སྦྲ་རིགས་ཐོགས་མེད། (ལྡི་ལི་གཙུག་ལག་སློབ་གླིང་།)
ཕ་ཡུལ་དང་ཁ་བྲལ་བའི་ལོ་ངོ་འདི་དག
ཕ་མ་དང་ཐུག་འཕྲད་མ་བྱུང་བའི་ལོ་ངོ་འདི་དག
ལོ་ངོ་འདི་དག་ནི། ཡུལ་གྱར་བ་ཞིག་ལ་མཚོན་ན།
མུན་ནག་དང་མིག་ཆུས་བྲིས་པའི་ཉིན་ཐོ་རེ་རེ་ཡིན་ངེས།
རེ་སྒུག་དང་རྨི་ལམ་གྱིས་བསྐྲུན་པའི་ལོ་ངོ་ཧྲིལ་བོ་དགུའི་རྗེས་སུ།
ལོ་ངོ་དགུའི་རྗེས་ཀྱི་དེ་རིང་། བདག་གིས་སྤྲིན་གསེབ་ནས་རང་གི་ཕ་ཡུལ་ལ་རྒྱང་ལྟ་བྱས།
སྐྱ་མདོག་ཤོར་བའི་དགུན་དུས་ཀྱི་རི་ལུང་དང་།
ཁ་བས་བཀླུབས་པའི་རྔམ་བརྗིད་ཀྱི་རི་ཚོགས།
ད་དུང་། ཁ་བཏགས་འཐེན་འདྲའི་ཆུ་བོ་ཆེ་ཆུང་དག
ཡོད་ཚད་ཅི་ཞིག་གི་འཇིགས་སྐྲག་འོག་ཁུ་སིམ་མེར་མནན་འདུག
ཞོགས་པའི་གསེར་མདོག་གི་ཉི་འོད་འོག་ཏུ།
གསལ་ལ་མི་གསལ་བའི་གྲོང་དང་གྲོང་བརྡལ།
སྨུག་ཞགས་འོག་གི་གྲོང་ཁྱེར་དང་གཞུང་ལམ།
དེ་རིང་གི་མེ་ལྕེའི་གཡོགས་པའི་ངའི་ཕ་ཡུལ།
དེ་རིང་གི་མེ་རུ་འཚིག་བཞིན་པའི་ངའི་ཕ་ཡུལ།
སྤྲིན་པ་འདི་དང་ནམ་མཁའ་འདིའི་འོག་ཏུ།
ཅི་ཞིག་གིས་ཆུར་མིད་གཏོང་བཞིན་པ་དང་མཚུངས་ཨང་།
ཅི་ཞིག་གིས་རྩ་གཏོར་གཏོང་བཞིན་པ་དང་འདྲ་ཨང་།
གོམ་ཁ་གར་སྤོ་ན་འདི་ལྟར་འབྲི་བཞིན་སྐྱོད་པར་བསྔགས་སོ།།
རྟ་གོམ་པ་ཅན་ལ་ལྕགས་གཅིག་་་་་་་་་བུ་རེ་བ་ཅན་ལ་རེ་བཞག་་་་་་་་་འདི་ཚོ་གོ་རྒྱུ་ཡོད་ཁུ་་་་་་་་་་་་་
ཆུར་མིད་ཅེས་པ་ག་རེ་རེད། བོད་ཡིག་གི་ཆུ་ཚད་འདི་རེད་པས། ལྡི་ལི་གཙུག་ལག་ཡིན་ཅིག གཙུག་ལག་ཟེར་བ་དེ་ག་བར་སྦྱར་སྦྱར་མ་རེད་དཱ། ཧ་གོ་སོང་ངེ་།
ཚིག་ལ་སྙན་ཆ་འདུག དོན་ལ་ལྗིད་ཚད་འདུག འོན་ཏང་ལག་ལེན་ནི་ཆེས་ཧ་ཅང་ལྐོག་གྱུར་ཞིག་མ་ཡིན་ནམ
དགའ་བསུ་ཞུ་རྒྱུ་དང་བསྒྲགས་མུ་འཐུད་ནས་སྤེར་བའི་རེ་བ་ཡོད།