ཡོང་ཁུངས། བོད་མིའི་སྒྲིག་འཛུགས་དྲ་རྒྱ
དཔལ་ལྡན་སྲིད་སྐྱོང་མཆོག་གིས་བཀའ་ཤག་སྐབས་༡༥ པའི་ལྔ་དང་ལྔ་བཅུའི་སྲིད་བྱུས་སྐོར་དང་ལས་བྱེད་བླང་དོར་སྐོར་གསུང་བཤད་གཟབ་རྒྱས་གནང་བ།
༄༅། །ཕྱི་ལོ་༢༠༡༦ ཟླ་༨ ཚེས་༨ ཉིན་གྱི་སྔ་དྲོ་ཆུ་ཚོད་ ༡༡།༣༠ ཐོག་དཔལ་ལྡན་སྲིད་སྐྱོང་མཆོག་གིས་གངས་སྐྱིད་ལས་བྱེད་གསོལ་ཐབ་ཡང་སྟེང་གཉའ་ཁྲི་ཚོགས་ཁང་དུ་སྲི་ཞུའི་ལས་བྱེད་རྣམས་ལ་རྒྱལ་སྤྱིའི་ཆབ་སྲིད་འཕོ་འགྱུར་དང་བོད་དང་བོད་མིའི་སྒྲིག་འཛུགས་ཀྱི་གནས་བབ་དང་ལས་དོན་བྱེད་ཕྱོགས་སྐོར་སོགས་གསུང་བཤད་གཟབ་རྒྱས་གནང་འདུག དེ་ཡང་སྐབས་དེར་ཐོག་མར་བཀའ་དྲུང་སྟོབས་རྒྱལ་ལགས་ནས་ངོ་སྤྲོད་གནང་བསྟུན་སྲིད་སྐྱོང་མཆོག་གིས་གསུང་བཤད་གནང་དོན།
དེ་རིང་ངས་བཀའ་ཤག་སྐབས་ ༡༥ བྱས་ནས་ལས་བྱེད་རྣམ་པར་འཚམས་འདྲི་ཞུ་རྒྱུ་ཡིན། ཐོག་མར་ང་ཚོས་བོད་མི་རིགས་ཀྱི་ངོ་བོ་སྲུང་སྐྱོབ་བྱ་རྒྱུ་ཧ་ཅང་གལ་ཆེན་པོ་ཆགས་ཡོད། བོད་མིའི་སྒྲིག་འཛུགས་ལ་མཚོན་ན་ང་ཚོས་བོད་ནང་གི་གཞིས་ལུས་བོད་མི་ཚོའི་མངོན་འདོད་གང་ཡིན་ཤེས་དགོས་པ་ཧ་ཅང་གལ་ཆེན་པོ་ཆགས་ཡོད། གཞིས་ལུས་བོད་མིའི་མངོན་འདོད་གང་ཡིན་བརྗོད་ན། བོད་མིའི་ངོ་བོ་མི་ཉམས་གོང་འཕེལ་གཏང་རྒྱུ་རེད། མི་རིགས་ངོ་བོ་བརླག་པ་ཡིན་ན་བོད་དང་བོད་མི་ལའང་ཧ་ཅང་ཉན་ཁ་ཆེན་པོ་ཆགས་ཡོད། དེར་བརྟེན་བོད་མི་རིགས་ཀྱི་ངོ་བོ་མི་ཉམས་རྒྱུན་འཛིན་ཐོག་ང་ཚོས་རྩོད་རྒྱུ་དེ་བོད་མི་རྣམས་ཀྱི་ཆེས་མཐོང་རྩོད་བཞིན་ཡོད།
བོད་མིའི་ངོ་བོ་ནི་བོད་ཀྱི་ཆོས་དང་རིག་གཞུང་། སྐད་ཡིག་བཅས་ཡིན། སྐད་འདི་སྲོག་རྩ་དང་རིག་གཞུང་འདི་ཕྱིའི་རྣམ་པ་ཡིན། སྐད་ཟེར་བ་དེ་སྒྲ་དེ་རེད། འདི་རྣམས་ང་ཚོའི་གཞི་རྟེན་ཡིན། ཐབས་ལམ་དེར་ད་ལྟའི་བཀའ་ཤག་གི་ལྔ་དང་ལྔ་བཅུ། ཞེས་པ་འདི་ཡིན། ལྔ་ཟེར་སྐབས་བཀའ་ཤག་འདིའི་ལས་ཡུན་ལོ་ལྔ་རེད། སྲིད་སྐྱོང་གི་ལས་ཡུན་ལོ་ལྔ་རེད། ལོ་ལྔའི་ནང་དམིགས་ཡུལ་གཙོ་ཆེ་ཤོས་ནི་དུས་རྟག་ཏུ་ང་ཚོས་མིང་དོན་མཚུངས་པའི་རང་སྐྱོང་ཐོབ་ཐབས་བྱ་རྒྱུ་དེ་རེད། དེ་ལྟར་ཡོང་བར་བོད་རྒྱ་ཞི་མོལ་ཡོང་ཐབས་བྱ་རྒྱུ་འདི་ང་ཚོའི་དམིགས་ཡུལ་གཙོ་བོ་རེད། དེ་དང་ལྷན་དུ་ལོ་ངོ་ལྔ་བཅུ་བར་བཙན་བྱོལ་དུ་ལྷག་པ་ཡིན་ནའང་འཆར་གཞི་བང་སྒྲིག་ནས་འགྲོ་དགོས་པ་ཆགས་ཡོད།
གང་ཡིན་བརྗོད་ན་བོད་མིའི་སྒྲིག་འཛུགས་ལོ་ ༥༠ འཚོ་ཐུབ་པ་ཡིན་ན། དེ་ཙམ་མ་ཟད། དུས་སྐབས་དེའི་རིང་ང་ཚོའི་ནུས་པ་འདི་འཕེལ་ཐུབ་པ་ཡིན་ན་རྒྱ་ནག་ནང་འགྱུར་བ་ངེས་པར་དུ་འགྲོ་རྒྱུ་རེད། དེ་ལྟར་བྱུང་ཚེ་བོད་མི་ཚོར་གཞི་རྩའི་རང་དབང་ཐོབ་ངེས། དེར་བརྟེན་ལོ་ལྔའི་ཐབས་བྱུས་འདི་དབུ་མའི་ལམ་གཞིར་བཞག་ཐོག་མིང་དོན་མཚུངས་པའི་རང་སྐྱོང་ཐོབ་པ་བྱ་རྒྱུ་འདི་རེད། ལོ་ལྔའི་ནང་དེ་ལྟར་ཐོབ་ཐུབ་པ་ཡིན་ན། ང་ཚོར་རྒྱལ་ཁ་ཐོབ་པ་རེད། མིང་དོན་མཚུངས་པའི་རང་སྐྱོང་ཐོབ་པ་རེད། ལོ་ལྔ་དང་ལྔ་བཅུ་གཉིས་ཀར་ང་ཚོར་རྒྱལ་ཁ་ཐོབ་པའི་རེ་བ་ཡོད། བོད་མིའི་སྒྲིག་འཛུགས་འདི་ལོ་ལྔ་དང་བཅུའི་ནང་སྦོ་ལུག་པ་ཡིན་ན་རྒྱ་ནག་གཞུང་གིས་ཡ་ལན་བྱེད་རྒྱུ་མ་རེད།
འོན་ཀྱང་རྒྱ་ནག་གཞུང་གིས་བོད་མིའི་སྒྲིག་འཛུགས་འདི་ལོ་ལྔ་བཅུ་བར་གནས་ས་རེད་བསམས་པ་བྱུང་ན། བོད་རྒྱ་ཞི་མོལ་ཡོང་དགོས་འདུག བོད་མི་ཚོར་མིང་དོན་མཚུངས་པའི་རང་སྐྱོང་སྤྲོད་དགོས་པ་འདུག ཅེས་ཡ་ལན་བྱེད་ཀྱི་རེད། དེར་བརྟེན་བཀའ་ཤག་འདིས་འབད་བརྩོན་བྱེད་རྒྱུ་ནི་ལྔ་དང་ལྔ་བཅུ་གཉིས་ཀར་འབད་བརྩོན་གང་ཡོད་བྱེད་རྒྱུ་ཡིན། བོད་རྒྱ་ཞི་མོལ་ཡོང་བར་ང་ཚོས་གང་བྱེད་དགོས།
བོད་མིའི་སྒྲིག་འཛུགས་འདི་གནས་དགོས་ན་ང་ཚོས་གང་བྱེད་དགོས་ཞེས་ན། ཆ་རྐྱེན་ལྔ་ཡོད། ༡།རྒྱལ་སྤྱི། ༢།རྒྱ་ནག ༣།རྒྱ་གར། ༤།བོད། ༥།བོད་མིའི་སྒྲིག་འཛུགས་བཅས་ཡིན། ཞེས་སོགས་གསུང་རྗེས་བོད་མིའི་སྒྲིག་འཛུགས་ཀྱི་ཕྱག་ལས་གནང་སྟངས་དང་འབྱུང་འགྱུར་བྱེད་ཕྱོགས་ཇི་འདྲ་ཡིན་པ་དེའི་ཐོག་གསུང་དོན། ད་བར་༸གོང་ས་མཆོག་གིས་སྐུ་ངལ་ཧ་ཅང་མཛད་ཡོད། ད་ཆ་མགོན་པོ་གང་ཉིད་མཆོག་དགུང་གྲངས་ ༨༡ ཕེབས་བཞིན་ཡོད། དུས་སྐབས་འདིར་ང་ཚོས་བོད་མིའི་སྒྲིག་འཛུགས་ཀྱི་ལས་དོན་གང་ཅིའི་ཐོག་ཧྲ་ཏག་ཏག་ཡོད་སྐོར་ཉིན་ལྟར་ཁ་ཞེ་གཉིས་མེད་ཀྱིས་སྙན་གསང་ཞུ་ཐུབ་པ་བྱུང་ན་ཐུགས་ཧ་ཅང་དགྱེས་ཚོར་ཡོང་རྒྱུ་གོར་མ་ཆག ང་རང་གཞི་རྩའི་ཆ་ནས་བོད་མིའི་སྒྲིག་འཛུགས་ཀྱི་ལས་བྱེད་ལ་ཧ་ལས་པའི་གུས་ཞབས་ཞུ་མཁན་གྲས་ཤིག་ཡིན།
དེ་རིང་སྔ་དྲོ་ཨ་རིའི་རོགས་ཚོགས་ USAID གྱི་ཆེད་གཉེར་དོན་གཅོད་སྐུ་ཞབས་ཇོ་ན་ཐན་མཆོག་འདིར་ཕེབས་སྐབས་སུའང་ངས་ཁོང་ལ་སྲི་ཞུ་བ་ཚོས་རང་གི་མི་ཚེ་བློས་གཏོང་གནང་ནས་འདིར་ཞབས་ཞུ་སྒྲུབ་བཞིན་ཡོད་སྐོར་ཞུས་པ་ཡིན། ང་རང་ཐོག་མར་བཀའ་ཤག་སྐབས་ ༡༤ སྲིད་སྐྱོང་གི་འགན་ཁུར་ཞུས་ནས་སྲི་ཞུ་བ་རྣམས་དང་ལྷན་ཚོགས་སྐབས་དེར་ལས་བྱེད་གསོལ་ཕོགས་ཀྱིས་གཙོས་མཐུན་རྐྱེན་ཡར་རྒྱས་གཏོང་དགོས་པའི་སྐོར་བསམ་ཚུལ་ཤུགས་ཆེ་གསུངས་བྱུང་། འོན་ཀྱང་དོན་དངོས་སྐབས་དེར་བོད་མིའི་སྒྲིག་འཛུགས་ཀྱི་དཔལ་འབྱོར་གནས་སྟངས་ཐོག་མུ་མཐུད་ནས་ཡར་རྒྱས་གཏོང་དགོས་པ་ཡོད་སྟབས་དེའི་ཐོག་ང་ཚོས་དཀའ་ལས་གང་ཙམ་རྒྱབ་དགོས་བྱུང་། དེར་བརྟེན་ད་ཆ་བོད་མིའི་སྒྲིག་འཛུགས་ཀྱི་དཔལ་འབྱོར་གནས་སྟངས་ཐོག་འབྱུང་འགྱུར་ལོ་ལྔའི་ནང་ཛ་དྲག་གི་དཀའ་ངལ་འཕྲད་རྒྱུ་མ་རེད། ཅེས་ངས་ཁ་ཚོན་བཅད་ནས་ཧ་ལམ་ཞུ་ཆོག ཅེས་གསུངས་པ་དང་སྦྲགས། ཉེ་ལམ་བཀའ་ཤག་ནས་ལས་བྱེད་གསོལ་ཕོགས་དང་ཡུལ་ཐང་གུན་གསབ་ཕྲན་བུ་སྤར་བ་མ་ཟད། ལས་ཤག་གསར་རྒྱག་གི་ལས་གཞི་མུ་མཐུད་འགྲོ་བཞིན་ཡོད་སྐོར་གསུངས།
དེ་རྗེས་སྲི་ཞུ་བ་ཡོངས་ལ་བླང་དོར་ལམ་སྟོན་གནང་དོན། ལས་བྱེད་སྤྱི་ཡོངས་ལ་མཚོན་ན་ཧ་ལས་པའི་སེམས་ཤུགས་དང་ཧུར་བརྩོན་ཧ་ཅང་ཐོག་ནས་ཞབས་ཞུ་སྒྲུབ་བཞིན་ཡོད། འོན་ཀྱང་རེ་བཟུང་གིས་བསམ་བློ་ཁ་གསལ་དེ་ཙམ་མེད་པར་བརྟེན་ཁ་གསལ་པོ་ཞིག་བཟོ་དགོས་པའི་དུས་ལ་བབ་ཡོད། ལས་བྱེད་གནང་མཁན་ཡིན་ན་ཧུར་ཐག་གནང་དགོས། དེ་མིན་ཚོང་རྒྱག་རྒྱུའི་བསམ་བློ་ཡོད་ན་ཚོང་ལ་ཕེབས་ན་དགའ་རྒྱུ་རེད། ཚོང་ཁེ་ལ་བརྟེན་འཚོ་བ་སོགས་གང་ཅིར་ཡར་རྒྱས་འགྲོ་རྒྱུ་རེད། གཞན་ཡང་ཆབ་སྲིད་པ་གནང་དགོས་འདུག་བསམ་མཁན་ཡོད་ཚེ་འོས་བསྡུའི་སྐབས་མཉམ་ཞུགས་གནང་དགོས། དེ་བཞིན་ཕྱི་རྒྱལ་ལ་ཕེབས་དགོས་བསམ་མཁན་ཡོད་ན་ཕེབས་ན་དགའ་རྒྱུ་རེད། དེ་མིན་བློ་རྩེ་གཉིས་བྱས་ནས་བཞུགས་ན་སྤྱི་སྒེར་གཉིས་ཀར་ཕན་རྒྱུ་མེད། འདི་ངས་ཉུང་ཤས་ཤིག་ལ་ཞུ་གི་ཡོད། གཞན་ལས་བྱེད་མང་བ་རྣམས་ཡག་ཐག་ཆོད་རེད། བསམ་བློ་ཁ་གསལ་མེད་ན་ཆོད་སེམས་ཡོང་རྒྱུ་ཧ་ཅང་ཁག་པོ་རེད། ཐོག་མ་རང་ནས་ལས་བྱེད་ཡང་དག་པ་ཞིག་གནང་དགོས་བསམས་པའི་ཀུན་སློང་དེ་མེད་ན་ཆོད་སེམས་བརྟན་པོའི་ཐོག་ནས་ལས་ཀ་བྱེད་ཐུབ་རྒྱུ་ཁག་པོ་རེད། ཅེས་སོགས་ཀྱི་གསུང་བཤད་གནང་།།
གཞིས་ལུས་བོད་མིའི་མངོན་འདོད་བོད་མི་རིགས་ངོ་བོ་སྟེ་ཆོས་དང་རིག་གཞུང་སོགས་སྲུང་སྐྱོབ་དང་དར་སྤེལ་བྱེད་རྒྱུ་དེ་རེད་ཟེར། དེ་ན་བོད་མིའི་སྒྲིག་འཛུགས་ཀྱི་མངོན་འདོད་ཅི་རེད། སྲིད་སྐྱོང་བློ་སེང་གི་མངོན་ཅི་ཡིན། དངོས་གནས་བྱས་ན་སྲིད་སྐྱོང་བློ་སེང་ལ་བོད་ཀྱི་སྐད་ཡིག་སྲུང་སྐྱོབ་བྱེད་པའི་ཀུན་སློང་ཡོད་མེད་ས་རིས་ཐང་གསལ་རེད། མིག་ལྡན་ཚང་མའི་ཤེས་ཀྱི་རེད། ལོང་བ་རྣམས་ཀྱིས་མཐོང་མེད་ཀྱང་སྲིད།
སྲིད་སྐྱོང་གིས་རང་གི་རྩ་བའི་བླ་མ་དང་། འདི་ཕྱིའི་སྐྱབས་གནས་༧གོང་ས་མཆོག་ལ་ནམ་ཡང་རྒྱབ་གཏོདམི་སྲིད། ཁ་ཤས་ཀྱི་རང་བཙན་ཁ་ལ་འཁྱེར་ནས། རང་གིས་ཁེ་ཕན་ཆེད་བོད་མི་རིགས་མགོ་བསྐོརབཞིན་ཡོད། ཁ་ཤས་ཀྱིས་རང་གི་ལྟོ་རྒྱབ་ཆེད་རྒྱ་མི་རྒྱུགས་ཁྱི་བྱས་ཏེ་ཆོལ་ཞེན་ཁ་ལ་འཁྱེར་ནས། བོད་མིའི་སྐྱབས་མགོན་ལའང་ཁ་གཏོང་གི་ཡོད། དེང་གི་བརྡ་འཕྲིན་གྱི་དུས་འདིར་བོད་མི་ཚང་མས་རང་ཚུགས་རང་གིས་འཛིན་ན་མ་གཏོགས་མ་གཡོ་ཅན་ཚོའི་མགོ་བསྐོར་འོག་ཚུད་ཉེན་ཡོད།
ད་མང་པོ་མ་བཤད་ན་ཡག་ལེ་རེད་བཙན་བྱོལ་
བོད་མིའི་བཅའ་ཁྲིམས་ལ་འགན་འཁུར་ཐུབ་
མཁན་གྱི་སྒྲིག་འཛུགས་ཞིག་ང་ཚོར་དགོས་
པ་རེད་དེ་མིན་མཐོ་ཙམ་དམའ་ཙན་བཤད་ནས་ཞི་བའི་མི་མང་མགོ་མ་བསྐོར་ན་ལག་ལེ་རེ་བོད་མི་མང་རང་ས་མ་ཐུབ་མི་ཡུལ་དུ་གྱར་མི་ཡུལ་ནས་
ནུབ་ཕྱོགས་སུ་བོད་མི་རིགས་སྲན་མ་གཏོར་བ་
ནང་བཞིན་གཏོར་ནས་ད་མི་མང་མགོ་བསྐོར་གཏོང་རྒྱུའི་སྐད་ཆ་བཤད་ནས་ཕན་ལེ་མ་རེད་མི་མང་སྤྱང་པོ་ཆགས་ཚར་ལེ་རེད་བོད་མི་རིགས་ཀྱི་རིག་གཞུང་སྲུང་སྐྱོབས་དགོས་ན་བོད་མི་རིགས་ལ་སྲུང་སྐྱོབས་དགོས་པ་རེད་རིག་གཞུང་སྲུང་སྐྱོབས་ཀྱི་ལས་གཞི་ལས་མི་རིགས་སྲུང་སྐྱོབས་ཀྱི་ལས་གཞི་དེ་སྔོན་འཐོན་བྱ་དགོས་པ་དེ་གལ་ཆེན་དོན་
ཆེན་ཡིན་པའི་ངོ་སྤྲོད་བྱ་འདོད་བྱུང་།
ནུབ་ཕྱོགས་སུ་བོད་མི་རྣམས་སྲན་ཕུང་གཏོར་བ་ནང་བཞིན་བྱས་ཟིན་པ་དེར་ནོར་འཁྲུལ་ཡོད་ན་བཙན་བྱོལ་གཞུང་གིས་ཨ་རིར་བོད་མི་ཆིག་སྟོང་ཐམ་པ་གཏོང་མཁན་དེའི་ཐོག་མགོ་ཇུས་བཏོན་མཁན་་བྱས་གཏེ་སུ་ཡིན་ན་དེར་ཤོད་ཅིག་་་་་་་་་་གནད་ཡོད་མི་འགས་ད་དུང་བྱས་རྗེས་ཡིན་ཟེར་བ་མ་གཏོགས་ནག་ཉེས་ཅིག་དང་མེད་ཟེར་དང་ཟེར་བཞིན་འདུག་གདའ་་་་་་་བློ་སེང་ལ་ཁག་ཡོད་མ་རེད་་་་་་འདས་ཟིན་པའི་ནང་ལ་ལྟོས་དང་ཁོ་ཡང་བྱང་ཆུབ་སེམས་པ་མ་རེད་དོ།།
སྲིད་སྐྱོང་དེས་ཡང་རྫུན་བཤད་ཀྱི་འདུག སྔོན་མ་༢༠༡༡ ལོའི་ཕྱི་ཟླ་དང་པོའི་ནང་ལ་ནིའུ་ཡོག་ཏུ་སྐད་ཡིག་གལ་ཆེན་པོ་མིན་པ་གསལ་པོ་གསུངས་སོང་། ངའི་ནི། སྲིད་སྐྱོང་ལ་ཡིད་ཆེས་མེད། རེ་བ་མེད། རྒྱབ་བསྐྱོར་མེད། གུས་བཀུར་ཡང་མེད་དོ།
ངན་ཁག་ཚང་མ་སྲིད་སྐྱོང་མཆོག་ལ་མ་གཡོག་བཙན་བྱོལ་སྤྱི་ཚོགས་ནང་ལ་བོད་ཀྱི་སྐད་ཡིག་ལ་ལྟ་སྟངས་ག་ཚོད་ཡོད་མེད་ཧ་གོ་དོན་གསལ་རེད་དོ།
སྲིད་སྐྱོང་གིས་སྐབས་སྔ་མར་ལོ་ལྔའི་རིང་ལས་དོན་འཐུས་ཤོར་བཏང་བ་ནང་བཞིན། ད་རེས་ཀྱི་ལོ་ལྔ་འདི་འཐུས་ཤོར་མ་བཏང་ཙམ་བྱུང་ནས་སྔ་མའི་གནས་སྟངས་ལས་མར་མ་ཟགས་ན་ལྷ་རྒྱལ་ཡིན། གཞན་གྱི་རེ་བ་གང་ཡང་མེད།
མི་ལོ་ལྔ་བཅུ་རིང་བོད་སྐྱབས་བཅོལ་གཞུང་གི་མ་འཇོན་པ་ཞིག་སྲིད་སྐྱོང་གཅིག་གི་ལས་དུས་ལ་འཇོན་དགོས་ཟེར་མཁན་ཚོ་འདི་འདྲ་དབང་བཙན་པ་ལ།
ལྷག་བསམ་གོ་ལའི་མེ་རྩེ་རབས་ཏུ་ཕྱུར་།
ལྷག་བསམ་ཅན་གྱི་རང་མིང་གསལ་པོར་བཀོད་།
ལྷག་བསམ་རྫུན་གྱི་རང་མིང་རྒྱབ་ཏུ་བསྐུངས་།
ལྷག་བསམ་གདུང་ཟླར་ནག་ནོག་མ་ཕོག་ཤོག་།
འཇིག་རྟེན་མི་གི་ཕྱོགས་ལྷུངས་ཆུ་གཉེར་བརྡོལ་།
འཇིག་རྟེན་མི་གི་འགོ་འདྲེན་རླུང་ལས་མགྱོགས་།
འཇིག་རྟེན་མི་གི་བསམ་བློ་རྒྱ་མཚོའི་གཏིང་།
འཇིག་རྟེན་མི་གི་ཚོད་དཔག་ཉིན་སྐར་ཙམ་།
ཕྱོགས་ལྷུང་དུག་གི་སྒོམ་བཤིས་གླིང་འདིར་ཁྱབས་།
ཕྱོགས་ལྷུ་ངན་པའི་ས་བོན་སྤྱི་ཚོགས་རུལ་།
ཕྱོགས་ལྷུང་དྲི་ངན་རྒྱང་དུ་དོར་བ་ལ་།
ཕྱོགས་ལྷུང་ཟེར་བའི་ཐ་སྙད་མེད་ན་དགའ་།
མང་པོ་མང་པོ་བཤད་མ་དགོས་པར་གྱིས། ང་ཚོ་སྣོད་དང་ལག་པ་ཆ་ཡོད་རེད་མོད། བཙན་བྱོལ་གཞུང་འདི་ཡར་རྒྱས་གཏོང་གིན་ཡིན་ཟེར་ན་མི་ཤེས་མོད་་་མ་ཉམ་པར་བྱེད་བསྡད་ན་ཧ་ལས་བ་རེད།
༅༅། སྲིད་སྐྱོང་མཆོག་ནས་གསུང་བཤད་ཡག་པོ་གནང་འདུག་
ད་འདི་ལས་ལྷག་པ་གསུང་རྒྱུ་ཅི་ཡོད་།
རྒྱ་དམར་པོས་བཙན་བྱོལ་བོད་མི་ཚོར་ཁ་བྲལ་བ་རེད་ཤ་སྟག་བཤད། བོད་ནང་ལ་དྲག་
གནོན་འདོད་པ་གང་ཤར་བྱས། བོད་མི་ཚོ་ནས་རྒྱ་དམར་པོའི་བྱེད་སྟངས་ལ་སྐྱོན་འཛུགས་
ཤ་སྟག་བཤད།
རྒྱལ་སྤྱིའི་ཐོག་ནས་བོད་མིར་གདུང་སེམས་མཉམ་བསྐྱེད་ཡོད་ཤ་སྟག་བཤད་དེ་
རྒྱ་ནག་ལ་གནོན་ཤུགས་ཇི་ལྟར་སྤྲད་ཀྱང་རྒྱ་ནག་གི་མ་གོ་མདོག་མདོག་ཤ་སྟག་བྱས་
ནས་བསྡད་། ད་་་སྐྱོ་སོང་། སྡུག་སོང། ངལ་སོང་།
ཅི་བྱེད་གང་བྱེད་གང་དུ་འགྲོ་ན་དགའ། གང་ཟ་གང་བཏུང་གང་ཞིག་བྱེད་ན་དྲག།
ཅི་ཤེས་གང་ཤེས་སུ་ལ་བཤད་ན་དྲག། སུ་ཞིག་སུ་ཡི་དངོས་ཕན་བྱེད་དམ་སྙམ།
ལེགས་ལེགས
ངོ་སྲུང་ཚིག་གི་སྤྱི་ཚོགས་རུལ་དུ་བཅུག་།
དྲང་གཏམ་ཚིག་ལ་ཕྱོགས་གཏོགས་སྙིང་རླུངལངས་།
གཏམ་བརྗོད་རང་དབང་རྒྱལ་སྤྱིའི་ཁྲིམས་ཀྱི་བསྟན་།
ཚད་བཀག་བྱེད་པ་འགོ་འདྲེན་ཕྱོགས་གཏོགས་འགན་།
ལོ་ལྔ་བཅུ་ནང་ལ་བྱེད་མ་ཐུབ་པའི་ཕྱག་ལས་དེ། སྲིད་སྐྱོང་ལ་བྱེད་དགོས་རེད་ཅེས་བཙན་གཏམ་བཤད་མཁན་སུ་ཡང་མེད། ཡིན་ནའང་ལོ་ལྔ་བཅུའི་ནང་ལ་བྱུང་མ་མྱོང་བའི་འུར་གཏམ་དང་། རྫིག་གཏམ། གཡོ་གཏམ་་མ་བཤད་ན་བོད་མི་ཚང་མའི་དགའ་གི་རེད་ཅེས་ཞུ་གི་ཡོད། ལར་ནས་ད་ལྟའི་་སྲིད་སྐྱོང་གི་ཕྱག་ལས་འདྲ་བོ་དེ། ཨ་སྡུག་ང་འདྲ་བོ་སྲིད་སྐྱོང་ལ་བཞག་ན་ལས་ཀ་དེ་དང་མཉམ་པ་བྱེད་ཐུབ་ས་རེད། རྒྱུ་མཚན་གང་ལ་ཞེ་ན། ༧རྒྱལ་བ་རིན་པོ་ཆེ་གཙོས་བྱས་མི་རབས་རྒན་པ་རྣམས་ཀྱིས་ལོ་ངོ་ལྔ་བཅུའི་རིང་ལ་རྨང་གཞི་་བརྟན་པོ་ཚུགས་ཚར་བ་རེད། དེ་འདྲ་སོང་ཙང་སྲིད་སྐྱོང་གློ་བུར་དུ་སླེབས་པ་མ་གཏོགས། དེ་འོག་གོ་ལས་བྱེད། ལྷན་ཁང་ཁག་གི་བཀའ་བློན་དང་། དྲུང་ཆེ། དོན་གཅོད་ཁག དྲུང་གཞོན། ཟུང་དྲུང་། དབྱིན་དྲུང་། བོད་དྲུང་། དྲུང་ཡིག ལས་བྱེད་དཀྱུས་མ། ཐ་ན་གད་པ་མན་ཆད་ལས་བྱེད་ཚང་མ་རང་འགྲིགས་ལ་ཡོད་རེད། དེ་འདྲ་སོང་ངས་ཀྱང་སྲིད་སྐྱོང་འཇོན་ས་རེད།
འདྲ་པར་དཀྱིལ་མ་དེ་མིག་གི་ལྟོས་ཨ
ལས་བྱེད་བ་་་ཕལ་ཆེར་རྒན་གོག་ཡིན་པ ཀླད་པ་ཆུ་འདྲ
སེམས་པ་རྡོ་དང སྤྱོད་པ་རྒྱ་དམར་ལས་ཐབས་སྡུག
མི་སུའི་བཤད་ཀྱང་ཉོན་གི་མ་རེད །
ལོ་རྒན་༦༦ ཅན ལས་བྱེད་ནས་ཞུགས་མི་མཆོག་པའི
གསལ་བརྡ་ཕྱི་གསལ་ནང་གསལ་ཞིག་སྟོན་ན་དགེ་མཚན་ཆེའོ །།
དམངས་གཙོ་སྒྲིག་གཞི་མེད་པ་ཅི་ས་སྟིང་གང་ལ་འདུག
གསུང་མཁན་ཡོད་ནམ ་་་
བསྟོད་སྨད་ཚིག་གི་སྤྱི་ཚོགས་ཡར་རྒྱས་དཀའ་།
དྲང་གཏམ་ཚིག་གི་སློབ་གསོའི་གོ་སྐབས་སྦྱིན་།
མང་གཙོའི་རང་དབང་ཁྲིམས་ཀྱི་འོག་ཏུ་སྲུང་།
དམངས་གཙོའི་རང་དབང་བྲལ་རིམ་འོག་ཏུ་སྲུང་།
བློ་སེང་ལ་རེ་བ་དང་ཡིད་ཆེས་སྤུ་ཙམ་ཡང་མེད།
ག་རེ་བཤད་ན་མ་བཤད་ན་སྲིད་སྐྱོང་བློ་སེང་བཞིན་བོད་ལ་དབུ་ཁྲིད་ཅིག་དེ་སྔོན་ཡོང་མྱོང་མེད། འགའ་ཤས་ཀྱིས་ཐབས་ཟད་འུ་ཐུག་ངང་སྲིད་སྟེགས་གཞན་ལ་སྟེར་བ་རེད། འགའ་ཤས་ནས་ལོ་རྒས་ནས་སྟེར་བ་རེད། འགའ་རེ་ནས་ཚེ་གང་པོར་སྲིད་དབང་སྒེར་འཛིན་བྱས་པས་རྒྱལ་སྤྱིའི་སྔུན་ལ་ངོ་ཚ་ནས་དེ་ལྟར་མ་བྱེད་ཐབས་མེད་བྱུང་བ་རེད། གང་ལྟར་བུ་བློ་སེང་ལས་ལྷག་པ་སུ་ཡང་མེད། གངས་རིའི་སེང་གེ་ནམ་ཡང་རྒྱལ་གྱུར་ཅིག ང་ཚོ་ནམ་ཡང་ཁྱེད་ཕྱོགས་སུ་འགྲེངས་ཡོད་པས་ལྟས་ངན་འུག་པ་སེར་པོ་དང་། སྲིན་བྱ་ཐན་ལྟས་འདྲ་བ་དེ་དག་ནི་རྐང་འོག་འབུ་ཡིན་པས་ནམ་ཡང་ལན་འདེབས་བྱ་མི་དགོས།
་་་་་་་་ དེར་བརྟེན་བོད་མི་རིགས་ཀྱི་ངོ་བོ་མི་ཉམས་རྒྱུན་འཛིན་ཐོག་ང་ཚོས་རྩོད་རྒྱུ་དེ་བོད་མི་རྣམས་ཀྱི་ཆེས་མཐོང་རྩོད་བཞིན་ཡོད། ་་་་་་་་
སྲིད་སྐྱོང་འདིས་འོས་འགན་དང་མཐུན་པའི་གཏམ་བཤད་རེ་སྤེལ་དུས་སྤེན་ཚེའི་ཕྱོགས་གཏོགས་ཚོའི་ན་ཚ་དེ་ཆེ་རུ་འགྲོ་བཞིན་པའི་ཚོར་སྣང་བྱུང་། ཨ་ཁ་ཁ། བློ་སེང་མཐོང་འདོད་དང་། གཏམ་བཤད་ཉན་འདོད་མེད་ཀྱང་། ཨ་མའི་བུས་གཟི་བརྗིད་ངོམ་དུས་མི་ངན་འགས་སྐད་ངན་ཤོར་བ་རང་བཞིན་རེད།
ལེགས་ལེགས།
བོད་མིའི་བསོད་སྐལ་དུ་བབ་པའི་སྲིད་སྐྱོང་ནས་བཀའ་མོལ་གནང་བ་ལེགས་ཀྱང་། བོད་མི་མང་པོ་ཞིག་གིས་ད་དུང་ཡང་ཁོང་ལ་ཡིད་ཆེས་དང་རེ་བ་གནང་གི་མེད་པ་མཐོང་ཐུབ། དེར་བརྟེན་ཁོང་གི་བཀའ་མོལ་བཞིན། ས་ལ་འབབ་རྒྱུ་ཡོད་པའི་ཕྱག་ལས་གྲུབ་འབྲས་ལྡན་པ་ཞིག་གནང་ཚེ། རང་ཉིད་ཀྱིས་ཀྱང་༸གོང་ས་མཆོག་གི་བཀའ་བཞིན་ཕྱག་ལས་གྲུབ་པ་ཡིན་སྙམ་པ་དང་། བོད་མི་རྣམས་ནས་ཀྱང་གུས་བཀུར་འཐོབ་རྒྱུའི་རྒྱུར་འགྲོ་ངེས། དེ་ལྟར་བྱུང་ཚེ་བོད་མི་རྩམ་གཟན་ཡོད་དོ་ཅོག་གི་ཡིད་ཆེས་དང་གུས་བཀུར་འབྱུང་སྲིད། དེ་མིན་ལོ་རྒྱུས་ཀྱིས་འཕྱུགས་པ་མི་སྲིད་དོ།།
སྤེན་ཚེ་ལ་དགའ་ནས་ཤི་དགོས་ལེ་མིན། བློ་སེང་ལ་སྡུག་ནས་ཤི་དགོས་ལེ་ཡང་མིན། གང་ལྟར་གསེར་ས་འོག་ལ་ཡོད་ན་འོད་ནམ་མཁའ། ཟེར་བའི་དཔེ་ལྟར་བློ་སེང་ལ་འོད་ཐོན་རྒྱུའི་ནུས་པ་མིན་འདུག