ཧྥ་ཤཱན་ལམ་ཡིག་ཅེས་པའི་དེབ་འདི་ནི། རྒྱའི་བཙུན་པ་ཧྥ་ཤཱན་ཕྱི་ལོ་ ༣༩༩ ལོར་སྐབས་དེའི་རྒྱ་ནག་གི་རྒྱལ་ས་ཤཱིས་ཨན་ནས་ལམ་ལ་ཆས་ཏེ།
རྒྱ་གར་དུ་འགྲུལ་བཞུད་གནང་སྐབས་ཁོང་གིས་ཟིན་བྲིས་བཏབ་པ་ཁག་ཕྱིས་སུ་དེབ་གཟུགས་སུ་བཏོན་པ་དེའི་བོད་འགྱུར་མི་འདྲ་བ་ཁག་གཉིས་ཡིན།
བོད་འགྱུར་སྔ་མ་དེ་ནི་སོག་པོ་བློ་བཟང་རྟ་དབྱངས་ཀྱིས་བསྒྱུར་གནང་མཛད་པའི་ཧྥ་ཤཱན་ལམ་ཡིག་དེ་དང།
བོད་འགྱུར་ཕྱི་མ་དེ་རཀཿར་སྤྲུལ་སྐུ་ཐུབ་བསྟན་ཆོས་དར་དང།
བཀྲས་མཐོང་ཚེ་དབང་ཆོས་རྒྱལ་རྣམ་གཉིས་ཀྱིས་བསྒྱུར་གནང་མཛད་པའི་ལམ་ཡིག་གཉིས་ལྷན་དུ་དེབ་གཟུགས་སུ་འདོན་སྤེལ་བྱས་པ་ཞིག་ཡིན།
ལམ་ཡིག་གམ་འགྲུལ་བསྐྱོད་ཟིན་བྲིས་འདི་ཞིབ་ཀློག་བྱས་ཚེ་གནའ་མི་ཚོས་ཤེས་རིག་དང།
ཆོས་ལུགས་ཀྱི་ཆེད་དུ་དཀའ་སྤྱད་ཅི་ཙམ་བྱས་ཡོད་མིན་ཐད་གསལ་བཤད་ནན་ཏན་བྱས་ཡོད་ལ།
དེའི་ཟུར་ནས་གནའ་དེང་གི་མཁས་དབང་ཚོས་དཀའ་སྤྱད་བྱེད་ཚུལ་དང།
སྙིང་སྟོབས་བཅས་ཀྱི་ཐད་ཧེ་བག་ཅི་ཙམ་ཡོད་མིན་ཧ་ཅང་གསལ་བོ་མཁྱེན་ཐུབ་པ་ཞིག་ཆགས་ཡོད་སྙམ།
དེ་འབྲེལ་ཀློག་པ་པོ་རྣམས་ཀྱིས་དེབ་འདི་ཀློག་སྐབས་འགྱུར་སྔ་མ་དེ་རྒྱའི་གནའ་ཡིག་ཅིག་ནས་དབྱིན་ཡིག་ནང་བསྒྱུར་པ་དང།
དེ་ནས་སོག་ཡིག་ཏུ་བསྒྱུར་པ། དེ་རྗེས་གཞི་ནས་བོད་ཡིག་ནང་བསྒྱུར་པ་བཅས་ཀྱི་གོ་རིམ་ཡིད་ངོར་འཇགས་དགོས་ལ།
དེ་མཚུངས་འགྱུར་ཕྱི་མ་དེའང་རྒྱ་ཡིག་ནས་དབྱིན་ཡིག་དང༌། དེ་ནས་བོད་ཡིག་ཏུ་བསྒྱུར་སྟབས།
གཅིག་བྱས་ན་མ་ཡིག་དང་མཐུན་མིན་ཅུང་ཙམ་ཡོད་ངེས་པས་ཞིབ་འཇུག་གནང་མི་ཚོ་དེ་ལུགས་ཀྱིས་འཇུག་པར་ཞུའོ།
ད་ལྟའི་དེབ་འདི་སྐྱེས་སར་ཀླུ་སྒྲུབ་ཀྱིས་རྩོམ་སྒྲིག་བྱས་ཤིང། བོད་ཀྱི་དཔེ་མཛོད་ཁང་གིས་དཔེ་སྐྲུན་འགྲེམས་སྤེལ་བྱེད་བཞིན་ཡོད་འདུག
དེབ་རེའི་རིན་གོང་ཧིན་སྒོར་ ༢༢༥ ཡིན་སྟབས་ཐུགས་མཁོ་མཆིས་ཚེ་དེ་ལུགས་ཀྱིས་འབྲེལ་བ་གནང་ན་བླུ་རྒྱུ་ཡོད་འདུག
www.ltwa.net/01892-226181
ཧྥ་ཤཱན་ལམ་ཡིག་གིས། རྒྱ་ནག་པོ་རྣམས་ཆོས་དཀར་པོར་བཞུགས་ཐུབ་པའི་རེ་སྨོན་ཡོད། བོད་མི་ལོ་རྒྱུས་སྨྲ་བ་རྣམས་ལའང་ཕན་ཐོགས་ཆེ་སྙམ།
ད་ལྟ་བོད་ལ་ས་ཡོམ་གྱི་འཇིགས་པ་ཆེན་པོ་འདི་འདྲ་དང་མིའི་ཤི་ཚད་དང་སྡུག་ཚད་འདི་འདྲ་གཅིག་ལ་སླེབས་དུས་རྒྱའི་གྲྭ་པ་ཞིག་གི་ལམ་ཡིག་ཀློག་འདོད་མིན་འདུག
ལྟས་ངན་ཁྱོད་ཚོ་རྒྱ་ཡུལ་ལ་ལོག་ནས་ཀློག་ཤོག
རྟ་ལུང་གནམ་རྡུབ་ན། ཁྱི་ལུང་ཉི་མ་ཤར་ཟེར་བ་དེ་མ་ཡིན་ནམ། བོད་ཡུལ་བརླགས་དུས་རྒྱ་ཡུལ་དྲན། དཀའ་ལས་འཕྲད་དུས་གནའ་གཏམ་བཤད། །་་་་དངོས་གནས་རྒྱ་བལ་ནས་ཚར་བའི་་་་་་ཧ་ལས་ཀི་འདུག ་་་ཨ་ཁ་ཁ
དོན་མེད་ནང་ཁུལ་དུ་ཁ་ངན་ཚིག་ཟུར་རྒྱག་དགོས་པ་འདུག་གམ། འདི་ན་རང་ཡུལ་གྱི་གོད་ཆག་ལ་ཕོག་པ་ནི་ཚིག་ཟུར་ཙམ་ཡང་མི་སྣང་བས། འདི་འདྲ་སྤེལ་བའང་རང་གི་ཆོས་རིག་གི་ཞབས་འདེགས་ཡིན་ཕྱིར། ཁྱི་ངན་སྐར་མར་ཟུག་པའི་ལས་ལ་མ་ཞུགས་རོགས།
ད་སྐབས་རང་རིགས་རྣམས་གདུང་སེམས་མཉམ་བསྐྱེད་བྱེད་པའི་དུས་ཚོད་འདིར་དཔལ་དགྱེས་རྡོར་ཟེར་བ་ཅོལ་ཆུང་འདིས་ཀུན་སློང་ངན་པ་བཅངས་ནས་བོད་ཚར་དང་རྒྱ་བལ་ནས་ཚར་བ་ཞེས་ཕྱོགས་གཉིས་སུ་རིས་བགོས་བྱེད་པ་ནི་བོང་བུའི་ནང་ཁྲོལ་དེ་ཁྲོམ་ལ་བཀྲམ་འདུག་སྙམ། བོད་ཚར་ནང་ནས་རྒྱ་ཞེན་ཅན་ལ་ཁོ་རང་འཐད་ཚུལ་ཡང་ཁ་སང་སེར་རྟའི་སྐོར་ལས་འཕྲོས་དུས་ཅུང་ཟད་མངོན་གྱིན་འདུག་སྙམ།