གཟའ་ཟླ་བའི་གོད་ཆག་དེ་བྱུང་སྐབས་ ཕྲན་གྱིས་ཟླ་གཅིག་ཙམ་གྱི་གོང་དུ་ཁོང་ལ་བཅར་འདྲི་ཞིག་ཞུས་ཡོད་པ་དེ་དྲན་ནས། སྒྲ་འཇུག་འཁོར་ཐག་ནས་གློག་རྡུལ་ཅན་དུ་བསྒྱུར་བའི་འབད་པ་བསྟུད་མར་བྱས་འབྲས་སུ། དེ་རིང་བཅར་འདྲི་དེ་ཉན་ཐུབ་པ་ཞིག་བཟོ་ཐུབ་བྱུང་། བཅར་འདྲི་འདི་དབྱིན་སྐད་དུ་ཡོད་ལ། སྒྲ་གསལ་པོ་མེད་ཁར་ང་ཚོ་ནང་མོལ་གྱི་ཚུལ་དུ་བཅར་འདྲི་ཞུས་པ་ཞིག་ཡིན་སྟབས་གོ་རིམ་འཆོལ་བ་སོགས་ཡོང་སྲིད་པ་རེད། གང་ལྟར་དེ་རིང་འདིར་འཇོག་དོན་ནི། ཁོང་གི་ཆོད་སེམས་དང་སྤོབས་པ། ལ་རྒྱ་སོགས་འདི་ནས་གསན་ཐུབ་པ་ཞིག་ཡོང་ཆེད་ཡིན་ལགས། དམ་པ་ཁོང་མགོན་པོ་སྤྱན་རས་གཟིགས་ཀྱིས་ཚེ་རབས་ནས་ཚེ་རབས་སུ་རྗེས་སུ་འཛིན་སྨོན་འདུན་ཞུ།
གཤམ་གྱི་འབྲེལ་ཐག་ལ་བསྣུན་ནས་གསན་རོགས་ཞུ།
jigme-norbu interview
བཀུར་འོས་དགེ་འདུན་རབ་གསལ་ལགས་ནས། བཅར་འདྲི་འདི་ཀློག་མཁན་ཚོའི་མདུན་ལ་བཞག་པར་སྙིང་ཐག་པ་ནས་བཀའ་དྲིན་ཆེ།
བོད་རང་བཙན་དང་དེའི་ཆེད་དུ་བཏང་བའི་ཁོང་གི་མི་ཚེ་ལ་རྗེས་སུ་ཡི་རངས་སོ།
སངས་རྒྱས་འོད་དཔག་མེད་ལ་གསོལ་བ་འདེབས། །
བདག་གིས་བླ་མེད་བྱང་ཆུབ་སེམས་བསྐྱེད་ནས། །
དགེ་རྩ་མཐའ་དག་བདེ་ཆེན་ཞིང་མཆོག་ཏུ། །
སྐྱེ་ཕྱིར་བསྔོ་ན་འགྲུབ་པར་བྱིན་གྱིས་རློབས། །
མི་ཕམ་རྒྱ་མཚོས་མཛད།
ཆ་ཚང་ཞིབ་ཉན་བྱས་ཟིན། ཕ་བཟང་རྗེས་ཀྱི་བུ་རྒོད་ཅིག་རེད་འདུག མཛད་སྤྱོད་ལ་གུས་འདུད་དང་། ཁ་མིག་ཡར་ལྟོས་བྱེད། དུས་མིན་རྐྱེན་འདས་སུ་སོང་བར། མྱ་ངན་དང་། ཁྱིམ་གཞིས་ལ་གདུང་སེམས་མཉམ་བསྐྱེད་ཡོད། ཞོར་དུ་དགེ་རབ་ལ་ཐུགས་རྗེ་ཆེ་ཞུ།
རྔ་བ་རྒྱལ་ཁམས་པ་བཅས་པར། གུས་ཞུ། ད་འདི་གསན་ཐུབ་པ་བྱུང་བ་ནི་ཧ་ཅང་ལེགས། ཁོང་གི་གསུང་འདི་དག་དབྱིན་སྐད་དུ་ཡོད་སྟབས། གང་མང་མང་ལ་འགྲེམས་རོགས་གནོངས། ཐབས་ཤེས་ཡོད་ཚད་ཀྱིས་འགྲེམས་རོགས་གནང་། ཁོང་གི་སྐད་ཆ་འདི་དག་ཅི་ཙམ་གྱིས་བཀྲམས་ན་དེ་ཙམ་གྱིས་ཁོང་གི་དགོངས་བཞེད་འགྲུབ་པ་ལྟ་བུ་ཞིག་གི་ཚོར་བ་སྐྱེས་བྱུང་ལགས།
བཅར་འདྲི་ལ་ཞིབ་ཏུ་ཉན་པ་ཡིན། ཐུགས་རྗེ་ཆེ། ཁོང་གིས་འཛམ་གླིང་ཞི་བདེ་དང། འགྲོ་བ་མིའི་ཐོབ་ཐང། བོད་ཀྱི་རང་བཙན་བཅས་ཀྱི་དོན་དུ་གོམ་བགྲོད་བཅུ་བདུན་ཙམ་གནང་བར་དངོས་གནས་ཡིད་སྨོན་འཆོར་བ་ཞིག་རེད། ད་དུང་ཁོང་གིས་བོད་མི་ཡོད་དོ་ཅོག་མཐུན་སྒྲིལ་བྱེད་དགོས་པ་དང་གཞོན་སྐྱེས་ཚོས་འགན་འཁུར་དགོས་པར་གསུངས་བ་ནི་ང་ཚོས་ངེས་པར་དུ་ལེན་དགོས་པའི་བསླབ་བྱའི་སྙིང་པོ་རེད་འདུག ཁོང་ལ་མྱ་ངན་གུས་འདུད་ཞུ་ཞུ།
ང་རང་དབུ་མའི་ལམ་ལ་རྒྱབ་སྐྱོར་བ་ཅིག་ཡིན་ན་ཡང་། ༸སྐུ་ཚ་འཇིགས་མེད་ནོར་བུ་ལགས་དང་། བསྟན་འཛིན་འཇམ་དབྱངས་ལགས་གཉིས་ནི། བོད་རང་བཙན་གོམ་བགྲོད་ཀྱི་འཆི་བ་མེད་པའི་སྙན་གྲགས་འཛམ་གླིང་ཕྱོགས་ཀུན་ཏུ་འབར་འགྱུར་ཅིག །
བཅར་འདྲི་ལ་ཉན་པ་ཡིན། ད་དུང་གཞོན་ལྷན་དང་སྒྲིག་འཛུགས་གཞན་གྱིས་རྗེས་དྲན་བྱེད་ཀྱི་ཡོད་པ་དེར། ཁོང་གི་བསམ་ཚུལ་འདི་དབུས་སུ་བཞག་ནས་གླེང་ཐུབ་ན། དྲན་ཐུབ་ན་རང་གཞན་ཚང་མ་ཕན་ས་རེད་ལ། ཁ་ལག་འགལ་ཟླར་གྱུར་བའི་ལབ་རྐྱ་ཚོར་དེ་བས་ཀྱང་མིག་དཔེ་བསྟན་སོང། རང་བཙན་དོན་གཉེར་པའི་བྱུང་རབས་ཁྲོད་ཀྱི་ཐུབ་བསྟན་དངོས་གྲུབ་གཉིས་པ་དེ་ཨ་རིའི་བཙན་བྱོལ་བོད་མིའི་ཁྲོད་ནས་འཁྲུངས་སོང། ས་གནས་བོད་རིགས་ཚོགས་པས་ཨ་རིའི་ས་ཆ་ཆུང་ཆུང་ཞིག་རག་ཐབས་ཀྱིས་ཁོང་ཉིད་ཀྱིས་དར་ཆ་གྱོན་ནས། མོ་ཏས་བརྫུས་པའི་སྣང་བརྙན་ཞིག་བཟོ་ཐུབ་ན་ཅི་ལ་མི་ཕན་ནམ།
ཡིན་ནའང། ངས་ཁ་ཚོན་གཅོད་མི་ཐུབ་པ་ཞིག་དང་དོན་མི་གོ་བ་ཞིག་ནི། ཁོང་གི་ཡབ་དམ་པའི་དགོངས་གཞི་ཟབ་མོའི་ཀློང་གི་ཁྱིམ་བརྒྱུད་ཆེན་མོ་གསུམ་ཟེར་བའི་དོན་དེ་ད་དུང་རྟོགས་ཀྱི་མི་འདུག་མོད། སྐད་ཆ་དེ་བེད་སྤྱོད་ཀྱིས་ཕུང་དཀྲུག་བྱེད་མཁན་ཚོའི་མིག་རྒྱང་མཐོང་སོང། ཡབ་གཞིས་སྟག་མཚེར་ཚང་ནི་བོད་མི་རིགས་འདིའི་ཆེད་དུ་སྲི་ཞུ་རྣམ་དག་སྒྲུབ་པའི་བྱུང་རབས་ངོས་སུ་བྱས་རྗེས་ཆེ་བའི་ཁྱིམ་བརྒྱུད་ཆེན་པོ་ཞིག་ཡིན་པ་དེ་བས་ཀྱང་རྟོགས་ཡོང་གི་འདུག
ཁོང་ཉིད་བདེ་བ་ཅན་ཞེས་ཞིང་ཞིག་ཡོད་པ་དེ་ནས་སྐྱེས་བར་ཤོག
དམ་པ་ཁོང་ལ་མྱ་ངན་ཞུ།
ཡབ་དམ་པས་ཁ་བའི་ལྗོངས་ཀྱི་བདེ་དོན་ཆེད་དུ་གྲོང་དང་གྲོལ་རྡལ་བརྒྱུད་དེ་གོ་ལའི་ཁམས་འདིར་བསྐོར་ཅིང་། ཕ་དམ་པའི་ཞབས་རྗེས་དེད་ནས་བུ་རྒོད་པོ་ཁྱེད་ཀྱི་སྐུ་ཚེ་དེ་ཡང་དེ་ལྟར་ཡལ། ང་ཚོ་ཡ་དྲུག་དེས་གང་བྱས་ནས་ནོངས་པ་ཡིན་ནམ། སོ་སོའི་མི་རིགས་ལ་ཤ་ཞེན་ཅན་རྣམས་འཇིག་རྟེན་འདི་ནས་སྔོན་དུ་རང་ཕེབས་དགོས་ཀྱི་འདུག རྒྱལ་གཅེས་ཀྱི་དཔའ་བོ་རྒྱལ་གྱུར་ཅིག ཁྱོད་ཡབ་སྲས་གཉིས་ཀྱི་བཞེད་དགོངས་བོད་རང་གི་ཉི་མ་མྱུར་དུ་འཆར་བར་ཤོག
དགེ་འདུན་རབ་གསལ་ལགས། ངས་སྲས་འཇིགས་མེད་ནོར་བུ་ལགས་དགོངས་པ་རྫོགས་སྟངས་སྐོར་གསལ་པོར་ཤེས་ཐབས་ཆེད་གྲྭ་རྒྱ་མང་པོར་ཕྱིན་པ་ཡིན། Florida གསར་ཤོག་གཅིག་གི་ནང་འཇིགས་མེད་ལགས་ཀྱི་ནོར་བ་ཡིན་ནམ། ཁ་ལོ་བས་ནོར་བ་ཡིན་གསལ་པོ་མེད་པ་འདྲ་བོ་ཞིག་དང་། ཁ་ལོ་བ་ལ་ཉེས་འཛུགས་བྱས་མེད་པའི་སྐོར་བཤད་འདུག་པས་དེའི་སྐོར་གནས་ཚུལ་གང་འདྲ་ཡིན་ནམ།་
གནས་ཚུལ་དེས་སེམས་པ་ཧ་ཅང་འཕངས་པོ་བྱུང་་ སྲས་འཇིགས་མེད་ནོར་བུ་ལགས་ཀྱི་ཆེད་དུ་མྱ་ངན་ཞུ་རྒྱུ་དང་ ཡབ་གཞིས་སྐུ་འཁོར་རྣམས་ལ་ཐུགས་གསོ་ཞུ་ ཁོང་ཇི་སྲིད་བར་བོད་པ་རྣམས་ཀྱི་སེམས་ལ་གནས་གྱུར་ཅིག
དམ་པ་འཇིགས་མེད་ནོར་བུ་མཆོག་གིས་གོམ་བགྲོད་མཛད་པ། ཡབ་ཆེན་དམ་པ་དེ་ཡི་ཐུགས་དགོངས་ཟབ་མོ། ཕ་བཤུལ་བུ་བཟང་གིས་འཛིན་པ། གང་གི་ཐུགས་དགོངས་བཞིན་དུ་མ་འོངས་པ་ན་རང་ཡུལ་སྐྱེ་དགུ་ཡོད་དོ་ཅོག་རིག་གཞུང་སྐད་ཡིག་དཔལ་འབྱོར་ཕུན་སུམ་ཚོགས་པའི་དཔལ་ལ་སྤྱོད་པར་ཤོག ཅེས་གདུང་སེམས་མཉམ་བསྐྱེད་ཀྱི་ངང་ནས་ཞུ།