དགེ་འདུན།
ཟླ་གསུམ་པའི་ཚེས་ ༡ ཉིན་གྱི་དགུང་མོའི་ཆུ་ཚོད་དྲུག་པ་ནས་བརྒྱད་པ་བར་དུ། བྷི་ལིམ་མིང་ཊོན་གྲོང་ཁྱེར་སྤྱི་ཁང་དུ་ འདས་པ་དམ་པ་འཇིགས་མེད་ནོར་བུའི་ནང་མི་དང་ ས་གནས་ཀྱི་གྲོགས་པོ་དང་མི་མང་རྣམས་འཛོམས་ཏེ། འཇིགས་མེད་ནོར་བུ་ལ་མྱ་ངན་ཞུ་བའི་འདུ་འཛོམས་ཤིག་བསྐྱངས་ཡོད་པ་དེར་ས་གནས་ཀྱི་མི་སྣ་ ༢༠༠ ལྷག་ཙམ་འབྱོར་ཡོད་པ་རེད།
ལྕམ་དཀོན་དབྱངས་ལགས་ཀྱིས་མྱ་ངན་འདུ་འཛོམས་འདི་གཙོ་སྐྱོང་གནང་སྐབས་གསུངས་དོན། “ངས་མྱ་ངན་འདུ་འཛོམས་འདི་འདྲ་བྱེད་སྟངས་ཤེས་ཀྱི་མེད། འོན་ཀྱང་། གྲོངས་མཁན་རང་ཉིད་ཀྱི་བུ་ཡིན་པའི་དབང་གིས་ངས་འདི་ལྟར་བྱེད་རྒྱུའི་བློ་སྤོབས་བྱས་པ་ཡིན། ཡིན་ན་ཡང་དཀའ་ལས་ཁག་པོ་འདུག དེར་བརྟེན་འདི་ནི་ངའི་མི་ཚེའི་ནང་འདི་ལྟར་བྱེད་དགོས་པ་མཐའ་མ་དེ་ཡིན་པར་སྨོན།”ཞེས་གསུངས་ཤིང་། འཇིགས་མེད་ནོར་བུ་དམ་པ་དེ་ནི་ ཕྱག་ལས་རླབས་ཆེན་པོ་ཞིག་གནང་བཞིན་པའི་སྐབས་སུ་གྲོངས་པ་མ་ཟད། དེ་ཡང་ རང་གི་ཁྱོ་ག་ ལྟག་མཚེར་རིན་པོ་ཆེས་ཤུལ་དུ་བཞག་པའི་ལས་དོན་དེ་སྒྲུབ་བཞིན་པའི་སྐབས་སུ་གྲོངས་པ་དེ་ངོས་འཛིན་ཡོད་པ་གསུངས་ཡོད་པ་རེད།
སྒོ་མང་དགེ་བཤེས་བློ་བསྟན་དང་དགེ་བཤེས་སྦྱིན་པ་བསོད་ནམས་གཉིས་ཀྱིས་བོད་ལུགས་ལྟར་གྱི་སྨོན་ལམ་གསུངས་ཡོད་པ་དང་། དེ་དང་ལྷན་དུ་ཡེ་ཤུའི་ཆོས་དཔོན་བཙུན་མ་ཞིག་གིས་ཡེ་ཤུའི་ལུགས་ཀྱི་སྨོན་ལམ་གསུངས་ཡོད་པ་རེད། སྤུན་ཀུན་དགའ་ནོར་བུ་ལགས་ཀྱིས་ཀྱང་། “འཇིགས་མེད་ནོར་བུས་མགོ་འཛུགས་བྱས་པའི་ཐེངས་འདིའི་གོམ་བགྲོད་ལམ་ལྷོང་དང་བཅས་མཇུག་སྒྲིལ་བ་ཡིན་ལ། འདས་པོ་དམ་པའི་སྲས་གཉིས་ཀྱིས་ཀྱང་གོམ་བགྲོད་ལ་སླེབས་ཐུབ་པ་དེ་ལ་ནི་འདས་པོ་ཁོང་གིས་ཧ་ཅང་སྤོབས་པ་བྱེད་ཀྱི་རེད།”ཅེས་གསུངས་ནས། བོད་ནང་གི་བོད་མིའི་སྡུག་བསྔལ་དང་མནར་གཅོད་འདི་དག་མི་རབས་རྗེས་མ་རྣམས་ཤེས་རྟོགས་སྤེལ་ཆེད་འདི་འདྲའི་གོམ་བགྲོད་སོགས་ཀྱི་ལས་འགུལ་སྤེལ་རྒྱུ་གལ་ཆེན་པོ་རེད་ཅེས་གསུངས་སོང་།
ཐེངས་འདིའི་འདུ་འཛོམས་ཐོག་གསུང་བཤད་མཐའ་མ་གནང་མཁན་ནི། འདས་པོ་དམ་པའི་སྐུ་ཟླ་ཡཱ་ལཱན་རེད། “ང་ཆུང་མ་ཞིག་དང་། དེ་ཡང་བྱིས་པ་ཆུང་ཆུང་གསུམ་གྱི་ཨ་མ་ཡིན་པའི་ཆ་ནས་ འདས་པོ་ཁོང་མེལ་ལེ་སུམ་བརྒྱ་དང་དགུ་བརྒྱ་ལ་གོམ་བགྲོད་བྱེད་རྒྱུ་ལ་ངས་བརྒྱ་ཆ་བརྒྱའི་རྒྱབ་སྐྱོར་བྱེད་དཀའ་བ་ཞིག་འདུག འོན་ཀྱང་། བོད་ནང་ལ་གནད་དོན་ཞིག་ལྷགས་བཞིན་པ་འདི་འཛམ་གླིང་མི་མང་ལ་ཤེས་རྟོགས་བྱེད་དུ་འཇུག་རྒྱུ་ནི་འདས་པོ་དམ་པའི་དམིགས་ཡུལ་རེད་ལ། ཁོང་གིས་གཞོན་སྐྱེས་ཚོ་ལ་ བོད་དོན་འདི་རྩ་བ་ནས་ཡལ་བར་མ་འདོར་རོགས། བོད་འདི་སྐྱོབ་དགོས་པ་རེད་ཅེས་གསུངས་བཞིན་སྐུ་སྲོག་ཤོར་བ་རེད། དེ་ནི་རིན་ཐང་ཡོད་པ་ཞིག་རེད།” ཅེས་གསུངས་སོང་།
འདིར་འཛོམས་པའི་མི་སྣ་དག་གི་ཁྲོད་འདས་པོ་དམ་པའི་གྲོགས་པོ་དང་བློ་ཉེ། དེ་བཞིན་ཡབ་གཞིས་ལྟག་མཚེར་རིན་པོ་ཆེའི་ཁྱིམ་ཚང་གི་དགའ་བོ་ཉེ་བོ་དང་གྲོགས་པོ། དེ་བཞིན་རྒྱབ་སྐྱོར་བ་སོགས་འདུས་ཡོད་པ་རེད་ལ། ས་གནས་ཀྱི་བོད་པ་ཚོས་ཀྱང་སྨོན་ལམ་དུ་མཉམ་ཞུགས་བྱས་ཡོད་པ་མ་ཟད། ས་གནས་སུ་ལོ་གསར་སོགས་ཀྱི་རྟེན་འབྲེལ་ཡང་ཞུ་འཆར་མེད་པ་རེད། འཇིགས་མེད་དམ་པ་དེའི་ཤུལ་ལུས་ནང་མིའི་ཁོངས་སུ་ ཡུམ་དང་། ཇོ་ཇོ་གཉིས། བུ་གསུམ། ཆུང་མ་བཅས་ཡོད་པ་རེད།
༄། །སེམས་པ་སྐྱོ་བ་ལ་ཨང་། བསམ་ཞིང་བསམ་ན། འཁྲུངས་གཞིས་སྟག་འཚེར་གྱི་རྒྱུད་དུ་གཏོགས་པ་ཐམས་ཅད་ཀྱིས་བོད་རྒྱལ་ཁབ་ཆེན་པོའི་བསྟན་སྲིད་མི་རིགས་ཀྱི་ལས་དོན་ཆེད་མཛད་རྗེས་ཁྱད་པར་དུ་འཕགས་པ་རིམ་འཇོག་གནང་བའི་བྱུང་རབས་ལ་མཇལ་སྐབས། རྗེ་སྲོང་བཙན་གྱི་འཕྲུལ་བློན་བཀའ་དྲིན་ཅན་དམ་པ་མགར་གྱི་ཁྱིམ་རྒྱུད་ཡིད་ལ་འཁོར་ཞིང་། ཁྱིམ་རྒྱུད་དེ་དང་འདྲ་མཚུངས་ཀྱི་དྲིན་པོ་ཆེར་ངོས་འཛིན་ཞུ་བཞིན་འདས་པོ་དམ་པ་ཡབ་སྲས་ཀྱི་ནང་མི་ཀུན་ལ་གདུང་སེམས་མཉམ་བསྐྱེད་ཡོད་ལ། འུ་ཅག་གཞིས་བྱེས་ཚང་མས་རྩ་དོན་ཆེད་མཉམ་རུབ་ལྷུར་ལེན་ཞུ།
༄། །སེམས་པ་སྐྱོ་བ་ལ་ཨང་། བསམ་ཞིང་བསམ་ན། འཁྲུངས་གཞིས་སྟག་འཚེར་གྱི་རྒྱུད་དུ་གཏོགས་པ་ཐམས་ཅད་ཀྱིས་བོད་རྒྱལ་ཁབ་ཆེན་པོའི་བསྟན་སྲིད་མི་རིགས་ཀྱི་ལས་དོན་ཆེད་སྐུ་ངལ་ལྷུར་བཞེས་སྒོས་མཛད་རྗེས་ཁྱད་པར་དུ་འཕགས་པ་རིམ་འཇོག་གནང་དང་གནང་མུས་ཀྱི་བྱུང་རབས་ལ་མཇལ་སྐབས། ནངས་ཀྱི་ཚེ་ན་མི་རྗེ་སྲོང་བཙན་གྱི་འཕྲུལ་བློན་བཀའ་དྲིན་ཅན་དམ་པ་མགར་གྱི་ཁྱིམ་རྒྱུད་དང་མཚུངས་པའི་ངོས་འཛིན་ཞུ་བཞིན། འདས་པོ་དམ་པ་ཡབ་སྲས་ཀྱི་ནང་མི་ཀུན་ལ་གདུང་སེམས་མཉམ་བསྐྱེད་ཡོད་ལ། ཐུགས་བཞེད་འགྲུབ་ཆེད་འུ་ཅག་གཞིས་བྱེས་ཚང་མས་མཉམ་རུབ་ལྷུར་ལེན་ཡོང་ངེས་ཞུ།
༄༅། །སྲས་དམ་པ་འཇིགས་མེད་ནོར་བུ་ལགས་དབུ་བརྩམ་པའི་བོད་རང་བཙན་ཆེད་གོམ་བགྲོད་དེ་བཞིན་འཇུག་སྐྱོངས་གནང་ཆེད་གཅེན་པོ་ཀུན་དགའ་ནོར་བུ་ལགས་དང་དམ་པ་དེའི་སྲས་བགྲེས་འབྲིང་གཉིས་ཀྱང་ཕེབས་པར་སྙིང་ཐག་པ་ནས་བཀྲ་ཤིས་བདེ་ལེགས་ཞུ་བ་དང་ཆབས་གཅིག་མུ་མཐུད་ནས་གཅེན་པོ་ཀུན་དགའ་ནོར་བུ་ལགས་ནས་ཡབ་སྲས་དམ་པ་རྣམ་གཉིས་ཀྱི་ལས་འགུལ་འདི་བཞིན་འཇུག་ཁྱོང་ཡོང་བའི་རེ་བ་དང་འབོད་བསྐུལ་ཡང་ཞུ་གི་ཡོད། ཐུགས་རྗེ་ཆེ། །
ཨྃ་མ་ཎི་པདྨེ་ཧཱུྃ༔ ཨྃ་མ་ཎི་པདྨེ་ཧཱུྃ༔ ཨྃ་མ་ཎི་པདྨེ་ཧཱུྃ༔ བདེ་བ་ཅན་གྱི་ཞིང་ཁམས་སུ་སྐྱེས་གྱུར་ཅིག
དམ་པ་ལགས་བོད་ཀྱི་བསྟན་སྲིད་ཀྱི་ཆེད་དུ་ཁྱེད་ཀྱི་དཀའ་སྡུག་གི་གཟི་བརྗིད་གོ་ལ་ཟླུམ་བུ་ཀུན་ལ་ཁྱབ་སོང་ལ་། གངས་ཅན་གྱི་རྩ་དོན་ཆེད་དུ་འཇིག་རྟེན་གྱི་ཕྱི་ལམ་དུ་གཤེགས་སོང་བ་དེར་ང་ཚོའི་བོད་ཀྱི་རྩ་དོན་སྒྲུབ་རྒྱུ་དེ་མུན་ནག་དུ་ལྷུང་བ་ལྟར་ཡིད་སྐྱོ་བའི་གནས་ཚུལ་ཞིག་ཡིན་ལ།
གངས་ཅན་གྱི་རྩ་དོན་ཆེད་དུ་སླར་ཡང་གངས་ཅན་ལྗོངས་སུ་མྱུར་དུ་ཕེབས་པར་ཤོག
ང་ཚོས་ཁྱེད་ལ་རེ་སྒུག་བྱས་ནས་བསྡད་ཡོད། དམ་པ་ལགས།
འདས་པོ་དམ་པ་དང་ལྟག་མཚེར་འཁྲུངས་གཞིས་ཆེན་མོས་བོད་མི་རིགས་ཀྱི་དོན་དུ་བཞག་པའི་བཀའ་དྲིན་སྟོང་གསུམ་རིན་ཆེན་གྱིས་བཀང་སྟེ་ཕུལ་ཡང་བསབ་ཐབས་མེད་པ་ཞིག་ཡིན། ངེད་ཅག་ཡུལ་མི་རྣམས་ཀྱིས་ཀྱང་མྱ་ངན་དང་སྨོན་ལམ་འདེབས་བཞིན་ཡོད།
ཨྃ་མ་ཎི་པདྨེ་ཧཱུྃ༔ ཨྃ་མ་ཎི་པདྨེ་ཧཱུྃ༔ ཨྃ་མ་ཎི་པདྨེ་ཧཱུྃ༔ ཨྃ་མ་ཎི་པདྨེ་ཧཱུྃ༔ ཨྃ་མ་ཎི་པདྨེ་ཧཱུྃ༔ ཨྃ་མ་ཎི་པདྨེ་ཧཱུྃ༔ ཨྃ་མ་ཎི་པདྨེ་ཧཱུྃ༔ ཨྃ་མ་ཎི་པདྨེ་ཧཱུྃ༔ ཨྃ་མ་ཎི་པདྨེ་ཧཱུྃ༔ ཨྃ་མ་ཎི་པདྨེ་ཧཱུྃ༔ ཨྃ་མ་ཎི་པདྨེ་ཧཱུྃ༔ ཨྃ་མ་ཎི་པདྨེ་ཧཱུྃ༔ ཨྃ་མ་ཎི་པདྨེ་ཧཱུྃ༔ ཨྃ་མ་ཎི་པདྨེ་ཧཱུྃ༔ ཨྃ་མ་ཎི་པདྨེ་ཧཱུྃ༔ ཨྃ་མ་ཎི་པདྨེ་ཧཱུྃ༔ ཨྃ་མ་ཎི་པདྨེ་ཧཱུྃ༔ ཨྃ་མ་ཎི་པདྨེ་ཧཱུྃ༔
གདུང་སེམས་མཉམ་འཁྱེར་ཡོད་ལགས།
རྒྱལ་གཅེས་དཔའ་བོའི་མཛད་རྗེས་ལ་བསམ་ན།
སེམས་པ་སྐྱོ་བཞིན་མིག་ཟུང་མཆི་མས་བསླན།
འཕགས་མཆོག་གྲུ་འཛིན་མགོན་པོའི་ཐུགས་རྗེས་ཀྱིས།
མཐོ་རིས་མངོན་མཐོའི་གོ་འཕངས་ཐོབ་པར་ཤོག
བོད་པ་ཡིན་ན་བོད་སྐད་གཙང་རྒྱོབས
མི་ཚེ་བོད་སྐད་མེད་པའི་ལུང་པར་བསྐྱལ་དབང་གིས།
བོད་སྐད་མི་སྨྲར་ཁྱོད་ལ་ཉེས་པ་ཅི།
ཡབ་ཆེན་མཁས་པའི་དབང་པོའི་བཀའ་དྲིན་གྱིས།
མི་རིགས་ལ་རྒྱ་ཐུགས་ལ་བཅངས་དེ་མཚར།
བོད་དོན་འཇིགས་མེད་ནོར་བུའི་སྙིང་ནོར་ཡིན།
ཡབ་ཆེན་དམ་པའི་བཀའ་ཡི་ཟེའུ་འབྲུ་ཡིན།
ས་ཡ་དྲུག་གི་མིང་ཅན་བོད་མི་རྣམས།
གཏུ་མུག་གཉིད་ཀྱི་ཞིང་ལ་ཉུལ་ལགས་བསམ།
རང་དབང་སྲོག་ལས་གཅེས་པའི་སྤོབས་སྟོབས་དང་།
ལྷག་བསམ་གནམ་ལས་མཐོ་བའི་ལྕི་ཤུགས་གཉིས།
དཔུང་མེད་བོད་ལ་མཁོ་བའི་དེང་གི་ཆར།
ཁྱེད་སྐུ་སྐར་མདར་གྱུར་འདི་ཅི་ཡིས་ལད།
ཡབ་གཞིས་ཀྱི་རྒྱུད་པ་འདི་དག་ཁ་བ་ཅན་པ་ལ་ཤ་ཞེན་དང་བཀའ་དྲིན་བརྗོད་ལས་འདས་པ་རེད་
འདས་པོ་ཁོང་ཚེ་ཚེ་རབས་རབས་སུ་བདེ་ནས་བདེ་བར་ཤོག