སྒོམ་སྡེ་ལྷ་རམས་པ།
འདི་ལ་སྨྱུང་གནས་དང་བསྙུང་གནས་ཞེས་འབྲི་ཚུལ་གཉིས་ཏེ། དོན་ནི་ལྟོགས་སྐོམ་དུ་གནས་ནས་ཆོས་ཀྱི་དཀའ་ཐུབ་བྱེད་པ་ལ་ཟེར།
སྤྱིར་བཏང་ལྟོགས་སྐོམ་དུ་གནས་པ་ཙམ་གྱི་དོན་ལའང་འཇུག སྒྲ་བཤད་ནི། བསྙུང་གནས་ཞེས་པའི་བསྙུང་ནི་ཉུང་དུ་གཏོང་བའམ་ཉུང་བར་བྱེད་པའི་དོན་ཡིན་པས།
ཁ་ཟས་ཉུང་དུ་བཏང་ནས་ཆོས་ཀྱི་ཆེད་དུ་དཀའ་ཐུབ་ལ་གནས་པས་ན་བསྙུང་གནས་ཞེས་བྱའོ། །“ཉ”དང་“མྱ”གཉིས་སྒྲ་གདངས་མཚུངས་པས་སྔོན་གྱི་འབྲི་སྲོལ་ལ་དེ་གཉིས་གདམ་ཀའི་ཚུལ་དུ་འབྲི་བ་ཡོད་དེ། དཔེར་ན། གཉེན་བྱེད་པ་ལ་སྨྱན་བྱེད་པ་དང་། བསྙུང་གནས་ལ་སྨྱུང་གནས། གཉིད་ལམ་ལ་རྨྱིད་ལམ་མམ་རྨྱི་ལམ། ཨ་ཉོག་ལ་ཨ་མྱོག མགོ་ཉང་ཉང་ལ་མགོ་མྱང་མྱང་དང་། བྱ་བརྙངས་ལ་བྱ་རྨྱང་། གཞན་ཡང་“པྱ”དང་“ཅ”གཉིས་སྒྲ་གདངས་མཚུངས་པས་རེས་མོས་ཀྱིས་འབྲི་བའང་ཡོད་དེ། བཅའ་ཁྲལ་ལ་དཔྱ་ཁྲལ་དང་། བཅད་ཤེས་ལ་དཔྱད་ཤེས་ཞེས་འབྲི་བ་ལྟ་བུས་མཚོན་ནོ། །འདི་དག་ནི་གོ་སླ་བ་རྣམས་ཤིན་ཏུ་ལྐོག་གྱུར་དུ་གཏོང་བའི་འབྲི་སྲོལ་ངན་པ་ཞིག་ཡིན་པར་སེམས་སོ། །ཉུང་བར་བྱེད་པའམ་ཉུང་དུ་གཏོང་བ་ལ་བསྙུང་བ། ཉེ་བར་བྱེད་པའམ་ཉེ་རུ་གཏོང་བ་ལ་བསྙེན་པ། ཐིམ་པར་བྱེད་པ་ལ་བསྟིམ། ཐུང་བར་བྱེད་པ་ལ་བསྟུང། ནག་པོར་བྱེད་པ་ལ་གནག ནོར་དུ་འཇུག་པ་ལ་བསྣོར། ནུབ་པར་བྱེད་པ་ལ་བསྣུབ་ཟེར་བ་སོགས་དཔེ་མཚོན་མང་ངོ་། །སྨྱུང་གནས་དང་བསྙུང་གནས་ཞེས་འབྲི་སྲོལ་གཉིས་ལས་བསྙུང་གནས་ཞེས་བྲིས་ན་ཆེས་ལེགས་པར་སེམས་ཏེ། དེ་ལྟར་བྲིས་ན་ཉུང་དུ་གཏོང་བའི་དོན་དུ་གོ་ནུས་ཤིང་། སྨྱུང་གནས་ཞེས་བྲིས་ན་དེ་ལྟར་དུ་གོ་བ་སྟེར་མི་ནུས་པའི་ཕྱིར་རོ། །དེབ་ཐེར་སྔོན་པོ་སོགས་སུ་ཡང་བསྙུང་གནས་ཞེས་སྣང་བ་ལྟར་བྲིས་ན་ལེགས་སོ། །
ཁོ་རེ་སྒོམ་སྡེ། ང་ཚོ་གོ་ནོར་ཁྱོན་ནས་ཐེབས་མེད་དོ། །ཁྱོད་ཀྱིས་སྔ་ས་ནས་རང་གི་དམིགས་ཡུལ་ནི་ཆབ་སྲིད་འཁྲབ་ནས་བོད་ཀྱི་སྐད་ཡིག་གི་ཕུགས་དེ་རྒྱ་གར་ལ་གཏུགས་རྒྱུ་ཡིན་པར་བཤད་ཟིན་པ་མི་དྲན་ནམ། ད་དུང་ང་ཚོ་གོ་ནོར་ཐེབས་འདུག་ཡིན་ན་གཅིག མཆན་ཚང་མ་བསུབ་ནས་ཡང་བསྐྱར་མཁས་མདོག་སྟོན་འདོད་པ་ཡིན་ནམ།
འོ་ན་འདི་ག་རེ་བཤད་ཀྱི་ཡོད། ༼སྐད་ཡིག་གང་ཞིག་ལེགས་སྦྱར་ཟུར་ཆག་པ་ཡིན་ན། སྤོབས་པ་བྱ་འོས་པ་ཞིག་དང་། སྐད་ཡིག་དེ་ཁུངས་ལྡན་ཞིག་ཡིན་པ་མཚོན་ཐུབ། མཁས་དབང་དགེ་འདུན་ཆོས་འཕེལ་དང་། དེང་དུས་ཀྱི་སྐད་ཡིག་ཞིབ་འཇུག་པ་ཚོས་འཛམ་གླིང་གི་སྐད་ཡིག་ཕལ་མོ་ཆེའི་འབྱུང་ཁུངས་དང་མ་ཕྱི་ནི་ལེགས་སྦྱར་ཡིན་པར་བཤད་ཡོད།༽ད་ཁྱོད་ཀྱིས་རྫུན་བཤད་རྒྱུ་མང་སོང་། དེང་དུས་སྐད་ཡིག་ཞིབ་འཇུག་པ་ཚོས་ཨེ་ཤི་ཡའི་སྐད་རིགས་ལ་ལེགས་སྦྱར་དང་ཉེ་བའི་རྒྱ་གར་གྱི་སྐད་རིགས་སོགས་སྡེ་ཚན་གཅིག་དང་། ཉི་ཧོང་དང་ཀོ་རི་ཡ་སོགས་རྒྱ་ནག་གི་སྐད་རིགས་ལ་ཉེ་བ་རྣམས་སྡེ་ཚན་གཉིས། འབར་མ་དང་སོག་སྐད་སོགས་བོད་སྐད་ལ་ཉེ་བ་རྣམས་སྡེ་ཚན་གསུམ་བཅས་ཆེ་ས་ནས་འདི་ལྟར་ལོགས་སུ་ཕྱེས་ཏེ་ཁུངས་སོ་སོར་འདེད་ཀྱིན་ཡོད་པ་ཡོངས་གྲགས་ཡིན་པས་གཞན་ལ་མགོ་སྐོར་མ་ཐོངས་ཤིག ད་དུང་བོད་སྐད་ལེགས་སྦྱར་ལས་བྱུང་རབས་སྐད་ཡིག་ཞིབ་འཇུག་པ་ཚོས་བཤད་ཀི་འདུག་ཡིན་ན་གཅིག
མ་གཞི་གོང་གི་དཔེར་བརྗོད་དེ་ཚོ་ལེགས་སྦྱར་ཟུར་ཆག་པ་ཞེས་པའི་ནང་བཀོད་པ་མ་གཏོགས། ཕལ་ཆེ་བ་ནི་རྒྱ་གར་གྱི་སྐད་ལ་ཉེ་བ་ཙམ་ལས་ལེགས་སྦྱར་དང་ཉེ་ལུགས་མི་འདུག་པས་རང་དོན་བཙན་གྱིས་སྒྲུབ་པའི་ཨུ་ཚུགས་ཅན་ཞིག་རེད་འདུག འོ་ན་ལེགས་སྦྱར་དང་རྒྱ་གར་སྐད་གཉིས་གཅིག་པ་ཡིན་ནམ། མིན་ན། འཇུར་ཏ་དང་ནེའུ་ལེ་སོགས་ལ་ལྟོས། ལེགས་སྦྱར་དང་ཉེ་རབས་འདུག་གམ།
སྔོན་མ་ཁྱོད་ཀྱིས་༼ དུས་ཕྱིས་བོད་སྐད་ནང་པད་ཚལ་དང་། ཇིན་ཚལ། ལ་ཕུག་སོགས་རྒྱའི་སྐད་ཐར་ཐོར་འབྱུང་བ་ཕལ་ཆེར་ནི་ཟས་རིགས་ཀྱི་ཐ་སྙད་ཙམ་དུ་ཟད་དོ། །༽ཞེས་པ་ལ་ངས་༼བོད་ཀྱི་ནག་རྩིས་ལ་མཚོན་ན། ལི། ཁོན། དྭ། ཁེན། ཁམ། གིན། ཟིན། ཟོན་རྣམས་ལེགས་སྦྱར་རེད་དམ། སྨན་ལ་ལྟོས། ཚོན། བཀན། ཆག་གསུམ་ལེགས་སྦྱར་རེད་དམ། ཡང་ན་ཟས་རིགས་ཀྱི་ཐ་སྙད་རེད། ༽ཅེས་དྲིས་པས་ད་ཁྱོད་ཀྱིས་རང་གི་སྐད་ཆར་བཟོ་བཅོས་ཀྱིས་༼ནག་རྩིས་ནང་ཐར་ཐོར་དང་། དེ་བཞིན་གཞན་དང་གཞན་ཐར་ཐོར་འབྱུང་ཡང་། གཞུང་ཆེན་མོའི་ནང་རྒྱ་མིའི་སྐད་ཧ་ལམ་མཐོང་རྒྱུ་མེད། ༽ཅེས་པར་བཤད་འདུག འོན་ཀྱང་ད་དུང་སྨན་ལྷག་འདུག་ད་གྲོགས་པོ། སྨན་གཞུང་གི་ནང་དུ་རྒྱ་སྐད་ཉུང་ཉུང་མིན་པ་ཁྱོད་ཀྱིས་འདིར་བགྲངས་པའི་ཐོ་ལས་མང་ཙམ་ཞིག་ང་ལའང་བགྲང་རྒྱུ་ཡོད་པས་གཟོབས་ཤིག འོན་ཀྱང་ཁྱོད་ཐུགས་རྗེ་ཆེ་ཟེར་མཁན་ཞིག་མ་རེད།
མ་གཞི་བོད་ཀྱི་ལོ་རྒྱུས་སྤྱི་ཡོངས་ལ་བལྟ་གི་ཡོད་དམ། གཞུང་གི་ཆོས་ཚིག་ནང་རྒྱ་སྐད་མི་འདུག་ཅེས་ཁྱོད་ཀྱིས་ཁས་ལེན་ཞིག་བྱ་ཐུབ་བམ། དེ་ལྟར་ནུས་ན་ངས་བོད་ཀྱི་གཞུང་ཆེན་དུ་གསལ་བའི་རྒྱ་སྐད་རྣམས་རིམ་བཞིན་བགྲང་ཆོག ཁྱོད་ལ་ངས་བལྟ་རྒྱ་ཆེ་ཙམ་དང་། བོད་སྤྱི་ཡོངས་ཀྱི་སྐད་ཆ་བཤད་འདོད་ཡོད་ན་ཆོས་ལུགས་གྲུབ་མཐའ་སྤྱི་ཡོངས་ཀྱི་གཞུང་ལ་ལྟོས་ལབ་ཡོད་པ། དེ་མིན་ཁྱོད་རང་ས་མཚམས་ཤིག་ཟུངས་རོགས། དགེ་ལུགས་པའི་གཞུང་ཆེན་ནམ་ཆབ་སྲིད་པ་སྒེར་གྱི་ལྟ་བ་འདྲ་བོར་གཞི་བཟུང་ནས་བཤད་རོགས། དེ་ནི་ཁྱོད་ཀྱི་དམིགས་ཡུལ་ཡིན་པར་གསལ་བསྒྲགས་བྱས་ཟིན་ཡོད་པ།
ད་དུང་ག་རེ་ཟིག ༼གོང་དུ་བཤད་པ་ལྟར་ཕལ་ཆེར་(རྒྱ་སྐད་)ནི་༡༩༤༩ཕྱིས་སུ་བོད་དུ་སླེབས་པའི་ཟས་རིགས་ཀྱི་ཐ་སྙད་ཙམ་དུ་ཟད་དོ།༽ ཡིན་ན་གཅིག ཧེ་ཧེ། སྐུ་མཁྱེན་བོད་ཀྱི་རྒྱལ་རབས་ལ་ལྟོས། འདི་ཚོའི་སྐོར་བཤད་རྒྱུར་དགེ་ལུགས་པའི་མདོ་གཞུང་གཅིག་པུས་ཕན་ཐོགས་ཀྱི་མ་རེད། མི་གསོན་པོར་མ་བཟའ། ང་གཉིས་གཏིང་ཟབ་པོའི་སྐད་ཆ་དེ་དག་མི་བཤད། ༡༩༤༩ སྔོན་གྱི་བོད་པའི་མི་ཆེན་དག་གི་གོ་གནས་ནས་བཟུང་སྟེ། གོས་ལག་དང་། ཁ་ཕོར་ཡན་ཆད་ལ་ལྟོས། དེ་ནས་ཤོད་དང་ངས་བལྟ་ཆོག ཁྱོད་ཀྱིས་བགྲངས་པའི་ཟས་རིགས་པད་ཚལ་ཟེར་བ་རྣམས་རྒྱ་སྐད་ཡིན་མིན་ད་དུང་བལྟ་རྒྱུ་རེད། པད་ཚལ་རྒྱ་སྐད་ཡིན་ན། ནགས་ཚལ་ཡང་ག་བར་འཇོག་རྒྱུ་ཡིན། ད་དུང་གཞན་ཡང་ཡོད།
གང་ལྟར་ངས་ཁྱོད་ལ་བོད་ཀྱི་ཆོས་གཞུང་ནང་ལེགས་སྦྱར་སྐད་ཡོད་པ་དངོས་བདེན་ཡིན་ཡང་བོད་སྐད་ཀྱི་ཁུངས་དེ་ལེགས་སྦྱར་ལ་མ་གཏུགས་ཟེར་ནས་བཤད་ཟིན་ཡོད་པ། ཁྱོད་ཐལ་འགྲོ་གིན་འདུག འདི་ཡང་ཁྱོད་ཀྱིས་བོད་དོན་དུ་བསམ་གྱིན་ཡོད་ན་དྲང་པོའི་ངང་ནས་བརྩོན་དགོས་པ་ལས་རྫུན་མ་བཤད་རོགས།
ད་བསམ་དུས་ཁྱོད་ཀྱི་ཚིག་མཛོད་དེ་ཆོས་ལུགས་གྲུབ་མཐའ་སྒེར་གྱི་ལྟ་བ་འབུར་དུ་སྟོན་ཞོར་དུ་གྲུབ་མཐའ་གཞན་རྣམས་གཉའ་གཅོག་བྱེད་དམ་རྫུན་རེད་མདོག་སྟོན་པའི་ཚིག་ཕུང་ཞིག་ཏུ་ཡིན་ངེས་ཀྱི་དོགས་པའང་ཤར་གྱིན་ཡོད། དེ་ལྟར་ཡིན་ན་ཁྱོད་ཀྱིས་བོད་དོན་མིན་པར་རྒྱ་དོན་བསྒྲུབས་པ་རེད་བསམ་གྱིན་ཡོད།
ཤཱཀྱ་མི་བོ་ལགས། མང་པོ་བཤད་དགོས་ནི་མ་རེད། འཇང་གཡུ་ལྷ་ཐོགས་འགྱུར་གྱི་མཆན་འདི་ལ་ལྟོས་དང་སྒོམ་སྡེ་དང་སྒོམ་སྡེའི་ཀུན་སློང་ཤེས་ནི་རེད། སྒོམ་སྡེ་ལ་ཁྱད་ཆོས་གཅིག་ཡོད། དེ་ནི་གཞན་ལ་ཁྱད་གསོད་དང་བརྙས་སྨོད་ལུང་བ་གང་བྱས་ནས་མཐར་དགོངས་དག་ཙམ་ཡང་ཞུ་མི་དགོས་པར་མ་ཟད། ངན་བྱས་ངོ་སོ་ལ་ཁྱེར་གྱི་ཡོད་པ་འདི་རེད། ངས་སྒོམ་སྡེའི་ཚིག་མཛོད་དང་ཟིན་བྲིས། ཁ་བརྡའི་ནང་གི་མཆན་རྙིང་སོགས་ནས་ཆོས་བརྒྱུད་གཞན་དང་གྲུབ་མཐའ་གཞན་ལ་ཁྱད་གསོད་དང་བརྙས་སྨོད་ལན་བརྒྱར་བྱས་པ་རྣམས་ཕྱོགས་བསྒྲིགས་བྱེད་ཀྱི་ཡོད། བསྒྲིགས་ཚར་རྗེས་དྲ་ཐོག་ཏུ་བཤམས་ཡོང་། དེ་ནས་སྒོམ་སྡེ་ཟེར་བ་འདི་སེམས་དཀར་ཞིག་ཡིན་དང་གཏོར་བཤིགས་གཏོང་མཁན་ཞིག་ཡིན་ཤེས་ཀྱི་རེད།
༢༢༽ འཇང་གཡུ་ལྷ་ཐོགས་འགྱུར་ནས།
སྤྱི་ལོ་ ༢༠༡༠ ཟླ་ ༣ ཚེས་ ༢༦ གི་ཆུ་ཚོད་ ༠ སྐར་མ་ ༡༢
སྒོམ་སྡེའི་སེམས་ལ་འདི་འདྲ་ཞིག་བཟུང་ནས་ རྩོམ་ཡིག་སྤེལ་གི་ཡོད་པ་གསལ་པོ་རེད་ ཁོང་གིས་ཉེ་སྔོན་ཚུལ་ཁྲིམས་མཐར་ཕྱིན་ལ་འདི་འདྲ་ཞིག་བྲིས་འདུག ༼དགེ་ལྡན་ཆོས་འབྱུང་རྙིང་པ་ཚོའི་ནང་དུ་དམར་གསོད་དམག་རྒྱག་དང་དོལ་རྒྱལ་སོགས་ཀྱི་ལོ་རྒྱུས་གང་མང་ཡོད་པ་རེད་མོད། འདས་པ་འདས་ཚར་བ་རེད། དེ་ཡང་ཡང་གླེང་ན་ཆོ་ཡོད་པ་མ་རེད། ཁོང་ཚོས་ལོ་རྒྱུས་སྡུག་པོ་དེ་ཚོ་གླེང་ནས་ངའི་མགོ་ལ་གཞུ་སྤྱད་བྱེད་ཀྱི་འདུག ང་ལ་ལན་རྒྱག་རྒྱུ་མེད་སྟབས་སྐབས་རེ་ངོ་ཚ་བ་དང་སྐབས་རེ་སེམས་པ་ཡང་སྐྱོ་གི་འདུག ངས་སྐྱུགས་བྲོ་བའི་ལོ་རྒྱུས་དེ་ཚོ་གཅིག་ཀྱང་མེད་པའི་དགེ་ལུགས་ཆོས་འབྱུང་ཡག་པོ་ཞིག་འབྲི་དགོས་བསམ་བཞིན་ཡོད། འོན་ཀྱང་ད་རུང་དགེ་ལུགས་ཚིག་མཛོད་བྲིས་ཚར་མེད་པ་དང་། ངས་ཆོས་འབྱུང་གསར་བ་བྲིས་རུང་ཆོས་འབྱུང་རྙིང་པ་ཚོ་ནི་རང་འཇག་ལ་ཡོད་པས་ཕན་ཐོག་ཀྱང་ཅང་མེད་པ་འདྲ། ད་ཅི་བྱ། བོད་ལ་དགེ་ལུགས་གཅིག་པོ་མ་གཏོགས་ཕན་མི་ཐོག་པའི་ཆོས་བརྒྱུད་ཉ་ཉོག་གཞན་པ་དེ་ཚོ་གཅིག་ཀྱང་མེད་ན་ཆོས་བརྒྱུད་གཅིག་གྱུར་ཡིན་པས་རྙོག་དྲ་གང་ཡང་མེད་པ་དང་། བོད་རིགས་ཀྱི་སྟོབས་ཤུགས་གཅིག་སྒྲིལ་ལ་ཡང་ཕན་གྱི་རེད། བོད་ཀྱི་འཐབ་རྩོད་ལ་ཡང་ཕན་གྱི་རེད།༽
ད་འཇང་གཡུ་ལྷ་དང་ཤཱཀྱ་མི་བོ་ཚུལ་ཁྲིམས་མཐར་ཕྱིན་སོགས་ཀྱི་མཆན་ལ་ལྟོས་ན་སྒོམ་སྡེའི་དགོངས་འདག་ཞུ་རེན་རེད་ ང་ཚོ་གློགས་པ་པོ་ཡིན་ན་ཡང་ངོ་ཚ་ནས་འབར་འགྲོ་གི
དེ་མིན་འདི་ནས་དྲ་རྒྱ་ཚོའི་ནང་ལ་ཆོས་ལུགས་ཕྱོགས་རེས་དང་ཆོལ་ཁ་རྩོད་གླེང་གི་ཟིན་བྲིས་མི་སྤེལ་བའི་རེ་བ་ཡིན་ ང་གང་ཟག་སྒེར་པ་ཞིག་གི་ངེས་ནས་རེ་བསྐུལ་ཙམ་ཞུས་པ་ཡིན་
བོད་མི་རིགས་ཀྱི་སྙིང་ཁམས་ནག་པོར་གཏོང་མཁན་གྱི་དྲ་འབུ་འདི་ཚོ་ཆ་མ་ཟིང་། ག་དུས་ཡིན་ཡང་རྙོག་ཁྲ་སློང་ཡ་ཞིག་མ་གཏོགས་མེད་པ་ཅི་ཡིན་ནམ།
དེང་དུས་སྐྱེས་པ་ཕོ་མོ་ཚོ། སྐམ་པོ་བཟོ་དགོས་ན། སྨྱུང་གནས་བསྡད་ན། ཡག་པོ་ཡོད་རེད། འདི་ཕྱི་གཉིས་ཕན་རེད།
ནག་པོར་བྱེད་པ་ལ་བསྣོར་ཟེར་བ་ནི་ཁྱེད་ཀྱིས་གླེན་རྟགས་བསྟན་པ་རེད།
གལ་ཏེ་དེ་འདྲ་ཞིག་ཡོད་ན་བསྣོག་ཡིན་རྒྱུ་རེད།
སྒོམ་སྡེ་ཟེར་བ་ལགས། ད་རིག་རྡིབ་ཆགས་པ་ཡིན་ས་རེད།
གཟབ་གཟབ་བྱ་རོགས།
ཁྱོད་རང་མེད་ན་ཟིན་བྲིས་རྣམས་སུ་རྩོད་གཞི་ཡང་ཡོང་ས་མ་རེད།
ཧ་ཧ་ཧ་ཧ།
ནོར་བུ་ཚེ་རིང་ལགས།
སྐུ་མཁྱེན་ཡག་པོ་ཞིག་གཟིགས་རོགས། ངས་ནག་པོར་བྱེད་པ་ལ་གནག ནོར་དུ་འཇུག་པ་ལ་བསྣོར་ཞེས་བྲིས་ཡོད་ལགས།