་མོ་ཞེ་པོ་ཞིག་བྱུང་འདུག། ཁོ་རེ་ཨོ་རྒྱན་བླ་མ།
ཚིག་དོན་གཉིས་ལ་སྦྱང་པ་རབ་ཏུ་ཐོབ། །རང་སྐྱོན་ཐེར་འདོན་ཕྱིན་ཆད་སྡོམ་སེམས་བྱ། །དེང་གི་སྤྲུལ་རྫུན་ཀུན་ལས་ཁྱད་དུ་འཕགས། ། །མཁས་པའི་ཨོ་ཉི་ཁྱོད་ལ་རབ་ཏུ་བསྟོད། །
རང་བསྟོད་རང་གིས་བརྩམས་པ་ལེགས་མོ་གདའ།།
རང་སྐྱོན་ངོས་ལེན་གནང་བ་ཡག་མོ་གདའ།།
སྤྲུལ་རྫུན་ངོ་མ་ཡིན་པ་གསལ་བོ་གདའ།།
ཨོ་རྒྱན་ཉི་མ་ཁྱོད་ནི་མཚར་མོ་གདའ།།
ཨོཾ་སྭཱ་སྟི།
བདེ་གཤེགས་ཆོས་ཀྱི་སྤྱན་ལྡན་རྫོགས་སངས་རྒྱས།།
དེས་གསུངས་གསུང་རབ་དྲི་མེད་ཡོན་ཏན་མཛོད།།
རིག་གྲོལ་འཕགས་པའི་སྡེ་ལ་ཕྱག་འཚལ་ཏེ།།
རང་གི་སྐྱོན་མཚང་འདོན་པའི་གཏམ་ཞིག་འབྲི།།
ཚིག་རྐང་གཉིས་པ་དེ་བཅོས་ཡོད། ༼དེའི་གསུང་་་་་་་་་་ནོར་བུ། ༽ཚང་མ་ཕེབས་པ་ལེགས།
སྤྱི་ཚོ་སྣ་ཚོགས་འཛོམས་པའི་དེང་རབས་སུ།།
རེད་དང་མ་རེད་གཏམ་གླེང་སྨྲ་འདོད་ལ།།
སུ་ཡང་མི་དགག་རང་དབང་དུས་བབས་རེད།།
ཕན་དང་མ་ཕན་སོ་སོའི་བསམ་བློ་ལྟོས།།
མི་ཚེ་གང་འཚམས་དགག་པ་ཁོ་ན་ཡིས།།
གྲུབ་མཐའི་ཕྱོགས་ཞེན་དམ་རེ་བཅིང་ན་ནི།།
འདི་ཕྱིར་ག་བདེ་མི་ཤེས་སྙིང་རེ་རྗེ།།
ལྟ་བའི་སྙིང་པོ་བདག་མེད་རྟོགས་པར་ཤོག།
ཆོས་པར་རློམ་ཡང་ཆོས་ཀྱི་གནད་མ་མཐོང་།།
སྐྱ་སར་བབ་ཀྱང་སྐྱ་བོའི་གོ་མི་ཆོད།།
བར་མ་དོ་ན་ལུས་པའི་སྨྱོན་གཟུགས་ཅན།།
ཨོ་རྒྱན་སྤྲུལ་རྫུན་ཞབས་ལ་སྟུ་ཡིས་མཆོད།།
འདྲེ་རྐང་དོས་ངའི་རང་གཤིས་བརྐུས་ཡོད་ས་རེད། ཧཧཧཧཧཧཧཧ
ཆོས་སྲིད་གཉིས་ལ་མིག་ཟུང་ཞེན་ན་ཡང་།།
ཤེས་མདོག་ལྕེ་རྩེ་རང་ག་མི་འདུག་པར།།
ཡིན་མིན་གཉི་ག་ཤོད་པའི་ཁོག་ཡངས་ཅན།།
ཨོ་རྒྱན་སྤྲུལ་རྫུན་ལགས་ཀྱི་གཤིས་ཀ་ཉིད།།
སྤྲུལ་སྐུ་ཨོ་རྒྱན་ཉི་མ་རིན་པོ་ཆེས་གསུང་དེ་ཁེངས་སྐྱོང་ཞིག་ཡིན་ས་རེད། ཞི་བ་ལྷས། སྡེབ་སྦྱོར་མཁས་པ་བདག་ལ་ཡོད་མིན་དེ། །དེ་ཕྱིར་གཞན་དོན་བསམ་པ་ཡང་བདག་ལ་མེད། །ཞེས་མིན་དང་མེད་གསུངས་པ་ནང་བཞིན་དུ་ཡིན་ས་རེད། །
འདྲེ་རྐང་དོས་ངའི་གཤིས་ཀ་ཤེས་ཀྱང་དག་ཆ་ཤེས་ཀྱིན་མེད་པ་འདྲ། ཧཧཧ
མཚན་འཛིན་གཏི་མུག་འདི་ཡིས་སྔགས་སྡོམ་ཤོར།།
འཁོན་འཛིན་ཞེ་སྡང་བདོ་བས་བྱང་སྡོམ་ཤོར།།
བརྐམ་ཆགས་ཞེན་པ་ཆེ་བས་སོར་སྡོམ་ཤོར།།
ཨོ་རྒྱན་ཉི་མའི་ཞབས་ལ་གསོལ་བ་འདེབས།།
ཨོ་རྒྱན་ཉི་མ་ལགས་ཀྱི་གསོལ་འདེབས་འདི་གང་མང་་གསོག་བགྱིད་ཡིན།
ཚེ་སྟོད་རབ་བྱུང་དགེ་སློང་ཆས་སུ་བརྫུས།།
ཚེ་སྨད་གསང་སྔགས་ཉམས་སུ་ལེན་མདོག་སྟོན།།
གཡོ་སྒྱུ་སྐོར་མགོ་གཞན་ལས་ཆེས་མཁས་པའི།།
ཨོ་རྒྱན་ཉི་མའི་ཞབས་ལ་གསོལ་བ་འདེབས།།
འདི་ནི་ཨོ་རྒྱན་པས་ངའི་རྣམ་ཐར་ཆ་ཚང་ཅིག་བྲིས་འདུག་གདའ། ཧ་ཧོ།
ཚེ་འདིར་དགོས་པའི་དཔལ་དང་འབྱོར་བ་མེད།།
ཕྱི་མར་ཕན་པའི་དམ་ཆོས་རྒྱགས་ཕྱེ་མེད།།
འདི་ཕྱིར་སྨན་པའི་ཡ་རབས་སྤྱོད་བཟང་མེད།།
ཨོ་རྒྱན་ཉི་མའི་ཞབས་ལ་གསོལ་བ་འདེབས།།
འདི།
ཚེ་འདིར་དགོས་པའི་དཔལ་དང་འབྱོར་པས་ཕྱུག །
ཕྱི་མར་ཕན་པའི་དམ་ཆོས་རྒྱགས་ཕྱེ་བསགས། །
འདི་ཕྱིར་སྨན་པའི་ཡ་རབས་སྤྱོད་བཟང་ཅན། །
ཨོ་རྒྱན་ཉི་མའི་ཞབས་ལ་གསོལ་བ་འདེབས། །
སྤོབས་པ་མཐའ་ཡས་ཀྱིས་ཀུ་རེ་ཙམ་ལ་རང་རྩོམ་ཁ་བསྒྱུར་བྱས་པ་ཡིན།
ཨོ་རྒྱན་ཉི་མར་བསྟོད་པ་བྱིན་རླབས་འཛད་མེད་ཅེས་བྱ་བ་བཞུགས་སོ།
བདེ་གཤེགས་ཆོས་ཀྱི་སྤྱན་ལྡན་རྫོགས་སངས་རྒྱས།། དེའི་གསུང་གསུང་རབ་དྲི་མེད་ནོར་བུའི་མཛོད།། རིག་གྲོལ་འཕགས་པའི་སྡེ་ལ་ཕྱག་འཚལ་ཏེ།། རང་ལ་བསྟོད་པ་བྱེད་པའི་གཏམ་ཞིག་འབྲི།།
མཚན་འཛིན་གཏི་མུག་མེད་པའི་སྔགས་འཆངས་ཡིན།། འཁོན་འཛིན་ཞེ་སྡང་མེད་པའི་བྱང་སེམས་ཡིན།། བརྐམ་ཆགས་ཞེན་པ་མེད་པའི་ཉན་ཐོས་ཡིན།། ཨོ་རྒྱན་ཉི་མའི་ཞབས་ལ་གསོལ་བ་འདེབས།།
དྲིན་ཆེན་རྩ་བའི་བླ་མའི་བཀའ་བཞིན་བསྒྲུབས།། བརྩེ་ལྡན་རྡོ་རྗེའི་མཆེད་པོའི་ཐུགས་དང་མཐུན།། འདི་ཕྱི་གཉིས་ཀ་འགྲུབ་པའི་སངས་རྒྱས་དངོས།། ཨོ་རྒྱན་ཉི་མའི་ཞབས་ལ་གསོལ་བ་འདེབས།།
གྲོགས་པོ་རྙིང་པ་དག་ལ་ལྷ་རུ་བལྟས།། ཨ་གསར་ཆུང་ཞིང་གཏི་མུག་མུན་པ་སེལ།། ཀུན་ལ་མ་ཆགས་ཀུན་ཀྱང་ཐོབ་པ་ཡི།། ཨོ་རྒྱན་ཉི་མའི་ཞབས་ལ་གསོལ་བ་འདེབས།།
གོང་མ་འབྱོར་ལྡན་དག་ལ་ཕྲག་དོག་མེད།། རང་དང་མཉམ་པ་དག་ལ་འགྲན་སེམས་མེད།། དམན་ལ་བརྩེ་ཞིང་ཁེངས་པའི་དྲེགས་པ་མེད ། ཨོ་རྒྱན་ཉི་མའི་ཞབས་ལ་གསོལ་བ་འདེབས།།
ནང་གི་དུག་ལྔ་ཆུ་ཡིས་མེ་ལྟར་བཅོམ།། ཕྱི་ཡི་སྤྱོད་ངན་དགུན་གྱི་མཚོ་ལྟར་བྲི།། གསང་བ་ཐེག་པ་རིམ་དགུའི་ཤིང་རྟ་དངོས།། ཨོ་རྒྱན་ཉི་མའི་ཞབས་ལ་གསོལ་བ་འདེབས།།
མཛེས་མ་མཐོང་ཚེ་ཀིང་རུས་དངོས་སུ་བལྟ།། གསེར་དངུལ་རིག་ཚེ་ལག་པས་དབང་མེད་གཏོང་།། ཆོས་ཀྱི་ཆེད་དུ་སྲོག་ཀྱང་འདོར་ཕོད་པའི།། ཨོ་རྒྱན་ཉི་མའི་ཞབས་ལ་གསོལ་བ་འདེབས།།
ཚེ་སྟོད་རབ་བྱུང་དགེ་སློང་ཁྲིམས་ཀྱིས་མཛེས།། ཚེ་སྨད་གསང་སྔགས་འཆངས་བའི་ཆས་ཀྱིས་བརྗིད།། གཡོ་སྒྱུ་མགོ་སྐོར་མཁན་དང་མི་འདྲ་བའི།། ཨོ་རྒྱན་ཉི་མའི་ཞབས་ལ་གསོལ་བ་འདེབས།།
ཐོས་བསམ་སྒོམ་གསུམ་རྐུན་མས་མ་ཁྱེར་ཞིང་།། འཆད་རྩོད་རྩོམ་གསུམ་ཇག་པས་མ་བཅོམ་པར།། བཤད་སྒྲུབ་ལས་གསུམ་འཚོང་ལས་མི་བྱེད་པའི།། ཨོ་རྒྱན་ཉི་མའི་ཞབས་ལ་གསོལ་བ་འདེབས།།
ཡིད་རྟོན་རུང་བའི་ལྟ་གྲུབ་ཞིག་ཀྱང་ཡོད།། ཕྱག་འཚལ་རུང་བའི་ཉམས་ལེན་ཞིག་ཀྱང་ཡོད།། མི་རུ་སྐྱེས་ཀྱང་ལྷ་ལས་བཟང་ངེས་པའི།། ཨོ་རྒྱན་ཉི་མའི་ཞབས་ལ་གསོལ་བ་འདེབས།།
ཚེ་འདིར་དགོས་པའི་དཔལ་དང་འབྱོར་བ་ཡོད།། ཕྱི་མར་ཕན་པའི་དམ་ཆོས་རྒྱགས་ཕྱེ་ཡོད།། འདི་ཕྱིར་སྨན་པའི་ཡ་རབས་སྤྱོད་བཟང་ཡོད།། ཨོ་རྒྱན་ཉི་མའི་ཞབས་ལ་གསོལ་བ་འདེབས།།
རྒྱལ་བསྟན་རིན་ཆེན་ཡུན་དུ་གནས་ན་བསམ།། བསྟན་འཛིན་སྐྱེས་བུར་འགྲོ་དོན་འཕེལ་ན་བསམ།། བསྟན་བཤིག་ཕུང་གསུམ་མགོ་མཇུག་ལྡོག་ན་བསམ།། བསམ་པ་གསུམ་གྱིས་ཀུན་གྱི་སེམས་རྩ་བསྒུལ།།
ཞེས་རང་ལ་བསྟོད་པ་ཞིག་གང་དྲན་བྲིས་པ་ལགས་ན། རང་དང་སྐལ་བ་མཉམ་པ་ཚོར་ཅུང་ཟད་སྨན་པའི་རེ་འདུན་བཅས་འདུ་ཤེས་གསུམ་པ་ཨོ་རྒྱན་ཉི་མས་སོ།།
དེ་ལྟར་བྲིས་པ་ཁ་ཞེ་གཉིས་མེད་ཡིན་ན། རྐང་པ་བཞི་པ་དེ་ཙོ་འདི་ལྟར་འདི་ལྟར་འབྲི་དགོས།
ཨོ་རྒྱན་ཉི་མ་ཁྱོད་ཀྱིས་བསམ་བློ་ཐོངས།།
དང་བོར་ཁས་བླངས་སྡོམ་པ་ཆུ་ལ་གཡུག།
བར་དུ་སྤྲུལ་མིང་འཁུར་ནས་གཞན་མགོ་བསྐོར།།
མཐའ་མར་རྩ་བའི་བླ་མར་ཁ་ལོག་བཏང་།།
ཨོ་རྒྱན་བླུན་པོའི་ཞབས་ལ་ཕྱག་འཚལ་ལོ།།
ཀ་དག་སྟོང་ཉིད་རྟོགས་མདོག་ཁྲེལ་མེད་པོ།།
ཁ་བའི་སྤྲུལ་མིང་འཆང་བའི་སྐྱག་རྫུན་ཅན།།
ག་ནས་བལྟས་ཀྱང་ཚུགས་མེད་ཁྱོད་འདྲ་པོ།།
ང་ཅག་བོད་ལ་མེད་ན་དགའ་བ་ལ།།
ཀ་དག་སྟོང་ཉིད་རྟོགས་མདོག་ཁྲེལ་མེད་པོ།།
ཁ་བའི་སྤྲུལ་མིང་འཆང་བའི་སྐྱག་རྫུན་ཅན།།
ག་ནས་བལྟས་ཀྱང་ཚུགས་མེད་ཁྱོད་འདྲ་པོ།།
ང་ཅག་བོད་ལ་མེད་ན་དགའ་བ་ལ།།
ཞེས་པ་འདི་ལ།
ཀ་དག་སྟོང་ཉིད་རྟོགས་ལ་ཚོགས་བསགས་ཤིང་། །
ཁ་བའི་སྤྲུལ་མིང་འཆང་བའི་ཨོ་ཉི་ཁྱེད། །
ག་ནས་བལྟས་ཀྱང་ཕུང་གསུམ་བསྒྲལ་བ་ལ། །
ང་ཅག་བོད་རིགས་རྣམས་ལ་ཤིན་ཏུ་མཁོ། །
ཀ་བ་མེད་པའི་ཁང་སྟོང་ནང་།།
ཁ་ནས་མི་བཤད་དགུ་བཤད་བོ།།
ག་ནས་བལྟས་ཀྱང་འདྲེ་འདྲ་བ།།
ང་མིན་སུ་ཞིག་འདི་ན་མཆིས།།
ཧཧཧ
སྤོབས་པ་མཐའ་ཡས་ཀྱིས་བཤད་པ་ལྟར་ཡིན་ན། ང་དགའ་དྲགས་ཏེ་སྨྱོ་འགྲོ་ས་རེད། འདྲེ་རྐང་དོ་འདིས་ཧཧཧཧ
རྒྱལ་བསྟན་རིན་ཆེན་ཡུན་དུ་གནས་ན་བསམ།།
བསྟན་འཛིན་སྐྱེས་བུར་འགྲོ་དོན་འཕེལ་ན་བསམ།།
བསྟན་བཤིག་ཕུང་གསུམ་མགོ་མཇུག་ལྡོག་ན་བསམ།།
བསམ་པ་གསུམ་གྱིས་ཀུན་གྱི་སེམས་རྩ་བསྒུལ།།
འདི་གསུམ་ང་ལ་ངེས་པར་དུ་ཡོད། དེ་ལས་གཞན་ཅང་མི་ཤེས།
དགེ་ལུགས་ལབ་ན་རྔ་མ་མགོ་ལ་ཕྱར།།
བཀའ་རྒྱུད་ལབ་ན་སྡང་མིག་གྱེན་ལ་གདང་།།
བོན་པོ་ལབ་ན་སྙིང་ལ་ཙག་ཤེད་རྒྱུགས།།
སྟུ་རྐུ་འོ་རྐྱལ་ཉི་མའི་སྙིང་ལ་བྷྱོ།།
རང་བཙན་ལབ་ན་རིང་ནས་རྒྱང་དུ་བྲོས།།
དབུ་མ་ལབ་ན་དབུ་ལོ་འཕྲེད་དུ་གཡུག།
ཤ་དང་རུས་པ་མེད་པའི་གདོན་གཟུགས་གང་།།
སྟུ་རྐུ་འོ་རྐྱལ་ཉི་མ་རྒྱང་དུ་སྤྱུགས།།
རྙིང་མའི་རྒྱལ་བསྟན་ཡུན་དུ་གནས་ན་བསམ།།
རྙིང་མའི་སྐྱེས་བུར་འགྲོ་དོན་འཕེལ་ན་བསམ།།
ས་དགེ་བོན་སོགས་མགོ་མཇུག་ལྡོག་ན་བསམ།།
བསམ་པ་གསུམ་གྱིས་ཀུན་གྱི་སེམས་རྩ་དཀྲུགས།།
འདི་གསུམ་ཁྱོད་ལ་ངེས་པར་དུ་འདུག དེ་ལས་གཞན་ཅང་མི་ཤེས།
གསར་རྙིང་དམ་པ་རྣམས་ལ་སྙིང་ནས་དད།།
གསར་རྙིང་ཕུང་གསུམ་པ་ལ་ཞེ་ནས་སྡང་།།
ཐོས་བསམ་སྒོམ་གསུམ་སྦྱངས་བ་མཐར་ཕྱིན་མཛད། །
འཆད་རྩོད་རྩོམ་གསུམ་རིག་པའི་ལོ་འདབ་རྒྱས། །
བཤད་སྒྲུབ་དར་རྒྱས་ཡུན་རིང་གངས་ཅན་བོད། །
ཨོ་རྒྱན་ཉི་མའི་ཞབས་ལ་གསོལ་བ་འདེབས། །
ཚེ་སྟོད་རབ་བྱུང་སྒྲུབ་ནས་དམ་ཆོས་བརྩོན། །
ཚེ་སྨད་གསང་སྔགས་བཞུགས་ནས་རི་ཁྲོད་འགྲིམས། །
འདི་ཕྱི་གཉིས་ལ་ཕན་པའི་ལྷ་ཆོས་མཛད། །
ཨོ་རྒྱན་ཉི་མའི་ཞབས་ལ་གསོལ་བ་འདེབས།།