ཨ་རིར་འགྲོ་སྙིང་འདོད།

Comments (33) on “ཨ་རིར་འགྲོ་སྙིང་འདོད།”

1. མེ་ཏོག་དཀར་པོས་སྤྲུལ་དགོག་རྣམས་ལ་ཚིགས་ཀྱིས་དགག་པ་ཇི་ལྟར་རྒྱབ་ཀྱང་
   དོན་ལ་རྗེས་འཇུག་གཙོ་བོ་ཞིག་ཡོང་བའི་རེ་བ་ཆེན་པོ་ཡོད་པ་འདྲ།

2. བཀྲ་ཤིས་ཟེར་བ་བཀྲ་མ་ཤིས།།
   སྐྱེས་པའི་ཞོགས་པར་ཨ་མ་ཤི། །ཀུ་རེ་

3. ཨ་རི་ཞེས་པའི་ཞིང་ཁམས་དེར།།
   མེ་ཏོག་དཀར་པོ་སྐྱེས་བར་ཤོག།
   སྐྱེས་ནས་འདོད་དོན་ཀུན་འགྲུབ་སྟེ།།
   རང་སྐྱོང་བོད་དུ་ཕེབས་པར་སྨོན།།

4. མེ་ཏོག་དཀར་པོ་ཨ་རིར་འགྲོ་ནའང་འགྲོ།
   གཡུ་སྦྲང་ང་ལ་སེམས་པ་སྐྱོ་རྒྱུ་མེད།
   མེ་ཏོག་དཀར་པོ་སེར་པོར་འགྱུར་ནའང་གྱུར།
   གཡུ་སྦྲང་ང་ལ་སྐྱོ་རོགས་དགོས་པ་མེད།

   ཉིན་མོ་དགེ་སློང་ཆས་སུ་བརྫུས་ནས་ནི།
   ཆོག་ཤེས་ངེས་འབྱུང་གདམས་པ་འཆད་ཅིང་བཞུགས།
   མཚན་མོ་མི་ནག་ཆས་སུ་སྤྲས་ནས་ནི།
   གཅེར་བུ་ཌནསི་འཁྲབ་སར་འགྲོ་འདོད་ནི།
   སྤྲུལ་གོག་བསྟན་པ་འཛིན་འདོད་ཡིན་ལས་ཆེ།

5. ནམ་ཟླ་ཡལ་བའི་མེ་ཏོག་དཀར་པོ་ལགས།
   ད་དུང་དཔྱིད་ཀྱི་དཔལ་ཡོན་ཡིན་མ་བསམ།
   གསེར་སྦྲང་གཡུ་སྦྲང་འབྲོས་པའི་དུས་ལགས་ན།
   སྡོང་སྐམ་མ་མའི་རུམ་འཛུལ་སྟ་གོན་བགྱིས།

6. ཆོག་ཤེས་མཁན་པོ་ཨོ་རྒྱན་ཉི་མ་རེད། །
   བན་དེ་བ་ཁྱོད་མྱོས་པར་མ་གྱུར་ཏམ། །

7. མེ་ཏོག་དཀར་པོས་བན་དེ་སློག་འདོད་དམ།
   དམ་ཚིག་ཉམས་པ་ཅན་དང་ཁ་ལག་གཉིས།
   འདྲེས་སུ་མི་རུང་རྒྱལ་བས་གསུངས་བ་ན།
   སྡིག་པའི་ཉེས་དམིགས་སོམས་ལ་མནོ་མ་བསམ།

8. བན་དེ་སློག་དང་མ་སློག །
   རང་གི་མཇེ་ལ་འདྲི་གྲོགས།།
   མེ་ཏོག་ཟུམ་ནས་སྡོད་ལ།།
   མ་ཉེས་ཁ་གཡོག་མ་གནང་།།

9. མེ་ཏོག་དཀར་པོ་ཟེར་བའི་མིང་རྫུན་དོན་དང་མི་མཐུན་པ་ཁྱོད་
   ཀུ་རེ་ལ་ཡང་ཁྱོད་ཀྱི་ཕ་ཤི་མ་ཤི་ངས་ནི་མི་ཟེར་ཐག་ཆོད་ཡིན་

10. དགོངས་དག། བཟོད་གསོལ་ཞུ།

11. མགྲོན་ཤོག་ཙམ་ཞིག་སྐུར་ཡང་མི་དགོས་ཤིང་། །
    ཆང་ས་རྫུན་མ་རྒྱག་ཡང་མི་དགོས་པར། །
    ཨ་སྒོར་དྲིན་གྱིས་མེ་དཀར་མཛེས་མའི་རྐུབ། །
    བདག་གི་མཇེ་ཡི་ལག་ཏུ་ལྷུང་ས་རེད། །

12. སུས་ཀྱང་མགྲོན་ཤོག་མ་བཏང་ཞིང་། །
    ཡིག་ཆ་རྫུན་མ་མ་བཟོས་ལ། །
    སྟུ་རྐུབ་གཙོང་བར་མ་བྱས་པར། །
    ཨ་རིར་སླེབས་པའི་མེ་ཏོག་ང་། །སྔ་ན་མེད་པའི་རྒྱུའི་རྒྱན་ནོ།།

    མགྲོན་ཤོག་གཏོང་བར་མ་ནུས་ཤིང་། །
    ཡིག་ཆའི་གྲོགས་ཀྱང་མ་བྱས་ལ། །
    ཨ་སྒོར་གཏོང་བར་མ་ནུས་པར། །
    ལམ་སེང་རྐུབ་ལ་དམིགས་འདི་འདྲེ། །

13. ཨ་རིར་བསྐྱོད་འདོད་མེ་ཏོག་དཀར་པོས་མང་དུ་བྲིས།
    ཨ་རིར་ལས་དབང་གིས་སླེབས་ཚེ་འདིའི་འདོད་པས་མིན།
    རྒྱ་གར་སློབ་གྲྭ་ཆེན་པོར་ལེགས་སྦྱར་བོད་རིག་གཞུང་།
    སློབ་བསྐོས་སློབ་མ་མེད་ཀྱང་ཕོག་ལེན་དཀའ་ངལ་མེད།།
    ་
    སོག་པོ་དགེ་བཤེས་དབང་རྒྱལ་དང་པོར་མཇལ།
    ཨ་རིར་ལེན་ན་ཁྱོད་འོང་ཐུབ་བམ་གསུངས།
    གང་ཡང་བསམ་མེད་འོང་ཐུབ་ཞེས་པ་ཞུས།
    དཔེ་ཆ་སྒྱུར་ཚུལ་ཨ་རིར་བདག་སྐོར་གསན།།
    ་
    ཁྱིམ་ན་ཐག་ཉེར་རིགས་གསུམ་མགོན་གྱི་མཆོད་རྟེན་བཞུགས།
    བདག་ཅག་བྱིས་པ་འགའ་ཞིག་དེའི་སྟེང་འཛེགས།
    མཆོད་རྟེན་གཟུང་སྔགས་ཡོད་པ་ཕྱིར་ཁྱེར་འོངས།
    ཀློག་པར་བརྩམས་ཀྱང་སྔགས་ཡིག་ཤེས་པར་དཀའ།།
    ་
    དེ་ནས་ལོ་ངོ་བཅུ་གསུམ་བཅུ་བཞི་སྐབས།
    མཆོད་རྟེན་གཟུངས་བཏོན་ཉེས་པ་ཆེ་བ་ཐོས།
    ན་ཚོད་ལོངས་དུས་གཞིག་སོས་དམ་བཅའ་བྱས།
    རྒྱ་གར་ན་ཡོད་དབུལ་བས་དེ་ནི་མི་ཐུབ་བསམས།།
    ་
    ཨ་རིའི་སློབ་གྲྭར་སློབ་སྦྱོང་བྱེད་སྐབས་སུ།
    སློབ་དཔོན་ཨེ་ལེགས་མཆོག་གི་ཐབས་ཤེས་ཀྱིས།
    མངོན་བརྗོད་སྣ་ཚོགས་གསལ་བ་ལེགས་སྦྱར་བོད།
    གཏན་འབེབས་བྱེད་པར་ཨ་སྒོར་ཕོག་ཐོབ་གྱུར།།
    ་
    དེ་ཡིས་རིགས་གསུམ་མགོན་པོའི་མཆོད་རྟེན་ཆེ།
    ཐོག་ཚད་གསུམ་ཅན་རྣམས་ལ་གཞིག་སོས་ཞུས།
    ལ་དྭགས་སྐྱེ་བོ་འགའ་ཡིས་མཐོང་བ་ན།
    བསོད་ནམས་ཅན་ཞེས་རྗེས་རངས་བྱེད་པ་ཐོས།།
    ་
    ལོ་ངོ་ཉེར་ལྔ་ལས་ལྷག་གཏམ་ཞིག་ལགས།
    བ་མགོ་མཁར་གྱི་བྱམས་ཁང་རྣམ་གསུམ་ལའང་།
    ཧོར་ནག་དབང་ཕྱུག་སོགས་ཀྱིས་གཞིག་སོས་ལ།
    ཞབས་ཏོག་ཕྲན་བུ་ཞུ་ཐུབ་སྐལ་བ་བཟང་།།

    ་

14. ཁ་ཤས་ལྷ་ཡུལ་འགྲོ་སྙིང་འདོད། །
    ཁ་ཤས་ཕ་ཡུལ་འགྲོ་སྙིང་འདོད། །
    ཁ་ཤས་ཨ་རིར་འགྲོ་སྙིང་འདོད། །
    ང་ནི་སྐྱེས་སར་ལོག་སྙིང་འདོད། །

15. ཨ་རིར་ཞེས་པ་སྐད་གྲགས་ཆེ་ན་ཡང་། །
    ཨ་སྒོར་འདི་ཡང་རིན་ཐང་ཆེ་ན་ཡང་། །
    ཨམ་སྐད་ལ་ཡང་རིན་ཐང་མི་འདུག་པས། །
    ཨ་མདོའི་ཕོ་གསར་ང་ནི་སུན་ནས་ཡོད། །

16. ཨ་སྒོར་ཡིག་ཆའི་རོགས་ཤིག་མ་ཐུབ་པར། །
    ཨ་ཅག་མཛེས་མ་ཁོང་ཁྲོ་མ་ཟ་ར། །
    ཨ་རིར་སླེབས་པའི་ཉིན་མོ་དེ་ལ། །
    ཨ་རིའི་གནམ་ཐང་བསུ་བ་ཡོང་ཆོག །

17. ཨ་མདོ་བ་ལ་ཨོང་ཚིགས་མེད།
    ཨོང་ཚིགས་ཅན་ལ་ཨམ་སྐད་མེད།
    འདི་ལྟའི་བྱུང་བས་སྤྱི་ཁོག་ནི།
    འདྲེ་མིན་ལྷ་རྐང་ཅན་གྱི་ཤེས།
    ཧ་ཧོ་རྐང་ཐོ་ལའོ།

18. ཨ་རི་ལུང་པ་སྐྱབས་བཙོལ་སྡོད་གནས་བཟང་།
    ཨ་རི་ལུང་པ་རང་དབང་མང་གཙོ་ལེགས།
    ཨ་རི་ལུང་པ་དཔལ་འབྱོར་ཤེས་བྱ་རྒྱས།
    ཨ་རི་ལུང་པ་ཐམས་ཅད་འཛོམས་པའི་གནས།

19. ནུབ་ཕྱོགས་ལགས།
    དེ་ཕྱིར་མེ་དཀར་ཨ་རིར་འགྲོ་འདོད་པའོ།།

20. ཨ་རིའི་ལུང་པར་ལས་མེད་སྡོད་ས་མེད།
    ཨ་རི་ཡུལ་མིའི་སེམས་ལ་ཀྲེན་ཤོན་མང།
    ཨ་རི་ཡུལ་མིའི་སེམས་ལ་ཌེ་པེ་རེས་མང།
    དེའི་ཕྱིར་ཨ་རིར་འགྲོ་འདོད་སྨྱོན་པ་ཡིན།

21. ཊེན་ཤོན་མེད་པའི་ས་གཅིག་ག་ན་ཡོད། །
    ཌིབ་པེརས་མེད་པའི་མི་ཞིག་དཀོན་མོ་ཡིན།།
    ཨིན་ཇོའི་མེད་པའི་གླིང་འདིར་སྡོད་པ་ལས།།
    ཝོལཌ་གི་སུབ་པར་ཨ་རིར་འགྲོ་འདོད་བྱུང་།

22. ཨ་རིར་འགྲོ་འདོད་མེད་མཁན་གང་ན་ཡོད་།
    སྟོད་ནས་གཞུང་ཞབས་རྒན་པོ་ཨ་རིར་འགྲོ
    སྨད་ནས་བླ་མ་བྱང་སེམས་ཨ་རིར་འགྲོ
    བར་ནས་མི་རྐྱང་སྡོམ་པོ་ཨ་རིར་འགྲོ
    མཐོང་ན་མཛེས་ཉམས་ཅན་མ་ཨ་རིར་འགྲོ
    ལྟས་ན་ཕོ་ཉམས་ཅན་པོ་ཨ་རིར་འགྲོ
    ཡོད་ན་རྒྱུ་ནོར་ཅན་རྣམས་ཨ་རིར་འགྲོ
    མེད་ན་སྤྲང་འདོག་འདྲ་པོ་ཨ་རིར་འགྲོ
    གཞོན་པ་ཉིན་གསུམ་བྱིས་པ་ཨ་རིར་འགྲོ
    རྒན་པོ་དགུང་ལོ་རྒྱད་ཅུ་ཨ་རིར་འགྲོ
    མ་འདུག་མ་འདུག་མེ་ཏོག་དཀར་པོ་ཡ་།
    ནུབ་ཕྱོགས་ཨ་རི་བདེ་ལྡན་ཞིང་ཁམས་ན་།
    ཡོད་ཚད་སྒྱུ་མ་མཁན་པོའི་འཕྲུལ་འཁོར་ཡིན་།
    རིགས་ཚད་གྲོག་མ་ནང་བཞིན་བྲེལ་ཅིང་འཚུབ་།
    མ་འདུག་མེ་ཏོག་དཀར་པོ་ཨ་རིར་སོང་།

23. Economy ཨ་རིར་ཡག །
    Education ཨ་རིར་ལེགས། །
    Human right ཀྱང་ཨ་རིར་བཟང་།།
    Sex ཀྱང་free སྣང་བ་སྐྱིད།།
    Fashion ཚང་མ་འདི་ནས་དར།།
    ཨ་རི་ཞེས་པའི་རྒྱལ་ཁབ་འདི།།
    བདེ་ལྡན་ཞིང་ཁམས་ངོ་མ་རེད།།

24. གྲྭ་ཆས་གཡུག་ན་འདོད་ན་ཨ་རིར་ཤོག །
    སྐད་རིག་མཉམ་བསྲེས་འདོད་ན་ཨ་རིར་ཤོག །
    བོད་ཡིག་བརྗེད་དུ་འདོད་ན་ཨ་རིར་ཤོག །
    ཚེ་གང་མི་གཡོག་འདོད་ན་ཨ་རིར་ཤོག །

25. ༡༽tension དངང་འཚབ་དགོས་ན་ཨ་རིར་ཕེབས། (ལས་ཀའི་དུས་ཚོད་ཀྱི་སྟེང་དུ་སླེབས་མི་ཐུབ་ཅིང་ཟླ་རེར་ཁང་གླ་ཁ་པར་གྱི་གླ་འཕྲོད་བསྟེན་གྱི་ཆེད་ཀྱི་དངུལ་སྤྲོད་མི་ཐུབ་པའི་སྟེང་དུ་རྗེས་སུ་ལུས་པའི་བུ་ཕྲུག་ཕ་མ་མཛའ་གྲོགས་སོགས་ཀྱིས་ཁ་པར་འབྱོར་ནས་རྟག་པར་དུ་དངུལ་སྐུར་རོགས་་་ཨ་ཡི་ཕོན་སྐུར་རོགས། ལྷམ་སྐུར་རོགས། གློག་ཀླད་སྐུར་རོགས། མི་གཞན་གྱིས་ཁྱོད་ཀྱི་ཆུང་མའམ་མཛའ་མོར་བུ་གཞན་པ་དགའ་བོ་ཡོད་རབས་སོགས་གཏམ་མི་སྙན་པ་རྐྱང་གོ་ནས་སེམས་ཚོར་སྡུག་གིས་མནར་བ།)
    ༢༽depression སེམས་ནད་དགོས་ན་ཨ་རིར་སོང། (བསམ་བློར་མི་དྲན་དགུ་དྲན་མིག་གིས་མི་མཐོང་དགུ་རྣ་བས་མི་ཐོས་དགུ་ཐོས་སོགས་ཀྱིས་རྐྱེན་པས་རང་སྡུག་རང་གིས་བཟོས་པ་ལས་བྱུང་བའི་སྡུག་བསྔལ་འདི་ཞེས་བཤད་དུ་མེད་པའི་སེམས་ནད།)
    ༣༽lonley ཚོར་སྣང་དགོས་ན་ཨ་རིར་བྱོན། (གྲོགས་པོ་གྲོགས་མོ་ཤ་ལས་མཆེད་པའི་བུ་ཕྲུག་རྣམས་རྒྱ་བོད་བལ་འབྲུག་སོགས་སུ་མཐོང་ཆེན་ཤོག་བུ་མ་ཐོབ་ནས་ལུས་པ་དང་རང་གི་ཤག་རོགས་དང་ལས་དུས་མི་གཅིག་ཅིང་ཕལ་ཆེར་ཟླ་བ་རེའི་ནང་དུའང་སྐད་ཆ་ཚིག་གཅིག་ཀྱང་བཤད་རྒྱུའི་དལ་ཁོམས་མེད་པ་དང། རང་གི་ཁྱིམས་མཚེས་ནི་ངོ་མི་ཤེས། ཁོ་ཡི་སར་ཤོག་ཅེས་བཤད་མཁན་ནི་མེད། དྭ་ཕྲུག་ཐང་སྟོང་དུ་ལུས་པ་ལྟར་གྱི་རང་ཉིད་ཁེར་རྐྱང་དུ་ལུས་པའི་བསམ་བློའི་ཚོར་བ་ཞིག)
    ༤༽sadness མཁོ་བར་འདོད་ན་ཨ་རིར་རྒྱུགས། (ཕ་མ་སྤུན་ཟླ་ཉེ་དྲུང་འབྲེལ་བ་གྲོགས་པོ་རྣམས་ལྔ་བའི་ལམ་དུ་ཆས་ཀྱང་ཁ་ལ་ཆུ་ཕོར་གང་ཀྱང་བླུགས་དབང་མེད་པའི་ཐག་རིང་མི་ཡུལ་དུ་ལུས་ནས་སེམས་མྱ་ངན་གྱིས་མནར་བ།)

26. དྲ་གྲོགས་མེ་ཏོག་དཀར་པོ།
    ཨ་རིར་ཕེབས་པར་འདོད་ན།
    སྔོན་ནས་ང་ཡི་གདམས་པར།
    ཡང་ཡང་གཟིགས་པ་གནང་རོགས།

    རྗེས་སུ་འགྱོད་པ་བྱུང་དུས།
    ལེ་ཁག་དཀྲི་ས་མེད་དོ།
    དེ་དུས་གདམས་པ་འདི་ཉིད།
    དཀར་པོ་ཆིག་ཐུབ་ཉིད་དུ་ཤེས།

27. དཀར་པོ་ཆིག་ཐུབ་ཉིད་དོ། ཞེས་པར་བཅོས་རོགས།

28. རང་དབང་ངོ་མ་དགོས་ན་ཨ་རིར་ཕེབས།
    ཆོས་ལུགས་འདྲ་མཉམ་དགོས་ན་ཨ་རིར་ཕེབས།
    བླ་མ་སྒོར་མོ་འདོད་ན་ཨ་རིར་ཕེབས།
    དགེ་བཤེས་མནའ་མ་དགོས་ན་ཨ་རིར་ཕེབས།

    ཨ་ནི་མནའ་མར་འགྲོ་ན་ཨ་རིར་ཕེབས།
    ཨ་རི་མནའ་མར་ལེན་ན་ཨ་རིར་ཕེབས།
    གྲ་པ་ཨ་ནེ་སྒྲིག་ན་ཨ་རིར་ཕེབས།
    སྔགས་པ་སྔགས་མ་སྦྱོར་ན་ཨ་རིར་ཕེབས།

    ཤན་པ་སྒོམ་ཆེན་འདོད་ན་ཨ་རིར་ཕེབས།
    ཁྲམ་པ་གོ་གནས་དགོས་ན་ཨ་རིར་ཕེབས།
    རྐུན་མ་ཁྲིམས་དཔོན་འདོད་ན་ཨ་རིརི་ཕེབས།
    རྒྱ་མིའི་བསོ་པ་བྱེད་ན་ཨ་རིར་ཕེབས།

    ཕོ་གསར་ཨི་ཁུང་དགོས་ན་ཨ་རིར་ཕེབས།
    མོ་གསར་ཁ་ནང་འདོད་ན་ཨ་རིར་ཕེབས།
    ནག་པོ་མཇེ་ཆེན་དགོས་ན་ཨ་རིར་ཕེབས།
    རྒྱ་མོའི་སྟུ་ལ་འདོད་ན་ཨ་རིར་ཕེབས།

    ལུང་ཁྲིད་རྟོག་པ་དགོས་ན་ཨ་རིར་ཕེབས།
    གསང་སྔགས་དབང་ཆེན་དགོས་ན་ཨ་རིར་ཕེབས།
    བླ་མའི་མཇེ་ལ་བརྔམས་ན་ཨ་རིརི་ཕེབས།
    སློབ་མའི་སྟུ་ལ་འདོད་ན་ཨ་རིར་ཕེབས།

    སྲིང་མོ་མནའ་མར་ལེན་ན་ཨ་རིར་ཕེབས།
    བཟའ་ཚང་ཁ་སྟོར་དགོས་ན་ཨ་རིར་ཕེབས།
    ཕ་མ་སྤངས་དགོས་བྱུང་ན་ཨ་རིར་ཕེབས།
    ཕ་ཡུལ་སྤོངས་དུ་བསམ་ན་ཨ་རིར་ཕེབས།

    རང་ཤི་རྒྱག་དགོས་བསམ་ན་ཨ་རིར་ཕེབས།
    སྨྱོན་པ་ཆགས་དགོས་བསམ་ན་ཨ་རིར་ཕེབས།
    དམྱལ་བ་འགྲིམ་དགོས་བསམ་ན་ཨ་རིར་ཕེབས།
    བར་མདོ་འགྲིམས་དགོས་བསམ་ན་ཨ་རིར་ཕེབས།

    གང་ལྟར་འདི་ལ་མེད་པའི་སྣ་ནི་མེད་པ་དང་།
    ཡོད་པའི་གྲངས་ཀྱང་བགྲང་ནི་མི་ཐུབ་པས།
    ཐམས་ཅད་ཡོད་པར་འདོད་ཀྱང་ཨ་རི་ལགས།
    སྙིང་པོ་མིན་འདུག་སྙམ་ཡང་ཨ་རི་ལགས།

29. ཨ་རིར་མ་སླེབས་གལ་ཏེ་ཤི་སོང་ན།།
    གཤིན་རྗེ་རྒྱལ་པོས་བཀའ་བཀྱོན་གཏོང་གི་ཞེས།།
    ན་ཉིན་བར་དོར་སོང་བའི་གྲོགས་པོ་དེས།།
    ང་ལ་SMS ཞིག་བཏང་བྱུང་ངོ་།།

30. ཧ་ཧ་ཧ་གྲོགས་མེ་ཏོག་འདི་ལ་བསླབ་བྱ་ག་ཚད་བྱས་ཀྱང་ཉན་གྱི་མི་འདུག དེ་ཡིན་ན་ཁྱེད་རང་ཕ྄ེབས་རོགས་གནང།

    གྲོགས་ཀྱིས་གདམས་པར་མ་ཉན་ཅིང།
    རང་གིས་གདེང་ཚོད་མ་བྱས་ཤིང།
    ཐ་མ་ཌེན་ཤོན་ཆགས་ནས་ལོག་ཤོག
    དེ་དུས་འགྱོད་ཀྱང་སྔོན་ལས་རེད།

31. ཨེ་མ། ངེས་འབྱུང་སད་སུད་སྐྱེ་བའི་མེ་ཏོག་དཀར་པོ། །ཆོས་པའི་བག་ཆགས་ཡོད་པའི་གསར་བརྗེ་མཁན་པོ། །སྐྱེ་འཆི་སེམས་སུ་ཤེས་ན་ཁྱད་པར་མི་འདུག །གྲྭ་ཆས་གྲོང་ཆས་རན་ཚད་ལུས་ལ་གྱོན་ཅིག །ཐལ་སྐད་ཐོར་ཐོར་སྨྲ་བའི་མེ་ཏོག་དཀར་པོ། །སྤྲུལ་གཟུགས་བོན་ལ་སྡང་པའི་ཕྱོགས་རིས་མཁན་པོ། །ཁ་ཙམ་ཀྱལ་ཀ་ཡིན་ན་ཁྱད་པར་མི་འདུག །བཟང་ངན་ཚིག་གིས་ཁ་བརྡར་འབྲེལ་འཇོག་ཨེ་འདོད། །འགྲོ་འདོད་ལིང་ལིང་འཕྱོ་བའི་མེ་ཏོག་དཀར་པོ། །འདོད་ཁམས་བདེ་བ་གཉེར་བའི་ཆགས་པའི་རྒྱལ་པོ། །གཙུག་ལག་སྲུང་སྤེལ་ཡིན་ན་ཁྱད་པར་མི་འདུག །རྒྱ་གར་ཨ་རི་གང་འདོད་ཅི་དགར་འགྲིམ་མཛོད། །གསང་སྔགས་ཆལ་ཆོལ་འཆད་པའི་མེ་ཏོག་དཀར་པོ། །དག་སྣང་ཡད་ཡུད་འཆར་བའི་ཉམས་ལེན་ཅན་པོ། །འཁོར་འདས་དབྱེར་མེད་ཤེས་ན་ཁྱད་པར་མི་འདུག །བག་ཡངས་བཏུལ་ཞུགས་སྤྱོད་པ་ཅི་བདེར་སྐྱོངས་ཤིག །ཅེས་པའང་པདྨ་དཀར་པོར་སྐྱོ་བསང་གི་མཚར་གཏམ་མོ། །

32. སང་ཉིན་འདི་ནས་ཨ་རིའི་ཕྱོགས་སུ་འགྲོ།
    ཟླ་གསུམ་མ་ཟིན་ཙམ་ལ་དེ་རུ་སྡོད།
    བཀའ་འགྱུར་དཔེ་ཆ་འགའ་ཞིག་སྦྱང་དགོས་ཡོད།
    སླར་འདིར་ནགས་མཐའི་བྱ་སྐད་ཉན་དུ་འཁོར།།

33. རྒན་ལེ། ཕྱག་འཚལ།
    མགྲོན་པོ་དག་ནི་ཐམས་ཅད་ལ།།
    ཕྱོགས་རྣམས་ཐམས་ཅད་བདེ་བར་འགྱུར།།
    གང་གི་དོན་དུ་འགྲོ་བྱེད་པ།།
    དེ་འབད་མི་དགོས་འགྲུབ་གྱུར་ཅིག ། ཅེས་གསུངས་པ་ལྟར་རྒན་ལེ་སྐུ་འཚོ་དྭངས་ཤིང་ཐུགས་བསམ་འགྲུབ། བཀའ་འཚལ།