ཨ་མདོ་རྔ་བ་ནས་དཔའ་བོ་ཁེར་རྒྱུག་བྱས་འདུག

Comments (6) on “ཨ་མདོ་རྔ་བ་ནས་དཔའ་བོ་ཁེར་རྒྱུག་བྱས་འདུག”

1. བཙན་པོའི་སྟོབས་ནི་ཆེར་གྲགས་མོད།།
   ཁྲི་དམག་ཁྲི་དམག་ཐད་སོར་ལངས།།
   ད་ཆར་ཉམས་པར་ཆེར་གྲགས་མོད།།
   ཆིག་རྐྱང་ཁྲི་དམག་ཐད་སོར་བཞེངས།།

   གནའ་བོའི་དཔའ་རབས་རྡོ་ལ་བརྐོས།།
   ད་ལྟ་སབ་སིབ་འུར་ཀྱིས་སྒྲོགས།།
   ད་ཆར་དཔའ་བོའི་རྣམ་ཐར་དག །
   གསེར་ལ་བརྐོས་ཀྱང་ཚིམ་པར་དཀའ།།

2. རྒྱལ་བ་རིན་པོ་ཆེ་རྒྱ་མི ་ལ་མ་ཐོབ་པ་བསྡད་ཡོད་རེད་།

   རྒྱལ་བ་རིན་པོ་ཆེ་རྒྱ་མི་རྩིས་སྤྲོ་འཆར་ཡིན་ནམ་།

   རྒྱ་མི་ཡོངས་རྫོགས་བོད་ནས་ཕར་ཕུད་དང་།

   དེ་ནས་རྒྱལ་བ་རིན་པོ་ཆེ་བོད་ལ་གདན་འདྲེན་ཞུས་དང་།

   ཕོ་ཁྱོ་ག་རེད་།

   བོད་ཡུལ་རྒྱ་མིའི་ཁེངས་ནས་རྒྱལ་བ་རིན་པོ་ཆེ་བོད་ཕེབས་མི་ཉན་ནོ་།

   ཆབ་སྲིད་ཤེས་ཀྱི་ཨ་ཡོད་།
   ཧ་ཧ་

3. རང་བཙན་ང་ཚོའི་ཐོབ་ཐང་རེད། །
   དབུས་ལམ་ང་ཚོའི་རེ་བ་རེད། །

   རྒྱ་བོད་ང་ཚོ་དབོན་ཞང་རེད། །
   རྒྱ་གཞུང་བོད་མིའི་ཁ་གཏད་རེད། །

   མའོ་ང་ཚོའི་དགྲ་རྙིང་རེད། །
   ཞི་ཅིང་རེ་བ་བྱ་ས་རེད། །

   རྒྱ་བོད་དགྲ་རུ་འཛིན་པ་ལས། །
   བོད་རྒྱ་མཉམ་གནས་བྱས་ན་ལེགས། །

   པཎ་ཆེན་གློད་གྲོལ་བཏང་ན་ལེགས། །
   ༸རྒྱལ་དབང་བོད་ཕེབས་བཅུག་ན་ལེགས། །

   ལོ་རྒྱུས་རྙིང་པ་བརྗེད་ན་ལེགས། །
   ལོ་རྒྱུས་གསར་པ་མཐུན་ན་ལེགས། །

4. ཆབ་སྲིད་ཟེར་ན་གཡོ་རྒྱུས་རེད།།
   ཆོས་ལུགས་བྱེད་ན་སེམས་པ་སྐྱིད།།
   མི་རིགས་ཐོབ་ཐང་ཡོད་ན་བཟང་།།
   དམངས་ལ་རང་དབང་དགོས་ངེས་རེད།།

   རང་བཙན་དབུ་མ་མི་ཤེས་མོད།།
   བོད་མི་མཉམ་འཇོམས་བྱུང་ན་དགའ།།
   ཆོས་སྲིད་མངའ་ཐང་རྒྱས་ན་འདོད།།
   བོད་ཡུལ་ཡར་རྒྱུས་བྱུང་ན་སྙམ།།

   རྒྱ་བོད་མཐུན་སྒྲིལ་བྱུང་ན་ཡག།
   མི་རིགས་དབྱེ་འབྱེད་མེད་ན་བསམ།།
   རྒྱ་མིའི་འོག་ཏུ་མེད་ན་སྐྱིད།།
   མི་རིགས་འདྲ་མཉམ་ཡིན་ན་བཟང་།།

5. སྤྱིར་འགྲོ་ཤེས་འདུག་ཤེས་བྱས་ནས་བྱ་བ་གང་ཞིག་བྱེད་ཀྱང་སྐབས་དང་བསྟུན་ཤེས་རྒྱུ་ནི་མེད་དུ་མི་རུང་བའི་རྣམ་དཔྱོད་ཅིག་རེད། རང་བསྲེགས་གཏོང་བ་དེ་ཧ་ཅང་གི་ཐལ་དྲག་པའི་ཛ་དྲག་གི་བྱ་སྤྱོད་ཅིག་ཡིན་སྟབས་དེ་ལ་གྲུབ་འབྲས་ཤིག་མ་ཐོན་ན་ཤིན་ཏུ་ནས་བློ་ཕམ་དགོས་པའི་གནས་རེད། ཞི་བའི་རྔམ་སྟོན་ཁྲོམ་སྐོར་ནི་འོས་ཤིང་འོས་ལ་རྣམ་དཔྱོད་དང་ལྡན་པའི་ལས་ཤིག་ཀྱང་རེད། དེར་ནི་བརྒྱ་ཆ་བརྒྱ་ཐམས་པ་འཛམ་གླིང་མི་དམངས་ཀྱིས་རྒྱབ་སྐྱོར་ཀྱང་ཐོབ་ངེས་རེད། མ་ཧཱ་མ་གནྡིས་ཀྱང་ཟས་བཅད་ངོ་རྒོལ་གྲངས་མེད་ཅིག་བྱས་ཡོད་པ་བཞིན་བོད་ཀྱི་བླ་ཆེན་དཔོན་ཆེན་ཚོས་ཀྱང་ཟས་བཅད་ངོ་རྒོལ་མེད་དུ་མི་རུང་བ་རེད། འོན་ཀྱང་དེ་ལྟར་མི་བྱེད་པའི་རྒྱུ་མཚན་ནི་གང་ཡིན་ཤེས་མ་སོང་། ཡང་ན་ད་དུང་དུས་ལ་མ་བབས་པ་ཡིན་ཤས་ཆེ། དེ་མིན་༸་གོང་ས་མཆོག་གིས་ཀྱང་རང་བསྲེགས་གཏོང་མཁན་ཚོར་རྒྱབ་སྐྱོར་ཀྱང་བྱས་མེད་ལ་བཀགས་འགོག་ཀྱང་བྱས་མེད། འདི་ལ་བསམ་བློ་ཞིག་གཏོང་རྒྱུ་འདུག །

6. སྨྲ་ཤེས་དོན་གོ་བའི་ནང་ནས་རང་དང་གཞན། སྤྱི་དང་སྒེར་བཅས་ལས་གཞན་དང་སྤྱི་གཙོ་བོར་བྱས་པའི་
   དཔའ་བོ་ནི། རིན་ཆེན་ལྟར་དཀོན་ཞིང་བརྙེད་དཀའ་བས། ཁེར་རྒྱུགས་མ་གཏོགས། ཚང་མར་སྙིང་སྟོབས་དེ་མེད་པས། མཉམ་རྒྱུགས་བྱེད་པ་དཀའ་ཙམ་གདའ།
   གུང་ཁྲན་ལ་སྨྲས་པ།
   གོ་མིན་ཏང་གིས་ཆན་ལུང་ཆམ་ལ་ཕབ། །
   གུང་ཁྲན་ཏང་གིས་གོ་མིན་རྩ་རྫོགས་བྱས། །
   རང་དབང་ཞི་བདེས་གུང་ཁྲན་འབུད་ལ་ཉེ། །
   སྲིད་ལུགས་དེ་ལྟར་འཁོར་བ་དངོས་པོའི་གཤིས། །